dwar l-importazzjonijiet ta' semen, ova u embrijuni ta' annimali tal-ispeċi ovina u kaprina fl-Unjoni
(notifikata bid-dokument numru C(2010) 5780)
(Test b’relevanza għaż-ŻEE)
(2010/472/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 92/65/KEE tat-13 ta’ Lulju 1992 li tistabbilixxi l-ħtiġijiet dwar saħħa tal-annimali li jirregolaw il-kummerċ ta’, u l-importazzjoni fil-Komunità ta’ annimali, semen, ova u embrijuni mhux suġġetti għal ħtiġijiet ta’ saħħa tal-annimali meħtieġa f’regoli speċifiċi tal-Komunità li hemm referenza għalihom fl-Anness A(I) tad-Direttiva 90/425/KEE (1), u b’mod partikolari fl-Artikolu 17(2)(b), l-Artikolu 17(3), l-ewwel inċiż tal-Artikolu 18(1), u l-frażi introduttorja u l-punt (b) tal-Artikolu 19 tagħha,
Billi:
(1)
Id-Direttiva 95/65/KEE tistabbilixxi l-kundizzjonijiet tas-saħħa tal-annimali li jirregolaw l-importazzjonijiet fl-Unjoni ta' semen, ova u embrijuni ta' annimali tal-ispeċi ovina u kaprina (“il-prodotti”). Skont din id-Direttiva, jistgħu jiġu importati fl-Unjoni biss il-prodotti li ġejjin minn pajjiż terz inkluż fil-lista ta' pajjiżi terzi mfassla skont dik id-Direttiva u akkumpanjati b'ċertifikat tas-saħħa li jikkorrispondi għall-mudell imfassal skont dik id-Direttiva. Iċ-ċertifikat tas-saħħa għandu jiċċertifika li l-prodotti ġejjin minn ċentri approvati ta' ġbir u ħażna u timijiet ta' ġbir u produzzjoni li joffru garanziji tal-inqas ekwivalenti għal dawk stabbiliti fl-Anness D(I) ta' dik id-Direttiva.
(2)
Id-Deċiżjoni tal-Kummissjoni 2008/635/KE tat-22 ta' Lulju 2008 dwar importazzjonijiet ta’ semen, ova u embrijuni tal-ispeċi ovini u kaprini fil-Komunità fir-rigward ta’ listi ta’ pajjiżi terzi u ta’ ċentri tal-ġbir tas-semen u timijiet tal-ġbir tal-embrijuni, u rekwiżiti ta’ ċertifikazzjoni (2), bħalissa tistabbilixxi lista ta' pajjiżi terzi li minnhom l-Istati Membri jridu jawtorizzaw l-importazzjonijiet tal-prodotti.
(3)
Id-Direttiva 92/65/KEE, kif emendata mid-Direttiva tal-Kunsill 2008/73/KE (3), introduċiet proċedura simplifikata għall-elenkar taċ-ċentri tal-ġbir u l-ħażna tas-semen u t-timijiet tal-ġbir u l-produzzjoni tal-embrijuni f'pajjiżi terzi, approvati għall-importazzjonijiet tal-prodotti fl-Unjoni.
(4)
Barra minn hekk, l-Anness D tad-Direttiva 92/65/KEE, kif emendata mir-Regolament tal-Kummissjoni (UE) Nru 176/2010 (4), jistabbilixxi ċerti rekwiżiti ġodda għall-prodotti li għandhom japplikaw mill-1 ta' Settembru 2010. Dan jintroduċi regoli dwar iċ-ċentri ta' ħażna tas-semen u kundizzjonijiet dettaljati għall-approvazzjoni u s-sorveljanza tagħhom. Hu jistabbilixxi wkoll kundizzjonijiet dettaljati għall-approvazzjoni u s-sorveljanza tat-timijiet ta' ġbir u produzzjoni tal-embrijuni, għall-ġbir u l-ipproċessar ta' embrijuni derivati in vivo u l-produzzjoni u l-ipproċessar ta' embrijuni fertilizzati in vitro u embrijuni mikromanipulati. Hu jemenda wkoll il-kundizzjonijiet li jridu jiġu applikati għall-annimali donaturi tas-semen, l-ova u l-embrijuni ta' annimali tal-ispeċi ovina u kaprina.
(5)
Skont dan, jinħtieġ li jiġu stabbiliti ċertifikati tas-saħħa ġodda għall-importazzjoni fl-Unjoni tal-prodotti, filwaqt li jitqiesu l-emendi li saru fid-Direttiva 92/65/KEE mid-Direttiva 2008/73/KE u r-Regolament (UE) Nru 176/2010.
(6)
Barra minn hekk, hu xieraq li kunsinji tal-prodotti importati fl-Unjoni mill-Isvizzera jkunu akkumpanjati minn ċertifikat tas-saħħa mfassal skont il-mudelli użati għall-kummerċ fl-Unjoni fis-semen, l-ova u l-embrijuni ta' annimali tal-ispeċi ovina u kaprina stipulati fid-Deċiżjoni tal-Kummissjoni 2010/470/UE tas-26 ta’ Awwissu 2010 li tistabbilixxi mudelli taċ-ċertifikati tas-saħħa tal-ispeċi ekwina, ovina u kaprina u fl-ova u fl-embrijuni ta' annimali tal-ispeċi porċina (5), bl-addattamenti stipulati fil-punt 7 tal-Kapitolu IX(B) tal-Appendiċi 2 tal-Anness 11 tal-Ftehim bejn il-Komunità Ewropea u l-Konfederazzjoni Svizzera dwar il-kummerċ fil-Prodotti Agrikoli, kif approvat bid-Deċiżjoni 2002/309/KE, Euratom tal-Kunsill, u tal-Kummissjoni fir-rigward tal-Ftehim dwar il-Kooperazzjoni Xjentifika u Teknoloġika tal-4 ta' April 2002 dwar il-konklużjoni ta' seba' Ftehimiet mal-Konfederazzjoni Svizzera (6).
(7)
Fl-applikazzjoni ta’ din id-Deċiżjoni, għandhom jitqiesu r-rekwiżiti taċ-ċertifikazzjoni speċifiċi u tal-attestazzjonijiet tal-mudell tas-saħħa li jistgħu jiġu stabbiliti skont il-Ftehim bejn il-Komunità Ewropea u l-Gvern tal-Kanada dwar miżuri sanitarji biex titħares is-saħħa pubblika u tal-annimali fir-rigward tal-kummerċ fl-annimali ħajjin u l-prodotti tal-annimali (7), kif approvat mid-Deċiżjoni tal-Kunsill 1999/201/KE (8).
(8)
Fl-applikazzjoni ta’ din id-Deċiżjoni, għandhom jitqiesu wkoll ir-rekwiżiti taċ-ċertifikazzjoni speċifiċi u tal-attestazzjonijiet tal-mudell tas-saħħa li jistgħu jiġu stabbiliti skont il-Ftehim bejn il-Komunità Ewropea u n-New Zealand dwar miżuri sanitarji applikabbli għall-kummerċ fl-annimali ħajjin u l-prodotti tal-annimali (9), kif approvat mid-Deċiżjoni tal-Kunsill 97/132/KE (10).
(9)
Fl-interess taċ-ċarezza u l-konsistenza tal-leġiżlazzjoni tal-Unjoni, id-Deċiżjoni 2008/635/KE għandha tiġi rrevokata u sostitwita minn din id-Deċiżjoni.
(10)
Sabiex jiġi evitat kull tip ta' tħarbit fil-kummerċ, l-użu ta' ċertifikati tas-saħħa maħruġa skont id-Deċiżjoni 2008/635/KE għandu jkun awtorizzat matul perjodu tranżitorju, suġġett għal ċerti kundizzjonijiet.
(11)
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,
ADOTTAT DIN ID-DEĊIŻJONI:
Artikolu 1
Suġġett
Din id-Deċiżjoni tistabbilixxi lista ta' pajjiżi terzi jew partijiet mit-territorju tagħhom li minnhom l-Istati Membri għandhom jawtorizzaw l-importazzjoni fl-Unjoni ta' kunsinji ta' semen, ova u embrijuni ta' annimali tal-ispeċi ovina u kaprina.
Din tistabbilixxi rekwiżiti ta' ċertifikazzjoni għall-importazzjoni ta' dawk il-prodotti fl-Unjoni.
Artikolu 2
Importazzjonijiet tas-semen
L-Istati Membri għandhom jawtorizzaw l-importazzjonijiet ta' kunsinji ta' semen ta' annimali tal-ispeċi ovina u kaprina sakemm dawn jikkonformaw mal-kundizzjonijiet li ġejjin:
(a)
ikunu ġejjin minn pajjiż terz jew partijiet mit-territorju tiegħu elenkat fl-Anness I;
(b)
ikunu ġejjin minn ċentru ta' ġbir jew ħażna tas-semen approvat elenkat skont l-Artikolu 17(3)(b) tad-Direttiva 92/65/KEE;
(c)
ikunu akkumpanjati minn ċertifikat tas-saħħa mfassal skont il-mudelli taċ-ċertifikati tas-saħħa li ġejjin, stipulati fil-Parti 2 tal-Anness II, u mimli skont in-noti ta' spjegazzjoni stipulati fil-Parti 1 ta' dak l-Anness:
(i)
mudell 1 kif stabbilit fit-Taqsima A, għall-kunsinji ta' semen mibgħuta minn ċentru ta' ġbir tas-semen approvat tal-oriġini tas-semen;
(ii)
mudell 2 kif stabbilit fit-Taqsima B, għall-kunsinji ta' semen mibgħuta minn ċentru ta' ħażna tas-semen approvat.
Madankollu, fejn hemm stabbiliti rekwiżiti ta' ċertifikazzjoni speċifiċi fi ftehimiet bilaterali bejn l-Unjoni u l-pajjiżi terzi, dawk ir-rekwiżiti għandhom japplikaw.
(d)
ikunu konformi mar-rekwiżiti stabbiliti fiċ-ċertifikati tas-saħħa msemmija fil-punt (c).
Artikolu 3
Importazzjonijiet tal-ova u l-embrijuni
L-Istati Membri għandhom jawtorizzaw l-importazzjonijiet ta' kunsinji ta' ova u embrijuni ta' annimali tal-ispeċi ovina u kaprina sakemm dawn jikkonformaw mal-kundizzjonijiet li ġejjin:
(a)
ikunu ġejjin minn pajjiż terz jew partijiet mit-territorju tiegħu elenkat fl-Anness III;
(b)
ikunu ġejjin minn tim ta' ġbir jew produzzjoni ta' embrijuni approvat skont l-Artikolu 17(3)(b) tad-Direttiva 92/65/KEE;
(c)
ikunu akkumpanjati minn ċertifikat tas-saħħa mfassal skont il-mudell stipulat fil-Parti 2 tal-Anness IV, u mimli skont in-noti ta' spjegazzjoni stipulati fil-Parti 1 ta' dak l-Anness.
Madankollu, fejn hemm stabbiliti rekwiżiti ta' ċertifikazzjoni speċifiċi fi ftehimiet bilaterali bejn l-Unjoni u l-pajjiżi terzi, dawk ir-rekwiżiti għandhom japplikaw.
(d)
ikunu konformi mar-rekwiżiti stabbiliti fiċ-ċertifikat tas-saħħa msemmija fil-punt (c).
Artikolu 4
Kundizzjonijiet ġenerali dwar it-trasport ta' kunsinji ta' semen, ova u embrijuni lejn l-Unjoni
1. Il-kunsinji ta' semen, ova u embrijuni ta' annimali tal-ispeċi ovina u kaprina, ma għandhomx jiġu trasportati fl-istess kontenitur bħal kunsinji oħra ta' semen, ova u embrijuni li:
(a)
mhumiex maħsuba għad-dħul fl-Unjoni, jew
(b)
huma ta’ status ta' saħħa inferjuri.
2. Waqt it-trasport lejn l-Unjoni Ewropea, il-kunsinji ta' semen, ova u embrijuni għandhom jitpoġġew f'kontenituri magħluqa u ssiġillati u s-siġill ma għandux jinkiser waqt it-trasport.
Artikolu 5
Revoka
Id-Deċiżjoni 2008/635/KE hija revokata.
Artikolu 6
Dispożizzjonijiet tranżitorji
Għal perjodu tranżitorju sal-31 ta' Awwissu 2011, l-Istati Membri għandhom jawtorizzaw l-importazzjonijiet minn pajjiżi terzi ta' stokkijiet tal-prodotti li ġejjin:
(a)
semen ta' annimali tal-ispeċi ovina u kaprina li nġabar, ġie pproċessat u maħżun skont id-Direttiva 92/65/KEE sal-31 ta' Awwissu 2010 u li hu akkumpanjat b'ċertifikat tas-saħħa maħruġ mhux aktar tard mill-31 ta' Mejju 2011 skont il-mudell stipulat fl-Anness II tad-Deċiżjoni 2008/635/KE.
(b)
ova u embrijuni ta' annimali tal-ispeċi ovina u kaprina li nġabru, ġew ipproċessati u maħżuna skont id-Direttiva 92/65/KEE sal-31 ta' Awwissu 2010 u li huma akkumpanjati b'ċertifikat tas-saħħa maħruġ mhux aktar tard mill-31 ta' Mejju 2011 skont il-mudell stipulat fl-Anness VI tad-Deċiżjoni 2008/635/KE.
Artikolu 7
Applikabbiltà
Din id-Deċiżjoni għandha tapplika mill-1 ta’ Settembru 2010.
Artikolu 8
Destinatarji
Din id-Deċiżjoni hija indirizzata lill-Istati Membri.
Lista ta’ pajjiżi terzi u partijiet mit-territorji tagħhom li minnhom l-Istati Membri jridu jawtorizzaw il-kunsinji tas-semen ta' annimali tal-ispeċi ovina u kaprina
Kodiċi ISO
Isem il-pajjiż terz
Rimarki
Deskrizzjoni tat-territorju
(jekk ikun il-każ)
Garanziji addizzjonali
AU
L-Awstralja
Il-garanziji addizzjonali fir-rigward tal-ittestjar stabbilit fil-punti II.4.9 u II.4.10 taċ-ċertifikat tas-saħħa stabbilit fit-Taqsima A tal-Parti 2 tal-Anness II huma obbligatorji.
CA
Il-Kanada
It-territorju kif deskritt fil-Parti 1 tal-Anness I tar-Regolament tal-Kummissjoni (UE) Nru 206/2010 (1).
Il-garanzija addizzjonali fir-rigward tal-ittestjar stabbilit fil-punti II.4.9 taċ-ċertifikat tas-saħħa stabbilit fit-Taqsima A tal-Parti 2 tal-Anness II hija obbligatorja.
(2) Ċertifikati skont il-Ftehim bejn il-Komunità Ewropea u l-Konfederazzjoni Svizzera dwar il-kummerċ fi prodotti agrikoli kif approvat mid-Deċiżjoni 2002/309/KE, Euratom tal-Kunsill, u tal-Kummissjoni fir-rigward tal-Ftehim dwar il-Kooperazzjoni Xjentifika u Teknoloġika tal-4 ta' April 2002 dwar il-konklużjoni ta' seba’ Ftehimiet mal-Federazzjoni Svizzera (ĠU L 114, 30.4.2002, p. 132).
ANNESS II
PARTI 1
Noti ta' spjegazzjoni dwar iċ-ċertifikazzjoni
(a)
Iċ-ċertifikati tas-saħħa għandhom jinħarġu mill-awtorità kompetenti tal-pajjiż terz esportatur, skont il-mudell stipulat fil-Parti 2 tal-Anness II.
Jekk l-Istat Membru destinatarju jitlob rekwiżiti taċ-ċertifikazzjoni addizzjonali, l-attestazzjonijiet li jiċċertifikaw li dawk ir-rekwiżiti huma sodisfatti għandhom jiġu inkorporati wkoll fil-formola oriġinali taċ-ċertifikat tas-saħħa.
(b)
L-oriġinali taċ-ċertifikat tas-saħħa għandu jkun magħmul minn folja waħda, jew, fejn ikun meħtieġ aktar test, għandu jkun f'tali forma li l-folji kollha meħtieġa jiffurmaw ċertifikat sħiħ integrat li ma jkunx diviżibbli.
(c)
Fejn il-mudell taċ-ċertifikat tas-saħħa jgħid li ċerti dikjarazzjonijiet għandhom jinżammu kif xieraq, dikjarazzjonijiet li ma jkunux rilevanti, jistgħu jinqatgħu u jitniżżlu l-inizjali u t-timbru mill-uffiċjal taċ-ċertifikazzjoni, jew jitħassru kompletament miċ-ċertifikat.
(d)
Iċ-ċertifikat ta' saħħa għandu jitħejja f’mill-inqas waħda mill-lingwi uffiċjali tal-Istat Membru tal-istazzjon ta' spezzjoni tal-fruntiera ta' introduzzjoni tal-kunsinja fl-Unjoni Ewropea u tal-Istat Membru ta' destinazzjoni. Madanakollu, dawk l-Istati Membri jistgħu jawtorizzaw li ċ-ċertifikat jitħejja bil-lingwa uffiċjali ta’ Stat Membru ieħor u jekk meħtieġ ikun akkumpanjat minn traduzzjoni uffiċjali.
(e)
Jekk għal raġunijiet ta’ identifikazzjoni tal-oġġetti tal-kunsinja (skeda fil-Kaxxa I.28 tal-mudell taċ-ċertifikat tas-saħħa), jiġu mehmuża folji addizzjonali maċ-ċertifikat tas-saħħa, dawn il-folji għandhom jitqiesu wkoll li jiffurmaw parti miċ-ċertifikat oriġinali tas-saħħa bl-applikazzjoni tal-firma u t-timbru tal-uffiċjal li jiċċertifika, fuq kull paġna.
(f)
Meta ċ-ċertifikat tas-saħħa, inklużi l-iskedi addizzjonali msemmija f'(e), ikun fih aktar minn paġna waħda, kull paġna għandha tkun innumerata (numru tal-paġna) ta' (numru totali ta' paġni), fil-qiegħ tal-paġna u għandu jkollu n-numru ta' ċertifikat ta' referenza li ngħata mill-awtorità kompetenti fuq nett tal-paġni.
(g)
Il-verżjoni oriġinali taċ-ċertifikat ta' saħħa għandha timtela u tiġi ffirmata minn veterinarju uffiċjali fl-aħħar jum tax-xogħol qabel issir it-tagħbija tal-kunsinja għall-esportazzjoni lejn l-Unjoni Ewropea. L-awtoritajiet kompetenti tal-pajjiż terz esportatur għandhom jiżguraw li r-rekwiżiti taċ-ċertifikazzjoni ekwivalenti għal dawk stipulati fid-Direttiva tal-Kunsill 96/93/KE (1) jiġu segwiti.
Il-lewn tal-firma u tat-timbru tal-veterinarju uffiċjali għandu jkun differenti minn dak tat-tipa stampata fuq iċ-ċertifikat tas-saħħa. L-istess regola tapplika għat-timbri minbarra dawk ibbuzzati jew bil-marka tal-ilma.
(h)
L-oriġinal taċ-ċertifikat tas-saħħa jrid jakkumpanja l-kunsinja sakemm tasal fl-istazzjon ta' spezzjoni fil-fruntiera ta' introduzzjoni fl-Unjoni Ewropea.
(i)
In-numru ta' ċertifikat ta' referenza msemmi fil-Kaxxa I.2 u l-Kaxxa II.a tal-mudell taċ-ċertifikat tas-saħħa għandu jinħareġ mill-awtorità kompetenti tal-pajjiż terz esportatur.
PARTI 2
Mudelli taċ-ċertifikati tas-saħħa għall-importazzjonijiet ta' kunsinji tas-semen ta' annimali tal-ispeċi ovina u kaprina
Taqsima A
MUDELL 1 –
Ċertifikat tas-saħħa għas-semen mibgħut minn ċentru ta' ġbir tas-semen approvat tal-oriġini tas-semen
Jien, il-veterinarju uffiċjali sottoskritt, b'dan niċċertifika li:
II.1. il-pajjiż esportatur …
(isem il-pajjiż esportatur) (2)
II.1.1. kien ħieles minn rinderpest, peste des petits ruminants, ġidri tan-nagħaġ u tal-mogħoż, plewropnewmonite tal-annimali kaprini li tittieħed u l-marda ta' Rift Valley matul it-12-il xahar eżatt qabel il-ġbir tas-semen għall-esportazzjoni u sad-data tad-dispaċċ tiegħu u ma sar l-ebda tilqim kontra dan il-mard matul dak il-perjodu;
II.1.2. kien ħieles mill-marda tal-ilsien u d-dwiefer matul it-12-il xahar eżatt qabel il-ġbir tas-semen għall-esportazzjoni u sad-data tad-dispaċċ tiegħu u ma sar l-ebda tilqim kontra din il-marda matul dak il-perjodu;
II.2. iċ-ċentru deskritt fil-Kaxxa I.11 u li fih inġabar u nħażen is-semen li jrid jiġi esportat:
II.2.1. jissodisfa l-kundizzjonijiet stabbiliti fil-Kapitolu I(I)(1) tal-Anness D tad-Direttiva 92/65/KEE;
II.2.2. jiġi operat u ssorveljat skont il-kundizzjonijiet stabbiliti fil-Kapitolu I(II)(1) tal-Anness D tad-Direttiva 92/65/KEE;
II.3. l-annimali ovini u kaprini (1) li hemm fiċ-ċentru ta' ġbir tas-semen:
II.3.1. qabel ma jinżammu fl-akkomodazzjoni ta' kwarantina deskritta fil-punt II.3.3.,
(1) (4) jew [II.3.1.1. joriġinaw mit-territorju deskritt fil-Kaxxa I.8, li ġie rikonoxxut bħala uffiċjalment ħieles mill-bruċellożi (B. melitensis) u]
(1) jew [II.3.1.1. kienu jappartjenu lil azjenda li kisbet u żammet l-istatus tagħha bħala uffiċjalment ħielsa mill-bruċellożi (B. melitensis) skont id-Direttiva 91/68/KEE u]
(1) jew [II.3.1.1. joriġinaw minn azjenda, fejn fir-rigward tal-bruċellożi (B. melitensis) l-annimali suxxettibbli kollha kienu ħielsa minn sinjali kliniċi jew kwalunkwe sinjal ta' din il-marda għall-aħħar 12-il xahar, l-ebda annimali ovini u kaprini ma tlaqqmu kontra din il-marda, ħlief dawk imlaqqma mit-tilqima Rev. 1 iktar minn sentejn ilu, u l-annimali ovini u kaprini kollha li għandhom iktar minn sitt xhur ġew suġġetti għal mill-inqas żewġ testijiet (3), li saru b'riżultati negattivi fuq kampjuni meħuda fi (data) u fi … (data) mill-inqas sitt xhur 'il bogħod minn xulxin, b'dawn tal-aħħar ikunu fi żmien 30 jum mid-dħul fl-akkomodazzjoni ta' kwarantina,]
u ma kinux inżammu preċedentement f'azjenda ta' status inferjuri;
II.3.1.2. inżammu kontinwament għal mill-inqas 60 jum f'azjenda fejn l-ebda każ ta' epididymitis li tittieħed (Brucella ovis) ma ġiet djanjostikata fl-aħħar 12-il xahar,
(1) u [annimali ovini li matul is-60 jum qabel ma nżammu fl-akkomodazzjoni ta' kwarantina deskritta fil-punt II.3.3. għaddew minn test ta' fissazzjoni komplementari, jew kwalunkwe test ieħor b'sensittività u speċifiċità dokumentati ekwivalenti, għad-detezzjoni ta' epididymitis li tittieħed b'riżultat ta' inqas minn 50 ICFTU/ml;]
II.3.1.3. sa fejn naf jien u skont id-dikjarazzjoni bil-miktub li saret mis-sid, mhumiex ġejjin minn azjendi, u ma ġewx f'kuntatt ma' annimali ta' azjenda, fejn instabet klinkament kwalunkwe waħda mill-mardiet li ġejjin fi żmien il-perjodi ddikjarati qabel ma nżammu fl-akkomodazzjoni ta' kwarantina deskritta fil-punt II.3.3.:
(a) agalactia tan-nagħaġ jew tal-mogħoż li tittieħed (Mycoplasma agalactiae, Mycoplasma capricolum, Mycoplasma mycoides var. mycoides “kolonja kbira”), fi żmien l-aħħar sitt xhur,
(b) il-paratuberkulożi u l-caseous lymphadenitis, fl-aħħar 12-il xahar,
(c) adenomatosi pulmonarja, fi żmien l-aħħar tliet snin; u
(1) jew [(d) Maedi/Visna għan-nagħaġ jew artrite virali kaprina/enċefalite għall-mogħoż, fi żmien l-aħħar tliet snin;]
(1) jew [(d) Maedi/Visna għan-nagħaġ jew artrite virali kaprina/enċefalite għall-mogħoż, fi żmien l-aħħar 12-il xahar, u l-annimali infettati kollha nqatlu u l-annimali li kien fadal sussegwentement irreaġixxew b'mod negattiv għal żewġ testijiet ta' mill-inqas sitt xhur 'il bogħod minn xulxin;!]
II.3.1.4. huma inklużi f’sistema uffiċjali għan-notifika tal-mard imsemmi fil-punt II.3.1.3.;
II.3.2. Ikunu għaddew mit-testijiet li ġejjin imwettqa fuq kampjun tad-demm miġbur fi żmien 28 jum qabel ma jibda l-perjodu ta' kwarantina speċifikat fil-punt II.3.3., b'riżultati negattivi f'kull każ, għajr it-test għall-marda Border imsemmija fit-tielet inċiż, għal:
bruċellożi (B. melitensis) skont l-Anness C tad-Direttiva 91/68/KEE;
epididymitis li tittieħed (B. ovis), fil-każ tan-nagħaġ biss, skont l-Anness D tad-Direttiva 91/68/KEE, jew kwalunkwe test ieħor b'sensittività u speċifiċità dokumentati ekwivalenti;
Il-marda Border skont il-punt 1.4(c) tal-Kapitolu II(II) tal-Anness D tad-Direttiva 92/65/KEE;
II.3.3. issodisfaw il-perjodu ta' iżolament ta' kwarantina ta' mill-inqas 28 jum u fi żmien dak il-perjodu, u mill-inqas 21 jum wara li ddaħħlu fl-akkomodazzjoni ta' kwarantina, speċifikament approvata għall-iskop mill-awtorità kompetenti, u fejn kienu preżenti biss annimali li kellhom mill-inqas l-istess status ta' saħħa, u:
bruċellożi (B. melitensis) skont l-Anness C tad-Direttiva 91/68/KEE;
epididymitis ovina (Brucella ovis), fil-każ tan-nagħaġ biss, skont l-Anness D tad-Direttiva 91/68/KEE, jew kwalunkwe test ieħor b'sensittività u speċifiċità dokumentati ekwivalenti;
II.3.3.2. għaddew minn testijiet, imwettqa mil-laboratorju approvat mill-awtorità kompetenti tal-pajjiż esportatur, għall-marda Border skont il-punt 1.6 tal-Kapitolu II(II) tal-Anness D tad-Direttiva 92/65/KEE;
II.3.4. għaddew mill-inqas darba fis-sena mit-testijiet ta' rutina b'riżultati negattivi għal:
bruċellożi (B. melitensis) skont l-Anness C tad-Direttiva 91/68/KEE;
epididymitis ovina (Brucella ovis) skont l-Anness D tad-Direttiva 91/68/KEE, jew kwalunkwe test ieħor b'sensittività u speċifiċità dokumentati ekwivalenti; fil-każ tan-nagħaġ biss;
Il-marda Border skont il-punt 5(c) tal-Kapitolu II(II) tal-Anness D għad-Direttiva 92/65/KEE;
II.4. is-semen li jrid jiġi esportat inkiseb minn imtaten/bdabad donaturi (1) li:
II.4.2. ma juru l-ebda sinjal kliniku ta' mard fil-jum meta ddaħħlu fiċ-ċentru ta' ġbir tas-semen approvat u fil-jum meta nġabar is-semen;
(1) jew [II.4.3. ma tlaqqmux kontra l-marda tal-ilsien u d-dwiefer matul it-12-il xahar ta' qabel il-ġbir tas-semen;]
(1) jew [II.4.3. tlaqqmu kontra l-marda tal-ilsien u d-dwiefer mill-inqas 30 jum qabel il-ġbir, u 5 % (b'minimu ta' ħames tibniet) ta' kull ġabra ntbagħtu għat-test ta' iżolament tal-virus għall-marda tal-ilsien u dwiefer b'riżultati negattivi;]
II.4.4. inżammu f'ċentru ta' ġbir tas-semen approvat għal perjodu kontinwu ta' mill-inqas 30 jum eżatt qabel ma jinġabar is-semen, fil-każ tal-ġbir ta' semen frisk;
II.4.5. ma servewx naturalment wara d-dħul tagħhom fl-akkomodazzjoni ta' kwarantina deskritta fil-punt II.3.3. u sa u inkluż dakinhar tal-ġbir tas-semen;
II.4.6. inżammu fiċ-ċentri ta' ġbir tas-semen approvati:
II.4.6.1. li kienu ħielsa mill-marda tal-ilsien u d-dwiefer għal mill-inqas tliet xhur qabel il-ġbir tas-semen u 30 jum wara l-ġbir jew, fil-każ ta' semen frisk, sad-data ta' dispaċċ, u li jinsabu fiċ-ċentru ta' żona ta' raġġ ta' 10 kilometri fejn ma kien hemm l-ebda każ tal-marda tal-ilsien u d-dwiefer għal mill-inqas 30 jum qabel il-ġbir tas-semen;
II.4.6.2. li kienu ħielsa, matul il-perjodu li beda 30 jum qabel il-ġbir u li ntemm 30 jum wara l-ġbir tas-semen jew, fil-każ ta' semen frisk, sad-data ta' dispaċċ, minn bruċellożi (B. melitensis), epididymitis li tittieħed (B. ovis), antraċe u idrofobija;
(1) jew [II.4.7. baqgħu fil-pajjiż esportatur għal mill-inqas l-aħħar sitt xhur qabel il-ġbir tas-semen li jrid jiġi esportat;]
(1) jew [II.4.7. matul l-aħħar sitt xhur qabel il-ġbir tas-semen, dawn issodisfaw il-kundizzjonijiet tas-saħħa tal-annimali li japplikaw għad-donaturi tas-semen maħsub għall-esportazzjoni lejn l-Unjoni Ewropea u ġew importati fil-pajjiż esportatur mill-inqas 30 jum qabel il-ġbir tas-semen minn … (2);]
(1) jew [II.4.8. inżammu f’pajjiż jew żona ħielsa mill-virus tal-bluetongue għal mill-inqas 60 jum qabel, u matul, il-ġbir tas-semen;]
(1) jew [II.4.8. inżammu f'perjodu staġjonalment ħieles mill-virus tal-bluetongue f'żona staġjonalment ħielsa għal mill-inqas 60 jum qabel, u matul, il-ġbir tas-semen;]
(1) jew [II.4.8. inżammu protetti mill-Culicoides għal mill-inqas 60 jum qabel, u matul, il-ġbir tas-semen;]
(1) jew [II.4.8. għaddew minn test seroloġiku għas-sejba ta' antikorpi tal-grupp tal-virus tal-bluetongue, imwettaq skont il-Manwal ta’ Testijiet Dijanjostiċi u Vaċċini għall-Annimali Terrestri b'riżultati negattivi mill-inqas kull 60 jum tul il-perjodu kollu ta' ġbir bejn 21 u 60 jum wara l-ġbir tas-semen;]
(1) jew [II.4.8. għadda minn test tal-identifikazzjoni tal-aġent għall-virus tal-bluetongue, imwettaq skont il-Manwal ta’ Testijiet Dijanjostiċi u Vaċċini għall-Annimali Terrestri b'riżultati negattivi fuq kampjuni tad-demm meħuda dakinhar tal-ġbir tas-semen u mill-inqas kull sebat ijiem (test tal-iżolament tal-virus) jew mill-inqas kull 28 jum (test PCR) matul il-ġbir tas-semen u tħarsu mill-Culicoides waqt il-ġbir tas-semen;]
(1) jew [II.4.9. kienu residenti fil-pajjiż esportatur (5) li skont is-sejbiet uffiċjali huwa ħieles minn mard epiżootiku emorraġiku (EHD);]
(1) jew [II.4.9. kienu residenti fil-pajjiż esportatur (5) fejn, skont is-sejbiet uffiċjali, jeżistu s-serotipi ta' mard epiżootiku emorraġiku (EHD) li ġejjin: … u ġew ittestjati f’żewġ okkażjonijiet minn test ta' immunodiffużjoni bil-ġel agar jew test ta' immunoassorbiment enżimatiku kompetittiv (6) u f'test ta' newtralizzazzjoni tal-virus għas-serotipi kollha ta’ EHD elenkati hawn fuq, imwettqa b'riżultati negattivi f’laboratorju approvat fuq kampjuni ta’ demm meħuda mhux aktar minn 12-il xahar 'il bogħod minn xulxin qabel u mhux anqas minn 21 jum wara l-ġbir tas-semen;]
(1) jew [II.4.10. kienu residenti fil-pajjiż esportatur (5) li skont is-sejbiet uffiċjali huwa ħieles mill-marda Akabane u l-marda Aino;]
(1) jew [II.4.10. kienu residenti fil-pajjiż esportatur (5) u ġew ittestjati f’żewġ okkażjonijiet b'test ta' immunodiffużjoni bil-ġel agar u test tan-newtralizzazzjoni tas-serum għall-virus Akabane u Aino mwettqa b'riżultati negattivi f’laboratorju approvat fuq kampjuni tad-demm meħuda mhux aktar minn 12-il xahar 'il bogħod minn xulxin qabel u mhux inqas minn 21 jum wara l-ġbir tas-semen;]
II.5. is-semen li jrid jiġi esportat:
II.5.1. inġabar wara d-data ta' meta ċ-ċentru ġie approvat mill-awtorità kompetenti tal-pajjiż esportatur;
II.5.2. inġabar, ġie proċessat, preżervat, maħżun u trasportat skont il-Kapitolu III(I) tal-Anness D tad-Direttiva 92/65/KEE;
(1) jew [II.5.3. jissodisfa r-rekwiżiti tal-Kapitolu A(I) tal-Anness VIII tar-Regolament (KE) Nru 999/2001;]
(1) jew [II.5.3. jissodisfa r-rekwiżiti tal-Kapitolu A(I) tal-Anness VIII tar-Regolament (KE) Nru 999/2001 u huwa maħsub għal Stat Membru li jibbenefika, għat-territorju kollu tiegħu jew parti minnu, mid-dispożizzjonijiet stabbiliti fil-punt (b) jew (c) tal-Kapitolu A(I) tal-Anness VIII tar-Regolament (KE) Nru 999/2001 u l-annimali donaturi jikkonformaw rigward ħakk mal-garanziji stipulati mill-programmi msemmija f'dak il-punt u mal-garanziji (7) mitluba mill-Istat Membru ta' destinazzjoni;]
II.5.4. intbagħat fil-post ta' tagħbija f'kontenitur issiġillat skont il-punt 1.4 tal-Kapitolu III(I) tal-Anness D tad-Direttiva 92/65/KEE u jkollu fuqu n-numru indikat fil-Kaxxa I.23.
(1) jew [II.6. Ma żdiedu l-ebda antibijotiċi mas-semen;]
(1) jew [II.6. L-antibijotiku jew it-taħlita ta' antibijotiċi li ġejjin ġew miżjuda biex jipproduċu konċentrazzjoni fis-semen dilwit finali ta' mhux anqas minn (8):
…]
Noti
Parti I:
Kaxxa I.11: il-pajjiż ta' oriġini għandu jikkorrispondi għaċ-ċentru ta' ġbir tas-semen approvat li fih inġabar is-semen u elenkat skont l-Artikolu 17(3)(b) tad-Direttiva 92/65/KEE fuq il-websajt tal-Kummissjoni:
(2) Il-pajjiżi terzi biss elenkati fl-Anness I tad-Deċiżjoni 2010/472/UE.
(3) It-testijiet għandom isiru skont l-Anness C tad-Direttiva 91/68/KEE.
(4) Għat-territorju biss li jkollu l-annotazzjoni “V” fil-kolonna 6 tal-Parti 1 tal-Anness I tar-Regolament tal-Kummissjoni (UE) Nru 206/2010 (ĠU L 73, 20.3.2010, p.1) kif emendata l-aħħar.
(5) Ara r-rimarki għall-pajjiż esportatur ikkonċernat fl-Anness I tad-Deċiżjoni 2010/472/UE.
(6) Standards għat-testijiet dijanjostiċi tal-virus EHD huma deskritti fil-Kapitolu dwar il-Bluetongue tal-Manwal ta’ Testijiet Dijanjostiċi u Vaċċini għall-Annimali Terrestri.
(7) Garanziji addizzjonali kif stabbilit fl-Artikolu 2 tar-Regolament (KE) Nru 546/2006 (ĠU L 94, 1.4.2006, p. 28).
(8) Daħħal l-ismijiet u l-konċentrazzjonijiet.
Veterinarju uffiċjali (*)
Isem (b’ittri kapitali):
Kwalifiki u titolu:
Data:
Firma:
Timbru:
(*) Il-firma u t-timbru għandhom ikunu b'kulur differenti minn dak tal-kliem stampat.
Taqsima B
MUDELL 2 –
Ċertifikat tas-saħħa għas-semen mibgħut minn ċentru ta' ħażna tas-semen approvat
Jien, il-veterinarju uffiċjali sottoskritt ta' …, b'dan niċċertifika li:
(isem il-pajjiż esportatur) (2)
II.1. Iċ-ċentru (3) deskritt fil-Kaxxa I.11 li fih inħażen is-semen għall-esportazzjoni lejn l-Unjoni Ewropea:
(1) jew [II.1.1. jissodisfa l-kundizzjonijiet stabbiliti fil-Kapitolu I(I)(1) tal-Anness D tad-Direttiva 92/65/KEE;
u II.1.2. jiġi operat u ssorveljat skont il-kundizzjonijiet stabbiliti fil-Kapitolu I(II)(1) tal-Anness D tad-Direttiva 92/65/KEE.]
(1) jew [II.1.1. jissodisfa l-kundizzjonijiet stabbiliti fil-Kapitolu I(I)(2) tal-Anness D tad-Direttiva 92/65/KEE;
u II.1.2. jiġi operat u ssorveljat skont il-kundizzjonijiet stabbiliti fil-Kapitolu I(II)(2) tal-Anness D tad-Direttiva 92/65/KEE.]
II.2. Is-semen għall-esportazzjoni lejn l-Unjoni Ewropea:
II.2.1. inġabar, ġie proċessat u maħżun għal perjodu minimu ta' 30 jum eżatt wara l-ġbir f'ċentru ta' ġbir tas-semen approvat (4) operat u ssorveljat skont il-Kapitolu I(I)(1) u l-Kapitolu I(II)(1) tal-Anness D tad-Direttiva 92/65/KEE, u
(1) jew [jinsab fil-pajjiż esportatur;]
(1) u/jew [jinsab fi … (5);
u ġie importat lejn il-pajjiż esportatur f'kundizzjonijiet stretti mill-inqas daqs dawk għall-importazzjonijiet tas-semen tal-ovini u l-kaprini fl-Unjoni Ewropea skont id-Direttiva 92/65/KEE;]
II.2.2. twassal saċ-ċentru deskritt fil-Parti I.11 f'kundizzjonijiet mill-inqas stretti daqs dawk fit-Taqsima A tal-Parti 2 tal-Anness II tad-Deċiżjoni 2010/472/UE (6);
II.2.3. inħażen f'kundizzjonijiet li jissodisfaw il-kundizzjonijiet tal-Anness D tad-Direttiva 92/65/KEE;
II.2.4. intbagħat fil-post ta' tagħbija f'kontenitur issiġillat skont il-punt 1.4 tal-Kapitolu III(I) tal-Anness D tad-Direttiva 92/65/KEE u jkollu fuqu n-numru indikat fil-Kaxxa I.23.
Noti
Parti I:
Kaxxa I.11: pajjiż ta' oriġini għandu jikkorrispondi għaċ-ċentru ta' ħażna tas-semen approvat tad-dispaċċ tas-semen.
Kaxxa I.17: għandu jikkorrispondi għan-numru tas-serje tad-dokument(i) uffiċjali individwali jew iċ-ċertifikat(i) tas-saħħa li akkumpanjaw is-semen deskritt hawn fuq miċ-ċentru ta' ġbir tas-semen approvat tal-oriġini tiegħu għaċ-ċentru deskritt fil-Kaxxa I.11. L-oriġinal(i) ta' dan/dawn id-dokument(i) jew dan/dawn iċ-ċertfikat(i) jew il-kopji tagħhom iffirmati uffiċjalment iridu jiġu mehmuża ma' dan iċ-ċertfikat.
Kaxxa I.22: in-numru ta' pakketti għandu jikkorrispondi għan-numru ta' kontenituri.
Kaxxa I.23: l-identifikazzjoni tal-kontenitur u n-numru tas-siġill għandhom jiġu indikati.
Kaxxa I.28: l-identità tad-donatur għandha tikkorrispondi għall-identifikazzjoni uffiċjali tal-annimal.
data tal-ġbir għandha tiġi indikata fil-format li ġej: jj/xx/ssss.
numru tal-approvazzjoni taċ-ċentru għandu jikkorrispondi għan-numru tal-approvazzjoni taċ-ċentru tal-ġbir tas-semen approvat li fih inġabar is-semen.
(5) Il-pajjiżi terzi biss elenkati fl-Anness I tad-Deċiżjoni 2010/472/UE u l-Istati Membri tal-UE;
(6) L-oriġinal(i) tad-dokument(i) jew iċ-ċertifikat(i) tas-saħħa jew il-kopji tagħhom iffirmati uffiċjalment li kien/kienu flimkien mas-semen deskritt hawn fuq miċ-ċentru ta' ġbir tas-semen approvat li fih inġabar is-semen għaċ-ċentru ta' ħażna tas-semen approvat tad-dispaċċ tas-semen deskritt fil-Kaxxa I.11 iridu jiġu mehmuża ma' dan iċ-ċertifikat.
Veterinarju uffiċjali (*)
Isem (b’ittri kapitali):
Kwalifiki u titolu:
Data:
Firma:
Timbru:
(*) Il-firma u t-timbru għandhom ikunu b'kulur differenti minn dak tal-kliem stampat.
Lista ta’ pajjiżi terzi u partijiet mit-territorji tagħhom li minnhom l-Istati Membri jridu jawtorizzaw il-kunsinji ta' ova u embrijuni ta' annimali tal-ispeċi ovina u kaprina
Kodiċi ISO
Isem il-pajjiż terz
Rimarki
Deskrizzjoni tat-territorju
(jekk ikun il-każ)
Garanziji addizzjonali
AU
L-Awstralja
Il-garanziji addizzjonali fir-rigward tal-ittestjar stabbilit fil-punti II.2.6 u II.2.7 taċ-ċertifikat tas-saħħa stabbilit fil-Parti 2 tal-Anness IV huma obbligatorji.
CA
Il-Kanada.
It-territorju kif deskritt fil-Parti 1 tal-Anness I tar-Regolament tal-Kummissjoni (UE) Nru 206/2010 (1) kif emendat l-aħħar.
Il-garanzija addizzjonali fir-rigward tal-ittestjar stabbilit fil-punt II.2.7 taċ-ċertifikat tas-saħħa stabbilit fil-Parti 2 tal-Anness IV hija obbligatorja.
(2) Ċertifikati skont il-Ftehim bejn il-Komunità Ewropea u l-Konfederazzjoni Svizzera dwar il-kummerċ fi prodotti agrikoli kif approvat mid-Deċiżjoni 2002/309/KE, Euratom tal-Kunsill, u tal-Kummissjoni fir-rigward tal-Ftehim dwar il-Kooperazzjoni Xjentifika u Teknoloġika tal-4 ta' April 2002 dwar il-konklużjoni ta' seba' Ftehimiet mal-Federazzjoni Svizzera (ĠU L 114, 30.4.2002, p. 132).
ANNESS IV
PARTI 1
Noti ta' spjegazzjoni dwar iċ-ċertifikazzjoni
(a)
Iċ-ċertifikati tas-saħħa għandhom jinħarġu mill-awtorità kompetenti tal-pajjiż terz esportatur, skont il-mudell stipulat fil-Parti 2 tal-Anness IV.
Jekk l-Istat Membru destinatarju jitlob rekwiżiti taċ-ċertifikazzjoni addizzjonali, l-attestazzjonijiet li jiċċertifikaw li dawk ir-rekwiżiti huma sodisfatti għandhom jiġu inkorporati wkoll fil-formola oriġinali taċ-ċertifikat tas-saħħa.
(b)
L-oriġinali taċ-ċertifikat tas-saħħa għandu jkun magħmul minn folja waħda, jew, fejn huwa meħtieġ aktar test, għandu jkun f'tali forma li l-folji kollha meħtieġa jiffurmaw ċertifikat sħiħ integrat li ma jkunx diviżibbli.
(c)
Fejn il-mudell taċ-ċertifikat tas-saħħa jgħid li ċerti dikjarazzjonijiet għandhom jinżammu kif xieraq, dikjarazzjonijiet li ma jkunux rilevanti, jistgħu jinqatgħu u jitniżżlu l-inizjali u t-timbru mill-uffiċjal taċ-ċertifikazzjoni, jew jitħassru kompletament miċ-ċertifikat.
(d)
Iċ-ċertifikat tas-saħħa għandu jitħejja f’mill-inqas waħda mil-lingwi uffiċjali tal-Istat Membru tal-istazzjon ta' spezzjoni tal-fruntiera ta' introduzzjoni tal-kunsinja fl-Unjoni Ewropea u tal-Istat Membru ta' destinazzjoni. Madanakollu, dawk l-Istati Membri jistgħu jawtorizzaw li ċ-ċertifikat jitħejja bil-lingwa uffiċjali ta’ Stat Membru ieħor u jekk meħtieġ ikun akkumpanjat minn traduzzjoni uffiċjali.
(e)
Jekk għal raġunijiet ta’ identifikazzjoni tal-oġġetti tal-kunsinja (skeda fil-Kaxxa I.28 tal-mudell taċ-ċertifikat tas-saħħa), jiġu mehmuża folji addizzjonali maċ-ċertifikat tas-saħħa, dawn il-folji għandhom jitqiesu wkoll bħala li jiffurmaw parti miċ-ċertifikat oriġinali taċ-ċertifikat tas-saħħa bl-applikazzjoni tal-firma u t-timbru tal-uffiċjal li jiċċertifika, fuq kull paġna.
(f)
Meta ċ-ċertifikat tas-saħħa, inklużi l-iskedi addizzjonali msemmija f'(e), ikun fih aktar minn paġna waħda, kull paġna għandha tkun innumerata (numru tal-paġna) ta' (numru totali ta' paġni), fil-qiegħ tal-paġna u għandu jkollu n-numru ta' ċertifikat ta' referenza li ngħata mill-awtorità kompetenti fuq nett tal-paġni.
(g)
Il-verżjoni oriġinali taċ-ċertifikat tas-saħħa għandha timtela u tiġi ffirmata minn veterinarju uffiċjali fl-aħħar jum tax-xogħol qabel issir it-tagħbija tal-kunsinja għall-esportazzjoni lejn l-Unjoni Ewropea. L-awtoritajiet kompetenti tal-pajjiż terz esportatur għandhom jiżguraw li r-rekwiżiti taċ-ċertifikazzjoni ekwivalenti għal dawk stipulati fid-Direttiva tal-Kunsill 96/93/KE (1) jiġu segwiti.
Il-lewn tal-firma u tat-timbru tal-veterinarju uffiċjali għandu jkun differenti minn dak tat-tipa stampata fuq iċ-ċertifikat tas-saħħa. L-istess regola tapplika għat-timbri minbarra dawk ibbuzzati jew bil-marka tal-ilma.
(h)
L-oriġinal taċ-ċertifikat tas-saħħa jrid jakkumpanja l-kunsinja sakemm tasal fl-istazzjon ta' spezzjoni fil-fruntiera ta' introduzzjoni fl-Unjoni Ewropea.
(i)
In-numru ta' ċertifikat ta' referenza msemmi fil-Kaxxa I.2 u l-Kaxxa II.a il-mudell taċ-ċertifikat tas-saħħa għandu jinħareġ mill-awtorità kompetenti tal-pajjiż terz esportatur.
PARTI 2
Mudelli taċ-ċertifikat tas-saħħa għall-importazzjonijiet ta' kunsinji ta' ova u embrijuni ta' annimali tal-ispeċi ovina u kaprina
Jien, il-veterinarju uffiċjali sottoskritt, b'dan niċċertifika li:
II.1. Il-pajjiż esportatur …
(isem il-pajjiż esportatur) (2)
II.1.1. kien ħieles minn rinderpest, peste des petits ruminants, ġidri tan-nagħaġ u tal-mogħoż, plewropnewmonite tal-annimali kaprini li tittieħed u l-marda ta' Rift Valley matul it-12-il xahar eżatt qabel il-ġbir tal-ova/embrijuni (1) tgħall-esportazzjoni u sad-data tad-dispaċċ tagħhom u ma sar l-ebda tilqim kontra dan il-mard matul dak il-perjodu;
(1) jew [II.1.2. kien ħieles mill-marda tal-ilsien u d-dwiefer matul it-12-il xahar eżatt qabel il-ġbir tal-ova/embrijuni (1) u ma laqqamx kontra l-marda tal-ilsien u d-dwiefer matul dak il-perjodu;]
(1) jew [II.1.2. ma kienx liberu mill-marda tal-ilsien u d-dwiefer matul it-12-il xahar eżatt qabel il-ġbir tal-ova/embrijuni (1) u/jew laqqam kontra l-marda tal-ilsien u d-dwiefer matul dak il-perjodu u d-donaturi femminili ġew minn azjendi fejn l-ebda annimal ma tlaqqam kontra l-marda tal-ilsien u d-dwiefer matul it-30 jum qabel il-ġbir u l-ebda annimal ta’ speċi suxxettibbli ma wera sinjali kliniċi tal-marda tal-ilsien u d-dwiefer matul it-30 jum qabel u mill-inqas it-30 jum ta’ wara, il-ġbir tal-ova/embrijuni (1) u l-ova/embrijuni (1) ma kinux suġġetti għall-penetrazzjoni taż-zona pellucida;]
II.2. L-ova/embrijuni (1) li jridu jiġu esportati:
II.2.1. inġabru/ġew prodotti (1) u pproċessati fi stabbilimenti li f'raġġ ta' 10 km minnhom ma kien hemm l-ebda inċidenza ta' marda tal-ilsien u d-dwiefer, l-istomatite vexxikulari, id-deni ta' Rift Valley fit-30 jum eżatt qabel il-ġbir tagħhom;
II.2.2. inħażnu f'kull ħin fi stabbilimenti approvati li f'raġġ ta' 10 km minnhom ma kien hemm l-ebda inċidenza ta' marda tal-ilsien u d-dwiefer, l-istomatite vexxikulari jew deni ta' Rift Valley mill-mument minn meta nġabru sa 30 jum wara;
II.2.3. inġabru/ġew prodotti (1) mit-tim deskritt fil-Kaxxa I.11, li ġie approvat u sorveljat skont il-Kapitolu I(III) tal-Anness D tad-Direttiva 92/65/KEE;
II.2.4. jissodisfaw ir-rekwiżiti tal-Kapitolu III(II) tal-Anness D tad-Direttiva 92/65/KEE;
II.2.5. jiġu mid-donaturi femminili tal-ispeċi ovini/kaprini (1) li:
(1) jew [II.2.5.1. inżammu f’pajjiż jew żona ħielsa mill-virus tal-bluetongue għal mill-inqas 60 jum qabel, u matul, il-ġbir tal-ova/embrijuni (1);]
(1) jew [II.2.5.1. inżammu matul perjodu staġjonalment ħieles mill-virus tal-bluetongue f'żona staġjonalment ħielsa;]
(1) jew [II.2.5.1. inżammu protetti mill-Culicoides għal mill-inqas 60 jum qabel, u matul, il-ġbir tal-ova/embrijuni (1);]
(1) jew [II.2.5.1. għaddew minn test seroloġiku għas-sejba ta' antikorpi tal-grupp tal-virus tal-bluetongue, imwettaq skont il-Manwal ta’ Testijiet Dijanjostiċi u Vaċċini għall-Annimali Terrestri b'riżultati negattivi fuq kampjuni meħuda bejn 21 u 60 jum wara l-ġbir tal-ova/embrijuni (1) u b'riżultati negattivi;]
(1) jew [II.2.5.1. għaddew minn test ta’ identifikazzjoni tal-aġent għall-virus tal-bluetongue, imwettaq skont il-Manwal ta’ Testijiet Dijanjostiċi u Vaċċini għall-Annimali Terrestri fuq kampjun tad-demm meħud dakinhar tal-ġbir tal-ova/embrijuni (1) jew fil-jum tat-tbiċċir u b'riżultati negattivi;]
II.2.5.2. sa fejn naf jien u skont id-dikjarazzjoni bil-miktub magħmula mis-sid, mhumiex ġejjin minn azjendi, u ma kinux f’kuntatt ma’ annimali ta’ azjenda, fejn setgħet tiġi osservata kwalunkwe waħda mill-mard li ġej fi żmien il-perjodi msemmija qabel il-ġbir tal-ova/embrijuni (1) għall-esportazzjoni:
(a) agalactia tan-nagħaġ jew il-mogħoż li tittieħed (Mycoplasma agalactiae, Mycoplasma capricolum, Mycoplasma mycoides var. mycoides “kolonja kbira”), fi żmien l-aħħar sitt xhur,
(b) paratuberkulosi u limfadeniti ġobnija, fi żmien l-aħħar 12-il xahar;
(c) adenomatosi pulmonarja, fi żmien l-aħħar tliet snin; u
(1) jew [(d) Maedi/Visna għan-nagħaġ jew artrite virali kaprina/enċefalite għall-mogħoż, fi żmien l-aħħar tliet snin;]
(1) jew [(d) Maedi/Visna għan-nagħaġ jew artrite virali kaprina/enċefalite għall-mogħoż, fi żmien l-aħħar 12-il xahar, l-annimali infettati kollha nqatlu u l-annimali li kien fadal sussegwentement irreaġixxew negattivament għal żewġ testijiet mill-inqas sitt xhur 'il bogħod minn xulxin;]
II.2.5.3. huma inklużi f’sistema uffiċjali għan-notifika ta’ mard imsemmi fil-punt II.2.5.2.;
II.2.5.4. ma wrew ebda sinjali kliniċi ta’ mard fil-jum tal-ġbir tal-ova/embrijuni (1);
(1) (4) jew [II.2.5.5. joriġinaw mit-territorju deskritt fil-Kaxxa I.8, li ġie rikonoxxut bħala uffiċjalment ħieles mill-bruċellożi (B. melitensis), u]
(1) jew [II.2.5.5. kienu jappartjenu lil azjenda li kiseb u żamm l-istat tiegħu ta' ħieles mill-brucellożi (B. melitensis) skont id-Direttiva 91/68/KEE, u]
(1) jew [II.2.5.5. joriġinaw minn azjenda, fejn fir-rigward tal-brucellożi (B. melitensis) l-annimali suxxettibbli kollha kienu ħielsa minn sinjali kliniċi jew kwalunkwe sinjali ta' din il-marda għall-aħħar 12-il xahar, l-ebda annimali ovini u kaprini ma tlaqqmu kontra din il-marda, ħlief dawk imlaqqma minn tilqima Rev. 1 iktar minn sentejn ilu, u l-annimali ovini u kaprini kollha ta' età ta' iktar minn sitt xhur ġew suġġetti għal mill-inqas żewġ testijiet (3), li saru b'riżultati negattivi fuq kampjuni meħuda fi … (data) u fi … (data) mill-inqas sitt xhur 'il bogħod minn xulxin, b'tal-aħħar ikunu fi żmien 30 jum mill-ġbir tal-ova/embrijuni (1),]
u ma kinux inżammu preċedentement f'azjenda ta' status inferjuri;
(1) jew [II.2.5.6. baqgħu fil-pajjiż esportatur għal mill-inqas l-aħħar sitt xhur qabel il-ġbir tal-ova/embrijuni (1) li jridu jiġu esportati;]
(1) jew [II.2.5.6. matul l-aħħar sitt xhur qabel il-ġbir tal-ova/embrijuni (1) dawn issodisfaw il-kundizzjonijiet dwar saħħet l-annimali li japplikaw għad-donaturi tal-ova/embrijuni (1) maħsuba għall-esportazzjoni lejn l-Unjoni Ewropea u ġew importati fil-pajjiż esportatur mill-inqas 30 jum qabel il-ġbir tal-ova/embrijuni (1) minn … (2);]
(1) jew [II.2.6. inġabru/ġew prodotti (1) fil-pajjiż esportatur (5), li skont is-sejbiet uffiċjali huwa ħieles mill-marda Akabane u l-marda Aino;]
(1) jew [II.2.6. inġabru/ġew prodotti (1) fil-pajjiż esportatur (5) u ma kinux suġġetti għal penetrazzjoni fiż-zona pellucida, u d-donaturi femminili għaddew minn test tan-newtralizzazzjoni tas-serum għall-virus tal-Akabane u l-virus tal-Aino mwettaq fuq kampjun tad-demm meħud mhux inqas minn 21 jum wara l-ġbir tagħhom u b'riżultati negattivi;]
(1) jew [II.2.7. inġabru/ġew prodotti (1) fil-pajjiż esportatur (5), li skont is-sejbiet uffiċjali huwa ħieles minn mard epiżootiku emorraġiku (EHD);]
(1) jew [II.2.7. inġabru/ġew prodotti (1) fil-pajjiż esportatur (5) fejn skont is-sejbiet uffiċjali, jeżistu s-serotipi ta' mard epiżootiku emorraġiku (EHD) li ġejjin: … u ġew ittestjati b'riżultati negattivi f’żewġ okkażjonijiet mhux aktar minn 12-il xahar 'il bogħod minn xulxin b'test ta' immunodiffużjoni bil-ġel agar jew test ta' immunoassorbiment enżimatiku kompetittiv (6) u test tan-newtralizzazzjoni tal-virus għas-serotipi kollha ta’ EHD elenkati hawn fuq, li saru f’laboratorju approvat fuq kampjuni ta’ demm meħuda qabel u mhux anqas minn 21 jum wara l-ġbir tal-ova/embrijuni (1);]
(1) jew [II.2.8. jissodisfaw ir-rekwiżiti tal-Kapitolu A(I) tal-Anness VIII tar-Regolament (KE) Nru 999/2001;]
(1) jew [II.2.8. jissodisfaw ir-rekwiżiti tal-Kapitolu A(I) tal-Anness VIII tar-Regolament (KE) Nru 999/2001 u huma maħsuba għal Stat Membru li jibbenefika, għat-territorju kollu tiegħu jew parti minnu, mid-dispożizzjonijiet stipulati fil-punt (b) jew (c) tal-Kapitolu A(I) tal-Anness VIII tar-Regolament (KE) Nru 999/2001 u l-annimali donaturi jikkonformaw rigward scrapie mal-garanziji stipulati mill-programmi msemmija f'dak il-punt u mal-garanziji (7) mitluba mill-Istat Membru ta' destinazzjoni;]
II.2.9. inġabru/ġew prodotti (1) wara d-data ta' meta t-tim tal-ġbir tal-embrijuni ġie approvat mill-awtorità kompetenti tal-pajjiż esportatur;
II.2.10. kienu pproċessati u maħżuna f'kundizzjonijiet approvati għal mill-inqas 30 jum eżatt wara l-ġbir/il-produzzjoni tagħhom (1) u ttrasportati f'kundizzjonijiet li jissodisfaw it-termini stipulati fil-Kapitolu III(II) tal-Anness D tad-Direttiva 92/65/KEE;
II.2.11. intbagħat fil-post ta' tagħbija f'kontenitur issiġillat skont il-punt 6 tal-Kapitolu III(II) tal-Anness D tad-Direttiva 92/65/KEE u jkollu fuqu n-numru indikat fil-Kaxxa I.23.
(9) II.2.12. ġew konċeputi b'inseminazzjoni artifiċjali/b'riżultat ta' fertilizzazzjoni in vitro (1) bl-użu ta' semen li jissodisfa r-rekwiżiti tad-Direttiva 92/65/KEE u li ġej minn ċentri ta' ġbir ta' semen approvati skont l-Artikolu 11(2) u 17(3)(b) rispettivament tad-Direttiva 92/65/KEE u li jinsab fi Stat Membru tal-Unjoni Ewropea jew f'pajjiż terz elenkat fl-Anness I tad-Deċiżjoni 2010/472/UE (8).
Noti
Parti I:
Kaxxa I.11: il-post ta' oriġini għandu jikkorrispondi għat-tim ta' ġbir tal-embrijuni jew it-tim ta' produzzjoni tal-embrijuni approvat li permezz tiegħu l-ova/embrijuni nġabru/ġew prodotti, ipproċessati u maħżuna; u elenkati skont l-Artikolu 17(3)(b) tad-Direttiva 92/65/KEE fuq il-websajt tal-Kummissjoni:
Kaxxa I.22: in-numru ta' pakketti għandu jikkorrispondi għan-numru ta' kontenituri.
Kaxxa I.23: l-identifikazzjoni tal-kontenitur u n-numru tas-siġill għandhom jiġu indikati.
Kaxxa I.28: speċi: agħżel bejn “Ovis aries” u “Capra hircus” kif xieraq.
kategorija: speċifika jekk humiex embrijuni derivati in vivo, ova derivati in vivo, embrijuni prodotti in vitro jew embrijuni mikromanipulati.
l-identità tad-donatur għandha tikkorrispondi għall-identifikazzjoni uffiċjali tal-annimal.
id-data tal-ġbir għandha tiġi indikata fil-format li ġej: jj/xx/ssss.
in-numru ta’ approvazzjoni tat-tim: għandu jikkorrispondi għat-tim ta' ġbir tal-embrijuni jew it-tim ta' produzzjoni tal-embrijuni approvat li permezz tiegħu l-ova/embrijuni nġabru/ġew prodotti, ipproċessati u maħżuna; u elenkati skont l-Artikolu 17(3)(b) tad-Direttiva 92/65/KEE fuq il-websajt tal-Kummissjoni:
(2) Il-pajjiżi terzi biss elenkati fl-Anness I tad-Deċiżjoni 2010/472/UE.
(3) It-testijiet għandhom isiru skont l-Anness C tad-Direttiva 91/68/KEE.
(4) Għat-territorju biss li jkollu l-annotazzjoni “V” fil-kolonna 6 tal-Parti 1 tal-Anness I tar-Regolament tal-Kummissjoni (UE) Nru 206/2010 [ĠU L 73, 20.3.2010, p. 1] kif emendata l-aħħar.
(5) Ara r-rimarki għall-pajjiż esportatur ikkonċernat fl-Anness III tad-Deċiżjoni 2010/472/UE.
(6) Standards għat-testijiet dijanjostiċi tal-virus EHD huma deskritti fil-Kapitolu dwar il-Bluetongue tal-Manwal ta’ Testijiet Dijanjostiċi u Vaċċini għall-Annimali Terrestri.
(7) Garanziji addizzjonali kif stipulati fl-Artikolu 2 tar-Regolament (KE) Nru 546/2006 [ĠU L 94, 1.4.2006, p. 28].
(8) Iċ-ċentri ta' ġbir tas-semen approvati biss u elenkati skont l-Artikolu 11(4) u l-Artikolu 17(3)(b) tad-Direttiva 92/65/KEE fuq il-websajts tal-Kummissjoni:
