19.5.2009   

MT

Il-Ġurnal Uffiċjali tal-Unjoni Ewropea

L 123/62

(1)

Fid-dawl tal-esperjenza miksuba mill-applikazzjoni tar-Regolament tal-Kummissjoni (KE) Nru 793/2006 (2) jidher li xi dispożizzjonijiet ta’ dan ir-Regolament għandhom jiġu adattati.

(2)

L-ewwel subparagrafu tal-Artikolu 19(4) tar-Regolament (KE) Nru 247/2006 jawtorizza lill-Madejra biex tipproduċi, għall-konsum lokali biss, il-ħalib UHT rikostitwit mit-trab tal-ħalib ta’ oriġini Komunitarja skont il-limitu tal-ħtiġijiet tal-konsum lokali, ladarba din il-miżura tiżgura l-ġbir u l-iżbokki ta’ bejgħ għall-ħalib lokali Għalhekk, hemm bżonn li jiġu stabbiliti regoli dettaljati għall-applikazzjoni ta’ dik id-dispożizzjoni.

(3)

Għandhom jiġu speċifikati t-tipi ta’ żbokki ta’ bejgħ għall-ħalib frisk tal-baqra prodott fil-Madejra kif ukoll il-volum minimu li għandu jiġi inkoporat fil-ħalib UHT rikostitwit u maħsub għall-konsum lokali. L-esperjenza wriet li volum minimu ta’ inkorporazzjoni ta’ 15 % huwa biżżejjed sabiex jiġu żgurati l-ġbir u l-iżbokki ta’ bejgħ għall-ħalib prodott lokalment.

(4)

Sabiex it-tagħrif għall-konsumatur ikun korrett u minħabba n-natura eċċezzjonali ta’ din id-deroga, il-metodu ta’ kif jinkiseb il-prodott għandu jidher fuq it-tikketta.

(5)

L-awtorizzazzjoni msemmija fl-ewwel subparagrafu tal-Artikolu 19(4), tar-Regolament (KE) Nru 247/2006 hija limitata għall-produzzjoni tal-ħalib UHT maħsub għall-konsum lokali u għalhekk l-esportazzjoni tal-ħalib rikostitwit ma għandhiex tkun permessa.

(6)

L-Artikolu 20(1) tar-Regolament (KE) Nru 247/2006 jawtorizza lid-dipartimenti Franċiżi extra-Ewropej u lill-Madejra biex jimportaw annimali bovini li jiġu minn pajjiżi terzi mingħajr ma japplikaw id-dazji doganali, għal raġunijiet ta’ simna u konsum lokali, sakemm il-bhejjem bovini maskili żgħar u lokali jilħqu livell suffiċjenti biex jiġu żgurati ż-żamma u l-iżvilupp tal-produzzjoni lokali tal-laħam taċ-ċanga u tal-vitella. Din il-provvista trid tkun limitata għall-bhejjem maskili żgħar tas-simna.

(7)

L-applikazzjoni tal-Artikolu 20(2) tar-Regolament (KE) Nru 247/2006 titlob monitoraġġ effettiv fuq id-destinazzjoni speċifika tal-bhejjem importati u b’mod partikulari konformità mat-tul minimu tal-perjodu tas-simna. Għalhekk, għandha ssir proviżjoni għall-preżentazzjoni ta’ garanzija sabiex jiġi żgurat li l-bhejjem jissemmnu waqt dan il-perjodu f’unitajiet ta’ produzzjoni maħsuba għal dan l-iskop.

(8)

Minħabba l-aspett tekniku tar-regoli dettaljati msemmija hawn fuq, għandu jiġi pprovdut perjodu ta’ tranżizzjoni għall-applikazzjoni ta’ dawn ir-regoli.

(9)

L-ewwel subparagrafu tal-Artikolu 47(1) tar-Regolament (KE) Nru 793/2006 jitlob li, f’dak li għandu x’jaqsam mal-iskemi speċifiċi tal-provvista, l-awtoritajiet kompetenti għandhom jibagħtu d-dejta li tirrigwarda x-xhur ta’ qabel lill-Kummissjoni sa mhux iktar tard mill-15-il jum tax-xahar li jiġi wara tmiem kull trimestru. Madankollu, it-tieni subparagrafu tal-Artikolu 47(1) jgħid li d-dejta prevista fl-ewwel subparagrafu hija pprovduta abbażi tal-liċenzji użati. Min-naħa l-oħra, skont l-Artikolu 10(2) ta’ dan ir-Regolament, il-validità tal-liċenzja hija stipulata skont il-ħin tat-trasport, mingħajr ma jinqabżu x-xahrejn mid-data tal-ħruġ tal-liċenzja. Fl-aħħarnett, skont l-Artikolu 7 ta’ dan ir-Regolament, il-preżentazzjoni tal-liċenzja tal-għajnuna trid issir fi żmien tletin jum wara d-data li fiha jkunu ttieħdu n-notamenti tal-liċenzja tal-għajnuna. Ladarba l-operaturi ma jistgħux jitolbu għat-trażmissjoni tal-kwantitajiet użati fi żmien inqas minn dak awtorizzat mir-Regolament, li jista’ jkun ta’ tliet xhur mid-data tal-ħruġ tal-liċenzja, id-dejta tat-trimestru li toħroġ fix-xahar u li trid tiġi trażmessa fil-ħmistax-il jum wara dan it-trimestru, ma tistax ma tkunx inkompluta. Għaldaqstant, id-data ta’ skadenza għat-trażmissjoni ta’ din id-dejta għandha titwal sal-aħħar jum tax-xahar wara t-trimestru u għandu jkun hemm indikazzjoni wkoll li d-dejta li trid tiġi kkomunikata tkun disponibbli f’din id-data. Id-dejta proviżorja għandha tinbidel bid-dejta finali permezz ta’ komunikazzjonijiet sussegwenti.

(10)

Sabiex tiġi garantita ġestjoni omoġenja u armonizzata tad-dejta li trid tintbagħat regolarment lill-Kummissjoni rigward l-iskemi speċifiċi tal-provvista, jeħtieġ li l-awtoritajiet kompetenti jużaw format wieħed, li huwa anness ma’ dan ir-Regolament.

(11)

Il-proċeduri għall-emendi tal-programmi previsti fl-Artikolu 49 tar-Regolament (KE) Nru 793/2006 jridu jiġu speċifikati. Jeħtieġ li tinġieb ‘il quddiem l-aħħar data għall-preżentazzjoni tat-talbiet annwali għall-emendar tal-programmi ġenerali biex id-deċiżjonijiet ta’ approvazzjoni ma jitħallewx jiġu adottati tard. Minħabba r-regoli baġitarji, l-emendi approvati għandhom ikunu implimentati mill-1 ta’ Jannar tas-sena wara dik li fiha tkun tressqet it-talba għall-emendar. Barra minn hekk, jeħtieġ li jkunu ppreċiżati aktar ċerti regoli dwar l-emendi minuri li ma jeħtiġilhomx ikunu kkomunikati lill-Kummissjoni għajr bħala tagħrif.

(12)

Ir-Regolament (KE) Nru 793/2006 għandu għalhekk jiġi emendat skont dan.

(13)

Il-miżuri pprovduti f’dan ir-Regolament huma konformi mal-opinjoni tal-Kumitat ta’ ġestjoni għall-pagamenti diretti,

(1)

Fit-Titolu IV, għandu jiżdied il-Kapitolu III:

“KAPITOLU III

Prodotti li ġejjin mill-annimali

Artikolu 46 a

Ħalib

1.   Il-ħalib UHT rikostitwit fl-Artikolu 19(4) tar-Regolament (KE) Nru 247/2006 għandu jkun fih mill-inqas 15 % ta’ ħalib frisk tal-baqra prodott lokalment.

Il-metodu ta’ kif jinkiseb il-ħalib UHT rikostitwit b’dan il-mod għandu jidher ċar fuq it-tikketta tal-bejgħ.

2.   Il-ħalib imsemmi fil-paragrafu 1 ma jistax jiġi esportat barra mill-arċipelagu tal-Madejra.

Artikolu 46 b

Trobbija tal-bhejjem

1.   L-importazzjoni tal-bhejjem bovini maskili żgħar li ġejjin minn pajjiżi terzi, taħt il-kodiċi tan-NM 0102 90 05, 0102 90 29 jew 0102 90 49 u maħsuba għat-tismin fid-dipartimenti Franċiżi extra-Ewropej u fil-Madejra ma għandhiex tkun suġġetta għad-dazji doganali sakemm il-bhejjem bovini maskili żgħar u lokali jilħqu livell suffiċjenti biex jiġu żgurati ż-żamma u l-iżvilupp tal-produzzjoni lokali tal-laħam taċ-ċanga u tal-vitella.

2.   L-eżenzjoni mid-dazji doganali tal-importazzjoni prevista fl-ewwel paragrafu għandha tapplika bil-kundizzjoni li l-bhejjem importati jisemmnu għal perjodu ta’ mill-inqas 120 jum fir-reġjun l-iktar imbiegħed li jkun ħareġ il-liċenzja tal-importazzjoni.

3.   Il-benefiċċju għall-eżenzjoni mid-dazji tal-importazzjoni hu suġġett għal:

4.   Minbarra f’każijiet ta’ forza maġġuri, il-garanzija msemmija fil-paragrafu 3(c) għandha tiġi rilaxxata biss jekk tingħata prova lill-awtorità kompetenti tal-Istat Membru li l-bhejjem bovini żgħar:

(*)  ĠU L 205, 3.8.1985, p. 5.”"

(2)

Fl-Artikolu 47, il-paragrafu 1 huwa emendat kif ġej:

(3)

L-Artikolu 49 għandu jinbidel b’dan li ġej:

“Artikolu 49

Emendi tal-programmi

1.   L-emendi tal-programmi ġenerali approvati skont l-Artikolu 24(2) tar-Regolament (KE) Nru 247/2006 għandhom jitressqu lill-Kummissjoni għall-approvazzjoni u jkunu sostanzjati kif xieraq, partikolarment billi jippreċiżaw:

Għajr fil-każ ta’ forza maġġuri jew ta’ ċirkustanzi eċċezzjonali, l-Istati membri għandhom iressqu t-talbiet għall-emendar tal-programmi darba biss għal kull sena kalendarja u għal kull programm. Dawn it-talbiet għall-emendar jeħtiġilhom jaslu għand il-Kummissjoni sa mhux aktar tard mill-1 ta’ Awwissu ta’ kull sena.

Jekk il-Kummissjoni ma tqajjem l-ebda oġġezzjoni għall-emendi mitluba, dawk l-emendi għandhom jibdew japplikaw mill-1 ta’ Jannar tas-sena wara dik li fiha ġew innotifikati.

Dawn l-emendi jistgħu jidħlu fis-seħħ qabel jekk il-Kummissjoni tgħarraf bil-miktub lill-Istat Membru qabel id-data msemmija fit-tielet subparagrafu li l-emendi nnotifikati jikkonformaw mal-leġiżlazzjoni Komunitarja.

Jekk l-emenda nnotifikata ma tikkonformax mal-leġiżlazzjoni Komunitarja, il-Kummissjoni għandha tgħarraf lill-Istat Membru b’dan u l-emenda ma għandhiex tapplika sakemm il-Kummissjoni ma tirċevix emenda li tista’ tiġi ddikjarata bħala konformi.

2.   B’deroga mill-paragrafu 1, għall-emendi li ġejjin, il-Kummissjoni għandha tevalwa l-proposti tal-Istati Membri u tiddeċiedi jekk hux se tapprovahom sa mhux aktar tard minn erba’ xhur mit-tressiq tagħhom skont il-proċedura msemmija fl-Artikolu 26(2) tar-Regolament (KE) Nru 247/2006:

L-emendi hekk approvati japplikaw mill-1 ta’ Jannar tas-sena wara dik li fiha tkun saret it-talba għall-emenda.

3.   L-Istati Membri jistgħu jagħmlu l-emendi li ġejjin, mingħajr rikors għall-proċedura stipulata fil-paragrafu 1, dejjem sakemm l-emendi jkunu notifikati lill-Kummissjoni:

L-emendi msemmija fl-ewwel subparagrafu ma għandhomx jidħlu fis-seħħ qabel id-data li fiha jaslu għand il-Kummissjoni. Jeħtieġ li jkunu spjegati u ġustifikati kif suppost, u ma jistgħux ikunu implimentati ħlief darba kull sena, għajr fil-każijiet li ġejjin:

(**)  ĠU L 256, 7.9.1987, p. 1.”"

(4)

Għandhom jiżdiedu l-Annessi VIIIa u VIIIb, li t-test tagħhom jidher fl-Anness għal dan ir-Regolament.