|
24.11.2010 |
MT |
Il-Ġurnal Uffiċjali tal-Unjoni Ewropea |
L 308/53 |
DEĊIŻJONI TAL-KUMMISSJONI
tat-22 ta’ Novembru 2010
li tistabbilixxi Bord tal-Ekotikkettar tal-Unjoni Ewropea
(notifikata bid-dokument numru C(2010) 7961)
(Test b’relevanza għaż-ŻEE)
(2010/709/UE)
Il-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE (1), u partikolarment l-Artikolu 5 tiegħu,
Billi:
|
(1) |
Skont ir-Regolament (KE) Nru 66/2010, il-kriterji tal-Ekotikketta tal-UE għandhom jiġu stabbiliti bil-għajnuna tal-Bord tal-Ekotikkettar tal-Unjoni Ewropea (minn hawn ’il quddiem imsejjaħ “EUEB”). |
|
(2) |
Sabiex l-iskema tal-Ekotikketta tal-UE tiġi aċċettata mill-pubbliku ġenerali, huwa essenzjali li l-organizzazzjonijiet bħall-organizzazzjonijiet ambjentali mhux governattivi u l-organizzazzjonijiet tal-konsumaturi jkunu membri tal-EUEB bħala partijiet interessati flimkien mal-korpi kompetenti tal-Istati Membri. |
|
(3) |
Id-Deċiżjoni tal-Kummissjoni Nru 2000/730/KE tal-10 ta’ Novembru 2000 li tistabbilixxi l-Bord tal-Unjoni Ewropea għall-Ittikkettjar Ekoloġiku u r-regoli tal-proċedura tiegħu (2), għandha tinbidel. |
ADOTTAT DIN ID-DEĊIŻJONI:
Artikolu 1
B’dan, il-Bord tal-Ekotikkettar tal-Unjoni Ewropea, minn hawn ’il quddiem imsejjaħ “EUEB”, huwa stabbilit.
Artikolu 2
1. Il-membri tal-EUEB għandhom jinħatru mill-Kummissjoni.
2. L-EUEB għandu jkun magħmul minn rappreżentanti tal-Korpi Kompetenti ta’ kull Stat Membru, rappreżentanti tal-Istat Membru taż-Żona Ekonomika Ewropea u rappreżentanti tal-organizzazzjonijiet li ġejjin:
|
(a) |
Bureau Européen des Consommateurs (BEUC); |
|
(b) |
EUROCOOP; |
|
(c) |
European Environmental Bureau (EEB); |
|
(d) |
Business Europe; |
|
(e) |
European Association of Craft, Small & Medium-sized Enterprises (UEAPME); |
|
(f) |
EUROCOMMERCE. |
3. Il-Kummissjoni tista’ temenda s-sħubija tal-EUEB kif jixraq.
Artikolu 3
1. Kull membru tal-EUEB għandu jappunta persuna ta’ kuntatt.
2. Il-laqgħat tal-EUEB għandhom jitmexxew mill-President tiegħu stess.
3. L-EUEB għandu jadotta r-regoli tiegħu ta’ proċedura b’konsultazzjoni mal-Kummissjoni.
4. Il-Kummissjoni għandha tirrimborża l-ispejjeż tal-vjaġġi u, fejn jixraq, l-ispejjeż tal-għajxien imġarrbin mill-membri marbuta mal-attivitajiet tal-EUEB fi ħdan il-limiti tal-baġit annwali allokat għal din in-nefqa.
Artikolu 4
Id-Deċiżjoni 2000/730/KE hija revokata.
Artikolu 5
Din id-Deċiżjoni għandha tapplika mill-1 ta’ Ottubru 2010.
Artikolu 6
Din id-Deċiżjoni hija indirizzata lill-Istati Membri.
Magħmul fi Brussell, it-22 ta’ Novembru 2010.
Għall-Kummissjoni
Janez POTOČNIK
Membru tal-Kummissjoni
(2) ĠU L 293, 22.11.2000, p. 24.