3.6.2010   

MT

Il-Ġurnal Uffiċjali tal-Unjoni Ewropea

L 137/4

RAKKOMANDAZZJONI TAL-KUMMISSJONI

tat-2 ta’ Ġunju 2010

dwar il-monitoraġġ tal-livelli ta’ acrylamide fl-ikel

(Test b’relevanza għaż-ŻEE)

(2010/307/UE)

Il-KUMMISSJONI EWROPEA,

wara li kkunsidrat it-Trattat dwar il-Funzjonament tal-Unjoni Ewropea, u b'mod partikolari l-Artikolu 292 tiegħu,

Billi:

(1)

Ir-Rakkomandazzjoni tal-Kummissjoni 2007/331/KE tat-3 ta’ Mejju 2007 dwar il-monitoraġġ tal-livelli ta’ acrylamide fl-ikel (1) tistipula programm ta’ monitoraġġ ta’ tliet snin (2007–2009) għall-acrylamide f' ċertu ikel.

(2)

Ir-riżultati għall-2007 ġew miġbura mill-Awtorità Ewropea dwar is-Sigurtà fl-Ikel (minn hawn ’il quddiem l-EFSA) fir-Rapport Xjentifiku dwar ir-“Riżultati tal-monitoraġġ tal-livelli ta’ ” acrylamide fl-ikel’ (2), maħruġ fit-30 ta’ April 2009. Ir-rapport jinkludi wkoll ir-riżultati tal-acrylamide għaż-żmien ta’ bejn l-2003 u l-2006 miġbura mill-Istati Membri u kkompilati mill-Istitut tal-Materjali u l-Kejl ta’ Referenza taċ-Ċentru għar-Riċerka Konġunta tal-Kummissjoni. Ir-riżultati għas-snin 2008 u 2009 għadhom mhumiex disponibbli. Ladarba dawn ikunu disponibbli, ir-Rapport Xjentifiku ser jiġi aġġornat.

(3)

Il-Konfederazzjoni tal-Industrija tal-Ikel u x-Xorb (CIAA) żviluppat sett ta’ għodda (“toolbox”) li jistgħu jintużaw b'mod selettiv mill-produtturi tal-ikel b'konformità mal-ħtiġijiet partikulari tagħhom biex ibaxxu l-livelli ta’ acrylamide fil-prodotti tagħhom.

(4)

Ir-rapport tal-EFSA tat-30 ta’ April 2009 ikkonkluda li ma kienx hemm tendenza konsistenti bejn il-gruppi tal-ikel lejn livelli aktar baxxi ta’ acrylamide u li ma kienx ċar f'dan l-istadju jekk is-sett ta’ għodda għall-acrylamide kinitx kisbet l-effetti mixtieqa tagħha.

(5)

L-isforzi tal-industrija tal-ikel u tal-Istati Membri biex jinvestigaw modi ta’ formazzjoni u modi għat-tnaqqis tal-livelli ta’ acrylamide fl-ikel għadhom għaddejjin. Sabiex wieħed ikun jista’ jissorvelja l-impatt ta’ dawk l-isforzi, huwa xieraq li jitkompla l-ġbir tad-dejta.

(6)

L-esperjenza fl-applikazzjoni tar-Rakkomandazzjoni 2007/331/KE wriet li l-programm ta’ monitoraġġ jeħtieġ xi ftit adattamenti, eż. fir-rigward tal-klassifikazzjoni tal-oġġetti tal-ikel.

(7)

Huwa importanti li r-riżultati tal-monitoraġġ jiġu rrapportati darba fis-sena lill-EFSA li għandha tiżgura l-kompilazzjoni ta’ din id-dejta f'dejtabejs.

(8)

Din ir-rakkomandazzjoni m'għandhiex tkun limitata fiż-żmien, iżda l-bżonn ta’ monitoraġġ għandu jkun stmat fuq bażi regolari,

ADOTTAT DIN IR-RAKKOMANDAZZJONI:

(1)

 L-Istati Membri għandhom iwettqu, skont l-Anness ta’ din ir-Rakkomandazzjoni, il-monitoraġġ tal-livelli ta’ acrylamide fl-ikel kif hemm imsemmija f'dak l-Anness.

(2)

 L-Istati Membri għandhom jipprovdu lill-EFSA sal-1 ta’ Ġunju ta’ kull sena u għall-ewwel darba sal-1 ta’ Ġunju 2011 id-dejta għas-sena ta’ qabel fil-format kif stipulat mill-EFSA għall-kompilazzjoni f'dejtabejs waħda.

(3)

 Sabiex jiġi żgurat li l-kampjuni huma rappreżentattivi għal-lott li ttieħed bħala kampjun, l-Istati Membri għandhom isegwu l-proċeduri għall-kampjuni stabbiliti fil-parti B tal-Anness għar-Regolament tal-Kummissjoni (KE) Nru 333/2007 tal-28 ta’ Marzu 2007 li jistabbilixxi l-metodi ta’ teħid ta’ kampjuni u analiżi għall-kontroll uffiċjali ta’ livelli ta’ ċomb, kadmju, merkurju, landa inorganika, 3-MCPD u benzo(a)pyrene fl-oġġetti tal-ikel (3).

(4)

 Li l-Istati Membri jwettqu l-analiżi tal-acrylamide skont il-kriterja stipulati fil-punti 1 u 2 tal-Anness III tar-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-benessri tal-annimali (4).

Magħmul fi Brussell, it-2 ta’ Ġunju 2010.

Għall-Kummissjoni

John DALLI

Membru tal-Kummissjoni

(1)   ĠU L 123, 12.5.2007, p. 33.

(2)  Ir-Rapport Xjentifiku tal-EFSA (2009) 285.

(3)   ĠU L 88, 29.3.2007, p. 29.

(4)   ĠU L 165, 30.4.2004, p. 1.

ANNESS

A.   Il-punti u l-proċedura tat-teħid tal-kampjuni

1.

 It-teħid tal-kampjuni tal-prodotti għandu jitwettaq f’livell tas-suq (eż. f’supermarkets, ħwienet żgħar, fran tal-ħobż, u fil-ħwienet taċ-ċips u r-restoranti), fejn hemm traċċabilità tajba, jew fuq siti ta’ produzzjoni. Fejn hu possibbli, il-prodotti li joriġinaw f’wieħed mill-Istati Membri għandhom jettieħdulhom il-kampjuni (1).

2.

 It-teħid ta’ kampjuni u l-analiżi għandhom jitwettqu qabel id-data ta’ skadenza tal-kampjun.

B.   Il-prodotti, l-għadd u l-frekwenzi tal-kampjuni, rekwiżiti analitiċi

1.

 It-Tabella t'hawn taħt tagħti ħarsa ġenerali dwar l-għadd minimu ta’ kampjuni għall-analiżi ta’ kull sena għal kull kategorija ta’ prodott. L-Istati Membri huma mistiedna jieħdu aktar kampjuni fejn possibbli. It-tqassim tal-kampjuni għal kull Stat Membru huwa msejjes fuq iċ-ċifri tal-popolazzjoni b’għadd minimu ta’ 4 kampjuni għal kull kategorija ta’ prodotti u għal kull Stat Membru.

2.

 L-għadd ta’ kampjuni jirreferi għall-għadd minimu ta’ kampjuni li għandu jittieħed fis-sena. Fejn japplikaw kundizzjonijiet speċifiċi (eż. it-teħid ta’ kampjuni darbtejn fis-sena) dan huwa speċifikat fit-Taqsima C.

3.

 Billi kull kategorija ta’ prodotti tinkludi varjetà wiesgħa ta’ prodotti bi speċifikazzjonijiet differenti, l-informazzjoni addizzjonali għandha tingħata għal kull wieħed mill-prodotti fil-kampjun (kif speċifikat fit-Taqsima C). Sabiex wieħed jinnota x-xejriet taż-żmien huwa importanti li l-prodotti bl-istess speċifikazzjonijiet (eż. l-istess tip ta’ ħobż) jittieħdulhom il-kampjuni kull sena fejn possibbli.

4.

 Jekk fi prodotti bl-istess karatteristiċi jinkisbu ripetutament riżultati ’l isfel mil-limitu ta’ kwantifikazzjoni (LOQ – limit of quantification) dan il-prodott jista’ jinbidel ma’ ieħor sakemm jaqa’ fl-istess kategorija ta’ prodotti u sakemm tingħata deskrizzjoni tal-prodott.

5.

 Biex tkun żgurata l-komparabilità ta’ riżultati analitiċi għandhom jintgħażlu metodi li jistgħu jiksbu LOQ ta’ 30 μg/kg (l-iżjed tranżizzjoni ta’ ion/ion intensa) għall-ħobż u l-ikel tat-trabi u t-tfal iż-żagħar u ta’ 50 μg/kg għall-prodotti tal-patata, prodotti ċereali oħrajn, kafè u għal prodotti oħra. Ir-riżultati għandhom jiġu rrappurtati kkorreġuti għall-irkupru.

Għadd minimu ta' kampjuni għal kull kategorija ta' prodott

Pajjiż ta' bejgħ

Ċips mibjugħa bħala lesti biex jittieklu

Krisps tal-patata

Ċips imsajjra minn qabel/prodotti tal-patata għat-tisjir fid-dar

Ħobż artab

Ċereali tal-kolazzjon

Gallettini, crackers, ħobż iqarmeċ u ikel simili

Kafè u sostituti tal-kafè

Ikel tat-trabi (minbarra ikel ipproċessat ibbażat fuq iċ-ċereali)

Ikel ipproċessat ibbażat fuq iċ-ċereali għat-trabi u tfal żgħar

Prodotti oħra

Total

(0)

(1)

(2)

(3)

(4)

(5)

(6)

(7)

(8)

(9)

(10)

(11)

AT

4

4

4

4

4

4

4

4

4

8

44

BE

4

4

4

4

4

4

4

4

4

8

44

CY

4

4

4

4

4

4

4

4

4

4

40

CZ

4

4

4

4

4

4

4

4

4

8

44

DE

24

24

24

24

24

24

24

24

24

14

230

DK

4

4

4

4

4

4

4

4

4

8

44

ES

14

14

14

14

14

14

14

14

14

14

140

EE

4

4

4

4

4

4

4

4

4

4

40

EL

4

4

4

4

4

4

4

4

4

8

44

FR

20

20

20

20

20

20

20

20

20

14

194

FI

4

4

4

4

4

4

4

4

4

8

44

HU

4

4

4

4

4

4

4

4

4

8

44

IT

20

20

20

20

20

20

20

20

20

14

194

IE

4

4

4

4

4

4

4

4

4

8

44

LU

4

4

4

4

4

4

4

4

4

4

40

LT

4

4

4

4

4

4

4

4

4

4

40

LV

4

4

4

4

4

4

4

4

4

4

40

MT

4

4

4

4

4

4

4

4

4

4

40

NL

6

6

6

6

6

6

6

6

6

8

62

PT

4

4

4

4

4

4

4

4

4

8

44

PL

14

14

14

14

14

14

14

14

14

14

140

SE

4

4

4

4

4

4

4

4

4

8

44

SI

4

4

4

4

4

4

4

4

4

4

40

SK

4

4

4

4

4

4

4

4

4

8

44

UK

20

20

20

20

20

20

20

20

20

14

194

BG

4

4

4

4

4

4

4

4

4

8

44

RO

8

8

8

8

8

8

8

8

8

8

80

Total

202

202

202

202

202

202

202

202

202

224

2 042

C.   Informazzjoni minima addizzjonali li għandha tiġi pprovduta għal kull prodott

L-informazzjoni minima addizzjonali li għandha tiġi pprovduta għal kull prodott fil-kampjun hija speċifikata fil-punti 1 sa 10. L-Istati Membri huma mistiedna li jipprovdu informazzjoni aktar dettaljata.

1.   Ċips, mibjugħin lesti biex jittieklu, u li jinkludu magħhom is-sottokategoriji li ġejjin:

1.1.

Ċips magħmulin minn patata friska

1.2.

Ċips magħmulin minn għaġina tal-patata

Il-prodotti lesti biex jittieklu għandhom jiġu kkampjunati fi ħwienet żgħar, fil-katini tal-fast food u fir-restoranti. L-ikkampjunar għandu jsir darbtejn fis-sena f’Marzu u f’Novembru (2), li jirriżulta fl-għadd totali ta’ kampjuni speċifikati fit-tabella.

Informazzjoni speċifika li għandha tingħata:

—

patata friska bħala materjal tal-bidu (sottokategorija 1.1) jew “pre-fabricates” (għaġina tal-patata) (sottokategorija 1.2),

—

żieda ta’ ingredjenti oħra.

2.   Krisps tal-patata, li jinkludu s-sottokategoriji li ġejjin:

2.1.

Krisps tal-patata magħmula minn patata friska

2.2.

Krisps tal-patata magħmula mill-għaġina tal-patata (krisps iffurmati, krisps f'munzelli)

L-ikkampjunar għandu jinżamm darbtejn fis-sena f’Marzu u f’Novembru (2), li jirriżulta fl-għadd totali ta’ kampjuni speċifikati fit-tabella.

Informazzjoni speċifika li għandha tingħata:

—

patata friska bħala materjal tal-bidu (sottokategorija 2.1.) jew “pre-fabricates” (għaġina tal-patata) (sottokategorija 2.2.),

—

proċess tal-qali: Moqlija kollha flimkien jew kontinwament moqlija,

—

żieda ta’ ingredjenti oħra, togħmiet jew addittivi.

3.   Ċips imsajjra minn qabel/prodotti tal-patata għat-tisjir fid-dar, inklużi s-sottokategoriji li ġejjin:

3.1.

Ċips imsajjra fil-forn (“oven fries”)

3.2.

Ċips moqlija fiż-żejt

Din il-kategorija tinkludi prodotti friski jew surġelati. L-ikkampjunar għandu jsir darbtejn fis-sena f’Marzu u f’Novembru (2), li jirriżulta fl-għadd totali ta’ kampjuni speċifikati fit-tabella.

L-analiżi ta’ kull kampjun għandha ssir fuq il-prodott wara t-tħejjija (eż. qali, ħami, eċċ). It-tħejjija għandha ssir fil-laboratorju skont l-istruzzjonijiet fuq it-tikketta.

Informazzjoni speċifika li għandha tingħata:

—

sottokategorija li għaliha jappartjeni l-prodott (kif imsemmi hawn fuq),

—

patata friska bħala materjal tal-bidu jew “pre-fabricates” (għaġina tal-patata),

—

prodott mibjugħ frisk jew surġelat,

—

kundizzjonijiet użati għat-tħejjija skont it-tikketta,

—

żieda ta’ ingredjenti oħra.

4.   Ħobż artab:

Informazzjoni speċifika li għandha tingħata:

—

tip ta’ ħobż artab, eż. qamħ, segala, ħobż magħmul minn qmuħ differenti, ħobż ma' ingredjenti oħra, eċċ.

L-għażla tat-tip ta’ ħobż għall-kampjunar għandu jirrifletti d-drawwiet tal-ikel ta’ kull Stat Membru kkonċernat.

5.   Ċereali tal-kolazzjon (esklużi meusli u porridge):

Informazzjoni speċifika li għandha tingħata:

—

tip ta’ qamħ,

—

ingredjenti oħra (eż. zokkor, ġewż, għasel, ċikkulata).

Jekk ġew analizzati l-meusli u l-porridge, dawn għandhom ikunu rrapportati taħt il-Grupp 10. “Prodotti oħra”.

6.   Gallettini, crackers, ħobż iqarmeċ u ikel simili (esklużi l-għaġina u kejkijiet), li jinkludu is-sottokategoriji li ġejjin:

6.1.

Crackers (eż. crackers tal-krema, crackers tas-soda, crackers “snack”)

6.2.

Ħobż iqarmeċ (iffermentat/mhux iffermentat)

6.3.

Wejfers (eż. għall-ġelat)

6.4.

Ħobż tal-ġinġer

6.5.

Oħrajn (speċifika)

Informazzjoni speċifika li għandha tingħata:

—

sottokategorija li għaliha jappartjeni l-prodott (kif imsemmi hawn fuq).

L-għażla tal-prodotti għall-kampjunar għandu jirrifletti d-drawwiet tal-ikel ta’ kull Stat Membru kkonċernat.

7.   Kafè u sostituti tal-kafè, li jinkludi s-sottokategoriji li ġejjin:

7.1.

Kafè inkaljat

7.2.

Kafè instant (solubbli)

7.3.

Sostituti tal-kafè

Informazzjoni speċifika li għandha tingħata:

—

sottokategorija li għaliha jappartjeni l-prodott (kif imsemmi hawn fuq),

—

għall-kafè inkaljat il-grad ta’ inkaljar, (eż. medju skur), it-tip tal-fażola, jekk disponibbli, informazzjoni dwar jekk il-prodott huwiex mibjugħ bħala kafè mitħun jew bħala ful, dekaffeinat/mhux dekaffeinat,

—

kafè instant (solubbli) dekaffeinat/mhux dekaffeinat,

—

għas-sostituti tal-kafe: il-materjal tal-bidu (eż. xgħir, segala, ċikwejra).

Il-kampjuni tal-kafé u s-sostituti tal-kafè għandhom ikunu analizzati kif mibjugħa u dan sabiex tkun żgurata l-komparabbiltà tad-dejta.

Jekk ikun possibbli, fit-tieni pass, ix-xarba tista’ tiġi analizzata bħala waħda lesta għall-konsum. Il-kundizzjonijiet tal-preparazzjoni (kif indikati fuq it-tikketta) għandhom jiġu speċifikati, pereżempju l-ammont ta’ kafè, l-ammont ta’ ilma użat, dettalji tal-apparat użat, it-temperatura tad-distillazjoni, eċċ). Jekk il-kapaċità analitika limitata hija disponibbili, l-analiżi tal-kampjun kif mibjugħ għandha tingħata prijorità.

8.   Ikel tat-trabi, għajr l-ikel ipproċessat ibbażat fuq iċ-ċereali (3):

Għandhom ikunu fil-mira l-oġġetti tal-ikel li fihom il-patata, l-għeruq tal-ħaxix jew iċ-ċereali bħala ingredjenti prinċipali (minbarra l-prodotti li jaqgħu taħt il-kategorija ta’ ikel ipproċessat ibbażat fuq iċ-ċereali).

Informazzjoni speċifika li għandha tingħata:

—

l-ingredjenti ewlenin.

9.   L-ikel ipproċessat abbażi taċ-ċereali għat-trabi u għat-tfal żgħar (4) , li jinkludi s-sottokategoriji li ġejjin:

9.1.

Il-gallettini u l-biskuttelli għat-trabi u t-tfal żgħar

9.2.

Ikel ieħor ipproċessat ibbażat fuq iċ-ċereali għat-trabi u t-tfal żgħar

Il-kampjuni għandhom jiġu analizzati kif jinbiegħu u dan sabiex tkun żgurata l-komparabbiltà tad-dejta.

Informazzjoni speċifika li għandha tingħata:

—

sottokategorija li għaliha jappartjeni l-prodott (kif imsemmi hawn fuq),

—

deskrizzjoni tal-prodott,

—

tip ta’ qmuħ, ingredjenti oħra.

10.   Prodotti oħrajn:

Din il-kategorija tinkludi l-prodotti tal-patata, il-prodotti magħmula miċ-ċereali, il-prodotti tal-kawkaw minbarra dawk il-prodotti speċifikati f'wieħed mill-kategoriji msemmija hawn fuq (eż. patata “roesti” patata, ikel “snack” abbażi taċ-ċereali (eż. “curls” magħmulin mill-qamħ, ċips tat-tortilla, popcorn), meusli, porridge, għaġina u kejkijiet, eċċ).

L-għażla tal-prodotti għall-kampjunar għandu jirrifletti d-drawwiet tal-ikel ta’ kull Stat Membru kkonċernat.

Il-prodotti jistgħu jeħtieġu li jiġu analizzati wara t-tisjir kif indikat fuq it-tikketta. Jekk inhu hekk, il-kundizzjonijiet użati għandhom ikunu speċifikati.

Informazzjoni speċifika li għandha tingħata:

—

isem il-prodott u d-deskrizzjoni dettaljata tal-prodott (eż. ingredjenti ewlenin),

—

il-kundizzjonijiet li fihom tħejja l-prodott skont it-tikketta.

(1)  F’każijiet eċċezzjonali prodott speċifiku jista’ jkun biss fis-suq bħala wieħed importat minn pajjiż terz. F’każijiet bħal dawn jistgħu jittieħdu kampjuni tal-prodott importat.

(2)  Fil-każ li l-ikel ikun prodott minn patata pproċessata, mhux meħtieġ li jittieħdu l-kampjuni darbtejn fis-sena.

(3)  Kif definit fl-Artikolu 1(2)(b) tad-Direttiva tal-Kummissjoni 2006/125/KE tal-5 ta’ Diċembru 2006 dwar ikel ipproċessat ibbażat fuq iċ-ċereali u ikel tat-trabi għat-trabi u għat-tfal żgħar (ĠU L 339, 6.12.2006, p. 16).

(4)  Kif definit fl-Artikolu 1(2)(a) tad-Direttiva 2006/125/KE.