(1)

Fil-15 ta’ Settembru 2008, il-Kunsill adotta l-Azzjoni Konġunta 2008/736/PESK dwar il-Missjoni ta’ Monitoraġġ tal-Unjoni Ewropea fil-Ġeorġja, EUMM Georgia (1). Dik l-Azzjoni Konġunta, kif sussegwentement emendata u estiża, skadiet fl-14 ta’ Settembru 2010.

(2)

Fit-12 ta’ Awwissu 2010, il-Kunsill adotta d-Deċiżjoni 2010/452/PESK (2) li kompliet il-EUMM Georgia għal 12-il xahar ieħor sal-14 ta’ Settembru 2011.

(3)

Fit-28 ta’ Ġunju 2011, il-Kumitat Politiku u ta’ Sigurtà (KPS) approva r-rakkomandazzjonijiet dwar ir-rieżami fil-livell strateġiku rigward il-futur tal-EUMM fil-Ġeorġja.

(4)

L-EUMM Georgia għandha tiġi estiża ulterjorment mill-15 ta’ Settembru 2011 sal-14 ta’ Settembru 2012 fuq il-bażi tal-mandat attwali tagħha.

(5)

Huwa wkoll meħtieġ li jiġi stabbilit l-ammont ta’ referenza finanzjarja maħsub biex ikopri n-nefqa relatata ma’ EUMM Georgia għall-perijodu mill-15 ta’ Settembru 2011 sal-14 ta’ Settembru 2012.

(6)

Il-missjoni ser titmexxa fil-kuntest ta’ sitwazzjoni li tista’ tiddeterjora u li tista’ xxekkel il-kisba tal-objettivi tal-azzjoni esterna tal-Unjoni kif hemm imniżżel fl-Artikolu 21 tat-Trattat,

1.

Fl-Artikolu 14(1), huwa miżjud is-subparagrafu li ġej:

“L-ammont ta’ referenza finanzjarja maħsub sabiex ikopri n-nefqa relatata mal-Missjoni bejn il-15 ta’ Settembru 2011 u l-14 ta’ Settembru 2012 għandu jkun ta’ EUR 23 900 000.”.

2.

It-tieni paragrafu tal-Artikolu 18 huwa sostitwit b’dan li ġej:

“Hija għandha tiskadi fl-14 ta’ Settembru 2012.”.