|
28.7.2011 |
MT |
Il-Ġurnal Uffiċjali tal-Unjoni Ewropea |
L 196/1 |
DEĊIŻJONI TAL-KUNSILL
tat-12 ta’ Lulju 2011
dwar il-konklużjoni tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Protokoll tal-Ftehim ta’ Sħubija dwar is-Sajd bejn il-Komunità Ewropea u r-Repubblika tas-Seychelles
(2011/474/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43, flimkien mal-punt (a) tal-Artikolu 218(6) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
|
(1) |
Fil-5 ta’ Ottubru 2006 l-Kunsill adotta r-Regolament (KE) Nru 1562/2006 dwar il-konklużjoni tal-Ftehim ta’ Sħubija dwar is-Sajd bejn il-Komunità Ewropea u r-Repubblika tas-Seychelles (1) (minn hawn ‘il quddiem (il-“Ftehim ta’ Sħubija”). Protokoll li jistabbilixxi l-opportunitajiet ta’ sajd u l-kontribuzzjoni finanzjarja previsti fil-Ftehim ta’ Sħubija ġie mehmuż miegħu. Dak il-Protokoll jiskadi fis-17 ta’ Jannar 2011. |
|
(2) |
L-Unjoni Ewropea nnegozjat mar-Repubblika tas-Seychelles (minn hawn ‘il quddiem “is-Seychelles”) Protokoll ġdid għall-Ftehim ta’ Sħubija, li jipprovdi lill-bastimenti tal-UE b’opportunitajiet tas-sajd fl-ilmijiet li fihom is-Seychelles għandu s-sovranità u l-ġuriżdizzjoni fir-rigward tas-sajd (minn hawn ’il quddiem “il-Protokoll”). |
|
(3) |
Fil-konklużjoni ta’ dawk in-negozjati, il-Protokoll ġie inizjalat fit-3 ta’ Ġunju 2010 u ġie emendat permezz ta’ Skambju ta’ Ittri fid-29 ta’ Ottubru 2010. |
|
(4) |
F’konformità mad-Deċiżjoni tal-Kunsill 2010/814/UE (2), il-Protokoll ġie ffirmat fl-20 ta’ Diċembru 2010 f’isem l-Unjoni u qed jiġi applikat provviżorjament. |
|
(5) |
Il-Protokoll għandu jiġi konkluż, |
ADOTTA DIN ID-DEĊIŻJONI:
Artikolu 1
Il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Protokoll tal-Ftehim ta’ Sħubija dwar is-Sajd bejn il-Komunità Ewropea u r-Repubblika tas-Seychelles huwa b’dan approvat f’isem l-Unjoni (3).
Artikolu 2
Il-President tal-Kunsill għandu, f’isem l-Unjoni, jagħmel in-notifika prevista fl-Artikolu 14 tal-Protokoll (4).
Artikolu 3
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-12 ta’ Lulju 2011.
Għall-Kunsill
Il-President
J. VINCENT-ROSTOWSKI
(1) ĠU L 290, 20.10.2006, p. 1.
(2) ĠU L 345, 30.12.2010, p. 1.
(3) It-test tal-Protokoll ġie ppubblikat fil-ĠU L 345, 30.12.2010, p. 4 flimkien mad-Deċiżjoni dwar l-iffirmar.
(4) Id-data tad-dħul fis-seħħ tal-Protokoll għandha tiġi ppubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.