IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistabilixxi l-prinċipji ġenerali u l-ħtiġijiet tal-liġi dwar l-ikel, li jistabilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà tal-ikel (1), u b’mod partikolari l-Artikolu 53(1)(b)(i) u (iii) tiegħu,

Billi:

(1)

Ir-Regolament (KE) Nru 178/2002 jistabbilixxi l-prinċipji ġenerali li jirregolaw b’mod ġenerali l-ikel u l-għalf, u b’mod partikolari s-sikurezza tal-ikel u tal-għalf, fil-livell tal-Unjoni u f’dak nazzjonali. Dan jipprevedi miżuri ta’ emerġenza li jridu jittieħdu mill-Kummissjoni meta jkun evidenti li ikel jew għalf importat minn pajjiż terz aktarx li joħloq riskju serju għas-saħħa tal-bniedem, is-saħħa tal-annimali jew l-ambjent, u li tali riskju ma jistax jitrażżan b’mod sodisfaċenti permezz ta’ miżuri meħuda mill-Istat Membru jew l-Istati Membri kkonċernati.

(2)

Ir-Regolament (KE) Nru 852/2004 tal-Parlament Ewropew u tal-Kunsill tad-29 ta’ April 2004 dwar l-iġjene tal-oġġetti tal-ikel (2) jistipula r-regoli ġenerali għall-operaturi kummerċjali tal-ikel dwar l-iġjene tal-oġġetti tal-ikel. Dawk ir-regoli jinkludu rekwiżiti ta’ iġjene biex jiżguraw li l-ikel importat ikun mill-inqas tal-istess standards ta’ iġjene bħall-ikel prodott fl-Unjoni, jew ikun ta’ standard ekwivalenti.

(3)

Ċerti lottijiet taż-żrieragħ tal-fienu importati mill-Eġittu ġew identifikati bħala l-aġent li kkawża t-tifqigħa fl-Unjoni tas-serotip O104:H4 tal-batteri Escherichia coli (STEC) li jipproduċi t-tossina Shiga. L-oriġini tat-tifqigħa ġiet identifikata bħala ż-żrieragħ tal-fienu mill-Eġittu kkonsmati bħala nebbieta.

(4)

Għaldaqstant, id-Deċiżjoni ta’ Implimentazzjoni tal-Kummissjoni 2011/402/UE (3) introduċiet projbizzjoni fuq ir-rilaxx għaċ-ċirkolazzjoni libera fl-Unjoni ta’ ċerti żrieragħ u fażola importati mill-Eġittu li jaqgħu fi ħdan il-kodiċijiet NM elenkati fl-Anness tagħha. Din il-projbizzjoni tiskadi fil-31 ta’ Marzu 2012.

(5)

Madankollu, il-ħaxix leguminuż imnixxef u maqsum, il-fażola tas-sojja mkissra jew iż-żrieragħ taż-żejt u l-frott żejtni mkissra ma jintużawx għal finijiet ta’ tinbit. Il-ħxejjex leguminużi mnixxfa u maqsuma, il-fażola tas-sojja mkissra jew iż-żrieragħ taż-żejt imkissra u l-frott żejtni mkisser importati mill-Eġittu, ma għandhomx jitqiesu aktar bħala riskju għas-sikurezza tal-ikel u għandhom jerġgħu jingħataw l-awtorizzazzjoni għall-importazzjoni lejn l-Unjoni.

(6)	Il-miżuri ta’ emerġenza stabbiliti fid-Deċiżjoni ta' Implimentazzjoni 2011/402/UE għandhom għaldaqstant, jiġu emendati abbażi ta’ din l-informazzjoni ġdida.

(7)	Għaldaqstant, l-Anness tad-Deċiżjoni ta’ Implimentazzjoni 2011/402/UE għandu jiġi emendat skont dan.

(8)	Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Kodiċi NM (*1)	Deskrizzjoni
ex 0704 90 90	Nebbieta tar-rukola
ex 0706 90 90	Nebbieta tal-pitravi, nebbieta tar-ravanell
ex 0708	Nebbieta ta’ ħxejjex leguminużi, friski jew imkessħin
ex 0709 90 90 ex 0709 99 90 (1)	Nebbieta tal-fażola tas-sojja
ex 0713	Ħxejjex leguminużi mnixxfa, bil-qoxra, sew jekk imqaxxrin u sew jekk le, mhux maqsumin
0910 99 10	Żrieragħ tal-fienu
ex 1201 00 ex 1201 (1)	Fażola tas-sojja mhux imkissra
1207 50	Żrieragħ tal-mustarda
ex 1207 99 97 ex 1207 99 96 (1)	Żrieragħ u frott oħra żejtnin, mhux imkissrin
1209 10 00	Żrieragħ tal-pitravi zokkrija
1209 21 00	Żrieragħ tax-xnien (alfalfa)
1209 91	Żrieragħ tal-ħaxix
ex 1214 90 90	Żrieragħ tax-xnien (alfalfa)