|
7.4.2011 |
MT |
Il-Ġurnal Uffiċjali tal-Unjoni Ewropea |
L 93/1 |
DEĊIŻJONI TAL-KUNSILL
tad-9 ta’ Marzu 2011
dwar il-konklużjoni tal-Ftehim bejn l-Unjoni Ewropea u l-Gvern tal-Gżejjer Faeroe dwar il-kooperazzjoni xjentifika u teknoloġika, li jassoċja l-Gżejjer Faeroe mas-Seba’ Programm Kwadru tal-Unjoni għall-Attivitajiet ta’ Riċerka, ta’ Żvilupp Teknoloġiku u ta’ Dimostrazzjoni (2007-2013)
(2011/218/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 186 flimkien mal-punt (v) tal-Artikolu 218(6)(a) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
|
(1) |
Il-Kummissjoni nnegozjat, f’isem l-Unjoni, Ftehim mal-Gvern tal-Gżejjer Faeroe dwar il-kooperazzjoni xjentifika u teknika li jassoċja l-Gżejjer Faeroe mas-Seba’ Programm Kwadru tal-Unjoni għall-Attivitajiet ta’ Riċerka, ta’ Żvilupp Teknoloġiku u ta’ Dimostrazzjoni (2007-2013) (minn hawn ’il quddiem imsejjaħ “il-Ftehim”). |
|
(2) |
Il-Ftehim kien iffirmat mir-rappreżentanti tal-Partijiet fit-3 ta’ Ġunju 2010 fi Brussell, u sar proviżorjament applikabbli mill-1 ta’ Jannar 2010, sakemm jiġi konkluż f’data aktar tard. |
|
(3) |
Il-Ftehim għandu jkun konkluż f’isem l-Unjoni, |
ADOTTA DIN ID-DEĊIŻJONI:
Artikolu 1
Il-Ftehim bejn l-Unjoni Ewropea u l-Gvern tal-Gżejjer Faeroe dwar il-kooperazzjoni xjentifika u teknoloġika li jassoċja l-Gżejjer Faeroe mas-Seba’ Programm Kwadru tal-Unjoni għall-Attivitajiet ta’ Riċerka, ta’ Żvilupp Teknoloġiku u ta’ Dimostrazzjoni (2007-2013) huwa b’dan approvat f’isem l-Unjoni (1).
Artikolu 2
Il-Kummissjoni għandha tadotta l-pożizzjoni li għandha tittieħed mill-Unjoni fil-Kumitat Konġunt stabbilit bl-Artikolu 4(1) tal-Ftehim.
Artikolu 3
Il-President tal-Kunsill, f’isem l-Unjoni, għandu jagħmel in-notifika prevista fl-Artikolu 5(2) tal-Ftehim.
Artikolu 4
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, id-9 ta’ Marzu 2011.
Għall-Kunsill
Il-President
CSÉFALVAY Z.
(1) ĠU L 245, 17.9.2010, p. 2.