|
28.4.2011 |
MT |
Il-Ġurnal Uffiċjali tal-Unjoni Ewropea |
L 108/21 |
REGOLAMENT TAL-KUMMISSJONI (UE) Nru 408/2011
tas-27 ta’ April 2011
li jimplimenta r-Regolament (KE) Nru 1185/2009 tal-Parlament Ewropew u tal-Kunsill dwar l-istatistika li tikkonċerna l-pestiċidi, fir-rigward tal-format tat-trażmissjoni
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1185/2009 tal-Parlament Ewropew u tal-Kunsill tal-25 ta’ Novembru 2009 dwar l-istatistika li tikkonċerna l-pestiċidi (1), u b'mod partikolari l-Artikolu 5(1) tiegħu,
Billi:
|
(1) |
Ir-Regolament (KE) Nru 1185/2009 jistabbilixxi qafas ġdid għall-produzzjoni tal-istatistika Ewropea dwar il-bejgħ u l-użu tal-pestiċidi. |
|
(2) |
Skont l-Artikolu 3(3) tar-Regolament (KE) Nru 1185/2009, l-Istati Membri għandhom jittrażmettu d-dejta statistika f'forma elettronika, b'mod konformi mal-format tekniku xieraq li għandu jiġi adottat mill-Kummissjoni. |
|
(3) |
Biex tiġi żgurata l-kunfidenzjalità, se tiġi inkluża fil-fajl tat-trażmissjoni bandiera li tindika jekk l-informazzjoni mgħoddija dwar is-sustanza, il-klassi kimika, il-kategorja tal-prodott jew grupp maġġuri hijiex kunfidenzjali jew le. |
|
(4) |
Il-miżuri stipulati f'dan ir-Regolament huma skont l-opinjoni tal-Kumitat Ewropew tas-Sistema tal-Istatistika, |
ADOTTAT DAN IR-REGOLAMENT:
Artikolu 1
L-Istati Membri għandhom jittrażmettu d-dejta statistika dwar it-tqegħid fis-suq tal-pestiċidi kif imfisser fl-Anness I tar-Regolament (KE) Nru 1185/2009 permezz tal-format tad-Dejta Statistika u l-Metadata eXchange (SDMX). Id-dejta għandha tintbagħat fil-punt uniku tad-dħul tad-dejta fil-Eurostat jew tittella' hemmhekk b'mezzi elettroniċi.
L-Istati Membri għandhom jittrażmettu d-dejta meħtieġa b'konformità mal-ispeċifikazzjonijiet tekniċi relatati pprovduti mill-Kummissjoni (Eurostat).
Artikolu 2
Il-format tekniku għat-trażmissjoni tad-dejta lejn il-Kummissjoni (Eurostat) huwa mfisser fl-Anness.
Artikolu 3
Dan ir-Regolament għandu jidħol fis-seħħ fl-għoxrin jum mindu jkun ġie ppubblikat f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ April 2011.
Għall-Kummissjoni
Il-President
José Manuel BARROSO
(1) ĠU L 324, 10.12.2009, p. 1.
ANNESS
Format għat-trażmissjoni ta’ dejta statistika dwar it-tqegħid fis-suq ta’ pestiċidi
L-informazzjoni li ġejja għandha tkun inkluża fil-fajls tat-trażmissjoni:
|
Għadd |
Qasam |
Rimarki |
|
1 |
Pajjiż |
Kodiċi 3-alfa (eż. FRA) |
|
2 |
Sena |
eż. 2010 |
|
3 |
Grupp maġġuri |
Kodiċi elenkati fl-Anness III tar-Regolament (KE) Nru 1185/2009, skont l-aħħar aġġornament |
|
4 |
Kategoriji ta’ prodotti |
|
|
5 |
Klassi kimika |
|
|
6 |
Sustanza |
|
|
7 |
Għall-oqsma nnumerati 3, 4, 5 u 6, il-kwantità mibjugħa |
Gћandha tiġi espressa f’kilogrammi ta’ sustanzi. |
|
8 |
Għall-oqsma nnumerati 3, 4, 5 u 6, il-bandiera dwar il-kunfidenzjalità |
Iva/le |