|
22.12.2011 |
MT |
Il-Ġurnal Uffiċjali tal-Unjoni Ewropea |
L 341/56 |
DEĊIŻJONI TAL-KUNSILL 2011/867/PESK
tal-20 ta’ Diċembru 2011
li temenda d-Deċiżjoni 2011/137/PESK dwar miżuri restrittivi fid-dawl tas-sitwazzjoni fil-Libja
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Billi:
|
(1) |
Fit- 28 ta’ Frar 2011, il-Kunsill adotta d-Deċiżjoni 2011/137/PESK dwar miżuri restrittivi fid-dawl tas-sitwazzjoni fil-Libja (1), sabiex, inter alia, jimplimenta r-Riżoluzzjoni tal-Kunsill tas-Sigurtà tan-Nazzjonjiet Uniti (UNSCR) 1970 (2011). |
|
(2) |
Fit-23 ta’ Marzu 2011, il-Kunsill adotta d-Deċiżjoni 2011/178/PESK (2) li temenda d-Deċiżjoni 2011/137/PESK sabiex jimplimenta l-UNSCR 1973(2011). |
|
(3) |
Fit-22 ta’ Settembru 2011, il-Kunsill adotta d-Deċiżjoni 2011/625/PESK (3) li temenda d-Deċiżjoni 2011/137/PESK sabiex jimplimenta l-UNSCR 2009 (2011). |
|
(4) |
Fl-10 ta’ Novembru 2011, il-Kunsill adotta d-Deċiżjoni 2011/729/PESK (4) li temenda d-Deċiżjoni 2011/137/PESK sabiex jimplimenta l-UNSCR 2016 (2011). |
|
(5) |
Fis-16 ta’ Diċembru 2011, il-Kumitat ta’ Sigurtà tal-Kunsill stabbilit konformement mal-UNSCR 1970 (2011), filwaqt li aġixxa skont il-paragrafu 19 tal-UNSCR 2009(2011), iddeċieda li jneħħi l-indikazzjoni relatata ma’ żewġ entitajiet. |
|
(6) |
Id-Deċiżjoni 2011/137/PESK għandha tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
L-Artikolu 6(1a) tad-Deċiżjoni 2011/137/PESK huwa b’dan sostitwit b’dan li ġej:
“1a. Il-fondi kollha, assi finanzjarji oħra u riżorsi ekonomiċi kollha, li huma l-proprjetà ta’ jew ikkontrollati, direttament jew indirettament, minn:
|
(a) |
Libyan Investment Authority; u |
|
(b) |
Libyan Africa Investment Portfolio, |
li huma ffriżati mis-16 ta’ Settembru 2011 għandhom jibqgħu ffriżati.”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-20 ta’ Diċembru 2011.
Għall-Kunsill
Il-President
M. DOWGIELEWICZ
(2) ĠU L 78, 24.3.2011, p. 24.
(3) ĠU L 246, 23.9.2011, p. 30.
(4) ĠU L 293, 11.11.2011, p. 35.