10.2.2010   

MT

Il-Ġurnal Uffiċjali tal-Unjoni Ewropea

L 37/19

REGOLAMENT TAL-KUMMISSJONI (UE) Nru 117/2010

tad-9 ta’ Frar 2010

li jemenda ir-Regolament (KE) Nru 904/2008 li jistabbilixxi l-metodi tal-analiżi u d-dispożizzjonijiet tekniċi l-oħra meħtieġa għall-implimentazzjoni ta’ arranġamenti ta’ esportazzjoni ta’ merkanzija mhux koperti bl-Anness I għat-Trattat

IL-KUMMISSJONI EWROPEA,

Wara li kkunsidrat it-Trattat dwar it-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b'mod partikolari l-Artikolu 9 tiegħu,

Billi:

(1)

Ir-Regolament tal-Kummissjoni (KE) Nru 904/2008 (2) jistabbilixxi l-metodi, proċeduri u formoli li għandhom jintużaw għall-kalkolu tad-data miksuba mill-analiżi tal-prodotti kif stabbilit fl-Anness IV għar-Regolament tal-Kummissjoni KE) Nru 1043/2005 tat-30 Ġunju 2005 li jimplimenta r-Regolament tal-Kunsill (KE) Nru 3448/93 rigward is-sistema ta' rifużjonijiet għall-esportazzjoni ta' ċerti prodotti agrikoli esportati fil-forma ta' oġġetti mhux koperti mill-Anness I għat-Trattat, u l-kriterji għall-iffissar tal-ammont ta' tali rifużjonijiet (3).

(2)

Ir-Regolament (KE) Nru 904/2008 ġie eżaminat minn grupp ta' esperti, bil-ħsieb li jevalwaw jekk dak ir-Regolament jieħux inkonsiderazzjoni l-evoluzzjoni xjentifika u teknoloġika tal-metodi stabbiliti f'dak ir-Regolament. L-istudji u t-testijiet imwettqa fil-qafas ta' dak l-eżami jindikaw li d-determinazzjoni tal-kontenut tal-lamtu (jew id-destrin) bl-idrolisi permezz tas-sodium hydroxide u d-determinazzjoni tal-kontenut tal-glukożju li jagħmel użu tal-metodu enżimatiku mal-ispettrofotometrija kif preskritt f'dan iż-żmien għall-maġġoranza tal-oġġetti, ma jissodisfawx aktar il-ħtiġijiet tekniċi preżenti u għandhom għalhekk jiġu aġġornati.

(3)

Huwa għalhekk xieraq li jiġi stabbilit li d-determinazzjoni tal-kontenut tal-lamtu (jew tad-destrin) għandu jsir b'mod enżimatika mill-amylase u amyloglucosidase u li l-kontenut tal-glukożju għandu jiġi ddeterminat bl-użu ta' prestazzjoni għolja kromatografija likwida (HPLC), kif stipulat fl-Anness I għar-Regolament tal-Kummissjoni (KE) Nru 900/2008 tas-16 Settembru 2008 li jistabbilixxi l-metodi tal-analiżi u d-dispożizzjonijiet tekniċi l-oħrajn meħtieġa għall-implimentazzjoni tal-arranġamenti għall-importazzjoni ta’ ċertu merkanzija li tirriżultaw mill-ipproċessar tal-prodotti agrikoli (4) kif emendat bir-Regolament tal-Kummissjoni (UE) Nru 118/2010 (5).

(4)

Ir-Regolament (KE) Nru 904/2008 għandu jiġi emendat skont dan.

(5)

Il-miżuri adottati f'dan ir-Regolament huma skont l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

Fl-Artikolu 2 tar-Regolament (KE) Nru 904/2008, il-punt 2 huwa mibdul b'dan li ġej:

“2.

Lamtu (jew destrin)

(id-destrin għandu jiġi espress bħala lamtu)

1.

Għall-kodiċi kollha NM għajr il-kodiċi NM 3505 10 10, 3505 10 90, 3505 20 10 sa 3505 20 90 u 3809 10 10 sa 3809 10 90, il-kontenut tal-lamtu (jew tad-destrin) imsemmi fil-kolonna 3 tal-Anness IV għar-Regolament ( KE) Nru 1043/2005 għandu jkun ikkalkulat bil-formula:

(Z – G) × 0,9,

fejn

Z

=

hija l-kontenut tal-glukożju stabbilit bil-metodu deskritt fl-Anness I għar-Regolament tal-Kummissjoni (KE) Nru 900/2008 (*);

G

=

huwa l-kontenut tal-glukożju qabel it-trattament enżimatiku, stabbilit b'kromatografija likwida ta' rendiment għoli (HPLC).

2.

Għall-kodiċi NM 3505 10 10, 3505 10 90, 3505 20 10 sa 3505 20 90 u 3809 10 10 sa 3809 10 90, il-kontenut tal-lamtu (jew tad-destrin) għandu jiġi stabbilit mill-metodu stipulat fl-Anness II għar-Regolament (KE) Nru 900/2008.

Artikolu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Komunità Ewropea.

Dan ir-Regolament għandu jorbot fl-intier tiegħu u huwa direttament applikabbli fl-Istati Membri kollha.

Magħmul fi Brussell, id-9 ta’ Frar 2010.

Għall-Kummissjoni

Il-President

José Manuel BARROSO

(1)  ĠU L 256, 7.9.1987, p. 1.

(2)  ĠU L 249, 18.9.2008, p. 9.

(3)  ĠU L 172, 5.7.2005, p. 24.

(4)  ĠU L 248, 17.9.2008, p. 8.

(5)  Ara paġna 21 ta’ dan il-Ġurnal Uffiċjali.