(1)

Fil-15 ta’ Diċembru 2009 l-Unjoni Ewropea inizjalat il-Ftehim ta’ Ġinevra dwar il-Kummerċ tal-Banana bejn l-Unjoni Ewropea u l-Brażil, il-Kolombja, il-Kosta Rika, l-Ekwador, il-Gwatemala, il-Ħonduras, il-Messiku, in-Nikaragwa, il-Panama, il-Perù u l-Venezwela dwar l-istruttura u l-operat tas-sistema kummerċjali tal-Unjoni fir-rigward tal-banana bil-kodiċi 0803 00 19 tan-NM (minn hawn ‘il quddiem imsejjaħ “il-Ftehim”). Il-Ftehim jippreskrivi l-kundizzjonijiet għas-soluzzjoni finali ta’ tilwimiet u klejms pendenti fid-WTO rigward is-sistema tal-importazzjoni tal-banana fl-Unjoni.

(2)

B’konformità mal-paragrafu 3(a) tal-Ftehim, l-Unjoni għandha bil-mod il-mod tnaqqas id-dazju tariffarju fuq il-banana minn EUR 176/1 000 kg/net għal EUR 114/1 000 kg/net.

(3)

Sakemm il-Ftehim jidħol fis-seħħ, u b’konformità mal-paragrafu 8(b) tal-Ftehim, dak it-tnaqqis fit-tariffi għandu jiġu applikat b’mod provviżorju u b’mod retrospettiv, mid-data tal-iffirmar tal-Ftehim, dment li l-Partijiet l-oħrajn fil-Ftehim ikunu jikkonformaw mal-obbligi rispettivi tagħhom.

(4)

Il-Kunsill adotta d-Deċiżjoni tiegħu dwar l-iffirmar u l-applikazzjoni provviżorja tal-Ftehim fl-10 ta’ Mejju 2010.

(5)

Għaldaqstant, huwa meħtieġ li jsir l-ewwel tnaqqis fit-tariffi li jipprovdi għalih il-Ftehim, li jikkonsisti fi tbaxxija tar-rata tad-dazju għal EUR 148/1 000 kg/net u li wieħed jara li dik ir-rata tkun tapplika b’mod retroattiv mill-15 ta’ Diċembru 2009 sal-31 ta’ Diċembru 2010.

(6)

Jeħtieġ għalhekk li l-Anness I ta’ mar-Regolament (KEE) Nru 2658/87, kif emendat permezz tar-Regolament (KE) Nru 1031/2008 tal-Kummissjoni (2) u mir-Regolament (KE) Nru 948/2009 tal-Kummissjoni (3) jiġi emendat f’dan is-sens malli l-Ftehim jiġi ffirmat.

(7)

Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali,