(1)

L-applikazzjonijiet eliġibbli li l-Istati Membri nnotifikaw lill-Kummissjoni sal-15 ta’ Ottubru 2010 skont l-Artikolu 85s(2) tar-Regolament (KE) Nru 1234/2007 jaqbżu l-baġit massimu ta’ kull sena tal-iskema għall-qlugħ tad-dwieli għas-sena tal-għasra 2010/2011, jiġifieri EUR 276 miljun, kif stipulat fl-Anness Xd għal dak ir-Regolament. Għalhekk, għandu jiġi ffissat perċentwali uniku għall-aċċettazzjoni tal-ammonti nnotifikati b’mod effettiv.

(2)

Il-Lussemburgu kkomunika, skont l-Artikolu 85s(2) tar-Regolament (KE) Nru 1234/2007, applikazzjonijiet eliġibbli għal żona iżgħar minn 50 ettaru; għalhekk huwa eżentat mill-applikazzjoni għal perċentwali uniku għall-aċċettazzjoni skont l-Artikolu 71(3) tar-Regolament tal-Kummissjoni (KE) Nru 555/2008 tas-27 ta’ Ġunju 2008 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 479/2008 dwar l-organizzazzjoni komuni tas-suq tal-inbid fir-rigward ta’ programmi ta’ appoġġ, kummerċ ma’ pajjiżi terzi, potenzjal tal-produzzjoni u kontrolli fis-settur tal-inbid (2).

(3)

Għal raġuni ta’ ċarezza huwa xieraq li tiġi indikata wkoll analiżi statistika għal kull Stat Membru kkonċernat tal-baġit ta’ kull sena allokat għall-iskema għall-qlugħ tad-dwieli.

(4)

Ir-Regolament tal-Kummissjoni (KE) Nru 1092/2009 (3) li jiffissa perċentwal uniku għall-aċċettazzjoni tal-ammonti nnotifikati mill-Istati Membri, lill-Kummissjoni, dwar l-applikazzjonijiet għall-primjum għall-qlugħ tad-dwieli ma baqax jgħodd fl-aħħar tas-sena tal-għasra 2009/2010. Għal din ir-raġuni, għandu jiġi mibdul b’Regolament ġdid.

(5)

Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,