13.8.2010 |
MT |
Il-Ġurnal Uffiċjali tal-Unjoni Ewropea |
L 213/29 |
REGOLAMENT TAL-KUMMISSJONI (UE) Nru 726/2010
tat-12 ta’ Awwissu 2010
li jemenda r-Regolament (KE) Nru 917/2004 dwar ir-regoli dettaljati għall-implementazzjoni tar-Regolament tal-Kunsill (KE) Nru 797/2004 rigward il-miżuri għat-titjib tal-kondizzjonijiet ġenerali għall-produzzjoni u l-marketing ta’ prodotti tal-apikoltura
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikolu 110 tiegħu b’rabta mal-Artikolu 4 tiegħu,
Billi:
(1) |
Ir-Regolament tal-Kummissjoni (KE) Nru 917/2004 (2) jistabbilixxi d-dispożizzjonijiet għall-implimentazzjoni tal-programmi nazzjonali tal-apikoltura stipulati fir-Regolament (KE) Nru 1234/2007. Il-kontribut finanzjarju tal-Komunità għal dawk il-programmi huwa bbażat fuq iċ-ċensiment [il-popolazzjoni] tan-naħal f'kull Stat Membru kif elenkat fl-Anness I għar-Regolament (KE) Nru 917/2004. |
(2) |
Fil-komunikazzjonijiet tal-Istati Membri li jaġġornaw id-dettalji [id-dejta] strutturali dwar il-qagħda fis-settur kif stipulat fl-Artikolu 1(a) tar-Regolament (KE) Nru 917/2004, kien hemm tibdiliet fin-numru ta’ doqqajs. |
(3) |
Ir-Regolament (KE) Nru 917/2004 għandu għalhekk jiġi emendat skont dan. |
(4) |
Minħabba li l-Artikolu 2(3) tar-Regolament (KE) Nru 917/2004 jistabbilixxi l-31 ta’ Awwissu bħala d-data finali għall-implimentazzjoni ta’ miżuri taħt il-programmi tal-apikoltura għas-sena li għaliha jirrelataw dawn il-miżuri, dan ir-Regolament għandu japplika mis-sena ta’ kummerċjalizzazzjoni 2010/2011. |
(5) |
Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Anness I għar-Regolament (KE) Nru 917/2004 jinbidel bit-test li jidher fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika għall-ewwel darba għall-programmi li jkopru s-sena ta’ kummerċjalizzazzjoni 2010/2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta’ Awwissu 2010.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 163, 30.4.2004, p. 83.
ANNESS
“ANNESS I
Stat Membru |
Popolazzjoni tan-naħal Numru ta’ doqqajs |
BE |
112 000 |
BG |
617 420 |
CZ |
497 946 |
DK |
170 000 |
DE |
711 913 |
EE |
24 800 |
EL |
1 502 239 |
ES |
2 459 373 |
FR |
1 338 650 |
IE |
24 000 |
IT |
1 127 836 |
CY |
43 975 |
LV |
64 133 |
LT |
117 977 |
LU |
8 171 |
HU |
900 000 |
MT |
2 722 |
NL |
80 000 |
AT |
367 583 |
PL |
1 123 356 |
PT |
562 557 |
RO |
1 280 000 |
SI |
142 751 |
SK |
235 689 |
FI |
46 000 |
SE |
150 000 |
UK |
274 000 |
L-UE 27 |
13 985 091 ” |