(1)

Id-Direttiva tal-Kummissjoni 2009/74/KE tas-26 ta’ Ġunju 2009 li temenda d-Direttivi tal-Kunsill 66/401/KEE, 66/402/KEE, 2002/55/KE u 2002/57/KE rigward l-ismijiet botaniċi tal-pjanti, l-ismijiet xjentifiċi ta’ organiżmi oħra u ċerti Annessi tad-Direttivi 66/401/KEE, 66/402/KEE u 2002/57/KE fid-dawl ta’ żviluppi fl-għerf xjentifiku u teknoloġiku (2) identifikat l-ispeċi Avena strigosa Schreb. (minn hawn ‘il quddiem ‘A. strigosa’) bħala speċi indipendenti li għandha tiġi inkluża fil-lista tal-ispeċijiet koperti mid-Direttiva 66/402/KEE.

(2)

A. strigosa hija wiċċ tar-raba’ fost l-aktar effettivi għat-tnaqqis tal-erożjoni tal-ħamrija u t-telf tan-nitroġenu, partikolarment it-telf tan-nitrati minn sorsi agrikoli, u hija komponent importanti tat-taħlitiet ta’ żrieragħ għall-foraġġ. Skont l-informazzjoni mogħtija mill-awtoritajiet ta’ sitt Stati Membri (il-Belġju, il-Ġermanja, Franza, l-Italja, il-Portugall u Spanja), id-domanda fl-Unjoni għaż-żerriegħa ta’ din l-ispeċi żdiedet sewwa f’dawn l-aħħar snin u partikolarment f’dawn l-Istati Membri.

(3)

Qabel id-dħul fis-seħħ tad-Direttiva 2009/74/KE u l-inklużjoni sussegwenti ta’ A. strigosa fost l-ispeċijiet koperti mid-Direttiva 66/402/KEE, il-provvista tas-suq kienet żgurata mill-produzzjoni nazzjonali u primarjament mill-importazzjoni minn pajjiżi terzi ta’ żerriegħa ta’ din l-ispeċi skont il-leġiżlazzjoni nazzjonali applikabbli f’dak il-waqt. Wara l-inklużjoni ta’ A. strigosa fil-lista tal-ispeċijiet koperti mid-Direttiva 66/402/KEE, iż-żerriegħa tal-varjetajiet irreġistrati fil-katalgu komuni tal-varjetajiet ta’ speċijiet ta’ pjanti agrikoli biss setgħu jitqiegħdu fis-suq u jiġu impurtati.

(4)

Mindu ġiet inkluża l-ispeċi A. strigosa fil-lista ta’ speċijiet koperti mid-Direttiva 66/402/KEE, żewġ varjetajiet biss ġew irreġistrati fil-katalgu komuni tal-varjetajiet ta’ speċijiet ta’ pjanti agrikoli.

(5)

Fid-dawl ta’ dawn iċ-ċirkostanzi, kien hemm diffikultajiet temporanji fil-provvista ġenerali ta’ A. strigosa li huma mistennija jissuktaw. Dawn id-diffikultajiet ma jistgħux jiġu megħluba jekk l-Istati Membri ma jippermettux, għal perjodu speċifikat u soġġett għal kwantità massima xierqa, it-tqegħid fis-suq ta’ varjetajiet ta’ A. strigosa li mhux inklużi fil-katalgu komuni tal-varjetajiet ta’ speċijiet ta’ pjanti agrikoli jew fil-katalgi nazzjonali tal-varjetajiet tal-Istati Membri.

(6)

L-Istati Membri għandhom għalhekk ikunu awtorizzati li jippermettu temporanjament it-tqegħid fis-suq ta’ din iż-żerriegħa, soġġett għal ċerti kundizzjonijiet u limitazzjonijiet u bla ħsara għall-iktar dispożizzjonijiet stretti dwar il-preżenza ta’ Avena fatua fiż-żerriegħa taċ-ċereali li jistgħu japplikaw id-Danimarka, l-Estonja, il-Finlandja, l-Irlanda, il-Latvja, il-Litwanja, Malta, il-Pajjiżi l-Baxxi, l-Isvezja u r-Renju Unit fir-rigward tal-Irlanda ta’ Fuq, skont id-Deċiżjonijiet relevanti tal-Kummissjoni.

(7)

Mill-informazzjoni mogħtija lill-Kummissjoni mill-Istati Membri jidher li, b’kollox, total ta’ 4 970 tunnellata jinħtieġ biex jiġu riżolti dawn id-diffikultajiet fil-provvista (il-Belġju 300 tunnellata, Franza 3 700 tunnellata, il-Ġermanja 200 tunnellata, l-Italja 220 tunnellata, il-Portugall 250 tunnellata, u Spanja 300 tunnellata), għal perjodu li jiskadi fil-31 ta’ Diċembru 2010. Biex ikun aċċertat li din iż-żerriegħa tkun ta’ kwalità tajba biżżejjed, għandha għallinqas tissodisfa r-rekwiżiti stipulati fl-Anness II tad-Direttiva 66/402/KEE fir-rigward tal-ġerminazzjoni, il-purità analitika u l-kontenut ta’ żerriegħa ta’ speċijiet oħra tal-pjanti għall-kategorija ta’ żerriegħa ċċertifikata tat-tieni ġenerazzjoni ta’ A. strigosa.

(8)

Jixraq li Stat Membru wieħed jieħu ħsieb jiżgura li l-kwantità ta’ żerriegħa awtorizzata għat-tqegħid fis-suq mill-Istati Membri skont din id-Deċiżjoni, ma tisboqx il-kwantità massima totali ta’ 4 970 tunnellata li tinħtieġ biex jissolvew id-diffikultajiet fil-provvista. B’konformità mat-talbiet tas-sitt Stati Membri, Franza għandha għalhekk taġixxi bħala l-koordinatur wieħed. Sabiex is-sistema stipulata minn din id-Deċiżjoni taħdem tajjeb, jinħtieġ ukoll li l-Istat Membru koordinatur, l-Istati Membri l-oħra u l-Kummissjoni jaqsmu minnufih l-informazzjoni relevanti dwar l-applikazzjonijiet u l-għoti ta’ awtorizzazzjonijiet għat-tqegħid fis-suq.

(9)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti għaż-Żrieragħ u l-Materjal ta’ Propagazzjoni għall-Agrikultura, l-Ortikultura u l-Foresterija,

(a)

ma jkunx hemm biżżejjed evidenza biex jiġi ddubitat li l-provveditur huwa kapaċi jew biħsiebu jqiegħed fis-suq il-kwantità ta’ żerriegħa speċifikata fl-applikazzjoni tiegħu; jew

(b)

wara li tkun ġiet meqjusal-informazzjoni mogħtija mill-Istat Membru koordinatur imsemmi fit-tielet subparagrafu tal-Artikolu 3, l-għoti tal-awtorizzazzjoni ma twassalx biex tinqabeż il-kwantità massima totali ta’ żerriegħa msemmija fl-Artikolu 1(2); jew

(c)

il-kundizzjonijiet li jikkonċernaw il-ġerminazzjoni, il-purità analitika u l-kontenut ta’ żerriegħa ta’ speċijiet oħra tal-pjanti msemmija fl-Artikolu 1(3) ma jkunux ġew sodisfatti.