11.5.2010   

MT

Il-Ġurnal Uffiċjali tal-Unjoni Ewropea

L 117/85

(1)

Id-Deċiżjoni tal-Kummissjoni 92/260/KEE tal-10 ta’ April 1992 dwar kundizzjonijiet tas-saħħa ta’ annimali u ċertifikazzjoni veterinarja għal dħul temporanju ta’ żwiemel irreġistrati (2) tagħti kompiti lil pajjiżi terzi, li minnhom ġie awtorizzat id-dħul temporanju fl-Unjoni ta’ żwiemel irreġistrati, lil gruppi sanitarji ta’ pajjiżi għall-applikazzjoni ta’ ħtiġijiet speċifiċi tas-saħħa tal-annimali u taċ-ċertifikazzjoni.

(2)

Id-Deċiżjoni tal-Kummissjoni 93/195/KEE tat-2 ta’ Frar 1993 dwar is-saħħa tal-annimali u l-kundizzjonijiet tagħhom u ċ-ċertifikazzjoni veterinarja tagħhom għad-dħul mill-ġdid ta’ żwiemel irreġistrati għat-tiġrija, kompetizzjoni u avvenimenti kulturali wara esportazzjoni temporanja (3) tagħti kompiti lil pajjiżi terzi, li minnhom ġie awtorizzat id-dħul mill-ġdid fl-Unjoni ta’ dawn iż-żwiemel, lil gruppi sanitarji għall-applikazzjoni ta’ ħtiġijiet speċifiċi tas-saħħa tal-annimali u tipprovdi mudell ta’ ċertifikati tas-saħħa tal-annimali biex jintużaw għal żwiemel irreġistrati li pparteċipaw f’avvenimenti ekwestri speċifiċi.

(3)

Id-Deċiżjoni tal-Kummissjoni 93/197/KEE tal-5 ta’ Frar 1993 dwar kundizzjonijiet tas-saħħa ta’ annimali u ċertifikazzjoni veterinarja għall-importazzjoni ta’ annimali tar-razza tal-ekwidi rreġistrati għat-tnissil u produzzjoni (4) tagħti kompiti lil pajjiżi terzi, li minnhom ġie awtorizzat id-dħul temporanju fl-Unjoni ta’ dawn l-ekwidi, lil gruppi sanitarji għall-applikazzjoni ta’ ħtiġijiet speċifiċi tas-saħħa tal-annimali u taċ-ċertifikazzjoni.

(4)

Id-Deċiżjoni tal-Kummissjoni 2004/211/KE tas-6 ta’ Jannar 2004 li tistabbilixxi l-lista ta’ pajjiżi terzi u ta’ partijiet mit-territorju tagħhom li minnhom l-Istati Membri jawtorizzaw l-importazzjoni ta’ ekwidi ħajjin u ta’ semen, ova u embrijoni tal-ispeċi ekwina (5) tistabbilixxi lista ta’ pajjiżi terzi, jew partijiet minnhom, li l-Istati Membri jawtorizzaw minnhom, fost l-oħrajn, id-dħul temporanju ta’ żwiemel irreġistrati, id-dħul mill-ġdid ta’ żwiemel irreġistrati wara esportazzjoni temporanja għal tiġrija, kompetizzjoni u avvenimenti kulturali u l-importazzjoni ta’ ekwidi rreġistrati u ekwidi għat-tgħammir u l-produzzjoni. Dik il-lista, stabbilita fl-Anness I ta’ din id-Deċiżjoni, tagħti l-kompitu wkoll lil dawk il-pajjiżi terzi u l-partijiet tagħhom lil ċerti gruppi sanitarji speċifiċi.

(5)

Id-Deċiżjonijiet 92/260/KEE, 93/195/KEE u 93/197/KEE jqisu r-reġjonalizzazzjoni kif prevista fid-Deċiżjoni tal-Kummissjoni 92/160/KEE (6) Din id-Deċiżjoni tħassret bid-Deċiżjoni 2004/211/KE. Skont dan, huwa meħtieġ li jiġi emendat l-Anness I ta’ dawn it-tliet Deċiżjonijiet abbażi ta’ reġjonalizzazzjoni kif issa ġiet prevista fid-Deċiżjoni 2004/211/KE, kif ukoll il-gruppi sanitarji stabbiliti f’din id-Deċiżjoni.

(6)

Sabiex jospitaw l-avvenimenti ekwestri tas-16-il edizzjoni tal-Logħob Asjatiku, l-awtoritajiet kompetenti talbu r-rikonoxximent taż-żona ħielsa mill-marda tal-ekwina li dawn stabbilixxew fid-distrett amministrattiv tal-Belt ta’ Conghua, il-Muniċipalità ta’ Guangzhou, il-Provinċja ta’ Guangdong fiċ-Ċina. F’Jannar 2010, il-Kummissjoni għamlet spezzjoni veterinarja fiċ-Ċina, inkluża ż-żona ħielsa mill-marda tal-ekwina, li tikkonsisti f’żona ċentrali, li hi inkorporata f’żona ta’ sorveljanza mdawra b’żona ta’ protezzjoni, u li hi konnessa ma’ ajruport u port b’passaġġi għall-awtostrada ta’ bijosigurtà.

(7)

L-awtoritajiet Ċiniżi pprovdew għadd ta’ garanziji b’mod partikolari fir-rigward ta’ notifikabilità tal-mard imsemmi fl-Anness A tad-Direttiva 90/426/KEE f’pajjiżhom u l-istabbiliment biex jikkonformaw b’mod sħiħ mal-Artikolu 12(2)(f) fir-rigward tan-notifika ta’ mard immedjat lill-Kummissjoni u lill-Istati Membri.

(8)

Sabiex jiżguraw il-ħarsien sostenibbli tal-istatus tas-saħħa tal-popolazzjoni ekwina fiż-żona ħielsa mill-mard tal-ekwini, l-awtoritajiet Ċiniżi ntrabtu biex iħaddmu faċilità ta’ kwarantina fiż-żona ta’ protezzjoni biex tikkontrolla d-dħul ta’ ekwidi minn stabbilimenti f’partijiet oħrajn taċ-Ċina jew minn pajjiżi mhux imsemmija fl-Anness I tad-Deċiżjoni 2004/211/KE. Matul din il-kwarantina ta’ qabel id-dħul, l-annimali huma soġġetti għat-testijiet tas-saħħa tal-annimali f’konformità mal-kundizzjonijiet tal-importazzjoni tal-UE.

(9)

Qabel il-kwarantina ta’ qabel id-dħul, iċ-ċaqliq ta’ dawn l-ekwidi hu kkontrollat biex jiżgura li l-istandards stabbiliti fl-Artikolu 4 tad-Direttiva 90/426/KEE jista’ jiġi ċċertifikat għall-istabbilimenti barra ż-żona ħielsa mill-mard tal-ekwini li dawn inżammu fiha matul 180 jum qabel ma ntbagħtu lejn l-Unjoni Ewropea.

(10)

Filwaqt li jiġu kkunsidrati r-riżultati sodisfaċenti rrappurtati minn din l-ispezzjoni, flimkien mal-informazzjoni u l-garanziji pprovduti miċ-Ċina, huwa xieraq li ċ-Ċina tiġi inkluża fil-lista stipulata fl-Anness I tad-Deċiżjoni 2004/211/KE, iżda fl-istess ħin biex iċ-Ċina tinqasam f’reġjuni għal ċertu mard tal-ekwina u biex tawtorizza biss l-introduzzjoni ta’ żwiemel irreġistrati miż-żona ħielsa mill-mard tal-ekwina f’Guangzhou, il-Provinċja ta’ Guangdong.

(11)

Mil-lat epidemjoloġiku ż-żona ħielsa mill-marda tal-ekwina f’Guangzhou, il-Provinċja ta’ Guangdong, fiċ-Ċina għandha tingħata lill-grupp sanitarju C fil-lista fl-Anness I tad-Deċiżjoni 2004/211/KE. Dak l-Anness għandu għalhekk jiġi emendat skont dan.

(12)

Konsegwentement, huwa meħtieġ li tiġi emendata d-Deċiżjoni 92/260/KEE biex tinkludi din il-parti taċ-Ċina fil-lista ta’ pajjiżi fl-Anness I ta’ din id-Deċiżjoni u li jiġu adattati t-titolu u ċerti rekwiżiti ta’ ttestjar taċ-Ċertifikat tas-Saħħa C tal-Anness II ta’ din id-Deċiżjoni.

(13)

Għall-iskop tad-dħul mill-ġdid ta’ żwiemel irreġistrati, huwa meħtieġ li jiġi aġġornat l-Artikolu 1 biex jinkludi din il-parti taċ-Ċina fil-lista ta’ pajjiżi fl-Anness I, li jiġi adattat it-titolu taċ-ċertifikat tas-saħħa fl-Anness II u li jinbidel iċ-ċertifikat tas-saħħa fl-Anness VII tad-Deċiżjoni 93/195/KEE.

(14)

Huwa meħtieġ ukoll li tiġi emendata d-Deċiżjoni 93/197/KEE biex tinkludi din il-parti taċ-Ċina fil-lista ta’ pajjiżi fl-Anness I u biex jiġu adattati t-titolu u ċerti rekwiżiti ta’ ttestjar taċ-Ċertifikat tas-Saħħa C tal-Anness II ta’ din id-Deċiżjoni.

(15)

Fl-istess ħin ċerti denominazzjonijiet ta’ pajjiżi terzi fid-Deċiżjonijiet 92/260/KEE, 93/195/KEE u 93/197/KEE huma adattati għad-denominazzjonijiet korrispondenti fil-lista ta’ pajjiżi terzi stabbiliti bid-Deċiżjoni 2004/211/KE.

(16)

Il-miżuri previsti f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali,

(1)

L-Anness I jinbidel bit-test tal-Anness I ta’ din id-Deċiżjoni;

(2)

Fit-titolu ta’ kull wieħed miċ-ċertifikati tas-saħħa tal-annimali minn A sa F tal-Anness II il-kliem li jsegwu l-kliem “ĊERTIFIKAT TAS-SAĦĦA” huma mibdula b’dan li ġej:

“għad-dħul temporanju fl-Unjoni Ewropea ta’ żwiemel irreġistrati għal perjodu ta’ inqas minn 90 jum f’konformità mad-Deċiżjoni 2004/211/KE”;

(3)

Il-punt (l) fit-Taqsima III taċ-ċertifikat tas-saħħa C tal-Anness II hu mibdul b’dan li ġej:

(1)

Is-seba’ inċiż tal-Artikolu 1 jinbidel b’dan li ġej:

(2)

It-titolu taċ-ċertifikat tas-saħħa tal-annimali fl-Anness II huwa mibdul b’dan li ġej:

“ĊERTIFIKAT TAS-SAĦĦA

għad-dħul mill-ġdid fl-Unjoni Ewropea ta’ żwiemel irreġistrati għat-tiġrija, kompetizzjoni u avvenimenti kulturali wara esportazzjoni temporanja għal perjodu ta’ inqas minn 30 jum”.

(3)

L-Annessi I u VII jinbidlu f’konformità mal-Anness II ta’ din id-Deċiżjoni.

(1)

l-Anness I hu mibdul mit-test fl-Anness III għal din id-Deċiżjoni;

(2)

Fit-titolu ta’ kull wieħed miċ-ċertifikati tas-saħħa tal-annimali minn A sa F tal-Anness II il-kliem li jsegwu l-kliem “ĊERTIFIKAT TAS-SAĦĦA” huma mibdula b’dan li ġej:

“għal importazzjonijiet fl-Unjoni Ewropea ta’ ekwidi rreġistrati u ekwidi għat-tgħammir u l-produzzjoni f’konformità mad-Deċiżjoni 2004/211/KE”.

(3)

Il-punt (m) fit-Taqsima III taċ-ċertifikat tas-saħħa C tal-Anness II hu mibdul b’dan li ġej: