DEĊIŻJONI TA’ IMPLIMENTAZZJONI TAL-KUMMISSJONI

tal-10 ta’ Mejju 2011

li temenda l-Anness II tad-Deċiżjoni 93/52/KEE fir-rigward tar-rikonoxximent ta’ ċerti reġjuni fl-Italja bħala uffiċjalment ħielsa mill-bruċellożi (B. melitensis) u temenda l-Annessi tad-Deċiżjoni 2003/467/KE fir-rigward tad-dikjarazzjoni li ċerti reġjuni tal-Italja, il-Polonja u r-Renju Unit huma uffiċjalment ħielsa mit-tuberkolożi bovina, il-bruċellożi bovina u l-lewkożi enżootika bovina

(notifikata bid-dokument numru C(2011) 3066)

(Test b’relevanza għaż-ŻEE)

(2011/277/UE)

IL-KUMMISSJONI EWROPEA,

Wara li kkunsidrat t-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa tal-annimali li jaffettwaw il-kummerċ ta’ annimali bovini u suwini ġewwa l-Komunità (1), u b’mod partikolari l-Anness A(I)(4), l-Anness A(II)(7) u l-Anness D(I)(E) tagħha,

Wara li kkunsidrat id-Direttiva tal-Kunsill 91/68/KEE tat-28 ta’ Jannar 1991 dwar il-kundizzjonijiet tas-saħħa tal-annimali li jirregolaw il-kummerċ intra-Komunitarju tan-nagħaġ u l-mogħoż (2), u b’mod partikolari t-Taqsima II tal-Kapitolu 1 tal-Anness A tagħha,

Billi:

(1)	Id-Direttiva 91/68/KEE tiddefinixxi l-kundizzjonijiet tas-saħħa tal-annimali li jirregolaw il-kummerċ tan-nagħaġ u l-mogħoż fl-Unjoni. Din tistabbilixxi l-kundizzjonijiet li permezz tagħhom l-Istati Membri jew reġjuni tagħhom jistgħu jitqiesu bħala uffiċjalment ħielsa mill-bruċellożi.

(2)

Id-Deċiżjoni tal-Kummissjoni 93/52/KEE tal-21 ta’ Diċembru 1992 li tirreġistra l-konformità ta’ ċerti Stati Membri jew reġjuni mar-rekwiżiti li jirrigwardaw il-bruċellożi (B. melitensis) u li tagħtihom l-istatus ta’ Stat Membru jew reġjun uffiċjalment ħieles minn din il-marda (3), telenka, fl-Anness II tagħha, ir-reġjuni tal-Istati Membri li huma meqjusa bħala uffiċjalment ħielsa mill-bruċellożi (B. melitensis) skont id-Direttiva 91/68/KEE.

(3)	L-Italja ppreżentat dokumentazzjoni lill-Kummissjoni, li tixhed il-konformità tar-reġjuni tal-Emilia-Romagna u l-Valle d’Aosta, mal-kundizzjonijiet stabbiliti fid-Direttiva 91/68/KEE, sabiex dawn ir-reġjuni jkunu meqjusa uffiċjalment ħielsa mill-bruċellożi (B. melitensis).

(4)	Wara evalwazzjoni tad-dokumentazzjoni provduta mill-Italja, ir-reġjuni tal-Emilia-Romagna u l-Valle d’Aosta għandhom jiġu rikonoxxuti bħala uffiċjalment ħielsa minn dik il-marda. L-annotazzjoni tal-Italja fl-Anness II tad-Deċiżjoni 93/52/KEE għandha, għalhekk, tiġi emendata skont dan.

(5)

Id-Direttiva 64/432/KEE tapplika għall-kummerċ tal-annimali bovini u suwini fl-Unjoni. Din tistabbilixxi l-kundizzjonijiet li permezz tagħhom Stat Membru jew reġjun tiegħu jista’ jiġi ddikjarat uffiċjalment ħieles mit-tuberkolożi, il-bruċellożi jew il-lewkożi enżootika bovina fir-rigward ta’ annimali bovini.

(6)

Għalkemm l-Isle of Man mhix parti mill-Unjoni, peress li hija dipendenza internament awtogovernanti tal-Kuruna tal-Gran Brittanja, hija għandha relazzjoni speċjali u limitata mal-Unjoni. Għaldaqstant, ir-Regolament (KEE) Nru 706/73 tal-Kunsill tat-12 ta’ Marzu 1973 dwar l-arranġamenti tal-Komunità applikabbli għaċ-Channel Islands u l-Isle of Man fil-kummerċ ta’ prodotti agrikoli (4), jipprovdi li sabiex jiġu applikati r-regoli li jikkonċernaw, fost oħrajn, il-legiżlazzjoni tas-saħħa tal-annimali, ir-Renju Unit u l-Isle of Man għandhom jiġu kkunsidrati bħala Stat Membru wieħed.

(7)

L-Annessi tad-Deċiżjoni tal-Kummissjoni 2003/467/KE tat-23 ta’ Ġunju 2003 li jistabbilixxu l-istatus ta’ ċerti Stati Membri u reġjuni ta’ Stati Membri bħala uffiċjalment ħielsa mit-tuberkolożi, il-bruċellożi u l-lewkożi enżootika bovina fir-rigward tal-annimali bovini (5), jelenkaw l-Istati Membri u r-reġjuni tagħhom li huma ddikjarati, rispettivament, bħala uffiċjalment ħielsa mit-tuberkolożi, il-bruċellożi, u l-lewkożi enżootika bovina.

(8)	L-Italja ppreżentat dokumentazzjoni lill-Kummissjoni li tixhed il-konformità tal-provinċji ta’ Rieti u Viterbo fir-reġjun tal-Lazio, mal-kundizzjonijiet, stipulati fid-Direttiva 64/432/KEE, għall-istatus bħala uffiċjalment ħielsa mit-tuberkolożi.

(9)	Wara evalwazzjoni tad-dokumentazzjoni ppreżentata mill-Italja, il-provinċji ta’ Rieti u Viterbo fir-reġjun tal-Lazio, għandhom jiġu rikonoxxuti bħala reġjuni fl-Italja uffiċjalment ħielsa mit-tuberkolożi.

(10)

L-Italja u r-Renju Unit ukoll ippreżentaw dokumentazzjoni lill-Kummissjoni li tixhed il-konformità, tal-provinċji ta’ Frosinone, Latina u Viterbo fir-reġjun tal-Lazio fl-Italja u tal-Isle of Man fir-Renju Unit, mal-kundizzjonijiet stipulati fid-Direttiva 64/432/KEE għall-istatus bħala uffiċjalment ħielsa mill-bruċellożi.

(11)

Wara evalwazzjoni tad-dokumentazzjoni ppreżentata mill-Italja u r-Renju Unit, il-provinċji ta’ Frosinone, Latina u Viterbo fir-reġjun tal-Lazio fl-Italja u tal-Isle of Man fir-Renju Unit għandhom jiġu rikonoxxuti, rispettivament, bħala reġjuni tal-Italja u tar-Renju Unit uffiċjalment ħielsa mill-bruċellożi.

(12)

L-Italja, il-Polonja u r-Renju Unit rispettivament, ippreżentaw dokumentazzjoni lill-Kummissjoni li tixhed il-konformità mal-kundizzjonijiet xierqa stipulati fid-Direttiva 64/432/KEE, għall-provinċji ta’ Viterbo fir-reġjun tal-Lazio fl-Italja, erbgħa u erbgħin reġjun amministrattiv (powiaty) ġo l-unitajiet amministrattivi superjuri (voivodships) ta’ Lubuskie, Kujawsko-Pomorskie, Mazowieckie, Podlaskie, Warmińsko-Mazurskie u Wielkopolskie fil-Polonja u l-Isle of Man fir-Renju Unit sabiex dawn ir-reġjuni fl-Italja, il-Polonja u r-Renju Unit ikunu jistgħu jiġu kkunsidrati uffiċjalment ħielsa mil-lewkożi enżootika bovina.

(13)	Wara evalwazzjoni tad-dokumentazzjoni ppreżentata mill-Italja, il-Polonja u r-Renju Unit, ir-reġjuni kkonċernati għandhom, bħala reġjuni tal-Italja, l-Polonja u r-Renju Unit rispettivament, jiġu ddikjarati uffiċjalment ħielsa mil-lewkożi enżootika bovina.

(14)	L-Annessi tad-Deċiżjoni 2003/467/KE għandhom għalhekk jiġu emendati skont dan.

(15)	Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

L-Anness II tad-Deċiżjoni 93/52/KEE huwa emendat skont l-Anness I ta’ din id-Deċiżjoni.

Artikolu 2

L-Annessi tad-Deċiżjoni 2003/467/KE huma emendati skont l-Anness II ta’ din id-Deċiżjoni.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, l-10 ta’ Mejju 2011.

Għall-Kummissjoni

John DALLI

Membru tal-Kummissjoni

(1) ĠU 121, 29.7.1964, p. 1977/64.

(2) ĠU L 46, 19.2.1991, p. 19.

(3) ĠU L 13, 21.1.1993, p. 14.

(4) ĠU L 68, 15.3.1973, p. 1.

(5) ĠU L 156, 25.6.2003, p. 74.

ANNESS II

L-Annessi I, II u III tad-Deċiżjoni 2003/467/KE huma emendati kif ġej:

(1)

Fl-Anness I, il-Kapitolu 2, l-annotazzjoni tal-Italja tinbidel b’dan li ġej:

“Fl-Italja:

—	Ir-Reġjun tal-Abruzzo: Il-Provinċja ta’ Pescara,

—	Il-Provinċja ta’ Bolzano,

—	Ir-Reġjun tal-Emilia-Romagna,

—	Ir-Reġjun tal-Friuli-Venezia Giulia,

—	Ir-Reġjun tal-Lazio: Il-Provinċji ta’ Rieti u Viterbo.

—	Ir-Reġjun tal-Lombardia,

—	Ir-Reġjun tal-Marche: Il-Provinċja ta’ Ascoli Piceno,

—	Ir-Reġjun tal-Piemonte: Il-Provinċji ta’ Novara, Verbania, Vercelli,

—	Ir-Reġjun ta’ Sardinja: Il-Provinċja ta’ Cagliari, Medio-Campidano, Ogliastra, Olbia-Tempio, Oristano,

—	Ir-Reġjun tat-Toscana,

—	Il-Provinċja ta’ Trento,

—	Ir-Reġjun tal-Veneto.”

(2)

Fl-Anness II, il-Kapitolu 2:

(a)

l-annotazzjoni tal-Italja tinbidel b’dan li ġej:

“Fl-Italja:

—	Ir-Reġjun tal-Abruzzo: Il-Provinċja ta’ Pescara,

—	Il-Provinċja ta’ Bolzano,

—	Ir-Reġjun tal-Emilia-Romagna,

—	Ir-Reġjun tal-Friuli-Venezia Giulia,

—	Ir-Reġjun tal-Lazio: Il-Provinċji ta’ Latina, Rieti, Ruma, Viterbo,

—	Ir-Reġjun tal-Liguria: Il-Provinċji ta’ Imperia, Savona,

—	Ir-Reġjun tal-Lombardia,

—	Ir-Reġjun tal-Marche,

—	Ir-Reġjun tal-Molise: Il-Provinċja ta’ Campobasso,

—	Ir-Reġjun tal-Piemonte,

—	Ir-Regjun tal-Puglia: Il-Provinċja ta’ Brindisi,

—	Ir-Reġjun ta’ Sardinja,

—	Ir-Reġjun tat-Toscana,

—	Il-Provinċja ta’ Trento,

—	Ir-Reġjun tal-Umbria,

—	Ir-Reġjun tal-Veneto.”

(b)

l-annotazzjoni tar-Renju Unit tinbidel b’dan li ġej:

“Fir-Renju Unit:

—	Il-Gran Brittanja: l-Ingilterra, l-Iskozja, Wales.

—	l-Isle of Man.”

(3)

Fl-Anness III, il-Kapitolu 2 huwa emendat kif ġej:

(a)

l-annotazzjoni tal-Italja tinbidel b’dan li ġej:

“Fl-Italja:

—	Ir-Reġjun tal-Abruzzo: Il-Provinċja ta’ Pescara,

—	Il-Provinċja ta’ Bolzano,

—	Ir-Reġjun tal-Campania: Il-Provinċja ta’ Napli,

—	Ir-Reġjun tal-Emilia-Romagna,

—	Ir-Reġjun tal-Friuli-Venezia Giulia,

—	Ir-Reġjun tal-Lazio: Il-Provinċji ta’ Frosinone, Rieti, Viterbo

—	Ir-Reġjun tal-Liguria: Il-Provinċji ta’ Imperia, Savona,

—	Ir-Reġjun tal-Lombardia,

—	Ir-Reġjun tal-Marche,

—	Ir-Reġjun tal-Molise,

—	Ir-Reġjun tal-Piemonte,

—	Ir-Regjun tal-Puglia: Il-provinċja ta’ Brindisi,

—	Ir-Reġjun ta’ Sardinja,

—	Ir-Reġjun ta’ Sqallija: Il-Provinċji ta’ Agrigento, Caltanissetta, Sirakuża, Trapani,

—	Ir-Reġjun tat-Toscana,

—	Il-Provinċja ta’ Trento,

—	Ir-Reġjun tal-Umbria,

—	Ir-Reġjun tal-Valle d’Aosta,

—	Ir-Reġjun tal-Veneto.”

(b)

l-annotazzjoni tal-Polonja tinbidel b’dan li ġej:

“Fil-Polonja:

—

Voivodship dolnośląskie

Powiaty:

bolesławiecki, dzierżoniowski, głogowski, górowski, jaworski, jeleniogórski, Jelenia Góra, kamiennogórski, kłodzki, legnicki, Legnica, lubański, lubiński, lwówecki, milicki, oleśnicki, oławski, polkowicki, strzeliński, średzki, świdnicki, trzebnicki, wałbrzyski, Wałbrzych, wołowski, wrocławski, Wrocław, ząbkowicki, zgorzelecki, złotoryjski.

—

Voivodship lubelskie,

Powiaty:

bialski, Biała Podlaska, biłgorajski, chełmski, Chełm, hrubieszowski, janowski, krasnostawski, kraśnicki, lubartowski, lubelski, Lublin, łęczyński, łukowski, opolski, parczewski, puławski, radzyński, rycki, świdnicki, tomaszowski, włodawski, zamojski, Zamość.

—

Voivodship lubuskie

Powiaty:

gorzowski, Gorzów Wielkopolski, krośnieńsko-odrzański, międzyrzecki, nowosolski, słubicki, strzelecko–drezdenecki, sulęciński, świebodziński, Zielona Góra, zielonogórski, żagański, żarski, wschowski.

—

Voivodship kujawsko-pomorskie,

Powiaty:

aleksandrowski, brodnicki, bydgoski, Bydgoszcz, chełmiński, golubsko-dobrzyński, grudziądzki, inowrocławski, lipnowski, Grudziądz, radziejowski, rypiński, sępoleński, świecki, toruński, Toruń, tucholski, wąbrzeski, Włocławek, włocławski.

—

Voivodship łódzkie,

Powiaty:

bełchatowski, brzeziński, kutnowski, łaski, łęczycki, łowicki, łódzki, Łódź, opoczyński, pabianicki, pajęczański, piotrkowski, Piotrków Trybunalski, poddębicki, radomszczański, rawski, sieradzki, skierniewicki, Skierniewice, tomaszowski, wieluński, wieruszowski, zduńskowolski, zgierski.

—

Voivodship małopolskie

Powiaty:

brzeski, bocheński, chrzanowski, dąbrowski, gorlicki, krakowski, Kraków, limanowski, miechowski, myślenicki, nowosądecki, nowotarski, Nowy Sącz, oświęcimski, olkuski, proszowicki, suski, tarnowski, Tarnów, tatrzański, wadowicki, wielicki.

—

Voivodship mazowieckie

Powiaty:

białobrzeski, ciechanowski, garwoliński, grójecki, gostyniński, grodziski, kozienicki, legionowski, lipski, łosicki, makowski, miński, mławski, nowodworski, ostrołęcki, Ostrołęka, ostrowski, otwocki, piaseczyński, Płock, płocki, płoński, pruszkowski, przasnyski, przysuski, pułtuski, Radom, radomski, Siedlce, siedlecki, sierpecki, sochaczewski, sokołowski, szydłowiecki, Warszawa, warszawski zachodni, węgrowski, wołomiński, wyszkowski, zwoleński, żuromiński, żyrardowski.

—

Voivodship opolskie

Powiaty:

brzeski, głubczycki, kędzierzyńsko-kozielski, kluczborski, krapkowicki, namysłowski, nyski, oleski, opolski, Opole, prudnicki, strzelecki.

—

Voivodship podkarpackie

Powiaty:

bieszczadzki, brzozowski, dębicki, jarosławski, jasielski, kolbuszowski, krośnieński, Krosno, leski, leżajski, lubaczowski, łańcucki, mielecki, niżański, przemyski, Przemyśl, przeworski, ropczycko-sędziszowski, rzeszowski, Rzeszów, sanocki, stalowowolski, strzyżowski, Tarnobrzeg, tarnobrzeski.

—

Voivodship podlaskie

Powiaty:

augustowski, białostocki, Białystok, bielski, grajewski, hajnowski, kolneński, łomżyński, Łomża, moniecki, sejneński, siemiatycki, sokólski, suwalski, Suwałki, wysokomazowiecki, zambrowski.

—

Voivodship pomorskie

Powiaty:

Gdańsk, gdański, Gdynia, lęborski, Sopot, wejherowski.

—

Voivodship śląskie

Powiaty:

będziński, bielski, Bielsko-Biała, bieruńsko-lędziński, Bytom, Chorzów, cieszyński, częstochowski, Częstochowa, Dąbrowa Górnicza, gliwicki, Gliwice, Jastrzębie Zdrój, Jaworzno, Katowice, kłobucki, lubliniecki, mikołowski, Mysłowice, myszkowski, Piekary Śląskie, pszczyński, raciborski, Ruda Śląska, rybnicki, Rybnik, Siemianowice Śląskie, Sosnowiec, Świętochłowice, tarnogórski, Tychy, wodzisławski, Zabrze, zawierciański, Żory, żywiecki.

—

Voivodship świętokrzyskie,

Powiaty:

buski, jędrzejowski, kazimierski, kielecki, Kielce, konecki, opatowski, ostrowiecki, pińczowski, sandomierski, skarżyski, starachowicki, staszowski, włoszczowski.

—

Voivodship warmińsko-mazurskie

Powiaty:

Elbląg, elbląski, ełcki, giżycki, gołdapski, kętrzyński, lidzbarski, olecki, piski, szczycieński, węgorzewski.

—

Voivodship wielkopolskie,

Powiaty:

jarociński, kaliski, Kalisz, kępiński, kolski, koniński, Konin, krotoszyński, międzychodzki, nowotomyski, ostrowski, ostrzeszowski, pleszewski, słupecki, średzki, śremski, turecki, wolsztyński, wrzesiński.”

(c)

l-annotazzjoni li ġejja tar-Renju Unit, hija miżjuda:

“Fir-Renju Unit:

—	L-Isle of Man.”