6.8.2009 |
MT |
Il-Ġurnal Uffiċjali tal-Unjoni Ewropea |
L 204/12 |
REGOLAMENT TAL-KUMMISSJONI (KE) Nru 709/2009
tal-5 ta’ Awwissu 2009
li jemenda r-Regolament tal-Kunsill (KE) Nru 43/2009 fir-rigward tal-limiti ta’ qbid għan-Norway pout fiż-żona IIIa tal-ICES u fl-ilmijiet tal-KE taż-żoni IIa u IV tal-ICES
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 43/2009 tas-16 ta’ Jannar 2009 li jistabbilixxi għall-2009 l-opportunitajiet tas-sajd u l-kundizzjonijiet assoċjati għal ċerti stokkijiet tal-ħut u gruppi ta’ stokkijiet tal-ħut, applikabbli fl-ilmijiet Komunitarji, għal bastimenti Komunitarji, f’ilmijiet fejn huma meħtieġa limiti tal-qbid (1), u b’mod partikolari l-Artikolu 5(5) tiegħu;
Billi:
(1) |
Il-limiti preliminari ta’ qbid għall-istokk ta’ Norway pout fiż-żona IIIa tal-ICES u fl-ilmijiet tal-KE taż-żoni IIa u IV tal-ICES huma stabbiliti fl-Anness IA tar-Regolament (KE) Nru 43/2009. |
(2) |
Skont l-Artikolu 5(5) ta’ dak ir-Regolament, il-Kummissjoni tista’ tirrevedi dawk il-limiti tal-qbid fid-dawl tal-informazzjoni xjentifika miġbura matul l-ewwel semestru tal-2009. |
(3) |
Fid-dawl tal-informazzjoni xjentifika miġbura fl-ewwel semestru tal-2009, il-limiti finali tal-qbid għan-Norway pout fiż-żoni konċernati għandhom jiġu ffissati. |
(4) |
Skont il-Kumitat Xjentifiku, Tekniku u Ekonomiku għas-Sajd, jekk il-qbid fl-2009 jilħaq total ta’ 157 000 tunnellata fiż-żona IIIa tal-ICES u fl-ilmijiet tal-KE taż-żoni IIa u IV tal-ICES, li jikkorrispondu għal valur tal-mortalità tal-ħut ta’ 0,6, dan għandu jwassal biex l-istokk jinżamm ogħla mil-limiti prekawzjonarji. |
(5) |
In-Norway pout huwa stokk tal-Baħar tat-Tramuntana li jinqasam flimkien man-Norveġja, iżda li bħalissa mhuwiex taħt ġestjoni konġunta bejn iż-żewġ Partijiet. Il-miżuri pprovduti f’dan ir-Regolament għandhom ikunu konformi mal-konsultazzjonijiet li saru man-Norveġja skont id-dispożizzjonijiet tal-Memorjal Maqbul tal-konklużjonijiet tal-konsultazzjonijiet tas-sajd bejn il-Komunità Ewropea u n-Norveġja tal-10 ta’ Diċembru 2008. |
(6) |
Konsegwentement, is-sehem tal-Komunità mill-qabdiet totali permessi (TAC) tan-Norway pout fiż-żona IIIa tal-ICES u fl-ilmijiet tal-KE taż-żoni IIa u IV tal-ICES għandhom jiġu stabbiliti għal 75 % ta’ 157 000 tunnellata. |
(7) |
Skont l-Artikolu 5(7) tar-Regolament (KE) Nru 43/2009, il-limiti tal-qbid għall-istokk ta’ merlangu fiż-żona IIIa tal-ICES, għall-istokk ta’ merlangu fiż-żona IV tal-ICES u tal-ilmijiet tal-KE taż-żona IIa tal-ICES, għall-istokkijiet ta’ haddock fiż-żona IIIa tal-ICES u fl-ilmijiet tal-KE taż-żoni IIIb, IIIc u IIId, u għall-istokk ta’ haddock fiż-żona IV tal-ICES u fl-ilmijiet tal-KE taż-żona IIa jistgħu jiġu riveduti mill-Kummissjoni bħala konsegwenza tar-reviżjoni tal-limiti tal-qbid għall-istokk ta’ Norway pout, biex jitqies il-qbid inċidentali industrijali ta’ dawk l-istokkijiet fis-sajd għan-Norway pout. Madankollu, reviżjoni bħal din għandha tirriżulta f’nuqqas fl-ammonti ta’ haddock u merlangu li jinħattu għall-konsum uman u f’żieda fl-ammonti li jinħattu għall-użu industrijali. Għalhekk, huwa preferibbli li l-limiti tal-qbid għal dawn l-istokkijiet jitħallew kif inhuma u li s-sajd għan-Norway pout jieqaf hekk kif jintlaħqu l-estimi eżistenti tal-livelli tal-qbid inċidentali tal-haddock u tal-merlangu. |
(8) |
Il-limiti tal-qbid għall-istokkijiet tal-merlangu u tal-haddock fiż-żona IIIa tal-ICES u fl-ilmijiet tal-KE taż-żoni IIIb, IIIc u IIId għandhom jibqgħu kif inhuma għall-bqija tal-2009 ukoll fid-dawl tas-sajd limitat għan-Norway pout f’dawn iż-żoni u fl-assenza ta’ previżjonijiet ġodda għall-qbid inċidentali tal-haddock u tal-merlangu f’sajd industrijali ieħor li jopera f’dawn iż-żoni. |
(9) |
In-Norway pout hija speċi li ma tgħix għal żmien twil. Konsegwentement il-kwantitajiet il-ġodda tal-limiti tal-qbid għandhom ikunu implimentati mill-aktar fis possibbli, sabiex tkun żgurata l-operazzjoni kontinwa tas-sajd. |
(10) |
L-Anness IA tar-Regolament (KE) Nru 43/2009 għandu għalhekk jiġi emendat kif jixraq. |
(11) |
Il-miżuri pprovduti f’dan ir-Regolament huma skont l-opinjoni tal-Kumitat tas-Sajd u l-Akkwakultura, |
ADOTTAT DAN IR-REGOLAMENT:
Artikolu 1
L-Anness IA għar-Regolament (KE) Nru 43/2009 huwa emendat skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Awwissu 2009.
Għall-Kummissjoni
Joe BORG
Membru tal-Kummissjoni
ANNESS
Fl-Anness IA tar-Regolament (KE) Nru 43/2009, l-annotazzjoni dwar l-istokk ta’ Norway pout fiż-żona IIIa tal-ICES u fl-ilmijiet tal-KE taż-żoni IIa u IV tal-ICES għandha tinbidel b’dan li ġej:
|
|
|||||||
Id-Danimarka |
116 642 (1) |
TAC Analitiku. L-Artikolu 3 tar-Regolament (KE) Nru 847/96 ma japplikax. L-Artikolu 4 tar-Regolament (KE) Nru 847/96 ma japplikax. L-Artikolu 5(2) tar-Regolament (KE) Nru 847/96 japplika. |
||||||
Il-Ġermanja |
||||||||
L-Olanda |
||||||||
KE |
116 750 |
|||||||
in-Norveġja |
1 000 (3) |
|||||||
TAC |
Mhux rilevanti |
(1) Din il-kwota tista’ tkun mistada biss sakemm il-qbid inċidentali tal-merlangu fiż-żona IIIa tal-ICES, tal-merlangu fiż-żona IV tal-ICES u fl-ilmijiet tal-KE taż-żoni IIa tal-ICES, tal-haddock fiż-żona IIIa tal-ICES u fl-ilmijiet tal-KE taż-żoni IIIb, IIIc u IIId tal-ICES, u tal-haddock fiż-żona IV tal-ICES u fl-ilmijiet tal-KE taż-żona IIa tal-ICES jibqgħu taħt il-kwantitajiet stmati għall-qbid inċidentali industrijali murija fin-noti f’qiegħ il-paġna tat-tabelli tal-limiti tal-qbid għal dawk l-istokkijiet.
(2) Il-kwota tista’ tiġi mistada biss fl-ilmijiet tal-KE taż-żoni IIa, IIIa u IV tal-ICES.
(3) Din il-kwota tista’ tiġi mistada biss fiż-żona ICES IV u VIa fit-Tramuntana ta’ 56°30′ N.’