|
10.6.2010 |
MT |
Il-Ġurnal Uffiċjali tal-Unjoni Ewropea |
L 142/10 |
DEĊIŻJONI TAL-KUMMISSJONI
tad-9 ta’ Ġunju 2010
dwar il-pajjiżi benefiċjarji li jikkwalifikaw għall-arranġament ta’ inċentiv speċjali għal żvilupp sostenibbli u governanza tajba għall-perjodu ta’ bejn l-1 ta’ Lulju 2010 u l-31 ta’ Diċembru 2011, kif stipulat fir-Regolament tal-Kunsill (KE) Nru 732/2008
(notifikata bid-dokument numru C(2010) 3639)
(2010/318/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 732/2008 tat-22 ta’ Lulju 2008 li japplika skema ta’ preferenzi tariffarji ġeneralizzati għall-perjodu mill-1 ta’ Jannar 2009 sal-31 ta’ Diċembru 2011 u li jemenda r-Regolamenti (KE) Nru 552/97, (KE) Nru 1933/2006 u r-Regolamenti tal-Kummissjoni (KE) Nru 1100/2006 u Nru 964/2007 (1), u b’mod partikolari l-Artikolu 10(2) tiegħu,
Billi:
|
(1) |
Ir-Regolament (KE) Nru 732/2008 jistipula l-għoti ta’ arranġament ta’ inċentiv speċjali għall-iżvilupp sostenibbli u governanza tajba għall-pajjiżi li qed jiżviluppaw li jissodisfaw ir-rekwiżiti stabbiliti skont l-Artikoli 8 u 9 tiegħu. |
|
(2) |
Kull pajjiż li qed jiżviluppa li jixtieq jibbenefika minn dan l-arranġament ta’ inċentiv speċjali mill-1 ta’ Lulju 2010 kellu jibgħat talba dwar dan sat-30 ta’ April 2010, flimkien mat-tagħrif komprensiv dwar ir-ratifika tal-konvenzjonijiet rilevanti, il-leġiżlazzjoni u l-miżuri li jimplimentaw b’mod effettiv id-dispożizzjonijiet tal-konvenzjonijiet u l-impenn tiegħu li jaċċetta u jikkonforma bis-sħiħ mal-mekkaniżmu ta’ sorveljanza u reviżjoni previst fil-konvenzjonijiet rilevanti u fl-istrumenti relatati. Biex jingħata dak li jkun talab, il-pajjiż li jkun qed jagħmel it-talba jrid jitqies ukoll bħala pajjiż vulnerabbli kif definit fl-Artikolu 8(2) tar-Regolament (KE) Nru 732/2008. |
|
(3) |
Sat-30 ta’ April 2010 il-Kummissjoni kienet rċeviet talba mingħand ir-Repubblika tal-Panama (minn hawn ’il quddiem il-Panama) biex, mill-1 ta’ Lulju 2010, tibbenefika mill-arranġament ta’ inċentiv speċjali għall-iżvilupp sostenibbli u governanza tajba. |
|
(4) |
It-talba ġiet eżaminata skont id-dispożizzjonijiet tal-Artikolu 10(1) tar-Regolament (KE) Nru 732/2008. |
|
(5) |
L-eżami tat-talba wera li l-Panama tissodisfa l-kundizzjonijiet kollha tal-Artikoli 8 u 9 tar-Regolament (KE) Nru 732/2008. Għaldaqstant, l-arranġament ta’ inċentiv speċjali għandu jingħata lill-Panama mill-1 ta’ Lulju 2010 sal-31 ta’ Diċembru 2011. |
|
(6) |
Skont l-Artikolu 10(3) tar-Regolament (KE) Nru 732/2008, din id-Deċiżjoni għandha tiġi nnotifikata lill-Panama. |
|
(7) |
Il-miżuri stipulati f’din id-Deċiżjoni jaqblu mal-opinjoni tal-Kumitat tal-Preferenzi Ġeneralizzati. |
|
(8) |
Din id-deċiżjoni ma taffettwax l-istatus ta’ benefiċjarju skont l-arranġament ma’ kull pajjiż elenkat fid-Deċiżjoni tal-Kummissjoni 2008/938/KE tad-9 ta’ Diċembru 2008 dwar il-lista ta’ pajjiżi benefiċjarji li jikkwalifikaw għall-arranġament ta’ inċentiv speċjali għall-iżvilupp sostenibbli u governanza tajba stipulati fir-Regolament tal-Kunsill (KE) Nru 732/2008 li japplika skema ta’ preferenzi ta’ tariffi ġeneralizzati, għall-perjodu mill-1 ta’ Jannar 2009 sal-31 ta’ Diċembru 2011 (2), |
ADOTTAT DIN ID-DEĊIŻJONI:
Artikolu 1
Ir-Repubblika tal-Panama għandha tibbenefika mill-arranġament ta’ inċentiv speċjali għall-iżvilupp sostenibbli u governanza tajba stipulat fir-Regolament (KE) Nru 732/2008 mill-1 ta’ Lulju 2010 sal-31 ta’ Diċembru 2011.
Artikolu 2
Din id-Deċiżjoni hija indirizzata lir-Repubblika tal-Panama.
Magħmul fi Brussell, id-9 ta’ Ġunju 2010.
Għall-Kummissjoni
Karel DE GUCHT
Membru tal-Kummissjoni
(2) ĠU L 334, 12.12.2008, p. 90.