li jemenda l-Annessi VIII, X u XI għar-Regolament (KE) Nru 1774/2002 tal-Parlament Ewropew u tal-Kunsill li jippreskrivi regoli tas-saħħa li jirrigwardaw prodotti sekondarji tal-annimali mhux maħsuba għall-konsum uman

Wara li kkunsidrat ir-Regolament (KE) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jippreskrivi regoli tas-saħħa li jirrigwardaw prodotti sekondarji tal-annimali mhux maħsuba għall-konsum uman (1), u b’mod partikolari l-ewwel u t-tieni subparagrafu tal-Artikolu 32(1) tiegħu,

L-Annessi VIII, X u XI għar-Regolament (KE) Nru 1774/2002 huma emendati skont l-Anness għal dan ir-Regolament.

Għal perjodu ta’ tranżizzjoni sal-31 ta’ Awwissu 2010, l-Istati Membri għandhom jaċċettaw kunsinni ta’ ħalib u ta’ prodotti tal-ħalib, serum taż-żwiemel u prodotti ta’ demm ittrattat, esklużi dawk ta’ żwiemel għall-manifattura ta’ prodotti tekniċi li jkollhom magħhom ċertifikat tas-saħħa mimli u ffirmat skont iċ-ċertifikati mudelli rilevanti, kif stabbilit fil-Kapitolu 2, il-Kapitolu 4(A) u l-Kapitolu 4(D) rispettivament tal-Anness X għar-Regolament (KE) Nru 1774/2002 qabel id-data ta’ dħul fis-seħħ ta’ dan ir-Regolament.

Sat-30 ta’ Ottubru 2010, l-Istati Membri għandhom jaċċettaw kunsinni bħal dawn jekk iċ-ċertifikati ta’ saħħa li jkollhom magħhom ikunu mtlew u ġew iffirmati qabel l-1 ta’ Settembru 2010.

Dan ir-Regolament għandu jidħol fis-seħħ u għandu japplika fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

(4) Opinjoni tal-Kumitat Xjentifiku ta’ Tmexxija adottata fil-laqgħa tiegħu tal-10 u l-11 ta’ Jannar 2002 u emendata fil-laqgħa tiegħu tas-7 u t-8 ta’ Novembru 2002.

ANNESS

L-Annessi VIII, X u XI għar-Regolament (KE) Nru 1774/2002 huma emendati kif ġej:

(1)

L-Anness VIII huwa emendat kif ġej:

(a)

Il-Kapitolu V huwa ssostitwit b’dan li ġej:

“KAPITOLU V

Rekwiżiti għal demm u prodotti tad-demm taż-żwiemel għal għanijiet tekniċi

A. Tqegħid fis-suq

It-tqegħid fis-suq għal għanijiet tekniċi ta’ demm u prodotti tad-demm minn żwiemel għandu jkun soġġett għall-kundizzjonijiet li ġejjin:

Id-demm jista’ jitqiegħed fis-suq bil-kundizzjoni li:

(a)

ikun inġabar minn żwiemel li:

(i)

waqt l-ispezzjoni fid-data tal-ġbir tad-demm ma jurux sinjali kliniċi ta’ xi marda li bilfors trid tiġi nnotifikata elenkata fl-Anness A għad-Direttiva 90/426/KEE, u tal-influwenza tal-ekwini, il-piroplażmożi tal-ekwini, ir-rinopnewmonite tal-ekwini u l-artrite virali tal-ekwini, elenkati fil-punt 4 tal-Artikolu 1.2.3. tal-Kodiċi tas-Saħħa tal-Annimali Terrestri tal-Organizzazzjoni Dinjija għas-Saħħa tal-Annimali (OIE), Edizzjoni tal-2009;

(ii)	jkunu nżammu għal mill-inqas 30 jum qabel id-data tal-ġbir tad-demm u matul dan il-ġbir, f’azjendi taħt superviżjoni veterinarja, li ma kinux soġġetti għal ordni ta’ projbizzjoni skont l-Artikolu 4(5) tad-Direttiva 90/426/KEE jew għal restrizzjonijiet skont l-Artikolu 5 tagħha;

(iii)

għall-perjodi stabbiliti fl-Artikolu 4(5) tad-Direttiva 90/426/KEE ma kellhomx kuntatt ma’ żwiemel ta’ azjendi li ma kinux soġġetti għal ordni ta’ projbizzjoni għal raġunijiet ta’ saħħa tal-annimali skont dak l-Artikolu, u li għal mill-inqas 40 jum qabel id-data tal-ġbir tad-demm u matul dan il-ġbir ma kellhomx kuntatt ma’ żwiemel minn Stat Membru jew pajjiż terz li ma kinux jitqiesu ħielsa minn marda Afrikana taż-żwiemel skont l-Artikolu 5(2)(a) ta’ dik id-Direttiva;

(b)

ikun inġabar taħt superviżjoni veterinarja:

(i)	f’biċċeriji approvati skont ir-Regolament (KE) Nru 853/2004; jew

(ii)	f’faċilitajiet approvati u li jkollhom numru ta’ approvazzjoni veterinarja u taħt superviżjoni mill-awtorità kompetenti bil-għan li jinġabar demm taż-żwiemel għall-produzzjoni ta’ prodotti tad-demm għal għanijiet tekniċi.

Prodotti tad-demm jistgħu jitqiegħdu fis-suq bil-kundizzjoni li:

(a)	ikunu ttieħdu l-prekawzjonijiet kollha biex tkun evitata l-kontaminazzjoni tal-prodotti tad-demm ma’ aġenti patoġeniċi matul il-produzzjoni, l-immaniġġar u l-ippakkjar;

(b)

il-prodotti tad-demm ikunu ġew prodotti minn demm li:

(i)	jew jissodisfa l-kundizzjonijiet stabbiliti fil-paragrafu 1(a); jew

(ii)

kienu soġġetti għal mill-inqas wieħed mit-trattamenti li ġejjin, segwiti minn kontroll tal-effikaċja, għall-inattivar ta’ patoġeni kawżattivi għall-marda Afrikana taż-żwiemel, l-enċefalomajlite tal-ekwini ta’ kull xorta, inkluża l-enċefalomajlite tal-ekwini tal-Venezwela, l-anemija infettiva ekwina, l-istomatite vesikulari u glanders (Burkholderia mallei) li seta’ kien hemm:

—	trattament bis-sħana f’temperatura ta’ 65 °C għal mill-inqas tliet sigħat;

—	irradjazzjoni f’25 kGy b’raġġi gamma;

—	bidla fil-pH għal pH 5 għal sagħtejn;

—	trattament bis-sħana ta’ mill-inqas 80 °C fis-sustanza kollha tagħhom.

Demm u prodotti tad-demm minn żwiemel għandhom ikunu ppakkjati f’reċipjenti impermeabbli u ssiġillati li:

(a)	jkollhom tikketta li tinqara faċilment bil-kliem ‘DEMM U PRODOTTI TAD-DEMM MINN ŻWIEMEL, MHUX GĦALL-KONSUM MILL-BNIEDEM JEW MILL-ANNIMALI’;

(b)	ikollhom in-numru ta’ approvazzjoni tal-istabbiliment tal-ġbir li hemm referenza għalih fil-paragrafu 1(b).

B. Importazzjoni

L-Istati Membri għandhom jawtorizzaw l-importazzjoni ta’ demm u ta’ prodotti tad-demm taż-żwiemel għal għanijiet tekniċi, soġġett għall-kundizzjonijiet li ġejjin:

Id-demm għandu jikkonforma mal-kundizzjonijiet stabbiliti fil-paragrafu 1(a) tas-Sezzjoni A u għandu jinġabar taħt superviżjoni veterinarja jew:

(a)

f’biċċeriji

(i)	approvati skont ir-Regolament (KE) Nru 853/2004; jew

(ii)	approvati u taħt superviżjoni mill-awtorità kompetenti tal-pajjiż terz; jew

(b)	f’faċilitajiet approvati u li jkollhom numru ta’ approvazzjoni veterinarja u taħt superviżjoni mill-awtorità kompetenti tal-pajjiż terz bil-għan li jinġabar demm taż-żwiemel għall-produzzjoni ta’ prodotti tad-demm għal għanijiet tekniċi.

Il-prodotti tad-demm għandhom jikkonformaw mal-kundizzjonijiet stabbiliti fil-paragrafu 2 tas-Sezzjoni A.

Barra minn hekk, il-prodotti tad-demm imsemmijin fil-paragrafu 2(b)(i) tas-Sezzjoni A għandhom ikunu ġew prodotti minn demm miġbur minn żwiemel li jkunu nżammu għal perjodu ta’ mill-inqas tliet xhur, jew mit-twelid tagħhom jekk kellhom inqas minn tliet xhur qabel id-data tal-ġbir f’azjendi taħt superviżjoni veterinarja fil-pajjiż terz tal-ġbir, li matul dak il-perjodu u matul il-perjodu tal-ġbir tad-demm kienu ħielsa minn:

(a)	marda Afrikana taż-żwiemel skont l-Artikolu 5(2)(a) tad-Direttiva 90/426/KEE;

(b)	l-enċefalomajlite tal-ekwini tal-Venezwela għal perjodu ta’ mill-inqas sentejn;

(c)

glanders:

(i)	għal perjodu ta’ tliet snin; jew

(ii)

għal perjodu ta’ sitt xhur li matulu l-annimali ma jkunu wrew ebda sinjali kliniċi ta’ glanders (Burkholderia mallei) matul l-ispezzjoni post-mortem fil-biċċerija li hemm referenza għaliha fil-paragrafu 1(a), inkluż eżami bir-reqqa tal-membrani mukużi mit-trakea, il-larinġi, il-kavitajiet nażali u s-sinus u r-ramifikazzjonijiet tagħhom, wara l-qsim tar-ras fil-pjan medjan u l-qtugħ barra tas-septum nażali;

(d)	l-istomatite vesikulari, għal sitt xhur.

3.	Il-prodotti tad-demm għandhom jiġu minn impjant tekniku approvat mill-awtorità kompetenti tal-pajjiż terz li jkun jissodisfa l-kundizzjonijiet speċifiċi stabbiliti fl-Artikolu 18 tar-Regolament (KE) Nru 1774/2002.

Id-demm u l-prodotti tad-demm għandhom jiġu minn pajjiż terz li jidher fil-lista li hemm referenza għaliha fil-Partijiet li ġejjin tal-Anness XI:

(a)	Parti XIII(A) fejn id-demm ikun inġabar skont il-paragrafu 1 tas-Sezzjoni A jew fejn prodotti tad-demm ikunu ġew prodotti skont il-paragrafu 2(b)(i) tas-Sezzjoni A; jew

(b)	Parti XIII(B) fejn huma jkunu ġew ittrattati skont il-paragrafu 2(b)(ii) tas-Sezzjoni A.

5.	Id-demm u prodotti tad-demm għandhom ikunu ppakkjati u ttikkettjati skont il-paragrafu 3(a) tas-Sezzjoni A u għandu jkollhom magħhom ċertifikat tas- saħħa li jkun konformi mal-mudell stabbilit fil-Kapitolu 4(A) tal-Anness X, mimli u ffirmat kif dovut mill-veterinarju uffiċjali.”

(b)

ġie miżjud il-Kapitolu XV li ġej:

“KAPITOLU XV

Rekwiżiti għal qrejjen u prodotti ta’ qrejjen, eskluż biċċiet ta’ qrejjen, u dwiefer u prodotti ta’ dwiefer, eskluż biċċiet ta’ dwiefer, maħsubin għall-produzzjoni ta’ fertilizzanti organiċi jew materjali li jtejbu l-ħamrija

A. Tqegħid fis-suq

It-tqegħid fis-suq ta’ qrejjen u prodotti ta’ qrejjen, eskluż biċċiet ta’ qrejjen, u dwiefer u prodotti ta’ dwiefer, eskluż biċċiet ta’ dwiefer, maħsubin għall-produzzjoni ta’ fertilizzanti organiċi jew materjali li jtejbu l-ħamrija, għandu jkun soġġett għall-kundizzjonijiet li ġejjin:

huma għandhom joriġinaw minn annimali li:

(a)	jew ikunu nqatlu f’biċċerija, wara li jkunu għaddew minn spezzjoni ante-mortem, u nstabu li kienu, b’riżultat ta’ din l-ispezzjoni, tajbin għall-qatla għall-konsum mill-bniedem skont il-leġiżlazzjoni tal-Unjoni;

(b)	jew ma wrewx sinjali kliniċi ta’ xi marda ta’ dak il-prodott li tittieħed mill-bniedem jew mill-annimali.

2.	ikunu għaddew minn trattament bis-sħana għal siegħa f’temperatura ta’ mill-inqas 80°C fil-qalba tagħha;

3.	il-qrejjen ikunu tneħħew mingħajr il-ftuħ tal-kavità kranjali;

4.	f’kull stadju tal-proċessar, ħżin jew trasport, tkun ittieħdet kull prekawzjoni biex tkun evitata l-kontaminazzjoni reċiproka;

5.	għandhom jiġu ppakkjati f’pakki jew f’reċipjenti ġodda; jew għandhom jiġu ttrasportati f’vetturi jew f’kontejners li jġorru bil-kwantità li kienu ġew diżinfettati qabel it-tagħbija bl-użu ta’ prodott approvat mill-awtorità kompetenti;

Il-pakki jew ir-reċipjenti għandhom:

(a)	jindikaw it-tip ta’ prodott (qrejjen, prodotti ta’ qrejjen, dwiefer jew prodotti ta’ dwiefer);

(b)	ikunu ttikkettjati b’mod ċar ‘MHUX GĦALL-KONSUM MILL-BNIEDEM JEW MILL-ANNIMALI’;

(c)	ikunu mmarkati bl-isem u bl-indirizz tal-impjant tekniku jew ta’ ħażna approvat ta’ destinazzjoni.

B. Importazzjoni

L-Istati Membri għandhom jawtorizzaw l-importazzjoni ta’ qrejjen u prodotti ta’ qrejjen, eskluż biċċiet ta’ qrejjen, u dwiefer u prodotti ta’ dwiefer, eskluż biċċiet ta’ dwiefer, maħsubin għall-produzzjoni ta’ fertilizzanti organiċi jew materjali li jtejbu l-ħamrija bil-kundizzjoni li dawn:

1.	jiġu minn pajjiż terz li jidher fil-lista li hemm referenza għaliha fil-Parti XVIII tal-Anness XI;

2.	ikunu ġew prodotti skont il-punt A ta’ dan il-Kapitolu;

3.	ikollhom magħhom ċertifikat tas-saħħa li jikkonforma mal-mudell stabbilit fil-Kapitolu 18 tal-Anness X, mimli u ffirmat kif dovut mill-veterinarju uffiċjali;

jitwasslu, wara li jkunu saru l-eżamijiet veterinarji fil-post ta’ spezzjoni tal-fruntiera fil-punt ta’ dħul fl-Unjoni kif hemm provdut fid-Direttiva 97/78/KE, u skont il-kundizzjonijiet stabbiliti fl-Artikolu 8(4) ta’ dik id-Direttiva, direttament għal impjant tekniku approvat jew impjant ta’ ħażna approvat.”

(2)

L-Anness X huwa emendat kif ġej:

(a)

il-Kapitolu 2 huwa ssostitwit b’dan li ġej:

“KAPITOLU 2

Ċertifikat tas-saħħa

Għal ħalib u prodotti tal-ħalib mhux maħsubin għall-konsum mill-bniedem biex jintbagħtu lejn l-Unjoni Ewropea jew biex jgħaddu minnha (2)

Test ta 'immaġni

Parti II: Ċertifikazzjoni

PAJJIŻ

Ħalib u prodotti tal-ħalib mhux għall-konsum mill-bniedem

II. Informazzjoni dwar is-saħħa

II.a. Numru ta’ referenza taċ-ċertifikat

II.b.

Jiena, l-veterinarju uffiċjali sottoskritt, niddikjara li qrajt u fhimt ir-Regolament (KE) Nru 1774/2002 (1), u b’mod partikolari l-Artikolu 6 u l-Kapitolu V tal-Anness VII għalih, u niċċertifika li l-ħalib (2) jew il-prodotti tal-ħalib (2) li hemm referenza għalihom fil-kaxxa I.28 jikkonformaw mal-kundizzjonijiet li ġejjin:

II.1. ġew prodotti u oriġinaw fi … (niżżel l-isem tal-pajjiż esportatur) (3), …(niżżel l-isem tar-reġjun) (3), li huwa elenkat fl-Anness għad-Deċiżjoni 2004/438/KE, li kien ħieles mill-marda tal-ilsien u d-dwiefer (MLD) u mill-pesta tal-ifrat għal 12-il xahar immedjatament qabel l-esportazzjoni u ma pprattikax tilqim kontra l-pesta tal-ifrat matul dak il-perjodu;

II.2. saru minn ħalib mhux maħdum li oriġina minn annimali li fiż-żmien tal-ħlib ma wrewx sinjali kliniċi ta’ xi marda li tiġi trasmessa mill-ħalib għall-bniedem jew għall-annimali, u li nżammu għal mill-inqas 30 jum qabel il-produzzjoni f’azjendi li ma kinux soġġetti għal restrizzjonijiet uffiċjali minħabba l-marda tal-ilsien u d-dwiefer (MLD) jew il-pesta tal-ifrat;

II.3. huma ħalib jew prodotti tal-ħalib li:

(2) jew [għaddew minn wieħed mit-trattamenti jew kombinazzjonijiet tagħhom kif deskritt fil-punt II. 4]

(2) jew [fejn ikunu magħmulin mix-xorrox biex jingħata bħala għalf lil annimali ta’ speċi suxxettibbli għall-marda tal-ilsien u d-dwiefer (MLD), dak ix-xorrox inġabar minn ħalib li ġie soġġett għal wieħed mit-trattamenti deskritti fil-punt II. 4 u

(2) jew [ix-xorrox inġabar mill-inqas 16-il siegħa wara li għaqad u għandu pH taħt 6;]

(2) jew [ix-xorrox ġie prodott mill-inqas 21 jum qabel il-ġarr bil-baħar u li f’dan il-perjodu ma nstab ebda każ tal-MLD fil-pajjiż esportatur;]

(2) jew [ix-xorrox ġie prodott nhar ../../.., din id-data, minħabba li ġie kkunsidrat it-tul imbassar tal-vjaġġ, li huwa mill-inqas 21 jum qabel mal-kunsinna tkun ippreżentata f’Post ta’ Spezzjoni tal-Fruntiera tal-Unjoni Ewropea;] (4)]

II.4. kienu soġġetti għal wieħed mit-trattamenti li ġejjin:

(2) jew [Pastorizzazzjoni f’Temperatura Għolja u Għal Qasir Żmien ta’ 72 °C għal mill-inqas 15-il sekonda, jew pastorizzazzjoni ekwivalenti li ġġib reazzjoni negattiva għal test tal-phosphatase, flimkien ma’:

(2) jew [tieni pastorizzazzjoni sussegwenti f’Temperatura Għolja u Għal Qasir Żmien ta’ 72 °C għal mill-inqas 15-il sekonda jew pastorizzazzjoni ekwivalenti li hija stess iġġib reazzjoni negattiva għal test tal-phosphatase;]

(2) jew [proċess ta’ nxif sussegwenti li fil-każ ta’ ħalib maħsub għall-ikel isir flimkien ma’ tisħin addizzjonali sa 72 °C jew ogħla;]

(2) jew [proċess sussegwenti li bih, il-pH jitnaqqas u jinżamm għal mill-inqas siegħa f’livell taħt 6;]

(2)(4) jew [il-kundizzjoni li l-ħalib/prodott tal-ħalib ġew prodotti mill-inqas 21 jum qabel il-ġarr bil-baħar u li f’dan il-perjodu ma jkun instab ebda każ tal-MLD fil-pajjiż esportatur;]

(2)(4) jew [il-ħalib/prodott tal-ħalib ġew prodotti fi …/../…, din id-data, minħabba li ġie kkunsidrat it-tul imbassar tal-vjaġġ, li huwa mill-inqas 21 jum qabel mal-kunsinna tkun ippreżentata f’Post ta’ Spezzjoni tal-Fruntiera tal-Unjoni Ewropea;]

(2) jew [sterilizzazzjoni f’livell ta’ mill-inqas F03;]

(2) jew [Trattament f’Temperatura Għolja Ħafna ta’ 132 °C għal mill-inqas sekonda waħda flimkien ma’:

(2) jew [proċess ta’ nxif sussegwenti li fil-każ ta’ ħalib maħsub għall-ikel isir flimkien ma’ tisħin addizzjonali għal 72 °C jew iktar,]

(2) jew [proċess sussegwenti li bih il-pH jitnaqqas u jinżamm għal mill-inqas siegħa f’livell taħt 6.]

(2)(4) jew [il-kundizzjoni li l-ħalib/prodott tal-ħalib ġew prodotti mill-inqas 21 jum qabel il-ġarr bil-baħar u li f’dan il-perjodu ma jkun instab ebda każ tal-MLD fil-pajjiż esportatur;]

(2)(4) jew [il-ħalib/prodott tal-ħalib ġew prodotti fi …/../…, minħabba li ġie kkunsidrat it-tul imbassar tal-vjaġġ, li huwa mill-inqas 21 jum qabel mal-kunsinna tkun ippreżentata f’Post ta’ Spezzjoni tal-Fruntiera tal-Unjoni Ewropea]

Test ta 'immaġni

PAJJIŻ

Ħalib u prodotti tal-ħalib mhux għall-konsum mill-bniedem

II. Informazzjoni dwar is-saħħa

II.a. Numru ta’ referenza taċ-ċertifikat

II.b.

II.5. tkun ittieħdet kull prekawzjoni biex tkun evitata l-kontaminazzjoni tal-ħalib/prodott tal-ħalib wara l-ipproċessar;

II.6. il-ħalib/prodott tal-ħalib ġie ppakkjat:

(2) jew [f’reċipjenti ġodda,]

(2) jew [f’vetturi jew f’kontejners li jġorru bil-kwantità, diżinfettati qabel it-tagħbija bl-użu ta’ prodott approvat mill-awtorità kompetenti,]

u the containers are marked so as to indicate the nature of the milk/milk product and bear labels indicating that the product is Category 3 material and not intended for human consumption.

Noti

Parti I:

Referenza għall-kaxxa I.6: Persuna responsabbli mit-tagħbija fl-UE: din il-kaxxa għandha timtela biss jekk ikun ċertifikat għal prodott bażi ta’ tranżitu.

Referenza għall-kaxxa I.12: Post ta’ destinazzjoni: din il-kaxxa għandha timtela biss jekk ikun ċertifikat għal prodott bażi ta’ tranżitu.

Referenza għall-kaxxa I.15: Għandhom jingħataw in-numru ta’ reġistrazzjoni (vaguni ta’ ferrovija jew kontejners jew trakkijiet), in-numru tat-titjira (ajruplan) jew l-isem (tal-vapur). F’każ ta’ ħatt u tagħbija mill-ġdid, min jibgħat għandu jgħarraf lill-Post ta’ Spezzjoni tal-Fruntiera tal-Unjoni Ewropea.

Referenza għall-kaxxa I.19: uża l-kodiċi x-xieraq tas-Sistema Armonizzata (SA) tal-Organizzazzjoni Dinjija tad-Dwana: 23.09.10, 23.09.90, 35.01, 35.02 jew 35.04.

Referenza għall-kaxxa I.23: għal kontejners li jġorru bil-kwantità, għandu jkun hemm inkluż in-numru tal-kontejner u n-numru tas-siġill (jekk applikabbli).

Referenza għall-kaxxa I.26 u I.27: imla skont jekk iċ-ċertifikat huwiex wieħed ta’ tranżitu jew ta’ importazzjoni.

Referenza għall-kaxxa I.28: “Impjant ta’ manifattura”: agħti n-numru ta’ reġistrazzjoni tat-trattament jew tal-istabbiliment tal-ipproċessar.

Parti II:

(1) ĠU L 273, 10.10.2002, p. 1.

(2) Ħassar kif meħtieġ.

(3) Għandha timtela jekk l-awtorizzazzjoni għall-importazzjoni fl-Unjoni Ewropea hija ristretta għal ċerti reġjuni tal-pajjiż terz konċernat.

(4) din il-kundizzjoni tapplika biss għal pajjiżi terzi elenkati fil-kolonna "A" tal-Anness I għad-Deċiżjoni 2004/438/KE

Il-firma u s-siġill għandhom ikunu ta’ kulur differenti minn dak tal-istampar.

Nota għall-importatur: dan iċ-ċertifikat huwa biss għal skopijiet veterinarji u għandu jinżamm mal-kunsinna sakemm din tasal fil-Post ta’ Spezzjoni tal-Fruntiera tal-Unjoni Ewropea.

Veterinarju uffiċjali

Isem (b’ittri kapitali):

Kwalifika u titlu:

Data:

Firma:”

Timbru:

(b)

Il-Kapitolu 4(A) huwa sostitwit b’dan li ġej:

“KAPITOLU 4 (A)

Ċertifikat tas-saħħa

Għal importazzjoni ta’ demm u prodotti tad-demm taż-żwiemel għal għanijiet tekniċi, maħsubin biex jintbagħtu lejn l-Unjoni Ewropea jew biex jgħaddu minnha (2)

Test ta 'immaġni

Parti II: Ċertifikazzjoni

PAJJIŻ

Demm u prodotti tad-demm taż-żwiemel għal għanijiet tekniċi

II. Informazzjoni dwar saħħa

II.a. Numru ta’ referenza taċ-ċertifikat

II.b.

Jiena, l-veterinarju uffiċjali sottoskritt, niddikjara li qrajt u fhimt ir-Regolament (KE) Nru 1774/2002(1), u b’mod partikolari l-Artikolu 4(1)(c), l-Artikolu 6 u l-Kapitolu V tal-Anness VII għalih, u niċċertifika li d-demm jew il-prodotti tad-demm taż-żwiemal deskritti hawn fuq:

II.1. jikkonsistu minn demm jew prodotti tad-demm taż-żwiemel li jissodisfaw ir-rekwiżiti tas-saħħa li jidhru hawn taħt;

II.2. jikkonsistu esklussivament minn demm jew prodotti tad-demm taż-żwiemel mhux maħsubin għall-konsum mill-bniedem jew mill-annimali;

II.3. jiġu minn pajjiż terz, territorju jew parti minnu elenkati fil-Parti XIII tal-Anness XI għar-Regolament (KE) Nru 1774/2002 fejn il-mardiet li ġejjin għandhom bilfors jiġu nnotifikati: marda Afrikana taż-żwiemel, id-durina, glanders (Burkholderia mallei), l-enċefalomajlite tal-ekwini (kull tip inkluż il-VEE), l-anemija infettiva tal-ekwini, l-istomatite vesikulari, l-idrofobija, l-antraċe;

II.4. oriġinaw minn demm li nġabar taħt is-superviżjoni ta’ veterinarju, minn żwiemel, li waqt spezzjoni fiż-żmien tal-ġbir, kienu ħielsa minn sinjali kliniċi ta’ mard li jittieħed:

(2) jew [f’biċċeriji approvati skont ir-Regolament (KE) Nru 853/2004 (3);]

(2) jew [f’biċċeriji approvati u taħt superviżjoni mill-awtorità kompetenti tal-pajjiż tal-esportazzjoni;]

(2) jew [f’faċilitajiet approvati u taħt superviżjoni mill-awtorità kompetenti tal-pajjiż tal-esportazzjoni bil-għan li jinġabar demm taż-żwiemel għall-produzzjoni ta’ prodotti tad-demm għal għanijiet tekniċi;]

II.5. oriġinaw minn demm li nġabar minn żwiemel;

II.5.1. li waqt spezzjoni fid-data tal-ġbir tad-demm ma wrewx sinjali kliniċi ta’ xi marda li bilfors trid tiġi nnotifikata elenkata fl-Anness A għad-Direttiva 90/426/KEE(4), u tal-influwenza ekwina, il-piroplażmożi tal-ekwini, ir-rinopnewmonite tal-ekwini u l-artrite virali tal-ekwini elenkati fil-punt 4 tal-Artikolu 1.2.3. tal-Kodiċi tas-Saħħa tal-Annimali Terrestri tal-Organizzazzjoni Dinjija għas-Saħħa tal-Annimali (OIE), Edizzjoni tal-2009;

II.5.2. li nżammu għal mill-inqas 30 jum qabel id-data tal-ġbir tad-demm u matulu, f’azjendi taħt superviżjoni veterinarja u li ma kinux soġġetti għal ordni ta’ projbizzjoni skont l-Artikolu 4(5) jew għal restrizzjonijiet għall-marda Afrikana taż-żwiemel skont l-Artikolu 5 tad-Direttiva 90/426/KEE;

II.5.3. li ma kellhomx kuntatt ma’ żwiemel minn azjenda li kienet soġġetta għal ordni ta’ projbizzjoni għal raġunijiet ta’ saħħa tal-annimali skont Artikolu 4(5) tad-Direttiva 90/426/KEE;

II.5.4. li nġabar minn żwiemel li għalihom il-perjodu għall-ordni ta’ projbizzjoni msemmija fil-punti II.5.2.u II.5.3 kien stabbilit kif ġej:

(2) jew [fejn mhux l-annimali kollha ta’ speċi suxxettibbli għall-mard u li kienu jinsabu fl-azjenda jkunu nqatlu u l-bini jkun ġie diżinfettat, il-perjodu ta’ projbizzjoni jkun:

ta’ sitt xhur fil-każ ta’ glanders (Burkholderia mallei), li jibda mid-data li fiha ż-żwiemel infettati bil-marda jinqatlu;

sitt xhur fil-każ tal-enċefalomajlite tal-ekwini ta’ kull tip, inkluża l-enċefalomajlite tal-ekwini tal-Venezwela, li jibdew mid-data li fiha jinqatlu ż-żwiemel infettati bil-marda;

fil-każ tal-anemija infettiva tal-ekwini, sad-data li fiha nqatlu l-annimali infettati, u l-bqija tal-annimali jkunu wrew reazzjoni negattiva għal żewġ testijiet ta’ Coggins magħmulin fi żmien tliet xhur wieħed mill-ieħor;

matul sitt xhur mid-data tal-aħħar każ reġistrat tal-istomatite vesikulari;

matul xahar mid-data tal-aħħar każ reġistrat ta’ idrofobija;

matul 15-il jum mid-data tal-aħħar każ reġistrat tal-antraċe.]

(2) jew [jekk l-annimali kollha ta’ speċi suxxettibbli għall-mard u li jkunu jinsabu fl-azjenda jkunu nqatlu u l-bini jkun ġie diżinfettat, il-perjodu ta’ projbizzjoni għandu jkun ta’ 30 jum, li jibda mid-data li fiha l-annimali jkunu nqatlu u l-bini jkun ġie diżinfettat, ħlief fil-każ tal-antraċe, fejn il-perjodu ta’ projbizzjoni għandu jkun ta’ 15-il jum]

Test ta 'immaġni

PAJJIŻ

Demm u prodotti tad-demm taż-żwiemel għal għanijiet tekniċi

II. Informazzjoni dwar saħħa

II.a. Numru ta’ referenza taċ-ċertifikat

II.b.

II.6. prodotti tad-demm jiġu minn impjant approvat mill-awtorità kompetenti tal-pajjiż terz li jissodisfa l-kundizzjonijiet speċifiċi stabbiliti fl-Artikolu 17 jew 18 tar-Regolament (KE) Nru 1774/2002.

II.7. prodotti tad-demm ikunu saru minn demm li jissodisfa l-kundizzjonijiet imsemmijin fi II.4. u II.5 u

(2) jew [saru minn demm miġbur minn żwiemel li nżammu għal perjodu ta’ mill-inqas tliet xhur, jew mit-twelid jekk kellhom inqas minn tliet xhur qabel id-data tal-ġbir f’azjendi taħt superviżjoni veterinarja fil-pajjiż tal-ġbir, li matul dak il-perjodu u l-perjodu tal-ġbir tad-demm kienu ħielsa minn:

(a) il-marda Afrikana taż-żwiemel għal sentejn

(b) enċefalomajlite tal-ekwini tal-Venezwela għal perjodu ta’ mill-inqas sentejn;

(2) jew [għal perjodu ta’ tliet snin;]

(2) jew [għal perjodu ta’ sitt xhur fejn l-annimali jkunu għaddew mill-ispezzjoni post-mortem għall-glanders fil-biċċerija msemmija fil-paragrafu II.4, inkluż eżami bir-reqqa ta’ membrani mukużi mit-trakea, il-larinġi, il-kavitajiet nażali u s-sinus u r-ramifikazzjonijiet tagħhom, wara l-qsim tar-ras fil-pjan medjan u l-qtugħ barra tas-septum nażali;]

(d) l-istomatite vesikulari, għal sitt xhur;]

(2) jew [kienu soġġetti għal mill-inqas wieħed minn dawn it-trattamenti, segwiti minn kontroll tal-effikaċja, għall-inattivar ta’ patoġeni kawżattivi li seta’ kien hemm għall-marda Afrikana taż-żwiemel, l-enċefalomajlite tal-ekwini ta’ kull tip, inkluża l-enċefalomajlite tal-ekwini Venezwelana, l-anemija infettiva tal-ekwini, l-istomatite vesikulari u l-glanders (Burkholderia mallei):

(2) jew [trattament bis-sħana f’temperatura ta’ 65 °C għal mill-inqas tliet sigħat,]

(2) jew [irradjazzjoni b’25 kGy bir-raġġi gamma,]

(2) jew [bidla fil-pH għal pH 5 għal sagħtejn,]

(2) jew [trattament bis-sħana ta’ mill-inqas 80°C fis-sustanza kollha tagħhom]

II.8. ikunu ttieħdu l-prekawzjonijiet kollha biex tkun evitata l-kontaminazzjoni tad-demm u tal-prodotti tad-demm ma’ aġenti patoġeniċi matul il-produzzjoni, l-immaniġġar u l-ippakkjar;

II.9. ġew ippakkjati u ssiġillati f’reċipjenti impermeabbli u ttikkettjati b’mod ċar “MHUX GĦALL-KONSUM MILL-BNIEDEM JEW MILL-ANNIMALI” u jkollhom in-numru ta’ approvazzjoni tal-istabbiliment tal-ġbir;

II.10. inħażnu f’maħżen fil-magħluq.

Noti

Parti I:

Referenza għall-kaxxa I.6: Persuna responsabbli għall-kunsinna fl-UE: din il-kaxxa għandha timtela biss jekk ikun ċertifikat għal prodott bażi ta’ tranżitu.; tista’ timtela jekk iċ-ċertifikat ikun għal prodott bażiku impurtat.

Referenza għall-kaxxa I.12: Post ta’ destinazzjoni: din il-kaxxa għandha timtela biss jekk ikun ċertifikat għal prodott bażi ta’ tranżitu. Il-prodotti fi tranżitu jistgħu jinħażnu biss f’żoni liberi, f’imħażen liberi u f’imħażen tad-dwana.

Referenza għall-kaxxa I.15: Numru ta’ reġistrazzjoni (vaguni ta’ ferrovija jew kontejners jew trakkijiet), in-numru tat-titjira (ajruplan) jew l-isem (tal-vapur); għandha tingħata informazzjoni f’każ ta’ ħatt u ta’ tagħbija mill-ġdid.

Referenza għall-kaxxa I.23: għal kontejners li jġorru bil-kwantità, għandu jkun hemm inkluż in-numru tal-kontejner u n-numru tas-siġill (jekk applikabbli).

Referenza għall-kaxxa I.26 u I.27: imla skont jekk iċ-ċertifikat hux wieħed ta’ tranżitu jew ta’ importazzjoni.

Referenza għall-kaxxa I.28: Impjant ta’ manifattura: ipprovdi n-numru ta’ kontroll veterinarju tal-istabbiliment tal-ġbir reġistrat.

Test ta 'immaġni

(c)

Il-Kapitolu 4(D) huwa ssostitwit b’dan li ġej:

“KAPITOLU 4 (D)

Ċertifikat tas-saħħa

Għal prodotti ta’ demm ittrattat, esklużi dawk taż-żwiemel, għall-manifattura ta’ prodotti tekniċi, maħsubin biex jintbagħtu lejn l-Unjoni Ewropea jew biex jgħaddu minnha (2)

Test ta 'immaġni

Parti II: Ċertifikazzjoni

PAJJIŻ

Prodotti ta’ demm ittrattat, esklużi dawk taż-żwiemel, għal prodotti tekniċi

II. Informazzjoni dwar saħħa

II.a. Numru ta’ referenza taċ-ċertifikat

II.b.

Jiena, l-veterinarju uffiċjali sottoskritt, niddikjara li qrajt u fhimt ir-Regolament (KE) Nru 1774/2002 (1), u b’mod partikolari l-Artikolu 4(1)(c), l-Artikolu 6 u l-Kapitolu IV tal-Anness VIII għalih u niċċertifika li:

II.1. il-prodotti tad-demm deskritti hawn fuq jikkonsistu minn prodotti tad-demm li jissodisfaw ir-rekwiżiti ta’ hawn taħt;

II.2. jikkonsistu esklussivament minn prodotti tad-demm mhux maħsubin għall-konsum mill-bniedem jew mill-annimali;

II.3. tħejjew u nħażnu f’impjant approvat, validat u taħt superviżjoni tal-awtorità kompetenti skont l-Artikolu 18 jew fl-istabbiliment tal-ġbir u, fejn xieraq, skont l-Artikolu 11 tar-Regolament (KE) Nru 1774/2002(2), esklussivament bil-prodotti sekondarji li ġejjin tal-annimali:

(2) jew [— demm tal-annimali maqtulin, li huwa tajjeb għall-konsum mill-bniedem skont il-leġiżlazzjoni tal-Unjoni, iżda li mhuwiex maħsub għall-konsum mill-bniedem għal raġunijiet kummerċjali;]

(2) u/jew [— demm tal-annimali maqtulin, li jkun rifjutat bħala mhux tajjeb għall-konsum mill-bniedem iżda li ma jkunx affettwat minn sinjali ta’ mard li jittieħed mill-bniedem u mill-annimali, li oriġina minn karkassi li jkunu tajbin għall-konsum mill-bniedem skont il-leġiżlazzjoni tal-Unjoni;]

(2) u/jew [— demm miksub minn annimali, barra minn annimali li jixtarru, li jkunu nqatlu f’biċċerija, wara li jgħaddu minn spezzjoni ante-mortem, u jinstabu, b’riżultat ta’ din l-ispezzjoni, bħala tajbin għall-qatla għall-konsum mill-bniedem skont il-leġiżlazzjoni tal-Unjoni;]

(2) u/jew [— demm u prodotti tad-demm li joriġinaw minn annimali ħajjin li ma wrewx sinjali kliniċi ta’ xi marda li tittieħed minn dawn il-prodotti mill-bniedem jew mill-annimali;]

II.4. id-demm li minnu jkunu nħadmu prodotti bħal dawn, inġabar:

(2) jew [in [f’biċċeriji approvati skont il-leġiżlazzjoni tal-Unjoni,]

(2) jew [f’biċċeriji approvati u taħt superviżjoni mill-awtorità kompetenti tal-pajjiż terz,]

(2) jew [minn annimali ħajjin f’faċilitajiet approvati u taħt superviżjoni mill-awtorità kompetenti tal-pajjiż terz;]

(2) [II.5. Fil-każ ta’ prodotti tad-demm li joriġinaw minn taxa Artiodactyla, Perissodactyla u Proboscidea, inklużi dawk tar-razez imħalltin tagħhom, barra minn Suidae u Tayassuidae, il-prodotti jkunu għaddew minn wieħed minn dawn it-trattamenti, li jiggarantixxu li ma jkunx hemm patoġeni tal-marda tal-ilsien u d-dwiefer (MLD), l-istomatite vesikulari, il-pesta tal-ifrat, il-pesta ta’ annimali żgħar li jixtarru, id-deni ta’ Rift Valley u d-deni gastriku tan-nagħaġ:

(2) jew [trattament bis-sħana f’temperatura ta’ 65 °C għal mill-inqas tliet sigħat, segwit b’kontroll tal-effikaċja,]

(2) jew [irradjazzjoni b’25 kGy bir-raġġi gamma, segwit b’kontroll tal-effikaċja,]

(2) jew [bidla fil-pH għal pH 5 għal sagħtejn, segwit b’kontroll tal-effikaċja,]

(2) jew [trattament bis-sħana ta’ mill-inqas 80 °C fis-sustanza kollha tagħhom, segwit b’kontroll tal-effikaċja]]

(2) [II.6. Fil-każ ta’ prodotti tad-demm li joriġinaw minn Suidae, Tayassuidae, tjur u speċi oħrajn ta’ għasafar, il-prodotti għaddew minn wieħed mit-trattamenti li ġejjin li jiggarantixxu li ma hemmx patoġeni tal-mardiet li ġejjin: il-marda tal-ilsien u d-dwiefer (MLD), l-istomatite vesikulari, il-marda tal-ħnieżer vesikulari, id-deni klassiku tal-ħnieżer, id-deni Afrikan tal-ħnieżer, il-marda ta’ Newcastle u l-influwenza tal-għasafar li hija patoġenika ħafna hekk kif applikabbli għall-ispeċi;

(2) jew [trattament bis-sħana f’temperatura ta’ 65 °C għal mill-inqas tliet sigħat, segwit b’kontroll tal-effikaċja,]

(2) jew [irradjazzjoni b’25 kGy bir-raġġi gamma, segwit b’kontroll tal-effikaċja,]

(2) jew [trattament bis-sħana ta’ mill-inqas 80°C għal Suidae/Tayassuidae (2) u ta’ mill-inqas 70 °C għal tjur u speċi oħrajn ta’ għasafar (2) fis-sustanza kollha tagħhom, segwit b’kontroll tal-effikaċja]]

(2) [II.7. Fil-każ ta’ prodotti tad-demm li joriġinaw minn speċi barra minn dawk elenkati f’II.5. jew II.6., il-prodotti għaddew mit-trattament li ġej (jekk jogħġbok agħti dettalji: …;]

II.8. il-prodotti ġew:

(2) jew [ippakkjati f’boroż jew fi fliexken ġodda sterilizzati,]

Test ta 'immaġni

PAJJIŻ

Prodotti ta’ demm ittrattat, esklużi dawk taż-żwiemel, għal prodotti tekniċi

II. Informazzjoni dwar saħħa

II.a. Numru ta’ referenza taċ-ċertifikat

II.b.

(2) jew [inġarru fi kwantità f’kontejners jew b’mezzi oħra ta’ trasport li tnaddfu sewwa ħafna u li ġew diżinfettati b’diżinfettant approvat mill-awtorità kompetenti qabel l-użu,]

il-pakketti jew ir-reċipjenti għandhom tikketti fuq barra li jindikaw ‘MHUX GĦALL-KONSUM MILL-BNIEDEM JEW MILL-ANNIMALI’;

II.9. il-prodotti nħażnu f’imħażen fil-magħluq;

II.10. il-prodotti għaddew mill-prekawzjonijiet kollha biex tkun evitata l-kontaminazzjoni ma’ aġenti patoġeniċi wara t-trattament.

Noti

Parti I:

Referenza għall-kaxxa I.6: Persuna responsabbli għall-kunsinna fl-Unjoni Ewropea: din il-kaxxa għandha timtela biss jekk ikun ċertifikat għal prodott bażi ta’ tranżitu; tista’ timtela jekk iċ-ċertifikat ikun għal prodott bażiku impurtat.

Referenza għall-kaxxa I.12: Post ta’ destinazzjoni: din il-kaxxa għandha timtela biss jekk ikun ċertifikat għal prodott bażi ta’ tranżitu. Il-prodotti fi tranżitu jistgħu jinħażnu biss f’żoni ħielsa, f’imħażen ħielsa u f’imħażen tad-dwana approvati għal dak l-iskop.

Referenza għall-kaxxa I.23: għal kontejners li jġorru bil-kwantità, għandu jkun hemm inkluż in-numru tal-kontejner u n-numru tas-siġill (jekk applikabbli).

Referenza għall-kaxxa I.26 u I.27: imla skont jekk iċ-ċertifikat ikunx wieħed ta’ tranżitu jew ta’ importazzjoni.

Parti II:

(1) ĠU L 273, 10.10.2002, p. 1.

(2) Ħassar kif meħtieġ.

Il-firma u t-timbru għandhom ikunu ta’ kulur differenti minn dak tal-istampar.

Nota għall-persuna responsabbli għall-kunsinna fl-Unjoni Ewropea: dan iċ-ċertifikat huwa biss għal skopijiet veterinarji u għandu jinżamm mal-kunsinna sakemm din tasal fil-post ta’ spezzjoni tal-fruntiera.

Veterinarju uffiċjali

Isem (b’ittri kapitali):

Kwalifika u titlu:

Data:

Firma:”

Timbru:

(d)

il-Kapitolu 18 li ġej ġie miżjud:

“KAPITOLU 18

Ċertifikat tas-saħħa

Għal qrejjen u prodotti ta’ qrejjen, eskluż biċċiet ta’ qrejjen, u dwiefer u prodotti ta’ dwiefer, eskluż biċċiet ta’ dwiefer, maħsubin għall-produzzjoni ta’ fertilizzanti organiċi jew materjali li jtejbu l-ħamrija maħsubin biex jintbagħtu lejn l-Unjoni Ewropea jew biex jgħaddu minnha(2)

Test ta 'immaġni

Parti II: Ċertifikazzjoni

PAJJIŻ

qrejjen u prodotti ta’ qrejjen u dwiefer u prodotti ta’ dwiefer maħsubin għall-produzzjoni ta’ fertilizzanti organiċi jew materjali li jtejbu l-ħamrija

II. Informazzjoni dwar saħħa

II.a. Numru ta’ referenza taċ-ċertifikat

II.b.

II.1. Jiena, l-veterinarju uffiċjali sottoskritt, niddikjara li qrajt u fhimt ir-Regolament (KE) Nru 1774/2002 (1), u b’mod partikolari l-Kapitolu XV tal-Anness VIII għalih, u niċċertifika li l-qrejjen u l-prodotti ta’ qrejjen, eskluż biċċiet ta’ qrejjen u dwiefer u prodotti ta’ dwiefer, eskluż biċċiet ta’ dwiefer (2) deskritti hawn fuq:

(2) jew [joriġinaw minn annimali li nqatlu f’biċċerija, wara li jkunu għaddew minn spezzjoni ante-mortem, u nstabu, b’riżultat ta’ spezzjoni bħal dik, tajbin għall-qatla għall-konsum mill-bniedem]

(2) jew [joriġinaw minn annimali li ma wrewx sinjali kliniċi ta’ xi marda li tista’ tiġi trasmessa permezz ta’ dak il-prodott lill-bnedmin jew lill-annimali]

II.2. il-qrejjen għandhom ikunu għaddew minn trattament bis-sħana għal siegħa f’temparatura ta’ mill-inqas 80°C fil-qalba;

II.3. il-qrejjen għandhom ikunu tneħħew mingħajr il-ftuħ tal-kavità kranjali;

II.4. f’kull stadju tal-ipproċessar, ħażna jew trasport għandha tittieħed kull prekawzjoni biex tkun evitata l-kontaminazzjoni reċiproka;

II.5. kienu ppakkjati:

(2) jew [f’pakketti jew f’reċipjenti ġodda,]

(2) jew [f’vetturi jew f’kontejners li jġorru bil-kwantità, diżinfettati qabel it-tagħbija bl-użu ta’ prodott approvat mill-awtorità kompetenti,]

u [il-pakketti jew ir-reċipjenti jkunu mmarkati sabiex ikun indikat it-tip tal-prodott sekondarju tal-annimal (3) u għandu jkollhom tikketti li jindikaw ‘MHUX GĦALL-KONSUM MILL-BNIEDEM JEW MILL-ANNIMALI’ u l-isem u l-indirizz tal-istabbiliment tal-UE ta’ destinazzjoni].

Noti

Parti I:

Referenza għall-kaxxa I.6: Persuna responsabbli għall-kunsinna fl-UE: din il-kaxxa għandha timtela biss jekk ikun ċertifikat għal prodott bażi ta’ tranżitu; tista’ timtela jekk iċ-ċertifikat ikun għal prodott bażiku impurtat.

Referenza għall-kaxxa I.12: Post ta’ destinazzjoni: din il-kaxxa għandha timtela biss jekk ikun ċertifikat għal prodott bażi ta’ tranżitu. Il-prodotti fi tranżitu għandhom jinħażnu biss f’żoni ħielsa, f’imħażen ħielsa u f’imħażen tad-dwana.

Referenza għall-kaxxa I.23: għal kontejners li jġorru bil-kwantità, għandhom jingħataw in-numru tal-kontejner u n-numru tas-siġill (jekk applikabbli).

Referenza għall-kaxxa I.26 u I.27: imla skont jekk iċ-ċertifikat ikunx wieħed ta’ tranżitu jew ta’ importazzjoni.

Referenza għall-kaxxa I.28: In-natura tal-prodott bażi.

Part II:

(1) ĠU L 273, 10.10.2002, p. 1.

(2) Ħassar kif meħtieġ.

(3) Tip ta’ prodott: qrejjen, prodotti ta’ qrejjen, dwiefer, prodotti ta’ dwiefer.

Il-firma u t-timbru għandhom ikunu ta’ kulur differenti minn dak tal-istampar.

Nota għall-persuna responsabbli għall-kunsinna fl-UE: dan iċ-ċertifikat huwa biss għal skopijiet veterinarji u għandu jinżamm mal-kunsinna sakemm din tasal fil-post ta’ spezzjoni tal-fruntiera.

Veterinarju uffiċjali

Isem (b’ittri kapitali):

Kwalifika u titlu:

Data:

Firma:”

Timbru:

(3)

L-Anness XI huwa sostitwit b’dan li ġej:

“ANNESS XI

Listi ta’ pajjiżi terzi li l-Istati Membri jistgħu jawtorizzaw importazzjoni mingħandhom ta’ prodotti sekondarji tal-annimali mhux maħsubin għall-konsum mill-bniedem

L-inklużjoni ta’ pajjiż terz f’waħda mil-listi li ġejjin hija kundizzjoni neċessarja, iżda mhux biżżejjed, għall-importazzjoni tal-prodotti rilevanti minn dak il-pajjiż terz. L-importazzjoni għandha wkoll tissodisfa r-rekwiżiti rilevanti tas-saħħa tal-annimali u tas-saħħa pubblika. Id-deskrizzjonijiet li ġejjin jirreferu għat-territorji jew partijiet minnhom minn fejn titħalla ssir importazzjoni ta’ ċerti prodotti sekondarji tal-annimali, kif jingħad fiċ-ċertifikat jew dikjarazzjoni rilevanti tas-saħħa tal-annimali kif stabbilit fl-Anness X.

PARTI I

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ħalib u prodotti tal-ħalib (ċertifikat tas-saħħa, Kapitolu 2)

Pajjiżi terzi awtorizzati elenkati fl-Anness I għad-Deċiżjoni 2004/438/KE (1).

PARTI II

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ proteini proċessati tal-annimali (eskluż biċċiet ta’ ħut) (ċertifikat tas-saħħa, Kapitolu 1)

Pajjiżi terzi elenkati fil-Parti 1 tal-Anness II għar-Regolament tal-Kummissjoni (UE) Nru 206/2010 (2)

PARTI III

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ biċċiet ta’ ħut u ta’ żejt tal-ħuta (ċertifikat tas-saħħa, Kapitoli 1 u 9)

Pajjiżi terzi elenkati fl-Anness II għad-Deċiżjoni tal-Kummissjoni 2006/766/KE (3).

PARTI IV

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ xaħmijiet imdewwba (eskluż iż-żejt tal-ħuta) (ċertifikat tas-saħħa, Kapitoli 10(A) u 10(B))

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010.

PARTI V

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti tad-demm għal materjal ta’ ikel (ċertifikat tas-saħħa, Kapitolu 4(B))

A. Prodotti tad-demm minn mammali bid-dwiefer (ungulati)

Pajjiżi terzi jew partijiet ta’ pajjiżi terzi elenkati fil-Parti 1 tal-Anness II għar-Regolament (UE) Nru 206/2010, li mingħandhom hija awtorizzata l-importazzjoni tal-kategoriji kollha ta’ laħam frisk tal-ispeċi rispettivi.

B. Prodotti tad-demm minn speċijiet oħrajn

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010.

PARTI VI

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti sekondarji tal-annimali u prodotti tad-demm (bl-eċċezzjoni ta’ dawk taż-żwiemel) maħsubin għal għanijiet tekniċi, inklużi farmaċewtiċi (ċertifikat tas-saħħa, Kapitoli 4(C) u 8)

Prodotti tad-demm:

Prodotti ta’ demm mhux ittrattat ta’ ungulati:

Pajjiżi terzi jew partijiet ta’ pajjiżi terzi elenkati fil-Parti 1 tal-Anness II għar-Regolament (UE) Nru 206/2010 li mingħandhom hija awtorizzata l-importazzjoni ta’ laħam frisk ta’ kull speċi ta’ ungulati domestiċi u għall-perjodu biss indikat fil-kolonni 7 u 8 ta’ dik il-Parti,

—	(JP) Il-Ġappun.

Prodotti ta’ demm mhux ittrattat ta’ tjur u speċi oħrajn ta’ għasafar:

Pajjiżi terzi jew partijiet ta’ pajjiżi terzi elenkati fil-Parti 1 tal-Anness I għar-Regolament tal-Kummissjoni (KE) Nru 798/2008 (4),

—	(JP) Il-Ġappun.

Prodotti ta’ demm mhux ittrattat ta’ annimali oħrajn:

Pajjiżi terzi elenkati jew fil-Parti 1 tal-Anness II għar-Regolament (UE) Nru 206/2010, fil-Parti 1 tal-Anness I għar-Regolament (KE) Nru 798/2008, jew fil-Parti 1 tal-Anness I għar-Regolament tal-Kummissjoni (KE) Nru 119/2009 (5),

—	(JP) Il-Ġappun.

Prodotti ta’ demm ittrattat ta’ kull speċi:

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010, fil-Parti 1 tal-Anness I għar-Regolament (KE) Nru 798/2008, jew fil-Parti 1 tal-Anness I għar-Regolament (KE) Nru 119/2009,

—	(JP) Il-Ġappun.

Prodotti sekondarji tal-annimali għal użu farmaċewtiku:

—	(JP) Il-Ġappun,

—	(PH) Il-Filippini,

—	(TW) It-Tajwan.

Prodotti sekondarji tal-annimali għal għanijiet tekniċi barra minn użijiet farmaċewtiċi: pajjiżi terzi elenkati fil-Parti 1 tal-Anness II għar-Regolament (UE) Nru 206/2010 li mingħandhom hija awtorizzata l-importazzjoni ta’ dik il-kategorija ta’ laħam frisk tal-ispeċi rispettiva, fil-Parti 1 tal-Anness I għar-Regolament (KE) Nru 798/2008, jew fil-Parti 1 tal-Anness I għar-Regolament (KE) Nru 119/2009.

PARTI VII(A)

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti sekondarji tal-annimali għall-manifattura ta’ ikel għal annimali domestiċi (ċertifikat tas-saħħa, Kapitolu 3(F))

Prodotti sekondarji tal-annimali minn żwiemel u annimali tal-ispeċi tal-ifrat, tan-nagħaġ, tal-mogħoż u tal-ħnieżer, inklużi annimali ta’ rziezet u annimali selvaġġi:

Pajjiżi terzi jew partijiet ta’ pajjiżi terzi elenkati fil-Parti 1 tal-Anness II għar-Regolament (UE) Nru 206/2010, li mingħandhom hija awtorizzata l-importazzjoni ta’ laħam frisk ta’ dawk l-ispeċi ta’ annimali għall-konsum mill-bniedem.

Materjal nej ta’ tjur, inklużi ratiti u għasafar tal-kaċċa selvaġġi:

Pajjiżi terzi jew partijiet ta’ pajjiżi terzi li l-Istati Membri jawtorizzaw importazzjoni mingħandhom ta’ laħam frisk ta’ tjur, li huma elenkati fil-Parti 1 tal-Anness I għar-Regolament (KE) Nru 798/2008.

Materjal nej ta’ ħut:

Pajjiżi terzi elenkati fl-Anness II għad-Deċiżjoni 2006/766/KE.

Materjal nej ta’ mammali oħra selvaġġi tal-art u Leparopidi.

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010 jew fil-Parti 1 tal-Anness I għar-Regolament (KE) Nru 119/2009, li l-Istati Membri jawtorizzaw l-importazzjoni mingħandhom ta’ laħam frisk mill-istess speċi.

PARTI VII(B)

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ikel nej għal annimali domestiċi maħsub biex jintbagħat lejn l-Unjoni Ewropea għal bejgħ dirett, jew prodotti sekondarji tal-annimali biex jingħata bħala ikel lil annimali tel-fer f’irziezet (ċertifikat tas-saħħa, Kapitolu 3(D))

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010 jew fil-Parti 1 tal-Anness I għar-Regolament (KE) Nru 798/2008, li l-Istati Membri jawtorizzaw l-importazzjoni mingħandhom ta’ laħam frisk mill-istess speċi u fejn għadam fil-laħam biss huwa awtorizzat.

Fil-każ ta’ materjal ta’ ħut, pajjiżi terzi elenkati fl-Anness II għad-Deċiżjoni 2006/766/KE.

PARTI VII(C)

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ interjuri li jagħtu togħma għal użu fil-manifattura ta’ ikel għal annimali domestiċi, maħsubin biex jintbagħtu lejn l-Unjoni Ewropea (ċertifikat tas-saħħa, Kapitolu 3(E))

Fil-każ ta’ interjuri li jagħtu togħma minn materjal ta’ ħut, pajjiżi terzi elenkati fl-Anness II għad-Deċiżjoni 2006/766/KE.

PARTI VIII

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ lanżit ta’ ħnieżer (ċertifikat tas-saħħa, Kapitoli 7(A) u 7(B))

Għal lanżit ta’ ħnieżer mhux ittrattat, pajjiżi terzi elenkati fil-Parti 1 tal-Anness II għar-Regolament (UE) Nru 206/2010, li jkunu ħielsa mid-deni Afrikan tal-ħnieżer għat-tnax-il xahar qabel id-data tal-importazzjoni.

Għal lanżit ta’ ħnieżer ittrattat, pajjiżi terzi elenkati fil-Parti 1 tal-Anness II għar-Regolament (UE) Nru 206/2010, li jistgħu ma jkunux ħielsa mid-deni Afrikan tal-ħnieżer għat-tnax-il xahar qabel id-data tal-importazzjoni.

PARTI IX

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ demel ipproċessat u prodotti ta’ demel ipproċessat għat-trattament tal-ħamrija (ċertifikat tas-saħħa, Kapitolu 17)

Għal demel ipproċessat u prodotti ta’ demel ipproċessat, pajjiżi terzi elenkati fi:

(a)	Il-Parti 1 tal-Anness II għar-Regolament (UE) Nru 206/2010;

(b)	Fl-Anness I għad-Deċiżjoni tal-Kummissjoni 2004/211/KE (6); jew

(c)	Il-Parti 1 tal-Anness I għar-Regolament (KE) Nru 798/2008.

PARTI X

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ikel għal annimali domestiċi u ikel ta’ mastikazzjoni għall-klieb (ċertifikat tas-saħħa, Kapitoli 3(A), 3(B) u 3(C))

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010, u l-pajjiżi terzi li ġejjin:

—	(JP) Il-Ġappun

—	(EC) L-Ekwador (7)

—	(LK) Is-Sri Lanka (8)

—	(TW) It-Tajwan (9)

PARTI XI

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ġelatina, proteina idrolizzata, kollaġenu, fosfat tad-dikalċju u fosfat tat-trikalċju (ċertifikat tas-saħħa, Kapitoli 11 u 12).

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010, u l-pajjiżi terzi li ġejjin:

—	(KR) Il-Korea t’Isfel (10)

—	(MY) Il-Malażja (10)

—	(PK) Il-Pakistan (10)

—	(TW) It-Tajwan (10).

PARTI XII

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti tal-apikoltura (ċertifikat tas-saħħa, Kapitolu 13)

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010.

PARTI XIII

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ demm u prodotti tad-demm taż-żwiemel (ċertifikat tas-saħħa, Kapitolu 4(A))

Demm u prodotti tad-demm mhux ittrattati: Pajjiżi terzi jew partijiet ta’ pajjiżi terzi elenkati fl-Anness I għad-Deċiżjoni 2004/211/KE, li mingħandhom titħalla ssir l-importazzjoni ta’ żwiemel għat-trobbija u l-produzzjoni.

Prodotti ta’ demm ittrattat: pajjiżi terzi elenkati fil-Parti 1 tal-Anness II għar-Regolament (UE) Nru 206/2010, li l-Istati Membri jawtorizzaw l-importazzjoni mingħandhom ta’ laħam frisk ta’ żwiemel domestiċi.

PARTI XIV

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ ġlud ħoxnin (hides) u ġlud oħrajn (skins) ta’ ungulati (ċertifikat tas-saħħa, Kapitoli 5(A), 5(B) u 5(C))

Għal ġlud ħoxnin u ġlud oħrajn friski u mkessħin ta’ ungulati, pajjiżi terzi elenkati fil-Parti 1 tal-Anness II għar-Regolament (UE) Nru 206/2010, li l-Istati Membri jawtorizzaw l-importazzjoni mingħandhom ta’ laħam frisk mill-istess speċi.

Għal ġlud ħoxnin u ġlud oħrajn ittrattati ta’ ungulati, pajjiżi terzi jew partijiet ta’ pajjiżi terzi elenkati fil-Parti 1 tal-Anness II għar-Regolament (UE) Nru 206/2010.

Għal ġlud ħoxnin u ġlud oħrajn ittrattati ta’ annimali li jixtarru li huma maħsubin biex jintbagħtu lejn l-Unjoni u li nżammu separati għal perjodu ta’ 21 jum jew li jkollhom jinġarru għal perjodu ta’ 21 jum bla waqfien qabel l-importazzjoni, għal kull pajjiż terz.

PARTI XV

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ trofej tal-kaċċa (ċertifikat tas-saħħa, Kapitoli 6(A) u 6(B))

Għal trofej tal-kaċċa ttrattati ta’ għasafar u ungulati, li jkunu biss għadam, qrejjen, dwiefer (hooves), dwiefer ippuntati (claws), qrejjen imsaġġrin (antlers), snien, ġlud ħoxnin jew ġlud oħrajn, għal kull pajjiż terz.

Għal trofej tal-kaċċa ta’ għasafar li jikkonsistu minn partijiet sħaħ li ma jkunux ġew ittrattati, pajjiżi terzi elenkati fil-Parti 1 tal-Anness I għar-Regolament (KE) Nru 798/2008, li l-Istati Membri jawtorizzaw l-importazzjoni ta’ laħam frisk ta’ tjur mingħandhom, u għall-pajjiżi li ġejjin:

—	(GL) Greenland

—	(TN) It-Tuneżija.

Għal trofej tal-kaċċa ta’ ungulati li jikkonsistu minn partijiet sħaħ li ma jkunux ġew ittrattati, pajjiżi terzi elenkati fil-kolonni rilevanti għal laħam frisk ta’ ungulati fil-Parti 1 tal-Anness II għar-Regolament (UE) Nru 206/2010, inkluż kull restrizzjoni stabbilita fil-kolonna għal rimarki speċjali għal laħam frisk.

PARTI XVI

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ prodotti tal-bajd mhux maħsubin għall-konsum mill-bniedem li jistgħu jintużaw bħala materjal ta’ ikel (ċertifikat tas-saħħa, Kapitolu 15)

Pajjiżi terzi elenkati fil-Parti 1 tal-Anness II għar-Regolament (UE) Nru 206/2010, u pajjiżi terzi jew partijiet ta’ pajjiżi terzi li l-Istati Membri jawtorizzaw l-importazzjoni mingħandhom ta’ laħam frisk ta’ tjur, li huma elenkati fil-Parti 1 tal-Anness I għar-Regolament (KE) Nru 798/2008.

PARTI XVII

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ għadam u prodotti tal-għadam (eskluż biċċiet tal-għadam), qrejjen u prodotti ta’ qrejjen (eskluż biċċiet ta’ qrejjen) u dwiefer u prodotti ta’ dwiefer (eskluż biċċiet ta’ dwiefer) maħsubin għal użu li mhuwiex dak ta’ materjal ta’ għalf, fertilizzanti organiċi jew materjali li jtejbu l-ħamrija (dikjarazzjoni, Kapitolu 16)

Kull pajjiż terz.

PARTI XVIII

Lista ta’ pajjiżi terzi li l-Istati Membri jistgħu jawtorizzaw l-importazzjoni mingħandhom ta’ qrejjen u prodotti ta’ qrejjen (eskluż biċċiet ta’ qrejjen) u dwiefer u prodotti ta’ dwiefer, (eskluż biċċiet ta’ dwiefer) maħsubin għall-produzzjoni ta’ fertilizzanti organiċi jew materjali li jtejbu l-ħamrija (ċertifikat tas-saħħa, Kapitolu 18)

Kull pajjiż terz.

(1) ĠU L 154, 30.4.2004, p. 72.

(2) ĠU L 73, 20.3.2010, p. 1.

(3) ĠU L 320, 18.11.2006, p. 53.

(4) ĠU L 226, 23.8.2008, p. 1.

(5) ĠU L 39, 10.2.2009, p. 12.

(6) ĠU L 73, 11.3.2004, p. 1.

(7) Ikel għal annimali domestiċi li joriġna minn ħut biss.

(8) Ikel ta’ mastikazzjoni għall-klieb magħmul minn ġlud ħoxnin u ġlud oħrajn ta’ ungulati biss.

(9) Ikel ipproċessat għal annimali domestiċi għal ħut ornamentali biss.

(10) Ġelatina biss.”