29.7.2009   

MT

Il-Ġurnal Uffiċjali tal-Unjoni Ewropea

L 197/18

(1)

Permezz tar-Regolament (KE) Nru 192/2007 (2) il-Kunsill, b’segwiment ta’ investigazzjoni ta’ reviżjoni ta’ skadenza, impona dazju definittiv kontra d-dumping fuq importazzjonijiet lejn il-Komunità ta’ ċertu tereftalat tal-polietilen (“PET”), li joriġinaw, inter alia, fil-Malażja. Il-miżuri fis-seħħ jikkonsistu f’rata tad-dazju ta’ 160,1 EUR/tunnellata metrika, bl-eċċezzjoni tal-kumpaniji msemmija espressament li huma suġġetti għal rati ta’ dazju individwali. Skont l-istess Regolament, id-dazji kontra d-dumping huma wkoll imposti fuq l-importazzjoni tal-PET li joriġinaw fil-Indja, fl-Indoneżja, fir-Repubblika tal-Korea, fit-Tajlandja u fit-Tajwan. Il-miżuri oriġinali kienu imposti, wara investigazzjoni (l-“investigazzjoni oriġinali”), mir-Regolament (KE) Nru 2604/2000 (3).

(2)

Il-Kummissjoni sussegwentement irċiviet talba biex tniedi reviżjoni ta’ “esportatur ġdid” tar-Regolament (KE) Nru 192/2007, skont l-Artikolu 11(4) tar-Regolament bażiku, mingħand Eastman Chemical (Malaysia) SDN.BHD (l-“applikant”). L-applikant allega li ma esportax ċerti tipi ta’ PET lejn il-Komunità matul il-perijodu ta’ investigazzjoni li fuqu kienu ssejsu l-miżuri kontra d-dumping, jiġifieri l-perijodu mill-1 ta’ Ottubru 1998 sat-30 ta’ Settembru 1999 (il-“perijodu ta’ investigazzjoni oriġinali”) u li ma huwa relatat mal-ebda produttur esportatur ta’ ċerti tipi ta’ PET li huma suġġetti għall-miżuri kontra d-dumping imsemmija hawn fuq. L-applikant allega wkoll li beda jesporta ċerti tipi ta’ PET lejn il-Komunità wara t-tmiem tal-perijodu ta’ investigazzjoni oriġinali.

(3)

Il-Kummissjoni eżaminat l-evidenza prima facie mressqa mill-applikant u kkunsidratha biżżejjed biex tiġġustifika li jingħata bidu għal reviżjoni skont l-Artikolu 11(4) tar-Regolament bażiku. Wara konsultazzjoni mal-Kumitat Konsultattiv u wara li l-industrija Komunitarja kkonċernata ngħatat l-opportunità li tikkummenta, il-Kummissjoni bdiet, permezz tar-Regolament (KE) Nru 1082/2008 (4), reviżjoni tar-Regolament (KE) Nru 192/2007 rigward l-applikant.

(4)

Skont l-Artikolu 2 tar-Regolament (KE) Nru 1082/2008, id-dazju kontra d-dumping ta’ 160,1 EUR/tunnellata metrika impost mir-Regolament (KE) Nru 192/2007 fuq l-importazzjonijiet ta’ ċerti tipi ta’ PET manifatturati u mibjugħa għall-esportazzjoni lejn il-Komunità mill-applikant ġie revokat. Fl-istess waqt, skont l-Artikolu 14(5) tar-Regolament bażiku, l-awtoritajiet tad-dwana ġew ordnati li jieħdu il-passi neċessarji biex jirreġistraw dawn l-oġġetti importati.

(5)

Il-prodott ikkonċernat mir-reviżjoni attwali huwa l-istess bħal dak fl-investigazzjoni oriġinali, jiġifieri PET b’koeffiċjent ta’ viskożità ta’ 78 ml/g jew ogħla, skont l-Istandard tal-ISO 1628-5, li jaqa’ fi ħdan il-Kodiċi NM 3907 60 20.

(6)

Il-Kummissjoni uffiċjalment avżat lill-applikant, l-industrija Komunitarja, u r-rappreżentanti tal-pajjiż esportatur li kienet tnediet din ir-reviżjoni. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jinstemgħu.

(7)

Il-Kummissjoni bagħtet kwestjonarju lill-applikant u rċeviet tweġiba qabel ma’ skorriet id-data tal-iskadenza ffissata għal dak il-għan. Il-Kummissjoni fittxet li tivverifika l-informazzjoni kollha li dehrilha hija neċessarja biex tiddetermina id-dumping, filwaqt li twettqet żjara ta’ verifika fil-kwartieri tal-applikant.

(8)

Il-perijodu ta’ investigazzjoni ta’ reviżjoni ta’ “esportatur ġdid” kopra l-perijodu mill-1 ta’ Ottubru 2007 sat-30 ta’ Settembru 2008.

(9)

Permezz ta’ ittra bid-data tat-22 ta’ April 2009 indirizzata lill-Kummissjoni, l-applikant formalment irtira t-talba tiegħu għal reviżjoni ta’ “esportatur ġdid” bla ma provda ebda ġustifikazzjoni speċifika.

(10)

F’dawn iċ-ċirkustanzi, il-Kummissjoni ma setgħetx tistabbilixxi r-rata tad-dazju u l-marġni ta’ dumping individwali tal-applikant. Għaldaqstant ġie konkluż li l-importazzjonijiet lejn il-Komunità tal-prodotti PET b’koeffiċjent ta’ viskożità ta’ 78 ml/g jew ogħla, skont l-Istandard tal-ISO 1628-5 li jaqgħu fi ħdan il-kodiċi NM 3907 60 20 li joriġinaw fil-Malażja u li jiġu manifatturati u jinbiegħu għall-esportazzjoni lejn il-Komunità minn Eastman Chemical (Malaysia) SDN.BHD għandhom jkunu suġġetti għad-dazju applikabbli mal-pajjiż kollu għall-“kumpaniji l-oħra kollha” fil-Malażja (160,1 EUR/tunnellata metrika) impost mir-Regolament tal-Kunsill Nru 192/2007 u li dik ir-rata ta’ dazju għandha għalhekk terġa’ tiġi imposta.

(11)

Fid-dawl tal-konklużjonijiet ta’ hawn fuq, id-dazju kontra d-dumping applikabbli għal Eastman Chemical (Malaysia) SDN.BHD għandu jiġi impost retroattivament mid-data tat-tnedija tar-reviżjoni fuq l-importazzjonijiet tal-prodott ikkonċernat, li saru suġġetti għar-reġistrazzjoni skont l-Artikolu 3 tar-Regolament (KE) Nru 1082/2008.

(12)

L-applikant u l-partijiet ikkonċernati l-oħrajn ġew infurmati dwar il-fatti u l-kunsiderazzjonijiet essenzjali li abbażi tagħhom ġiet intiża l-impożizzjoni mill-ġdid ta’ dazju definittiv kontra d-dumping fuq importazzjonijiet ta’ ċerti tipi ta’ PET li joriġinaw, inter alia, fil-Malażja u li jiġu manifatturati u mibjugħa għall-esportazzjoni lejn il-Komunità minn Eastman Chemical Malaysia SDN.BHD u l-impożizzjoni retroattiva ta’ dan id-dazju fuq l-importazzjonijiet li saru suġġetti għar-reġistrazzjoni. Il-kummenti tagħhom tqiesu u ttieħdu inkonsiderazzjoni kif jixraq.

(13)

Din ir-reviżjoni ma taffettwax id-data li fiha l-miżuri imposti mir-Regolament (KE) Nru 192/2007 jiskadu skont l-Artikolu 11(2) tar-Regolament bażiku,