22.12.2011 |
MT |
Il-Ġurnal Uffiċjali tal-Unjoni Ewropea |
L 341/52 |
DEĊIŻJONI TAL-KUMITAT POLITIKU U TA’ SIGURTÀ EUPM/1/2011
tas-16 ta’ Diċembru 2011
li testendi l-mandat tal-Kap tal-Missjoni tal-Pulizija tal-Unjoni Ewropea fil-Bosnja-Ħerzegovina (EUPM BiH)
(2011/864/PESK)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea u b’mod partikolari t-tielet paragrafu tal-Artikolu 38 tiegħu,
Wara li kkunsidra d-Deċiżjoni tal-Kunsill 2011/781/PESK tal-1 ta’ Diċembru 2011 dwar il-Missjoni tal-Pulizija tal-Unjoni Ewropea (EUPM) fil-Bosnja-Ħerzegovina (BiH) (1), u b’mod partikolari l-Artikolu 10(1) tagħha,
Billi:
(1) |
Skont id-Deċiżjoni 2011/781/PESK, il-Kumitat Politiku u ta’ Sigurtà (KPS) huwa awtorizzat, skont it-tielet paragrafu tal-Artikolu 38 tat-Trattat, sabiex jieħu d-deċiżjonijiet rilevanti sabiex jeżerċita l-kontroll politiku u t-tmexxija strateġika tal-EUPM BiH, inkluża b’mod partikolari d-deċiżjoni li jaħtar Kap tal-Missjoni. |
(2) |
Fl-24 ta’ Ottubru 2008, il-KPS, permezz tad-Deċiżjoni 2008/835/PESK (2), ħatar lis-Sur Stefan FELLER bħala Kap tal-Missjoni EUPM BiH. Il-mandat tiegħu ġie estiż permezz tad-Deċiżjoni 2009/958/PESK (3) sal-31 ta’ Diċembru 2010 u sussegwentement permezz tad-Deċiżjoni 2010/754/PESK (4) sal-31 ta’ Diċembru 2011. |
(3) |
Permezz tad-Deċiżjoni 2011/781/PESK, il-Kunsill, inter alia, estenda t-tul ta’ żmien tal-EUPM BiH sat-30 ta’ Ġunju 2012. |
(4) |
Fis-7 ta’ Diċembru 2011, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ppropona li l-KPS jestendi l-mandat tas-Sur Stefan FELLER bħala Kap tal-Missjoni tal-EUPM BiH b’sitt xhur addizzjonali, sat-30 ta’ Ġunju 2012, |
ADOTTA DIN ID-DEĊIŻJONI:
Artikolu 1
Il-mandat tas-Sur Stefan FELLER bħala l-Kap tal-Missjoni tal-Pulizija tal-Unjoni Ewropea fil-Bosnja-Ħerzegovina (EUPM BiH) huwa b’dan estiż mill-1 ta’ Jannar 2012 sat-30 ta’ Ġunju 2012.
Artikolu 2
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, is-16 ta’ Diċembru 2011.
Għall-Kumitat Politiku u ta’ Sigurtà
Il-President
O. SKOOG
(1) ĠU L 319, 2.12.2011, p. 51.
(2) ĠU L 298, 7.11.2008, p. 30.
(3) ĠU L 330, 16.12.2009, p. 79.
(4) ĠU L 320, 7.12.2010, p. 9.