|
23.3.2010 |
MT |
Il-Ġurnal Uffiċjali tal-Unjoni Ewropea |
L 75/17 |
REGOLAMENT TAL-KUMMISSJONI (UE) Nru 238/2010
tat-22 ta’ Marzu 2010
li jemenda l-Anness V għar-Regolament (KE) Nru 1333/2008 tal-Parlament Ewropew u tal-Kunsill fir-rigward tar-rekwiżit għall-ittikettjar tax-xorbiet li fihom volum ta’ aktar minn 1,2 % ta’ alkoħol u li fihom ċerti koloranti tal-ikel
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikolu 24(3) tiegħu,
Billi:
|
(1) |
L-Anness V għar-Regolament (KE) Nru 1333/2008 jipprovdi lista ta’ koloranti tal-ikel li għalihom it-tikketta jrid ikun fiha l-informazzjoni miżjuda li dawk il-koloranti jistgħu jkollhom effett negattiv fuq l-attività u l-attenzjoni tat-tfal. |
|
(2) |
Eċċezzjoni għal din ir-regola hija diġà prevista fl-Anness V għar-Regolament (KE) Nru 1333/2008 għall-oġġetti tal-ikel li fihom il-kolorant intuża għal għanijiet ta’ saħħa jew fil-marki fuq il-prodotti tal-laħam jew għall-ittimbrar jew bħala kuluri dekorattivi fuq il-qxur tal-bajd. |
|
(3) |
Il-koloranti elenkati fl-Anness V għar-Regolament (KE) Nru 1333/2008 jistgħu jintużaw f’ċerti xarbiet alkoħoliċi, bħall-inbejjed aromatizzati, ix-xarbiet aromatizzati b’bażi ta’ nbid u koktejls aromatizzati prodotti mill-inbid, inbejjed tal-frott, is-sajder, il-perri u ċerti xarbiet b’kontenut għoli ta’ alkoħol. Billi l-prodotti li fiħom kontenut ta’ aktar minn 1,2 % volum ta’ alkoħol mhumiex maħsubin għall-konsum tat-tfal, l-ittikettjar miżjud previst fl-Anness V għar-Regolament (KE) Nru 1333/2008 għalhekk la hu meħtieġ u lanqas mhu xieraq għal dawn l-oġġetti tal-ikel. |
|
(4) |
Għaldaqstant l-Anness V għar-Regolament (KE) Nru 1333/2008 għandu jiġi emendat skont dan. |
|
(5) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, u ma ġewx ikkontestati la mill-Parlament Ewropew u lanqas mill-Kunsill, |
ADOTTAT DAN IR-REGOLAMENT:
Artikolu 1
L-Anness V għar-Regolament (KE) Nru 1333/2008 għandu jiġi emendat kif ġej:
In-nota tal-qiegħ “(*) Bl-eċċezzjoni ta’ oġġetti tal-ikel li fihom il-kolorant(i) ġie/ġew użat(i) għall-għan tas-saħħa jew għal marki oħrajn fuq prodotti tal-laħam jew għall-ittimbrar jew bħala kuluri dekorattivi fuq il-qxur tal-bajd” jiġi sostitwit b’li ġej:
|
“(*) |
Bl-eċċezzjoni ta’:
|
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-20 ta’ Lulju 2010.
Dan ir-Regolament se jkun jorbot fl-intier tiegħu u jkun applikabbli direttament fl-Istati Membri kollha.
Magħmul fi Brussel, it-22 ta’ Marzu 2010.
Għall-Kummissjoni
Il-President
José Manuel BARROSO