REGOLAMENT TAL-KUMMISSJONI (UE) Nru 578/2010

tad-29 ta’ Ġunju 2010

dwar l-implimentazzjoni tar-Regolament tal-Kunsill (KE) Nru 1216/2009 f’dak li jirrigwarda s-sistema ta’ rifużjonijiet għall-esportazzjoni ta' ċerti prodotti agrikoli esportati fil-forma ta’ prodotti li mhumiex fl-Anness I tat-Trattat, u l-kriterji biex jiġi ffissat l-ammont ta’ dawn ir-rifużjonijiet

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1216/2009 tat-30 ta’ Novembru 2009 li jistabbilixxi l-arranġamenti kummerċjali applikabbli għal ċerti prodotti li jirriżultaw mill-ipproċessar ta' prodotti agrikoli (1), u partikolarment l-ewwel sottoparagrafu tal-Artikolu 8(3) tiegħu,

Billi:

ADOTTAT DAN IR-REGOLAMENT:

KAPITOLU I

IS-SUĠĠETT U D-DEFINIZZJONIJIET

Artikolu 1

1.   Dan ir-Regolament jistipula r-regoli għall-implimentazzjoni tar-Regolament (KE) Nru 1216/2009 fir-rigward tas-sistema tal-għoti ta' rifużjonijiet għall-esportazzjoni stabbilita skont ir-Regolament (KE) Nru 1234/2007.

Għandu japplika għall-esportazzjonijiet ta' prodotti bażiċi, ta' prodotti derivati mill-ipproċessar tagħhom, jew ta' prodotti assimilati f'waħda minn dawk iż-żewġ kategoriji skont l-Artikolu 3 ta' dan ir-Regolament, meta dawk il-prodotti jiġu esportati fl-għamla ta' prodotti mhux koperti mill-Anness I tat-Trattat iżda elenkati fil-Partijiet I sa V tal-Anness XX, tar-Regolament (KE) Nru 1234/2007 u fl-Anness II ta' dan ir-Regolament.

2.   Ir-rifużjoni ta’esportazzjoni msemmija fil-paragrafu 1 m’għandhiex tingħata għal prodotti mqiegħda f’ċirkolazzjoni ħielsa skont l-Artikolu 29 tat-Trattat u esportati mill-ġdid.

M’għandha tingħata l-ebda rifużjoni għal dawk il-prodotti meta jiġu esportati wara l-ipproċessar jew meta huma inkorporati fi prodotti oħrajn.

3.   Ħlief fil-każ taċ-ċereali, m’għandha tingħata l-ebda rifużjoni fuq prodotti użati fil-manifattura tal-alkoħol li jinsab fix-xorb li fih ħafna alkoħol imsemmi fl-Anness II u li jaqa’ taħt il-kodiċi NM 2208.

Artikolu 2

1.   Għall-għanijiet ta’ dan ir-Regolament, għandhom japplikaw dawn id-definizzjonijiet:

2.   Għall-għanijiet tal-punti (h), (i) u (j) tal-paragrafu 1, il-prodotti miksuba fil-kors tal-proċess tal-manifattura, ta’ kompożizzjoni distinta mill-prodotti effettivament esportati, mibjugħa għal ħlas li jirrappreżenta esklussivament l-ispejjeż li saru biex jintremew, m’għandhomx jitqiesu bħala mqiegħda fuq is-suq.

Għall-għanijiet tal-punt (j) tal-paragrafu 1, il-prodotti li jirriżultaw mill-proċess tal-manifattura, u li jistgħu jintremew, kemm bi ħlas jew le, biss bħala għalf tal-annimali, għandhom jiġu assimilati mat-telf.

Artikolu 3

1.   Il-lamtu tal-patata li jaqa’ taħt il-kodiċi NM 1108 13 00 u li jiġi prodott b’mod dirett mill-patata, ħlief għal prodotti derivati, għandu jiġi assimilat ma’ prodott derivat mill-ipproċessar tal-qamħirrum.

2.   Xorrox li jaqa’ taħt il-kodiċi NM 0404 10 48 sa 0404 10 62 mhux ikkonċentrat, kemm jekk iffriżat u kemm jekk le, għandu jiġi assimilat max-xorrox fil-forma ta’ trab li jinsab fil-lista fl-Anness I, minn issa ’l quddiem imsejjaħ “Grupp tal-Prodotti 1”.

3.   Dawn il-prodotti li ġejjin għandhom jiġu assimilati mal-ħalib fil-forma ta’ trab b’kontenut ta’ xaħam li ma jeċċedix 1,5 % li hemm lista tagħhom fl-Anness I, minn issa ’l quddiem imsejjaħ “Grupp tal-Prodotti 2”:

4.   Dawn il-prodotti li ġejjin għandhom jiġu assimilati ma’ ħalib fil-forma ta’ trab b’kontenut ta’ xaħam tal-ħalib ta’ 26 % li huma fil-lista fl-Anness I, minn issa ’l quddiem imsejjaħ “Grupp tal-Prodotti 3”:

5.   Dawn il-prodotti li ġejjin għandhom jiġu assimilati mal-Grupp tal-Prodotti 6:

6.   Il-ħalib, il-krema u l-prodotti tal-ħalib li jaqgħu taħt il-kodiċijiet NM 0403 10 11 sa 0403 10 19, 0403 90 51 sa 0403 90 59 u 0404 90 21 sa 0404 90 29, ikkonċentrati, minbarra f’forma ta’ trab, biċċiet żgħar ibsin jew f’forom oħrajn solidi, li ma fihomx zokkor miżjud jew sustanza oħra li tagħti l-ħlewwa, għandhom, sa fejn hija konċernata l-parti mingħajr xaħam tal-kontenut ta’ materjal niexef ta’ tali prodott, jiġu assimilati mal-Grupp tal-Prodotti 2. Sa fejn hija konċernata l-parti tax-xaħam tal-ħalib, għandha tiġi assimilata mal-Grupp tal-Prodotti 6.

L-ewwel sottoparagrafu għandu japplika ukoll għall-ġobon.

7.   Ross bil-qoxra li jaqa’ taħt il-kodiċi NM 1006 20 u ross nofsu mitħun li jaqa’ taħt il-kodiċijiet KN 1006 30 21 sa 1006 30 48 għandu jiġi assimilat mar-ross mitħun għal kollox taħt il-kodiċijiet NM 1006 30 61 sa 1006 30 98.

8.   Meta dawn il-prodotti li ġejjin jissodisfaw il-kundizzjonijiet tal-eliġibbiltà għal rifużjoni stabbiliti fir-Regolament (KE) Nru 1234/2007 u fir-Regolament tal-Kummissjoni (KE) Nru 951/2006 (10) meta jkunu esportati mhux proċessati, għandhom jiġu assimilati maz-zokkor abjad bil-kodiċi NM 1701 99 10:

Artikolu 4

Ir-Regolament (KE) Nru 612/2009 u r-Regolament (KEE) Nru 2220/85 għandu japplika mad-dispożizzjonijiet ta' dan ir-Regolament ħlief fejn l-Artikolu 39(4) u l-Artikolu 50 ta' dan ir-Regolament ma jipprovdix mod ieħor.

KAPITOLU II

IR-RIFUŻJONIJIET GĦALL-ESPORTAZZJONI

TAQSIMA 1

Il-metodu tal-kalkolu

Artikolu 5

1.   L-ammont tar-rifużjoni mogħti għall-kwantità, iddeterminat skont it-Taqsima 2, ta’ kull wieħed mill-prodotti bażiċi fil-forma tal-istess tip ta’ prodotti għandhom jinkisbu billi dik il-kwantità tiġi multiplikata bir-rata tar-rifużjoni għall-prodott bażiku ikkalkolat għal kull unità ta’ piż skont it-Taqsima 3.

2.   Fejn, in segwitu għall-Artikolu 15(2), jistgħu jiġu ffissati rati differenti tar-rifużjoni għal prodott bażiku partikolari, għandu jiġi kkalkolat ammont separat għal kull waħda mill-kwantitajiet tal-prodott bażiku li għalih hemm rati differenti tar-rifużjoni.

3.   Fejn il-prodotti huma użati fil-manifattura tal-prodotti esportati, ir-rata tar-rifużjoni li għandha tittieħed fil-kalkolu tal-ammont li japplika għal kull wieħed mill-prodotti bażiċi, għal prodotti derivati mill-ipproċessar tagħhom, jew għal prodotti assimilati għal waħda minn dawk iż-żewġ kategoriji skont l-Artikolu 3 li ntużaw fil-manifattura tal-prodotti esportati, għandha tkun ir-rata li kienet tapplika meta l-prodotti ta’ qabel kienu esportati meta mhux ipproċessati.

TAQSIMA 2

Il-kwantità ta’ riferenza

Artikolu 6

Dwar il-prodotti, il-kwantità ta’ kull wieħed mill-prodotti bażiċi li għandha sservi bħala bażi għall-kalkolu tal-ammont tar-rifużjoni (minn issa ’l quddiem imsejħa “l-kwantità ta’ riferenza”) għandha tiġi ddeterminata skont l-Artikoli 7, 8 u 9, ħlief fejn issir riferenza għall-Anness III jew fejn japplika l-Artikolu 47(2).

Artikolu 7

Fil-każ tal-użu tal-prodott bażiku, mhux ipproċessat, jew ta’ prodott assimilat, il-kwantità ta’ riferenza għandha tkun il-kwantità li hija effettivament użata fil-manifattura tal-prodotti esportati, filwaqt li jitqiesu r-rati tal-konverżjoni stabbiliti fl-Anness VII.

Artikolu 8

1.   Fil-każijiet fejn jintuża prodott kopert minn punt (a) tal-Artikolu 1(1) u l-Parti I tal-Anness I tar-Regolament (KE) Nru 1234/2007 jew minn punt (b) tal-Artikolu 1(1) u l-Parti II tal-Anness I tar-Regolament (KE) Nru 1234/2007, il-kwantità ta' referenza għandha tkun il-kwantità li tintuża tabilħaqq fil-manifattura tal-prodotti esportati, aġġustata biex tikkorrispondi ma' kwantità tal-prodott bażiku bl-applikazzjoni tal-koeffiċjenti stipulati fl-Anness V ta' dan ir-Regolament jekk wieħed minn dawn li ġejjin japplika għall-prodott ikkonċernat:

2.   B’deroga mill-paragrafu 1, il-kwantita' ta' referenza għall-alkoħol li ġej mill-qamħ li jinsab fix-xorb li fih l-ispirtu li jaqa taħt il-kodiċi NM 2208, għandha tkun ta’ 3.4 kg ta’ xgħir għal kull % vol ta’ alkoħol li ġej miċ-ċereali għal kull ettolitru tax-xorb li fih ħafna alkoħol esportat.

Artikolu 9

1.   Suġġett għall-Artikolu 11, fil-każ tal-użu ta’ xi wieħed minn dawn il-prodotti li ġejjin, il-kwantità ta’ riferenza għal kull wieħed mill-prodotti bażiċi, u għandha tkun daqs il-kwantità stabbilita mill-awtoritajiet kompetenti skont l-Artikolu 45:

Il-kwantità ta’ riferenza għandha tiġi ddeterminata fuq bażi tal-kwantità tal-prodott effettivament użat fil-manifattura tal-prodotti esportati.

Sabiex tiġi kkalkulata dik il-kwantità, għandhom japplikaw ir-rati tal-konverżjoni msemmija fl-Anness VII ta’ dan ir-Regolament jew, skont il-każ, ir-regoli speċjali għall-kalkolu, għall-proporzjonijiet ta’ ekwivalenza u għall-ko-effiċjent msemmija fl-Artikolu 8.

2.   B’deroga mill-paragrafu 1, ix-xorb li fih ħafna alkoħol ibbażat fuq ċereali li jinsabu fix-xorb li fih ħafna alkoħol li jaqgħu taħt il-kodiċi NM 2208, il-kwantità ta’ riferenza għandha tkun ta’ 3.4 kg xgħir għal kull % vol ta’ alkoħol li ġej miċ-ċereali għal kull ettolitru tax-xorb li fih ħafna alkoħol esportat.

Artikolu 10

1.   Għall-għanijiet tal-Artikoli 6 sa 9, il-prodotti użati mhux proċessati fil-manifattura ta’ prodotti esportati għandhom jitqiesu efettivament użati.

2.   Fejn, matul wieħed mill-istadji tal-manifattura ta’ dawn il-prodotti, prodott bażiku stess huwa proċessat fi prodott bażiku ieħor aktar elaborat u użat fi stadju aktar tard, huwa biss dan il-prodott bażiku tal-aħħar li jitqies bħala effettivament użat.

3.   Il-kwanitajiet tal-prodotti effettivament użati, fis-sens tal-paragrafu 1, għandhom jiġu ddeterminati għal kull tip ta’ prodott esportat.

4.   B’deroga mill-paragrafi 1, 2 u 3, fil-każ ta’ esportazzjonijiet regolari ta’ prodotti mmanifatturati minn intrapriża partikolari taħt kundizzjonijiet tekniċi ddefiniti b’mod ċar u li għandhom karatteristiċi u kwalità kostanti, dawk il-kwantitajiet jistgħu, bi qbil mal-awtoritajiet kompetenti, jiġu ddeterminati jew mill-formula tal-manifattura għall-prodotti konċernati jew mill-kwantitajiet medji tal-prodott użati f’perjodu speċifikat fil-manifattura ta’ kwantità definita ta’ dawn il-prodotti. Il-kwantitajiet tal-prodotti hekk determinati jibqgħu l-bażi tal-kalkolu kemm-il darba m’hemmx tibdil fil-kundizzjonijiet li taħthom dawn il-prodotti jiġu mmanifatturati.

Ħlief fil-każ ta’ awtorizzazzjoni formali mogħtija mill-awtorità kompetenti, il-kwantitajiet tal-prodotti hekk determinati għandhom jiġu kkonfermati għall-inqas darba f’sena.

Artikolu 11

1.   Dwar il-prodotti li jinsabu fil-lista fl-Anness III, il-kwantità ta’ riferenza f’kilogrammi ta’ prodott bażiku għal 100 kg ta’ prodotti għandha tkun dik murija f’dan l-Anness ħdejn kull wieħed minn dawk il-prodotti.

Madankollu, fil-każ ta’ għaġin frisk, il-kwantitajiet tal-prodotti bażiċi mogħtija fl-Anness III għandhom jitnaqqsu għal kwantità ekwivalenti ta’ għaġin niexef billi dawk il-kwantitajiet jiġu mmultiplikati bil-persentaġġ tal-estratt niexef tal-għaġin u jiġu diviżi b’88.

2.   Meta l-prodotti elenkati fl-Anness III ikunu ġew manifatturati parzjalment minn prodotti li għalihom il-ħlas tar-rifużjoni tal-esportazzjoni ikun kopert mir-Regolamenet (KE) Nru 1234/2007 u parzjalment minn prodotti oħra, il-kwantità ta' referenza fir-rigward ta' dawk il-prodotti preċedenti għandhom jiġu ddeterminati skont l-Artikoli 6 sa 10.

Artikolu 12

1.   Għall-għanijiet li jiġu ddeterminati l-kwantitajiet ta’ prodotti agrikoli effettivament użati, għandhom japplikaw il-paragrafi 2 u 3.

2.   Il-prodotti agrikoli kollha, użati fis-sens tal-Artikolu 10 u li jagħtu dritt għal rifużjoni, li jisparixxu fil-kors normali tal-proċess tal-manifattura f’forom bħal fwar jew duħħan jew b’konverżjoni għal trab jew irmied li ma jistgħux jiġu rkuprati, għandhom ikunu eliġibbli għal dik ir-rifużjoni li għandha x’taqsam mal-kwantitajiet kollha użati.

3.   Kull kwantità ta' prodotti li mhux effettivament esportati ma għandhiex tkun eliġibbli għal rifużjonijiet fir-rigward tal-kwantitajiet ta' prodotti agrikoli użati tabilħaqq.

Jekk dawn il-prodotti għandhom l-istess kompożizzjoni bħal dawk effettivament esportati, jista’ jiġi applikat tnaqqis pro rata fil-kwantitajiet ta’ prodotti agrikoli effettivament użati fil-manifattura ta’ dawn tal-aħħar.

Artikolu 13

1.   Bħala deroga mill-Artikolu 12(3), telf ta’ 2% jew inqas skont il-piż inerenti fil-manifattura tal-prodotti għandu jkun eliġibbli għar-rifużjonijiet.

Il-limitu ta’ 2 % għandu jiġi kkalkolat bħala l-proporzjon tal-piż tas-sustanza niexfa tal-materjali kollha ewlenin użati, wara t-tnaqqis tal-kwantitajiet imsemmija fl-Artikolu 12(2), b’relazzjoni għall-piż tal-materjal niexef tal-prodotti effettivament esportati, jew bl-użu ta’ kwalunkwe metodu ieħor ta’ kalkolu xieraq għall-kundizzjonijiet tal-manifattura tal-prodotti.

2.   Fejn it-telf inerenti fil-manifattura tal-prodoti huwa ta’ aktar minn 2 %, it-telf eċċessiv m’għandux ikun eliġibbli għal rifużjonijiet fejn għandhom x’jaqsmu l-kwantitajiet ta’ prodotti agrikoli effettivament użati. L-awtoritajiet kompetenti tal-Istati Membri jistgħu, madankollu, jaċċettaw telf akbar iġġustifikat kif suppost. L-Istati Membri għandhom jikkomunikaw lill-Kummissjoni l-każijiet fejn l-awtoritajiet kompetenti aċċettaw telf akbar, kif ukoll ir-raġunijiet tagħhom għala għamlu dan.

3.   Il-kwantitajiet effettivament użati ta’ prodotti agrikoli inkorporati f’residwi għandhom ikunu eliġibbli għar-rifużjonijiet.

4.   F’każijiet fejn jinkisbu prodotti sekondarji, il-kwantitajiet tal-prodotti agrikoli effettivament użati għandhom jiġu attribwiti rispettivament għall-prodotti esportati u għall-prodotti sekondarji.

TAQSIMA 3

Ir-rati ta’ rifużjoni

Artikolu 14

1.   Ir-rata tar-rifużjoni tal-prodotti bażiċi elenkati fl-Anness I ta' dan ir-Regolament esportati fl-għamla ta' prodotti mhux koperti mill-Anness I tat-Trattat, kif previst fl-Artikolu 164 tar-Regolament (KE) Nru 1234/2007, għandha tiġi ffissata mill-Kummissjoni għal kull 100 kg ta' prodott bażiku għall-istess perjodu bħla dak għar-rifużjonijiet fuq dawk il-prodotti esportati fl-istat mhux ipproċessat.

2.   B’deroga mill-paragrafu1, ir-rifużjoni tista' tiġi ffissata skont skeda oħra ddeterminata skont il-proċedura msemmija fl-Artikolu 16(2) tar-Regolament (KE) Nru 1216/2009.

Artikolu 15

1.   Ir-rata ta’ rifużjoni għandha tiġi ddeterminata mill-Kummissjoni b’riferenza partikolari għal dawn li ġejjin:

2.   Fl-iffissar tar-rati tar-rifużjoni, fejn xieraq, għandhom jitqiesu l-għajnuniet jew miżuri oħra li jkollhom effett ekwivalenti applikabbli fl-Istati Membri kollha applikabbli għall-prodotti bażiċi jew għall-prodotti assimilati skont ir-Regolament (KE) Nru 1234/2007.

3.   Ir-rifużjonijiet mogħtija fuq esportazzjonijiet ta’ prodotti agrikoli inkorporati fi prodotti mhux koperti mill-Anness I tat-Trattat ma jistgħux ikunu ogħla mir-rifużjonijiet li jitħallsu fuq dawn il-prodotti meta jiġu esportati fl-istat mhux ipproċessat.

Artikolu 16

1.   F’każ ta’ lamtu tal-patata li jaqa’ taħt il-kodiċi NM 1108 13 00, ir-rata tar-rifużjoni għandha tiġi ffissata separatament, ekwivalenti għall-qamħirrum, skont il-proċedura msemmija fl-Artikolu 195(2) tar-Regolament (KE) Nru 1234/2007 bl-applikazzjoni tal-kriterji indikati fl-Artikolu 15(1) ta’ dan ir-Regolament. Il-kwantitajiet ta’ lamtu tal-patata użati għandhom jinbidlu fi kwantitajiet ekwivalenti ta’ qamħirrum skont l-Artikolu 8 ta’ dan ir-Regolament.

2.   Fil-każ ta’ taħlitiet ta’ D-glucitol (sorbitol) li jaqgħu taħt il-kodiċi NM 2905 44 u 3824 60, fejn il-parti konċernata ma tagħmilx id-dikjarazzjoni msemmija fl-Artikolu 45 fejn tagħti l-informazzjoni meħtieġa taħt l-Artikolu 48(1)(d) jew fejn il-parti konċernata ma tipprovdix dokumentazzjoni sodisfaċenti b’appoġġ għad-dikjarazzjoni tagħha, ir-rata tar-rifużjoni fuq dawk it-taħlitiet għandha tkun dik għall-prodott bażiku li għalih tapplika ir-rata l-aktar baxxa tar-rifużjoni.

Artikolu 17

1.   Ir-rifużjonijiet għal-lamtu li jaqgħu fi ħdan il-kodiċi NM 1108 11 00 sa 1108 19 90 jew il-prodotti elenkati fil-punt (d) tal-Anness I, tar-Regolament (KE) Nru 1234/2007 li jirriżultaw mill-ipproċessar ta’ lamtu bħal dan għandhom jingħataw biss fuq dikjarazzjoni mill-fornitur ta’ dawn il-prodotti li tiċċertifika li ġew prodotti direttament miċ-ċereali, il-patata jew ir-ross, eskluż kull użu ta’ sottoprodotti miksuba mill-produzzjoni ta’ prodotti jew oġġetti agrikoli oħra.

2.   Id-dikjarazzjoni msemmija fil-paragrafu 1 għandha tapplika, sakemm tiġi rrevokata, għall-provvisti kollha mill-istess produttur. Għandha tiġi vverifikata skont l-Artikolu 45.

Artikolu 18

1.   Fejn il-kontenut ta’ estratt niexef tal-lamtu tal-patata, assimilat mal-lamtu tal-qamħirrum skont l-Artikolu 3(1), huwa ta’ 80 % jew ogħla, ir-rata tar-rifużjoni tal-esportazzjoni għandha tkun dik stabbilita skont l-Artikolu 14. Fejn il-kontenut ta’ estratt niexef huwa inqas minn 80 %, ir-rata tar-rifużjoni tal-esportazzjoni għandha tkun dik stabbilita skont l-Artikolu 14 immultiplikata b’1/80 tal-persentaġġ effettiv ta’ estratt niexef.

Għal-lamti kollha l-oħrajn b’kontenut ta’ 87 % jew aktar, ir-rata tar-rifużjoni għall-esportazzjoni għandha tkun dik stabbilita skont l-Artikolu 14. Fejn il-kontenut ta’ estratt niexef huwa inqas minn 87 %, ir-rata tar-rifużjoni tal-esportazzjoni għandha tkun dik stabbilita skont l-Artikolu 14 immultiplikata b’1/87 tal-persentaġġ effettiv ta’ estratt niexef.

2.   Fejn il-kontenut ta’ estratt niexef ta’ xiroppi tal-glukosju jew tal-tax-xgħir jew tal-qamħ, ġeneralment bârli, mgħaddas fl-ilma li jħalluh jeħmer u wara jħalluh jinxefodextrin li jaqa’ taħt il-Kodiċijiet NM 1702 30 90, 1702 40 90, 1702 90 50 jew 2106 90 55 huwa ta’ 78 % jew ogħla, ir-rata tar-rifużjoni tal-esportazzjoni għandha tkun dik stabbilita skont l-Artikolu 14. Fejn il-kontenut ta’ estratt niexef ta’ dawn ix-xiroppi huwa inqas minn 78 %, ir-rata tar-rifużjoni tal-esportazzjoni għandha tkun dik stabbilita skont l-Artikolu 14 immultiplikata b’1/78 tal-persentaġġ attwali ta’ estratt niexef.

3.   Għall-għanijiet tal-paragrafu 1, il-kontenut ta’ estratt niexef ta’ lamti għandu jiġi ddeterminat bl-użu tal-metodu msemmi fl-Anness IV tar-Regolament tal-Kummissjoni (KE) Nru 687/2008 (11) u l-kontenut ta’ estratt niexef ta’ xiroppi tal-glukosju jew tal-tax-xgħir jew tal-qamħ, ġeneralment bârli, mgħaddas fl-ilma li jħalluh jeħmer u wara jħalluh jinxefodextrin għandu jiġi ddeterminat bl-użu tal-metodu 2 msemmi fl-Anness II tad-Direttiva tal-Kunsill 79/796/KEE (12) jew kwalunkwe metodu ieħor xieraq ta’ analiżi li joffri għall-inqas l-istess garanziji.

4.   Fejn issir id-dikjarazzjoni msemmija fl-Artikolu 45, l-applikant għandu jiddikjara l-kontenut ta’ estratt niexef tal-lamti jew tax-xiroppi tal-glukosju jew tal-tax-xgħir jew tal-qamħ, ġeneralment bârli, mgħaddas fl-ilma li jħalluh jeħmer u wara jħalluh jinxefodextrin użat.

Artikolu 19

1.   Ir-rifużjonijiet fuq kaseina li jaqgħu taħt il-kodiċi NM 3501 10, fuq kaseinati li jaqgħu taħt il-kodiċi NM 3501 90 90 jew, fuq ovalbumin li jaqgħu taħt il-kodiċi NM 3502 11 90 u 3502 19 90 esportati fl-istat mhux mibdul, jista' jkun differenzjat skont id-destinazzjoni jekk dan hu meħtieġ minn kwalunkwe waħda minn dawn:

2.   Ir-rata tar-rifużjonijiet fuq prodotti li jagħu taħt il-kodiċijiet NM 1902 11 00, 1902 19 u 1902 40 10 jistgħu jiġu ddivrenzjati skont id-destinazzjoni.

3.   Ir-rifużjoni tista’ tvarja skont jekk hiex iffisata minn qabel jew le skont l-Artikolu 26.

Artikolu 20

1.   Ir-rata ta’ rifużjoni għandha tkun dik li tapplika fil-jum meta huma esportati l-prodotti, ħlief fil-każijiet li ġejjin

2.   Fejn tiġi applikata s-sistema tal-iffissar minn qabel tar-rata tar-rifużjoni, ir-rata fis-seħħ fil-jum meta l-applikazzjoni għall-iffissar minn qabel tkun ġiet ippreżentata għandha tapplika għall-prodotti esportati f’data aktar tard matul il-perjodu tal-validità taċ-ċertifikat tar-rifużjoni skont l-Artikolu 35(2).

Fil-każ ta' prodotti pproċessati taċ-ċereali u tar-ross, ir-rata tar-rifużjoni għandha tiġi aġġustata bl-użu tal-istess regoli li japplikaw għall-iffissar minn qabel tar-rifużjonijiet għal prodotti bażiċi esportati meta mhux ipproċessati, iżda bl-użu tal-koeffiċjenti tal-konverżjoni mniżżla fl-Anness V.

3.   Estratti ta' ċertifikati tar-rifużjoni, fi ħdan it-tifsira tar-Regolament (KE) Nru 376/2008, ma għandhomx ikunu s-suġġett ta’ ffissar minn qabel, indipendentement miċ-ċertifikati li minnhom ittieħdu.

KAPITOLU III

IĊ-ĊERTIFIKATI TAR-RIFUŻJONIJIET

TAQSIMA 1

Id-dispożizzjonijiet ġenerali

Artikolu 21

1.   L-Istati Membri għandhom joħorġu ċertifikati ta’ rifużjoni validi madwar l-Unjoni kollha lil kull applikant, ikun fejn ikun stabbilit fl-Unjoni.

Iċ-ċertifikati tar-rifużjoni għandhom jiggarantixxu l-ħlas tar-rifużjoni, kemm-il darba l-kundizzjonijiet imniżżla fil-Kapitlu V ikunu ġew sodisfatti. Dawn jistgħu jinkludu ffissar minn qabel tar-rati tar-rifużjoni. Iċ-ċertifikati għandhom ikunu validi f’ perjodu wieħed tal-baġit biss.

2.   L-għoti ta’ rifużjonijiet għall-esportazzjonijiet ta’ prodotti bażiċi elenkati fl-Anness II ta’ dan ir-Regolament jew fuq ċereali mqiegħda taħt il-kontroll tad-dwana għall-produzzjoni tal-ispirti msemmija fl-Artikolu 2 tar-Regolament (KE) Nru 1670/2006 għandhom ikunu kundizzjonali fuq il-wiri ta' ċertifikat ta' rifużjoni maħruġ fi qbil mal-Artikolu 24 ta’ dan ir-Regolament.

Iċ-ċereali msemmija fl-ewwel sottoparagrafu għandhom jitqiesu li huma esportati.

L-ewwel sottoparagrafu ma għandhomx japplikaw għall-provvisti msemmija fit-tielet inċiż tat-tieni sottoparagrafu tal-Artikolu 4(1), l-Artikoli 33(1), 37(1), 41(1) u 43(1) tar-Regolament (KE) Nru 612/2009, jew għall-esportazzjonijiet imsemmija fil-Kapitolu IV ta’ dan ir-Regolament.

3.   L-għoti tar-rifużjoni taħt is-sistema tal-iffissar minn qabel ipprovduta fl-Artikolu 20(2) għandha tkun fuq il-kundizzjoni li jiġi ppreżentat ċertifikat tar-rifużjoni li juri l-iffissar minn qabel tar-rati tar-rifużjoni.

Artikolu 22

1.   Ir-Regolament KE Nru 376/2008 għandu japplika għaċ-ċertifikati ta’ rifużjoni msemmija fir-Regolament.

2.   Id-dipożizzjonijiet imsemmija fir-Regolament (KE) Nru 376/2008 dwar id-drittijiet u l-obbligi li joħorġu miċ-ċertifikati ta’ rifużjoni denominati bi kwantitajiet għandhom japplikaw mutatis mutandis għad-drittijiet u l-obbligi li joħorġu miċ-ċertifikati ta' rifużjoni msemmija fir-Regolament għall–ammonti denominati b’euro, b’kunsiderazzjoni ta-Anness Vi għal dan ir-Regolament.

3.   B’deroga mill-paragrafi 1 u 2 ta’ dan l-Artikolu, l-Artikolu 7(2) u (4), l-Artikoli 8, 11 u 13, l-Artikolu 17(1), l-Artikoli 20, 23, 31, 32 u 34, l-Artikolu 35(6), u l-Artikoli 41, 45, 46 u 48 tar-Regolament (KE) Nru 376/2008 m’għandhomx japplikaw għaċ-ċertifikati ta’ rifużjoni msemmija f’dan ir-Regolament.

4.   Għall-għanijiet tal-Artikoli 39 u 40 tar-Regolament (KE) Nru 376/2008, iċ-ċertifikati li huma validi sat-30 ta’ Settembru ma jistgħux jiġu estiżi.

F’każi bħal dawn, iċ-ċertifikat għandi jiġi kkanċellat għal kull ammont li ma saritx applikazzjoni għalih minħabbba force majeure u l-garanzija rilevanti għandha tiġi rrilaxxata.

Artikolu 23

1.   L-applikazzjonijiet għaċ-ċertifikati tar-rifużjoni, ħlief dawk dwar operazzjonijiet tal-għajnuna f’forma ta’ ikel imsemmija fl-Artikolu 36, għandhom ikunu validi biss jekk ingħatat garanzija daqs 10 % tal-ammont li saret applikazzjoni għalih, skont il-kundizzjonijiet imniżżla fl-Artikolu 14 tar-Regolament(KE) Nru 376/2008.

2.   Il-garanzija għandha tiġi rilaxxjata skont il-kundizzjonijiet stabbiliti fl-Artikolu 40 ta’ dan ir-Regolament.

Artikolu 24

1.   L-applikazzjoni għal ċertifikat ta’ rifużjoni u għaċ-ċertifikat ta’ rifużjoni nnifsu għandha tkun ibbażata fuq il-formola “Export Licence or Advance Fixing Certificate” stipulata fl-Anness I tar-Regolament (KE) Nru 376/2008 u għandha tindika l-ammont f’euro.

Dawn id-dokumenti għandhom jimtlew fi qbil mal-istruzzjonijiet imniżżla fl-Anness VI ta’ dan ir-Regolament.

2.   Fejn l-applikant m’għandux intenzjoni li jesporta minn Stat Membru ħlief dak li fih qiegħed japplika għaċ-ċertifikat tar-rifużjoni, l-awtorità kompetenti tista’ żżomm iċ-ċertifikat tar-rifużjoni, b’mod partikolari f'format elettroniku. F’każ bħal dan, l-awtorità kompetenti għandha tgħarraf lill-applikant liċ-ċertifikat ta’ rifużjoni tiegħu ġie rreġistrat u tipprovdih bit-tagħrif imniżżel fuq il-kopja tad-detentur taċ-ċertifikat ta’ rifużjoni, minn issa 'l quddiem “Kopja Nru 1”. Il-kopja tal-awtoritajiet tal-ħruġ, minn issa 'l quddiem “Kopja Nru 2”, m’għandhiex tinħareġ.

L-awtorità. kompetenti għandha tirrekordja it-tagħrif kollu miċ-ċertifikati ta’ rifużjoni msemmija fis-Sezzjonijiet III u IV tal-Anness Vi u l-ammonti ddikjarati.

Artikolu 25

1.   Obbligi li ġejjin minn ċertifikati ma jistgħux jiġu trasferiti. Id-drittijiet derivati miċ-ċertifikati jistgħu jiġu trasferiti mid-detentur titolari tagħhom tul il-perjodu tal-validità tagħhom, dment li d-drittijiet derivati minn kull ċertifikat jew estratt tagħhom huma trasferiti lil persuna waħda biss. Dan it-trasferiment għandu jirrelata għal mal-ammonti li għadhom ma ġewx attribwiti liċ-ċertifikat jew lill-estratt.

2.   Persuni li jirċievu t-trasferimenti ma jistgħux jerġgħu jittrasferixxu d-drittijiet tagħhom imma jistgħu jittrasferixxuhom lura lid-detentur titolari. Trasferimenti lura lejn id-detentur titolari, għandhom ikollhom x’jaqsmu mal-kwantitajiet li jkunu għadhom ma ġewx attribwiti liċ-ċertifikat jew l-estratt. F’dawn il-każijiet, waħda mid-daħliet stipulati fl-Anness VIII għandha titniżżel mill-awtorità li toħroġ iċ-ċertifikat, fil-kaxxa 6.

3.   Fil-każ ta’ talba għat-trasferiment mid-detentur titulari jew fil-każ ta’ trasferiment lura lid-detentur titulari, l-awtorità li toħroġ iċ-ċertifikat jew l-aġenzija jew aġenziji nominati minn kull Stat Membru għandha tniżżel dawn li ġejjin fuq iċ-ċertifikat jew, fejn xieraq, fuq l-estratt minnu:

4.   It-trasferiment jew it-trasferiment lura lid-detentur titulari għandu jkun effettiv mid-data tal-annotazzjoni msemmiija fil-punt (b) tal-paragrafu 3

Artikolu 26

1.   L-applikazzjonijiet biex ir-rati tar-rifużjoni jiġu ffissati minn qabel għandhom jikkonċernaw ir-rati ta’ rifużjoni kollha li huma applikabbli.

2.   L-applikazzjoni waħdanija għall-iffissar minn qabel tista’ tiġi ppreżentata fil-ħin tal-applikazzjoni għaċ-ċertifikat tar-rifużjoni jew inkella fi kwalunkwe ħin mid-data meta jingħata ċ-ċertifikat tar-rifużjoni iżda qabel l-aħħar jum tal-validità tiegħu.

3.   L-applikazzjonijiet biex ir-rati tar-rifużjoni jiġu ffissati minn qabel għandhom isiru skont it-Taqsima II tal-Anness VI bl-użu tal-formola misjuba fl-Anness I għar-Regolament (KE) Nru 376/2008. L-iffissar minn qabel m’għandux japplika għal esportazzjonijiet li jsiru qabel id-data li fiha ssir l-applikazzjoni.

4.   L-applikazzjonijiet għall-iffissar minn qabel ippreżentati nhar ta’ Ħamis jitqiesu li ġew ippreżentati fil-jum tax-xogħol ta’ wara.

Artikolu 27

1.   Id-detentur ta’ ċertifikat tar-rifużjoni jista’ japplika għal estratt miċ-ċertifikat, magħmul fil-forma mniżżla fl-Anness I tar-Regolament (KE) Nru 376/2008. L-applikazzjoni għandha jkun fiha l-informazzjoni msemmija fil-punt 3 tat-Taqsima II tal-Anness VI, ta' dan ir-Regolament.

L-ammont li għalih jintalab l-estratt għandu jiġi rreġistrat fuq iċ-ċertifikat oriġinali.

2.   Mingħajr preġudizzju għall-Artikolu 9 tar-Regolament (KE) Nru 376/2008, l-estratti li huma validi fl-Unjoni kollha jistgħu jittieħdu minn ċertifikati rreġistrati bħala validi fi Stat Membru wieħed.

Artikolu 28

1.   Kull esportatur għandu jimla applikazzjoni speċifika għall-ħlas fis-sens tal-Artikolu 46 tar-Regolament (KE) Nru 612/2009. Għandha tiġi ppreżentata lill-organizzazzjoni responsabbli għall-ħlas, akkumpanjata miċ-ċertifikat(i) korrispondenti, ħlief fil-każ ta’ reġistrazzjoni taċ-ċertifikati kif stipulat fl-Artikolu 24(2) ta’ dan ir-Regolament jew fil-każ ta' esportazzjonijiet mhux koperti minn ċertifikati ta' rifużjoni.

L-awtorità kompetenti tista’ tqis l-applikazzjoni speċifika bħala li ma tkunx id-dokumenti tal-ħlas imsemmija fl-Artikolu 46(2) tar-Regolament (KE) Nru 612/2009.

L-awtorità kompetenti tista’ tqis l-applikazzjoni speċifika bħala d-dikjarazzjoni tal-esportazzjoni fis-sens tal-Artikolu 5(1) tar-Regolament (KE) Nru 612/2009. F’dak il-każ, id-data tal-irċevuta tal-applikazzjoni speċifika mill-organizzazzjoni responsabbli għall-ħlas, imsemmija fil-paragrafu 2 ta’ dan l-Artikolu, għandha tkun id-data meta dik l-organizzazzjoni rċeviet id-dikjarazzjoni tal-esportazzjoni. Fil-każijiet kollha l-oħrajn, l-applikazzjoni speċifika għandu jkun fiha d-dettalji tad-dikjarazzjoni tal-esportazzjoni inkluż in-numru ta' referenza tad-dikjarazzjoni tal-esportazzjoni.

2.   L-awtorità responsabbli għall-ħlas għandha tiddetermina l-ammont mitlub fuq il-bażi tal-informazzjoni li tinsab fl-applikazzjoni speċifika, fejn tieħu bħala l-unika bażi l-kwantità u n-natura tal-prodott(i) bażiku/bażiċi esportat(i) u rata/i ta’ rifużjoni li tapplika/japplika. Dik id-data għandha tiġi indikata jew imsemmija b’mod ċar fid-dikjarazzjoni tal-esportazzjoni.

L-awtorità responsabbli għall-ħlas għandha tirreġistra dak l-ammont fuq iċ-ċertifikat tar-rifużjoni fi żmien sitt xhur mid-data meta tirċievi l-applikazzjoni speċifika.

Iċ-ċertifikati għandhom jiġu attribwiti fuq wara tal-Kopja Nru 1; il-Kaxxi 28, 29 u 30 għandu jkun fihom l-ammont f’Euro minflok il-kwantità.

It-tielet sottoparagrafu għandu japplika mutatis mutandis għal ċertifikati miżmuma fil-forma elettronika.

3.   Wara l-attribuzzjoni, jekk iċ-ċertifikat tar-rifużjoni ma jiġix irreġistrat kif stipulat fl-Artikolu 24(2), il-Kopja Nru 1 taċ-ċertifikat għandha tintradd lid-detentur jew tinżamm mill-awtorità li tħallas fuq talba tal-esportatur.

4.   Il-garanzija miżmuma fir-rigward mal-ammont li għalih iċ-ċertifikat ta’ rifużjoni ġie attribwit għal prodotti esportati tista’ tiġi rilaxxjata jew tista’ tiġi trasferita biex tiggarantixxi l-ħlas minn qabel tar-rifużjoni, fi qbil mal-Kapitolu 2 tat-Titlu II tar-Regolament (KE) Nru 612/2009.

Artikolu 29

1.   Tista’ ssir applikazzjoni għaċ-ċertifikati tar-rifużjoni maħruġa għal perjodu wieħed tal-baġit separatament f’sitt sessjonijiet. L-applikazzjonijiet għal ċertifikati jistgħu jiġu ppreżentati mhux aktar tard mis-:

2.   L-operaturi jistgħu jippreżentaw applikazzjoni għal ċertifikat tar-rifużjoni biss fejn għandha x’taqsam is-sessjoni li tikkorrispondi għall-ewwel data tal-għeluq, kif stabbilit fl-ewwel paragrafu, wara d-data li fih tressqet l-applikazzjoni.

Artikolu 30

Iż-żmien li fih għandha ssir in-notifika mill-Istati Membri lill-Kummissjoni tal-applikazzjonijiet għaċ-ċertifikati għandu jkun dan li ġej:

Artikolu 31

1.   L-ammont totali dwar liema jistgħu jinħarġu ċ-ċertifikati tar-rifużjoni għal kull perjodu tal-baġit għandu jiġi ddeterminat skont il-paragrafu 2.

2.   Mill-figura li tirrappreżenta l-ammont massimu tar-rifużjonijiet, kif iddeterminat skont l-Artikolu 9(2) tal-Ftehim, dawn l-elementi li ġejjin għandhom jitnaqqsu:

3.   L-ammonti dwar liema ċ-ċertifikati maħruġa, kif imsemmi fl-Artikolu 41, ngħataw lura għandhom jiżdiedu maċ-ċifra miksuba skont il-paragrafu 2.

4.   Kull ammont riservat biex ikopri l-esportazzjonijiet imsemmija fil-Kapitlu IV li jibqa’ mhux utilizzat għandu jiżdied maċ-ċifra miksuba skont il-paragrafu 2.

5.   Fejn hemm xi nuqqas ta’ ċertezza dwar xi wieħed mill-ammonti msemmija fil-paragrafu 2, dak għandu jitqies meta jiġi ddeterminat l-ammont finali.

Artikolu 32

L-ammont totali dwar liema jistgħu jinħarġu ċ-ċertifikati għal kull waħda mis-sessjonijiet imsemmija fl-Artikolu 29 għandu jkun:

TAQSIMA 2

Applikazzjonijiet u ħruġ taċ-ċertifikati tar-rifużjoni

Artikolu 33

1.   Jekk l-ammont totali mitlub fl-applikazzjonijiet irċevuti dwar kull wieħed mill-perjodi konċernati ikun aktar mill-massimu msemmi fl-Artikolu 31(2), il-Kummissjoni għandha twaqqaf koeffiċjent tat-tnaqqis li japplika għall-applikazzjonijiet kollha ppreżentati qabel id-data korrispondenti msemmija fl-Artikolu 29 sabiex tkun skont il-massimu msemmi fl-Artikolu 31.

Il-Kummissjoni għandha tippubblika l-ko-effiċjent f'Il-Ġurnal Uffiċjali tal-Unjoni Ewropea fi żmien ħamest ijiem tax-xogħol mid-dati msemmija fl-Artikolu 30.

2.   Jekk il-Kummissjoni twaqqaf ko-effiċjent tat-tnaqqis, iċ-ċertifikati għandhom jinħarġu għall-ammont mitlub, immultiplikat b’1 bi tnaqqis tal-ko-effiċjent tat-tnaqqis stabbilit kif provdut fil-paragrafu 1 ta’ dan l-Artikolu jew fl-Artikolu 34(3)(a).

Madankollu, dwar is-sessjoni msemmija fil-punt (f) tal-Artikolu 29(1), l-applikanti jistgħu jirtiraw l-applikazzjonijiet tagħhom fi żmien ħamest ijiem tax-xogħol mill-pubblikazzjoni tal-ko-effiċjent f'Il-Ġurnal Uffiċjali tal-Unjoni Ewropea.

3.   L-Istati Membri għandhom javżaw lill-Kummissjoni sa l-1 ta’ Awissu bl-ammonti rrappreżentati mill-applikazzjonijiet għal ċertifikati tar-rifużjoni rtirati skont it-tieni sottoparagrafu tal-paragrafu 2.

Artikolu 34

1.   Jekk, wara d-data tal-għeluq għat-tressiq tal-applikazzjonijiet għaċ-ċertifikati ta’ rifużjoni fir-rigward ta’ porzjoni partikolari msemmi fil-punti (a) sa (f) tal-ewwel paragrafu tal-Artikolu 29, l-ebda koeffiċjent għat-tnaqqis ma jkun ġie ppubblikat skont l-Artikolu 33(1), l-operaturi jistgħu jressqu applikazzjoni għall-ħruġ ta’ ċertifikat ta’ rifużjoni għal kwalunkwe ammont disponibbli għal dak il-porzjon li għadu ħadd ma applika għalih.

L-applikazzjoni se titressaq fil-perjodu sad-data ta’ għeluq li jmiss stabbilita fil-punti (a) sa (f) tal-ewwel paragrafu ta’ Artikolu 29.

2.   L-applikazzjonijiet mressqa tul kull ġimgħa għandhom jiġu nnotifikati lill-Kummissjoni mill-Istati Membri t-Tnejn ta' wara. Iċ-ċertifikati korrispondenti jistgħu jinħarġu mill-Erbgħa ta’ wara n-notifika, kemm-il darba l-Kummissjoni ma toħroġx istruzzjonijiet biex dan ma jsirx.

3.   Jekk l-ammont totali tal-applikazzjonijiet li jaslu f'ġimgħa ta' applikazzjoni partikolari jaqbżu l-ammmont li jibqa’ disponibbli msemmi fil-paragrafu 1, il-Kummissjoni għandha tieħu wieħed jew aktar mill-passi li ġejjin:

4.   Kull Regolament adottat skont il-paragrafu 3 għandu jiġi ppubblikat fil-Ġurnal Uffiċjali tal-Unjoni Ewropea fi żmien tliet ijiem min-notifika tal-applikazzjonijiet imsemmija fil-paragrafu 2.

Artikolu 35

1.   Iċ-ċertifikati tar-rifużjoni għandhom ikunu validi mid-data tal-ħruġ kif definita fl-Artikolu 22(1) tar-Regolament (KE) Nru 376/2008.

2.   'Soġġett għat-tieni sottoparagrafu, iċ-ċertifikati tar-rifużjoni għandhom ikunu validi sal-aħħar jum tal-ħames xahar wara x-xahar meta saret l-applikazzjoni għaċ-ċertifikat, jew sal-aħħar jum tal-perjodu tal-baġit, liema jaħbat l-ewwel.

Iċ-ċertifikati tar-rifużjoni msemmija fl-Artikolu 36 għandhom ikunu validi sa l-aħħar jum tal-ħames xahar ta’ wara x-xahar meta saret l-applikazzjoni għaċ-ċertifikat.

3.   Jekk ir-rati ta' rifużjoni huma ffissati bil-quddiem skont l-Artikolu 26, dawk ir-rati għandhom jibqgħu validi sa l-aħħar ġurnata tal-perjodi ta' validità taċ-ċertifikat.

Artikolu 36

Ir-Regolament tal-Kummissjoni (KE) Nru 2298/2001 (13) ghandu japplika għall-applikazzjonijiet għaċ-ċertifikati tar-rifużjoni u għaċ-ċertifikati tar-rifużjoni maħruġa għall-esportazzjoni tal-prodotti, li huma parti minn operazzjoni internazzjonali ta’ għajnuna taħt forma ta’ ikel fis-sens tal-Artikolu 10(4) tal-Ftehim.

Artikolu 37

1.   Għall-għanijiet tal-Artikolu 47 tar-Regolament (KE) Nru 376/2008, ghandhom japplikaw il-paragrafi 2 sa 11 ta’ dan l-Artikolu.

2.   Mill-1 ta’ Ottubru ta’ kull perjodu tal-baġit, jistgħu jsiru applikazzjonijiet għaċ-ċertifikati marbuta ma’ sejħa għall-offerti maħruġa f’pajjiż terz importatur, li tiffissa r-rifużjoni tal-esportazzjoni minn qabelfil-jum meta tintefa’ l-applikazzjoni, fi qbil ma’ dan l-Artikolu barra mill-perjodi mniżżla fl-Artikoli 29 u 34, fejn is-somma tal-ammonti li jikkorrispondu għal stedina waħda għall-offerti, li għaliha saret applikazzjoni waħda jew aktar għal ċertifikati tar-rifużjoni minn operatur wieħed jew aktar u li għaliha għadu ma nħareġ ebda ċertifikat, ma taqbiżx iż-EUR 2 miljuni.

Madankollu, dak il-limitu jista’ jiżdied għal EUR 4 miljuni jekk l-ebda ko-effiċjent tat-tnaqqis, ippubblikat mill-bidu tal-perjodu tal-baġit u msemmi fl-Artikolu 33(1) jew fl-Artikolu 34(3), m’huwa t’aktar minn 50 %.

3.   L-ammont li għalih hemm l-appikazzjoni għaċ-ċertifikat/i ma jistax jaqbeż il-kwantita msemmija fl-istedina għall-offerti meta mmultiplikata bir-rata korrispondenti ta’ rifużjoni, li tiġi ffissata fil-jum tad-dħul tal-aplikazzjoni. Ma għandhomx jitqiesu tolleranzi jew opzjonjiet imniżżla fl-istedina għall-offerti.

4.   Barra mill-informazzjoni speċifikata fl-ewwel subparagrafu tal-Artikolu 47(3), tar-Regolament (KE) Nru 376/2008, l-Istati Membri għandhom jgħarrfu minnufih lill-Kummissjoni bl-ammonti mogħtija fl-applikazzjonijiet u d-data u l-ħin tat-tressiq ta’ kull applikazzjoni.

5.   Meta l-ammonti notifikati taħt il-paragrafu 4, meta miżjuda mal-ammonti li għalihom wieħed jew aktar ċertifikati saret applikazzjoni għalihom bħala parti mill-istess ejħa għall-offerti, jaqbżu l-limitu applikabbli msemmi fil-paragrafu 2, il-Kummissjoni għandha tavża lill-Istati Membri fi żmien jumejn tax-xogħol minn meta tirċievi din l-informazzjoni addizjonali msemmi fil-paragrafu 4 li ċ-ċertifikat tar-rifużjoni m'għandux jinħareġ għall-operatur.

6.   Il-Kummissjoni tista’ tissospendi l-applikazzjoni tal-paragrafu 2 fejn is-somma kumulattiva tal-ammonti taċ-ċertifikati tar-rifużjoni li jistgħu jinħarġu skont l-Artikolu 47 tar-Regolament (KE) Nru 376/2008 taqbeż l-EUR 4 miljun f’perjodu tal-baġit. Id-deċiżjonijiet ta’ sospensjoni għandhom jiġu ppubblikati f'Il-Ġurnal Uffiċjali tal-Unjoni Ewropea.

7.   B’deroga mill-Artikolu 35(1) u (2) ta’ dan ir-Regolament, ċertifikati ta’ rifużjoni maħruġa fi qbil mal-Artikolu 47 tar-Regolament (KE) Nru 376/2008 għandhom ikunu validi mill-jum li fihom ikunu nħarġu għas-sens tal-Artikolu 22(2) tar-regolament (KE) Nru 376/2008. Iċ-ċertifikati tar-rifużjoni għandhom ikunu validi sa l-aħħar tat-tmien xahar ta’ wara x-xahar meta nħarġu, jew it-30 ta’ Settembru. Ir-rati ffissati minn qabel huma validi sa l-aħħar jum tal-validità taċ-ċertifikat.

8.   Fejn skont l-Artikolu 47(9)(a) tar-Regolament (KE) Nru 376/2008, l-awtorità kompetenti tkun ġiet sodisfatta li l-aġenzija li ħarġet l-istedina għall-offerti tkun ħassret il-kuntratt għal raġunijiet indipendenti minn min tefà l-offerta magħżula u li mhumiex force majeure, għandha tirrilaxxja l-garanzija f’każijiet fejn ir-rata ta’ rifużjoni ffissata minn qabel dwar il-prodotti bażiċi li jikkorispondu għall-akbar rifużjoni meta mqabbla ma’ prodotti oħrajn bażiċi użati, hija ogħla minn, jew daqs ir-rata ta’ rifużjoni valida fl-aħħar jum tal-validità taċ-ċertifikat.

9.   Fejn skont l-Artikolu 47(9)(b) tar-Regolament (KE) Nru 376/2008, l-awtorità kompetenti tkun sodisfatta li l-aġenzija li ħarġet l-istedina għall-offerti obbligat lil min tefà l-offerta magħżula sabiex jaċċetta bidliet lil kuntratt għal raġunijiet indipendenti minn min tefà l-offerta magħżula u li mhumiex force majeure, tista’ testendi l-validità taċ-ċertifikat u d-dewmien tal-iffissar minn qabel sat-30 ta’ Settembru.

10.   Fejn min jitfa’ l-offerta jirnexxilu jagħti prova skont l-Artikolu 47(9)(ċ) tar-Regolament (KE) Nru 376/2008, li l-istedina għall-offerti jew il-kuntratt konklużi wara l-għotja, stabbilew “downward tolerance” jew opzjoni ta’ oktar minn 5 % u li l-aġenzija li ħarġet l-istedina għall-offerti qed tinvoka il-klawżola rilevanti, l-obbligu li jesporta jitqies li ntlaħaq fejn il-kwantità tal-esportazzjoni hija ta’ mhux aktar minn 10 % inqas mill-kwantità li tikkorrispondi għall-ammont li għalih inħareġ iċ-ċertifikat.

L-ewwel paragrafu għandu japplika fuq kundizzjoni li r-rata tar-rifużjoni ffissata minn qabel dwar il-prodott bażiku li jikkorrispondi għall-akbar rifużjoni meta mqabbel ma’ prodotti oħrajn bażiċi użati, hija ogħla minn, jew daqs ir-rata ta’ rifużjoni valida fl-aħħar jum tal-validità taċ-ċertifikat. F’dawn il-każijiet ir-rata ta’ 95 % imsemmija fl-Artikolu 40(3) u (5) ta’ dan ir-Regolament għandha titbiddel b’90 %.

11.   Għall-għanijiet tal-punti 1 sa 10 ta' dan l-Artikolu Il-limitu ta’ żmien ta’ 21 jum speċifikat fl-Artikolu 47(5) tar-Regolament (KE) Nru 376/2008 għandu jkun ta’ 44 jum.

TAQSIMA 3

Il-garanziji

Artikolu 38

1.   Il-ħruġ ta’ ċertifikat tar-rifużjoni għandu jobbliga lid-detentur japplika għal rifużjonijiet daqs l-ammont li għalih inħareġ iċ-ċertifikat fuq prodotti esportati matul il-perjodu tal-validità taċ-ċertifikat tar-rifużjoni.

Il-garanzija msemmija fl-Artikolu 23 għandha tingħata biex jiġi ggarantit il-ħarsien tal-obbligu msemmi fl-ewwel sottoparagrafu.

2.   L-obbligu msemmi fl-ewwel sottoparagrafu tal-paragrafu 1 ta' dan l-Artikolu għandu jkun kundizzjoni meħtieġa ewlenija fis-sens tal-Artikolu 20(2) tar-Regolament (KEE) Nru 2220/85.

Artikolu 39

1.   Il-kondizzjoni meħtieġa ewlenija għandha titqies sodisfatta jekk l-esportatur ikun wassal l-applikazzjoni speċifika dwar il-prodotti esportati matul il-perjodu tal-validità taċ-ċertifikat tar-rifużjoni skont il-kundizzjonijiet imniżżla fl-Artikolu 28 u fit-taqsima V tal-Anness VI.

2.   Fejn l-applikazzjoni speċifika mhijiex id-dikjarazzjoni tal-esportazzjoni, għandha tiġi ppreżentata mill-esportatur fi żmien tliet xhur mid-data tal-iskadenza taċ-ċertifikat tar-rifużjoni bin-numru li tniżżel fuq l-applikazzjoni speċifika, ħlief f’każijiet ta’ force majeure.

Jekk il-limitu ta' żmien ta' tliet xhur stipulat fl-ewwel sottoparagrafu ma jiġix rispettat, il-kundizzjoni ewlenija ma tistax titqies li ġiet sodisfatta.

3.   Għandha tingħata prova li l-kondizzjoni meħtieġa ewlenija ġiet sodisfatta billi l-esportatur jippreżenta lill-awtorità kompetenti l-Kopja Nru 1 taċ-ċertifikat tar-rifużjoni, rreġistrat kif xieraq skont l-Artikolu 28(2). Dik il-prova għandha tiġi ppreżentata sa l-aħħar tat-tnax-il xahar wara t-tmiem tal-perjodu tal-validità taċ-ċertifikat tar-rifużjoni.

L-ewwel subparagrafu għandu japplika mutatis mutandis għal ċertifikati rreġistrati kif previst fl-Artikolu 24(2).

4.   B'deroga mill-Artikolu 22(3) tar-Regolament (KEE) Nru 2220/85 il-garanzija prevista fl-Artikolu 23 ta' dan ir-Regolament għandha tintilef fi proporzjon mal-ammont li l-evidenza mitluba ma tkunx ipprovduta fil-limiti ta' żmien stipulati fil-paragrafi 2 u 3 ta' dan l-Artikolu.

Artikolu 40

1.   Jekk ko-effiċjent tat-tnaqqis jiġi applikat skont l-Artikolu 33(1) jew l-Artikolu 34(3)(a), parti mill-garanzija, daqs l-ammont mogħti immultiplikat bil-ko-effiċjent tat-tnaqqis, għandha tiġi rilaxxjata minnufih.

2.   Jekk l-applikant jirtira l-applikazzjoni tiegħu għal ċertifikat, skont it-tieni sottoparagrafu tal-Artikolu 33(2), 80 % mill-garanzija oriġinali għandha tiġi rilaxxjata.

3.   Il-garanzija għandha tiġi rilaxxjata għal kollox ladarba d-detentur taċ-ċertifikat applika għal rifużjonijiet daqs 95 % tal-ammont dwar liema nħareġ iċ-ċertifikat.

4.   Fuq applikazzjoni mid-detentur titulari, l-Istati Membri jistgħu jirrilaxxjaw il-garanziji bi ħlas bin-nifs bi proporzjon għall-ammonti li għalihom hemm il-kundizzjonijiet kif imsemmi fl-Artikolu 39(1) u (3), kemm-il darba ngħatat prova li saret applikazzjoni għall-inqas għal ammont daqs 5 % ta’ dak indikat fuq iċ-ċertifikat.

5.   Fejn saret applikazzjoni għal inqas minn 95 % tal-ammont li nħareġ għalih iċ-ċertifikat, parti mill-garanzija daqs 10 % tad-differenza bejn 95 % tal-ammont li għalih inħareġ iċ-ċertifikat u l-ammont ta’ rifużjonijiet effettivament użati, għandha tintilef.

6.   Jekk l-ammont li għalih hemm il-kundizzjonijiet kif imsemmi fl-Artikolu 39(1) u (3) huwa inqas minn 5 % tal-ammont indikat fuq iċ-ċertifikat, il-garanzija kollha tintilef.

7.   Jekk l-ammont totali tal-garanzija li tintilef jammonta għal EUR 100 jew inqas għal ċertifikat wieħed, l-Istati Membri konċernati għandhom jirrilaxxjaw il-garanzija sħiħa.

Artikolu 41

1.   Fejn iċ-ċertifikat jew estratt miċ-ċertifikat jintradd lill-organizzazzjoni li ħarġitu fi żmien li jikkorrispondi għall-ewwel żewġ terzi tat-terminu tal-validità tiegħu, l-ammont korrispondenti tal-garanzija li għandu jintilef għandu jitnaqqas b’40 %, għal liema skop, kwalunkwe parti ta’ jum għandha titqies bħala jum sħiħ.

2.   Fejn iċ-ċertifikat jew estratt miċ-ċertifikat jintradd lill-organizzazzjoni li ħarġitu fi żmien li jikkorrispondi għall-aħħar terz tat-terminu tal-validità tiegħu jew matul ix-xahar wara d-data tal-iskadenza, l-ammont korrispondenti tal-garanzija li għandu jintilef għandu jitnaqqas b’25 %.

3.   Il-paragrafi 1 u 2 għandu japplika biss għal ċertifikati u estratti miċ-ċertifikati mogħtija lura lill-organizzazzjoni li ħarġithom matul dak il-perjodu tal-baġit meta jkunu nħarġu ċ-ċertifikati, kemm-il darba jintraddu mhux aktar tard mill-31 ta’ Awwissu ta’ dak il-perjodu.

KAPITOLU IV

L-ESPORTAZZJONIJIET LI MHUMIEX KOPERTI MIĊ-ĊERTIFIKATI

Artikolu 42

1.   Ma hemmx bżonn ta' ċertifikati għal esportazzjonijiet li għalihom tressqu applikazzjonijiet mill-operatur matul is-sena tal-baġit li ma jirriżultawx fi ħlas ta' iktar minn EUR 100 000.

2.   Ma hemmx bżonn ta' ċertifikati għall-provvisti msemmija fit-tielet inċiż tat-tieni sottoparagrafu tal-Artikolu 4(1), l-Artikoli 33(1), 37(1), 41(1) u 43(1) tar-Regolament (KE) Nru 612/2009.

3.   Il-paragrafi 1 u 2 għandhom japplikaw ukoll għall-esportazzjonijiet minn operaturi li kellhom ċertifikat ta' rifużjoni matul il-perjodu tal-baġit ikkonċernat jew li jkollhom tali ċertifikat fid-data tal-esportazzjoni.

4.   Il-paragrafi 1, 2 u 3 għandhom japplikaw biss fl-Istat Membru fejn huwa stabbilit l-operatur.

Artikolu 43

1.   Għal kull perjodu tal-baġit, l-esportazzjonijiet imsemmija fl-Artikolu 42(1) għandhom ikunu eliġibbli għall-ħlas ta’ rifużjoni fi ħdan il-limitu ta’ riserva totali ta’ EUR 40 miljun għal kull sena tal-baġit.

2.   Ir-rifużjonijiet fuq l-esportazzjonijiet li huma parti minn operazzjoni internazzjonali tal-għajnuna f’forma ta’ ikel fis-sens tal-Artikolu 10(4) tal-Ftehim, u rifużjonijiet fuq il-provvisti msemmija fit-tielet inċiż tat-tieni sottoparagrafu tal-Artikolu 4(1), l-Artikoli 33(1), 37(1), 41(1) u 43(1) tar-Regolament (KE) Nru 612/2009 ma għandhomx jitqiesu fl-istabbiliment tal-livell ta' nfiq taħt ir-riserva msemmija fl-ewwel paragrafu.

Artikolu 44

1.   Jekk is-somma tal-ammonti nnotifikata mill-Istati Membri skont l-Artikolu 53 tilħaq EUR 30 miljun, il-Kummissjoni, hija u tqis l-impenji internazzjonali tal-Unjoni, tista’ tissospendi l-applikazzjoni tal-Artikolu 43(1) għal esportazzjonijiet li mhumiex koperti minn ċertifikat tar-rifużjoni għal massimu ta’ 20 jum ta’ ħidma.

2.   Fl-istess ċirkostanzi stipulati fil-paragrafu 1, il-Kummissjoni tista', fi qbil mal-Artikolu 16(2) tar-Regolament (KE) Nru 1216/2009, tissospendi l-applikazzjoni tal-Artikolu 43(1) ta’ dan ir-Regolament għall-esportazzjoni mhux koperta minn ċertifikat ta’ rifużjoni għal perjodu li jaqbeż l-20 jum ta’ ħidma.

KAPITOLU V

L-OBBLIGI TAL-ESPORTATUR

Artikolu 45

1.   Meta għandhom jiġu esportati l-prodotti, il-parti konċernata għandha tiddikjara l-kwantitajiet tal-prodotti bażiċi, tal-prodotti derivati mill-ipproċessar tagħhom, jew ta’ prodotti assimilati ma’ waħda minn dawn iż-żewġ kategoriji skont l-Artikolu 3, li ntużaw effettivament, fis-sens tal-Artikolu 10, fil-manifattura ta’ dawk il-prodotti, li fuqhom ser tintalab rifużjoni, jew inkella jirreferu għal dik il-kompożizzjoni jekk ġiet iddeterminata skont l-Artikolu 10(4).

2.   Meta ntużaw oġġetti fil-manifattura ta’ prodotti li għandhom jiġu esportati, id-dikjarazzjoni mill-parti konċernata għandha tinkludi l-kwantità tal-oġġetti effettivament użati u n-natura u l-kwantità ta’ kull wieħed mill-prodotti bażiċi ta’ prodotti dderivati mill-ipproċessar tagħhom, u/jew ta’ prodotti assimilati ma’ waħda minn dawk iż-żewġ kategoriji skont l-Artikolu 3, li minnhom huma dderivati l-prodotti.

Il-parti konċernata għandha, b’appoġġ għad-dikjarazzjoni tagħha, tipprovdi lill-awtoritajiet kompetenti d-dokumenti u l-informazzjoni kollha li dawn tal-aħħar iqisu li huma rilevanti. Id-dokumenti u l-informazzjoni kkonċernati jistgħu jinżammu u jintbagħtu f'forma elettronika.

L-awtoritajiet kompetenti għandhom jivverifikaw b’mezzi xierqa l-preċiżjoni tad-dikjarazzjonijiet.

3.   Fuq it-talba tal-awtoritajiet kompetenti tal-Istat Membru li fuq it-territorju tiegħu jsiru l-formalitajiet tad-dwana tal-esportazzjoni, l-awtoritajiet kompetenti tal-Istati Membri l-oħrajn għandhom jikkomunikawlhom direttament l-informazzjoni kollha li jistgħu jiksbu biex id-dikjarazzjoni li tkun għamlet il-parti konċernata tkun tista’ tiġi vverifikata.

Artikolu 46

Bħala deroga mill-Artikolu 45, u b’konsultazzjoni mal-awtoritajiet kompetenti, id-dikjarazzjoni tal-prodotti użati tista’ titbiddel minn dikjarazzjoni aggregata tal-kwantitajiet ta’ prodotti użati jew b’riferenza għad-dikjarazzjoni ta’ dawn il-kwantitajiet, jekk dawn tal-aħħar diġà ġew iddeterminati skont l-Artikolu 10(4) u fuq kundizzjoni li l-manifattur iqiegħed għad-dispożizzjoni tal-awtoritjiet l-informazzjoni kollha meħtieġa biex id-dikjarazzjoni tiġi vverifikata.

Artikolu 47

1.   Fejn l-esporatur ma jagħmilx id-dikjarazzjoni msemmija fl-Artikolu 46 jew ma jipprovdix informazzjoni sodisfaċenti b’appoġġ għad-dikjarazzjoni tiegħu, m’għandux ikun intitolat għal rifużjoni.

2.   B’deroga mill-paragrafu 1 meta l-prodotti kkonċernati jkunu mniżżla fil-kolonni 1 u 2 tal-Anness IV, il-parti konċernata tista’, fuq talba tagħha stess, tingħata rifużjoni. In-natura u l-kwantità tal-prodotti bażiċi li jitqiesu għall-kalkolu ta’ din ir-rifużjoni għandhom jiġu ddeterminati minn analiżi tal-prodotti li se jiġu esportati u skont it-tabella tal-konverżjoni fl-Anness IV. L-awtorità kompetenti għandha tiddeċiedi dwar il-kundizzjonijiet li fihom għandha ssir l-analiżi u l-informazzjoni li għandha tintalab b’appoġġ għat-talba.

3.   L-esportatur għandu jħallas l-ispejjeż ta’ din l-analiżi.

Artikolu 48

1.   L-Artikolu 45 m’għandux japplika għall-kwantitajiet ta’ prodotti agrikoli ddeterminati skont l-Anness III, ħlief għal dawn li ġejjin:

Id-deskrizzjoni tal-prodotti mogħtija fuq id-dikjarazzjoni tal-esportazzjoni u l-applikazzjoni għal rifużjoni fuq il-prodotti elenkati fl-Anness III għandha tieħu f’konsiderazzjoni n-nomenklatura f’dak l-Anness.

2.   Fejn jiġu analizzati l-prodotti skont l-Artikoli 45, 46, 47 jew il-paragrafi 1 u 3 ta’ dan l-Artikolu, il-metodi tal-analiżi għandhom ikunu dawk imsemmija fir-Regolament tal-Kummissjoni (KE) Nru 904/2008 (14) jew, fin-nuqqas tagħhom, dawk imsemmija fir-Regolament tal-Kummissjoni (KE) Nru 900/2008 (15), jew fin-nuqqas tagħhom, dawk li japplikaw għall-klassifikazzjoni tat-Tariffa Komuni tad-Dwana ta’ prodotti simili li huma importati fl-Unjoni.

3.   Il-kwantitajiet ta’ prodotti esportati u l-kwantitajiet tal-prodotti msemmija fl-Artikolu 45(1) jew b’riferenza għall-kompożizzjoni ddeterminata skont ir-raba’ paragrafu tal-Artikolu 10 għandhom jinkitbu fid-dokument li jiċċertifika l-esportazzjoni. Madankollu fejn japplika t-tieni paragrafu tal-Artikolu 47, il-kwantitajiet tal-aħħar għandhom jitbiddlu bil-kwantitajiet tal-prodotti bażiċi, imniżżla fil-kolonna 4 tal-Anness IV, li jikkorrispondu mar-riżultati tal-analiżi tal-prodotti esportati.

4.   Għal rifużjoni fuq prodotti li jaqgħu fi ħdan il-kodiċi NM 0403 10 51 to 0403 10 99, 0403 90 71 to 0403 90 99, 0405 20 10, 0405 20 30, 2105 00 99, 3502 11 90 u 3502 19 90 l-oġġetti għandhom jissodisfaw ir-rekwiżiti rilevanti tar-Regolament (KE) Nru 852/2004 u r-Regolament (KE) Nru 853/2004, inkluż ir-rekwiżit li jitlob li jkunu ġew ippreparati fi stabbiliment approvat u li jikkonformaw mar-rekwiżiti sanitarji speċifikati fis-Sezzjoni I ta l-Anness II tar-Regolament (KE) Nru 853/2004.

5.   Għall-għanijiet tal-Artikolu 45 u 46, kull Stat Membru għandu jgħarraf lill-Kummissjoni dwar il-verifiki li jsiru fit-territorju tiegħu dwar it-tipi differenti ta’ prodotti esportati. Il-Kummissjoni għandha tgħarraf lill-Istati Membri l-oħrajn b’dan.

Artikolu 49

1.   Skont l-Artikoli 45 u 46 ta' dan ir-Regolament u f'applikazzjoni tal-Artikolu 12 tar-Regolament (KE) Nru 612/2009, għal prodotti li fihom iċ-ċereali, ir-ross, il-ħalib u prodotti tal-ħalib jew bajd imsemmija fil-punti (i), (ii), (v) u (vii) tal-Artikolu 162(1)(a) u punt (b) tal-Artikolu 162(1) tar-Regolament (KE) Nru 1234/2007, il-parti kkonċernata għandha tipprovdi dikjarazzjoni li ebda wieħed mill-ingredjenti ma jkun ġie importat minn pajjiżi terzi jew speċifikazzjoni tal-kwantitajiet ta' dawk il-prodotti importati minn pajjiżi terzi.

2.   Fejn issir talba biex il-kwantitajiet jiġu ddeterminati skont l-Artikolu 10(4), l-awtorità kompetenti tista’ taċċetta attestazzjoni mill-parti konċernata li mhumiex se jintużaw iċ-ċereali, ir-ross, u l-prodotti tal-ħalib u l-bajd imsemmija fil-paragrafu 1 li jkunu ġew importati minn pajiżi terzi.

3.   Fejn issir talba biex il-kwantitajiet jiġu ddeterminati skont l-Artikolu 11(1) jew skont l-Artikolu 47(2), l-awtorità kompetenti tista’ taċċetta attestazzjoni mill-parti konċernata li mhumiex se jintużaw iċ-ċereali, ir-ross, u l-prodotti tal-ħalib u l-bajd imsemmija fil-paragrafu 1 li jkunu ġew importati minn pajiżi terzi.

4.   L-attestazzjonijiet imsemmija fil-paragrafi 1, 2 u 3 għandhom ikunu soġġetti għal verifika mill-awtoritajiet responsabbli b'mezzi xierqa.

KAPITOLU VI

IL-ĦLAS TAR-RIFUŻJONI

Artikolu 50

1.   Fil-każ ta’ prodotti esportati li jsiru bejn l-1 ta’ Ottubru u l-15 ta’ Ottubru ta’ kull sena, ir-rifużjonijiet m’għandhomx jitħallsu qabel is-16 ta’ Ottubru.

Dwar prodotti esportati bil-preżentazzjoni ta’ ċertifikat tar-rifużjoni maħruġ f’perjodu tal-baġit, u fejn il-Kummissjoni tqis li hemm periklu li l-Unjoni tista' ma tilħaqx l-impenni internazzjonali tagħha, il-ħlasijiet tar-rifużjoni ppjanati għal wara l-aħħar ta’ dak il-perjodu ma jistgħux isiru qabel is-16 ta’ Ottubru. F’dak il-każ il-limitu ta’ żmien imsemmi fl-Artikolu 46(8) tar-Regolament (KE) Nru 612/2009 jista’ jiġi temporanjament estiż għal tliet xhur u 15-il jum permezz ta’ Regolament li jrid jiġi ppubblikat qabel l-20 ta’ Settembru f'Il-Ġurnal Uffiċjali tal-Unjoni Ewropea.

2.   Għall-oġġetti elenkati fl-Anness II ta' dan ir-Regolament u b'deroga mill-Artikolu 24 tar-Regolament (KE) Nru 612/2009, l-ammont stipulat fl-Artikolu 24(1)(a)(ii) tar-Regolament (KE) Nru 612/2009 għandu japplika irrispettivament mill-pajjiż jew territorju tad-destinazzjoni li lejhom l-oġġetti jkunu esportati:

3.   Fil-każijiet previsti fil-paragrafu 2, l-Istati Membri jistgħu, fuq talba, jagħtu awtorizzazzjoni formali li teżenta lill-esportatur ikkonċernat milli jipprovdi dokumenti meħtieġa skont l-Artikolu 17 tar-Regolament (KE) Nru 612/2009, ħlief id-dokument tat-trasport.

L-awtorizzazzjoni li tissemma fl-ewwel subparagrafu għandha tkun valida, sakemm ma tiġix irrevokata, għal perijodu massimu ta’ sentejn u għandha tiġġedded. L-Istati Membri jistgħu jirrevokaw l-awtorizzazzjoni fuq diskrezzjoni tagħhom u b’mod partikolari dawn għandhom jirtiraw l-awtorizzazzjoni immedjatament fejn ikollhom raġuni valida li jissospettaw li l-esportatur ma jkunx segwa l-kondizzjonijiet speċifikati fiha.

L-eżenzjonijiet mogħtija skont l-ewwel subparagrafu għandhom jiġu kkunsidrati bħala fatturi ta’ riskju li għandhom jitqiesu għar-raġunijiet tal-Artikolu 2(1) tar-Regolament tal-Kunsill (KE) Nru 485/2008 (17).

L-esportaturi li jagħmlu użu mill-eżenzjoni għandhom isemmu n-numru tal-awtorizzazzjoni fuq id-dokument amministrattiv uniku u fl-applikazzjoni speċifika għall-pagamanti kif jissemma' fl-Artikolu 28 tar-Regolament.

4.   B’deroga mill-paragrafu 3, għall-każijiet previsti fil-punt (b) tal-paragrafu 2, l-Istati Membri jistgħu jeżentaw lill-esportatur ikkonċernat milli jipprovdi d-dokumenti ta' trasportazzjoni għall-esportazzjonijiet kollha koperti minn awtorizzazzjoni, bil-kondizzjoni li l-esportatur ikkonċernat ikun meħtieġ li jipprovdi d-dokumenti tat-trasport fir-rigward ta’ minimu ta’ 10% ta’ tali dikjarazzjonijiet tal-esportazzjoni jew ta’ wieħed kull sena, skont liema l-ogħla, u dan għandu jintgħażel mill-Istati Membri huma u japplikaw il-kriterji stipolati fir-Regolament (KE) Nru 1276/2008 (18).

5.   Fil-każ tal-oġġetti li huma elenkati fl-Anness II ta’ dan ir-Regolament meta d-dikjarazzjoni tal-esportazzjoni tkun ġiet aċċettata mhux aktar tard mit-30 ta’ Settembru 2007 u li għaliha l-esportatur mhux fil-pożizzjoni li jipprovdi l-provi li jissemmew fl-Artikolu 17(1) tar-Regolament (KE) Nru 612/2009, l-oġġetti għandhom jitqiesu bħala importati minn pajjiż terz wara preżentazzjoni ta’ kopja tad-dokument tat-trasport u wieħed mid-dokumenti elenkati fl-Artikolu 17(2) tar-Regolamen (KE) Nru 612/2009 jew dokument bankarju maħruġ minn intermedjarji approvati li huma stabbiliti mill-Unjoni, li jiċċertifika li l-pagament għall-esportazzjoni tkun ġiet akkreditata fil-kont tal-esportatur li jkun infetaħ magħhom, jew il-prova tal-pagament.

6.   Għall-iskopijiet tal-applikazzjoni tal-Artikolu 27 tar-Regolament (KE) Nru 612/2009, l-Istati Membri għandhom iqisu l-paragrafu 5.

KAPITOLU VII

L-OBBLIGU TAN-NOTIFIKA

Artikolu 51

1.   Qabel l-10 jum ta’ kull xahar, l-Istati Membri għandhom jgħarrfu lill-Kummissjoni dwar dawn li ġejjin:

L-ammonti msemmija fil-punt (b) tal-ewwel sottoparagrafu għandhom jiġu ddivrenzjati b’riferenza għall-perjodu tal-baġit taċ-ċertifikat tar-rifużjoni li għandhom x’jaqsmu miegħu.

2.   Qabel l-1 ta’ Novembru ta’ kull sena, l-Istati Membri għandhom jgħarrfu l-Kummissjoni bl-ammonti totali, espressi f'euro, attribwiti qabel l-1 ta’ Ottubru ta’ dik is-sena sabiex jirrifondu ċ-ċertifikati maħruġa fil-perjodu tal-baġit li ntemm fit-30 ta' Settembru tas-sena kalendarja ta' qabel.

Artikolu 52

1.   L-Istati Membri għandhom, sa mhux aktar tard mill-aħħar tax-xahar wara kull xahar tas-sena kalendarja, jikkommunikaw lill-Kummissjoni permezz ta’ Sistema tal-Iskambju tad-Data magħrufa bħala DEX, tagħrif statistiku dwar prodotti li jaqgħu taħt dan ir-Regolament dwar liema ngħataw rifużjonijiet għall-esportazzjoni fix-xahar ta’ qabel, imqassma skont il-Kodiċi NM ta’ tmien numri li sempliċi, u li jinkludu:

2.   Qabel il-31 ta' Diċembru ta' kull sena, l-Istati Membri għandhom jinnotifikaw lill-Kummissjoni bl-ammonti totali tar-rifużjonijiet f'euro li jkunu tabilħaqq taw matul il-perjodu tal-baġit li jispiċċa fit-30 ta' Settembru ta' dik is-sena fuq prodotti esportati fil-perjodu tal-baġit li jispiċċa fit-30 ta' Settembru tas-sena ta' qabel u fi kwalunkwe perjodu tal-baġit li mhux diġà notifikat, u jispeċifikaw il-perjodi kkonċernati.

3.   Għall-għanijiet tal-paragrafi 1 u 2, ir-rifużjonijiet mogħtija għandhom jinkludu ħlas minn qabel.

4.   Qabel il-31 ta’ Diċembru ta’ kull sena, l-Istati Membri għandhom jgħarrfu lill-Kummissjoni bl-ammonti totali, espressi f'euro, tar-rimbors tar-rifużjonijiet imħallsa b'mod inkorrett li jkunu ġew irkuprati matul il-perjodu tal-baġit li jispiċċa fit-30 ta' Settembru ta' dik is-u jispeċifikaw il-perjodi kkonċernati.

Artikolu 53

L-Istati Membri għandhom javżaw lill-Kummissjoni, mhux aktar tard mill-ħames jum ta’ kull xahar, dwar l-ammonti ta’ rifużjonijiet mogħtija skont l-Artikolu 43(1) mis-sittax-il jum sa l-aħħar tax-xahar ta’ qabel, u mhux aktar tard mill-għoxrin jum ta’ kull xahar dwar l-ammonti tar-rifużjonijiet mogħtija skont l-Artikolu 43(1) mill-ewwel sal-ħmistax-il jum ta’ dak ix-xahar. Fejn japplika, l-Istati Membri għandhom javżaw lill-Kummissjoni li ma ngħataw ebda ammonti bejn il-jiem rilevanti.

KAPITOLU VIII

ID-DISPOŻIZZJONIJIET FINALI

Artikolu 54

Ir-Regolament (KE) Nru 1043/2005 huwa revokat.

Referenzi għar-Regolament li ġie mħassar għandhom jinftiehmu bħala referenzi għal dan ir-Regolament u għandhom jinqraw skont it-tabella ta’ korrelazzjoni fl-Anness IX.

Artikolu 55

Dan ir-Regolament għandu jidħol fis-seħħ fit-tieni jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Għandu japplika għall-applikazzjonijiet imressqa minn 8 Lulju 2010 għaċ-ċertifikati biex jintużaw mill-1 ta’ Ottubru 2010.

(1)  ĠU L 328, 15.12.2009, p. 10.

(2)  ĠU L 172, 5.7.2005, p. 24.

(3)  OJ L 299, 16.11.2007, p. 1

(4)  ĠU L 186, 17.7.2009, p. 1.

(5)  ĠU L 205, 3.8.1985, p. 5.

(6)  ĠU L 312, 11.11.2006, p. 33.

(7)  ĠU L 114, 26.4.2008, p. 3.

(8)  ĠU L 139, 30.4.2004, p. 1.

(9)  ĠU L 139, 30.4.2004, p. 55.

(10)  ĠU L 178, 1.7.2006, p. 24.

(11)  ĠU L 192, 19.7.2008, p. 20.

(12)  ĠU L 239, 22.9.1979, p. 24.

(13)  ĠU L 308, 27.11.2001, p. 16.

(14)  ĠU L 249, 18.9.2008, p. 9.

(15)  ĠU L 248, 17.9.2008, p. 8.

(16)  ĠU L 109, 6.5.2000, p. 29.

(17)  ĠU L 143, 3.6.2008, p. 1.

(18)  ĠU L 339, 18.12.2008, p. 53.