7.1.2010 |
MT |
Il-Ġurnal Uffiċjali tal-Unjoni Ewropea |
L 3/10 |
REGOLAMENT TAL-KUMMISSJONI (UE) Nru 9/2010
tat-23 ta’ Diċembru 2009
li jikkonċerna l-awtorizzazzjoni tal-endo-1,4-beta-xylanase prodotti minn Trichoderma reesei (ATCC PTA 5588) bħala addittiv tal-għalf għat-tismin tat-tiġieġ, tiġieġ tal-bajd, papri u dundjani għat-tismin (detentur tal-awtorizzazzjoni Danisco Animal Nutrition, Finnfeeds International Limited)
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jistipula l-awtorizzazzjoni ta’ addittivi għall-użu fin-nutrizzjoni tal-annimali u għar-raġunijiet u l-proċeduri għall-għoti ta’ din l-awtorizzazzjoni. |
(2) |
B’konformità mal-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tal-preparazzjoni stipulata fl-Anness ta’ dan ir-Regolament. Din l-applikazzjoni kienet akkumpanjata bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(3) |
L-applikazzjoni tikkonċerna l-awtorizzazzjoni ta’ preparazzjoni tal-enżimi tal-endo-1, 4-beta-xylanase prodotti minn Trichoderma reesei (ATCC PTA 5588) bħala addittiv tal-għalf għat-tiġieġ għat-tismin, tiġieġ tal-bajd, papri u dundjani għat-tismin, biex tkun ikklassifikata fil-kategorija tal-addittivi “addittivi żootekniċi”. |
(4) |
L-Awtorità Ewropea dwar is-Sigurtà fl-Ikel (l-Awtorità) ikkonkludiet fl-opinjoni tagħha tat-12 u d-19 ta’ Settembru 2007 (2), tat-22 ta’ Novembru 2007 (3) u t-2 ta’ Lulju 2009 (4) li l-preparazzjoni tal-enżimi tal-endo-1,4-beta-xylanase prodotti minn Trichoderma reesei (ATCC PTA 5588) ma tħallix effett negattiv fuq is-saħħa tal-annimali, is-saħħa tal-bniedem jew l-ambjent u li l-użu ta’ dik il-preparazzjoni ttejjeb il-parametri produttivi tal-annimali. L-Awtorità ma tqisx li hemm bżonn ta’ rekwiżiti speċifiċi ta’ sorveljanza wara t-tqegħid fis-suq. Hija vverifikat ukoll ir-rapport dwar il-metodu ta’ analiżi tal-addittiv tal-għalf fl-għalf imressaq mil-Laboratorju Komunitarju ta’ Referenza stabbilit bir-Regolament (KE) Nru 1831/2003. |
(5) |
Il-valutazzjoni ta’ dik il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta’ din il-preparazzjoni għandu jiġi awtorizzat, kif speċifikat fl-Anness ta’ dan ir-Regolament. |
(6) |
Il-miżuri stipulati f’dan ir-Regolament huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tifforma parti mill-kategorija ta’ ‘addittivi żootekniċi’ u parti mill-grupp funzjonali ‘sustanzi li jsaħħu d-diġestibilità’, hija awtorizzata bħala addittiv fin-nutrizzjoni tal-annimali suġġetti għall-kundizzjonijiet stipulati f’dan l-Anness.
Artikolu 2
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Diċembru 2009.
Għall-Kummissjoni
José Manuel BARROSO
Il-President
(1) ĠU L 268, 18.10.2003, p. 29.
(2) Il-Ġurnal EFSA (2007) 548, p. 1.
(3) Il-Ġurnal EFSA (2007) 586, p. 1.
(4) Il-Ġurnal EFSA (2009) 1183, p. 1.
ANNESS
Numru ta’ identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku. |
Speċijiet jew kategorija tal-annimali |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||
Unitajiet ta’ attività/kg ta’ għalf sħiħ b’kontenut ta’ umdità ta’ 12 % |
|||||||||||||
Kategorija ta’ addittivi żootekniċi. Grupp funzjonali: sustanzi li jsaħħu d-diġestibilità. |
|||||||||||||
4a11 |
Danisco Animal Nutrition, entità legali Finnfeeds International Limited) |
Endo-1,4-β-xylanase EC 3.2.1.8 |
Kompożizzjoni tal-addittiv Preparazzjoni tal-endo-1,4-β-xylanase (KE 3.2.1.8) prodotta minn Trichoderma reesei (ATCC PTA 5588) b’attività minima ta’ 40 000 U (1)/g Karatterizzazzjoni tas-sustanza attiva Endo-1,4-β-xylanase (KE 3.2.1.8) prodotta minn Trichoderma reesei (ATCC PTA 5588) |
Tiġieġ għattismin |
— |
625 U |
— |
|
13.1.2020 |
||||
Tiġieġ tal-bajd |
2 500 U |
||||||||||||
Papri |
625 U |
||||||||||||
Dundjani għattismin |
1 250 U |
(1) 1 U huwa l-ammont ta’ enżimi li jilliberaw 0,5 μmol ta’ zokkor li jnaqqas (imfissra bħala ekwivlenti ta’ ksilożju) minn xylan tal-ħafur sottostrat arabinoxylan f’pH 5,3 u 50 °C fil-minuta.