13.12.2011   

MT

Il-Ġurnal Uffiċjali tal-Unjoni Ewropea

L 329/19

(1)

Ir-Regolament (KE) Nru 512/2011 tal-Parlament Ewropew u tal- Kunsill (2) estenda l-applikazzjoni tar-Regolament (KE) Nru 732/2008 tal-31 ta’ Diċembru 2013 jew sa data stabbilita mir-Regolament suċċessur, skont liema hi l-ewwel.

(2)

Ir-Regolament (KE) Nru 732/2008 jistipula l-għoti ta’ arranġament ta’ inċentiv speċjali għall-iżvilupp sostenibbli u governanza tajba għall-pajjiżi li qed jiżviluppaw li jissodisfaw ir-rekwiżiti stabbiliti skont l-Artikoli 8 u 9 tiegħu.

(3)

Il-pajjiżi li qed jiżviluppaw li jixtiequ jibbenefikaw mill-arranġament ta’ inċentiv speċjali mill-1 ta’ Jannar 2012 kellhom jibagħtu talba dwar dan sal-31 ta’ Ottubru 2011, flimkien mat-tagħrif komprensiv dwar ir-ratifika tal-konvenzjonijiet rilevanti, il-leġiżlazzjoni u l-miżuri meħuda għall-implimentazzjoni b’mod effettiv tad-dispożizzjonijiet tal-konvenzjonijiet u l-impenn tagħhom li jaċċettaw u jikkonformaw bis-sħiħ mal-mekkaniżmu ta’ sorveljanza u reviżjoni previst fil-konvenzjonijiet rilevanti. Biex jingħata l-arranġament ta’ inċentiv speċjali, il-pajjiż li jkun qed jagħmel it-talba jrid ikun ukoll pajjiż vulnerabbli kif definit fl-Artikolu 8(2) tar-Regolament (KE) Nru 732/2008.

(4)

Sal-31 ta’ Ottubru 2011, il-Kummissjoni kienet rċeviet talba mingħand ir-Repubblika tal-Cape Verde (minn hawn ‘il quddiem il-Cape Verde) biex, mill-1 ta’ Jannar 2012, tibbenefika mill-arranġament ta’ inċentiv speċjali għall-iżvilupp sostenibbli u governanza tajba.

(5)

It-talba ġiet eżaminata skont id-dispożizzjonijiet tal-Artikolu 10(1) tar-Regolament (KE) Nru 732/2008.

(6)

L-eżami tat-talba wera li l-Cape Verde jissodisfa r-rekwiżiti kollha neċessarji tal-Artikoli 8 u 9 tar-Regolament (KE) Nru 732/2008. Għaldaqstant, l-arranġament ta’ inċentiv speċjali għandu jingħata lill-Cape Verde mill-1 ta’ Jannar 2012 sal-31 ta’ Diċembru 2013 jew sa data stabbilita mir-Regolament suċċessur, skont liema tkun l-ewwel.

(7)

Skont l-Artikolu 10(3) tar-Regolament (KE) Nru 732/2008, din id-Deċiżjoni għandha tiġi nnotifikata lill-Cape Verde.

(8)

Il-miżuri stipulati f’din id-Deċiżjoni jaqblu mal-opinjoni tal-Kumitat tal-Preferenzi Ġeneralizzati.

(9)

Din id-Deċiżjoni ma taffettwax l-istatus tal-benefiċjarju skont l-arranġament ta’ kull pajjiż elenkat fid-Deċiżjoni tal-Kummissjoni 2008/938/KE tad-9 ta’ Diċembru 2008 dwar il-lista ta’ pajjiżi benefiċjarji li jikkwalifikaw għall-arranġament ta’ inċentiv speċjali għall-iżvilupp sostenibbli u governanza tajba stipulati fir-Regolament tal-Kunsill (KE) Nru 732/2008 li japplika skema ta’ preferenzi ta’ tariffi ġeneralizzati għall-perjodu mill-1 ta’ Jannar 2009 sal-31 ta’ Diċembru 2011 (3), kif emendat bid-Deċiżjoni 2009/454/KE, (4), u fid-Deċiżjoni tal-Kummissjoni 2010/318/UE tad-9 ta’ Ġunju 2010 dwar il-pajjiżi benefiċjarji li jikkwalifikaw għall-arranġament ta’ inċentiv speċjali għal żvilupp sostenibbli u governanza tajba għall-perjodu ta’ bejn l-1 ta’ Lulju 2010 u l-31 ta’ Diċembru 2011 kif stipulat fir-Regolament tal-Kunsill (KE) Nru 732/2008 (5),