24.3.2010 |
MT |
Il-Ġurnal Uffiċjali tal-Unjoni Ewropea |
L 77/1 |
REGOLAMENT TAL-KUMMISSJONI (UE) Nru 241/2010
tat-8 ta’ Marzu 2010
li jemenda l-Anness I għar-Regolament (KE) Nru 798/2008 fir-rigward tal-inklużjoni tal-Belarus fil-lista ta’ pajjiżi terzi stipulati f’dak ir-Regolament sabiex jippermetti t-tranżitu mill-Belarus permezz tal-Unjoni ta’ bajd u prodotti tal-bajd għall-konsum uman u l-modifika ta’ ċertifikazzjoni għal flieles ta’ tjur ta’ ġurnata għajr għal għasafar li ma jtirux
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2009/158/KE tat-30 ta’ Novembru 2009 dwar il-kondizzjonijiet tas-saħħa ta’ bhejjem li jirregolaw il-kummerċ intra-Komunitarju, u l-importazzjoni ta’ tajr u bajd għat-tfaqqis minn pajjiżi terzi (1), u partikolarment l-Artikolu 26(2) tagħha,
Wara li kkunsidrat id-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (2), u b’mod partikolari l-Artikolu 8 u l-Artikolu 9(4) tagħha,
Billi:
(1) |
Id-Direttiva 2009/158/KE tistabbilixxi l-kondizzjonijiet tas-saħħa ta’ bhejjem li jirregolaw il-kummerċ intra-Komunitarju, u l-importazzjoni ta’ tajr u bajd għat-tfaqqis minn pajjiżi terzi u tistipula għal ċertifikati mudell għall-importazzjonijiet ta’ dawn il-prodotti. |
(2) |
Id-Direttiva 2002/99/KE tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-intoduzzjoni ta’ prodotti li joriġinaw mill-annimali u li huma għall-konsum uman u tistipula għall-istabbiliment ta’ regoli speċifiċi u ċertifikazzjoni għat-tranżitu. |
(3) |
Ir-Regolament tal-Kunsill (KE) Nru 798/2008 tat-8 ta’ Awwissu 2008 li jistabbilixxi lista ta’ pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta’ tjur u prodotti tat-tjur fil-Komunità u r-rekwiżiti ta’ ċertifikazzjoni veterinarji (3) jipprovdi li l-prodotti koperti b’dak ir-Regolament għandhom ikunu importati biss ġo u mgħoddija mill-Unjoni fi tranżitu mill-pajjiżi terzi, it-territorji, iż-żoni jew il-kumpartimenti elenkati fit-tabella tal-Parti 1 fl-Anness I tiegħu. Dan jistipula wkoll ir-rekwiżiti ta’ ċertfikazzjoni veterinarja għal prodotti bħal dawn. Il-mudelli ta’ ċertifikati veterinarji li għandhom jakkumpanjawhom huma elenkati fil-Parti 2 ta’ dak l-Anness. |
(4) |
Il-Belarus attwalment mhix elenkata fil-Parti I tal-Anness 1 għar-Regolament (KE) Nru 798/2008. Din talbet li tiġi inkluża f’dik il-lista u tat informazzjoni lill-Kummissjoni dwar il-konformità tagħha mar-rekwiżiti ta’ dak ir-Regolament. |
(5) |
Il-Kummissjoni għandha fehma pożittiva tal-informazzjoni pprovduta mill-Belarus fir-rigward tal-kundizzjonijiet tas-saħħa tal-annimali ta’ dak il-pajjiż terz meħtieġa għat-tranżitu ta’ bajd u prodotti tal-bajd għall-konsum uman mill-Unjoni. Għalhekk, huwa xieraq li dak il-pajjiż terz jiġi inkluż fil-lista stipulata fil-Parti 1 tal-Anness I għar-Regolament (KE) Nru 798/2008. Madankollu, sakemm joħroġ l-eżitu ta’ spezzjoni li għandha titwettaq mill-Uffiċċju Alimentari u Veterinarju fil-Belarus, l-inklużjoni fil-lista għandha tkun limitata għat-tranżitu ta’ bajd u prodotti tal-bajd għall-konsum uman minn dak il-pajjiż terz ġol-Unjoni bid-destinazzjoni finali f’pajjiżi terzi oħra peress li r-riskju għas-saħħa tal-annimali minn introduzzjoni bħal din hija baxxa ħafna. Awtorizzazzjoni bħal din għandha tingħata skont il-garanzija addizzjonali li t-tranżitu jitwettaq bit-triq jew bil-ferrovija fi trakkijiet jew f’vaguni tal-ferrovija li ġew issiġillati b’siġill b’numru tas-serje. |
(6) |
Peress li din mistennija li tkun miżura interim għandha tibqa fis-seħħ għal 18-il xahar mid-data tad-dħul fis-seħħ. |
(7) |
L-inseriment tal-Belarus għandu għaldaqstant jidħol fil-lista tal-Parti 1 tal-Anness I għar-Regolament (KE) Nru 798/2008 u għandu jiżdied inseriment ġdid fit-taqsima “Garanziji addizzjonali” fil-Parti 2 tal-Anness I. |
(8) |
L-esperjenza uriet li ċ-ċertifikazzjoni tal-kundizzjonijiet tas-saħħa tal-annimali ta’ flieles ta’ ġurnata mill-veterinarju uffiċjali fiż-żmien tal-kunsinna għall-importazzjonijiet ġol-Unjoni tista’ tippreżenta problemi prattiċi għall-awtoritajiet kompetenti ta’ pajjiż terz. |
(9) |
Sabiex titqies il-prassi ta’ produzzjoni u l-proċeduri ta’ ċertifikazzjoni filwaqt li jiġi żgurat li l-kundizzjonijiet neċessarji tas-saħħa tal-annimali jkomplu jiġu ssodisfati, iċ-ċertifikat tal-veterinarju mudell għall-flieles ta’ ġurnata fil-Parti 2 tal-Anness I għandu jiġi modifikat. |
(10) |
L-Anness I għar-Regolament (KE) Nru 798/2008 għandu għalhekk jiġi emendat skont dan. |
(11) |
Huwa xieraq li jiġi stipulat perjodu tranżitorju biex jippermetti li l-Istati Membri u l-industrija jieħdu l-miżuri neċessarji biex jikkonformaw mar-rekwiżiti ta’ ċertifikazzjoni veterinarja applikabbli previsti f’dan ir-Regolament. |
(12) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness I għar-Regolament (KE) Nru 798/2008 huwa emendat skont l-Anness għal dan ir-Regolament.
Artikolu 2
Prodotti fir-rispett ta’ liema ċ-ċertifikati veterinarji rilevanti ġew maħruġa skont ir-Regolament (KE) Nru 798/2008 jistgħu jkomplu jiġu importati ġewwa jew mogħdija tranżitu ġol-Unjoni sal-1 ta’ Ġunju 2010.
Artikolu 3
Dan ir-Regolament għandu jidħol fis-seħħ fl-20 jum mill-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Marzu 2010.
Għall-Kummissjoni
Il-President
José Manuel BARROSO
(1) ĠU L 343, 22.12.2009, p. 74.
(2) ĠU L 18, 23.1.2003, p. 11.
(3) ĠU L 226, 23.8.2008, p. 1.
ANNESS
L-Anness I tar-Regolament (KE) Nru 798/2008 huwa emendat kif ġej:
(1) |
Il-Parti 1 tinbidel b’dan li ġej: “PARTI 1 Lista ta’ pajjiżi terzi, territorji, żoni jew kompartimenti
|
(2) |
Il-Parti 2 hija emendata kif ġej:
|
(1) Il-prodotti, inklużi dawk li jinġarru fuq l-ibħra, magħmula qabel din id-data jistgħu jiġu importati fl-Unjoni waqt perjodu ta’ 90 jum minn din id-data.
(2) Huma biss il-prodotti li ġew magħmula wara din id-data li jistgħu jiġu importati fl-Unjoni.
(3) Skont il-ftehim bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (ĠU L 114, 30.4.2002, p. 132).
(4) L-ex-Repubblika Jugożlava tal-Maċedonja; kodiċi provviżorju li ma jippreġudika bl-ebda mod in-nomenklatura definittiva għal dan il-pajjiż, li tkun miftiehma wara l-konklużjoni tan-negozjati li fil-preżent qed isiru dwar dan is-suġġett fin-Nazzjonijiet Uniti.
(5) Mhux inkluż il-Kosovo, kif definit mir-Riżoluzzjoni tal-Kunsill tas-Sigurtà tan-Nazzjonijiet Uniti 1244 tal-10 ta’ Ġunju 1999.”