8.7.2010 |
MT |
Il-Ġurnal Uffiċjali tal-Unjoni Ewropea |
L 173/1 |
REGOLAMENT TAL-KUMMISSJONI (UE) Nru 595/2010
tat-2 ta’ Lulju 2010
li jemenda l-Annessi VIII, X u XI għar-Regolament (KE) Nru 1774/2002 tal-Parlament Ewropew u tal-Kunsill li jippreskrivi regoli tas-saħħa li jirrigwardaw prodotti sekondarji tal-annimali mhux maħsuba għall-konsum uman
(Test b’relevanza għaż-ŻEE)
Il-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jippreskrivi regoli tas-saħħa li jirrigwardaw prodotti sekondarji tal-annimali mhux maħsuba għall-konsum uman (1), u b’mod partikolari l-ewwel u t-tieni subparagrafu tal-Artikolu 32(1) tiegħu,
Billi:
(1) |
Ir-Regolament (KE) Nru 1774/2002 jippreskrivi regoli li jirrigwardaw is-saħħa tal-annimali u s-saħħa pubblika li jikkonċernaw prodotti sekondarji tal-annimali mhux maħsubin għall-konsum uman. Jipprovdi li proteina pproċessata tal-annimali u prodotti oħrajn ipproċessati li jistgħu jintużaw bħala materjal ta’ għalf għandhom jitqiegħdu fis-suq biss jekk ikunu ġew ipproċessati skont l-Anness VII għal dak ir-Regolament. Barra minn hekk, ir-Regolament (KE) Nru 1774/2002 jipprovdi li ikel għal annimali domestiċi, ikel ta’ mastikazzjoni għall-klieb u prodotti tekniċi u dawk il-prodotti sekondarji tal-annimali msemmijin fl-Anness VIII għandhom jitqiegħdu fis-suq biss jekk jissodisfaw ir-rekwiżiti speċifiċi stabbiliti f’dak l-Anness. |
(2) |
Il-Kapitolu V tal-Anness VIII għar-Regolament (KE) Nru 1774/2002 attwalment jistabbilixxi rekwiżiti armonizzati għat-tqegħid fis-suq u għall-importazzjoni tas-serum taż-żwiemel. Iżda ċerti Stati Membri, sieħba fil-kummerċ u operaturi ekonomiċi wrew l-interess tagħhom fl-użu tad-demm u f’firxa usa’ ta’ prodotti tad-demm taż-żwiemel, ta’ oriġini kemm mill-Unjoni kif ukoll minn pajjiżi terzi, għal għanijiet tekniċi fl-Unjoni. Biex ikun iffaċilitat l-użu ta’ demm bħal dan u ta’ prodotti ta’ demm bħal dawn, huwa meħtieġ li jkunu stabbiliti rekwiżiti tas-saħħa tal-annimali għall-użu tagħhom għal għanijiet tekniċi. Rekwiżiti bħal dawn għandhom itaffu r-riskji li jista’ jkun hemm ta’ trażmissjoni ta’ ċertu mard li bilfors irid jiġi nnotifikat, liema mard jidher fil-Lista tad-Direttiva tal-Kunsill 90/426/KEE tas-26 ta’ Ġunju 1990 dwar kundizzjonijiet ta’ saħħa tal-annimali li jirregolaw il-moviment u l-importazzjoni ta’ żwiemel (2) minn pajjiżi abbażi ta’ evidenza xjentifika disponibbli. B’mod partikolari, id-demm għandu jiġi minn biċċeriji li jkunu ġew approvati skont ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għal ikel li jkun ġej mill-annimali (3), jew minn faċilitajiet approvati mill-awtorità kompetenti tal-pajjiż terz, u taħt is-superviżjoni tiegħu, għal ġbir ta’ demm, bħal azjendi fejn l-annimali jinżammu f’kundizzjonijiet speċjali ta’ saħħa. |
(3) |
Il-Kapitolu X tal-Anness VIII għar-Regolament (KE) Nru 1774/2002 jistabbilixxi rekwiżiti għall-importazzjoni ta’ qrejjen u prodotti tal-qrejjen (eskluż biċċiet tal-qrejjen) u dwiefer u prodotti ta’ dwiefer (eskluż biċċiet ta’ dwiefer), maħsubin għal użu li mhuwiex dak ta’ materjal ta’ għalf, fertilizzanti organiċi u materjali li jtejbu l-ħamrija. |
(4) |
Operaturi ekonomiċi wrew l-interess tagħhom fl-użu ta’ prodotti sekondarji tal-annimali bħal dawn għall-produzzjoni ta’ fertilizzanti organiċi jew ta’ materjali li jtejbu l-ħamrija. Iżda t-tqegħid fis-suq, inkluż l-importazzjoni ta’ prodotti sekondarji bħal dawn tal-annimali, għandu jitħalla jsir biss jekk dawn il-prodotti joriġinaw minn annimali li jkunu tajbin għall-qatla għall-konsum uman jew li ma jkunux urew sinjali kliniċi ta’ mard li jittieħed u jekk għalihom ikun ġie applikat trattament li jtaffi r-riskji li jista’ jkun hemm għas-saħħa. |
(5) |
Fil-każ tal-qrejjen, għandhom jittieħdu miżuri xierqa biex tkun impeduta t-trażmissjoni tal-enċefalopatija sponġiforma li tittieħed (transmissible spongiform encephalopathy - TSE) meta l-qrejjen jitneħħew mill-irjus. Il-Kumitat Xjentifiku ta’ Tmexxija ħareġ opinjoni dwar it-tixrid infettiv tat-TSE f’tessuti ta’ annimali li jixtarru (4). Skont dik l-opinjoni, il-qrejjen għandhom jitneħħew mingħajr il-ftuħ tal-kavità kranjali, biex kontaminazzjoni reċiproka ma’ aġenti tat-TSE tkun impeduta. |
(6) |
Għaldaqstant għandu jiżdied Kapitolu XV ġdid tal-Anness VIII għar-Regolament (KE) Nru 1774/2002 li jispeċifika l-kundizzjonijiet ta’ saħħa għat-tqegħid fis-suq, inkluża l-importazzjoni, ta’ qrejjen u prodotti ta’ qrejjen, eskluż biċċiet ta’ qrejjen, u dwiefer u prodotti tad-dwiefer, eskluż biċċiet tad-dwiefer, li jkunu maħsubin għall-produzzjoni ta’ fertilizzanti organiċi jew ta’ materjali li jtejbu l-ħamrija. |
(7) |
L-Anness X għar-Regolament (KE) Nru 1774/2002, kif emendat bir-Regolament tal-Kummissjoni (KE) Nru 437/2008 (5), jistabbilixxi mudell wieħed ta’ ċertifikat tas-saħħa għal ħalib u prodotti tal-ħalib mhux maħsubin għall-konsum mill-bniedem li joriġinaw f’pajjiżi terzi biex jintbagħtu lejn l-Unjoni jew biex jgħaddu minnha. Il-Kapitolu V tal-Anness VII għar-Regolament (KE) Nru 1774/2002 jistabbilixxi rekwiżiti speċifiċi għat-tqegħid fis-suq u għall-importazzjoni ta’ ħalib, prodotti tal-ħalib u kolostrum. Il-punt 3 tas-Sezzjoni A u l-punt 1.5 tas-Sezzjoni B ta’ dak il-Kapitolu jistabbilixxu r-rekwiżiti għax-xorrox li għandu jintama’ lil annimali ta’ speċi suxxettibbli għall-marda tal-ilsien u dwiefer. Iċ-ċertifikat mudell ta’ saħħa għall-importazzjoni ta’ ħalib u prodotti tal-ħalib mhux maħsubin għall-konsum mill-bniedem jinsab fil-Kapitolu 2 tal-Anness X għar-Regolament (KE) Nru 1774/2002. Ir-rekwiżiti għax-xorrox stabbiliti f’dak iċ-ċertifikat mudell huma aktar stretti mir-rekwiżiti li japplikaw għax-xorrox fil-kummerċ fl-Unjoni stabbiliti fil-Kapitolu V tal-Anness VII għal dak ir-Regolament. Għaldaqstant dak iċ-ċertifikat mudell għandu jiġi emendat biex ir-rekwiżiti għall-importazzjoni tax-xorrox ma jkunux inqas favorevoli minn dawk li japplikaw għall-produzzjoni u t-tqegħid għall-bejgħ tax-xorrox fil-kummerċ fl-Unjoni. Iċ-ċertifikat mudell tas-saħħa fil-Kapitolu 2 tal-Anness X għar-Regolament (KE) Nru 1774/2002 għandu, għaldaqstant, jiġi emendat. |
(8) |
L-Anness XI għar-Regolament (KE) Nru 1774/2002 jistabbilixxi listi ta’ pajjiżi terzi li minnhom, l-Istati Membri jistgħu jawtorizzaw l-importazzjoni ta’ ċerti prodotti sekondarji tal-annimali mhux maħsubin għall-konsum mill-bniedem b’referenza għad-Deċiżjoni tal-Kunsill 79/542/KEE (6), id-Deċiżjoni tal-Kummissjoni 97/296/KE (7), id-Deċiżjoni tal-Kummissjoni 94/85/KEE (8), id-Deċiżjoni tal-Kummissjoni 94/984/KE (9), id-Deċiżjoni tal-Kummissjoni 2000/585/KE (10), id-Deċiżjoni tal-Kummissjoni 2000/609/KE (11), id-Deċiżjoni tal-Kummissjoni 2004/211/KE (12), id-Deċiżjoni tal-Kummissjoni 2004/438/KE (13) u d-Deċiżjoni tal-Kummissjoni 2006/696/KE (14). Dawn l-atti legali ġew emendati jew sostitwiti b’mod konsiderevoli. L-Anness XI għandu jiġi emendat biex iqis emendi magħmulin għal dawk l-atti tal-Unjoni. |
(9) |
Għandu jingħata perjodu ta’ tranżizzjoni wara d-data ta’ dħul fis-seħħ ta’ dan ir-Regolament, biex jingħata żmien biżżejjed lill-partijiet interessati kollha biex jikkonformaw mar-regoli l-ġodda u biex jitħalla l-issoktar tal-importazzjoni fl-Unjoni ta’ prodotti sekondarji tal-annimali, kif hemm ipprovdut fir-Regolament (KE) Nru 1774/2002, qabel l-emendi introdotti b’dan ir-Regolament. |
(10) |
Il-miżuri msemmijin f’dan ir-Regolament huma konformi mal-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Annessi VIII, X u XI għar-Regolament (KE) Nru 1774/2002 huma emendati skont l-Anness għal dan ir-Regolament.
Artikolu 2
Għal perjodu ta’ tranżizzjoni sal-31 ta’ Awwissu 2010, l-Istati Membri għandhom jaċċettaw kunsinni ta’ ħalib u ta’ prodotti tal-ħalib, serum taż-żwiemel u prodotti ta’ demm ittrattat, esklużi dawk ta’ żwiemel għall-manifattura ta’ prodotti tekniċi li jkollhom magħhom ċertifikat tas-saħħa mimli u ffirmat skont iċ-ċertifikati mudelli rilevanti, kif stabbilit fil-Kapitolu 2, il-Kapitolu 4(A) u l-Kapitolu 4(D) rispettivament tal-Anness X għar-Regolament (KE) Nru 1774/2002 qabel id-data ta’ dħul fis-seħħ ta’ dan ir-Regolament.
Sat-30 ta’ Ottubru 2010, l-Istati Membri għandhom jaċċettaw kunsinni bħal dawn jekk iċ-ċertifikati ta’ saħħa li jkollhom magħhom ikunu mtlew u ġew iffirmati qabel l-1 ta’ Settembru 2010.
Artikolu 3
Dan ir-Regolament għandu jidħol fis-seħħ u għandu japplika fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.
Magħmul fi Brussell, it-2 ta’ Lulju 2010.
Għall-Kummissjoni
Il-President
José Manuel BARROSO
(1) ĠU L 273, 10.10.2002, p. 1.
(2) ĠU L 224, 18.8.1990, p. 42.
(3) ĠU L 139, 30.4.2004, p. 55.
(4) Opinjoni tal-Kumitat Xjentifiku ta’ Tmexxija adottata fil-laqgħa tiegħu tal-10 u l-11 ta’ Jannar 2002 u emendata fil-laqgħa tiegħu tas-7 u t-8 ta’ Novembru 2002.
(5) ĠU L 132, 22.5.2008, p. 7.
(6) ĠU L 146, 14.6.1979, p. 15.
(7) ĠU L 122, 14.5.1997, p. 21.
(8) ĠU L 44, 17.2.1994, p. 31.
(9) ĠU L 378, 31.12.1994, p. 11.
(10) ĠU L 251, 6.10.2000, p. 1.
(11) ĠU L 258, 12.10.2000, p. 49.
(12) ĠU L 73, 11.3.2004, p. 1.
(13) ĠU L 154, 30.4.2004, p. 72.
(14) ĠU L 295, 25.10.2006, p. 1.
ANNESS
L-Annessi VIII, X u XI għar-Regolament (KE) Nru 1774/2002 huma emendati kif ġej:
(1) |
L-Anness VIII huwa emendat kif ġej:
|
(2) |
L-Anness X huwa emendat kif ġej:
|
(3) |
L-Anness XI huwa sostitwit b’dan li ġej: “ANNESS XI Listi ta’ pajjiżi terzi li l-Istati Membri jistgħu jawtorizzaw importazzjoni mingħandhom ta’ prodotti sekondarji tal-annimali mhux maħsubin għall-konsum mill-bniedem L-inklużjoni ta’ pajjiż terz f’waħda mil-listi li ġejjin hija kundizzjoni neċessarja, iżda mhux biżżejjed, għall-importazzjoni tal-prodotti rilevanti minn dak il-pajjiż terz. L-importazzjoni għandha wkoll tissodisfa r-rekwiżiti rilevanti tas-saħħa tal-annimali u tas-saħħa pubblika. Id-deskrizzjonijiet li ġejjin jirreferu għat-territorji jew partijiet minnhom minn fejn titħalla ssir importazzjoni ta’ ċerti prodotti sekondarji tal-annimali, kif jingħad fiċ-ċertifikat jew dikjarazzjoni rilevanti tas-saħħa tal-annimali kif stabbilit fl-Anness X. PARTI I Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ħalib u prodotti tal-ħalib (ċertifikat tas-saħħa, Kapitolu 2) Pajjiżi terzi awtorizzati elenkati fl-Anness I għad-Deċiżjoni 2004/438/KE (1). PARTI II Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ proteini proċessati tal-annimali (eskluż biċċiet ta’ ħut) (ċertifikat tas-saħħa, Kapitolu 1) Pajjiżi terzi elenkati fil-Parti 1 tal-Anness II għar-Regolament tal-Kummissjoni (UE) Nru 206/2010 (2) PARTI III Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ biċċiet ta’ ħut u ta’ żejt tal-ħuta (ċertifikat tas-saħħa, Kapitoli 1 u 9) Pajjiżi terzi elenkati fl-Anness II għad-Deċiżjoni tal-Kummissjoni 2006/766/KE (3). PARTI IV Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ xaħmijiet imdewwba (eskluż iż-żejt tal-ħuta) (ċertifikat tas-saħħa, Kapitoli 10(A) u 10(B)) Pajjiżi terzi elenkati fil-Parti 1 tal-Anness II għar-Regolament (UE) Nru 206/2010. PARTI V Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti tad-demm għal materjal ta’ ikel (ċertifikat tas-saħħa, Kapitolu 4(B)) A. Prodotti tad-demm minn mammali bid-dwiefer (ungulati) Pajjiżi terzi jew partijiet ta’ pajjiżi terzi elenkati fil-Parti 1 tal-Anness II għar-Regolament (UE) Nru 206/2010, li mingħandhom hija awtorizzata l-importazzjoni tal-kategoriji kollha ta’ laħam frisk tal-ispeċi rispettivi. B. Prodotti tad-demm minn speċijiet oħrajn Pajjiżi terzi elenkati fil-Parti 1 tal-Anness II għar-Regolament (UE) Nru 206/2010. PARTI VI Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti sekondarji tal-annimali u prodotti tad-demm (bl-eċċezzjoni ta’ dawk taż-żwiemel) maħsubin għal għanijiet tekniċi, inklużi farmaċewtiċi (ċertifikat tas-saħħa, Kapitoli 4(C) u 8)
PARTI VII(A) Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti sekondarji tal-annimali għall-manifattura ta’ ikel għal annimali domestiċi (ċertifikat tas-saħħa, Kapitolu 3(F))
PARTI VII(B) Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ikel nej għal annimali domestiċi maħsub biex jintbagħat lejn l-Unjoni Ewropea għal bejgħ dirett, jew prodotti sekondarji tal-annimali biex jingħata bħala ikel lil annimali tel-fer f’irziezet (ċertifikat tas-saħħa, Kapitolu 3(D)) Pajjiżi terzi elenkati fil-Parti 1 tal-Anness II għar-Regolament (UE) Nru 206/2010 jew fil-Parti 1 tal-Anness I għar-Regolament (KE) Nru 798/2008, li l-Istati Membri jawtorizzaw l-importazzjoni mingħandhom ta’ laħam frisk mill-istess speċi u fejn għadam fil-laħam biss huwa awtorizzat. Fil-każ ta’ materjal ta’ ħut, pajjiżi terzi elenkati fl-Anness II għad-Deċiżjoni 2006/766/KE. PARTI VII(C) Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ interjuri li jagħtu togħma għal użu fil-manifattura ta’ ikel għal annimali domestiċi, maħsubin biex jintbagħtu lejn l-Unjoni Ewropea (ċertifikat tas-saħħa, Kapitolu 3(E)) Pajjiżi terzi elenkati fil-Parti 1 tal-Anness II għar-Regolament (UE) Nru 206/2010 jew fil-Parti 1 tal-Anness I għar-Regolament (KE) Nru 798/2008, li l-Istati Membri jawtorizzaw l-importazzjoni mingħandhom ta’ laħam frisk mill-istess speċi u fejn għadam fil-laħam biss huwa awtorizzat. Fil-każ ta’ interjuri li jagħtu togħma minn materjal ta’ ħut, pajjiżi terzi elenkati fl-Anness II għad-Deċiżjoni 2006/766/KE. PARTI VIII Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ lanżit ta’ ħnieżer (ċertifikat tas-saħħa, Kapitoli 7(A) u 7(B))
PARTI IX Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ demel ipproċessat u prodotti ta’ demel ipproċessat għat-trattament tal-ħamrija (ċertifikat tas-saħħa, Kapitolu 17) Għal demel ipproċessat u prodotti ta’ demel ipproċessat, pajjiżi terzi elenkati fi:
PARTI X Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ikel għal annimali domestiċi u ikel ta’ mastikazzjoni għall-klieb (ċertifikat tas-saħħa, Kapitoli 3(A), 3(B) u 3(C)) Pajjiżi terzi elenkati fil-Parti 1 tal-Anness II għar-Regolament (UE) Nru 206/2010, u l-pajjiżi terzi li ġejjin:
PARTI XI Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ġelatina, proteina idrolizzata, kollaġenu, fosfat tad-dikalċju u fosfat tat-trikalċju (ċertifikat tas-saħħa, Kapitoli 11 u 12). Pajjiżi terzi elenkati fil-Parti 1 tal-Anness II għar-Regolament (UE) Nru 206/2010, u l-pajjiżi terzi li ġejjin:
PARTI XII Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti tal-apikoltura (ċertifikat tas-saħħa, Kapitolu 13) Pajjiżi terzi elenkati fil-Parti 1 tal-Anness II għar-Regolament (UE) Nru 206/2010. PARTI XIII Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ demm u prodotti tad-demm taż-żwiemel (ċertifikat tas-saħħa, Kapitolu 4(A))
PARTI XIV Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ġlud ħoxnin (hides) u ġlud oħrajn (skins) ta’ ungulati (ċertifikat tas-saħħa, Kapitoli 5(A), 5(B) u 5(C))
PARTI XV Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ trofej tal-kaċċa (ċertifikat tas-saħħa, Kapitoli 6(A) u 6(B))
PARTI XVI Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti tal-bajd mhux maħsubin għall-konsum mill-bniedem li jistgħu jintużaw bħala materjal ta’ ikel (ċertifikat tas-saħħa, Kapitolu 15) Pajjiżi terzi elenkati fil-Parti 1 tal-Anness II għar-Regolament (UE) Nru 206/2010, u pajjiżi terzi jew partijiet ta’ pajjiżi terzi li l-Istati Membri jawtorizzaw l-importazzjoni mingħandhom ta’ laħam frisk ta’ tjur, li huma elenkati fil-Parti 1 tal-Anness I għar-Regolament (KE) Nru 798/2008. PARTI XVII Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ għadam u prodotti tal-għadam (eskluż biċċiet tal-għadam), qrejjen u prodotti ta’ qrejjen (eskluż biċċiet ta’ qrejjen) u dwiefer u prodotti ta’ dwiefer (eskluż biċċiet ta’ dwiefer) maħsubin għal użu li mhuwiex dak ta’ materjal ta’ għalf, fertilizzanti organiċi jew materjali li jtejbu l-ħamrija (dikjarazzjoni, Kapitolu 16) Kull pajjiż terz. PARTI XVIII Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ qrejjen u prodotti ta’ qrejjen (eskluż biċċiet ta’ qrejjen) u dwiefer u prodotti ta’ dwiefer, (eskluż biċċiet ta’ dwiefer) maħsubin għall-produzzjoni ta’ fertilizzanti organiċi jew materjali li jtejbu l-ħamrija (ċertifikat tas-saħħa, Kapitolu 18) Kull pajjiż terz. |
(1) ĠU L 154, 30.4.2004, p. 72.
(3) ĠU L 320, 18.11.2006, p. 53.
(4) ĠU L 226, 23.8.2008, p. 1.
(5) ĠU L 39, 10.2.2009, p. 12.
(7) Ikel għal annimali domestiċi li joriġna minn ħut biss.
(8) Ikel ta’ mastikazzjoni għall-klieb magħmul minn ġlud ħoxnin u ġlud oħrajn ta’ ungulati biss.
(9) Ikel ipproċessat għal annimali domestiċi għal ħut ornamentali biss.
(10) Ġelatina biss.”