|
24.11.2009 |
MT |
Il-Ġurnal Uffiċjali tal-Unjoni Ewropea |
L 308/14 |
REGOLAMENT TAL-KUMMISSJONI (KE) Nru 1126/2009
tat-23 ta’ Novembru 2009
li jiftaħ u li jipprovdi għall-amministrazzjoni tal-kwoti tat-tariffi tal-Komunità għal ċerti prodotti agrikoli li joriġinaw mill-Iżvizzera, u li jirrevoka r-Regolament tal-Kummissjoni (KE) Nru 933/2002
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabilixxi l-Komunità Ewropea,
Wara li kkunsidrat id-Deċiżjoni 2002/309/KE, Euratom tal-Kunsill u tal-Kummissjoni dwar il-Ftehim dwar Kooperazzjoni Xjentifika u Teknoloġika tal-4 ta’ April 2002 dwar il-konklużjoni ta’ seba’ ftehimiet mal-Konfederazzjoni Żvizzera (1), u b’mod partikolari l-Artikolu 5(3) l-ewwel inċiż u l-Artikolu 5(4) tiegħu,
Billi:
|
(1) |
Permezz tad-Deċiżjoni Nru 2/2008 tal-Kumitat Konġunt dwar l-Agrikoltura stabbilit bil-Ftehim bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli tal-24 ta’ Ġunju 2008 li jikkonċerna l-adozzjoni tal-Annessi 1 u 2 (2), l-Annessi 1 u 2 tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ ta’ prodotti agrikoli (minn hawn ‘il quddiem: “il-Ftehim”) ġew sostitwiti. |
|
(2) |
L-Anness 2 tal-Ftehim, kif emendat, jistipula l-konċessjonijiet tariffarji li ngħataw mill-Komunità fir-rigward ta’ importazzjonijiet ta’ prodotti agrikoli li joriġinaw mill-Iżvizzera. Xi wħud minn dawn il-konċessjonijiet tariffarji japplikaw fi ħdan kwoti tariffarji ġestiti b’konformità mal-Artikoli 308a, 308b u 308c tar-Regolamnet tal-Kummissjoni (KEE) Nru 2454/93 tat-2 ta’ Lulju 1993 li jiffissaw id-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jwaqqaf il-Kodiċi Doganali tal-Komunità (3). |
|
(3) |
Minħabba raġunijiet ta’ ċarezza, huwa xieraq li jkunu stipulati d-dispożizzjonijiet li jimplimentaw dawn il-kwoti tariffarji għal prodotti agrikoli f’att leġiżlattiv uniku li jissostitwixxi r-Regolament tal-Kummissjoni (KE) Nru 933/2002 (4). B’konformità mal-Ftehim il-kwoti tariffarji għandhom jinfetħu għall-perjodu mill-1 ta’ Jannar sal-31 ta’ Diċembru. |
|
(4) |
Peress li d-Deċiżjoni Nru 2/2008 tal-Kumitat Konġunt dwar l-Agrikoltura se tidħol fis-seħħ fl-1 ta’ Jannar 2010, dan ir-Regolament għandu japplika mill-istess data. |
|
(5) |
Il-miżuri adottati f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-kwoti tariffarji għall-prodotti li joriġinaw mill-Iżvizzera elenkati fl-Anness se jinfetħu kull sena, u bir-rati tad-dazji doganali mniżżlin f’dak l-Annness.
Artikolu 2
Il-kwoti tat-tariffi msemmijin fl-Artikolu 1 għandhom ikunu amministrati mill-Kummissjoni skont l-Artikoli 308a, 308b u 308c tar-Regolament (KEE) Nru 2454/93.
Artikolu 3
Ir-Regolament (KE) Nru 933/2002 huwa revokat.
Artikolu 4
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Huwa għandu japplika mill-1 ta’ Jannar 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Novembru 2009.
Għall-Kummissjoni
László KOVÁCS
Membru tal-Kummissjoni
(1) ĠU L 114, 30.4.2002, p. 1.
(2) ĠU L 228, 27.8.2008, p. 3.
(3) ĠU L 253, 11.10.1993, p. 11.
(4) ĠU L 144, 1.6.2002, p. 22.
ANNESS
Minkejja r-regoli għall-interpretazzjoni tan-Nomenklatura Magħquda, il-kliem għad-deskrizzjoni tal-prodotti għandu jitqies biss bħala indikattiv. L-iskema preferenzjali f’dan l-Anness hija relatata mal-kodiċi NM kif jeżistu fiż-żmien meta dan ir-Regolament ġie adottat. Fejn ex kodiċi NM huma indikati, l-iskema preferenzjali għandha tiġi stabbilita bl-applikazzjoni tal-kodiċi NM u d-deskrizzjoni li tikkorrispondi meħudin flimkien.
|
Nru tas-serje |
Kodiċi tan-NM |
Subdiviżjoni tat-TARIC |
Deskrizzjoni tal-prodotti |
Perjodu tal-kwota |
Volum tal-kwota (f’tunnellati ta’ piż nett) |
Id-dazju fuq il-kwota |
|
09.0919 |
ex 0210 19 50 |
10 |
Prieżet fis-salmura, bla għadam, magħluqa f’bużżieqa jew f’musrana artifiċjali |
1.1 to 31.12 |
1 900 |
bla ħlas |
|
ex 0210 19 81 |
10 |
Laħam tal-qasqus, bla għadam, minn qatgħa, iffumikata |
||||
|
ex 1601 00 10 |
10 |
Zalzett u prodotti simili, tal-laħam, ġewwieni tal-laħam jew demm; preparazzjonijiet tal-ikel ibbażati fuq dawn il-prodotti, ta’ annimali li jaqgħu taħt l-intestaturi 0101 sa 0104 , ħlief iċ-ċingjali |
||||
|
ex 1601 00 91 |
10 |
|||||
|
ex 1601 00 99 |
10 |
|||||
|
ex 0210 19 81 |
20 |
Għonq il-majjal, imnixxef fl-arja, bil-ħwawar miżjudin jew le, sħiħ, f’biċċiet jew fi flieli rqaq |
||||
|
ex 1602 49 19 |
10 |
|||||
|
09.0921 |
0701 10 00 |
|
Patata taż-żerriegħa, friska jew imkessħa |
1.1 to 31.12 |
4 000 |
bla ħlas |
|
09.0922 |
0702 00 00 |
|
Tadam, frisk jew imkessaħ |
1.1 to 31.12 |
1 000 |
bla ħlas (*) |
|
09.0923 |
0703 10 19 0703 90 |
|
Basal, għajr il-basal għat-taħwil kurrat u ħaxix ieħor tal-ġens tat-tewm, frisk jew imkessaħ |
1.1 to 31.12 |
5 000 |
bla ħlas |
|
09.0924 |
0704 10 00 0704 90 |
|
Kaboċċi, pastard, ġdur, kale u brassicae oħrajn li jittieklu, ħlief il-Brussels sprouts, friski jew imkessħin |
1.1 to 31.12 |
5 500 |
bla ħlas |
|
09.0925 |
0705 |
|
Ħass (Lactuca sativa) u ċikwejra (Cichorium spp.), friski jew imkessħin |
1.1 to 31.12 |
3 000 |
bla ħlas |
|
09.0926 |
0706 10 00 |
|
Karrotti u turnips, friski jew imkessħin |
1.1 to 31.12 |
5 000 |
bla ħlas |
|
09.0927 |
0706 90 10 0706 90 90 |
|
Pitravi għall-insalata, sassefrika, celeriac, ravanelli u għeruq simili li jittieklu, ħlief ir-ravanell taż-żiemel (Cochlearia armoracia), friski jew imkessħin |
1.1 to 31.12 |
3 000 |
bla ħlas |
|
09.0928 |
0707 00 05 |
|
Fażola (Vigna spp., Phaseolus spp.), friska jew imkessħa |
1.1 to 31.12 |
1 000 |
bla ħlas (*) |
|
09.0929 |
0708 20 00 |
|
Brunġiel (xitel tal-brunġiel), frisk jew imkessaħ |
1.1 to 31.12 |
1 000 |
bla ħlas |
|
09.0930 |
0709 30 00 |
|
Krafes ħlief celeriac, frisk jew imkessaħ |
1.1 to 31.12 |
500 |
bla ħlas |
|
09.0931 |
0709 40 00 |
|
Spinaċi, spinaċi ta’ New Zealand u spinaċi orache (spinaċi tal-ġonna), frisk jew imkessaħ |
1.1 to 31.12 |
500 |
bla ħlas |
|
09.0932 |
0709 70 00 |
|
Spinaċi, spinaċi ta’ New Zealand u spinaċi orache (spinaċi tal-ġonna), frisk jew imkessaħ |
1.1 to 31.12 |
1 000 |
bla ħlas |
|
09.0933 |
0709 90 10 |
|
Ħxejjex għall-insalata, ħlief il-ħass (Lactuca sativa) u ċ-ċikwejra (Cichorium spp.), friski jew imkessħin |
1.1 to 31.12 |
1 000 |
bla ħlas |
|
09.0950 |
0709 90 20 |
|
Pitravi chard (jew pitravi bojod) u kardun, friski jew imkessħin |
1.1 to 31.12 |
300 |
bla ħlas |
|
09.0934 |
0709 90 50 |
|
Bużbież, frisk jew imkessaħ |
1.1 to 31.12 |
1 000 |
bla ħlas |
|
09.0935 |
0709 90 70 |
|
Zukkini, friski jew imkessħin |
1.1 to 31.12 |
1 000 |
bla ħlas (*) |
|
09.0936 |
0709 90 90 |
|
Ħaxix ieħor, frisk jew imkessaħ |
1.1 to 31.12 |
1 000 |
bla ħlas |
|
09.0945 |
0710 10 00 |
|
Patata, mhux imsajra jew imsajra bl-istim jew fl-ilma jagħli, iffriżata |
1.1 to 31.12 |
3 000 |
bla ħlas |
|
2004 10 10 2004 10 99 |
Patata, ippreparata jew ippreservata mhux bil-ħall jew bl-aċtu aċetiku, iffriżata, għajr il-prodotti li jaqgħu taħt l-intestatura 2006 , ħlief dqiq, pasta jew biċċiet żgħar |
|||||
|
2005 20 80 |
Patata, ippreparata jew ippreservata mhux bil-ħall jew bl-aċtu aċetiku, iffriżata, għajr il-prodotti li jaqgħu taħt l-intestatura 2006 , ħlief dqiq, pasta jew biċċiet żgħar u preparazzjonijiet li jkunu fi flieli rqaq, moqlijin jew moħmijin, kemm jekk immelħin jew imħawrin kif ukoll jekk le, ġo pakketti li ma jħallux l-arja tidħol, tajbin għal konsum immedjat |
|||||
|
09.0937 |
ex 0808 10 80 |
90 |
Tuffieħ, għajr it-tuffieħ tas-sidru, frisk |
1.1 to 31.12 |
3 000 |
bla ħlas (*) |
|
09.0938 |
0808 20 |
|
Lanġas u sfarġel, friski |
1.1 to 31.12 |
3 000 |
bla ħlas (*) |
|
09.0939 |
0809 10 00 |
|
Berquq, frisk |
1.1 to 31.12 |
500 |
bla ħlas (*) |
|
09.0940 |
0809 20 95 |
|
Ċirasa, għajr iċ-ċirasa qarsa (Prunus cerasus), friska |
1.1 to 31.12 |
1 500 |
bla ħlas (*) |
|
09.0941 |
0809 40 |
|
Għajnbaqar u pruna selvaġġa (sloes), friski |
1.1 to 31.12 |
1 000 |
bla ħlas (*) |
|
09.0948 |
0810 10 00 |
|
Frawli, frisk |
1.1 to 31.12 |
200 |
bla ħlas |
|
09.0942 |
0810 20 10 |
|
Lampun, frisk |
1.1 to 31.12 |
100 |
bla ħlas |
|
09.0943 |
0810 20 90 |
|
Tut, ċawsli u loganberries, friski |
1.1 to 31.12 |
100 |
bla ħlas |
|
09.0946 |
ex 0811 90 19 |
12 |
Ċirasa, mhux imsajra jew imsajra bl-istim jew fl-ilma jagħli, iffriżata, li fiha zokkor jew materjal ieħor li jagħmel ħelu |
1.1 to 31.12 |
500 |
bla ħlas |
|
ex 0811 90 39 |
12 |
|||||
|
0811 90 80 |
|
Ċirasa, għajr ċirasa qarsa (Prunus cerasus), mhux imsajra jew imsajra bl-istim jew fl-ilma jagħli, iffriżata, li ma fihiex zokkor jew materjal ieħor li jagħmel ħelu |
||||
|
2008 60 |
|
Ċirasa, ippreparata jew ippreservata b’mod ieħor, kemm jekk fiha z-zokkor jew materjal ieħor li jagħmel ħelu jew spirtu miżjud kif ukoll jekk le, u li mhix speċifikata jew inkluża mkien aktar |
||||
|
09.0944 |
1106 30 10 |
|
Dqiq, pasta u trab tal-banana |
1.1 to 31.12 |
5 |
bla ħlas |
(*) It-tnaqqis tad-dazju fi ħdan din il-kwota tariffarja huwa limitat għall-element ad valorem Il-prezzijiet tad-dħul fis-suq u d-dazji speċifiċi tagħhom jibqgħu japplikaw.