10.11.2010 |
MT |
Il-Ġurnal Uffiċjali tal-Unjoni Ewropea |
L 292/39 |
DEĊIŻJONI TAL-KUNSILL 2010/677/PESK
tat-8 ta’ Novembru 2010
li tħassar il-Pożizzjoni Komuni 98/409/PESK li jikkonċerna s-Sierra Leone
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Billi:
(1) |
Fid-29 ta’ Ġunju 1998, il-Kunsill adotta l-Pożizzjoni Komuni 98/409/PESK li jikkonċerna s-Sierra Leone (1) sabiex jimplimenta l-miżuri imposti mir-Riżoluzzjoni tal-Kunsill tas-Sigurtà tan-Nazzjonijiet Uniti (minn hawn ’il quddiem ‘UNSCR’) 1171(1998). |
(2) |
Fit-28 ta’ Jannar 2008, il-Kunsill adotta l-Pożizzjoni Komuni 2008/81/PESK li temenda l-Pożizzjoni Komuni 98/409/PESK (2) sabiex jimplimenta l-miżuri imposti minn UNSCR 1793(2007) fejn ippreveda eżenzjoni għall-miżuri imposti mill-paragrafu 5 tal-UNSCR 1171(1998). |
(3) |
Fid-29 ta’ Settembru 2010, il-Kunsill tas-Sigurtà tan-Nazzjonijiet Uniti adotta l-UNSCR 1940(2010) li tħassar l-UNSCR 1171(1998). |
(4) |
Għalhekk il-Pożizzjoni Komuni 98/409/PESK għandha titħassar, |
ADOTTA DIN ID-DEĊIŻJONI:
Artikolu 1
Il-Pożizzjoni Komuni 98/409/PESK hija b’dan imħassra.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-8 ta’ Novembru 2010.
Għall-Kunsill
Il-President
M. WATHELET
(2) ĠU L 24, 29.1.2008, p. 54.