|
20.12.2011 |
MT |
Il-Ġurnal Uffiċjali tal-Unjoni Ewropea |
L 336/74 |
DEĊIŻJONI TA’ IMPLIMENTAZZJONI TAL-KUMMISSJONI
tal-15 ta’ Diċembru 2011
li testendi l-perjodu ta’ deroga għar-Rumanija biex toġġezzjona għal vjeġġi ta’ ċertu skart lejn ir-Rumanija għall-irkupru skont ir-Regolament (KE) Nru 1013/2006 tal-Parlament Ewropew u tal-Kunsill dwar vjeġġi ta’ skart
(notifikata bid-dokument numru C(2011) 9191)
(Test b’relevanza għaż-ŻEE)
(2011/854/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1013/2006 tal-Parlament Ewropew u tal-Kunsill tal-14 ta’ Ġunju 2006 dwar vjeġġi ta’ skart (1), u b’mod partikolari t-tielet u l-ħames subparagrafi tal-Artikolu 63(5) tiegħu,
Billi:
|
(1) |
Skont l-Artikolu 63(5) tar-Regolament (KE) Nru 1013/2006, ir-Rumanija tista’ toġġezzjona għal vjeġġi ta’ ċertu skart għall-irkupru għal perjodu ta’ żmien li jintemm fil-31 ta’ Diċembru 2011. |
|
(2) |
Permezz tal-ittra tal-1 ta’ Ġunju 2011, ir-Rumanija talbet estenjoni ta’ dak il-perjodu sal-31 ta’ Diċembru 2015. |
|
(3) |
Hemm bżonn li jkun żgurat li l-protezzjoni ambjentali tibqa’ f’livelli għolja madwar l-Unjoni kollha, partikolarment meta l-pajjiż tad-destinazzjoni ma jkollux kapaċità ta’ rkupru ta’ ċertu tipi ta’ skart jew ma jkollux biżżejjed. Ir-Rumanija għandha żżomm il-possibbiltà li toġġezzjona għal ċertu vjeġġi ta’ skart pjanati mhux mixtieqa ddestinati għall-irkupru fit-territorju tagħha. Ir-reġim tad-deroga li japplika għar-Rumanija għandu għalhekk jiġi estiż sal-31 ta’ Diċembru 2015. |
|
(4) |
Il-miżuri previsti f’din id-Deċiżjoni huma skont l-opinjoni tal-Kumitat stabbilit bl-Artikolu 39(1) tad-Direttiva 2008/98/KE tal-Parlament Ewropew u tal-Kunsill (2), |
ADOTTAT DIN ID-DEĊIŻJONI:
Artikolu 1
B’deroga mill-Artikolu 12 tar-Regolament (KE) Nru 1013/2006, il-perjodu li fih l-awtoritajiet kompetenti tar-Rumanija jistgħu joġġezzjonaw għal vjeġġi lejn ir-Rumanija għall-irkupru ta’ skart elenkat fit-tieni u r-raba’ subparagrafi tal-Artikolu 63(5) ta’ dak ir-Regolament skont ir-raġunijiet għal oġġezzjoni stipulati fl-Artikolu 11 ta’ dak ir-Regolament, għandu jiġi estiż sal-31 ta’ Diċembru 2015.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, il-15 ta’ Diċembru 2011.
Għall-Kummissjoni
Janez POTOČNIK
Membru tal-Kummissjoni
(1) ĠU L 190, 12.7.2006, p. 1.
(2) ĠU L 312, 22.11.2008, p. 3.