|
22.5.2010 |
MT |
Il-Ġurnal Uffiċjali tal-Unjoni Ewropea |
L 126/26 |
DEĊIŻJONI TAL-KUMMISSJONI
tal-21 ta’ Mejju 2010
dwar l-istabbiliment ta' Reġistru għall-Prodotti Bijoċidali
(notifikata bid-dokument numru C(2010) 3180)
(Test b’relevanza għaż-ŻEE)
(2010/296/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegħid fis-suq tal-prodotti bijoċidali (1) u b'mod partikolari l-Artikolu 18(4) tagħha,
Billi:
|
(1) |
Sabiex tkun faċilitata l-konformità tal-Istati Membri mar-rekwiżit tas-sottomissjoni ta' informazzjoni dwar l-awtorizzazzjoni u r-reġistrazzjoni ta' prodotti bijoċidali kif stipulat fl-Artikolu 18(1) tad-Direttiva 98/8/KE, għandha tkun stabbilita sistema ta' informazzjoni standardizzata fuq livell tal-Unjoni Ewropea, f'għamla ta' Reġistru għall-Prodotti Bijoċidali, minn issa 'l quddiem imsejjaħ ir-“Reġistru”. |
|
(2) |
Biex tkun żgurata l-konsistenza tad-dejta, l-Istati Membri kollha għandhom jużaw ir-Reġistru biex idaħħlu l-informazzjoni meħtieġa skont l-Artikolu 18(1) tad-Direttiva 98/8/KE. |
|
(3) |
Minħabba li s-sistema ta' informazzjoni standardizzata għadha qed tkun żviluppata, għandu jsir provvediment għall-applikabbiltà diferita ta' din id-Deċiżjoni. |
|
(4) |
Il-miżuri stipulati f’din id-Deċiżjoni huma f’konformità mal-opinjoni tal-Kumitat Permanenti dwar il-Prodotti Bijoċidali, |
ADOTTAT DIN ID-DEĊIŻJONI:
Artikolu 1
Jiġi stabbilit Reġistru għall-Prodotti Bijoċidali.
Artikolu 2
L-Istati Membri għandhom idaħħlu l-informazzjoni meħtieġa skont l-Artikolu 18(1) tad-Direttiva 98/8/KE fir-Reġistru għall-Prodotti Bijoċidali.
Artikolu 3
Din id-Deċiżjoni għandha tapplika mill-1 ta' Luju 2010.
Artikolu 4
Din id-Deċiżjoni hija indirizzata lill-Istati Membri.
Magħmul fi Brussell, il-21 ta’ Mejju 2010.
Għall-Kummissjoni
Janez POTOČNIK
Membru tal-Kummissjoni