“D.1.   Metodu għat-teħid ta’ kampjuni għat-tin imqadded

Dan il-metodu ta’ teħid ta’ kampjuni huwa ta’ applikazzjoni għall-kontroll uffiċjali tal-livelli massimi stabbiliti għall-aflatossina B1 u għall-aflatossini totali fit-tin imqadded.

D.1.1.   Piż tal-kampjun inkrementali

Il-piż tal-kampjun inkrementali għandu jkun ta’ madwar 300 gramma, sakemm mhux iddefinit mod ieħor fil-parti D.1 tal-Anness I.

Fil-każ ta’ lottijiet f’imballaġġ bl-imnut, il-piż tal-kampjun inkrementali jiddependi fuq il-piż tal-imballaġġ bl-imnut.

Fil-każ ta’ pakketti bl-imnut ta’ aktar minn 300 gramma, dan iwassal għal kampjuni ġenerali li jiżnu aktar minn 30 kg. Jekk il-piż ta’ pakkett wieħed bl-imnut huwa aktar minn 300 gramma, 300 gramma għandhom jittieħdu minn kull pakkett individwali bl-imnut bħala kampjun inkrementali. Dan jista’ jsir jew meta jittieħed il-kampjun jew fil-laboratorju. Madankollu, f’każijiet fejn dan il-metodu għat-teħid ta’ kampjuni jista’ jwassal għal konsegwenzi kummerċjali inaċċettabbli li jirriżultaw minn ħsara li ssir lil-lott (minħabba l-forom tal-ippakkjar, il-mezzi ta’ trasport. eċċ.), jista’ jiġi applikat metodu alternattiv ta’ teħid ta’ kampjuni. Pereżempju, f’każ fejn prodott ta’ valur huwa kkummerċjalizzat f’pakketti għall-bejgħ bl-imnut ta’ 500 gramma jew 1 kg, il-kampjun aggregat jista’ jinkiseb bl-aggregazzjoni ta’ għadd ta’ kampjuni inkrementali li huwa iżgħar mill-għadd indikat fit-tabelli 1, 2 u 3, sakemm il-piż tal-kampjun aggregat jikkorrispondi mal-piż meħtieġ tal-kampjun aggregat li jissemma fit-tabelli 1, 2 u 3.

Fejn il-pakkett bl-imnut huwa inqas minn 300 gramma u jekk id-differenza mhix kbira ħafna, pakkett wieħed bl-imnut għandu jitqies bħala kampjun inkrementali wieħed, u dan jirriżulta f’kampjun aggregat ta’ inqas minn 30 kg. Jekk il-piż tal-pakkett bl-imnut huwa inqas minn 300 gramma, kampjun wieħed inkrementali għandu jikkonsisti f’żewġ pakketti jew aktar bl-imnut, u permezz tagħhom it-300 gramma jitqarrbu kemm jista’ jkun.

D.1.2.   Servej ġenerali tal-metodu ta’ teħid ta’ kampjuni għat-tin imqadded

Tabella 1

Suddiviżjoni ta’ lottijiet f’sublottijiet skont il-piż tal-prodott u tal-lott

Prodott	Il-piż tal-lott (tunnellati)	Piż jew numru ta’ sublottijiet	In-numru ta’ kampjuni inkrementali	Il-piż tal-kampjun aggregat (kg)
Tin imqadded	≥ 15	15-30 tunnellata	100	30
	< 15	—	10-100 (*)	≤ 30

D.1.3.   Metodu ta’ teħid ta’ kampjuni għat-tin imqadded (lottijiet ≥ 15-il tunnellata)

—	Kemm-il darba s-sublott jista’ fiżikament jinfired, kull lott għandu jiġi suddiviż f’sublottijiet skont it-tabella 1. Jekk jitqies li l-piż tal-lott mhuwiex dejjem eżattament multiplu tal-piż tas-sublottijiet, il-piż tas-sublott jista’ jabqeż il-piż imsemmi b’massimu ta’ 20 %.

—	Għandhom jittieħdu kampjuni ta’ kull sublott separatament.

—	Għadd ta’ kampjuni inkrementali: 100.

—

Il-piż tal-kampjun aggregat = 30 kg li għandu jitħallat u jitqassam fi tliet kampjuni tal-laboratorju ndaqs ta’ 10 kg qabel it-tħin (din id-diviżjoni fi tliet kampjuni tal-laboratorju mhix meħtieġa fil-każ tat-tin imqadded suġġett għal aktar klassifikazzjoni jew trattament ieħor fiżiku u għad-disponibilità tat-tagħmir li jista’ jomoġenizza kampjun ta’ 30 kg).

—	Kull kampjun tal-laboratorju ta’ 10 kg għandu jintaħan għalih b’mod fin ħafna u jitħallat sew biex tinkiseb omoġenizzazzjoni sħiħa, skont id-dispożizzjonijiet stabbiliti fl-Anness II.

—

Jekk ma jkunx possibbli li jitwettaq il-metodu ta’ teħid ta’ kampjuni li ġie deskritt aktar ‘il fuq minħabba l-konsegwenzi kummerċjali inaċċettabbli li jirriżultaw minn ħsara lil-lott (minħabba forom ta’ imballaġġ, mezzi ta’ trasport, eċċ.) jista’ jiġi applikat metodu alternattiv ta’ teħid ta’ kampjuni sakemm dan ikun kemm jista’ jkun rappreżentattiv u deskritt u ddokumentat bis-sħiħ.

D.1.4.   Metodu ta’ teħid ta’ kampjuni għat-tin imqadded (lottijiet < 15-il tunnellata)

L-għadd ta’ kampjuni inkrementali li għandhom jittieħdu jiddependi mill-piż tal-lott, b’minimu ta’ 10 u massimu ta’ 100.

Iċ-ċifri fit-tabella 2 li ġejja jistgħu jintużaw biex jiġi ddeterminat l-għadd ta’ kampjuni inkrementali li għandhom jittieħdu u d-diviżjoni sussegwenti tal-kampjun aggregat.

Tabella 2

L-għadd ta’ kampjuni inkrementali li għandhom jittieħdu skont il-piż tal-lott u n-numru ta’ suddiviżjonijiet tal-kampjun aggregat

Piż tal-lott (tunnellati)	Għadd ta’ kampjuni inkrementali	Piż tal-kampjun aggregat (kg) (fil-każ ta’ pakketti għall-bejgħ bl-imnut, il-piż tal-kampjun aggregat jista’ jvarja – ara l-punt D.1.1)	Għadd ta’ kampjuni tal-laboratorju mill-kampjun aggregat
≤ 0,1	10	3	1 (ebda diviżjoni)
> 0,1 - ≤ 0,2	15	4,5	1 (ebda diviżjoni)
> 0,2 - ≤ 0,5	20	6	1 (ebda diviżjoni)
> 0,5 - ≤ 1,0	30	9 (- < 12 kg)	1 (ebda diviżjoni)
> 1,0 - ≤ 2,0	40	12	2
> 2,0 - ≤ 5,0	60	18 (- < 24 kg)	2
> 5,0 - ≤ 10,0	80	24	3
> 10,0 - ≤ 15,0	100	30	3

—

Il-piż tal-kampjun aggregat ≤ 30 kg li għandu jitħallat u jinqasam f’żewġ jew tliet kampjuni tal-laboratorju ndaqs ta’ ≤ 10 kg qabel it-tħin (din id-diviżjoni f’żewġ jew tliet kampjuni tal-laboratorju mhix meħtieġa fil-każ tat-tin imqadded, suġġett għal aktar klassifikazzjoni jew trattament ieħor fiżiku u għad-disponibilità ta’ tagħmir li jista’ jomoġenizza kampjuni li jiżnu sa 30 kg). F’każijiet fejn il-piż tal-kampjun aggregat huwa ta’ inqas minn 30 kg, il-kampjun aggregat għandu jinqasam f’kampjuni tal-laboratorju skont il-gwida li ġejja: — < 12-il kg: ebda diviżjoni f’kampjuni tal-laboratorju; — ≥ 12 - < 24 kg: diviżjoni f’żewġ kampjuni tal-laboratorju; — ≥ 24 kg: diviżjoni fi tlett kampjuni tal-laboratorju.

—	Kull kampjun tal-laboratorju għandu jintaħan għalih b’mod fin ħafna u jitħallat sew biex tintlaħaq omoġenizzazzjoni sħiħa, skont id-dispożizzjonijiet stabbiliti fl-Anness II.

—

Jekk ma jkunx possibbli li jitwettaq il-metodu tat-teħid ta’ kampjuni li ġie deskritt aktar ‘il fuq minħabba l-konsegwenzi kummerċjali inaċċettabbli li jirriżultaw minn ħsara lil-lott (minħabba forom ta’ imballaġġ, mezzi ta’ trasport, eċċ.) jista’ jiġi applikat metodu alternattiv ta’ teħid ta’ kampjuni sakemm dan ikun kemm jista’ jkun rappreżentattiv u deskritt u ddokumentat b’mod sħiħ.

D.1.5.   Metodu tat-teħid ta’ kampjuni għal prodotti derivati u għal ikel kompost

D.1.5.1.   Prodotti derivati b’piż ta’ partiċelli żgħir ħafna (distribuzzjoni omoġenja ta’ tniġġis mill-aflatossini)

—

Għadd ta’ kampjuni inkrementali: 100; għal lottijiet ta’ taħt il-50 tunnellata l-għadd ta’ kampjuni inkrementali għandu jkun minn 10 sa 100, skont il-piż tal-lott (ara t-tabella 3). Tabella 3 Għadd ta’ kampjuni inkrementali li għandhom jittieħdu skont il-piż tal-lott Piż tal-lott (tunnellati) Għadd ta’ kampjuni inkrementali Piż tal-kampjun aggregat (kg) ≤ 1 10 1 > 1 - ≤ 3 20 2 > 3 - ≤ 10 40 4 > 10 - ≤ 20 60 6 > 20 - ≤ 50 100 10

—	Il-piż tal-kampjun inkrementali għandu jkun ta’ madwar 100 gramma. Fil-każ ta’ lottijiet f’pakketti tal-bejgħ bl-imnut, il-piż tal-kampjun inkrementali jiddependi mill-piż tal-pakkett għall-bejgħ bl-imnut.

—	Il-piż tal-kampjun aggregat = 1-10 kg imħalltin biżżejjed.

D.1.5.2.   Prodotti oħra derivati bid-daqs tal-partiċella relativament kbir (distribuzzjoni eteroġenja ta’ kontaminazzjoni ta’ aflotossiku)

Metodu tat-teħid ta’ kampjuni u aċċettazzjoni bħal tat-tin imqadded (D.1.3 u D.1.4).

D.1.6.   Teħid ta’ kampjuni fl-istadju ta’ bejgħ bl-imnut

Fejn huwa possibbli, it-teħid ta’ kampjuni tal-oġġetti tal-ikel fl-istadju tal-bejgħ bl-imnut għandu jsir skont id-dispożizzjonijiet stabbiliti f’din il-parti tal-Anness I.

Fejn dan ma jkunx possibbli, jistgħu jintużaw metodi effettivi oħra ta’ teħid ta’ kampjuni fl-istadju tal-bejgħ bl-imnut sakemm dawn jiżguraw li l-kampjun aggregat huwa rappreżentattiv b’mod suffiċjenti tal-lott li minnu ttieħdu l-kampjuni u huwa deskritt u ddokumentat bis-sħiħ. Ikun xi jkun il-każ, il-kampjun aggregat għandu jkun ta’ mill-inqas 1 kg (**).

D.1.7.   Metodu speċifiku għat-teħid ta’ kampjuni ta’ tin imqadded u prodotti li ġejjin mit-tin mibjugħa f’pakketti ssiġillati taħt vakum

D.1.7.1   Tin imqadded

Għal lottijiet li jiżnu 15-il tunnellata jew aktar għandhom jittieħdu tal-inqas 50 kampjun inkrementali li jirriżultaw f’kampjun aggregat ta’ 30 kg, u għal lottijiet ta’ inqas minn 15-il tunnellata għandhom jittieħdu 50 % tal-għadd ta’ kampjuni inkrementali msemmija fit-tabella 2, li jirriżultaw f’kampjun aggregat li l-piż tiegħu jikkorrispondi għall-piż tal-lott li minnu ttieħdu l-kampjuni (ara t-tabella 2).

D.1.7.2.   Prodotti li ġejjin mit-tin imqadded bid-daqs tal-particella żgħir.

Għal lottijiet li jiżnu 50 tunnellata jew aktar għandhom jittieħdu tal-inqas 25 kampjun inkrementali li jirriżultaw f’kampjun aggregat ta’ 10 kg u għal lottijiet ta’ inqas minn 50 tunnellata għandhom jittieħdu 25 % tan-numru ta’ kampjuni inkrementali li jissemma fit-tabella 3 li jirriżultaw f’kampjun aggregat li l-piż tiegħu jikkorrispondi għall-piż tal-lott li minnu ttieħdu l-kampjuni (ara t-tabella 3).

D.1.8.   Aċċettazzjoni ta’ lott jew sublott

Għat-tin imqadded suġġett għal klassifikazzjoni jew trattament fiżiku ieħor:

—	aċċettazzjoni jekk il-kampjun aggregat jew il-medja tal-kampjuni tal-laboratorju tikkonforma mal-limitu massimu, waqt li jitqiesu l-korrezzjoni għall-irkupru u l-inċertezza tal-qies;

—	rifjut jekk il-kampjun aggregat jew il-medja tal-kampjuni tal-laboratorju taqbeż il-limitu massimu lil hinn minn kull dubju ġġustifikat waqt li jitqiesu l-korrezzjoni għall-irkupru u l-inċertezza tal-qies.

Għat-tin imqadded maħsub għall-konsum dirett mill-bniedem:

—	aċċettazzjoni jekk l-ebda wieħed mill-kampjuni tal-laboratorju ma jaqbeż il-limitu massimu, waqt li jitqiesu l-korrezzjoni għall-irkupru u l-inċertezza tal-qies;

—	rifjut jekk wieħed jew aktar mill-kampjuni tal-laboratorju jaqbeż/jaqbżu l-limitu massimu lil hinn minn kull dubju ġġustifikat waqt li jitqiesu l-korrezzjoni għall-irkupru u l-inċertezza tal-qies.

F’każijiet fejn il-kampjun aggregat huwa ta’ 12-il kg jew inqas:

—	aċċettazzjoni jekk il-kampjun tal-laboratorju jikkonforma mal-limitu massimu, waqt li jitqiesu l-korrezzjoni għall-irkupru u l-inċertezza tal-qies;

—	rifjut jekk, mingħajr l-iċken dubju, il-kampjun tal-laboratorju jaqbeż il-limitu massimu waqt li jitqiesu l-korrezzjoni għall-irkupru u l-inċertezza tal-qies.

D.2.   Metodu ta’ teħid ta’ kampjuni għall-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar

Dan il-metodu ta’ teħid ta’ kampjuni huwa ta’ applikazzjoni għall-kontroll uffiċjali tal-livelli massimi stabbiliti għall-aflatossina B1 u għall-aflatossini totali fil-ġewż tal-art (karawett), żrieragħ taż-żejt oħra, lewż tal-berquq u ġewż tas-siġar.

D.2.1.   Piż tal-kampjun inkrementali

Il-piż tal-kampjun inkrementali għandu jkun ta’ madwar 200 gramma, sakemm mhux iddefinit mod ieħor fil-parti D.2. tal-Anness I.

Fil-każ ta’ lottijiet f’imballaġġ bl-imnut, il-piż tal-kampjun inkrementali jiddependi fuq il-piż tal-imballaġġ bl-imnut.

Fil-każ tal-pakketti bl-imnut ta’ aktar minn 200 gramma, dan jirriżulta f’kampjuni aggregati li jiżnu aktar minn 20 kg. Jekk il-piż ta’ pakkett wieħed bl-imnut huwa ħafna aktar minn 200 gramma, jittieħdu 200 gramma minn kull pakkett individwali bl-imnut bħala kampjun inkrementali. Dan jista’ jsir jew meta jittieħed il-kampjun jew fil-laboratorju. Madankollu, f’każijiet fejn dan il-metodu għat-teħid ta’ kampjuni jista’ jwassal għal konsegwenzi kummerċjali inaċċettabbli li jirriżultaw minn ħsara li ssir lil-lott (minħabba forom ta’ ippakkjar, mezzi ta’ trasport. eċċ.), jista’ jiġi applikat metodu alternattiv ta’ teħid ta’ kampjuni. Pereżempju, f’każ fejn prodott ta’ valur huwa kkummerċjalizzat f’pakketti għall-bejgħ bl-imnut ta’ 500 gramma jew ta’ 1 kg, il-kampjun aggregat jista’ jinkiseb bl-aggregazzjoni ta’ għadd ta’ kampjuni inkrementali li huwa iżgħar mill-għadd indikat fit-tabelli 1, 2 u 3, sakemm il-piż tal-kampjun aggregat jikkorrispondi mal-piż meħtieġ tal-kampjun aggregat li jissemma fit-tabelli 1, 2 u 3.

Fejn il-pakkett bl-imnut huwa inqas minn 200 gramma u jekk id-differenza mhix kbira ħafna, pakkett wieħed bl-imnut jitqies bħala kampjun wieħed inkrementali, u dan iwassal għal kampjun aggregat ta’ inqas minn 20 kg. Jekk il-piż tal-pakkett bl-imnut huwa inqas minn 200 gramma, kampjun wieħed inkrementali għandu jikkonsisti f’żewġ pakketti jew aktar bl-imnut, u permezz tagħhom il-200 gramma jitqarrbu kemm jista’ jkun.

D.2.2.   Stħarriġ ġenerali tal-metodu ta’ teħid ta’ kampjuni għall-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar

Tabella 1

Suddiviżjoni ta’ lottijiet f’sublottijiet skont il-piż tal-prodott u tal-lott

Prodott	Piż tal-lott (tunnellati)	Piż jew għadd ta’ sublottijiet	Għadd ta’ kampjuni inkrementali	Piż tal-kampjun aggregat (kg)
Ġewż tal-art (karawett), żrieragħ oħra taż-żejt, lewż tal-berquq u ġewż tas-siġar	≥ 500	100 tunnellata	100	20
	> 125 u < 500	5 sublottijiet	100	20
	≥ 15 u ≤ 125	25 tunnellata	100	20
	< 15	—	10-100 (***)	≤ 20

D.2.3.   Metodu ta’ teħid ta’ kampjuni għall-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar (lottijiet ≥ 15-il tunnellata)

—	Kemm-il darba s-sublott jista’ fiżikament jinfired, kull lott għandu jiġi suddiviż f’sublottijiet skont it-tabella 1. Jekk jitqies li l-piż tal-lott mhuwiex dejjem eżattament multiplu tal-piż tas-sublottijiet, il-piż tas-sublott jista’ jaqbeż il-piż imsemmi b’massimu ta’ 20 %.

—	Għandhom jittieħdu kampjuni ta’ kull sublott separatament.

—	Għadd ta’ kampjuni inkrementali: 100.

—

Il-piż tal-kampjun aggregat = 20 kg li għandu jitħallat u jinqasam fi tliet kampjuni tal-laboratorju ndaqs ta’ 10 kg qabel it-tħin (din id-diviżjoni fi tliet kampjuni tal-laboratorju mhix meħtieġa fil-każ tal-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar suġġetti għal aktar klassifikazzjoni jew trattament ieħor fiżiku u għad-disponibilità tat-tagħmir li jista’ jomoġenizza kampjun ta’ 20 kg).

—	Kull kampjun tal-laboratorju ta’ 10 kg għandu jintaħan għalih b’mod fin ħafna u jitħallat sew biex tinkiseb omoġenizzazzjoni sħiħa, skont id-dispożizzjonijiet stabbiliti fl-Anness II.

—

Jekk ma jkunx possibbli li jitwettaq il-metodu ta’ teħid ta’ kampjuni li ġie deskritt aktar ‘il fuq minħabba l-konsegwenzi kummerċjali li jirriżultaw minn ħsara lil-lott (minħabba forom ta’ imballaġġ, mezzi ta’ trasport, eċċ.) jista’ jiġi applikat metodu alternattiv ta’ teħid ta’ kampjuni sakemm dan ikun kemm jista’ jkun rappreżentattiv u deskritt u ddokumentat bis-sħiħ.

D.2.4.   Metodu ta’ teħid ta’ kampjuni għall-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar (lottijiet < 15-il tunnellata)

L-għadd ta’ kampjuni inkrementali li għandhom jittieħdu jiddependi mill-piż tal-lott, b’minimu ta’ 10 u massimu ta’ 100.

Iċ-ċifri fit-tabella 2 li ġejja jistgħu jintużaw biex jiġi ddeterminat l-għadd ta’ kampjuni inkrementali li għandhom jittieħdu u d-diviżjoni sussegwenti tal-kampjun aggregat.

Tabella 2

L-għadd ta’ kampjuni inkrementali li għandhom jittieħdu skont il-piż tal-lott u n-numru ta’ suddiviżjonijiet tal-kampjun aggregat

Piż tal-lott (tunnellati)	Għadd ta’ kampjuni inkrementali	Piż tal-kampjun aggregat (kg) (fil-każ ta’ pakketti għall-bejgħ bl-imnut, il-piż tal-kampjun aggregat jista’ jvarja – ara l-punt D.2.1)	Għadd ta’ kampjuni tal-laboratorju mill-kampjun aggregat
≤ 0,1	10	2	1 (ebda diviżjoni)
> 0,1 - ≤ 0,2	15	3	1 (ebda diviżjoni)
> 0,2 - ≤ 0,5	20	4	1 (ebda diviżjoni)
> 0,5 - ≤ 1,0	30	6	1 (ebda diviżjoni)
> 1,0 - ≤ 2,0	40	8 (- < 12 kg)	1 (ebda diviżjoni)
> 2,0 - ≤ 5,0	60	12	2
> 5,0 - ≤ 10,0	80	16	2
> 10,0 - ≤ 15,0	100	20	2

—

Il-piż tal-kampjun aggregat ≤ 20 kg li għandu jitħallat u jekk meħtieġ jinqasam f’żewġ kampjuni tal-laboratorju ndaqs ta’ ≤ 10 kg qabel it-tħin (din id-diviżjoni f’żewġ kampjuni tal-laboratorju mhix meħtieġa fil-każ tal-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar suġġetti għal aktar klassifikazzjoni jew trattament ieħor fiżiku u għad-disponibilità tat-tagħmir li jista’ jomoġenizza kampjun sa 20 kg). F’każijiet fejn il-piż tal-kampjun aggregat huwa ta’ inqas minn 20 kg, il-kampjun aggregat għandu jinqasam f’kampjuni tal-laboratorju skont il-gwida li ġejja: — < 12-il kg: ebda diviżjoni f’kampjuni tal-laboratorju; — ≥ 12-il kg: diviżjoni f’żewġ kampjuni tal-laboratorju.

—	Kull kampjun tal-laboratorju għandu jintaħan għalih b’mod fin ħafna u jitħallat sew biex tintlaħaq omoġenizzazzjoni sħiħa, skont id-dispożizzjonijiet stabbiliti fl-Anness II.

—

Jekk ma jkunx possibbli li jitwettaq il-metodu tat-teħid ta’ kampjuni li ġie deskritt aktar ‘il fuq minħabba l-konsegwenzi kummerċjali inaċċettabbli li jirriżultaw minn ħsara lil-lott (minħabba forom ta’ imballaġġ, mezzi ta’ trasport, eċċ.) jista’ jiġi applikat metodu alternattiv ta’ teħid ta’ kampjuni sakemm dan ikun kemm jista’ jkun rappreżentattiv u deskritt u ddokumentat b’mod sħiħ.

D.2.5.   Metodu ta’ teħid ta’ kampjuni għall-prodotti derivati, għajr għaż-żejt veġetali, u l-ikel kompost.

D.2.5.1.   Prodotti derivati (għajr għaż-żejt veġetali) b’daqs żgħir tal-partiċelli, jiġifieri dqiq, butir tal-karawett (distribuzzjoni omoġenja ta’ kontaminazzjoni mill-aflatossini)

—

Għadd ta’ kampjuni inkrementali: 100; għal lottijiet ta’ taħt il-50 tunnellata l-għadd ta’ kampjuni inkrementali għandu jkun minn 10 sa 100, skont il-piż tal-lott (ara t-tabella 3). Tabella 3 Għadd ta’ kampjuni inkrementali li għandhom jittieħdu skont il-piż tal-lott Piż tal-lott (tunnellati) Għadd ta’ kampjuni inkrementali Piż tal-kampjun aggregat (kg) ≤ 1 10 1 > 1 - ≤ 3 20 2 > 3 - ≤ 10 40 4 > 10 - ≤ 20 60 6 > 20 - ≤ 50 100 10

—	Il-piż tal-kampjun inkrementali għandu jkun ta’ madwar 100 gramma. Fil-każ ta’ lottijiet f’pakketti tal-bejgħ bl-imnut, il-piż tal-kampjun inkrementali jiddependi mill-piż tal-pakkett għall-bejgħ bl-imnut.

—	Il-piż tal-kampjun aggregat = 1-10 kg imħalltin biżżejjed.

D.2.5.2.   Prodotti oħra derivati b’daqs ta’ partiċella relativament kbir (distribuzzjoni eteroġenja ta’ kontaminazzjoni mill-aflotossini)

Metodu ta’ teħid ta’ kampjuni u aċċettazzjoni għall-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar (D.2.3 u D.2.4).

D.2.6.   Teħid ta’ kampjuni fl-istadju ta’ bejgħ bl-imnut

Fejn huwa possibbli, it-teħid ta’ kampjuni tal-oġġetti tal-ikel fl-istadju tal-bejgħ bl-imnut għandu jsir skont id-dispożizzjonijiet stabbiliti f’din il-parti tal-Anness I.

Fejn dan ma jkunx possibbli, jistgħu jintużaw metodi effettivi oħra ta’ teħid ta’ kampjuni fl-istadju tal-bejgħ bl-imnut sakemm dawn jiżguraw li l-kampjun aggregat huwa rappreżentattiv b’mod suffiċjenti tal-lott li minnu ttieħdu l-kampjuni u huwa deskritt u ddokumentat bis-sħiħ. Ikun xi jkun il-każ, il-kampjun aggregat għandu jkun ta’ mill-inqas 1 kg (**).

D.2.7.   Metodu speċifiku ta’ teħid ta’ kampjuni għall-ġewż tal-art (karawett), żrieragħ oħra taż-żejt, lewż tal-berquq u prodotti derivati mibjugħa f’pakketti ssiġillati taħt vakum

D.2.7.1.   Pistaċċi, ġewż tal-art (karawett), ġewż tal-Brażil

Għal lottijiet li jiżnu 15-il tunnellata jew aktar għandhom jittieħdu tal-inqas 50 kampjun inkrementali li jirriżultaw f’kampjun aggregat ta’ 20 kg, u għal lottijiet ta’ inqas minn 15-il tunnellata għandhom jittieħdu 50 % tal-għadd ta’ kampjuni inkrementali msemmija fit-tabella 2, li jirriżultaw f’kampjun aggregat li l-piż tiegħu jikkorrispondi għall-piż tal-lott li minnu ttieħdu l-kampjuni (ara t-tabella 2).

D.2.7.2.   Lewż tal-berquq, ġewż tas-siġar għajr il-pistaċċi u l-ġewż tal-Brażil, żrieragħ oħra taż-żejt

Għal-lottijiet li jiżnu 15-il tunnellata jew aktar għandhom jittieħdu tal-inqas 25 kampjun inkrementali li jirriżultaw f’kampjun aggregat ta’ 20 kg u għal-lottijiet ta’ inqas minn 15-il tunnellata għandhom jittieħdu 25 % tan-numru ta’ kampjuni inkrementali li jissemma fit-tabella 2 li jirriżultaw f’kampjun aggregat li l-piż tiegħu jikkorrispondi għall-piż tal-lott li minnu ttieħdu l-kampjuni (ara t-tabella 2).

D.2.7.3.   Prodotti derivati mill-ġewż tas-siġar, lewż tal-berquq u ġewż tal-art (karawett) b’partiċelli ta’ daqs żgħir

Għal-lottijiet li jiżnu daqs jew aktar minn 50-il tunnellata għandhom jittieħdu tal-inqas 25 kampjun inkrementali li jirriżultaw f’kampjun aggregat ta’ 10 kg, u għal-lottijiet ta’ inqas minn 50 tunnellata għandhom jittieħdu 25 % tan-numru tal-kampjuni inkrementali li jissemma fit-tabella 3 li jirriżultaw f’kampjun aggregat li l-piż tiegħu jikkorrispondi għall-piż tal-lott li minnu ttieħdu l-kampjuni (ara t-tabella 3).

D.2.8.   Aċċettazzjoni ta’ lott jew sublott

Għall-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar suġġetti għal klassifikazzjoni jew trattament ieħor fiżiku:

—	aċċettazzjoni jekk il-kampjun aggregat jew il-medja tal-kampjuni tal-laboratorju tikkonforma mal-limitu massimu, waqt li jitqiesu l-korrezzjoni għall-irkupru u l-inċertezza tal-qies;

—	rifjut jekk il-kampjun aggregat jew il-medja tal-kampjuni tal-laboratorju teċċedi l-limitu massimu lil hinn minn kull dubju ġġustifikat waqt li jitqiesu l-korrezzjoni għall-irkupru u l-inċertezza tal-qies.

Għall-ġewż tal-art (karawett), żrieragħ oħra taż-żejt, lewż tal-berquq u ġewż tas-siġar maħsuba għall-konsum dirett mill-bniedem:

—	aċċettazzjoni jekk l-ebda wieħed mill-kampjuni tal-laboratorju ma jeċċedi l-limitu massimu, waqt li jitqiesu l-korrezzjoni għall-irkupru u l-inċertezza tal-qies;

—	rifjut jekk wieħed jew aktar mill-kampjuni tal-laboratorju jaqbeż/jaqbżu l-limitu massimu lil hinn minn kull dubju ġġustifikat waqt li jitqiesu l-korrezzjoni għall-irkupru u l-inċertezza tal-qies.

F’każijiet fejn il-kampjun aggregat huwa ta’ 12-il kg jew inqas:

—	aċċettazzjoni jekk il-kampjun tal-laboratorju jikkonforma mal-limitu massimu, waqt li jitqiesu l-korrezzjoni għall-irkupru u l-inċertezza tal-qies;

—	rifjut jekk il-kampjun tal-laboratorju jaqbeż il-limitu massimu lil hinn minn kull dubju ġġustifikat waqt li jitqiesu l-korrezzjoni għall-irkupru u l-inċertezza tal-qies;

“G.   METODU TA’ TEĦID TA’ KAMPJUNI GĦALL-KAFÈ, PRODOTTI TAL-KAFÈ, GĦERQ TAL-LIKORIZJA U ESTRATT TAL-LIKORIZJA

Dan il-metodu ta’ teħid ta’ kampjuni huwa ta’ applikazzjoni għall-kontroll uffiċjali tal-livelli massimi stabbiliti għall-okratossina A fiż-żibeġ tal-kafè nkaljat, fil-kafè mitħun inkaljat, fil-kafè li jinħall, fl-għerq tal-likorizja u fl-estratt tal-likorizja.

G.1.   Piż tal-kampjun inkrementali

Il-piż tal-kampjun inkrementali għandu jkun ta’ madwar 100 gramma, sakemm mhux iddefinit mod ieħor f’din il-parti G tal-Anness I.

Fil-każ tal-lottijiet f’pakketti għall-bejgħ bl-imnut, il-piż tal-kampjun inkrementali għandu jiddependi mill-piż tal-pakkett għall-bejgħ bl-imnut.

Fil-każ tal-pakketti bl-imnut ta’ aktar minn 100 gramma, dan jirriżulta f’kampjuni aggregati li jiżnu aktar minn 10 kg. Jekk il-piż ta’ pakkett wieħed bl-imnut huwa ħafna aktar minn 100 gramma, jittieħdu 100 gramma minn kull pakkett individwali bl-imnut bħala kampjun inkrementali. Dan jista’ jsir jew meta jittieħed il-kampjun jew fil-laboratorju. Madankollu, f’każijiet fejn dan il-metodu għat-teħid ta’ kampjuni jista’ jwassal għal konsegwenzi kummerċjali inaċċettabbli li jirriżultaw minn ħsara li ssir lil-lott (minħabba forom ta’ ippakkjar, mezzi ta’ trasport. eċċ.), jista’ jiġi applikat metodu alternattiv ta’ teħid ta’ kampjuni. Pereżempju, fil-każ fejn prodott ta’ valur huwa kkummerċjalizzat f’pakketti għall-bejgħ bl-imnut ta’ 500 gramma jew 1 kg, il-kampjun aggregat jista’ jinkiseb bl-aggregazzjoni ta’ numru ta’ kampjuni inkrementali li huwa iżgħar min-numru indikat fit-tabelli 1 u 2, sakemm il-piż tal-kampjun aggregat jikkorrispondi għall-piż meħtieġ tal-kampjun aggregat li jissemma fit-tabelli 1 u 2.

Fejn il-pakkett bl-imnut huwa inqas minn 100 gramma u jekk id-differenza mhix kbira ħafna, pakkett wieħed bl-imnut jitqies bħala kampjun wieħed inkrementali, u dan iwassal għal kampjun aggregat ta’ inqas minn 10 kg. Jekk il-piż tal-pakkett bl-imnut huwa inqas minn 100 gramma, kampjun wieħed inkrementali għandu jikkonsisti f’żewġ pakketti jew aktar bl-imnnut, u permezz tagħhom il-100 gramma jitqarrbu kemm jista’ jkun.

G.2.   Stħarriġ ġenerali tal-metodu ta’ teħid ta’ kampjuni għall-kafè nkaljat, kafè mitħun inkaljat, kafè li jinħall, għerq tal-likorizja u estratt tal-likorizja

Tabella 1

Is-suddiviżjoni tal-lottijiet f’sublottijiet skont il-prodott u l-piż tal-lott

Prodott	Piż tal-lott (tunnellati)	Piż jew għadd ta’ sublottijiet	Għadd ta’ kampjuni inkrementali	Il-piż tal-kampjun aggregat (kg)
Żibeġ tal-kafè nkaljat, kafè mitħun inkaljat, kafè li jinħall, għerq tal-likorizja u estratt tal-likorizja	≥ 15	15-30 tunnellata	100	10
	< 15	—	10-100 (*)	1-10

G.3.   Metodu għat-teħid ta’ kampjuni għaż-żibeġ tal-kafè nkaljat, kafè mitħun inkaljat, kafè li jinħall, għerq tal-likorizja u estratt tal-likorizja (lottijiet ta’ ≥ 15-il tunnellata)

—	Kemm-il darba s-sublott jista’ fiżikament jinfired, kull lott għandu jiġi suddiviż f’sublottijiet skont it-tabella 1. Waqt li jitqies li l-piż tal-lott mhuwiex dejjem eżattament multiplu tal-piż tas-sublottijiet, il-piż tas-sublott jista’ jvarja mill-piż imsemmi b’massimu ta’ 20 %.

—	Għandhom jittieħdu kampjuni ta’ kull sublott separatament.

—	Għadd ta’ kampjuni inkrementali: 100.

—	Il-piż tal-kampjun aggregat = 10 kg.

—

Jekk ma jkunx possibbli li jitwettaq il-metodu tat-teħid ta’ kampjuni li ġie deskritt aktar ‘il fuq minħabba l-konsegwenzi kummerċjali inaċċettabbli li jirriżultaw minn ħsara lil-lott (minħabba forom ta’ imballaġġ, mezzi ta’ trasport, eċċ.) jista’ jiġi applikat metodu alternattiv ta’ teħid ta’ kampjuni sakemm dan ikun kemm jista’ jkun rappreżentattiv u deskritt u ddokumentat b’mod sħiħ.

G.4.   Metodu għat-teħid ta’ kampjuni għaż-żibeġ tal-kafè nkaljat, kafè mitħun inkaljat, kafè li jinħall, għerq tal-likorizja u estratt tal-likorizja (lottijiet ta’ < 15-il tunnellata)

Għall-kafè nkaljat, kafè mitħun inkaljat, kafè li jinħall, għerq tal-likorizja u estratt tal-likorizja taħt il-15-il tunnellata, il-pjan ta’ teħid ta’ kampjuni għandu jintuża b’10 sa 100 kampjun inkrementali, skont il-piż tal-lott, u dan jirriżulta f’kampjun aggregat ta’ minn 1 kg sa 10 kg.

Iċ-ċifri fit-tabella li ġejja jistgħu jintużaw biex jiġi ddeterminat l-għadd ta’ kampjuni inkrementali li jrid jittieħed.

Tabella 2

Għadd ta’ kampjuni inkrementali li għandhom jittieħdu skont il-piż tal-lott ta’ kafè nkaljat, kafè inkaljat mitħun, kafè li jinħall, għerq tal-likorizja u estratt tal-likorizja

Piż tal-lott (tunnellati)	Għadd ta’ kampjuni inkrementali	Piż tal-kampjun aggregat (kg)
≤ 0,1	10	1
> 0,1 - ≤ 0,2	15	1,5
> 0,2 - ≤ 0,5	20	2
> 0,5 - ≤ 1,0	30	3
> 1,0 - ≤ 2,0	40	4
> 2,0 - ≤ 5,0	60	6
> 5,0 - ≤ 10,0	80	8
> 10,0 - ≤ 15,0	100	10

G.5.   Metodu ta’ teħid ta’ kampjuni għall-kafè nkaljat, kafè mitħun inkaljat, kafè li jinħall, għerq tal-likorizja u estratt tal-likorizja mibjugħa f’pakketti ssiġillati taħt vakum

Għal-lottijiet li jiżnu daqs jew aktar minn 15-il tunnellata għandhom jittieħdu tal-inqas 25 kampjun inkrementali li jirriżultaw f’kampjun aggregat ta’ 10 kg, u għal-lottijiet ta’ inqas minn 15-il tunnellata għandhom jittieħdu 25 % tan-numru tal-kampjuni inkrementali li jissemma fit-tabella 2 li jirriżultaw f’kampjun aggregat li l-piż tiegħu jikkorrispondi għall-piż tal-lott li minnu ttieħdu l-kampjuni (ara t-tabella 2).

G.6.   Teħid ta’ kampjuni fl-istadju ta’ bejgħ bl-imnut

Fejn huwa possibbli, it-teħid ta’ kampjuni tal-oġġetti tal-ikel fl-istadju tal-bejgħ bl-imnut għandu jsir skont id-dispożizzjonijiet tat-teħid ta’ kampjuni stabbiliti f’din il-parti tal-Anness I.

Fejn dak ma jkunx possibbli, jista’ jintuża metodu alternattiv ta’ teħid ta’ kampjuni fl-istadju tal-bejgħ bl-imnut sakemm dan jiżgura li l-kampjun aggregat huwa rappreżentattiv b’mod suffiċjenti tal-lott li minnu ttieħdu l-kampjuni u huwa deskritt u ddokumentat b’mod sħiħ. Ikun xi jkun il-każ, il-kampjun aggregat għandu jkun ta’ mill-inqas 1 kg (**).

G.7.   Aċċettazzjoni ta’ lott jew sublott

—	aċċettazzjoni jekk il-kampjun tal-laboratorju jikkonforma mal-limitu massimu, waqt li jitqiesu l-korrezzjoni għall-irkupru u l-inċertezza tal-qies;

—	rifjut jekk il-kampjun tal-laboratorju jaqbeż il-limitu massimu lil hinn minn kull dubju ġġustifikat waqt li jitqiesu l-korrezzjoni għall-irkupru u l-inċertezza tal-qies.

“K.   METODU TA’ TEĦID TA’ KAMPJUNI GĦAŻ-ŻJUT VEĠETALI

Dan il-metodu ta’ teħid ta’ kampjuni huwa ta’ applikazzjoni għall-kontroll uffiċjali tal-livelli massimi stabbiliti għall-mikotossini, b’mod partikolari l-aflatossina B1, l-aflatossina totali u z-zearalenona fiż-żjut veġetali.

K.1.   Metodu ta’ teħid ta’ kampjuni għaż-żjut veġetali

—	Il-piż tal-kampjun inkrementali għandu jkun tal-inqas madwar 100 gramma (ml) (skont in-natura tal-kunsinna, pereżempju żejt veġetali fi kwantità kbira, għandhom jittieħdu tal-inqas 3 kampjuni inkrementali ta’ madwar 350 ml), u dan jirriżulta f’kampjun aggregat ta’ mill-inqas 1 kg (litru).

—

L-għadd minimu ta’ kampjuni inkrementali li jrid jittieħed mil-lott għandu jkun kif jidher fit-Tabella 1. Il-lott għandu jkun imħallat sewwa kemm jista’ jkun jew bl-idejn jew b’mezzi mekkaniċi minnufih qabel it-teħid ta’ kampjuni. F’dan il-każ, wieħed jista’ jassumi tqassim omoġenju ta’ aflotossina ġewwa lott wieħed partikolari, għalhekk ikun biżżejjed li jittieħdu tliet kampjuni inkrementali minn lott wieħed biex jiġi ffurmat il-kampjun aggregat. Tabella 1 Għadd minimu ta’ kampjuni inkrementali li għandhom jittieħdu mil-lott Forma ta’ kummerċjalizzazzjoni Piż tal-lott (f’kg) Volum tal-lott (f’litri) Għadd minimu ta’ kampjuni inkrementali li għandhom jittieħdu Fi kwantità kbira (*) — 3 pakketti ≤ 50 3 pakketti > 50 sa 500 5 pakketti > 500 10 Tabella 2 Qsim mil-ġdid ta’ lottijiet f’sublottijiet skont il-piż tal-lott Prodott Piż tal-lott (tunnellati) Piż jew għadd ta’ sublottijiet Għadd minimu ta’ kampjuni inkrementali Piż minimu tal-kampjun aggregat (kg) Żjut veġetali ≥ 1 500 500 tunnellata 3 1 > 300 u < 1 500 3 sublottijiet 3 1 ≥ 50 u ≤ 300 100 tunnellata 3 1 < 50 — 3 1

K.2.   Metodu ta’ teħid ta’ kampjuni għaż-żjut veġetali fl-istadju tal-bejgħ bl-imnut

Fejn huwa possibbli, it-teħid ta’ kampjuni tal-oġġetti tal-ikel fl-istadju tal-bejgħ bl-imnut għandu jsir skont id-dispożizzjonijiet stabbiliti f’din il-parti tal-Anness I.

Fejn dan ma jkunx possibbli, jistgħu jintużaw metodi effettivi oħra ta’ teħid ta’ kampjuni fl-istadju tal-bejgħ bl-imnut sakemm dawn jiżguraw li l-kampjun aggregat huwa rappreżentattiv b’mod suffiċjenti tal-lott li minnu ttieħdu l-kampjuni u huwa deskritt u ddokumentat bis-sħiħ. Ikun xi jkun il-każ, il-kampjun aggregat għandu jkun ta’ mill-inqas 1 kg (**).

K.3.   Aċċettazzjoni ta’ lott jew sublott

—	aċċettazzjoni jekk il-kampjun tal-laboratorju jikkonforma mal-limitu massimu, waqt li jitqiesu l-korrezzjoni għall-irkupru u l-inċertezza tal-qies;

—	rifjut jekk il-kampjun tal-laboratorju jaqbeż il-limitu massimu lil hinn minn kull dubju ġġustifikat waqt li jitqiesu l-korrezzjoni għall-irkupru u l-inċertezza tal-qies.