|
26.1.2010 |
MT |
Il-Ġurnal Uffiċjali tal-Unjoni Ewropea |
L 20/5 |
DEĊIŻJONI TAL-KUNSILL
meħuda bi qbil komuni mal-President elett tal-Kummissjoni,
tat-22 Jannar 2010
li tadotta lista ta' persuni oħra li l-Kunsill jipproponi li jinħatru Membri tal-Kummissjoni, u li tħassar u tissostitwixxi d-Deċiżjoni 2009/903/UE
(2010/41/UE, Euratom)
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 17(3), (4) u (7), it-tieni subparagrafu tiegħu,
Wara li kkunsidra t-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106 (a) tiegħu,
Billi:
|
(1) |
Iċ-ċirkostanzi relatati mal-proċess ta' ratifikazzjoni tat-Trattat ta' Lisbona wasslu biex il-Kummissjoni maħtura fit-22 ta' Novembru 2004 baqgħet fil-funzjoni wara l-31 ta' Ottubru 2009, sakemm jitwettaq il-proċess tal-ħatra tal-Kummissjoni l-ġdida, f'konformità mad-dispożizzjonijiet tat-Trattat dwar l-Unjoni Ewropea, kif modifikati bit-Trattat ta' Lisbona. |
|
(2) |
Kummissjoni ġdida, li tikkonsisti minn ċittadin wieħed ta' kull Stat Membru, inklużi l-President tagħha u r-Rappreżentant Għoli tal-Unjoni għall-Affarijiet Barranin u l-Politika ta' Sigurtà, għandha tiġi maħtura għall-perijodu sal-31 ta' Ottubru 2014. |
|
(3) |
Il-Kunsill Ewropew innomina lis-Sur José Manuel DURÃO BARROSO bħala l-persuna proposta lill-Parlament Ewropew bħala President tal-Kummissjoni u l-Parlament Ewropew eleġġa l-kandidat hekk innominat. |
|
(4) |
Skont l-Artikolu 18(1) tat-Trattat dwar l-Unjoni Ewropea, huwa kompitu tal-Kunsill Ewropew, bil-qbil tal-President tal-Kummissjoni, li jaħtar ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà. |
|
(5) |
Permezz tad-Deċiżjoni 2009/903/UE tal-4 ta' Diċembru 2009 (1), il-Kunsill adotta, bi qbil komuni mal-President elett tal-Kummissjoni, il-ista ta’ persuni oħra li huwa jipproponi li jinħatru Membri tal-Kummissjoni sal-31 ta' Ottubru 2014. |
|
(6) |
Bi qbil komuni mal-President elett tal-Kummissjoni, id-Deċiżjoni 2009/903/UE għandha titħassar qabel ma l-lista li tinsab fiha tiġi sottomessa għal vot ta' approvazzjoni tal-Parlament Ewropew u għandha tiġi sostitwita b’din id-Deċiżjoni. |
|
(7) |
Skont l-Artikolu 17(7), it-tielet subparagrafu, tat-Trattat dwar l-Unjoni Ewropea, il-President, ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà u l-Membri l-oħra tal-Kummissjoni ser ikunu soġġetti, bħala kulleġġ, għal vot ta' approvazzjoni mill-Parlament Ewropew. |
ADOTTA DIN ID-DEĊIŻJONI:
Artikolu 1
Bi qbil komuni mas-Sur José Manuel DURÃO BARROSO, il-President elett tal-Kummissjoni, il-Kunsill jipproponi li jinħatru Membri tal-Kummissjoni Ewropea sal-31 ta' Ottubru 2014, il-persuni li ġejjin:
|
|
Is-Sur Joaquín ALMUNIA AMANN |
|
|
Is-Sur László ANDOR |
|
|
Is-Sur Michel BARNIER |
|
|
Is-Sur Dacian CIOLOȘ |
|
|
Is-Sur John DALLI |
|
|
Is-Sinjura Maria DAMANAKI |
|
|
Is-Sur Karel DE GUCHT |
|
|
Is-Sur Štefan FÜLE |
|
|
Is-Sinjura Máire GEOGHEGAN-QUINN |
|
|
Is-Sinjura Kristalina GEORGIEVA |
|
|
Is-Sur Johannes HAHN |
|
|
Is-Sinjura Connie HEDEGAARD |
|
|
Is-Sur Siim KALLAS |
|
|
Is-Sinjura Neelie KROES |
|
|
Is-Sur Janusz LEWANDOWSKI |
|
|
Is-Sinjura Cecilia MALMSTRÖM |
|
|
Is-Sur Günther H. OETTINGER |
|
|
Is-Sur Andris PIEBALGS |
|
|
Is-Sur Janez POTOČNIK |
|
|
Is-Sinjura Viviane REDING |
|
|
Is-Sur Olli REHN |
|
|
Is-Sur Maroš ŠEFČOVIČ |
|
|
Is-Sur Algirdas Gediminas ŠEMETA |
|
|
Is-Sur Antonio TAJANI |
|
|
Is-Sinjura Androulla VASSILIOU |
Artikolu 2
Id-Deċiżjoni 2009/903/KE hija mħassra.
Artikolu 3
Din id-Deċiżjoni għandha tiġi trasmessa lill-Parlament Ewropew.
Hija għandha tiġi pubblikata fil-Ġurnal Uffiċjali tal-Unjoni Ewropea.
Magħmul fi Brussell, it-22 ta’ Jannar 2010.
Għall-Kunsill
Il-President
M. Á. MORATINOS
(1) ĠU L 321, 8.12.2009, p. 51.