13.5.2009   

MT

Il-Ġurnal Uffiċjali tal-Unjoni Ewropea

L 118/78

REGOLAMENT TAL-KUMMISSJONI (KE) Nru 389/2009

tat-12 ta’ Mejju 2009

li jemenda r-Regolament tal-Kunsill (KE) Nru 329/2007 dwar miżuri restrittivi kontra r-Repubblika Demokratika Popolari tal-Korea

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 329/2007 (1), u b'mod partikolari l-Artikolu 13(d) tiegħu,

Billi:

(1)

Skont l-Artikolu 6 tar-Regolament (KE) Nru 329/2007, Anness IV ta’ dak ir-Regolament għandu jinkludi lista tal-persuni, entitajiet u korpi maħtura mill-Kumitat tas-Sanzjonijiet jew mill-Kunsill tas-Sigurtà tan-NU li l-fondi u r-riżorsi ekonomiċi tagħhom għandhom jiġu ffriżati.

(2)

Il-Kumitat tas-Sanzjonijiet iddetermina fl-24 ta’ April 2009 li ceri persuni ġuridiċi, entitajiet jew korpi għandhom ikunu suġġetti għall-iffriżar ta' fondi u riżorsi ekonomiċi.

(3)

L-Anness IV għandu jiġi emendat skont dan.

(4)

Biex jiġi garantit li l-miżuri previsti f'dan ir-Regolament ikunu effettivi, dan ir-Regolament għandu jidħol fis-seħħ immedjatament,

ADOTTAT DAN IR-REGOLAMENT:

Artikolu 1

L-Anness IV tar-Regolament (KE) Nru 329/2007 huma għalhekk mibdul bit-test fl-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u jkun applikabbli direttament fl-Istati Membri kollha.

Magħmul fi Brussell, 12 ta’ Mejju 2009.

Għall-Kummissjoni

Eneko LANDÁBURU

Direttur Ġenerali għar-Relazzjonijiet Esterni

(1)  ĠU L 88, 29.3.2007, p. 1.

ANNESS

“ANNESS IV

Lista ta’ persuni, entitajiet u korpi msemmija fl-Artikolu 6

A.

Persuni naturali,

-

B.

Persuni ġuridiċi, entitajiet u korpi:

(1)

Korea Mining Development Trading Corporation (magħrufa wkoll bħala (a.k.a.) (a) CHANGGWANG SINYONG CORPORATION; (b). EXTERNAL TECHNOLOGY GENERAL CORPORATION; (c) DPRKN MINING DEVELOPMENT TRADING COOPERATION; (d) ‘KOMID’). L-indirizz; Central District, Pyongyang, DPRK. Tagħrif ieħor: Negozjant tal-armi primarju u esportatur prinċipali ta’ oġġetti u tagħmir relatat ma’ missili ballistiċi u armi konvenzjonali.

(2)

Korea Ryonbong General Corporation (a.k.a. (a) KOREA YONBONG GENERAL CORPORATION; (b) LYONGAKSAN GENERAL TRADING CORPORATION). Indirizz: Pot’onggang District, Pyongyang, DPRK; Rakwon-dong, Pothonggang District, Pyongyang, DPRK. Tagħrif ieħor: Konglomerat tad-difiża li jispeċjalizza fl-akkwisti għall-industriji tad-difiża tad-DPRK u l-appoġġ għall-bejgħ relatat mal-militar ta’ dak il-pajjiż.

(3)

Tanchon Commercial Bank (a.k.a. (a) CHANGGWANG CREDIT BANK; (b) KOREA CHANGGWANG CREDIT BANK). Indirizz: Saemul 1-Dong Pyongchon District, Pyongyang, DPRK. Tagħrif ieħor: L-entità finanzjarja prinċipali tad-DPRK entità finanzjarja għall-bejgħ tal-armi konvenzjonali, missili ballistiċi, u oġġetti relatati mal-assemblaġġ u l-manifattura ta’ armi bħal dawn.”