|
26.2.2011 |
MT |
Il-Ġurnal Uffiċjali tal-Unjoni Ewropea |
L 53/41 |
REGOLAMENT TAL-KUMMISSJONI (UE) Nru 186/2011
tal-25 ta' Frar 2011
li jemenda l-Anness I għar-Regolament (KE) Nru 689/2008 tal-Parlament Ewropew u tal-Kunsill dwar l-esportazzjoni u l-importazzjoni ta' sustanzi kimiċi perikolużi
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 689/2008 tal-Parlament Ewropew u tal-Kunsill tas-17 ta' Ġunju 2008 dwar l-esportazzjoni u l-importazzjoni ta' sustanzi kimiċi perikolużi (1), u b'mod partikolari l-Artikolu 22(4) tiegħu,
Billi:
|
(1) |
Ir-Regolament (KE) Nru 689/2008 jimplimenta l-Konvenzjoni ta' Rotterdam dwar il-Proċedura ta' Kunsens Infurmat minn Qabel (proċedura PIC) għal Ċerti Kimiki u Pestiċidi Perikolużi fil-Kummerċ Internazzjonali, minn hawn 'il quddiem imsejħa l-“Konvenzjoni ta' Rotterdam”, iffirmata fil-11 ta' Settembru 1998 u approvata, f'isem il-Komunità, permezz tad-Deċiżjoni tal-Kunsill 2003/106/KE (2). |
|
(2) |
L-Anness I għar-Regolament (KE) Nru 689/2008 għandu jiġi emendat sabiex titqies l-azzjoni regolatorja fir-rigward ta' ċerti sustanzi kimiki li ttieħdet skont id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (3), id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegħid fis-suq tal-prodotti bijoċidali (4) u r-Regolament (KE) Nru 1907/2006 tal-Parlament Ewropew u tal-Kunsill tat18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiki (REACH), li jistabbilixxi Aġenzija Ewropea għas-Sustanzi Kimiki, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 talKummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (5). |
|
(3) |
Is-sustanza klorat ma ġietx inkluża bħala sustanza attiva fl-Anness I għad-Direttiva 91/414/KEE u s-sustanza klorat ma ġietx inkluża bħala sustanza attiva fl-Anness I, IA jew IB għad-Direttiva 98/8/KE bl-effett li s-sustanza klorat hija pprojbita għall-użu bħala pestiċida u għalhekk għandha tiżdied mal-listi ta' kimiċi li hemm fil-Partijiet 1 u 2 tal-Anness I għar-Regolament (KE) Nru 689/2008. |
|
(4) |
Is-sustanzi benfurakarb, kadusafos, karbofuran u triċiklażol ma jiġux inklużi bħala sustanzi attivi fl-Anness I għad-Direttiva 91/414/KEE, bl-effett li dawk is-sustanzi attivi jiġu pprojbiti għall-użu fil-pestiċidi u għalhekk għandhom jiġu miżjuda mal-listi ta' sustanzi kimiċi li hemm fil-Partijiet 1 u 2 tal-Anness I għar-Regolament (KE) Nru 689/2008. Iż-żieda ta' dawk is-sustanzi mal-Parti 2 tal-Anness I ġiet sospiża minħabba l-applikazzjoni l-ġdida għall-approvazzjoni skont id-Direttiva 91/414/KEE mressqa skont l-Artikolu 13 tar-Regolament tal-Kummissjoni (KE) Nru 33/2008 tas-17 ta' Jannar 2008 li jistipula regoli dettaljati għall-applikazzjoni tad-Direttiva tal-Kunsill 91/414/KEE fir-rigward ta' proċedura regolari u aċċellerata għall-valutazzjoni ta' sustanzi attivi li kienu jagħmlu parti mill-programm ta' ħidma msemmi fl-Artikolu 8(2) ta' dik id-Direttiva iżda li ma ġewx inklużi fl-Anness I tagħha (6). Din l-applikazzjoni l-ġdida ġiet imreġġa lura mill-applikanti bl-effett li sparrixiet ir-raġuni tas-sospensjoni taż-żieda mal-Parti 2 tal-Anness I. Għalhekk, is-sustanzi benfurakarb, kadusafos, karbofuran u triċiklażol għandhom jġu miżjuda mal-lista ta' sustanzi kimiċi li jinsabu fil-Parti 2 tal-Anness I għar-Regolament (KE) Nru 689/2008. |
|
(5) |
Is-sustanza metomil ġiet inkluża bħala sustanza attiva fl-Anness I għad-Direttiva 91/414/KEE bl-effett li s-sustanza attiva methomyl ma tibqax ipprojbita għall-użu fis-subkategorija “pestiċida fil-grupp tal-prodotti għall-ħarsien tal-pjanti”. Konsegwentament l-entrata fil-Parti 1 tal-Anness I għar-Regolament (KE) Nru 689/2008 għandha tiġi emendata biex tirrifletti dik il-bidla. |
|
(6) |
Is-sustanza malatijon ġiet inkluża bħala sustanza attiva fl-Anness I għad-Direttiva 91/414/KEE bl-effett li s-sustanza malatijon ma għadhiex ipprojbita għall-użu fis-subkategorija “pestiċida fil-grupp tal-prodotti għall-ħarsien tal-pjanti”; s-sustanza malatijon ma ġietx inkluża bħala sustanza attiva fl-Anness I, IA jew IB għad-Directive 98/8/KE bl-effett li dik is-sustanza attiva hija pprojbita mill-użu fis-subkategorija “pestiċidi oħra inklużi l-bijoċidi”. Konsegwentament l-entrata fil-Parti 1 tal-Anness I għar-Regolament (KE) Nru 689/2008 għandha tiġi emendata biex tirrifletti dawk il-bidliet. |
|
(7) |
Tressqet applikazzjoni ġdida skont l-Artikolu 13 tar-Regolament (KE) Nru 33/2008, għas-sustanza attiva flurprimidol li jeħtieġ tittieħed deċiżjoni ġdida dwar l-inklużjoni tagħha fl-Anness I għad-Direttiva 91/414/KEE u għalhekk il-kimika għandha titħassar mil-lista ta' sustanzi kimiċi li jinsabu fil-Parti 2 tal-Anness I għar-Regolament (KE) Nru 689/2008. Id-deċiżjoni dwar iż-żieda mal-lista tas-sustanzi kimiċi fil-Parti 2 tal-Anness I ma għandhiex tittieħed qabel ma tkun disponibbli d-deċiżjoni l-ġdida li tkun ittieħdet dwar l-istatus tas-sustanza fl-ambitu tad-Direttiva 91/414/KEE. |
|
(8) |
L-entrati fil-Partijiet 1 u 2 tal-Anness I għar-Regolament (KE) Nru 689/2008 marbutin mas-sustanza parakkwat mhumiex koerenti u ċari biżżejjed fir-rigward tan-numri tal-kodiċi u għalhekk għandhom jiġu emendati billi jiddħħlu l-iżjed numri rilevanti tal-kodiċi. |
|
(9) |
L-Anness I għar-Regolament (KE) Nru 689/2008 għandu għalhekk jiġi emendat skont dan. |
|
(10) |
Sabiex ikun hemm biżżejjed żmien għall-Istati Membri u l-industrija biex jieħdu l-miżuri neċessarji, l-applikazzjoni ta' dan ir-Regolament għandha tiġi deferita. |
|
(11) |
Il-miżuri provduti f'dan ir-Regolament huma skont l-opinjoni tal-Kumitat stabbilit permezz tal-Artikolu 133 tar-Regolament (KE) Nru 1907/2006, |
ADDOTTAT DAN IR-REGOLAMENT:
Artikolu 1
L-Anness I għar-Regolament (KE) Nru 689/2008 huwa emendat skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Mejju 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Frar 2011.
Għall-Kummissjoni
Il-President
José Manuel BARROSO
(1) ĠU L 204, 31.7.2008, p. 1.
(3) ĠU L 230, 19.8.1991, p. 1.
(4) ĠU L 123, 24.4.1998, p. 1.
(5) ĠU L 396, 30.12.2006, p. 1.
ANNESS
L-Anness I għar-Regolament (KE) Nru 689/2008 qed jiġi emendat kif ġej:
|
(1) |
Il-Parti 1 hija emendata kif ġej:
|
|
(2) |
Il-Parti 2 hija emendata kif ġej:
|