|
30.4.2011 |
MT |
Il-Ġurnal Uffiċjali tal-Unjoni Ewropea |
L 111/17 |
DEĊIŻJONI TA’ IMPLIMENTAZZJONI TAL-KUNSILL 2011/261/PESK
tad-29 ta' April 2011
li timplimenta d-Deċiżjoni 2010/656/PESK li ġġedded il-miżuri restrittivi kontra l-Côte d’Ivoire
IL-KUNSILL TAL-UNJONI EWROPEA,
Wara li kkunsidra d-Deċiżjoni tal-Kunsill 2010/656/PESK tad-29 ta' Ottubru 2010 li ġġedded il-miżuri restrittivi kontra l-Côte d’Ivoire (1), u b'mod partikolari l-Artikolu 6(2) tagħha, flimkien mal-Artikolu 31(2) tat-Trattat dwar l-Unjoni Ewropea,
Billi:
|
(1) |
Fid-29 ta' Ottubru 2010, il-Kunsill adotta d-Deċiżjoni 2010/656/PESK. |
|
(2) |
Fid-dawl tal-iżviluppi fil-Côte d’Ivoire, il-lista ta' persuni u entitajiet soġġetti għal miżuri restrittivi li tinsab fl-Anness II tad-Deċiżjoni 2010/656/PESK għandha tiġi emendata, |
ADOTTA DIN ID-DEĊIŻJONI:
Artikolu 1
L-entitajiet elenkati fl-Anness għal din id-Deċiżjoni għandhom jitħassru mil-lista li tinsab fl-Anness II għad-Deċiżjoni 2010/656/PESK.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, id-29 ta’ April 2011.
Għall-Kunsill
Il-President
MARTONYI J.
(1) ĠU L 285, 30.10.2010, p. 28.
ANNESS
ENTITAJIET IMSEMMIJA FL-ARTIKOLU 1
|
1. |
PETROCI (Soċjetà Nazzjonali tal-Operazzjonijiet Petroliferi tal-Côte d'Ivoire) |
|
2. |
BNI (Bank Nazzjonali tal-Investiment) |
|
3. |
BFA (Bank għall-Finanzjament tal-Agrikoltura) |
|
4. |
Bank Versus |
|
5. |
Caisse d’Epargne de Côte d’Ivoire |
|
6. |
Banque de l’Habitat de Côte d’Ivoire (BHCI) |