|
27.5.2011 |
MT |
Il-Ġurnal Uffiċjali tal-Unjoni Ewropea |
L 140/55 |
DEĊIŻJONI TAL-KUNSILL 2011/312/PESK
tas-26 ta’ Mejju 2011
li temenda u testendi l-Azzjoni Konġunta 2005/889/PESK dwar l-istabbiliment ta’ Missjoni tal-Unjoni Ewropea ta’ Assistenza fil-Fruntieri għall-Punt ta’ Qsim ta’ Rafah (EU BAM Rafah)
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28 u 43(2) tiegħu,
Billi:
|
(1) |
Fil-25 ta’ Novembru 2005, il-Kunsill adotta Azzjoni Konġunta 2005/889/PESK dwar l-istabbiliment ta’ Missjoni tal-Unjoni Ewropea ta’ Assistenza fil-Fruntieri għall-Punt ta’ Qsim ta’ Rafah (EU BAM Rafah) (1). |
|
(2) |
Fit-12 ta’ Mejju 2010, il-Kunsill adotta d-Deċiżjoni 2010/274/PESK (2) li temenda l-Azzjoni Konġunta 2007/889/PESK u li testendiha sal-24 ta’ Mejju 2011. |
|
(3) |
Fis-16 ta’ Frar 2011 il-Kumitat Politiku u ta’ Sigurtà (KPS) approva r-rakkomandazzjonijiet dwar il-Kunċett Strateġiku għat-taħriġ tal-Politika ta’ Sigurtà u ta’ Difiża Komuni (PSDK) tal-persunal tal-Awtorità Palestinjana responsabbli mill-ġestjoni tal-fruntiera u l-qsim f’Gaża. |
|
(4) |
L-EU BAM Rafah għandha tiġi estiża ulterjorment mill-25 ta' Mejju 2011 sal-31 ta’ Diċembru 2011 fuq il-bażi tal-mandat attwali tagħha. |
|
(5) |
Huwa meħtieġ ukoll li jiġi stabbilit l-ammont finanzjarju ta’ referenza maħsub sabiex ikopri n-nefqa relatata mal-EU BAM Rafah għall-perijodu mill-25 ta’ Mejju 2011 sal-31 ta’ Diċembru 2011. |
ADOTTA DIN ID-DEĊIŻJONI:
Artikolu 1
L-Azzjoni Konġunta 2005/889/PESK hija b’dan emendata kif ġej:
|
1. |
Fl-Artikolu 2, it-tieni paragrafu, għandu jiżdied il-punt li ġej:
|
|
2. |
L-Artikolu 10(1) għandu jiġi ssostitwit b’dan li ġej: “1. Il-KPS għandu jeżerċita, taħt ir-responsabbiltà tal-Kunsill u tar-RGħ, il-kontroll politiku u d-direzzjoni strateġika tal-Missjoni. Il-Kunsill b’dan jawtorizza lill-KPS sabiex jieħu d-deċiżjonijiet rilevanti għal dan il-għan skont l-Artikolu 38 tat-Trattat. Din l-awtorizzazzjoni għandha tinkludi s-setgħat għall-ħatra ta’ Kap tal-Missjoni, fuq proposta mir-RGħ, u għall-emendar tal-OPLAN. Din għandha tinkludi wkoll is-setgħat li jittieħdu deċiżjonijiet sussegwenti rigward il-ħatra tal-Kap tal-Missjoni. Is-setgħat tad-deċiżjoni fir-rigward tal-objettivi u t-tmiem tal-missjoni għandhom jibqgħu f’idejn il-Kunsill.” |
|
3. |
L-Artikolu 13(1) għandu jiġi ssostitwit b’dan li ġej: “1. L-ammont ta’ referenza finanzjarja maħsub biex ikopri n-nefqa relatata mal-missjoni għall-perijodu mill-25 ta’ Mejju 2011 sal-31 ta’ Diċembru 2011 għandu jkun ta’ EUR 1 400 000.”. |
|
4. |
Fl-Artikolu 16, it-tieni paragrafu għandu jiġi sostitwit b’dan li ġej: “Hija għandha tiskadi fil-31 ta’ Diċembru 2011”. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Hija għandha tapplika mill-25 ta' Mejju 2011.
Magħmul fi Brussell, is-26 ta’ Mejju 2011.
Għall-Kunsill
Il-President
MARTONYI J.