(1)

Ir-Regolament tal-Kummissjoni (KE) Nru 1881/2006 (2) jistabbilixxi livelli massimi għal ċerti kontaminanti fl-oġġetti tal-ikel.

(2)

Il-Bord Xjentifiku dwar l-Aġenti ta’ Kontaminazzjoni fil-Katina Alimentari tal-Awtorità Ewropea dwar is-Sigurtà tal-Ikel (EFSA), fl-4 ta’ April 2006 adotta fuq talba tal-Kummissjoni, opinjoni xjentifika aġġornata fir-rigward tal-ochratoxin A (OTA) fl-ikel (3) u ħa inkonsiderazzjoni l-informazzjoni xjentifika ġdida u d-doża tollerabbli ta’ kull ġimgħa (TWI) ta’ 120 ng/kg b.w.

(3)

Huwa previst li fir-Regolament (KE) Nru 1881/2006 l-approprjatezza tal-istipular tal-livelli massimi għall-OTA fl-oġġetti tal-ikel bħalma huma l-frott imnixxef minbarra frott imnixxef tad-dielja, il-kakaw u prodotti tal-kakaw, ħwawar, prodotti tal-laħam, kafe' aħdar, birra u likorizja, kif ukoll reviżjoni tal-livelli massimi eżistenti, partikolarment għall-OTA fil-frott imnixxef tad-dielja, u ġulepp tal-għeneb għandha tiġi kkunsidrata fid-dawl tal-opinjoni riċenti tal-opinjoni xjentifika tal-EFSA.

(4)

Fuq il-bażi tal-opinjoni adottata mill-EFSA, il-livelli massimi eżistenti jidhru xierqa sabiex jipproteġu s-saħħa pubblika u għandhom jinżammu. Fir-rigward tal-oġġetti tal-ikel li għadhom mhux koperti mir-Regolament (KE) 1881/2006, kien ikkunsidrat neċessarju u xieraq għall-ħarsien tas-saħħa pubblika li jiġu stabbiliti livelli massimi għall-ochratoxin A f’dawk l-oġġetti tal-ikel li huma kontributur sinifikanti għall espożizzjoni tal-OTA, iżda hemm evidenza li f’dawn il-komoditajiet jista’ jkun hemm livell għoli ħafna ta’ OTA. F’dawn il-każijiet huwa xieraq li livell massimu jiġi stabbilit sabiex ikun evitat li dawk il-komoditajiet li jkunu kontaminati ħafna jkunu jistgħu jidħlu fil-katina tal-ikel.

(5)

Fuq il-bażi tal-informazzjoni disponibbli, ma jidhirx neċessarju li għall-ħarsien tas-saħħa pubblika jiġi stabbilit livell massimu ta’ OTA fi frott imnixxef, minbarra frott niexef tad-dielja, kakaw u prodotti tal-kakaw, prodotti tal-laħam, li jinkludu ġewwieni li jittiekel u prodotti mid-demm u nbejjed likurużi minħabba li dawn mhumiex kontributur sinifikanti għall-espożizzjoni tal-OTA u livelli għolja ħafna b’mod sinifikanti instabu rari ħafna f’dawn il-komoditajiet. Fil-każ tal-kafe' aħdar u l-birra, il-preżenza ta’ OTA qed tkun diġà kkontrollata fi stadju xieraq ieħor tal-katina tal-produzzjoni, li hu aktar xieraq (kafe' inkaljat u xgħir rispettivament).

(6)

F’bosta okkażjonijiet, livelli għolja ħafna ta’ OTA ġew osservati fi ħwawar u likurizja. Għaldaqstant huwa xieraq li livelli massimi għall-ħwawar u likurizja jiġu stabbiliti.

(7)

Teżisti evidenza riċenti li f’ċerti pajjiżi ewlenin li jipproduċu l-ħwawar u li jesportaw lejn l-Unjoni m’hemmx miżuri ta’ prevenzjoni u kontrolli uffiċjali sabiex jikkontrollaw il-preżenza tal-ochratoxin A fil-ħwawar. Sabiex is-saħħa pubblika tkun imħarsa, huwa xieraq li livell massimu ta’ ochratoxin A fil-ħwawar jiġi stabbilit mingħajr dewmien. Sabiex il-pajjiżi li jipproduċu jkunu jistgħu jistabbilixxu miżuri ta’ prevenzjoni u ma jtellfux il-kummerċ b’mod li ma jkunx aċċettabbli, livell massimu ogħla, applikabbli b’avviż qasir, jiġi stabbilit għal perjodu ta’ żmien limitat, qabel il-livell massimu li jirrifletti l-livell li jista’ jinkiseb billi jidħol fis-seħħ bl-użu ta’ prattiċi xierqa. Huwa xieraq li ssir evalwazzjoni tal-ilħuq fir-reġjuni differenti fid-dinja li jipproduċu l-livelli ta’ ochratoxin A billi jiġu applikati prattiċi xierqa qabel ma jibda japplika l-livell iktar strett.

(8)

Huwa xieraq li titkompla s-sorveljanza tal-OTA fl-oġġetti tal-ikel li għalihom għadu ma ġiex stabbilit livell massimu u fil-każ ta’ riżultati regolari ta’ livelli ta’ OTA li huma għolja b’mod mhux tas-soltu, it-twaqqif ta’ livell massimu għall-OTA f’dawk l-oġġetti tal-ikel jista’ jkun ikkunsidrat bħala wieħed xieraq.

(9)

Ir-Regolament (KE) Nru 1881/2006 għaldaqstant għandu jkun emendat skont dan.

(10)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

il-punt 2.2.11 jinbidel bil-punti li ġejjin:

(2)

Tiżdied in-nota f’qiegħ il-paġna kif ġej: