REGOLAMENT TAL-KUMMISSJONI (UE) Nru 214/2011

tat-3 ta' Marzu 2011

li jemenda l-Annessi I u V tar-Regolament (KE) Nru 689/2008 tal-Parlament Ewropew u tal-Kunsill dwar l-esportazzjoni u l-importazzjoni ta’ sustanzi kimiċi perikolużi

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 689/2008 tal-Parlament Ewropew u tal-Kunsill tas-17 ta’ Ġunju 2008 dwar l-esportazzjoni u l-importazzjoni ta’ sustanzi kimiċi perikolużi (1), u b’mod partikolari l-Artikolu 22(4) tiegħu,

Billi:

(1)

Ir-Regolament (KE) Nru 689/2008 jimplimenta l-Konvenzjoni ta’ Rotterdam dwar il-Proċedura ta’ Kunsens Infurmat bil-Quddiem għal ċerti kimiċi u pestiċidi perikolużi fil-kummerċ internazzjonali, iffirmata fil-11 ta’ Settembru 1998 u approvata, f’isem il-Komunità, permezz tad-Deċiżjoni tal-Kunsill 2003/106/KE (2).

(2)

L-Anness I tar-Regolament (KE) Nru 689/2008 għandu jiġi emendat sabiex titqies l-azzjoni regolatorja li ttieħdet fir-rigward ta’ ċerti sustanzi kimiċi skont id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (3), id-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegħid fis-suq tal-prodotti bijoċidali (4) u r-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (5).

(3)

L-Anness V tar-Regolament (KE) Nru 689/2008 għandu jiġi emendat biex jitqiesu d-deċiżjonijiet li ttieħdu fir-rigward ta’ ċerti sustanzi kimiċi taħt il-Konvenzjoni ta’ Stokkolma dwar pollutanti organiċi persistenti (il-Konvenzjoni ta’ Stokkolma), iffirmata fit-22 ta’ Mejju 2001 u approvata, f’isem il-Komunità, bid-Deċiżjoni tal-Kunsill 2006/507/KE (6) u azzjoni regolatorja sussegwenti li ttieħdet fir-rigward ta’ dawk is-sustanzi kimiċi skont ir-Regolament (KE) Nru 850/2004 tal-Parlament Ewropew u tal-Kunsill tad-29 ta’ April 2004 dwar pollutanti organiċi persistenti u li jemenda d-Direttiva 79/117/KEE (7). L-Anness V għandu wkoll jiġi emendat biex jirrifletti l-azzjoni regolatorja li ttieħdet biex tipprojbixxi l-esportazzjoni ta’ ċerti sustanzi kimiċi għajr il-pollutanti organiċi persistenti.

(4)

Is-sustanzi difenilammina, triażossidu u triflumuron ma ġewx inklużi bħala sustanzi attivi fl-Anness I għad-Direttiva 91/414/KEE, bl-effett li dawk is-sustanzi attivi huma pprojbiti għall-użu fil-pestiċidi u għalhekk għandhom jiġu miżjuda mal-listi ta’ sustanzi kimiċi li jinsabu fil-Partijiet 1 u 2 tal-Anness I tar-Regolament (KE) Nru 689/2008. Minħabba li tressqu applikazzjonijiet ġodda li se jkunu jeħtieġu deċiżjonijiet ġodda dwar l-inklużjoni fl-Anness I tad-Direttiva 91/414/KEE, iż-żieda mal-lista ta’ sustanzi kimiċi li tinsab fil-Parti 2 tal-Anness I tar-Regolament (KE) Nru 689/2008 ma għandhiex tiġi applikata sakemm jiġu adottati d-deċiżjonijiet il-ġodda dwar l-istatus ta’ dawk is-sustanzi kimiċi.

(5)

Is-sustanzi bifentrin u metam ma ġewx inklużi bħala sustanzi attivi fl-Anness I tad-Direttiva 91/414/KEE; f’dak li jirrigwarda d-Direttiva 98/8/KE dawk is-sustanzi ġew identifikati u nnotifikati għall-evalwazzjoni. B’riżultat ta’ dan, is-sustanzi bifentrin u metam huma severament ristretti għall-użu bħala pestiċidi billi l-użu taż-żewġ sustanzi huwa pprojbit kważi kompletament minkejja l-fatt li jistgħu jibqgħu jiġu awtorizzati mill-Istati Membri sakemm tittieħed deċiżjoni skont id-Direttiva 98/8/KE. Għalhekk huwa xieraq li s-sustanzi bifentrin u metam jiġu miżjuda mal-lista ta’ sustanzi kimiċi li tinsab fil-Partijiet 1 u 2 tal-Anness I tar-Regolament (KE) Nru 689/2008. Minħabba li tressqu applikazzjonijiet ġodda li se jkunu jeħtieġu deċiżjonijiet ġodda dwar l-inklużjoni fl-Anness I tad-Direttiva 91/414/KEE, iż-żieda mal-lista ta’ sustanzi kimiċi li tinsab fil-Parti 2 tal-Anness I tar-Regolament (KE) Nru 689/2008 ma għandhiex tiġi applikata sakemm jiġu adottati d-deċiżjonijiet il-ġodda dwar l-istatus ta’ dawk is-sustanzi kimiċi.

(6)

Is-sustanza karbosulfan ma ġietx inkluża bħala sustanza attiva fl-Anness I tad-Direttiva 91/414/KEE, bl-effett li s-sustanza karbosulfan hija pprojbita għall-użu fil-pestiċidi u għalhekk għandha tiġi miżjuda mal-listi ta’ sustanzi kimiċi li jinsabu fil-Partijiet 1 u 2 tal-Anness I tar-Regolament (KE) Nru 689/2008. Iż-żieda tas-sustanza karbosulfan mal-Parti 2 tal-Anness I ġiet sospiża minħabba applikazzjoni ġdida għall-inklużjoni fl-Anness I tad-Direttiva 91/414/KEE mressqa skont l-Artikolu 13 tar-Regolament tal-Kummissjoni (KE) Nru 33/2008 tas-17 ta’ Jannar 2008 li jistipula regoli dettaljati għall-applikazzjoni tad-Direttiva tal-Kunsill 91/414/KEE fir-rigward ta’ proċedura regolari u aċċellerata għall-valutazzjoni ta’ sustanzi attivi li kienu jagħmlu parti mill-programm ta’ ħidma msemmi fl-Artikolu 8(2) ta’ dik id-Direttiva iżda li ma ġewx inklużi fl-Anness I tagħha (8). Minħabba li din l-applikazzjoni l-ġdida ġiet irtirata mill-applikant, ir-raġuni għas-sospensjoni taż-żieda fil-Parti 2 tal-Anness I ma baqgħetx valida. Għalhekk, is-sustanza karbosulfan għandha tiġi miżjuda mal-lista ta’ sustanzi kimiċi li tinsab fil-Parti 2 tal-Anness I tar-Regolament (KE) Nru 689/2008.

(7)

Is-sustanza trifluralin ma ġietx inkluża bħala sustanza attiva fl-Anness I tad-Direttiva 91/414/KEE, bl-effett li s-sustanza trifluralin hija pprojbita għall-użu fil-pestiċidi u għalhekk għandha tiġi miżjuda mal-listi ta’ sustanzi kimiċi li jinsabu fil-Partijiet 1 u 2 tal-Anness I tar-Regolament (KE) Nru 689/2008. Iż-żieda tas-sustanza trifluralin mal-Parti 2 tal-Anness I ġiet sospiża minħabba applikazzjoni ġdida għall-inklużjoni fl-Anness I tad-Direttiva 91/414/KEE mressqa skont l-Artikolu 13 tar-Regolament (KE) Nru 33/2008. Din l-applikazzjoni l-ġdida għal darb’oħra rriżultat fid-deċiżjoni li s-sustanza trifluralin ma tiġix inkluża bħala sustanza attiva fl-Anness I tad-Direttiva 91/414/KEE bl-effett li s-sustanza trifluralin tibqa’ pprojbita għall-użu fil-pestiċidi u r-raġuni għas-sospensjoni taż-żieda mal-Parti 2 tal-Anness I ma baqgħetx valida. Għalhekk, is-sustanza trifluralin għandha tiġi miżjuda mal-lista ta’ sustanzi kimiċi li tinsab fil-Parti 2 tal-Anness I tar-Regolament (KE) Nru 689/2008.

(8)

Is-sustanza klortal-dimetil ma ġietx inkluża bħala sustanza attiva fl-Anness I tad-Direttiva 91/414/KEE, bl-effett li s-sustanza klortal-dimetil hija pprojbita għall-użu fil-pestiċidi u għalhekk għandha tiġi miżjuda mal-listi ta’ sustanzi kimiċi li jinsabu fil-Partijiet 1 u 2 tal-Anness I tar-Regolament (KE) Nru 689/2008.

(9)

Is-sustanzi kimiċi klordekon, eżabromobifenil, eżakloroċikloeżani, lindan u etere tal-pentabromodifenil se jiġu miżjuda mal-lista ta’ sustanzi kimiċi li huma pprojbiti għall-esportazzjoni inklużi fil-Parti 1 tal-Anness V tar-Regolament (KE) Nru 689/2008. Għalhekk, ma għadx hemm il-ħtieġa li dawk is-sustanzi kimiċi jinżammu fil-Partijiet 1 u 2 tal-Anness I ta’ dak ir-Regolament u konsegwentement l-entrati għandhom jitħassru.

(10)	Is-sustanzi kimiċi eżabromobifenil, eżakloroċikloeżan (HCH) u lindan diġà huma elenkati fil-Parti 3 tal-Anness I tar-Regolament (KE) Nru 689/2008. Iż-żieda tagħhom mal-Parti 1 tal-Anness V ta’ dak ir-Regolament għandha għalhekk tkun riflessa fil-Parti 3 tal-Anness I.

(11)

Ir-Regolament tal-Kummissjoni (UE) Nru 757/2010 tal-24 ta’ Awwissu 2010 li jemenda r-Regolament (KE) Nru 850/2004 tal-Parlament Ewropew u tal-Kunsill dwar pollutanti organiċi persistenti fir-rigward tal-Annessi I u III (9) jimplimenta deċiżjonijiet meħuda skont il-Konvenzjoni ta’ Stokkolma biex il-klordekon, il-pentaklorobenżen, l-eżabromobifenil, l-eżakloroċikloeżani, il-lindan, l-etere tat-tetrabromodifenil, l-etere tal-pentabromodifenil, l-etere tal-eżabromodifenil u l-etere tal-ettabromodifenil jiġu elenkati fil-Parti 1 tal-Anness A tal-Konvenzjoni ta’ Stokkolma billi dawk is-sustanzi kimiċi jiġu miżjuda mal-Parti A tal-Anness I tar-Regolament (KE) Nru 850/2004. Konsegwentement, dawk is-sustanzi kimiċi għandhom jiġu miżjuda mal-Parti 1 tal-Anness V tar-Regolament (KE) Nru 689/2008.

(12)

Ir-Regolament (KE) Nru 1102/2008 tal-Parlament Ewropew u tal-Kunsill tat-22 ta’ Ottubru 2008 dwar il-projbizzjoni tal-merkurju metalliku u ta’ ċerti komposti u taħlitiet tal-merkurju u l-ħżin sikur tal-merkurju metalliku (10) jipprojbixxi l-esportazzjoni tal-merkurju metalliku u ċerti komposti u taħlitiet tal-merkurju mill-Unjoni Ewropea għal pajjiżi terzi. Konsegwentement, dawk is-sustanzi kimiċi għandhom jiġu miżjuda mal-lista ta’ sustanzi kimiċi li tinsab fil-Parti 2 tal-Anness V tar-Regolament (KE) Nru 689/2008. Barra minn hekk, l-entrata għall-komposti tal-merkurju fil-Parti 1 tal-Anness I għandha tiġi emendata biex tirrifletti l-projbizzjoni tal-esportazzjoni ta’ ċerti komposti tal-merkurju u l-istatus attwali tal-komposti tal-merkurju skont id-Direttiva 98/8/KE.

(13)	L-Annessi I u V tar-Regolament (KE) Nru 689/2008 għandhom għalhekk jiġu emendati skont dan.

(14)	Sabiex jitħalla biżżejjed żmien għall-Istati Membri u l-industrija biex jieħdu l-miżuri neċessarji għall-implimentazzjoni ta’ dan ir-Regolament, l-applikazzjoni tiegħu għandha tiġi ddifferita.

(15)	Il-miżuri previsti f’dan ir-Regolament huma skont l-opinjoni tal-Kumitat stabbilit bl-Artikolu 133 tar-Regolament (KE) Nru 1907/2006,

ADOTTAT DAN IR-REGOLAMENT:

Artikolu 1

Ir-Regolament (KE) Nru 689/2008 huwa emendat kif ġej:

(1)	L-Anness I huwa emendat skont l-Anness I ta’ dan ir-Regolament.

(2)	L-Anness V huwa emendat skont l-Anness II ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Mejju 2011.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta’ Marzu 2011.

Għall-Kummissjoni

Il-President

José Manuel BARROSO

(1) ĠU L 204, 31.7.2008, p. 1.

(2) ĠU L 63, 6.3.2003, p. 27.

(3) ĠU L 230, 19.8.1991, p. 1.

(4) ĠU L 123, 24.4.1998, p. 1.

(5) ĠU L 396, 30.12.2006, p. 1.

(6) ĠU L 209, 31.7.2006, p. 1.

(7) ĠU L 158, 30.4.2004, p. 7.

(8) ĠU L 15, 18.1.2008, p. 5.

(9) ĠU L 223, 25.8.2010, p. 29.

(10) ĠU L 304, 14.11.2008, p. 75.

ANNESS I

L-Anness I tar-Regolament (KE) Nru 689/2008 huwa emendat kif ġej:

(1)

Il-Parti 1 hija emendata kif ġej:

(a)

għandhom jiżdiedu l-entrati li ġejjin:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Bifentrina	82657-04-3		2916 20 00	p(1)	b
Klortal-dimetil +	1861-32-1	217-464-7	2917 39 95	p(1)	b
Difenilammina	122-39-4	204-539-4	2921 44 00	p(1)	b
Metam	144-54-7 137-42-8	205-632-2 205-239-0	2930 20 00	p(1)	b
Triażossidu	72459-58-6	276-668-4	2933 29 90	p(1)	b
Triflumuron	64628-44-0	264-980-3	2924 29 98	p(1)	b”

(b)

l-entrata għall-komposti tal-merkurju hija sostitwita b'dan li ġej:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Komposti tal-merkurju, inklużi komposti tal-merkurju inorganiċi, komposti tal-alkilmerkurju u komposti tal-alkilossialkil u tal-aril merkurju għajr komposti tal-merkurju elenkati fl-Anness V #	62-38-4, 26545-49-3 u oħrajn	200-532-5, 247-783-7 u oħrajn	2852 00 00	p(1)-p(2)	b-b	Jekk jogħġbok irreferi għaċ-ċirkolari PIC fuq www.pic.int/”

(c)

l-entrata għall-bifenili polibrominati hija sostitwita b'dan li ġej:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Bifenili po-librominati (PBB) għajr eżabromobifenil #	13654-09-6, 27858-07-7 u oħrajn	237-137-2, 248-696-7 u oħrajn	2903 69 90	i(1)	sr	Jekk jogħġbok irreferi għaċ-ċirkolari PIC fuq www.pic.int/”

(d)

l-entrata li ġejja titħassar:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Klordekon	143-50-0	205-601-3	2914 70 00	p(2)	sr”

(e)

l-entrata li ġejja titħassar:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Etere tal-pentabromodi-fenil +	32534-81-9	251-084-2	2909 30 31	i(1)	sr”

(f)

l-entrata li ġejja titħassar:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“HCH/Eża-kloroċikloeżan (isomeri mħallta) #	608-73-1	210-168-9	2903 51 00	p(1) - p(2)	b - sr	Jekk jogħġbok irreferi għaċ-ċirkolari PIC fuq www.pic.int/”

(g)

l-entrata li ġejja titħassar:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Lindan (γ-HCH) #	58-89-9	200-401-2	2903 51 00	p(1) - p(2)	b - sr	Jekk jogħġbok irreferi għaċ-ċirkolari PIC fuq www.pic.int/”

(2)

Il-Parti 2 hija emendata kif ġej:

(a)

għandhom jiżdiedu l-entrati li ġejjin:

Sustanza kimika	Nru CAS	Nru Einecs	Kodiċi NM	Kategorija (*)	Limitazzjoni tal-użu (**)
“Karbosulfan	55285-14-8	259-565-9	2932 99 00	p	b
Klortal-dimetil	1861-32-1	217-464-7	2917 39 95	p	b
Trifluralin	1582-09-8	216-428-8	2921 43 00	p	b”

(b)

l-entrata li ġejja titħassar:

Sustanza kimika	Nru CAS	Nru Einecs	Kodiċi NM	Kategorija (*)	Limitazzjoni tal-użu (**)
“Etere tal-pentabromodi-fenil	32534-81-9	251-084-2	2909 30 31	i	sr”

(3)

Il-Parti 3 hija emendata kif ġej:

(a)

l-entrata għal HCH (isomeri mħallta) hija sostitwita b’dan li ġej:

Sustanza kimika

Numru(i) CAS rilevanti

Kodiċi HS

Sustanza pura

Kodiċi HS

Taħlitiet, preparazzjonijiet li jkun fihom is-sustanza

Kategorija

“HCH (isome-ri mħallta) (*)

608-73-1

2903.51

3808.50

Pestiċida”

(b)

l-entrata għal-lindan hija sostitwita b'dan li ġej:

Sustanza kimika

Numru(i) CAS rilevanti

Kodiċi HS

Sustanza pura

Kodiċi HS

Taħlitiet, preparazzjonijiet li jkun fihom is-sustanza

Kategorija

“Lindan (*)

58-89-9

2903.51

3808.50

Pestiċida”

(c)

l-entrata għall-bifenili polibrominati (PBB) hija sostitwita b'dan li ġej:

Sustanza kimika

Numru(i) CAS rilevanti

Kodiċi HS

Sustanza pura

Kodiċi HS

Taħlitiet, preparazzjonijiet li jkun fihom is-sustanza

Kategorija

“Bifenili polibrominati (PBB)

—	(eża-) (*)

36355-01-8

—

3824.82

Industrijali”

—

(otta-)

27858-07-7

—

(deka-)

13654-09-6

ANNESS II

L-Anness V tar-Regolament (KE) Nru 689/2008 huwa emendat kif ġej:

(1)

Fil-Parti 1 għandhom jiżdiedu l-entrati li ġejjin:

Deskrizzjoni ta' sustanzi kimiċi/oġġett(i) soġġett(i) għal projbizzjoni ta' esportazzjoni	Dettalji addizzjonali, fejn rilevanti (eż. isem is-sustanza kimika, Nru KE, Nru CAS, eċċ.)
	“Klordekon	Nru KE 205-601-3 Nru CAS 143-50-0 Kodiċi NM 2914 70 00
	Pentaklorobenżen	Nru KE 210-172-5 Nru CAS 608-93-5 Kodiċi NM 2903 69 90
	Eżabromobifenil	Nru KE 252-994-2 Nru CAS 36355-01-8 Kodiċi NM 2903 69 90
	Eżakloroċikloeżani, inkluż il-lindan	Nru KE 200-401-2, 206-270-8, 206-271-3, 210-168-9 Nru CAS 58-89-9, 319-84-6, 319-85-7, 608-73-1 Kodiċi NM 2903 51 00
	Etere tat-tetrabromodifenil C12H6Br4O	Nru KE 254-787-2 u oħrajn Nru CAS 40088-47-9 u oħrajn Kodiċi NM 2909 30 38
	Etere tal-pentabromodifenil C12H5Br5O	Nru KE 251-084-2 u oħrajn Nru CAS 32534-81-9 u oħrajn Kodiċi NM 2909 30 31
	Etere tal-eżabromodifenil C12H4Br6O	Nru KE 253-058-6 Nru CAS 36483-60-0 u oħrajn Kodiċi NM 2909 30 38
	Etere tal-ettabromodifenil C12H3Br7O	Nru KE 273-031-2 Nru CAS 68928-80-3 u oħrajn Kodiċi NM 2909 30 38 ”

(2)

Fil-Parti 2 għandhom jiżdiedu l-entrati li ġejjin:

Deskrizzjoni ta' sustanzi kimiċi/oġġett(i) soġġett(i) għal projbizzjoni ta' esportazzjoni

Dettalji addizzjonali, fejn rilevanti (eż. isem is-sustanza kimika, Nru KE, Nru CAS, eċċ.)

“Merkurju metalliku u taħlitiet ta' merkurju metalliku ma' sustanzi oħra, inklużi ligi ta' merkurju, b'konċentrazzjoni ta' merkurju li tal-anqas tkun ta' 95 % piż skont il-piż

Nru CAS 7439-97-6

Kodiċi NM 2805 40

Komposti tal-merkurju għajr komposti esportati għal skopijiet ta' riċerka u żvilupp, skopijiet mediċi jew ta' analiżi.

Mineral taċ-ċinabru, klorur tal-merkurju (I)(Hg2Cl2, Nru CAS 10112-91-1), ossidu tal-merkurju (II)(HgO, Nru CAS 21908-53-2); Kodiċi NM 2852 00 00 ”