10.7.2009   

MT

Il-Ġurnal Uffiċjali tal-Unjoni Ewropea

L 179/26

(1)

Il-Kummissjoni, permezz tar-Regolament (KE) Nru 193/2009 (2) (ir-“Regolament provviżorju”) li jimponi dazju anti-dumping provviżorju fuq l-importazzjonijiet tal-bijodiżil li joriġinaw mill-Istati Uniti tal-Amerika (“USA” jew “il-pajjiż ikkonċernat”).

(2)

Fil-proċediment parallell anti-sussidju, il-Kummissjoni, permezz tar-Regolament (KE) Nru 194/2009 (3) imponiet dazju kumpensatorju provviżorju fuq l-importazzjonijiet tal-bijodiżil li joriġinaw mill-Istati Uniti tal-Amerika.

(3)

Wara l-iżvelar tal-fatti u l-konsiderazzjonijiet essenzjali, li fuq il-bażi tagħhom kien deċiż li jkunu imposti miżuri provviżorji ta’ anti-dumping (“l-iżvelar provviżorju”), għadd ta’ partijiet interessati ressqu preżentazzjonijiet bil-miktub biex juru l-fehmiet tagħhom dwar is-sejbiet provviżorji. Il-partijiet li talbu dan ingħataw l-opportunità li jinstemgħu. Il-Kummissjoni kompliet tfittex u tivverifika t-tagħrif kollu li qieset meħtieġ għas-sejbiet definittivi tagħha. Il-kummenti bil-fomm u bil-miktub ippreżentati mill-partijiet interessati tqiesu u, fejn xieraq, is-sejbiet provviżorji ġew immodifikati kif meħtieġ.

(4)

Il-partijiet kollha ġew infurmati bil-fatti essenzali u l-konsiderazzjonijiet li fuq il-bażi tagħhom kien hemm il-ħsieb ta’ rakkomandazzjoni tal-impożizzjoni ta’ dazju definittiv anti-dumping fuq importazzjonijiet tal-bijodiżil li joriġinaw fil-USA u l-ġbir definittiv tal-ammonti żgurati permezz tad-dazju provviżorju (“żvelar finali”). Ingħataw ukoll perjodu li fih setgħu jagħmlu appelli wara dan l-iżvelar.

(5)

Il-Gvern tal-Istati Uniti (GSU) u partijiet oħra interessati esprimew id-diżappunt tagħhom bid-deċiżjoni li jingħataw biss sittax-il jum għall-kummenti dwar l-iżvelar provviżorju kif ukoll bid-deċiżjoni li ma jiġux milqugħa t-talbiet ta’ ċerti partijiet għal tiġdid raġunat ta’ żmien biex jiġu reġistrati dawn il-kummenti.

(6)

L-Artikolu 20(1) tar-Regolament bażiku jistipula li l-partijiet interessati jistgħu jingħataw id-dettalji li jinsabu wara l-fatti essenzjali u l-konsiderazzjonijiet li fuq il-bażi tagħhom ġew imposti miżuri provviżorji. F’dan ir-rigward, hija prassi tal-Kummissjoni li tipprovdi l-iżvelar lill-partijiet kollha interessati fi proċediment mal-pubblikazzjoni fil-Ġurnal Uffiċjali tal-Unjoni Ewropea ta’ regolament li jimponi miżuri provviżorji u li tipprovdi perjodu ta’ żmien li fih il-partijiet jistgħu jipprovdu l-kummenti dwarhom. Intużat din il-prassi f’dan il-proċediment. Għal dak li huwa l-perjodu ta’ żmien li fih il-partijiet intalbu jipprovdu kummenti, ir-Regolament bażiku ma jispeċifikax kemm żmien għandu jingħata. F’dan il-proċediment tqies li għandu jingħata perjodu ta’ sittax-il jum (wara mtawwal għal sbatax-il jum) minħabba l-kumplessità tal-proċediment u l-ħtieġa li jiġi rispettat ir-rekwiżit fl-Artikolu 11(9) tar-Regolemant bażiku anti-sussidju li l-investigazzjoni tintemm fi żmien tlettax-il xahar mill-bidu tagħha.

(7)

Wara l-iżvelar tas-sejbiet provviżorji fil-proċediment parallell anti-sussidju, il-GSU kkumenta dwar ir-rata ta’ dazju stabbilita għall-“kumpaniji l-oħra kollha”. Għal dak li huwa dazju stabbilit għall-kumpaniji tal-Istati Uniti li ma ppreżentawx ruħhom u ma kkooperawx fl-investigazzjoni, ir-rata ta’ dazju provviżorju ġiet stabbilita fuq il-livell l-iktar baxx tal-ogħla marġini ta’ sussidju jew l-ogħla marġini ta’ ħsara misjub għall-produtturi esportaturi li kooperaw fil-kampjun. L-istess metodu ġie applikat ukoll fil-proċediment ta’ anti-dumping. Ir-rata tad-dazju anti-dumping hekk stabbilita kienet skont l-Artikolu 1(2) tar-Regolament provviżorju (rata ta’ EUR 182,4 kull tunnellata għall-“kumpaniji l-oħra kollha”). Il-GSU jikkunsidra din ir-rata ta’ dazju bħala rata mhux ikkalkulata kif xieraq fuq il-bażi tal-fatti disponibbli. Il-GSU jikkunsidra li, sabiex wieħed jorbot fuq il-fatti disponibbli skont l-Artikolu 18 tar-Regolament bażiku, irid jiġi l-ewwel iddeterminat li parti interessata ma aċċettatx jew naqset milli tipprovdi l-“informazzjoni meħtieġa” (4). Il-GSU iżda jqis li r-rata tal-medja differenzjata kkalkulata għall-kumpaniji li jikkooperaw li ma ħadux sehem fil-kamjun għandha tiġi applikata minflok.

(8)

Bħala tweġiba għal dan ta’ min jinnota li, fl-istadju tal-bidu, il-Kummissjoni bagħtet il-formola tal-kampjuni, l-ilment u l-Avviż ta’ Bidu lill-kumpaniji elenkati fl-ilment (aktar minn 150 kumpanija). Kopja tal-formola tal-kampjuni themżet ukoll man-Note Verbale li ntbagħtet lill-Missjoni tal-Istati Uniti tal-Amerika għall-Komunitajiet Ewropej fil-bidu u dawn ġew mistiedna jibagħtuha lill-esportaturi/produtturi tal-Istati Uniti fl-Istati Uniti tal-Amerika. Barra minn hekk, Il-Bord Nazzjonali għall-Bijodiżil (“BNB”), li mill-bidu nett ta’ dan il-proċediment kien parti interessata, jirrappreżenta għadd kbir ta’ kumpaniji fl-industrija tal-bijodiżil fl-Istati Uniti tal-Amerika.

(9)

L-Avviż ta’ Bidu kif ukoll l-ittra ta’ akkumpanjament mehmuża mal-formola tal-kampjuni ġibdu l-attenzjoni għall-konsegwenzi ta’ non-kooperazzjoni. Kif issemma fil-premessa (8) tar-Regolament provviżorju, aktar minn 50 kumpanija identifikaw irwieħhom fil-kuntest tal-eżerċizzju tat-teħid ta’ kampjuni u pprovdew it-tagħrif meħtieġ fi żmien il-perjodu ta’ 15-il jum. Dawn il-kumpaniji kienu responsabbli għal aktar minn 80 % tal-importazzjonijiet totali ta’ bijodiżil mill-Istati Uniti tal-Amerika lejn il-Komunità.

(10)

Wara l-impożizzjoni tal-miżuri provviżorji, l-awtoritajiet tal-Istati Uniti ntalbu jipprovdu tagħrif supplimentari. B’mod partikolari, l-awtoritajiet intalbu jistiednu xi esportaturi/produtturi addizzjonali tal-bijodiżil fl-Istati Uniti tal-Amerika barra minn dawk elenkati fl-Artikolu 1 u l-Anness tar-Regolament provviżorju, li ma kinux magħrufa waqt il-bidu u qabel ma rrifjutawx li jikkooperaw (5), biex jagħrfu bil-preżenza tagħhom.

(11)

L-awtoritajiet tal-Isati Uniti pprovdew lista li fiha l-ismijiet ta’ aktar minn 100 kumpanija addizzjonali (produtturi/esportaturi) fl-Istati Uniti tal-Amerika. Ġie eżaminat jekk xi waħda mill-kumpaniji kinitx ġiet mistiedna tikkoopera fl-istadju tal-bidu tal-proċediment. L-investigazzjoni żvelat li għadd sinifikanti tal-kumpaniji fil-lista diġà ġew mistiedna jikkooperaw matul l-eżerċizzju tat-teħid ta’ kampjuni iżda kienu għażlu li ma jagħmlux dan dak iż-żmien. Fi kliem ieħor, dawn il-kumpaniji kienu jafu bil-konsegwenzi ta’ non-kooperazzjoni skont l-Artikolu 18 tar-Regolament bażiku.

(12)

Madankollu, fir-rigward ta’ dawk il-kumpaniji (aktar minn 40) fil-lista li ma kinux magħrufa mill-Kummissjoni waqt il-bidu ta’ dan il-proċediment, ġie nnutat li t-talba lill-awtoritajiet tal-Istati Uniti biex jipprovdu dettalji dwar dawn il-kumpaniji saret wara l-impożizzjoni ta’ miżuri provviżorji. Għalhekk ġie deċiż li jiġu miżjuda dawn il-kumpaniji mal-Anness ta’ dan ir-Regolament u tiġi applikata l-istess rata ta’ dazju għal dawn il-kumpaniji bħal dawk li kooperaw b’mod espress iżda ma ntgħażlux fil-kampjun. Dawn il-kumpaniji rċevew l-iżvelar tal-fatti u l-konsiderazzjonijiet essenzjali li fuq il-bażi tagħhom kien hemm ħsieb li jiġu imposti miżuri definittivi u ġew mistiedna jikkummentaw dwar il-fatt li kien hemm proposta li jiżdied isimhom fl-Anness ta’ dan ir-Regolament.

(13)

Wara l-iżvelar finali, il-GSU laqa’ l-proposta biex jiġi applikat dazju medju differenzjat għal kumpaniji supplimentari. Madankollu, il-GSU qies li ma ngħatat l-ebda spejgazzjoni dwar għaliex kumpaniji oħra huma suġġetti għar-rata tal-“kumpaniji l-oħra kollha”. F’dan ir-rigward, ġie nnutat li għall-kumpaniji li ġew mistiedna jikkooperaw matul l-eżerċizzju tat-teħid tal-kampjun, diġà ngħataw spjegazzjonijiet hawn fuq. Dwar produtturi/esportaturi possibbli tal-USA li ma kinux notifikati individwalment dwar l-investigazzjoni u lanqas ma ġew imsemmija fil-lista msemmija fil-premessa (11), l-ewwel jiġi nnutat li l-isforzi estensivi kollha kienu fuq l-inizjattiva tal-proċediment biex jiġu kkuntattjati l-kumpaniji fl-Istati Uniti li jistgħu jkunu kkonċernati minn dan il-proċediment (ara l-premessi (8) u (10) hawn fuq). Barra minn hekk, saru sforzi supplimentari wara l-impożizzjoni ta’ miżuri provviżorji kif imsemmi fil-premessa (10) hawn fuq biex jiġu identifikati kumpaniji oħra li rriżultaw fiż-żieda ta’ aktar minn 40 kumpanija oħra għal-lista ta’ dawk li għalihom se japplika d-dazju tal-medja differenzjat. Tqies li dawn l-isforzi estensivi taw kull opportunità lill-kumpaniji tal-bijodiżil fl-Istati Uniti biex jippreżentaw irwieħhom. F’dan ir-rigward, ġie nnutat li l-assoċjazzjoni tal-industrija rilevanti ġiet involuta fil-proċediment mill-bidu tagħha. Għaldaqstant, tqies li r-rata tad-dazju tal-“kumpanijia l-oħra kollha” għandha tiġi applikata għall-kumpaniji li ma preżentawx irwieħhom.

(14)

Kumpanija li bagħtet tweġiba għall-formula tal-kampjuni u allura ddaħħlet fil-lista fl-Anness tar-Regolament Provviżorju talbet li l-kumpanija prinċipali tagħha tiżdied mal-lista ta’ kumpaniji fl-Anness. Din il-kumpanija wkoll talbet li l-belt fejn jinsabu ż-żewġ kumpaniji tinbidel fl-Anness biex tirrifletti sewwa l-indirizz tal-fatturi tal-kumpaniji.

(15)

Wara li ġiet eżaminata t-talba ta’ din il-kumpanija, tqies li l-kumpanija prinċipali għandha titniżżel ukoll fil-lista fl-Anness għal dan ir-Regolament kif issemma fit-tweġiba tal-kumpanija għall-formola tal-kampjuni bħala l-unika kumpanija relatata involuta fin-negozju tal-bijodiżil. Il-belt ta’ lokazzjoni għaż-żewġ kumpaniji qed tiġi riveduta wkoll.

(16)

Ta’ min jiftakar li l-investigazzjoni ta’ dumping u ta’ ħsara kopriet il-perjodu mill-1 ta’ April 2007 sal-31 ta’ Marzu 2008 (“il-perjodu tal-investigazzjoni” jew il-“PI”). Fir-rigward tax-xejriet rilevanti għall-evalwazzjoni tal-ħsara, il-Kummissjoni analizzat id-data li tkopri l-perjodu minn Jannar 2004 sa tmiem il-PI (“il-perjodu kkunsidrat”).

(17)

Fin-nuqqas ta’ kummenti oħra fir-rigward tat-teħid ta’ kampjuni ta’ produtturi esportaturi fl-Istati Uniti tal-Amerika s-sejbiet provviżorji fil-premessi (5) sa (10) tar-Regolament provviżorju huma b’dan ikkonfermati.

(18)

Ċerti partijiet ikkummentaw dwar ir-rappreżentattività tal-kampjun ta’ produtturi tal-Komunità. Dawn il-kummenti huma indirizzati fil-premessi (74) sa (78) hawn taħt.

(19)

Ta’ min jiftakar li fl-avviż ta’ bidu, il-prodott li allegatament huwa oġġett ta’ dumping kien iddefinit bħala esteri monoalkilitiċi ta’ aċidi xaħmija u/jew nafta paraffinika miksuba minn sinteżi u/jew idrotrattament, ta’ oriġini mhux fossili (magħruf komunement bħala “bijodiżil”), sew jekk f’forma pura sew f’taħlita.

(20)

L-ilment kien fih evidenza prima facie li l-bijodiżil u t-taħlitiet kollha, ta’ bijodiżil ma’ diżil minerali, prodotti fl-Istati Uniti u esportati lejn il-Komunità bi prezz ta’ dumping kienu affettwaw il-qagħda ekonomika tal-produtturi tal-bijodiżil fil-Komunità. B’konsistenza mal-karatteristiċi tal-produtturi rilevanti tal-bijodiżil tal-Istati Uniti u tas-suq domestiku, id-definizzjoni tal-prodott ikkonċernat kienet maħsuba li tkopri l-bijodiżil anki meta inkorporat fit-taħlitiet ta’ bijodiżil. Madankollu ġie kkunsidrat li d-definizzjoni tal-prodott ikkonċernat kif imsemmi fl-Avviż ta’ Bidu u fil-premessa (19) hawn fuq, jista’ jqajjem tħassib dwar liema produtturi u liema tipi ta’ prodott kien maħsub li jiġu koperti mill-investigazzjoni u liema ma kinux.

(21)

Bl-istess mod, għall-investigazzjoni dwar dumping u ħsara, b’mod partikolari biex jiġu stabbiliti l-marġini ta’ dumping u l-livelli ta’ eliminazzjoni ta’ ħsara jeħtieġ li jiġu identifikati b’mod ċar it-tipi ta’ prodott li kellhom x’jaqsmu mal-investigazzjoni.

(22)

B’konformità mal-karatteristiċi tas-suq tal-Istati Uniti, il-prodott ikkonċernat kien provviżorjament iddefinit bħala esteri monoalkilitiċi ta’ aċidi xaħmija u/jew nafta paraffinika miksuba minn sinteżi u/jew idrotrattament, ta’ oriġini mhux fossili, magħruf komunement bħala “bijodiżil”, sew jekk f’forma pura jew f’taħlitiet, li huma ‘l fuq minn B20. Għalhekk il-prodott ikkonċernat kopra l-bijodiżil pur (B100) u t-taħlitiet kollha li fihom aktar minn 20 % ta’ bijodiżil (“il-prodott ikkonċernat”). Dan il-limitu tqies xieraq biex jippermetti distinzjoni ċara bejn it-tipi varji ta’ taħlitiet maħsuba li jitħalltu aktar u dawk maħsuba għall-konsum dirett fis-suq tal-Istati Uniti.

(23)

L-investigazzjoni wriet li t-tipi kollha ta’ bijodiżil u l-bijodiżil fit-taħlitiet koperti minn din l-investigazzjoni, minkejja differenzi possibbli għal dik li hija materja prima użata għall-produzzjoni, jew varjanti fil-proċess ta’ produzzjoni, għandhom l-istess karatteristiċi fiżiċi, kimiċi u tekniċi bażiċi jew huma simili ħafna u jintużaw għall-istess finijiet. Il-varjazzjonijiet possibbli fil-prodott ikkonċernat ma jibdlux id-definizzjoni bażika, il-karatterisitiċi tiegħu jew il-perċezzjoni li bosta għandhom tiegħu.

(24)

Waslu stqarrijiet minn partijiet interessati dwar id-definizzjoni tal-prodott ikkonċernat u l-prodott simili fejn ġew ikkontestati kemm id-definizzjoni tal-prodott ikkonċernat kif ukoll il-prodott simili fl-istess waqt u bl-istess argumenti mingħajr ma saret ebda firda bejn il-kunċett ta’ prodott ikkonċernat u prodott simili fil-kuntest tal-proċediment.

(25)

Ta’ min jiftakar li l-kunċett tal-prodott ikkonċernat huwa regolat mid-dispożizzjonijiet tal-Artikolu 1(1) sa 1(3) tar-Regolament bażiku, l-interpretazzjoni tat-terminu “prodott simili” huwa msemmi fl-Artikolu 1(4) tar-Regolament bażiku. Għaldaqstant, l-istqarrijiet se jiġu ttrattati għalihom hawn taħt.

(26)

Waħda mill-partijiet staqsiet sa fejn taħlitiet bi proporzjoni baxx ta’ bijodiżil (eż. B21) għandhom jitqiesu li jikkwalifikaw bħala bijodiżil fuq l-istess livell mal-bijodiżil pur (B100) jew ma’ taħlitiet simili li primarjament jikkonsistu minn bijodiżil b’ammont iktar baxx ta’ diżil minerali (eż. B99). Fl-istqarrija tagħhom qalu li B100 u B99 bażikament għaddew mill-investigazzjoni u li l-kalkoli kollha ta’ dumping u ħsara saru fuq il-bażi ta’ dawn iż-żewġ tipi ta’ prodott. Fil-fehma tagħhom li jitwaqqaf limitu ftit ‘il fuq minn B20, jiġifieri t-taħlita ta’ livell baxx li tinbiegħ direttament lill-konsumaturi fl-Istati Uniti tal-Amerika jwassal għal definizzjoni artifiċjali tal-prodott ikkonċernat.

(27)

L-istess parti kkontestat ukoll kemm taħlita b’20 % ta’ bijodiżil tikkwalifikax bħala fjuwil tal-bijodiżil aktar minn diżil minerali li mhux inkluż fid-definizzjoni tal-prodott ikkonċernat. Din il-parti kienet tal-fehma li l-UE tappoġġja l-opinjoni li għandha tinħoloq intestatura doganali ġdida (6) għall-bijodiżil fis-Sistema Armonizzata doganali (SA). Fil-fehma tagħha l-Kummissjoni wessgħet id-definizzjoni tal-prodott fil-proċediment attwali u espandiet it-tipi ta’ prodott affettwati mill-impożizzjoni tal-miżuri.

(28)

Barra minn hekk, il-parti qieset li f’dak iż-żmien tal-investigazzjoni ebda limitu speċifiku ma kien jeżisti biex jiġi ddeterminat x’inhu bijodiżil għall-klassifikazzjoni fil-kodiċi Nru 3824 90 91 tan-Nomenklatura Maqgħuda (NM), il-kodiċi speċifiku maħluq mill-1 ta’ Jannar 2008 għall-bijodiżil mill-UE. Il-parti kkontestat jekk skont ir-regola 3(b) tar-regola ġenerali għall-interpretazzjoni tan-Nomenklatura Maqgħuda (7) taħlita li fiha anqas minn 50 % ta’ bijodiżil tistax xorta tikkwalifika bħala bijodiżil. Semmew ukoll li l-eżempji ta’ taħlitiet imsemmija fil-kwestjonarju tal-Kummissjoni kienu ta’ kontenut għoli ta’ bijodiżil u dan ifisser li l-prodott ikkonċernat huwa biss bijodiżil u taħlitiet li fihom livelli għolja ħafna ta’ bijodiżil.

(29)

Il-parti qalet ukoll li l-UE ma tistax tibdel id-definizzjoni tal-prodott ikkonċernat filwaqt li żżomm prodott simili tiegħu li huwa differenti. Huma rreferew għall-iżvelar provviżorju lill-produtturi tal-bijodiżil tal-Istati Uniti fil-kampjun li juri li l-produtturi tal-Istati Uniti fil-kampjun biegħu taħlitiet magħmula esklużivament minn bosta tipi ta’ bijodiżil. Għalhekk il-prodott ikkonċernat għandu jkun limitat għall-prodotti li fihom 100 % ta’ bijodiżil (B100), anki jekk ikun magħmul minn bijodiżil magħmul minn materja bażika differenti, jew għal taħlitiet li fihom 99 % ta’ bijodiżil (B99).

(30)

Il-parti rreferiet għal Sentenza tal-Qorti (8) reċenti dwar importazzjonijiet ta’ nitrat tal-ammonju u kkonkludiet li r-raġunament ta’ dik is-sentenza japplika wkoll għall-proċediment attwali u li l-bijodiżil li mhuwiex parti minn taħlitiet b’kontenut għoli ħafna ma jistax jiġi suġġett għall-investigazzjoni u għal miżuri billi mhuwiex il-prodott simili li għalih kien hemm sejbiet ta’ dumping u ta’ ħsara, jiġifieri prodotti li fihom biss bijodiżil (B100) jew 99 % ta’ bijodiżil (B99).

(31)

Il-partijiet ma ġabu ebda xhieda jew referenza legali li turi li l-prodott ikkonċernat ma kienx iddefinit sewwa fl-investigazzjoni attwali. Id-dispożizzjonijiet fl-Artikolu 1(1) sa 1(3) tar-Regolament bażiku jipprovdu gwida għal dik li hija definizzjoni tal-prodott ikkonċernat. L-Artikolu 1(1) jistqarr li: “Dazju kontra xiri taħt il-prezz jista’ jiġi applikat għal kwalunkwe prodott mixtri taħt il-prezz li l-liberazzjoni tiegħu għal ċirkulazzjoni ħielsa fil-Komunità tikkawża ħsara.”

(32)

Kif jissemma fil-premessa (20) hawn fuq, l-ilment kien fih evidenza prima facie li l-bijodiżil u t-taħlitiet kollha, ta’ bijodiżil ma’ diżil minerali, prodotti fl-Istati Uniti u esportati lejn il-Komunità bi prezzijiet ta’ dumping kienu affettwaw il-qagħda ekonomika tal-produtturi tal-bijodiżil fil-Komunità. Il-marġini ta’ dumping u ta’ ħsara ġew iddeterminati għal kull produttur individwali fil-kampjun fuq il-bażi tat-tipi ta’ prodott li huma biegħu lis-suq tal-Komunità.

(33)

Il-partijiet ma ġabu ebda xhieda li turi li l-limitu ffissat fir-Regolament provvizorju li jwaqqaf linja li tifred prodott ikkonċernat minn prodott mhux ikkonċernat kien artifiċjali. Kif imsemmi fil-premessi (24) u (26) tar-Regolament provviżorju, l-investigazzjoni wriet li B20, u taħlitiet ta’ livell potenzjalment iktar baxx, attwalment inbiegħu direttament lill-konsumaturi fl-Istati Uniti. L-investigazzjoni wriet ukoll li s-suq għat-taħlitiet u s-suq għall-prodotti għall-konsumatur kienu swieq differenti bi klijenti differenti: suq minnhom fejn il-bijodiżil u t-taħlitiet ta’ bijodiżil kienu ddestinati għal aktar taħlit minn kummerċjanti u dawk li jħalltu u suq ieħor fejn it-taħlitiet huma ddestinati għan-netwerk ta’ distribuzzjoni u għalhekk għall-konsumaturi. Id-determinar tal-limitu għall-prodott ikkonċernat ‘il fuq minn B20 ippermetta li tinqata’ linja ċara ta’ firda u tiġi evitata l-konfużjoni bejn il-prodotti, is-swieq u l-partijiet varji fl-Istati Uniti.

(34)

Fl-investigazzjonijiet kollha ta’ anti-dumping huwa komuni li kumpaniji individwali investigati ma jipproduċuwx u jbiegħu t-tipi kollha ta’ prodott inklużi fid-definizzjoni tal-prodott ikkonċernat. Xi kumpaniji jistgħu jipproduċu medda limitata ħafna ta’ tipi ta’ prodott filwaqt li oħrajn jistgħu jipproduċu medda ikbar. Dan iżda ma jaffettwax id-definizzjoni tal-prodott ikkonċernat. Għalhekk jitqies li t-talba li l-prodott ikkonċernat għandu jkopri biss it-tipi ta’ prodott li ġew esportati mill-produtturi tal-Istati Uniti u użati għall-kalkoli ta’ dumping u ta’ ħsara hija bla sies.

(35)

Kif imsemmi fir-Regolament provviżorju u fil-premessa (19) hawn fuq, l-investigazzjoni primarjament iffukat fuq il-bijodiżil, kemm fil-forma pura kif ukoll inkorporat f’taħlitiet. Il-miżuri ta’ anti-dumping se japplikaw għat-taħlitiet rilevanti esportati lejn is-suq tal-Komunità. Għalhekk, jitqies li l-kwistjoni dwar jekk taħlita b’20 % ta’ bijodiżil tikkwalifikax bħala fjuwil tal-bijodiżil aktar minn diżil minerali li mhux inkluż fid-definizzjoni tal-prodott ikkonċernat mhiex rilevanti.

(36)

Irid jiġi ċċarat li s-sejbiet ta’ dumping u ħsara ta’ kull kumpanija li ġiet investigata kienu esklużivament ibbażati fuq it-tipi ta’ prodott rilevanti li ġew prodotti u mibjugħa mill-kumpanija rilevanti matul il-PI. It-talba li d-definizzjoni tal-prodott ikkonċernat inklużi taħlitiet ‘il fuq minn B20 taffettwa bla bżonn il-produtturi tal-Istati Uniti hija bla sies u ma tistax twassal għall-konklużjoni li l-prodott ikkonċernat għandu jkun limitat għall-prodotti li fihom 100 % ta’ bijodiżil (B100) anke jekk huma magħmulin minn bijodiżil ta’ materja bażika differenti jew taħlita magħmula minn 99 % ta’ bijodiżil (B99). L-inklużjoni ta’ taħlitiet ‘il fuq minn B20 fid-definizzjoni tal-prodott ikkonċernat ma kellha assolutament ebda impatt fuq is-sejbiet magħmula għal kumpaniji investigati li mhumiex jipproduċu dan it-tip ta’ prodott.

(37)

L-allegazzjoni tal-parti li r-raġunament ta’ Sentenza tal-Qorti (9) japplika ukoll għall-proċediment attwali u li l-bijodiżil li mhuwiex parti minn taħlitiet b’kontenut għoli ħafna ma jistax jiġi suġġett għall-ambitu ta’ din l-investigazzjoni hija wkoll bla sies. Tabilħaqq, għal kull kumpanija investigata, kull marġini ta’ ħsara u dumping se jaqbel eżatt mal-prodott ikkonċernat u l-prodott simili li għalih ġew stabbiliti s-sejbiet ta’ dumping u ħsara, jiġifieri t-tipi ta’ prodott rilevanti li fihom il-bijodiżil li nbiegħu fis-suq domestiku u ġew esportati lejn il-Komunità minn dik il-kumpanija. Barra minn hekk, il-ġudizzju li hu invokat mill-operatur ikkonċerna verifika ta’ miżuri anti-dumping eżistenti li rriżultaw fl-estensjoni tagħhom għal prodotti oħra għajr il-prodott ikkonċernat, li mhux il-każ f’din l-investigazzjoni.

(38)

Minkejja li jitqies li l-eżempji pprovduti fi kwestjonarju maħsub biex tinġabar data għall-fini ta’ investigazzjoni ma jistgħux jintużaw biex isiru suppożizzjonijiet dwar il-konklużjoni tal-investigazzjoni, huwa xieraq li wieħed jinnota li l-Kummissjoni ma tistax tkun taf minn qabel, jiġifieri qabel ma sseħħ l-investigazzjoni tagħha fuq il-post, liema tipi ta’ prodotti se jiġu mmanifatturati u mibjugħa fis-suq domestiku tagħha u għall-esportazzjoni mill-kumpaniji kkonċernati fil-mument tat-tfassil tal-kwestjonarju. Il-prodott ikkonċernat mill-investigazzjonijiet ta’ anti-dumping jista’ jkopri medda ta’ tipi ta’ prodott differenti u l-fatt li xi wħud minnhom jistgħu ma jkunux oġġett ta’ dumping ma jwassalx biex jitħallew barra mid-definizzjoni tal-prodott ikkonċernat.

(39)

Abbażi tal-fatti u l-konsiderazzjonijiet ta’ hawn fuq, huwa kkonfermat li t-tipi kollha ta’ bijodiżil u l-bijodiżil fit-taħlitiet koperti minn din l-investigazzjoni, minkejja differenzi possibbli f’termini ta’ materja prima użata għall-produzzjoni, jew varjanti fil-proċess ta’ produzzjoni, għandhom l-istess karatteristiċi fiżiċi, kimiċi u tekniċi bażiċi jew simili ħafna u jintużaw għall-istess finijiet. Il-varjazzjonijiet possibbli fil-prodott ikkonċernat ma jibdlux id-definizzjoni bażika, il-karatteristiċi tiegħu jew il-perċezzjoni li bosta partijiet għandhom tiegħu.

(40)

Provviżorjament instab li l-prodotti mmanifatturati u mibjugħa fis-suq domestiku tal-Istati Uniti, li huma koperti minn din l-investigazzjoni, għandhom karatteristiċi u użi fiżiċi, kimiċi u tekniċi bażiċi simili għal dawk esportati minn dan il-pajjiż lejn is-suq Komunitarju. Bl-istess mod, il-prodotti manifatturati milll-industrija tal-Komunità u mibjugħa fis-suq tal-Komunità għandhom karatteristiċi u użi fiżiċi, kimiċi u tekniċi bażiċi simili meta mqabbla ma’ dawk esportati lejn il-Komunità mill-pajjiż ikkonċernat.

(41)

Għalhekk l-ebda differenzi ma nstabu bejn il-varji tipi tal-prodott ikkonċernat u l-prodotti Komunitarji simili mibjugħa fis-suq Komunitarju li jwassal għall-konklużjoni li l-prodotti mmanifatturati u mibjugħa fis-suq Komunitarju mhumiex prodott simili, bl-istess karatteristiċi fiżiċi, kimiċi u tekniċi bażiċi bħat-tipi tal-prodott ikkonċernat immanifatturat fl-Istati Uniti u esportat lejn il-Komunità. Għalhekk ġie konkluż li t-tipi kollha ta’ bijodiżil koperti minn din l-investigazzjoni jitqiesu simili fl-ambitu tat-tifsira tal-Artikolu 1(4) tar-Regolament bażiku.

(42)

Waħda mill-partijiet stqarret li d-definizzjoni tal-prodott simili hija marbuta b’mod ikkomplikat mal-identifikazzjoni tal-prodott ikkonċernat u trid tiġi stabbilita f’termini ta’ karatteristiċi fiżiċi u użu aħħari tal-prodott. Bażikament huma qalu li B20 ma jintużax għall-konsum fl-UE iżda taħlita aktar baxxa li hija B5. Għalhekk il-prodott simili kien iddefinit ħażin. Huma qalu wkoll li d-definizzjoni tal-prodott ikkonċernat ma tistax tinbidel filwaqt li jinżamm prodott simili tiegħu li huwa differenti.

(43)

Kif jidher ċar fil-premessa (29) sa (35) tar-Regolament provviżorju, id-definizzjoni tal-prodott simili hija marbuta mal-identifikazzjoni tal-prodott ikkonċernat u ġiet stabbilita l-aktar f’termini ta’ karatteristiċi fiżiċi tal-prodott. L-użu aħħari attwali tqies ukoll u tqies li l-limitu ta’ B20 għandu jinżamm ukoll għad-definizzjoni tal-prodott simili. F’dan il-każ, l-għadd ta’ tipi ta’ prodott koperti mill-prodott simili tnaqqas ukoll biex ikun hemm qbil mad-definizzjoni tal-prodott ikkonċernat.

(44)

Għaldaqstant, it-talbiet tal-partijiet li d-definizzjoni tal-prodott simili kienet ħażina jridu jiġu miċħuda u d-definizzjoni provviżorja tal-prodott simili tista’ tiġi kkonfermata.

(45)

Wara l-iżvelar tas-sejbiet provviżorji, bosta produtturi esportaturi kif ukoll l-NBB stqarru li kellu jsir aġġustament fil-kalkoli tad-dumping biex jitħalla barra l-impatt tas-sussidju. Skont huma, li jitħalla barra l-effett tas-sussidju mogħti kemm fuq bejgħ domestiku kif ukoll fuq bejgħ għall-esportazzjoni wassal għal sottodikjarazzjoni ta’ dħul, u dan jaffettwa kemm il-valur normali għall-prodott simili kif ukoll id-determinazzjoni tal-prezz ta’ esportazzjoni għall-prodott ikkonċernat. B’hekk, il-valur normali kien affettwat billi t-test tal-kors normali tal-kummerċ ġie iddeterminat fuq bażi ta’ prezzijiet ta’ bejgħ li ma qiesux id-dħul iġġenerat mill-bejgħ tal-prodott li bbenefika mis-sussidju filwaqt li l-prezz ta’ esportazzjoni kien bl-istess mod sottodikjarat għall-istess raġuni. Dawn il-partijiet allegaw ukoll li n-nonaġġustament tas-sussidju kkostitwixxa żball ċar tal-applikazzjoni tal-Artikoli 2(4) u 2(10) tar-Regolament bażiku billi kkontribwixxa għall-użu ta’ valuri normali mibnija meta l-produzzjoni u l-bejgħ tal-prodott ikkonċernat fil-fatt ħallew qligħ minħabba s-sussidji. Ta’ min ifakkar li skont is-sejbiet tal-investigazzjoni, l-awtoritajiet tal-Istati Uniti taw kreditu fiskali magħruf bħala blender’s credit ta’ 1 USD għal kull gallun ta’ bijodiżil pur preżenti f’taħlita ta’ bijodiżil ma’ diżil minerali.

(46)

Skont dan l-NBB stqarr li biex jiġi żgurat tqabbil ġust u simmetrija operattiva bejn il-valur normali u l-prezz ta’ esportazzjoni skont l-Artikolu 2(10) tar-Regolament bażiku, il-blender’s credit għandu jiġi miżjud mhux biss mal-valur normali iżda wkoll mal-prezz ta’ esportazzjoni.

(47)

Kif spjegat fil-premessa (38) tar-Regolament provviżorju, iċ-ċirkustanzi li fihom sussidju jista’ jwassal għal aġġustament kif mistqarr mill-NBB biex jiġi evitat rimedju doppju f’każ ta’ investigazzjonijiet paralleli anti-sussidju u anti-dumping għall-istess prodott huma espressament stipulati fl-Artikolu 24(1) tar-Regolament bażiku ta’ anti-sussidju li jistqarr li ebda prodott ma għandu jkun suġġett għal dazji kemm ta’ anti-dumping kif ukoll ta’ kumpens għall-fini ta’ trattament tal-istess sitwazzjoni waħda li tirriżulta mid-dumping jew mis-sussidju tal-esportazzjoni. Ċirkustanzi bħal dawn ma jirriżultawx f’dan il-każ attwali. Tabilħaqq, il-blender’s credit huwa sussidju disponibbli kemm għall-bejgħ domestiku kif ukoll għal dak ta’ esportazzjoni eżattament bl-istess mod u għall-istess ammont u għalhekk ma jikkostitwix sussidju ta’ esportazzjoni bit-tifsira tal-Artikolu 24(1). Dan l-NBB ma kkontestahx. Għalhekk, it-talba li l-blender’s credit għandu jiġi “aġġustat” fil-kalkoli tad-dumping tqieset bla bżonn u ġiet miċħuda.

(48)

Fin-nuqqas ta’ xi kummenti oħra, li kieku jibdlu s-sejbiet provviżorji f’dan ir-rigward, il-premessi (36) sa (38) tar-Regolament provviżorju huma b’dan ikkonfermati.

(49)

Wara l-iżvelar tas-sejbiet provviżorji, produttur esportatur ġibed l-attenzjoni għal żball fil-għadd fil-kalkolu tal-valur normali ta’ ċertu tip ta’ prodott ibbażat fuq il-prezz ta’ bejgħ domestiku. Dan l-iżball fil-għadd ġie kkorreġut.

(50)

Produttur esportatur ieħor, li ma kellux bejgħ domestiku rappreżentattiv, ikkontesta l-użu tal-medja differenzjata tal-marġini ta’ profitt ta’ produtturi esportaturi oħra suġġetti għall-investigazzjoni dwar il-produzzjoni u l-bejgħ tal-prodott simili fis-suq domestiku, matul il-bini tal-valur normali. Huwa stqarr li minflok ma jsir użu mill-medja tal-marġini ta’ profitt taż-żewġ produtturi integrati li kellhom profitt fil-bejgħ domestiku tagħhom fil-PI, il-profitt medju li jintuża kellu jkun dak tal-produtturi mhux integrati. Billi l-kumpanija tikseb il-materja bażika tagħha fis-suq ġenerali, huwa stqarr li ma setax isir tqabbil maż-żewġ produtturi integrati fis-sħiħ, li skont kif stqarr ma kinux rappreżentattivi tal-kondizzjonijiet tas-suq tal-produtturi esportaturi l-oħra kollha fil-kampjun.

(51)

Din l-istqarrija ttieħdet bħala waħda valida, billi tabilħaqq wieħed jista’ jirraġuna li s-sitwazzjoni taż-żewġ produtturi integrati tista’ ma tkunx direttament paragunabbli ma’ dik taż-żewġ produtturi l-oħra fil-kampjun minħabba li huma integrati fis-sħiħ u għandhom aċċess għall-materja bażika. Iżda, is-suġġeriment li tintuża il-medja tal-marġini ta’ profitt tal-produtturi mhux integrati ma kienx possibbli billi ebda wieħed minn dawn il-produtturi ma kellu profitt fil-bejgħ domestiku tul il-PI. Għalhekk tqies xieraq, skont l-Artikolu 2(6)(c) tar-Regolament bażiku, li minflok, il-profitt jissejjes fuq it-tranżazzjonijiet ta’ bejgħ domestiku li ħallew profitt tal-produtturi esportaturi kollha fil-kampjun li għandhom bejgħ domestiku. Dan il-profitt intuża mbagħad fil-bini tal-valur normali tal-produttur esportatur imsemmi.

(52)

Wara l-iżvelar finali, grupp ta’ produttur esportatur wieħed qal li l-marġni tal-qligħ użat għall-istabbiliment tal-valur normali tat-tiġi tal-prodott li ma nbigħux fis-suq domestiku fil-PI ma kienx raġjonevoli. Ġie argumentat li l-valur normali kellu jiġu stabbilit imsejjes fuq it-tipi tal-prodott li għalihom ma ġiex stabbilit valur normali u bl-applikazzjoni ta’ aġġustament għad-differenzi fiżiċi, skont l-Artikolu 2(10)(a) tar-Regolament bażiku. Intqal ukoll li l-aġġustamenti magħmula fil-kuntest tal-kalkolu tal-marġni tad-danni kellhom jiġu applikati wkoll għall-kalkolu tal-valur normali.

(53)

F’dan ir-rigward, ġie osservat li l-għan tal-aġġustamenti msemmija fl-Artikolu 2(10) tar-Regolament bażiku kien li jħaffu tqabbil ġust bejn il-valur normali u l-prezz ta’ esportazzjoni u mhux li jiġi stabbilit valur normali. L-għan tal-aġġustament li sar fil-kalkoli tad-dannu kien li l-importazzjonijiet tal-bijodiżil tal-Istati Uniti jitqabblu mal-bijodiżil prodott u mibjugħ mill-industrija Komunitarja fis-suq Komunitarju. Kif deskritt fil-premessa 46 tar-Regolament provviżorju, il-qligħ użat għall-istabbiliment tal-valur normali ġie ddeterminat skont l-Artikolu 2(6) tar-Regolament bażiku. Għalhekk, din it-talba tqieset li ma kinetx rraġunata u għalhekk kellha tiċċaħħad.

(54)

Fin-nuqqas ta’ xi kummenti oħra fir-rigward tal-valur normali, li kieku jibdlu s-sejbiet provviżorji, il-premessi (39) sa (48) tar-Regolament provviżorju huma b’dan ikkonfermati.

(55)

Produttur esportatur ikkontesta l-kalkolu tal-marġini ta’ profitt għall-importatur relatat tiegħu fil-Komunità, u stqarr li ċerti spejjeż, bħal trasport bil-baħar u assikurazzjoni ma kinux inklużi fl-ispejjeż ta’ prodotti mibjugħa.

(56)

Din it-talba nstabet valida u l-ispiża tal-prodotti mibjugħa tal-importatur relatat ġiet riveduta abbażi tal-prezz tax-xiri tal-FOB li miegħu ġew miżjuda l-ispejjeż kollha biex inkiseb il-prodott ikkonċernat, bħal kummissjonijiet, trasport, assikurazzjoni u spejjeż amministrattivi, u dazji doganali.

(57)

L-istess produttur esportatur stqarr li r-riżultati ta’ ċerti operazzjonijiet magħluqa ta’ lqugħ (hedging) fil-livell tal-istess importatur relatat kienu assenjati ħażin fir-riżultat operattiv tal-prodott ikkonċernat, meta fil-fatt huma marbuta strettament mal-operazzjonijiet dwar ix-xiri u l-bejgħ ta’ prodott ieħor.

(58)

Il-kumpanija pprovdiet xhieda li turi li r-riżultati tal-operazzjonijiet magħluqa ta’ lqugħ kienu jirreferu esklużivament għal kuntratti individwali ta’ bejgħ dwar prodott li ma kienx il-prodott ikkonċernat u għaldaqstant ma influwenzawx l-ispejjeż ta’ SG&A marbuta mal-prodott ikkonċernat.

(59)

Fid-dawl ta’ dan ta’ hawn fuq, billi dawn l-operazzjonijiet instabu li ma kinux relatati mal-prodott ikkonċernat ġie deċiż li dawn ir-riżultati ma jiġux inkorporati fid-determinazzjoni tal-ispejjeż ta’ SG&A tal-importatur relatat.

(60)

Wara l-iżvelar finali, grupp produttur esportatur wieħed iġġieled dwar l-esklużjoni mill-kalkoli tal-parti tal-esportazzjonijiet tal-bijodiżil tiegħu fil-Komunità li reġa’ ġie imħallat ma’ bijodiżil li ma kienx mill-Istati Uniti u mibjugħ fil-Komunità bħala taħlita taż-żewġ oriġini. Il-grupp ikklejmja li ma kienx hemm żvelar fir-Regolament bażiku jew fil-Ftehim Anti-dumping tal-Ftehim biex jippermetti għal din l-eskużjoni. F’dan ir-rigward, il-GSU ddikjara li l-Kummissjoni ma ddokumentatx u ġġustifikatx biżżejjed il-bidliet bejn id-determinazzjonai provviżorja u dik definittiva.

(61)

Fid-dawl tal-kummenti riċevuti u l-metodu alternattiv propost mill-grupp produttur esportatur ikkonċernat biex jiġi stabbilit prezz ta’ esportazzjoni afidabbli mit-taħlitiet mibjugħa mill-ġdid il-Komunità, il-Kummissjoni evalwat mill-ġdid l-iffissar tal-prezz ta’ esportazzjoni. Il-metodu mressaq mill-grupp ma setax jiġi segwit peress li ma identifikax individwalment il-prezz ta’ esportazzjoni rilevanti mill-komponenti tal-bijodiżil importat tat-taħlita li wara ġiet mibjugħa mill-ġdid fis-suq Komunitarju. Madankollu, skont il-metodoloġija applikata fil-kalkolu tad-dannu, il-prezz ta’ bejgħ mill-ġdid tat-taħlita mibjugħa fis-suq Komunitarju ġie stabbilit għall-ekwivalenti tal-materja bażika taż-żerriegħa tal-kolza u l-prezz ta’ esportazzjoni tal-prodott kif joħroġ mill-fabbrika ġie stabbilit fuq dik il-bażi, billi tnaqqsu l-ispejjeż kollha mġarrba bejn l-importazzjoni u l-bejgħ mill-ġdid, skont l-Artikolu 2(9) tar-Regolament bażiku.

(62)

Fin-nuqqas ta’ kummenti oħra fir-rigward tal-prezz ta’ esportazzjoni, li kieku jibdlu s-sejbiet provviżorji, il-premessi (49) sa (50) tar-Regolament provviżorju huma b’dan ikkonfermati.

(63)

Żewġ produtturi esportaturi kkontestaw l-aġġustamenti skont l-Artikolu 2(10) tar-Regolament bażiku fir-rigward ta’ spejjeż ta’ trasport, amministrazzjoni u ħażna li seħħu bejn il-post tal-faċilitajiet ta’ produzzjoni u l-port minn fejn tgħabba biex jinbiegħ il-prodott ikkonċernat. Barra minn hekk, wieħed mill-produtturi esportaturi stqarr li fil-port il-prodott jitlef l-identità individwali tiegħu billi jitħallat ma’ materjal ieħor u li għalhekk l-ispejjeż imsemmija hawn fuq ma għandhomx jitqiesu li huma marbuta direttament mal-bejgħ.

(64)

Ta’ min jenfasizza li mill-kalkolu tal-marġini ta’ dumping tqies biss il-bijodiżil prodott mill-produtturi esportaturi investigati, kemm jekk pur kemm jekk imħallat. Għalhekk ma jitqiesx bħala validu li tħallew barra ċerti spejjeż li seħħu wara l-produzzjoni tal-prodott ta’ bażi B 100. Għaldaqstant dawn l-ispejjeż għandhom jitnaqqsu biex il-prezz ta’ esportazzjoni tal-bijodiżil kollu lill-partijiet mhux relatati prodott mill-produtturi esportaturi stess, kemm jekk pur kemm jekk imħallat, jinġieb lura għal-livell ta’ kif joħroġ il-prodott mill-fabbrika. Il-fatt li t-trasport tal-bijodiżil iseħħ mill-fabbrika sa port barra mill-fabbrika ma jfissirx li l-parti prodotta mill-produttur stess mit-taħlita aħħarija ma kinitx se tiġi soġġetta għal spejjeż ta’ trasport, amministrazzjoni u ħażna.

(65)

Fin-nuqqas ta’ kummenti oħra fir-rigward tal-paragun, li kieku jibdlu s-sejbiet provviżorji, il-premessi (51) sa (53) tar-Regolament provviżorju huma b’dan ikkonfermati.

(66)

Il-marġini ta’ dumping definittivi, espressi bћala perċentwali tal-prezz CIF fil-fruntiera tal-Komunità, dazju mhux imħallas, huma dawn li ġejjin:

(67)

Fid-dawl tat-tibdiliet fil-marġini ta’ dumping tal-kumpaniji fil-kampjun, il-medja differenzjata tal-marġini ta’ dumping tal-produtturi esportaturi li kkooperaw li mhumiex inklużi fil-kampjun ġiet ikkalkolata mill-ġdid skont il-metodoloġija deskritta fil-premessa (56) tar-Regolament provviżorju. Kif jidher hawn fuq, din ġiet iffissata għal 33,5 % tal-prezz CIF fil-fruntiera tal-Komunità, dazju mhux imħallas.

(68)

Il-bażi għall-iffissar ta’ marġini ta’ dumping għall-pajjiż kollu ġiet stabbilita fil-premessa (57) tar-Regolament provviżorju. Fuq l-istess bażi, il-marġini ta’ dumping mal-pajjiż kollu ġie ffissat b’mod definit għal 39,2 %.

(69)

Partijiet interessata kkontestat l-esklużjoni mill-valutazzjoni tal-produzzjoni totali tal-Komunità tal-grupp ta’ produtturi relatati ma’ produttur esportatur fl-Istati Uniti msemmi fil-premessa (60) tar-Regolament provviżorju fuq il-bażi tal-Artikolu 4(1) tar-Regolament bażiku. Hija sostniet li d-denominatur korrett biex jiġi stabbilit l-appoġġ għall-ilment għandu jinżamm għal madwar 5 400 elf tunnellata u mhux jitnaqqas għal bejn 4 200 sa 4 600 elf tunnellata kif sar fl-istadju provviżorju.

(70)

Id-dispożizzjonijiet rilevanti tar-Regolament bażiku għall-valutazzjoni tal-pożizzjoni jew l-appoġġ għall-investigazzjoni huma l-Artikolu 4(1) u l-Artikolu 5(4) tar-Regolament bażiku. Bħala tagħrif, id-dispożizzjonijiet rilevanti tal-Ftehim ta’ Anti-Dumping (FAD) dwar id-definizzjoni tal-industrija domestika jinsabu fl-Artikolu 4(1) tar-Regolament bażiku. Minn dawn id-dispożizzjonijiet, huwa ċar li d-definizzjoni tal-produzzjoni domestika biex tiġi stabbilita l-pożizzjoni għandha ssir b’mod konġunt u hija suġġetta għall-istess rekwiżiti bħal dawk għad-definizzjoni tal-industrija domestika. Ikun xi jkun il-każ din it-talba mhijiex b’tali mod li tbiddel il-konklużjoni li l-investigazzjoni kellha l-appoġġ ta’ proporzjoni ewlieni tal-produzzjoni tal-Komunità. Anki jekk id-denominatur kellu jinżamm fuq 5 400 elf tunnellata, l-appoġġ għall-investigazzjoni jkun ogħla minn 50 %, jiġifieri sew ogħla mir-rekwiżiti tar-Regolament bażiku.

(71)

L-istess parti interessata sostniet li fid-dawl tad-definizzjoni tal-prodott ikkonċernat u l-prodott simili li huwa l-bijodiżil kemm pur kif ukoll f’taħlitiet li fihom aktar minn 20 % ta’ bijodiżil (B20), l-industrija tal-Komunità u l-produzzjoni tal-Komunità jridu jkunu magħmula mill-kumpaniji kollha tal-Komunità li jipproduċu l-bijodiżil u taħlitiet ’il fuq minn B20. Hija stqarret li mhemmx evidenza li minn ressaq l-ilment jew il-Kummissjoni fittxet li tinkludi dawn il-kumpaniji fil-produzzjoni totali jew iddeterminat li dawn il-produtturi kienu favur l-ilment.

(72)

F’dan ir-rigward ta’ min jinnota li ċ-ċifra totali ta’ produzzjoni tal-Komunità li tidher fil-premessa (60) tar-Regolament provviżorju tabilħaqq tieħu inkonsiderazzjoni l-volum ta’ produzzjoni ta’ bijodiżil f’taħlitiet ‘il fuq minn B20. Jista’ jiġi ċċarat aktar li skont l-informazzjoni disponibbli, il-produzzjoni fil-Komunità ta’ taħlitiet li fihom bejn 21 % (B21) u 99 % (B99) ta’ bijodiżil kienet limitata ħafna matul il-PI. L-unika produzzjoni ta’ taħlitiet f’din il-firxa kienet ikkonċentrata fuq taħlitiet ta’ B30 u ma kinitx taqbeż 60 000 tunnellata għal dak li huwa kontenut ta’ bijodiżil. Barra minn hekk, il-Kummissjoni għamlet kuntatt ma’ produtturi magħrufa tal-B30 wara l-impożizzjoni ta’ miżuri provviżorji u t-tweġibiet li waslu minn tnejn mill-produtturi juru li huma favur l-ilment.

(73)

Fin-nuqqas ta’ xi kummenti oħra, il-premessi (59) sa (61) tar-Regolament provviżorju dwar id-definizzjoni ta’ produzzjoni tal-Komunità, industrija tal-Komunità u pożizzjoni huma b’dan ikkonfermati.

(74)

Waħda mill-partijiet sostniet li r-rendiment ta’ produttur tal-Komunità fil-kampjun li naqas milli jikkoopera fl-investigazzjoni kien tajjeb ħafna u kellu jitqies fil-valutazzjoni tal-ħsara lill-industrija tal-Komunità. Ġie mistqarr li dan il-produttur ma ġarrabx ħsara matul il-PI u li għandhom jintużaw l-aqwa fatti disponibbli skont l-Artikolu 18 tar-Regolament bażiku. F’dan ir-rigward, il-parti ssuġġeriet, li tintuża d-data finanzjarja ta’ dan il-produttur disponibbli għal kulħadd għall-2007 u l-2008, għall-eżami ta’ ħsara lill-industrija tal-Komunità.

(75)

Hija prassi komuni f’investigazzjonijiet ta’ anti-dumping li l-Kummissjoni teskludi produtturi li naqsu milli jikkooperaw għall-fini tal-istima ta’ ħsara u li ma tużax fatti disponibbli bi qbil mal-Artikolu 18 tar-Regolament bażiku. Id-data dwar il-ħsara tkopri perjodu estiż ta’ erba’ snin u mhux possibbli li tinkiseb l-informazzjoni kollha meħtieġa fuq bażi ta’ sorsi pubbliċi biex jiġu stabbiliti l-indikaturi kollha ta’ ħsara għall-perjodu kollu. F’dan il-każ partikolari, l-imsemmi produttur tal-Komunità tħalla barra mill-investigazzjoni billi naqas li jipprovdi informazzjoni kompluta u rilevanti għas-snin 2004 sa 2006 u pprovda biss informazzjoni parzjali għall-2007 u l-PI. L-użu tal-informazzjoni pubblika għall-attività ta’ dan il-produttur fil-bijodiżil għall-2007 u l-2008 ma kienx jippermetti li tinkiseb data għall-fatturi kollha ta’ ħsara u għas-snin kollha tal-perjodu kkunsidrat. Dan kien jgħawweġ ix-xejriet li huma rilevanti għall-istima ta’ ħsara.

(76)

Barra minn hekk, li kieku nżamm l-imsemmi produttur fil-kampjun ma kinitx tkun possibbli l-istima ta’ kemm sar bejgħ bi prezz baxx għat-totalità kollha tal-bejgħ tal-produtturi fil-kampjun billi l-kumpanija msemmija ma pprovdietx lista bil-bejgħ tagħha fid-dettall skont it-tip ta’ prodott għall-PI. Fl-aħħar nett, ta’ min jinnota li bil-maqlub ta’ dak li stqarret il-parti interessata, ir-rendiment finanzjarju tal-produttur imsemmi, għal dik li hija kapaċità ta’ qligħ, kif intwera fid-data disponibbli għall-pubbliku kien sew taħt il-medja tal-kapaċità ta’ qligħ stabbilita għall-produtturi tal-Komunità li kkooperaw fil-kampjun kif jidher fit-Tabella 7 tar-Regolament provviżorju. Fuq il-bażi ta’ dan ta’ hawn fuq, it-talba magħmula minn din il-parti ma setgħetx tintlaqa’.

(77)

L-istess parti stqarret li l-kampjun tal-produtturi tal-Komunità ma kienx rappreżentattiv tal-industrija tal-Komunità peress li kien ibbażat fuq produtturi ta’ bijodiżil pur (B100) u għalhekk ma inkludiex produtturi ta’ taħlitiet minn B99 sa B20 kif ukoll dawk li jħalltu l-B100.

(78)

F’dan ir-rigward ta’ min ifakkar li kif jissemma fil-premessa (72) hawn fuq, il-produzzjoni tal-Komunità ta’ taħlitiet ta’ bijodiżil bejn B20 u B99 kienet limitata ħafna matul il-PI. Minħabba din il-kwantità limitata, li tirrappreżenta inqas minn 2 % tal-produzzjoni totali tal-Komunità tal-prodott simili fil-PI, wieħed jista’ jikkonkludi li l-għażla tal-kampjun li kien fil-biċċa ‘l kbira bbażat fuq l-ikbar volum ta’ produzzjoni u bejgħ ġewwa l-Komunità kienet rappreżentattiva. Fir-rigward ta’ dawk li jħalltu l-B100, dawn il-kumpaniji ma setgħux jitqiesu bħala produtturi tal-prodott simili billi huma jipproċessaw b’operazzjoni ta’ taħlit sempliċi prodott simili li diġà jeżisti. It-talba għalhekk ma ntlaqatx.

(79)

Fin-nuqqas ta’ xi kummenti oħra, il-premessi (62) sa (64) tar-Regolament provviżorju huma b’dan ikkonfermati.

(80)

Kif imsemmi fil-premessa (16) hawn fuq, l-eżami tax-xejriet li jikkonċernaw l-istima tal-ħsara kopra l-perjodu minn Jannar 2004 sa tmiem il-PI. Iżda, l-investigazzjoni wriet li l-industrija tal-Komunità kienet prattikament għadha tibda fl-2004. Għaldaqstant tqies li jkun aktar xieraq li ssir analiżi dwar il-ħsara possibbli u l-qagħda ekonomika tal-industrija tal-Komunità bbażata fuq ix-xejriet għall-perjodu mill-2005 sal-PI (“il-perjodu analizzat”). Billi ebda parti ma kkummentat dwar dan l-approċċ, il-premessa (65) tar-Regolament provviżorju hija kkonfermata.

(81)

Fin-nuqqas ta’ xi kummenti li jistgħu jiġġustifikaw tibdil rigward il-konsum tal-Komunità kif jidher fit-tabella hawn fuq, il-premessi (66) sa (71) tar-Regolament provviżorju huma b’dan kkonfermati.

(82)

It-tabella ta’ hawn taħt turi t-total tal-importazzjonijiet fis-suq tal-Komunità mill-produtturi esportaturi tal-Istati Uniti matul il-perjodu kkunsidrat.

Tabella 2

(83)

Għall-fini tas-sejbiet definittivi nstab li produttur esportatur mill-Istati Uniti ma kienx qiegħed ibigħ il-prodotti tiegħu taħt il-prezz fis-suq tal-Komunità, għalhekk it-totali tal-volum u tal-prezz tal-importazzjonijiet oġġett ta’ dumping kellhom jiġu valutati mill-ġdid. F’dan il-każ, fl-użu ta’ teħid ta’ kampjuni sabiex jiġi stabbilit d-dumping hija prassi tal-Kummissjoni li mbaghad teżamina jekk hemmx evidenza pożittiva li turi jekk il-kumpaniji kollha li ma kinux fil-kampjun kinux effettivament qed iqiegħdu l-prodotti tagħhom bi prezz ta’ dumping fis-suq Komunitarju jew le matul il-PI.

(84)

Għal dan il-għan, il-prezzijiet ta’ esportazzjoni mitluba mill-produtturi esportaturi li kkooperaw u li mhumiex inklużi fil-kampjun u l-prezzijiet ta’ esportazzjoni tal-esportaturi li ma kkooperawx ġew investigati mill-ġdid fuq il-bażi tal-istatistika dwar l-esportazzjoni mill-Istati Uniti, it-tweġibiet tal-kwestjonarji tal-produtturi esportaturi fil-kampjun fl-Istati Uniti u t-tweġibiet tal-formoli tat-teħid ta’ kampjuni pprovduti mill-kumpaniji kollha fl-Istati Uniti li kkooperaw. Tqies li jekk il-marġini medju ta’ dumping li nstab fuq il-bażi tal-produtturi esportaturi fil-kampjun jiżdied mal-prezzijiet ta’ esportazzjoni medji stabbiliti għall-produtturi esportaturi fil-kampjun misjuba li qed iwettqu dumping, jiġi stabbilit il-livell ta’ prezzijiet ta’ esportazzjoni mhux oġġett ta’ dumping.

(85)

Il-prezz ta’ esportazzjoni ġie stabbilit għall-produtturi esportaturi mhux fil-kampjun fuq il-bażi tal-istatistika dwar l-esportazzjoni mill-Istati Uniti wara li tnaqqset id-data dwar l-esportazzjonijiet li tikkonċerna l-produtturi esportaturi fil-kampjun. Il-prezz li rriżulta tqabbel imbagħad mal-prezz ta’ esportazzjoni mhux oġġett ta’ dumping.

(86)

Dan it-tqabbil ta’ prezzijiet wera li kemm i) il-produtturi esportaturi li kkooperaw li ma kinux inklużi fil-kampjun kif ukoll ii) il-produtturi esportaturi li ma kkooperawx fl-investigazzjoni kellhom prezzijiet ta’ esportazzjoni medji li kienu fil-każijiet kollha taħt il-prezzijiet medji li mhumiex oġġett ta’ dumping stabbiliti għall-produtturi esportaturi fil-kampjun. Din kienet indikazzjoni suffiċjenti li l-importazzjonijiet mill-kumpaniji kollha li ma kinux fil-kampjun, jiġifieri dawk li kkooperaw u dawk li ma kkooperawx, jistgħu jitqiesu bħala li kienu oġġett ta’ dumping.

(87)

Dwar il-kumpaniji mhux fil-kampjun, l-informazzjoni disponibbli u d-data li ntbagħtet dwar il-prezz ta’ esportazzjoni tagħhom ma wrietx li l-prezzijiet tagħhom kienu ogħla mill-prezz mhux oġġett ta’ dumping stabbilit kif spjegat fil-premessa (84) hawn fuq.

(88)

Kif imsemmi fil-premessa (83) hawn fuq, instab fl-istadju definittiv li produttur esportatur wieħed fl-Istati Uniti inkluż fil-kampjun ma kienx qiegħed ibigħ il-prodotti tiegħu bi prezz taħt il-prezz tas-suq fis-suq tal-Komunità. Skont dan, l-esportazzjonijiet tiegħu ġew esklużi mill-analiżi dwar l-iżvilupp ta’ importazzjonijiet mibjugħa bi prezz taħt il-prezz tas-suq fis-suq tal-Komunità.

(89)

Madankollu, biex tkun evitata kull possibbiltà ta’ żvelar ta’ data kummerċjali kunfidenzjali tal-imsemmi produttur, tqies xieraq għal raġunijiet ta’ kunfidenzjalità li ma tkunx ippreżentata data pubblikament disponibbli, bħad-data dwar l-esportazzjoni mill-Istati Uniti, bit-tħollija barra tad-data tal-esportatur li ma nstabx li kellu prodotti bi prezz ta’ dumping fis-suq Komunitarju.

(90)

Għalhekk, it-tabella ta’ hawn taħt tinkludi l-importazzjonijiet kollha ta’ bijodiżil li joriġinaw fl-Istati Uniti, li nstabu jew tqiesu li kienu oġġett ta’ dumping fis-suq tal-Komunità matul il-perjodu kkunsidrat taħt forma indiċizzata.

Tabella 3

(91)

Iċ-ċifri l-ġodda juru li l-volumi ta’ importazzjoni mill-Istati Uniti żdiedu b’mod sinifikanti minn madwar aktar minn 10 000 tunnellata fl-2005 għal aktar minn 1 000 000 tunnellata fil-PI. Matul il-perjodu analizzat, l-importazzjonijiet oġġett ta’ dumping mill-Istati Uniti baqgħu jżidu kontinwament is-sehem tagħhom fis-suq tal-Komunità minn madwar 0,3 % fl-2005 sa aktar minn 15 % fil-PI. Għalhekk jibqa’ li kien hemm żieda sinifikanti fl-importazzjonijiet oġġett ta’ dumping kemm f’termini assoluti kif ukoll f’termini relattivi meta mqabbla mal-konsum tal-Komunità matul dan il-perjodu.

(92)

Parti interessata stqarret li l-analiżi ta’ ħsara u kawżalità tal-proċediment ta’ anti-dumping għandha ssir fuq data differenti minn dik magħmula fil-proċediment parallell ta’ anti-sussidju. Ġie sostnut li s-sejbiet dwar id-dumping, b’mod partikolari l-bejgħ ta’ esportazzjoni lill-Komunità, huma bbażati biss fuq il-bijodiżil prodott mill-produtturi stess fil-kampjun filwaqt li s-sejbiet dwar is-sussidju huma bbażati fuq i) bijodiżil prodott minnhom stess, ii) bijodiżil prodott u mħallat u iii) bijodiżil mixtri u mħallat, esportat lejn il-Komunità.

(93)

Din it-talba qisha trid tgħid li l-proċediment ta’ anti-dumping għandu jkun dejjem ibbażat fuq data inqas wiesgħa mqabbel mal-proċediment ta’ anti-sussidju. Iżda, fl-istadju provviżorju nstab li l-esportazzjonijiet kollha tal-kumpaniji inklużi fil-kampjun ta’ produtturi mill-Istati Uniti saru bi prezzijiet oġġett ta’ dumping fis-suq tal-Komunità. Sejba simili saret fl-investigazzjoni dwar l-anti-sussidju. Għalhekk fiż-żewġ investigazzjonijiet l-esportazzjonijiet kollha li saru mill-Istati Uniti tqiesu li kienu oġġett ta’ dumping u sussidjati u għalhekk ġew inklużi kollha fl-analiżi ta’ ħsara u kawżalità.

(94)

Il-fatt li, kif spjegat fil-premessa (83) hawn fuq, f’istadju definittiv, kumpanija mill-Istati Uniti fil-kampjun instabet li ma kinitx qed twettaq dumping wassal issa għal diskrepanza bejn il-volum ta’ importazzjonijiet oġġett ta’ dumping u l-volum ta’ importazzjonijiet sussidjati li jridu jitqiesu fl-analiżi dwar ħsara u kawżalità tal-proċedimenti. Il-volum ġenerali ta’ importazzjonijiet oġġett ta’ dumping mill-Istati Uniti ġie aġġustat biex iqies il-fatt li l-importazzjonijiet ta’ produttur esportatur wieħed fil-kampjun instabu li ma kinux dumped.

(95)

Fid-dawl ta’ dan ta’ hawn fuq, it-talba kellha tiġi miċħuda.

(96)

Parti interessata stqarret li l-intestatura tal-HTS 3824 90 tal-istatistika dwar l-esportazzjoni mill-Istati Uniti li ntużat fir-Regolament provviżorju biex jiġu stabbiliti l-importazzjonijiet mill-pajjiż ikkonċernat tkopri ukoll, barra mill-bijodiżil, prodotti oħra bħal “sustanzi xaħmija li ġejjin mill-annimali jew il-ħxejjex u t-taħlitiet tagħhom”. L-analiżi tal-volum ta’ importazzjoni mill-Istati Uniti kienet għalhekk bin-nieqes. L-istess parti interessata pproponiet li minflok jintużaw ix-xejriet stabbiliti għall-produtturi investigati tal-Istati Uniti.

(97)

F’dan ir-rigward, l-ewwel ġie osservat li l-kodiċi HTS tal-Istati Uniti 3824 90 4000 intuża sabiex jiġu kkalkolati l-volumi ta’ importazzjoni li joriġinaw mill-Istati Uniti u mhux l-intestatura HTS b’sitt ċifri kklejmjata minn din il-parti.

(98)

Barra minn hekk, ta’ min ifakkar li kif issemma fil-premessa (68) tar-Regolament provviżorju, id-data tal-Eurostat ma setgħetx tintuża għall-fini tal-istima tal-importazzjonijiet ta’ bijodiżil mill-Istati Uniti minħabba li sa tmiem l-2007 ma kienx hemm kodiċi NM distint għall-klassifikazzjoni doganali ta’ dan il-prodott. Il-bijodiżil seta tabilħaqq jiġi kklassifikat taħt kodiċijiet NM varji li kellhom ukoll data dwar l-importazzjoni għal prodotti oħra. Ir-raġuni l-għala ntużat l-istatistika dwar l-esportazzjoni mill-Istati Uniti kienet li kien jidher li tkopri taħt kodiċi tariffarju wieħed l-esportazzjonijiet tal-prodott ikkonċernat u li l-volum ta’ prodotti oħra koperti taħt l-istess kodiċi huwa ta’ importanza mhux sinifikanti għal dawk li huma esportazzjonijiet lejn il-Komunità.

(99)

Fid-dawl tal-limitazzjonijiet għall-użu tad-data tal-Eurostat, alternattiva oħra għall-istatistika dwar l-esportazzjoni mill-Istati Uniti kienet tkun li tintuża d-data dwar l-importazzjoni fir-rapport tal-ilment. Din id-data nkisbet minn dawk li resqu l-ilment minn għejjun konfidenzjali ta’ informazzjoni dwar is-suq u għalhekk ir-rikors għal informazzjoni bħal din kien ikun suġġett għal din il-limitazzjoni. Madankollu, għal raġunijiet ta’ kompletezza, il-bixriet tal-volumi ta’ importazzjoni kienu juru l-istampa li ġejja taħt forma indiċizzata:

Tabella 4

(100)

It-tqabbil tat-Tabella 4 hawn fuq mat-Tabella 2 juri li l-istima tal-Kummissjoni tal-volumi ta’ importazzjoni tal-prodott ikkonċernat matul il-perjodu ta’ analiżi kienet iktar konservattiva minn dik li setgħet tintuża bħala alternattiva. Barra minn hekk, din l-istampa ġenerali tal-volumi ta’ importazzjoni tat-Tabella 4 tittella’ minn data konfidenzjali li mhiex suxxettibbli għall-iżvelar filwaqt li l-istatistika mill-Istati Uniti hija informazzjoni għal kulħadd.

(101)

Il-metodu propost mill-parti interessata kellu juru din l-istampa rigward il-bixriet tal-volumi ta’ esportazzjoni fuq il-bażi tat-tagħrif miġbur mill-produtturi esportaturi investigati:

Tabella 5

(102)

It-tqabbil tat-Tabella 5 mat-Tabella 2 hawn fuq juri bixriet tassew simili bejn il-metodu użat mill-Kummissjoni u dak propost minn dan il-partit.

(103)

L-istess parti interessata stqarret ukoll li, peress li l-prodott ikkonċernat huwa l-bijodiżil u taħlitiet ta’ bijodiżil b’kontenut ta’ bijodiżil ogħla minn 20 %, il-volum ta’ importazzjonijiet muri fit-Tabella 2 ma jistax jikkorrelata mal-volum ta’ importazzjoni korrett tal-prodott ikkonċernat.

(104)

F’dan ir-rigward ta’ min jinnota li l-investigazzjoni ma identifikatx importazzjonijiet tal-prodott ikkonċernat b’kontenut ta’ bijodiżil ogħla minn B20 iżda iktar baxx minn B99 matul il-PI. Fi kliem ieħor, l-investigazzjoni ma identifikat l-ebda importazzjonijiet tal-prodott ikkonċernat li minħabba l-kontenut tal-bijodiżil baxx tagħhom ikunu ikklassifikati taħt kodiċi HTS tal-Istati Uniti differenti.

(105)

Fuq il-bażi ta’ dan ta’ hawn fuq, il-konklużjoni hi li l-volum ta’ importazzjoni ppreżentat fit-Tabella 2 tar-Regolament provviżorju jirrappreżenta stima affidabbli, oġġettiva u konservattiva tal-importazzjonijiet fil-Komunità tal-prodott ikkonċernat.

(106)

Parti interessata stqarret li l-kwantitajiet splash and dash esportati mill-Istati Uniti kellhom jiġu mifruda mill-importazzjonijiet tal-prodott ikkonċernat li joriġinaw fl-Istati Uniti billi dawk tal-ewwel ma jistgħux jitqiesu bħala importazzjonijiet ta’ oriġini mill-Istati Uniti.

(107)

Barra minn hekk l-istess parti u l-GSU stqarru li bil-maqlub ta’ dak li ġie mistqarr fil-premessi (77) u (80) tar-Regolament provviżorju l-esportazzjonijiet kollha mill-Istati Uniti mhumiex meqjusa li joriġinaw fl-Istati Uniti. Ma hemm l-ebda awtorità fl-Istati Uniti li tagħmel stima jew determinazzjoni fir-rigward tal-pajjiż ta’ oriġini ta’ prodott partikolari għall-esportazzjoni u ma jistax wieħed jassumi li l-bijodiżil kollu li jħalli t-territorju tal-Istati Uniti huwa ta’ oriġini tal-Istati Uniti.

(108)

L-istess parti stqarret ukoll li r-regolamenti ta’ oriġini stabbiliti mill-Buro taċ-Ċensiment tal-Istati Uniti dwar id-determinazzjoni tal-oriġini tal-prodotti esportati mhumiex magħrufa sewwa fost l-industrija tal-bijodiżil u għalhekk l-esportaturi tal-bijodiżil huma u jimlew id-“Dikjarazzjoni ta’ Esportazzjoni tal-Merkanzija” (DEM) normalment jindikaw li l-prodotti esportati huma ta’ oriġini lokali.

(109)

Hija tenniet l-istqarrija tagħha magħmula fi stadju provviżorju li volumi impurtati fil-Komunità skont il-mudell splash and dash jirrappreżentaw iktar minn 40 % tal-prodott ikkonċernat esportat mill-Istati Uniti. Bħala appoġġ għall-istqarrija tagħha uzat id-data dwar l-importazzjoni u l-esportazzjoni tal-Istati Uniti tal-kodiċi HTS 3824 90 4020 u 3824 90 4000, u fil-prattika stqarret li l-importazzjonijiet kollha ta’ bijodiżil fl-Istati Uniti ġew esportati mill-ġdid taħt il-mudell splash and dash lill-Komunità.

(110)

Dwar dan ta’ hawn fuq ta’ min jinnota li l-kjarifika mitluba mill-awtoritajiet tal-Istati Uniti dwar il-fatt li ebda awtorità tal-Istati Uniti ma twettaq stima jew determinazzjoni tal-oriġini ta’ prodott partikolari għall-esportazzjoni tista’ tintlaqa’.

(111)

L-istqarrija li l-mudell splash and dash jirrappreżenta talinqas 40 % tal-esportazzjonijiet tal-Istati Uniti lejn il-Komunità kienet ibbażata fuq is-suppożizzjoni li l-bijodiżil kollu impurtat fl-Istati Uniti jispiċċa jiġi esportat mill-ġdid lejn il-Komunità taħt il-mudell spalsh and dash mingħajr ma jkun hemm konsum tal-volum fl-Istati Uniti jew jerġa jitħallat fl-Istati Uniti qabel l-esportazzjoni.

(112)

Iżda, id-data ppreżentata minn din il-parti wriet li fis-snin 2004 sa 2006 l-importazzjonijiet qabżu sewwa l-esportazzjonijiet u dan juri li hemm talba lokali għall-bijodiżil fl-Istati Uniti minn pajjiżi oħra. Barra minn hekk, din is-suppożizzjoni hija xi daqsxejn sempliċistika billi ma tqiesx il-kwantitajiet ta’ bijodiżil mħallta fl-Istati Uniti u esportati lejn il-Komunità fejn i) il-karatteristiċi tat-taħlita huma differenti minn dawk tal-materjali ta’ oriġini li jattribwixxi l-oriġini lill-Istati Uniti għall-prodott imħallat jew ii) taħlitiet fejn il-proporzjon tal-bijodiżil li joriġina mill-Istati Uniti ikun dak dominanti u tattribwixxi l-oriġini tal-Istati Uniti lill-prodott imħallat sħiħ. Ta’ min ifakkar f’dan ir-rigward li, kif issemma fil-premessa (78) tal-Regolament provviżorju, il-kumpaniji tal-Istati Uniti investigati ddikjaraw li ma kienx possibbli li jiġu ddiferenzjati, fil-kwantitajiet esportati lejn il-Komunità jew mibjugħa fis-suq lokali, dawk il-kwantitajiet prodotti minnhom stess jew mis-sorsi tal-Istati Uniti jew dawk impurtati. Ta’ min jinnota wkoll li l-oriġini jidher li ġiet dikjarata b’mod korrett mill-kumpaniji tal-Istati Uniti kkonċernati billi fil-każijiet kollha kien qed isir aktar taħlit ta’ bijodiżil ta’ oriġini li mhux mill-Istati Uniti. Tabilħaqq, fil-biċċa ‘l kbira tal-każijiet il-produtturi esportaturi investigati huma kumpaniji kbar ħafna jew gruppi ta’ kumpaniji b’kumpaniji relatati fil-Komunità u huwa diffiċli li wieħed jaċċetta li ma kinux jafu bir-regoli attwali tal-Istati Uniti u tal-Komunità dwar id-determinazzjoni tal-oriġini.

(113)

Fuq il-bażi ta’ dan kollu ta’ hawn fuq, il-konkluzjoni hija li ma hemmx bażi biex jiġu identifikati b’mod ċar l-importazzjonijiet fil-Komunità taħt il-mudell splash and dash għall-perjodu kkonsidrat. Qed jitqies ukoll li ma hemmx bażi biex dawn l-esportazzjonijiet, jekk jeżistu, jiġu ttrattati bħala importazzjonijiet mhux ta’ oriġini tal-Istati Uniti.

(114)

It-tabella ta’ hawn taħt turi l-prezz tal-bejgħ unitarju tal-importazzjonijiet kollha fis-suq tal-Komunità li joriġinaw fl-Istati Uniti matul il-perjodu kkunsidrat kif aċċertat fil-premessi (81) u (82) tar-Regolament provviżorju.

Tabella 6

(115)

Fid-dawl tas-sejbiet definittivi dwar id-dumping, u l-fatt li kumpanija nstabet li ma kinitx qed tbiegħ il-prodotti tagħha bi prezzijiet taħt il-prezz tas-suq fis-suq tal-Komunità, il-prezzijiet tal-bejgħ unitarji tal-importazzjonijiet oġġett ta’ dumping fis-suq tal-Komunità ġew ikkalkolati għalihom u jidhru fit-tabella li ġejja.

Tabella 7

(116)

Il-prezzijiet medji għall-importazzjonijiet mill-Istati Uniti varjaw matul il-perjodu kkunsidrat u kumplessivament urew żieda ta’ 6 % bejn l-2005 u l-PI.

(117)

Għall-finijiet ta’ analiżi ta’ bejgħ taħt il-prezz, il-medja differenzjata tal-prezzijiet tal-bejgħ li l-produtturi Komunitarji fil-kampjun żammew lill-klijenti mhux relatati fis-suq Komunitarju, aġġustati fuq livell ta’ prezzijiet tal-fabbrika, tqabblu mal-medja differenzjata tal-prezzijiet korrispondenti tal-importazzjonijiet oġġett ta’ dumping mill-Istati Uniti, stabbiliti fuq bażi ta’ CIF għall-produtturi esportaturi fl-Istati Uniti fil-kampjun li nstabu li biegħu taħt il-prezz fis-suq tal-Komunità. Ġie applikat aġġustament fejn xieraq għad-dazji doganali, għall-ispejjeż ta’ wara l-importazzjoni u għad-differenzi fil-materja bażika użata fil-produzzjoni tal-biodiżil kif deskritt fil-premessa (84) tar-Regolament provviżorju.

(118)

Ċerti produtturi esportaturi stqarru li l-aġġustament għad-differenzi fil-materja bażika kien baxx wisq għax ma jirriflettix sewwa l-valur tas-suq tad-differenzi. Huma stqarru wkoll li d-differenzi għandhom jinkisbu fuq il-bażi tal-prezzijiet għat-tipi differenti ta’ bijodiżil fis-suq tal-Komunità u kkwantifikaw din l-istqarrija b’referenza għall-kwotazzjonijiet tal-prezzijiet, ibbażati f’Antwerp bid-dazju mħallas, ippubblikati minn analista tas-suq.

(119)

F’dan ir-rigward ta’ min jinnota li l-aġġustament kien ibbażat fuq id-data ġenerali vverifikata u miġbura mill-produtturi esportaturi fil-kampjun għall-azzjonijiet tagħhom fl-Istati Uniti u kien, għalhekk, ibbażat fuq is-sejbiet tal-investigazzjoni li hija l-aktar għajn ta’ informazzjoni affidabbli. Barra minn hekk, il-kwotazzjonijiet tal-prezzijiet fil-livell tal-Komunità ma kinux ikunu bażi xierqa għal dan l-aġġustament billi dawn il-livelli ta’ prezzijiet ġew influwenzati mil-livelli tal-prezzijiet tal-importazzjonijiet oġġett ta’ dumping li joriġinaw fl-Istati Uniti. Fuq din il-bażi, it-talba ma ntlaqgħetx.

(120)

L-istess produtturi esportaturi sostnew li l-aġġustament għad-differenzi fil-materja bażika għandu jiġi applikat biss għall-bejgħ tal-produtturi esportaturi fil-kampjun u mhux għall-bejgħ tal-produtturi tal-Komunità fil-kampjun billi l-bejgħ ta’ dawn tal-aħħar jikkonsisti f’taħlitiet kompatibbli mal-istandards tal-Komunità.

(121)

Dan l-argument instab li kien irrilevanti billi l-għan tal-aġġustament kien li jiġu indirizzati d-differenzi fil-materja bażika u mhux xi differenzi biex jiġu sodisfatti l-istandards differenti applikabbli fil-livell tal-Komunità. It-talba għalhekk ma ntlaqgħetx.

(122)

Min ressaq l-ilment ikkontesta kemm dan l-aġġustament huwa xieraq billi sostna li kemm il-produtturi tal-Komunità kif ukoll l-esportaturi tal-Istati Uniti jużaw varjetà ta’ materja bażika u t-tnejn li huma jipproduċu varjetà ta’ taħlitiet li jinsabu fiż-żewġt iswieq u għalhekk joperaw bl-istess possibiltajiet ta’ firxa għal dik li hija għażla ta’ materja prima.

(123)

F’dan ir-rigward ta’ min jinnota li, filwaqt li huwa minnu li kemm il-produtturi tal-Komunità kif ukoll il-produtturi esportaturi tal-Istati Uniti jużaw varjetà ta’ taħlitiet ibbażati fuq materja bażika differenti, il-qsim mill-ġdid tal-materja bażika fit-taħlitiet jista’ jvarva b’mod sinifikanti minn produttur għal produttur u anki minn klijent għal klijent tal-istess produttur. Tabilħaqq, l-investigazzjoni wriet li rari ħafna nstab qbil preċiż fit-taħlitiet mibjugħa mill-produtturi tal-Komunità fil-kampjun u dawk mibjugħa mill-produtturi esportaturi fil-kampjun fis-suq tal-Komunità. Għalhekk, biex jitqiesu l-kalkoli għall-bejgħ taħt il-prezz sabiex jittieħed kont tat-tipi ta’ prodott differenti ta’ bijodiżil, tqies tabilħaqq meħtieġ li jsir l-aġġustament għad-differenzi fil-materja bażika. Għalhekk, din it-talba kellha tiġi miċħuda.

(124)

Ċerti produtturi esportaturi stqarru li l-prezzijiet użati għall-kalkoli tal-marġini ta’ ħsara kienu l-prezzijiet CIF fuq il-fruntiera tal-Komunità aktar milli l-prezzijiet ta’ bejgħ mill-ġdid lill-ewwel klijent mhux relatat. Huma stqarru li dawn il-kalkoli jridu jiġu korretti sabiex jittieħed kont tal-valur u l-kwantitajiet ta’ bejgħ lill-ewwel klijent mhux relatat.

(125)

Dan l-argument instab rilevanti għal żewġ produtturi esportaturi u l-kalkoli ta’ ħsara ġew korretti kif meħtieġ.

(126)

Fuq il-bażi ta’ dan ta’ hawn fuq, il-marġini medju ta’ bejgħ taħt il-prezz matul il-PI, espress bħala perċentwali tal-medja differenzjata tal-prezzijiet tal-fabbrika tal-industrija tal-Komunità, instab li kien bejn 18,9 % sa 31,9 %, minflokk medda ta’ bejn 18,9 % sa 33,0 % fl-istadju provviżorju.

(127)

Kif imsemmi fil-premessi (107) sa (110) tar-Regolament provviżorju, instab li l-industrija Komunitarja ġarrbet ħsara materjali skont it-tifsira tal-Artikolu 3(5) tar-Regolament bażiku.

(128)

Tabilħaqq, l-analiżi provviżorja wriet li l-prestazzjoni tal-industrija Komunitarja tjiebet fir-rigward ta’ xi indikaturi tal-volum, iżda li l-biċċa ‘l kbira tal-indikaturi marbuta mal-qagħda finanzjarja tal-industrija Komunitarja ħżienu b’mod sinifikanti matul il-perjodu kkunsidrat. Minkejja l-ħila tal-industrija Komunitarja li tiġbor il-kapital għall-investiment, il-qligħ fuq l-investimenti naqas b’mod drammatiku matul il-PI u l-kapaċità ta’ profitt naqset b’mod sinifikanti matul il-perjodu kkunsidrat.

(129)

Parti interessata stqarret li l-analiżi magħmula fil-premessa (93) tar-Regolament bażiku dwar it-tkabbir tal-industrija tal-Komunità kienet ħażina. B’mod partikolari, din il-parti ġabet l-argument li r-Regolament provviżorju jagħti x’tifhem li ż-żieda qawwija fit-talba għall-bijodiżil fis-suq tal-Komunità suppost kellha twassal għal żieda komparabbli fl-ishma tas-suq tal-industrija tal-Komunità, filwaqt li ma hemm ebda rabta diretta bejn iż-żieda fit-talba u s-sehem tas-suq.

(130)

L-istess parti sostniet li l-fatturi ta’ ħsara msemmija fl-istess premessa (93) tar-Regolament provviżorju, jiġifieri l-produzzjoni, l-utilizzazzjoni tal-kapaċità ta’ produzzjoni, il-produttività, il-bejgħ, il-politika ta’ investiment, il-qligħ fuq l-investimenti, ma jistgħux jitqiesu li ġew affettwati b’mod qawwi.

(131)

L-argument dwar in-nuqqas ta’ rabta bejn it-talba u s-sehem tas-suq intlaqa’. Iżda, xorta jibqa’ li bejn l-2006 u l-PI, is-sehem tas-suq tal-produtturi tal-Komunità kien mulitiplkat b’1,2 filwaqt li fl-istess żmien, is-sehem tas-suq tal-importazzjonijiet oġġett ta’ dumping kienu immultiplikati b’madwar 17. Din iż-żieda relattivament qawwija fis-sehem tas-suq għall-importazzjonijiet mill-Istati Uniti hija r-riżultat ta’ prezzijiet ta’ bejgħ ħafna iktar baxxi għal dawn l-importazzjonijiet mill-Istati Uniti kif jidher fit-tabella 7 u l-premessa (126) hawn fuq.

(132)

Dwar l-istqarrija dwar l-istima globali tal-fatturi ta’ ħsara kollha, hemm għarfien li mhux dawn il-fatturi kollha kienu sejrin għall-agħar matul il-perjodu kkunsidrat. Madankollu, huwa mistqarr li l-fatturi marbuta mal-qagħda finanzjarja tal-industrija tal-Komunità kienu tabilħaqq milquta b’mod qawwi, jiġifieri l-kapaċità ta’ profitt u l-qligħ fuq l-investiment u sa ċertu punt intlaqtet il-produttività. Dan ġej mill-fatt li l-industrija tal-Komunità kellha tadatta għall-kompetizzjoni tal-importazzjonijiet mill-Istati Uniti oġġett ta’ dumping u li ffissaw il-prezz, u għażlet li żżomm il-preżenza tagħhom fis-suq għad-dannu tal-kapaċità tagħha ta’ profitt, iktar milli żżomm il-kapaċità ta’ profitt askapitu tal-ishma tas-suq.

(133)

Ċerti partijiet interessati u l-GSU stqarru li l-livelli ta’ kapaċità ta’ profitt u l-qligħ fuq l-investiment għall-produtturi tal-UE fil-kampjun għadhom tajbin fl-2007 u matul il-PI, bħala valur assolut, minkejja t-tnaqqis qawwi meta mqabbel mas-snin ta’ qabel. Huma jsostnu li l-livelli tal-kapaċità ta’ profitt u l-qligħ fuq l-investiment miksuba mill-2004 sa 2006 ma kinux sostenibbli u li l-industrija tal-bijodiżil tal-UE, bħal kull industrija oħra li tkun għada titfaċċa, għaddiet minn fenomenu ta’ “boom and bust” normali matul il-perjodu kkunsidrat.

(134)

F’dan ir-rigward, ta’ min ifakkar li xi kumpaniji tal-Istati Uniti fil-kampjun kisbu kapaċità ta’ profitt ħafna ogħla, ‘il fuq minn 30 %, f’kuntest simili ta’ suq li kien qed jiżviluppa matul il-perjodu kkunsidrat. Huwa wkoll mistqarr li t-tnaqqis fil-kapaċità ta’ profitt u l-qligħ fuq l-investiment imġarrab mill-industrija tal-Komunità kien brutali ħafna billi seħħ bejn l-2006 sal-2007, u seħħ fl-istess żmien eżatt maż-żieda tal-importazzjonijiet mill-Istati Uniti ta’ bijodiżil.

(135)

Diversi produtturi tal-Komunità sostnew li l-qagħda tal-kumpaniji tal-Komunità mhux fil-kampjun għandha titqies fis-sħiħ fl-istima tal-ħsara, b’mod partikolari fid-dawl tal-każijiet numerużi ta’ tnaqqis fid-daqs, għeluq jew tħollija għal wara ta’ proġetti ġodda li ġew identifikati fost dawn il-kumpaniji matul il-perjodu kkunsidrat.

(136)

Mill-banda l-oħra, waħda mill-partijiet interessati sostniet li r-referenza magħmula fir-Regolament provviżorju għall-produtturi fil-Komunità mhux inklużi fil-kampjun hija irrilevanti, billi d-data mhux vverifikata minn produtturi mhux fil-kampjun ma tistax tintuża biex tiġi ppruvata l-ħsara. Din il-parti tinsisti aktar dwar data pubblika li turi li xi uħud minn dawn il-produtturi mhux fil-kampjun irendu qligħ.

(137)

Fir-rigward taż-żewġ stqarrijiet ta’ hawn fuq, ta’ min isemmi li r-Regolament provviżorju fil-premessi tiegħu (103) sa (106) jirreferi għall-qagħda tal-produtturi mhux fil-kampjun fil-Komunità bħala ħjiel supplimentari ta’ ħsara, mingħajr impatt fuq il-kalkoli tal-indikaturi ta’ ħsara u l-marġini ta’ ħsara li għaliha fil-fatt intużat informazzjoni vverifikata. Għalhekk l-istqarrija ta’ din il-parti ma ntlaqgħetx. Mill-banda l-oħra, fin-nuqqas ta’ statistika vverifikata disponibbli jew informazzjoni individwali dwar il-qagħda tal-produtturi kollha tal-UE li mhumiex fil-kampjun, mhux possibbli li ssir determinazzjoni preċiża għall-produtturi tal-Komunità bħala ħaġa waħda kif ġie ssuġġerit mill-produtturi tal-Komunità. Għalhekk din it-talba ġiet ukoll miċħuda.

(138)

Fin-nuqqas ta’ kummenti oħra dwar is-sejbiet provviżorji dwar il-qagħda ekonomika tal-industrija Komunitarja, il-premessi (86) sa (92) u (94) sa (106) tar-Regolament provviżorju huma b’dan ikkonfermati.

(139)

Il-konklużjoni li l-industrija Komunitarja ġarrbet danni materjali, kif spjegat fil-premessi (107) sa (110) tar-Regolament provviżorju, hija kkonfermata wkoll.

(140)

Ta’ min ifakkar li l-volumi ta’ importazzjoni oġġett ta’ dumping mill-Istati Uniti tal-Amerika żdiedu b’mod sinifikanti matul il-perjodu analizzat. Kien hemm ukoll koinċidenza ċara fiż-żmien bejn iż-żieda tal-importazzjonijiet oġġett ta’ dumping u t-tiħżin tal-qagħda ekonomika tal-industrija tal-Komunità. Din ma kellhiex ħila tiffissa l-prezzijiet tagħha mal-kondizzjonijiet tas-suq u żidiet fl-ispejjeż, peress li matul il-PI l-prezzijiet tagħha kienu ogħla minn dawk tal-importazzjonijiet oġġett ta’ dumping.

(141)

Huwa għalhekk ikkonfermat li ż-żieda ta’ importazzjonijiet oġġett ta’ dumping bi prezz baxx mill-Istati Uniti kellha impatt negattiv konsiderevoli fuq il-qagħda ekonomika tal-industrija Komunitarja matul il-PI.

(142)

Fin-nuqqas ta’ xi kummenti oħra li jiġġustifikaw bidla fis-sejbiet provviżorji huwa kkonfermat li l-importazzjonijiet minn pajjiżi terzi oħra ma setgħux ħallew aktar minn kontribut negliġibbli għall-ħsara mġarrba mill-industrija tal-Komunità.

(143)

Parti interessata stqarret li anke jekk it-tnaqqis fit-talba bejn l-2007 u l-PI kien negliġibbli (0,5 %) xorta madankollu kien iġib ħsara lill-industrija tal-Komunità għaliex hija allegat li żieda ipotetika ta’ 10 % fit-talba kienet tipproduċi volum addizzjonali ta’ bejgħ ta’ 205 733 tunnellata kieku l-industrija tal-Komunità żammet l-istess sehem tas-suq ta’ 29,8 % li ġie reġistrat matul il-PI.

(144)

F’dan ir-rigward ta’ min jinnota li l-istqarrijiet magħmula minn din il-parti kienu bbażati fuq suppożizzjonijiet vagi u mingħajr provi. Barra minn hekk, fid-dawl tal-fatt li bejn l-2007 u l-PI is-sehem tas-suq tal-industrija tal-Komunità żdied bi 2,8 punti perċentwali, dan tabilħaqq jirfed il-konklużjoni milħuqa fil-premessa (121) tar-Regolament provviżorju li l-ħsara mġarrba mill-industrija tal-Komunità ma tistax tiġi attribwita għat-tnaqqis ħafif fit-talba bejn l-2007 u l-PI. Għalhekk, fin-nuqqas ta’ xi kummenti oħra dwar l-iżvilupp fit-talba fis-suq tal-Komunità l-premessa (121) tar-Regolament provviżorju hija kkonfermata.

(145)

Parti interessata tenniet l-istqarrija tagħha li d-dħul mill-ġdid tat-taxxa tal-enerġija fil-Ġermanja laqat b’mod negattiv il-qagħda ekonomika tal-produtturi tal-Komunità li jfornixxu dan is-suq billi minħabba dawn il-miżuri t-talba għall-bijodiżil B100 li tirrappreżenta tal-inqas 1,5 miljun tunnellata kienet tiġi fix-xejn. Hija sostniet ukoll, bi tweġiba għas-sejbiet tal-investigazzjoni stabbiliti fil-premessa (123) tar-Regolament provviżorju, li anki kieku d-dħul ta’ rekwiżit ta’ taħliet ta’ 4,4 % għad-diżil fis-suq tal-Ġermanja għal għanijiet ta’ trasport (B5) kellu jpatti għat-telf fil-bejgħ allegat tal-B100, il-livell tal-prezzijiet tal-B100 kienu jkunu differenti minn dawk tal-bijodiżil maħsub għat-taħlitiet tal-B5. Hija allegat li l-B100 huwa prodott biss miż-żejt tal-kolza li hija materja bażika ogħla, filwaqt li l-bijodiżil B5 ġej minn varjetà ta’ materja bażika, u għalhekk dan jolqot b’mod ħażin il-prezz medju tal-produtturi tal-Komunità.

(146)

F’dan ir-rigward ta’ min ifakkar li, għall-kuntrarju tal-allegazzjonijiet magħmula minn din il-parti, l-investigazzjoni wriet li l-volumi ta’ bejgħ tal-produtturi tal-Komunità fil-kampjun li jissupplixxu s-suq tal-Ġermanja żdiedu bi 68 % bejn l-2006 u l-PI, u dan tabilħaqq jikkonferma s-sejba provviżorja li kull telf fil-bejgħ tal-B100 kien ikkumpensat mir-rekwiżit ta’ taħliet obbligatorju. Ta’ min jinnota wkoll li d-dħul ta’ 0,09 Euro għal kull litru ta’ bijodiżil mill-1 ta’ Awwissu 2006 ma wassalx biex jiġi fix-xejn is-suq kif allegat minn din il-parti, iżda tabilħaqq il-bejgħ tal-B100 naqas b’mod sinifikanti fl-aħħar kwart tal-PI meta din it-taxxa żdiedet għal darb’oħra għal 0,15 Euro kull litru mill-1 ta’ Jannar 2008. Dwar l-effett fuq il-prezzijiet, l-allegazzjonijiet magħmula minn din il-parti kienu bla sisien billi l-bijodiżil użat għaż-żewġ tipi ta’ prodotti kellu jkun konformi mal-istess standards u dan ifisser li fiż-żewġ tipi ta’ bijodiżil setgħet tintuża l-istess taħlita ta’ materja bażika u għalhekk ma hemmx differenzjazzjoni ppruvata fil-prezz bejn iż-żewġ tipi ta’ bijodiżil. Fuq il-bażi ta’ dan ta’ hawn fuq it-talba ma ntlaqgħetx.

(147)

Fin-nuqqas ta’ xi kummenti oħra dwar id-deċiżjonijiet ta’ politika pubblika l-premessa (124) tar-Regolament provviżorju hija kkonfermata.

(148)

Parti interessata, filwaqt li aċċettat li r-rati tal-użu tal-kapaċità ta’ produzzjoni baqgħu għolja mhux ħażin għall-produtturi tal-Komunità fil-kampjun, stqarret li l-kapaċità żejda tal-produtturi tal-Komunità fil-kampjun kienet xorta tibqa’ kawża ta’ ħsara minħabba li twassal għal spejjeż fissi ogħla li jolqtu b’mod negattiv il-kapaċità ta’ profitt. Hija stqarret ukoll li ż-żieda fil-valur nett tal-assi tal-produtturi msemmija kienet twassal għal żidiet fissi fl-ispejjeż billi d-deprezzament u l-ispejjeż finanzjarji kienu jkunu ogħla.

(149)

F’dan ir-rigward ta’ min ifakkar li mill-analiżi fid-dettall tal-qsim mill-ġdid tal-ispejjeż varjabbli u fissi fl-istruttura tal-ispejjeż tal-industrija tal-Komunità ġie stabbilit li s-sehem tal-ispejjeż fissi rrappreżenta 6 % biss tal-ispejjeż ġenerali (premessa 126 tar-Regolament provviżorju). Barra minn hekk, ta’ min jinnota li din l-analiżi wriet oxxilazzjonijiet insinifikanti ta’ din il-perċentwali matul il-perjodu analizzat. Fir-rigward tal-istqarrija dwar l-effett fuq il-kapaċità ta’ profitt ikkaġunat miż-żieda netta fil-valur tal-assi, ta’ min jinnota li ż-żieda fl-ispejjeż f’termini assoluti ma twassalx awtomatikament għal żieda fil-kost ta’ produzzjoni ta’ unità billi din tal-aħħar tiddependi fuq il-volum ta’ produzzjoni li kif jidher fit-Tabella 4 tar-Regolament provviżorju żdied b’rata sostenuta matul il-perjodu analizzat. Għalhekk l-ispejjeż fissi ogħla f’termini assoluti ġew attribwiti għall-volum ta’ produzzjoni ogħla li jwassal għall-qsim mill-ġdid imsemmi hawn fuq ta’ spejjeż fissi f’rabta mal-ispejjeż ġenerali. Abbażi ta’ dan l-istqarrijiet magħmula minn din il-parti interessata ma setgħux jintlaqgħu.

(150)

L-istess parti allegat li l-kapaċità ġenerali żejda tal-produtturi tal-Komunità tolqot direttament il-prezzijiet billi jkun hemm ġlieda ħarxa fost il-produtturi biex jiksbu kuntratti sa spejjeż marġinali u għalhekk, il-produtturi b’rati ta’ użu għolja riedu jkunu l-aktar aggressivi fuq il-bejgħ tagħhom biex ibigħu bi prezz orħos minn tal-kompetituri tagħhom. Biex tirfed l-istqarrija tagħha hija bagħtet dikjarazzjoni ta’ kumpanija fil-kampjun mad-dikjarazzjonijiet finanzjarji tas-sena 2007.

(151)

L-allegazzjonijiet, madankollu, ta’ din il-parti ma kinux mirfuda minn xi xhieda billi ebda referenza għall-ġlieda allegata ta’ prezzijiet minħabba l-kapaċità żejda ma kienet indikata f’din id-dikjarazzjoni. Id-dikjarazzjoni kienet aktar tirreferi għaż-żieda mill-gvern Ġermaniż fit-taxxa tal-enerġija fuq il-bijodiżil B100 mill-1 ta’ Jannar 2008 li qajmet kompetizzjoni fis-suq tal-bijodiżil B5. Fuq il-bażi ta’ dan ta’ hawn fuq it-talba ma setgħetx tintlaqa’.

(152)

Fin-nuqqas ta’ xi kummenti oħra dwar il-kapaċità wieqfa tal-produtturi tal-Komunità, il-premessi (125) sa (128) tar-Regolament provviżorju huma kkonfermati.

(153)

Parti interessata u l-gvern tal-Istati Uniti stqarru li ebda wieħed mill-argumenti fil-premessi (129) sa (133) tar-Regolament provviżorju ma jindirizza l-kwistjoni li l-prezzijiet taż-żejt tas-soja, taż-żejt tal-palm u ż-żejt tal-kanola fl-Istati Uniti fiż-żminijiet kollha mill-2004 baqgħu b’mod sinifikanti iktar baxxi mill-prezzijiet taż-żejt tal-kolza fil-Komunità u dan iġib vantaġġ kompetittiv sinifikanti għall-bijodiżil impurtat mill-Istati Uniti.

(154)

Ta’ min ifakkar li l-investigazzjoni trid tistabbilixxi jekk l-importazzjonijiet oġġett ta’ dumping (f’termini ta’ prezzijiet u volum) ikkawżawx ħsara materjali lill-industrija Komunitarja jew jekk tali ħsara materjali kinitx minħabba fatturi oħrajn. F’dan ir-rigward, l-Artikolu 3(6) tar-Regolament bażiku jiddikjara li jeħtieġ li jintwera li l-livell tal-prezzijiet tal-importazzjonijiet oġġett ta’ dumping jikkawża ħsara. Għalhekk sempliċement jirreferi għal differenza bejn il-livelli tal-prezzijiet, u b’hekk ma hemm l-ebda rekwiżit li jiġu analizzati l-fatturi li jolqtu l-livell ta’ dawn il-prezzijiet.

(155)

Fil-prattika, l-effett tal-importazzjonijiet oġġett ta’ dumping fuq il-prezzijiet tal-industrija Komunitarja essenzjalment jiġi eżaminat billi jiġi stabbilit it-traħħis tal-prezzijiet taħt il-prezz normali, id-depressjoni tal-prezzijiet u s-soppressjoni tal-prezzijiet. Għal dan l-għan, jitqabblu l-prezzijiet ta’ esportazzjoni oġġett ta’ dumping u l-prezzijiet tal-bejgħ tal-industrija Komunitarja, u l-prezzijiet ta’ esportazzjoni użati għall-kalkoli tal-ħsara f’ċerti każijiet jista’ jeħtieġu li jiġu aġġustati biex ikun hemm bażi ta’ tqabbil. Konsegwentement, l-użu ta’ aġġustamenti f’dan il-kuntest jiżgura biss li d-differenza fil-prezzijiet tiġi stabbilita fuq bażi ta’ tqabbil. Minn dan, jidher ovvju li l-prezzijiet tal-materja prima fil-pajjiż ta’ esportazzjoni ma jistgħux bħala prinċipju jitqiesu bħala fattur ta’ ħsara.

(156)

Dan ta’ hawn fuq huwa wkoll ikkonfermat mill-kliem tal-Artikolu 3(7) tar-Regolament bażiku, li jirreferi għal fatturi magħrufa għajr importazzjonijiet oġġett ta’ dumping. Il-lista tal-fatturi l-oħra magħrufa f’dan l-Artikolu ma tagħmel referenza għall-ebda fattur li jolqot il-livell tal-prezzijiet tal-importazzjonijiet oġġett ta’ dumping. Fi ftit kliem, jekk l-importazzjonijiet huma oġġett ta’ dumping, u anki jekk ibbenefikaw minn żvilupp favorevoli fil-prezzijiet tal-materja prima, ma jitqiesx li dan l-iżvilupp jista’ jkun fattur ieħor li jikkawża ħsara.

(157)

B’hekk, l-analiżi tal-fatturi li jolqtu l-livell tal-prezzijiet tal-importazzjonijiet oġġett ta’ dumping, bħall-vantaġġ kompetittiv allegat minħabba prezzijiet iktar baxxi tal-materja prima, ma tistax tkun konklużiva u tali analiżi tmur lilhinn mir-rekwiżiti tar-Regolament bażiku.

(158)

Fi kwalunkwe każ, u mingħajr ħsara għal dan ta’ hawn fuq, ta’ min ifakkar li żieda ġenerali fil-prezzijiet tal-prodotti agrikoli mad-dinja kollha seħħet matul il-PI u li ż-żieda fiż-żejt tas-soja (il-materja bażika ewlenija użata mill-produtturi fil-pajjiż ikkonċernat) kienet ikbar miż-żieda taż-żejt tal-kolza matul l-istess perjodu. Madankollu, dawn iż-żidiet fl-ispejjeż fl-Istati Uniti ma ġewx riflessi fil-prezzijiet tal-importazzjonijiet oġġett ta’ dumping fis-suq Komunitarju li waqqgħu b’mod sinifikanti l-prezzijiet tal-industrija Komunitarja.

(159)

Fid-dawl ta’ dan ta’ hawn fuq, it-talba magħmula minn dawn il-partijiet ma setgħetx tintlaqa.

(160)

Fin-nuqqas ta’ xi kummenti oħra rigward iż-żieda fid-domanda għall-materja bażika u prezzijiet li jiżdiedu, il-premessi (129) sa (136) tar-Regolament provviżorju huma kkonfermati.

(161)

Parti interessata tenniet l-istqarrija tagħha (ara l-premessa 134 tar-Regolament provviżorju) u ressqet argument ieħor li l-prezzijiet tad-diżil minerali jiffissaw limitu li lilhinn minnu l-produtturi tal-bijodiżil ma jkunux jistgħu jgħollu l-prezzijiet tagħhom bi qbil maż-żidiet fil-materja bażika.

(162)

F’dan ir-rigward ta’ min jinnota li l-produtturi kollha tal-Komunità kienu qed ifornixxu swieq fejn jeżistu miri ta’ taħliet obbligatorji. Barra minn hekk, il-bijodiżil kien suġġett għal tneħħija tat-taxxa fil-biċċa ‘l kbira tal-Istati Membri u dan ifisser li prezzu huwa komparabbli mal-prezz tad-diżil minerali miżjud b’fattur biex jittieħed kont tat-taxxa fuq l-enerġija li għaliha dan tal-aħħar huwa suġġett. Dan ifisser li filwaqt li wieħed jista’ jaċċetta ċerta rabta mal-prezzijiet taż-żejt, l-investigazzjoni stabbiliet li għar-raġunijiet ta’ hawn fuq il-bijodiżil jista’ tabilħaqq jinbiegħ bi prezzijiet ogħla mid-diżil minerali. Madankollu, din il-parti ma bagħtet ebda xhieda konvinċenti li turi li l-prezzijiet tad-diżil minerali li kienu f’livelli għolja ħafna fit-tieni nofs tal-PI wettqu pressjoni fuq il-prezzijiet tal-bijodiżil tal-produtturi tal-Komunità matul il-PI.

(163)

Fin-nuqqas ta’ xi kummenti oħra dwar l-iżvilupp tal-prezz tad-diżil minerali l-konklużjoni hija li dan il-fattur ma kkawżax ħsara lill-industrija tal-Komunità.

(164)

Fin-nuqqas ta’ xi kummenti oħra dwar il-lokazzjoni tal-impjanti tal-bijodiżil fil-Komunità, il-premessi (137) sa (139) tar-Regolament provviżorju huma kkonfermati.

(165)

Fin-nuqqas ta’ xi kummenti oħra dwar l-impatt tal-importazzjonijiet mill-Istati Uniti tal-Amerika mill-produtturi Komunitarji relatati mal-produtturi esportaturi tal-Istati Uniti, il-premessa (140) tar-Regolament provviżorju hija kkonfermata.

(166)

Fid-dawl ta’ dan ta’ hawn fuq u fin-nuqqas ta’ kummenti oħra, il-premessi (141) sa (143) tar-Regolament provviżorju huma kkonfermati.

(167)

Wara l-iżvelar provviżorju l-produtturi tal-industrija tal-Komunità approvaw is-sejbiet tal-Kummissjoni u kkonfermaw li l-miżuri jkunu fl-interess tagħhom.

(168)

Waħda mill-partijiet stqarret li l-miżuri ma kinux se jkunu fl-interess tal-industrija tal-Komunità billi l-miżuri jwasslu biex ikun hemm ċaqliq ta’ flussi fil-kummerċ, jiġifieri bidla għall-importazzjonijiet minn pajjiżi mhux koperti mill-miżuri, għaliex i) l-operaturi tas-suq tal-Komunità kienu se jkomplu jeħtieġu bijodiżil irħas ibbażat fuq iż-żejt tas-soja u żejt tal-palm biex jikkomplementawh bil-bijodiżil ogħla taż-żejt tal-kolza prodott mill-industrija tal-Komunità u ii) għaliex il-bijodiżil miż-żejt tal-kolza mhux se jkun biżżejjed biex ikopri t-talba.

(169)

F’dan ir-rigward ta’ min jinnota li filwaqt li l-materja bażika ewlenija użata mill-produtturi tal-industrija tal-Komunità huwa ż-żejt tal-kolza, l-istess produtturi ma kinux iserħu fuq din il-materja bażika biss għall-produzzjoni tagħhom ta’ bijodiżil iżda jużaw ukoll materja bażika bħaż-żejt tas-soja u ż-żejt tal-palm. Iżda, minħabba l-fatt li ta’ sikwiet il-prezz tal-materja bażika l-oħra kien ogħla mill-prezz tal-importazzjonijiet oġġett ta’ dumping tal-bijodiżil ibbażat fuq din il-materja bażika, il-produtturi tal-industrija tal-Komunità kienu miċħuda mill-possibilità li jużaw iż-żejt tas-soja u ż-żejt tal-palm fuq skala akbar. Huwa għalhekk mistenni li l-impożizzjoni tal-miżuri ġġib lura kundizzjonijiet normali tas-suq f’dan ir-rigward biex b’hekk il-produtturi tal-industrija tal-Komunità jkunu jistgħu jadattaw b’mod aktar effiċjenti l-produzzjoni tagħhom għat-tipi differenti ta’ bijodiżil meħtieġa fis-suq tal-Komunità. Abbażi ta’ dan it-talba ma ntlaqgħetx.

(170)

Fin-nuqqas ta’ xi kummenti oħra dwar l-interess tal-industrija tal-Komunità, il-premessi (145) sa (147) tar-Regolament provviżorju huma kkonfermati.

(171)

Fin-nuqqas ta’ xi reazzjoni mill-importaturi wara l-impożizzjoni ta’ miżuri provviżorji l-konklużjoni hija li l-effett tal-miżuri x’aktarx mhux se jkollu impatt materjali fuq l-importaturi/kummerċjanti.

(172)

Fin-nuqqas ta’ xi reazzjoni mill-utenti wara l-impożizzjoni ta’ miżuri provviżorji, il-konklużjoni hija li d-dazji tal-antidumping x’aktarx mhux se jkollhom impatt materjali fuq l-utenti.

(173)

Fin-nuqqas ta’ xi reazzjoni mill-fornituri wara l-impożizzjoni tal-miżuri provviżorji, il-premessi (154) sa (156) tar-Regolament provviżorju huma kkonfermati.

(174)

Wara l-iżvelar provviżorju waħda mill-partijiet interessati stqarret li l-produtturi tal-karozzi li investew fil-produzzjoni ta’ vetturi adattati biex jużaw il-bijodiżil jistgħu ma jirnexxilhomx jaslu sal-ħsad tal-investimenti tagħhom mill-bejgħ ta’ dawn il-vetturi f’każ li l-prezzijiet tal-bijodiżil fil-Komunità jiżdiedu minħabba l-miżuri sa livelli li mhumiex kompetittivi ma’ dawk tad-diżil minerali.

(175)

F’dan ir-rigward ta’ min jinnota li l-possibilità allegata minn din il-parti setgħet isseħħ ukoll fl-assenza tal-miżuri, jiġifieri l-prezzijiet tad-diżil minerali (li jiddependu fuq il-prezzijiet taż-żejt) jaqgħu għal livelli li jġibuhom aktar kompetittivi mill-bijodiżil. Għalhekk, ma jagħmilx sens li tagħti x’tifhem li l-industrija tal-karozzi għamlet investimenti mingħajr ma qieset dan il-parametru. Għalhekk, din it-talba ma ntlaqgħetx.

(176)

Wara l-iżvelar provviżorju, għaqda ta’ bdiewa tal-Komunità esprimiet l-appoġġ tagħha u wriet li l-importazzjonijiet tal-bijodiżil tal-Istati Uniti ċaħdu lill-produtturi taż-żejt taż-żerriegħa tal-Komunità minn bejgħ ta’ madwar 6 miljun tunnellata ta’ żerriegħa taż-żejt, jew madwar 11 % tal-produzzjoni taż-żejt taż-żerriegħa fl-2007 u l-2008, u wasslu għal tnaqqis ta’ 90 Euro fit-tunnellata fil-valur potenzjali taż-żerriegħa tal-kolza użata għal għanijiet mhux tal-ikel. Dawn il-kummenti, li waslu tard, ma setgħux iżda jiġu vverifikati.

(177)

Parti interessata tenniet il-kummenti tagħha dwar l-inkoerenza tal-miżuri ta’ antidumping mal-politika tal-Unjoni Ewropea biex jinġib ‘il quddiem l-użu tal-bijofjuwils. Hija żiedet li l-Unjoni Ewropea ma tistax tiddependi biss minn bijodiżil ibbażat fuq iż-żejt tal-kolza prodott fil-Komunità biex tiżviluppa s-suq tagħha tal-bijodiżil.

(178)

Filwaqt li dan il-kumment ġie indirizzat fit-taqsima 7.6 tar-Regolament provviżorju, għall-kwistjoni tal-bijodiżil miż-żejt tal-kolza msemmi minn din il-parti hemm referenza wkoll fil-premessa (169) hawn fuq.

(179)

Fin-nuqqas ta’ xi kummenti oħra dwar il-kompetizzjoni u l-effetti tat-tfixkil tal-kummerċ, il-premessi (157) sa (159) tar-Regolament proviżorju huma kkonfermati.

(180)

Abbażi ta’ dan ta’ hawn fuq, il-konklużjoni hija li ma hemm l-ebda raġuni ta’ interess kontra l-impożizzjoni ta’ miżuri ta’ anti-dumping fil-każ preżenti.

(181)

Għadd ta’ partijiet interessati u l-GSU kkuntestaw id-determinazzjoni provviżorja li profitt ta’ 15 % ikun il-marġini ta’ profitt li jista’ jinkiseb b’mod raġonevoli minn industrija ta’ dan it-tip taħt kundizzjonijiet normali ta’ kompetizzjoni.

(182)

Waħda mill-partijiet interessati stqarret li l-marġini ta’ profitt għall-industrija tal-Komunità użat għad-determinazzjoni tal-livell ta’ eliminazzjoni ta’ ħsara għandu jiġi stabbilit fuq il-livell ta’ profitt magħmul mill-industrija tal-Komunità matul il-PI, jiġifieri 5,7 %, għaliex dan il-marġini ta’ profitt ikun fil-medda ta’ profitti magħmula għal prodotti ta’ konsum bħall-bijodiżil. Biex tirfed din l-istqarrija hija għamlet referenza għall-profitti magħmula mill-produtturi tal-Istati Uniti għall-etanol u ż-żjut mill-ħxejjex u mir-raffineriji taż-żejt.

(183)

Ta’ min jinnota li l-livell ta’ eliminazzjoni ta’ ħsara għandu jkun bbażat fuq valutazzjoni tal-profitt li l-industrija tista’ tistenna li tikseb b’mod raġonevoli fin-nuqqas ta’ importazzjonijiet oġġett ta’ dumping fuq il-bejgħ tal-prodott simili fis-suq tal-Komunità. Għal investigazzjoni partikolari, il-profitt magħmul fil-bidu tal-perjodu kkunsidrat jista’ jiġi kkunsidrat b’mod raġonevoli bħala l-profitt magħmul fin-nuqqas ta’ importazzjonijiet oġġett ta’ dumping. Tabilħaqq, f’dan il-każ speċifiku fis-snin bikrija tal-perjodu kkunsidrat (2004 sa 2006) l-importazzjonijiet mill-Istati Uniti qatt ma qabżu sehem tas-suq ta’ 1 % u għalhekk jista’ b’mod raġonevoli jiġi konkluż li dawn il-perjodi kienu kkaratterizzati min-nuqqas ta’ importazzjonijiet oġġett ta’ dumping. Għalhekk, il-profitt medju magħmul f’dawn il-perjodi mill-industrija tal-Komunità tqies bħala bażi raġonevoli għad-determinazzjoni tal-livell ta’ eliminazzjoni ta’ ħsara filwaqt li ttieħed kont tal-ħtiġijiet li jiġi ggarantit l-investiment tal-produzzjoni ta’ din l-industrija stabbilita milhux. Barra minn hekk, u b’rabta mal-istqarrija magħmula mill-parti interessata, l-investigazzjoni wriet li l-profitti magħmula mill-produtturi esportaturi ewlenin tal-Istati Uniti tal-Amerika għall-operazzjonijiet domestiċi tagħhom tal-bijodiżil kienu sew akbar mill-profitt użat għad-determinazzjoni tal-livell ta’ eliminazzjoni ta’ ħsara. Fuq il-bażi ta’ dan ta’ hawn fuq it-talba ma setgħetx tintlaqa.

(184)

Ċerti stqarrijiet minn kumpaniji tal-Istati Uniti dwar il-qlib tad-dazji ad valorem f’dazji ta’ ammont fiss, deskritti fil-premessa (193) hawn taħt, żvelaw li l-ammont ta’ bejgħ taħt il-prezz ad valorem kien ikkalkolat bħala l-proporzjon bejn il-bejgħ totali taħt il-prezz u l-prezz CIF aġġustat (ara l-aġġustament imsemmi fil-premessa (117)), filwaqt li kellu jintuża l-prezz CIF mhux aġġustat kif sar biex jiġi kkalkolat il-marġini ta’ dumping ad valorem. Għalhekk il-livelli ta’ eliminazzjoni ta’ ħsara kollha ad valorem ġew ikkalkolati mill-ġdid għall-kumpaniji kollha tal-Istati Uniti fil-kampjun.

(185)

Fin-nuqqas ta’ kummenti oħra wara l-iżvelar provviżorju, l-istess metodoloġija kif imsemmija fil-premessa (164) u (165) tar-Regolament provviżorju intużat biex jinkisbu l-prezzijiet li ma kkawżawx ħsara. Il-livell ta’ eliminazzjoni ta’ ħsara ġie kkalkolat bħala perċentwali tal-valur ta’ importazzjoni CIF totali mhux aġġustat.

(186)

Fid-dawl ta’ dan ta’ hawn fuq u skont l-Artikolu 9(4) tar-Regolament bażiku, għandu jiġi impost dazju definittiv kontra d-dumping f’livell għoli biżżejjed biex titneħħa l-ħsara kkawżata mill-importazzjonijiet li huma oġġett ta’ dumping mingħajr ma jinqabeż il-marġini ta’ dumping misjub.

(187)

Fid-dawl tal-kummenti li waslu minn ċerti partijiet interessati wara l-iżvelar provviżorju u fid-dawl tar-reviżjonijiet deskritti f’dan ir-Regolament, ċerti marġini ġew emendati.

(188)

Madankollu, fil-proċediment parallel tal-AS, dazji ta’ kontrobilanċ fuq importazzjonijiet tal-bijodiżil li joriġinaw mill-Istati Uniti huma imposti wkoll. Is-sussidji misjuba f’dan il-proċediment parallel mhumiex sussidji għall-esportazzjoni u huma għalhekk ikkunsidrati bħala li m’għandhomx effett fuq il-prezz għall-esportazzjoni u fuq il-marġni korrispondenti ta’ dumping. Għalhekk, fid-dawl tal-fatt li l-importazzjonijiet eżaminati inġenerali huma komuni għaż-żewġ proċedimenti, id-dazji anti-dumping jistgħu jiġu imposti flimkien mad-dazji ta’ kontrobilanċ sakemm dawn iż-żewġ dazji flimkien ma jaqbżux il-marġni tat-tneħħija ta’ ħsara (regola tal-inqas dazju).

(189)

Waħda mill-partijiet stqarret li l-Istituzzjonijiet għandhom jużaw id-diskrezzjoni tagħhom biex ma japplikawx ir-regola tal-inqas dazju f’dan ik-każ billi din mhiex ġustifikata għar-raġunijiet li ġejjin:

(190)

F’dan ir-rigward ta’ min jinnota li l-marġini ta’ ħsara stabbilit f’din l-investigazzjoni jitqies xieraq biex titneħħa l-ħsara lill-produtturi tal-industrija tal-Komunità investigati. Billi l-investigazzjoni kkonċentrat fuq il-qagħda ta’ dawn il-produtturi mhux possibbli li ssir xi determinazzjoni preċiża għall-produtturi tal-Komunità inġenerali kif issuġerit din il-parti. Għalhekk, dawn il-konsiderazzjonijiet usa ma jippermettux lill-Istituzzjonijiet jiddevjaw mir-rekwiżit legali tal-applikazzjoni tar-regola tal-inqas dazju.

(191)

Fuq il-bażi ta’ dak ta’ hawn fuq, ir-rati tad-dazji anti-dumping ġew stabbiliti permezz tat-tqabbil tal-marġni tat-tneħħija tal-ħsara, il-marġni tad-dumping u r-rati ta’ dazju ta’ kontrobilanċ. Għaldaqstant, id-dazji provviżorji ta’ anti-dumping huma kif ġej:

(192)

Fid-dawl tal-fatt li d-dazji anti-dumping se japplikaw għal taħlitiet li fihom aktar minn 20 % ta’ bijodiżil fil-piz, bħala proporzjon tal-kontenut tal-bijodiżil tagħhom, jitqies xieraq għall-implimentazzjoni effettiva tal-miżuri mill-awtoritajiet doganali tal-Istati Membri li jiġu ddeterminati d-dazji bħala ammonti fissi fuq il-bażi tal-kontenut tal-bijodiżil.

(193)

Ċerti partijiet ikkontestaw il-metodoloġija użata biex jinqalbu r-rati ta’ dazju ad valorem f’dazji taħt forma ta’ ammonti fissi. Huma stqarru li l-valuri CIF li kellhom jintużaw għall-qlib ta’ dazju ad valorem f’ammont fiss kellhom ikunu l-valuri CIF proprja u mhux dawk aġġustati biex jitqiesu d-differenzi fil-materja bażika deskritti fil-premessi (83) u (84) tar-Regolament provviżorju.

(194)

Din l-istqarrija ġiet eżaminata u tabilħaqq instab li intużaw il-valuri CIF aġġustati biex jiġu maqluba d-dazji ad valorem f’dazji ta’ ammont fiss. Iżda, instab ukoll li l-istess valuri intużaw bħala bażi biex jiġi espress l-ammont ta’ bejgħ taħt il-prezz bħala dazju ad valorem. Għalhekk, kellha l-ewwel issir korrezzjoni fl-ammont tal-bejgħ taħt il-prezz bħala perċentwali tat-total proprja tal-valur CIF ta’ importazzjoni. Abbażi ta’ dan il-marġini ta’ ħsara ġew riveduti kif meħtieġ. Il-kalkolu sussegwenti tar-rati ta’ dazju b’ammont fiss, iżda, ma wera ebda differenza mir-rati ta’ dazju li jidhru fl-Artikolu 1(2) tar-Regolament provviżorju billi d-dazju l-għoli ad valorem tpatta eżattament mit-tnaqqis tal-prezzijiet CIF (mill-aġġustati għal dawk proprja) użati biex jinqalbu d-dazji ad-valorem f’dazji fissi.

(195)

Ir-rati ta’ dazju kontra d-dumping ta’ kumpaniji individwali li ġew speċifikati f’dan ir-Regolament kienu stabbiliti fuq il-bażi tas-sejbiet tal-investigazzjoni preżenti. Għalhekk, dawn jirriflettu s-sitwazzjoni li nstabet waqt l-investigazzjoni rigward dawn il-kumpaniji. Dawn ir-rati ta’ dazju (għall-kuntrarju tad-dazju nazzjonali applikabbli għall-“kumpaniji l-oħrajn kollha”) huma għalhekk esklussivament applikabbli għal importazzjonijiet ta’ prodotti li joriġinaw fil-pajjiż ikkonċernat u mmanifatturati mill-kumpaniji u għalhekk mill-entitajiet legali speċifiċi msemmija. Il-prodotti importati mmanifatturati minn xi kumpanija oħra mhux imsemmija speċifikament fil-parti operattiva ta’ dan ir-Regolament bl-isem u l-indirizz tagħha, inklużi entitajiet relatati ma’ dawk imsemmija speċifikament, ma jistgħux jibbenefikaw minn dawn ir-rati u għandhom ikunu suġġetti għar-rata tad-dazju applikabbli għall-“kumpaniji l-oħrajn kollha”.

(196)

Kwalunkwe talba gћall-applikazzjoni ta’ din ir-rata ta’ dazju ta’ anti-dumping gћal kumpaniji individwali (eż. wara bdil fl-isem tal-entità jew wara li jiġu stabbiliti entitajiet ġodda ta’ produzzjoni jew ta’ bejgћ) gћandha tiġi indirizzata minnufih lill-Kummissjoni (10) bit-tagħrif kollu rilevanti, b’mod partikolari fir-rigward ta’ kwalunkwe modifika fl-attivitajiet tal-kumpanija marbuta mal-produzzjoni, mal-bejgћ domestiku u ma’ dak tal-esportazzjoni u li jkunu assoċjati, pereżempju, ma’ dik il-bidla fl-isem jew ma’ dik il-bidla fl-entitajiet ta’ produzzjoni u ta’ bejgћ. Jekk ikun xieraq, ir-Regolament jiġi mbagħad emendat kif meħtieġ billi tiġi aġġornata l-lista ta’ kumpaniji li jgawdu minn rati ta’ dazju individwali.

(197)

Il-partijiet kollha ġew mgħarrfa bil-fatti u l-kunsiderazzjonijiet essenzjali li fuq il-bażi tagħhom il-Kummissjoni kienet biħsiebha tirrakkomanda l-impożizzjoni tad-dazji definittivi kontra d-dumping. Ingħataw ukoll perjodu li fih setgħu jagħmlu appelli wara dan l-iżvelar. Il-kummenti mressqa mill-partijiet tqiesu sewwa, u, fejn xieraq, is-sejbiet ġew mibdula kif meħtieġ.

(198)

Sabiex jiġi żgurat trattament ugwali bejn kull produttur esportatur ġdid u l-kumpaniji li kkooperaw mhux inklużi fil-kampjun, imsemmija fl-Anness I ta’ dan ir-Regolament, għandha ssir dispożizzjoni għall-medja differenzjata ta’ dazju impost fuq dawn tal-aħħar li għandha tiġi applikata għal kull esportatur ġdid li ma kienx ikun intitolat għal reviżjoni skont l-Artikolu 11(4) tar-Regolament bażiku, billi l-Artikolu 11(4) ma japplikax fejn jintuża teħid ta’ kampjuni.

(199)

Ċerti produtturi esportaturi tal-Istati Uniti offrew imprenji fil-prezz skont l-Artikolu 8(1) tar-Regolament bażiku. Hu osservat li fid-dawl tal-varjazzjonijiet sinifikanti fil-prezz tal-materja prima, il-prodott ma jitqiesx xieraq għal impenn fil-prezz fiss. F’dan il-kuntest, il-kumpaniji pproponew li l-prezzijiet għall-importazzjonijiet minimi (PIMs) kienu jingħataw indiċi regolarment b’rigward għaċ-ċaqliq fil-prezzijiet taż-żejt tal-kolza. Barra minn hekk, huma offrew PIMs għal tliet tipi biex iqisu l-vaqrjetà tal-prodott mal-importazzjoni (il-bijodiżil miksub mis-sojja, il-palma jew żejt tal-kanola) fuq il-bażi tal-koeffiċjenti tal-materja bażika stabbiliti tul il-PI.

(200)

B’rigward għall-offerti lill-produtturi esportaturi li kkooperaw, hu osservat li l-bażi biex jiġi stabbilit PIM bl-indiċi kien fuq medja bejn 7-8 % aktar baxx mill-prezz li ma jagħmilx ħsara stabbilit tul il-PI. Barra minn hekk, il-koeffiċjenti proposti biex wieħed jasal għal PIMs aġġustati għat-tipi msemmija hawn fuq ma kinux xierqa peress li kienu jikkonċernaw il-PI. Tabilħaqq, fid-dawl tal-fatt li dawn il-koeffiċjenti, li jiddependu fuq id-differenza fil-prezz bejn il-materja bażika, dejjem jiċċaqilqu, dawn il-koeffiċjenti setgħu inbidlu b’mod konsiderevoli b’rigward għall-qagħda osservata tul il-PI. Għalhekk, l-għoti ta’ indiċi propost tal-PIMs bħall-bijodiżil tas-sojja jew bijodiżil taż-żejt tal-palm fuq il-bażi taċ-ċaqliq fil-prezz taż-żejt tal-kolza tqies li ma kienx xieraq peress li kien se jissejjes fuq l-iżvilupp tal-prezzijiet tal-materja prima li kienu differenti minn dawn użati għall-produzzjoni tal-prodott esportat ikkonċernat.

(201)

Fuq il-bażi ta’ dak li ntqal hawn fuq, u mingħajr referenza għal kwalunkwe kwistjonijiet prattiċi oħra speċifiċi għal kumpanija rigward l-approvazzjoni tagħhom, tqies li l-impriżi, kellhom jiġu miċħuda peress li l-metodu biex jiġu ddeterminati l-PIMs ma kinux xierqa u li l-PIMs offerti ma kinux fuq livelli li jeqirdu d-dumping dannuż.

(202)

Wara l-iżvelar tas-sejbiet finali, l-ilmentatur talab miżuri speċjali biex ma jsirx evitaw possibbli tal-miżuri fid-dawl tal-fatt li s-suq ikkonċernat hu suq tal-prodotti globali b’prodott funġibbli mqiegħed fis-suq permezz ta’ kanali tal-bejgħ varji.

(203)

B’kunsiderazzjoni għal dak li ntqal hawn fuq, hu tassew meqjus xieraq li jiġu sorveljati mill-qrib l-importazzjonijiet tal-bijodiżil mid-destinazzjonijiet kollha sabiex titħaffef azzjoni xierqa mgħaġġla jekk il-qagħda teħtieġ dan.

(204)

Minħabba l-grad tal-marġini ta’ dumping li nstab u fid-dawl tal-livell ta’ ħsara kkaġunata lill-industrija tal-Komunità, jitqies meħtieġ li l-ammonti li nġabru permezz tad-dazju provviżorju kontra d-dumping, impost bir-Regolament provviżorju, għandhom jinġabru b’mod definittiv sal-punt li jinġabar l-ammont tad-dazji definittivi imposti. Fejn id-dazji definittivi jkunu aktar baxxi mid-dazji provviżorji, l-ammonti miġbura b’mod provviżorju li jkunu ogħla mir-rata definittiva ta’ dazji kontra d-dumping għandhom jinħelsu. Fejn id-dazji definittivi huma ogħla mid-dazji provviżorji, l-ammonti assigurati fil-livell ta’ dazji provviżorji biss għandhom jinġabru b’mod definittiv.