ANNESS I

(imsemmija fl-Artikolu 4(4))

PARTI A

QAFAS GĦAT-TEĦID TA’ KAMPJUNI

1.   Il-prodotti li minnhom għandhom jittieħdu l-kampjuni

Għandhom jittieħdu kampjuni għall-kategoriji li ġejjin tal-ikel lest biex jittiekel fil-livell tal-bejgħ bl-imnut:

1.1.   Ħut ippakkjat (mhux iffriżat) sħun jew kiesaħ affumikat jew gravad

Prodotti li jaqgħu f’din il-kategorija għandhom ikunu ippakkjati bil-vakum jew ippakkjati f’atmosfera modifikata.

Il-ħuta tista’ tkun imqatta’ jew le. Il-pakkett jista’ jkollu ħuta sħiħa, nofsha jew parti minnha. Il-qoxra tal-ħuta tista’ tkun hemm jew le.

1.2.   Ġobon artab jew nofsu artab, eskluż il-ġobon frisk

Din il-kategorija għandha tinkludi ġobon minn ħalib nej, termizzat jew pastorizzat ta’ kwalunkwe speċi tal-annimali. Il-ġobon jista’ jkun misjur, misjur bix-xaħam tiegħu stess, misjur bil-moffa jew immaturat fis-salmura.

Il-ġobon jista’ jkun ippakkjat inkluż mqartas fil-musulina jew jista’ jkun spakkjat fil-bejgħ bl-imnut imma ppakkjat f’post għall-bejgħ għall-konsumatur.

1.3.   Prodotti tal-laħam ittrattati bis-sħana

1.3.1.

Il-prodotti li jaqgħu f’din il-kategorija għandhom jgħaddu minn trattament ta’ sħana u warajh għandhom ikunu ttrattati u ppakkjati jew bil-vakum jew f’atmosfera modifikata.

1.3.2.

Il-prodotti li jaqgħu f’din il-kategorija jkopru kemm il-prodotti tal-laħam esposti kif ukoll il-prodotti tal-laħam f’qoxra permeabbli li tqattgħu fi flieli jew ittrattati b’mod ieħor bejn it-trattament bis-sħana u l-ippakkjar. Prodotti jistgħu jkunu affumikati wara t-trattament bis-sħana. Din il-kategorija tinkludi b’mod partikolari: (a) Prodotti tal-laħam imsajrin, kiesħa: Prodotti tal-laħam tipikament magħmulin minn partijiet sħaħ jew kbar ta’ strutturi anatomiċi jew riformati (bħalma huma il-perżut imqatta’ fi flieli msajjar u l-fillet tat-tiġieġ imsajjar); (b) zalzett; (c) pâtés.

1.3.3.

Din il-kategorija ma tinkludix: (a) prodotti tal-laħam imnixxfin wara trattament bis-sħana, bħalma huma l-prodotti jerky; (b) Prodotti tal-laħam ittrattati bis-sħana f’pakkett impermeabbli li ma kienux ittrattati aktar wara; (c) prodotti tal-laħam iffermentat inkluż zalzett iffermentat.

2.   Skema ta’ teħid ta’ kampjuni

Qiegħda tintuża skema ta’ kampjun stratifikat proporzjonat għall-programm ta’ monitoraġġ ikkoordinat fejn il-kampjuni huma allokati lil kull Stat Membru b’mod proporzjonat għad-daqs tal-popolazzjoni umana f’dak l-Istat Membru.

2.1.   Pjan tat-teħid tal-kampjun

2.1.1.

Kull Stat Membru għandu jkollu pjan ta’ teħid tal-kampjun ibbażat fuq skema ta’ multistage cluster: (a) l-ewwel livell huwa kompost mill-ibliet ewlenin li se jkunu inklużi fil-kampjun; (b) it-tieni livell huwa kompost mill-stabbilimenti tal-bejgħ bl-imnut li se jkunu inklużi fil-kampjun; (c) it-tielet livell hu kompost minn prodotti differenti tal-ikel fit-tliet kategoriji tal-ikel lest biex jittiekel li se jkunu inklużi fil-kampjun.

2.1.2.

Il-pjan tat-teħid tal-kampjun għandu jitfassal mill-awtorità kompetenti u għandu jinkludi dawn li ġejjin: (a) l-ibliet inklużi fil-programm ta’ monitoraġġ ikkoordinat; (b) it-tipi ta’ stabbilimenti tal-bejgħ bl-imnut u l-persentaġġ ta’ kampjuni meħuda minn kull kategorija; (c) l-iskedar ta’ żmien tat-teħid tal-kampjuni matul is-sena.

2.1.3.

Meta jkun hemm disponibbli dejta rilevanti dwar it-tqegħid fis-suq, il-pjan tat-teħid tal-kampjuni għandu jinkludi wkoll: (a) it-tipi ta’ prodotti li tagħhom irid jittieħed il-kampjun f’kull wieħed mit-tliet kategoriji tal-ikel lest biex jittiekel; (b) in-numru ta’ kampjuni li jridu jittieħdu minn kull tip ta’ prodott imsemmi f’(a).

2.1.4.

L-Istati Membri għandhom ifasslu pjan tat-teħid tal-kampjun filwaqt li jsegwu r-regoli deskritti hawn taħt u bbażati fuq l-aħjar dejta disponibbli dwar it-tqegħid fis-suq. Din id-dejta dwar it-tqegħid fis-suq, jew għajnuna dwar kif tinkiseb id-dejta, ħafna drabi tista’ tkun disponibbli minn assoċjazzjoni nazzjonali tal-kummerċ. Fl-assenza ta’ dejta dwar it-tqegħid fis-suq, għandha tintuża l-aħjar stima tal-ishma tas-suq biex il-pjan tat-teħid tal-kampjun fuq livell ċentrali jkun infurmat. Fl-assenza ta’ kwalunkwe informazzjoni affidabbli dwar it-tqegħid fis-suq, għandu mnejn ikun hemm bżonn li l-awtoritajiet kompetenti jgħaddu l-għażla tat-tip ta’ prodott lil kampjun f’kategorija lil dak li qed jieħu l-kampjuni f’dan il-qasam.

2.2.   Għażla tal-kategoriji ta’ stabbilimenti tal-bejgħ bl-imnut li jridu jkunu mmirati

L-awtoritajiet kompetenti għandhom jagħżlu l-istabbilimenti tal-bejgħ bl-imnut mil-liema jridu jittieħdu l-kampjuni. Tipi tipiċi ta’ stabbilimenti tal-bejgħ bl-imnut li għandhom ikunu inklużi fil-kampjuni huma: supermarkets, ħwienet żgħar, speciality delis u swieq tat-triq (bħalma huma s-swieqi tal-bdiewa jew tal-kampanja).

Jekk l-akbar kategorija ta’ stabbilimenti (pereżempju s-supermarkets) ifornu mill-inqas 80 % tas-suq ta’ kategorija tal-ikel lest biex jittiekel, allura l-kampjuni għandhom jittieħdu biss minn dawk l-istabbilimenti. Fejn dan mhux il-każ, it-tieni l-akbar kategorija ta’ stabbilimenti għandha tiżdied sakemm jiġi kopert ta’ millinqas 80 % tas-suq.

Meta jitwettaq it-teħid tal-kampjuni skont il-pjan tat-teħid tal-kampjuni, in-numru ta’ kampjuni li għandhom jittieħdu għal kull kategorija tal-ikel lest biex jittiekel minn kull tip ta’ stabbiliment tal-bejgħ bl-imnut għandu jkun proporzjonat għas-sehem mis-suq ta’ dak it-tip ta’ stabbiliment fit-tipi tal-istabbilimenti immirati.

2.3.   Għażla tal-ibliet li jridu jidħlu fil-kampjuni

It-teħid tal-kampjuni għandu jitwettaq fl-ibliet il-kbar. Ta’ millinqas żewġt ibliet f’Stat Membru għandhom jidħlu fil-kampjun.

L-ibliet li jidħlu fil-kampjun għandhom, magħdudin flimkien, ikopru ta’ millinqas 30 % tal-popolazzjoni umana fl-Istat Membru. Madankollu, jekk l-akbar tmien ibliet huma inklużi fil-pjan, il-kopertura tal-popolazzjoni umana tista’ tkun anqas minn 30 %.

2.4.   L-għażla tal-iskeda taż-żmien tal-kampjuni

Il-livell ta’ kontaminazzjoni tal-Listeria monocytogenes fl-ikel lest biex jittiekel jista’ jvarja matul is-sena. Sabiex ikunu żgurati riżultati preċiżi tal-programm ta’ monitoraġġ ikkoordinat, it-tul taż-żmien tiegħu nqasam fi 12-il perjodu ta’ xahar li fihom numri ugwali ta’ kampjuni għandhom jittieħdu.

2.5.   L-għażla tal-ikel lest biex jittiekel fit-tliet kategoriji ewlenin li jridu jidħlu fil-kampjun

L-ikel lest biex jittiekel fit-tliet kategoriji tal-ikel lest biex jittiekel li jridu jidħlu fil-kampjun għandhom jintgħażlu abbażi tad-dejta dwar it-tqegħid fis-suq u indikati fid-dettall fil-pjan ta’ teħid ta’ kampjuni.

L-awtoritajiet kompetenti jistgħu jagħżlu li jitolbu lil dawk li se jieħdu l-kampjuni biex jagħżlu ġobon għall-kampjuni fuq il-bażi ta’ kontribuzzjoni stmata fis-sehem mis-suq, skont il-pjan nazzjonali tat-teħid tal-kampjuni. L-awtoritajiet kompetenti għandhom jipprovdu wkoll xi direzzjoni dwar is-sehem approssimattiv mis-suq tat-tipi ewlenin tal-ikel fil-kategoriji għall-aħjar approċċ għall-kampjun rappreżentattiv tas-suq eż. ġobon tal-ħalib nej/pasturizzat.

PARTI B

ĠBIR TAL-KAMPJUN U T-TRASPORT

1.   Tip u dettall tal-kampjun

Il-kampjuni għandhom jittieħdu bl-addoċċ mill-vetrina tal-konsumatur u għandhom jiżnu ta’ millinqas 100 gramma kull wieħed. Huwa possibbli li jittieħed aktar minn kampjun wieħed minn kull wieħed mit-tliet kategoriji tal-ikel lest biex jittiekel waqt l-istess żjara fl-istabbiliment tal-bejgħ bl-imnut. Madankollu, mhux aktar minn ħames konsenji minn kull kategorija għandhom jittieħdu fl-istess żjara.

Pakketti ppakkjati u intatti (issiġġillati), ippakkjati mill-manifattur, għandhom jinġabru bħala kampjuni. Madankollu, fil-każ tal-ġobon u prodotti tal-laħam, prodotti ppakkjati fl-istabbilimenti tal-bejgħ bl-imnut jistgħu jinġabru wkoll għat-teħid ta’ kampjuni.

Il-prodotti miġbura bħala kampjuni għandhom ikunu ittikkettjati sabiex ikun possibbli li tkun reġistrata l-informazzjoni li tikkonċerna l-prodott. L-informazzjoni fuq it-tikketta għandha tinkludi dawn li ġejjin:

(a)	dettalji tal-pajjiż tal-produzzjoni;

(b)	in-numru tal-konsenja;

(c)	id-data kemm jiflaħ;

(d)	l-istruzzjonijiet dwar il-kundizzjonijiet tat-temperatura tal-ħżin, jekk disponibbli;

(e)	informazzjoni oħra li normalment tkun fuq it-tikketta tal-ikel lest biex jittiekel ippakkjat.

Jekk l-informazzjoni msemmija fil-punti (a) sa (d) ma tkunx kollha preżenti fuq it-tikketta, dak li jieħu l-kampjun għandu jistaqsi lis-sid jew il-maniġer tal-istabbiliment tal-bejgħ bl-imnut għall-informazzjoni nieqsa fuq il-prodott u d-dettalji tat-tikketta u/jew jirreferi għall-pakkett tal-ingrossa għal dik l-informazzjoni.

Jekk it-tikketta tal-ikel lest biex jittiekel mhix ċara jew danneġġata, allura l-prodott m’għandux jinġabar bħala kampjun. Għandhom jinġabru żewġ kampjuni minn kull konsenja ta’ ħut affumikat jew gravad inkluż bħala kampjun. L-informazzjoni fuq it-tikketta, bħalma huma n-numri tal-konsenja, id-data sa meta l-prodott jista’ jinbigħ, għandha tkun eżaminata biex ikun żgurat li ż-żewġ kampjuni huma mill-istess konsenja. Wieħed minn dawn iż-żewġ kampjuni għandhom ikunu analizzati fil-jum li jasal il-kampjun fil-laboratorju u l-ieħor fi tmiem tal-ħajja fuq l-ixkaffa.

Għall-ġobon artab u nofsu artab u l-prodotti tal-laħam ittrattati bis-sħana, għandu jittieħed kampjun wieħed biss minn konsenja li tiġi analizzata fi tmiem ħajjitha fuq l-ixkaffa.

Il-kampjuni għandhom jitqiegħdu f’borża separata tal-kampjuni u jintbagħtu immedjatament lil-laboratorju għall-analiżi.

Għandhom jittieħdu l-prekawzjonijiet fl-istadji kollha sabiex jiżguraw li t-tagħmir użat matul it-teħid ta’ kampjuni, it-trasport u l-ħażna ma jkunux ikkontaminati bil-Listeria monocytogenes.

2.   Tagħrif dwar il-kampjun

L-informazzjoni relevanti kollha disponibbli li tikkonċerna l-kampjun għandha tkun rikordjata fuq formola tal-kampjun, li l-mudell tiegħu għandu jitfassal mill-awtorità kompetenti. Il-formola tal-kampjun għandha takkumpanja il-kampjun f’kull ħin. Fil-każ tal-kampjuni tal-ġobon ippakkjati fl-istabbiliment tal-bejgħ bl-imnut, għandu mnejn ikun neċessarju li tintalab l-informazzjoni dwar il-prodott meħtieġ u d-dettalji tat-tikketta u/jew għall-pakkett bl-ingrossa għal din l-informazzjoni.

Meta l-kampjuni jinġabru, it-temperatura tal-wiċċ tal-kampjuni ppakkjati għandha titkejjel u u tiġi rreġistrata fuq fil-formola tal-kampjun.

Kull kampjun u l-formola ta’ kampjun tiegħu għandu jingħatalhom tikketta b’numru uniku li jrid jintuża mill-mument tat-teħid ta’ kampjuni sal-ittestjar. L-awtorità kompetenti għandha tuża għal dan l-iskop sistema ta’ enumerazzjoni unika.

3.   Trasport tal-kampjuni

Il-kampjuni għandhom ikun trasportati f’kontejners imkessħin u għandhom jinżammu bejn 2 u 8 °C u ħielsa mill-kontaminazzjoni interna waqt it-trasportazzjoni.

Il-kampjuni kollha tal-ikel lest biex jittiekel għandhom jaslu fil-laboratorju f’24 siegħa mill-ħin li ttieħed il-kampjun.

F’ċirkostanzi eċċezzjonali il-ħin tat-trasportazzjoni jista’ jaqbeż l-24 siegħa. Madankollu, il-ħin tat-trasportazzjoni m’għandux jieħu aktar minn 48 siegħa u fl-ebda ċirkostanza m’għandu l-ittestjar isir wara d-data tal-bejgħ tal-proddott miġbur bħala kampjun.

PARTI C

PREPARAZZJONI TAL-KAMPJUN U METODI ANALITIĊI

1.   Wasla tal-kampjuni

1.1.   Regoli Ġenerali

Kif jaslulhom il-kampjuni, il-laboratorji għandhom jivverifikaw it-tagħrif irreġistrat minn dak li ħa l-kampjun fuq il-formola tal-kampjun u jimlew it-taqsimiet relevanti kollha tal-formola tal-kampjun. Il-kampjuni kollha li jaslu għandhom jiġu eżaminati sabiex jiġi żgurat li l-ippakkjar tat-trasport huwa intatt qabel tinbeda l-ħażna. Il-kampjuni li jaslu f’temperatura ogħla mit-8 °C m’għandhomx ikunu aċċettati sakemm it-temperatura fl-istabbiliment tal-bejgħ bl-imnut ma kinitx ogħla mit-8 °C.

Mingħajr ħsara għall-punt 1.2, il-kampjuni kollha għandhom jinżammu fi friġġ sa tmiem ħajjithom fuq l-ixkaffa.

F’każijiet fejn il-kampjuni għandhom jinħażnu sa tmiem ħajjithom fuq l-ixkaffa, għandhom jinżammu fi friġġ.

(a)	Fit-temperatura tal-ħżin indikata fuq it-tikketta tal-ippakkjar. Jekk it-tikketta tindika intervall ta’ temperatura, il-kampjun għandu jinħażen fl-ogħla limitu tal-intervall tat-temperatura;

(b)

Jekk m’hemmx indikata l-ebda temperatura tal-ħżin speċifika fuq it-tikketta tal-ippakkjar, il-kampjun għandu jinżamm fi: (i) It-temperaturi tat-tkessiħ massimi definiti mil-leġiżlazzjoni jew il-gwida fis-seħħ fl-Istat Membru fejn jinġabar il-kampjun, b’tolleranza ta’ ± 2 °C. (ii) 8 °C (± 2 °C) fejn tali leġiżlazzjoni jew gwida ma teżistix.

Jekk il-ħajja fuq l-ixkaffa tal-prodott fil-kampjun tispiċċa matul il-weekend jew vaganza nazzjonali, il-kampjun għandu jkun analizzat fl-aħħar jum tax-xogħol qabel tmiem il-ħajja fuq l-ixkaffa.

1.2.   Regoli speċjali li jikkonċernaw il-ħut affumikat u gravad

Wieħed miż-żewġ kampjuni huwa analizzat f’24 siegħa mill-ħin tal-wasla fil-laboratorju. Jekk dak il-kampjun ma jkunx analizzat immedjatament mal-wasla, għandu jinżamm fil-friġġ f’3 °C (± 2 °C) fil-laboratorju qabel l-analiżi.

It-tieni kampjun għandu jinżamm fil-friġġ sa tmiem ħajtu fuq l-ixkaffa.

2.   Il-preparazzjoni tal-kampjun u l-preparazzjoni ta’ sospensjoni inizjali

Għandha tkun evitata kontaminazzjoni minn kampjun għall-ieħor u mill-ambjent tal-madwar fl-istadji kollha. Il-kampjuni jintremew hekk kif l-analiżi tal-laboratorji jinbdew. Jekk l-analiżi titwaqqaf, pereżempju minħabba ħafna devjazzjonijiet mhux aċċettabbli fl-analiżi, għandhom jinkisbu kampjuni ġodda.

Jew il-prodott kollu, jew porzjon rappreżentattiv tat-test ta’ 100 jew 150 g għandu jittieħed għad-dilwizzjoni inizjali. L-ikel għandu jiddaħħal fil-kampjun biex jinkludi uċuħ li jirriflettu l-proporzjon li se jkun kkonsmat (bħalma hija 20 % qoxra/wiċċ u 80 % ġewwieni). Meta prodott ippakkjat jitqatta’ fi flieli, il-kampjun rispettiv jittieħed minn aktar minn qatgħa waħda tal-prodott. Il-porzjon tat-test għandu jinqata’ f’biċċiet żgħar u mqiegħed f’borża tal-istomacher filwaqt li jintuża strument sterili u teknika asettika. Minn dik it-taħlita, għandu jittieħed porzjon tat-test ta’ 10 g għall-enumerazzjoni u porzjon tat-test ta’ 25 g għad-detezzjoni.

Mal-volum tal-porzjon tat-test (10 g), jiżdiedu 9 volumi (90 ml) tad-dilwent u wara t-taħlita tiġi omogenizzata bl-użu tal-istomacher jew pulsifier għal minuta jew tnejn.

Buffered peptone water, kif deskritt f’EN ISO 11290-2 ‘Microbiology of food and animal feeding stuffs – Horizontal method for detection and enumeration of Listeria monocytogenes - Part 2: Colony-count technique’, jista’ jiġi applikat bħala dilwent għall-użu ġenerali.

Għad-dilwizzjoni tal-ġobon, għandha tintuża soluzzjoni taċ-ċitrat tas-sodju, kif deskritt f’EN ISO 6887-5 “Microbiology of food and animal feeding stuffs – Preparation of test samples, initial suspension and decimal dilutions for microbiological examination – Part 5: Regoli speċifiċ għall-preparazzjoni tal-ħalib u l-prodotti” tal-ħalib jistgħu jintużaw minflok il-buffered peptone water.

Id-detezzjoni u l-analiżi tal-enumerazzjoni tal-Listeria monocytogenes għandhom jitwettqu skont dawn li ġejjin:

(a)	għall-kampjuni tal-ħut affumikat u gravad żewġ għandhom jitwettqu settijiet ta’ analiżi: (i) immedjatament wara l-ġbir tal-kampjun fil-livell tal-bejgħ bl-imnut u (ii) fi tmiem il-ħajja fuq l-ixkaffa;

(b)	għall-kampjuni tal-ġobon artab u nofsu artab u l-prodotti tal-laħam ittrattati bis-sħana, l-analiżi għandhom jitwettqu fi tmiem il-ħajja fuq l-ixkaffa.

2.1.   Id-detezzjoni tal-Listeria monocytogenes

Id-detezzjoni tal-Listeria monocytogenes għandha titwettaq skont il-verżjoni emendata tal-EN ISO 11290-1:1996 “Microbiology of food and animal feeding stuffs – Horizontal method for the detection and enumeration of Listeria monocytogenes – Part 1: Detection method”.

2.2.   L-enumerazzjoni tal-Listeria monocytogenes

L-enumerazzjoni tal-Listeria monocytogenes għandha titwettaq skont l-EN ISO 11290-2:1998 “Microbiology of food and animal feeding stuffs – Horizontal method for the detection and enumeration of Listeria monocytogenes – Part 2: Enumeration method” u l-modifika tagħha EN ISO 11290-2:1998/Amd 1:2004 “Modification of the enumeration medium”.

Jekk il-kampjun jinstab li jkun ikkontaminat, wieħed jista’ jassumi li l-maġġoranza tal-prodotti se jkun fihom livelli baxxi ta’ kontaminazzjoni tal-Listeria monocytogenes. Biex tkun possibbli l-istima ta’ numri żgħar fil-kampjuni (bejn l-10 u l-100 cfu/g), għandu jiġi ttestjat 1 ml mill-ewwel dilwizzjoni f’darbtejn kif indikat fl-EN ISO 11290-2:1998/Amd 1:2004:

(a)	ferrex fuq il-wiċċ ta’ tliet platti ta’ dijametru ta’ 90 mm, jew

(b)	ferrex fuq il-wiċċ ta’ platt wieħed ta’ dijametru ta’ 140 mm.

Minħabba l-possibbiltà ta’ livelli ogħla ta’ kontaminazzjoni tal-Listeria monocytogenes, għandu jitferrex 0.1 ml tad-dilwizzjoni primarja fuq il-wiċċ ta’ platt wieħed biex ikun hemm enumerazzjoni sa massimu ta’ 1.5 × 104 cfu/g. Dan ix-xogħol fuq il-platt għandu jitwettaq f’singlu kif previst fl-ISO 7218:2007 “Microbiology of food and animal feeding stuffs — General requirements and guidance for microbiological examinations”.

3.   L-analiżi tal-pH u tal-attività tal-ilma (aw) tal-ħut affumikat u gravad

3.1.   Determinazzjoni tal-pH

Id-determinazzjoni tal-pH tal-kampjun għandha titwettaq skont l-EN ISO 2917:1999 “Meat and meat products – Measurement of pH – Reference method”.

L-analiżi għandha titwettaq fuq kampjun ittestjat mal-wasla fil-laboratorju. It-teknika mhux distruttiva elenkata fil-metodu ISO hija rrakkomandata għall-kejl tal-pH tal-kampjun.

Ir-riżultat għandu jiġi rreġistrat sal-eqreb 0,05 unità tal-pH.

3.2.   Determinazzjoni tal-attività tal-ilma (aw)

Id-determinazzjoni tal-attività tal-ilma (aw) tal-kampjun għandha titwettaq skont l-EN ISO 21807:2004 “Microbiology of food and animal feeding stuffs – Determination of water activity”.

L-analiżi għandha titwettaq fuq kampjun ittestjat mal-wasla fil-laboratorju. Il-metodu għandu jkun kapaċi jopera fil-firxa ta’ 0,999 sa 0,9000 u l-limitu ta’ repetizzjoni għandu jikkorrispondi mad-devjazzjoni standard ta’ 0,002.

Il-valur irrapurtat għandu jkollu millinaqas żewġ ċifri sinifikanti.

4.   Ħażna ta’ iżolati

Għandha tinħażen razza waħda kkonfermata tal-Listeria monocytogenes għal kull kampjun pożittiv għal aktar studji tipiċi possibbli. Jekk jinġabru razez tal-Listeria monocytogenes kemm mill-metodu tad-detezzjoni kif ukoll mill-enumerazzjoni, għandhom jinħażnu biss l-iżolati mill-metodu tal-enumerazzjoni.

L-iżolati għandhom jinħażnu fil-laboratorji nazzjonali ta’ referenza bl-użu tal-metodu xieraq għall-ġbir tal-kultura sakemm dan jiżgura l-vijabilità tar-razez għal minimu ta’ sentejn.

PARTI D

RAPPURTAR

1.   Dispożizzjonijiet Ġenerali

L-informazzjoni li trid tkun irrapurtata mill-Istati Membri, sakemm hija disponibbli jew aċċessibbli, tikkonsisti f’żewġ kategoriji wesgħin:

(a)	ħarsa ġenerali tal-programm ta’ monitoraġġ ikkoordinat u r-riżultati; il-ħarsa ġenerali għadha tieħu l-forma ta’ rakkont testwali;

(b)	Dejta dettaljata individwali għal kull kampjun ittestjat bħala parti mill-pjan tat-teħid tal-kampjun; Din l-informazzjoni għandha tkun ippreżentata bħala dejta raffa billi jintuża d-Dizzjunarju tad-Dejta u l-formoli tal-ġbir tad-dejta previsti fl-Artikolu 5(2).

2.   L-Informazzjoni li trid tiddaħħal fil-ħarsa ġenerali tal-programm ikkoordinat ta’ monitoraġġ u r-riżultati

(a)	L-isem tal-Istat Membru;

(b)	Id-data tal-bidu u tat-tmiem tat-teħid tal-kampjuni u l-analiżi;

(c)	In-numru ta’ kampjuni ta’ ikel lest biex jittiekel miġbura u analizzati mill-istabbilimenti tal-bejgħ bl-imnut. (i) ġobon artab u nofsu-artab, (ii) ħut ippakkjat affumikat u gravad, (iii) prodotti tal-laħam ittrattati bis-sħana;

(d)	Ir-riżultati globali: il-prevalenza u l-proporzjon tal-kampjuni li jaqbżu l-limitu ta’ 100 cfu/g tal-Listeria monocytogenes fil-ġobon artab jew nofsu artab, il-ħut affumikat u gravad kif ukoll il-prodotti tal-laħam ittrattati bis-sħana koperti mill-programm ta’ monitoraġġ ikkoordinat.

(e)

Id-deskrizzjoni tas-swieq tal-ġobon artab u nofsu artab, il-ħut affumikat jew gravad kif ukoll l-prodotti ttrattati bis-sħana fl-Istat Membru: (i) daqs tas-suq assolut globali (jekk disponibbli), (ii) is-sehem mis-suq tat-tipi differenti tal-istabbilimenti tal-bejgħ bl-imnut, ħwienet żgħar, speciality delis, swieq tat-triq (jekk disponibbli), (iii) is-sehem mis-suq tal-importazzjoni (il-kummerċ fl-Unjoni u importazzjonijiet minn pajjiżi terzi u produzzjoni domestika (jekk disponibbli), (iv) is-sehem mis-suq tat-tipi differenti ta’ prodotti (jekk disponibbli);

(f)	Stabbilimenti tal-bejgħ bl-imnut fil-kampjun: tip tal-kategoriji ta’ stabbilimenti koperti: eż. supermarkets, ħwienet żgħar eċċ.;

(g)	Distribuzzjoni ġeografika tat-teħid tal-kampjuni – bliet koperti (% tal-popolazzjoni umana koperta);

(h)	Deskrizzjoni tal-proċedura tal-kampjuni magħżula bl-addoċċ għall-bejgħ bl-imnut: l-għażla bl-addoċċ tax-xahar;

(i)	Kumment dwar ir-rappreżentanza globali tal-programm tat-teħid tal-kampjuni;

(j)	Preparazzjoni tal-kampjun tat-test użat għall-kejl tal-pH;

(k)	Il-metodu analitiku użat għad-determinazzjoni tal-attività tal-ilma (aw).

3.   L-Informazzjoni li trid tkun inkluża fid-dejta dettaljata individwali għal kull kampjun

(a)	Tip ta’ kampjun: (i) ġobon artab u nofsu artab ippakkjat, (ii) ħut ippakkjat affumikat u gravad, (iii) prodotti tal-laħam ittrattati bis-sħana;

(b)

Sottotip tal-kampjun: (i) ġobon magħmul minn ħalib nej/termizzat/pastorizzat, (ii) ġobon magħmul minn ħalib imħallat tal-baqra/tan-nagħaġ/tal-mogħoż/tal-buflu, (iii) ġobon misjur bix-xaħam tiegħu stess, misjur bil-moffa, immaturat fis-salmura jew misjur ieħor, (iv) prodotti imqattgħin fi flieli jew mhux imqattgħin, (v) ħut affumikat jew gravad kiesaħ/sħun, (vi) l-ispeċi tal-ħut;

(c)	Preservattivi użati fil-ħut affumikat jew gravad (kif indikat fuq it-tikketta);

(d)	Il-qoxra tal-ġobon inkluża fl-analiżi tal-kampjun (iva/le, jekk iva allura l-proporzjon ukoll, jekk disponibbli);

(e)	Data tal-ġabra tal-kampjuni;

(f)	Id-data ta’ skadenza tal-prodott użat għall-kampjun;

(g)	Produzzjoni/id-data tal-ippakkjar (jekk disponibbli);

(h)	It-temperatura tal-wiċċ tal-kampjun fl-istabbiliment tal-bejgħ bl-imnut;

(i)	It-temperatura tal-ħżin fil-laboratorju sa tmiem il-ħajja fuq l-ixkaffa;

(j)	L-analiżi immedjatament wara t-teħid tal-kampjun (għall-ħut affumikat jew gravad biss)/tmiem il-ħajja fuq l-ixkaffa;

(k)	Id-data tal-bidu tal-analiżi fil-laboratorju;

(l)	Id-detezzjoni tal-Listeria monocytogenes: riżultati kwalitattivi (assenza/presenza f25 g);

(m)	Il-kwantifikazzjoni tal-Listeria monocytogenes: ir-riżultati kwantitattivi (cfu/g);

(n)	pH (ħut affumikat u gravad biss);

(o)	L-attività tal-ilma (aw) (ħut affumikat u gravad biss);

(p)	Kodiċi tal-belt;

(q)	Kodiċi tal-istabbiliment;

(r)	Tip ta’ bejjiegħ bl-imnut: (i) supermarket, (ii) ħanut żgħir/bejjiegħ bl-imnut indipendenti, (iii) speciality delis, (iv) suq tat-triq/suq tal-bdiewa;

(s)	Pajjiż tal-produzzjoni: kif aċċertat b’referenza tal-marka ta’ identifikazzjoni fuq l-pakkett u d-dokumentazzjoni kummerċjali;

(t)	Pre-ippakkjat: (i) ippakkjat f’atmosfera modifikata, (ii) ippakkjat bil-vakum, (iii) ippakkjat fil-livell tal-bejgħ bl-imnut (għall-ġobon u l-prodotti tal-laħam biss);

(u)	Il-kwalità organolettika tal-kampjun.

ANNESS II

Numru ta’ kampjuni li għandhom jittieħdu għal kull kategorija ta’ ikel lest biex jittiekel fl-Istati Membri

(imsemmija fl-Artikolu 4(5))

Stat Membru	Popolazzjoni fl-1.1.2008 (dejta tal-Eurostat)		Daqs tal-kampjun stratifikat armonizzat
	N (Miljun)	%	Għal kull kategorija tal-ikel u stadju tal-analiżi (*1)	Daqs totali tal-kampjun
Il-Belġju - BE	10,7	2,1	60	240
Il-Bulgarija – BG	7,6	1,5	60	240
Ir-Repubblika Ċeka – CZ	10,4	2,1	60	240
Id-Danimarka – DK	5,576	1,1	60	240
Il-Ġermanja – DE	82,2	16,5	400	1 600
L-Estonja – EE	1,3	0,3	30	120
L-Irlanda – IE	4,4	0,9	30	120
Il-Greċja – EL	11,2	2,3	60	240
Spanja – ES	45,3	9,1	200	800
Franza – FR	63,8	12,8	400	1 600
L-Italja – IT	59,6	12,0	400	1 600
Ċipru – CY	0,8	0,2	30	120
Il-Latvja – LV	2,3	0,5	30	120
Il-Litwanja – LT	3,4	0,7	30	120
Il-Lussemburgu – LU	0,5	0,1	30	120
L-Ungerija – HU	10,0	2,0	60	240
Malta – MT	0,4	0,1	30	120
Il-Pajjiżi l-Baxxi – NL	16,4	3,3	60	240
L-Awstrija – AT	8,3	1,7	60	240
Il-Polonja – PL	38,1	7,7	200	800
Il-Portugall – PT	10,6	2,1	60	240
Ir-Rumanija – RO	21,5	4,3	60	240
Is-Slovenja – SI	2,0	0,4	30	120
Is-Slovakkja – SK	5,4	1,1	60	240
Il-Finlandja – FI	5,3	1,1	60	240
L-Isvezja – SE	9,2	1,8	60	240
Ir-Renju Unit – UK	61,2	12,3	400	1 600
Total UE	497,5	100,0	3 020	12 080

---

(*1)  Għall-ħut affumikat u gravad: żewġ kampjuni jinġabru mill-istess konsenja. Wieħed minn dawn iż-żewġ kampjuni ikunu analizzati fil-jum li jkunu wasal fil-laboratorju u l-ieħor fit-tmiem tal-ħajja fuq l-ixkaffa. (ara l-punt 1.2 tal-Parti C tal-Anness I)

ANNESS III

Kontribuzzjoni finanzjarja massima mill-Unjoni lill-Istati Membri

(f’EUR)
Stat Membru	Ammont totali massimu għal kofinanzjament ta’
	Detezzjoni tal-Listeria mono- cytogenes	Enumerazzjoni tal-Listeria mono- cytogenes	pH	Attività tal-ilma	Total
Il-Belġju - BE	14 400	14 400	900	1 200	30 900
Il-Bulgarija – BG	14 400	14 400	900	1 200	30 900
Ir-Repubblika Ċeka – CZ	14 400	14 400	900	1 200	30 900
Id-Danimarka – DK	14 400	14 400	900	1 200	30 900
Il-Ġermanja – DE	96 000	96 000	6 000	8 000	206 000
L-Estonja – EE	7 200	7 200	450	600	15 450
L-Irlanda – IE	7 200	7 200	450	600	15 450
Il-Greċja – EL	14 400	14 400	900	1 200	30 900
Spanja – ES	48 000	48 000	3 000	4 000	103 000
Franza – FR	96 000	96 000	6 000	8 000	206 000
L-Italja – IT	96 000	96 000	6 000	8 000	206 000
Ċipru – CY	7 200	7 200	450	600	15 450
Il-Latvja – LV	7 200	7 200	450	600	15 450
Il-Litwanja – LT	7 200	7 200	450	600	15 450
Il-Lussemburgu – LU	7 200	7 200	450	600	15 450
L-Ungerija – HU	14 400	14 400	900	1 200	30 900
Malta – MT	7 200	7 200	450	600	15 450
Il-Pajjiżi l-Baxxi – NL	14 400	14 400	900	1 200	30 900
L-Awstrija – AT	14 400	14 400	900	1 200	30 900
Il-Polonja – PL	48 000	48 000	3 000	4 000	103 000
Il-Portugall – PT	14 400	14 400	900	1 200	30 900
Ir-Rumanija – RO	14 400	14 400	900	1 200	30 900
Is-Slovenja – SI	7 200	7 200	450	600	15 450
Is-Slovakkja – SK	14 400	14 400	900	1 200	30 900
Il-Finlandja – FI	14 400	14 400	900	1 200	30 900
L-Isvezja – SE	14 400	14 400	900	1 200	30 900
Ir-Renju Unit – UK	96 000	96 000	6 000	8 000	206 000
Total UE	724 800	724 800	45 300	60 400	1 555 300

ANNESS IV

Rapport finanzjarju ċċertifikat dwar l-implimentazzjoni ta’ programm ta’ monitoraġġ ikkoordinat tal-Listeria monocytogenes f’kategoriji magħżulin tal-ikel lest biex jittiekel

Perjodu tar-rapport … sa …

Dikjarazzjoni fuq l-ispejjez imġarrba fil-programm ta’ monitoraġġ ikkoordinat u eliġibbli għall-kontribuzzjoni finanzjarju mill-Unjoni

In-numru tar-referenza tad-Deċiżjoni tal-Kummissjoni li tipprovdi l-kontribuzzjoni finanzjarja mill-Unjoni: …

Spejjeż imġarrba marbuta ma’	Għadd ta’ testijiet	Total ta’ spejjeż imġarrba matul il-perjodu tar-rappurtar (munita nazzjonali)	Total ta’ spejjeż eliġibbli għal kontribuzzjoni finanzjarja mill-Unjoni
Detezzjoni tal-Listeria monocytogenes
Enumerazzjoni tal-Listeria monocytogenes
Determinazzjoni tal-pH
Attività tal-ilma (aw)

Dikjarazzjoni mill-benefiċjarju

Jiena niddikjara li

—	l-ispejjeż tal-Kummissjoni ta’ hawn fuq huma ġenwini u ntefqu għat-twettiq tal-kompiti stipulati f’din id-Deċiżjoni 2010/678/UE u kienu essenzjali għat-twettiq xieraq ta’ dawn il-kompiti,

—	id-dokumenti kollha li jsostnu dawn l-ispejjeż huma disponibbli għal skopijiet ta’ verifika,

—	l-ebda kontribuzzjoni oħra mill-Unjoni ma ntalbet għal dan il-programm ta’ monitoraġġ ikkoordinat,

—	Skont l-Artikolu 109.2 tar-Regolament Finanzjarju applikabbli għall-baġit ġenerali tal-Komunitajiet Ewropej (ir-Regolament tal-Kunsill (KE, Euratom) Nru 1605/2002), din l-għotja ma ġġeneratx profitt għall-Istat Membru.

Data: …

Persuna responsabbli għall-finanzi: …

Firma: …