13.5.2009 |
MT |
Il-Ġurnal Uffiċjali tal-Unjoni Ewropea |
L 118/72 |
REGOLAMENT TAL-KUMMISSJONI (KE) Nru 388/2009
tat-12 ta’ Mejju 2009
li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 rigward is-sistema ta’ importazzjoni u ta’ esportazzjoni ta’ prodotti pproċessati miċ-ċereali u mir-ross
(Verżjoni kodifikata)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1) u b’mod partikolari l-Artikoli 143, 170 u 187 flimkien mal-Artikolu 4 tiegħu,
Billi:
(1) |
Ir-Regolament tal-Kummissjoni (KE) Nru 1518/95 tad-29 ta’ Ġunju 1995 li jistabbilixxi regoli dettaljati għall-applikazzjoni tar-Regolamenti (KEE) Nru 1418/76 u (KEE) Nru 1766/92 tal-Kunsill rigward is-sistema ta’ importazzjoni u ta’ esportazzjoni ta’ prodotti pproċessati miċ-ċereali u mir-ross u li jemenda r-Regolament (KE) Nru 1162/95 li jistabbilixxi regoli speċjali dettaljati għall-applikazzjoni tas-sistema tal-liċenzji ta’ importazzjoni u esportazzjoni għaċ-ċereali u r-ross (2) ġie emendat (3) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat. |
(2) |
Bi qbil mal-obbligi internazzjonali li jorbtu lill-Komunitá jeħtieġ jkun hemm regoli għall-applikazzjoni tas-sistema ta’ dazji fuq l-importazzjoni u rifużjonijiet applikabbli fil-kummerċ ma’ pajjiżi terzi fi prodotti proċessati miċ-ċereali u r-ross, eskluż l-ikel kompost tal-annimali, li għalih ġew stabbiliti regoli speċjali. |
(3) |
L-iskop tar-rifużjoni għandu jkun biex ikopri d-differenza bejn il-prezzijiet għall-prodotti fil-Komunitá u dawk tas-suq dinji. Għaldaqdstant, irid ikun hemm kriterji sabiex tiġi stabbilita r-rifużjoni esssenzjalment b’referenza għall-prezzijiet fuq il-prodotti bażi ġewwa l-Komunità kif ukoll lil hinn minnha, u għall-possibilta' u l-kundizzjonijiet għall-bejgħ ta’ prodotti pproċessati fuq is-suq dinji. |
(4) |
Il-miżuri li hemm provdut dwarhom f’dan ir-Regolament huma skond l-opinjoni tal-Kumitat ta’ Ġestjoni għall-organizzazzjoni komuni ta' swieq agrikoli, |
ADOTTAT DAN IR-REGOLAMENT:
Artikolu 1
Għall-iskopijiet ta’ dan ir-Regolament:
(a) |
“prodotti proċessati” tfisser il-prodotti jew gruppi ta’ prodotti elenkati:
|
(b) |
“prodotti bażi” tfisser iċ-ċereali elenkati fl-Anness I, Parti I, punti (a) u (b) tar-Regolament (KE) Nru 1234/2007 u ross imfarrak imsemmi fl-Anness I, Parti II, (b) ta' l-istess Regolament. |
Artikolu 2
1. Ir-rifużjoni li tista’ tingħata għal prodotti proċessati trid tiġi stabbilita b’referenza partikolari:
(a) |
għaċ-ċaqliq tal-prezzijiet għall-prodotti bażi fil-Komunitá kif ukoll dawk fis-suq dinji; |
(b) |
għall-kwantitajiet ta’ prodotti bażi meħtieġa għall-produzzjoni tal-prodott involut u, fejn applikabbli, kemm jistgħu jinbidlu wieħed għall-ieħor; |
(c) |
għall-kumulazzjoni possibbli ta’ rifużjonijiet applikabbli għad-diversi prodotti miksuba minn proċess wieħed biss u mill-istess prodott bażiku; |
(d) |
għall-possibilta' u l-kundizzjonijiet għall-bejgħ ta’ prodotti pproċessati fuq is-suq dinji. |
2. Il-rifużjonijiet jridu jiġu stabbiliti għall-anqas darba fix-xahar.
Artikolu 3
1. Ir-rifużjoni trid tiġi aġġustata b’mod konformi mal-Artikoli 14 u 15 tar-Regolament tal-Kummissjoni (KE) Nru 1342/2003 (4). L-aġġustament għandu jsir billi wieħed iżid jew inaqqas ir-rifużjoni bl-ammont li jirriżulta minn kull wieħed mill-aġġustamenti msemmija fil-paragrafi 1 u 3 tal-Artikolu 14 tar-Regolament (KE) Nru 1342/2003, għal kull tunnellata ta’ prodott bażiku, immultiplikat bil-koeffiċjent elenkat fil-kolonna 4 tal-Anness I ta’ dan ir-Regolament mal-prodott proċessat involut.
2. Għall-iskopijiet tal-Artikoli 164(4) u 166, l-ewwel sentenza tar-Regolament (KE) Nru 1234/2007, l-ammont żero m’għandux jitqies bħala rifużjoni, u għaldaqstant l-aġġustament imsemmi fl-Artikolu 15(1) tar-Regolament (KE) Nru 1342/2003 m’għandux japplika.
Artikolu 4
1. L-Istati Membri għandhom jgħarrfu lill-Kummissjoni, kuljum qabel it-15:00 (ħin ta’ Brussell), dwar l-ammonti li għalihom saru applikazzjonijiet għal liċenzji tal-esportazzjoni.
2. Fil-każ ta’ prodotti proċessati minn ċereali u ross imsemmija fl-Artikolu 162(1), punt (b) tar-Regolament (KE) Nru 1234/2007, l-Istati Membri jridu jgħarrfu lill-Kummissjoni, sa’ mhux aktar tard minn nhar t’Erbgħa ta’ kull ġimgħa fir-rigward tal-ġimgħa ta’ qabel u għal kull kodiċi ta’ prodott kif deskritt fl-Anness I tar-Regolament tal-Kummissjoni (KEE) Nru 3846/87 (5), dwar l-ammonti li għalihom inħarġu liċenzji, imqassmin fi prodotti esportati b’rifużjoni u prodotti esportati mingħajr rifużjoni.
Artikolu 5
1. Meta, għal prodott wieħed jew aktar, jiġu mħarsal-kondizzjonijiet imsemmija fl-Artikolu 187 tar-Regolament (KE) Nru 1234/2007, il-miżuri li ġejjin jistgħu jittieħdu mill-Kummissjoni:
(a) |
applikazzjoni ta’ taxxa fuq l-esportazzjoni. Din it-taxxa għandha tiġi stabbilita mill-Kummissjoni darba fil-ġimgħa. Tista’ tinbidel skond id-destinazzjoni; |
(b) |
sospensjoni totali jew parzjali tal-ħruġ taliċenzji fuq l-esportazzjoni; |
(c) |
ċaħda totali jew parzjali ta’ applikazzjonijiet pendenti għal liċenzja tal-esportazzjoni. |
2. It-taxxa fuq l-esportazzjoni msemmija fil-paragrafu 1, punt (a) għandha tkun dik applikabbli fil-jum meta jitlestew il-formalitajiet doganali.
Madanakollu, fuq talba tal-applikant, preżentata fl-istess ħin mal-applikazzjoni għall-liċenzja, it-taxxa fuq l-esportazzjoni applikabbli fil-jum tal-preżentazzjoni tal-applikazzjoni għall-liċenzja għandha tapplika għall-operazzjoni tal-esportazzjoni mwettqa fiż-żmien tal-validitá tal-liċenzja.
3. Il-Kummissjoni għandha tinnotifika lill-Istati Membri dwar id-deċiżjoni tagħha u għandha tippubblikha.
Artikolu 6
Il-metodi użati għall-evalwazzjoni tal-kontenut tal-irmied, il-kontenut tax-xaħam, il-kontenut tal-lamtu, il-proċess ta’ żnaturazzjoni, u kull metodu ieħor ta’ analiżi għall-applikazzjoni ta’ dan ir-Regolament fir-rigward tas-sistema tal-importazzjoni u tal-esportazzjoni, iridu jiġu stabbilti, jekk meħtieġ, b’mod konformi mal-proċedura stabbilita fl-Artikolu 195(2) tar-Regolament (KE) Nru 1234/2007.
Artikolu 7
Ir-Regolament (KE) Nru 1518/95 hu mħassar.
Referenzi għar-Regolament li ġie mħassar għandhom jinftiehmu bħala referenzi għal dan ir-Regolament u għandhom jinqraw skond it-tabella ta’ korrelazzjoni fl-Anness III.
Artikolu 8
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 12 ta’ Mejju 2009.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 147, 30.6.1995, p. 55.
(3) Ara l-Anness II.
(4) ĠU L 189, 29.7.2003, p. 12.
(5) ĠU L 366, 24.12.1987, p. 1.
ANNESS I
Kodiċi NM//Kodiċi tal-prodott |
Deskrizzjoni ta' l-oġġetti |
Prodott bażiku |
Koeffiċjent |
1 |
2 |
3 |
4 |
1102 |
Dqiq taċ-ċereali minbarra tal-qamħ jew tal-meżlin: |
|
|
1102 20 10 9200 |
Dqiq tal-qamħirrum, b'kontenut ta' xaħam ta' mhux aktar minn 1,3 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,8 % skond il-piż |
Qamħirrum |
1,40 |
1102 20 10 9400 |
Dqiq tal-qamħirrum, b'kontenut ta' xaħam ta' aktar minn 1,3 %, imma inqas minn 1,5 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 1 % skond il-piż |
Qamħirrum |
1,20 |
1102 20 90 9200 |
Dqiq tal-qamħirrum, b'kontenut ta' xaħam ta' aktar minn 1,5 % imma mhux aktar minn 1,7 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 1 % skond il-piż |
Qamħirrum |
1,20 |
1102 90 10 9100 |
Oħrajn, dqiq tal-barli, b'kontenut ta' rmied, b'referenza għall-materja niexfa, ta' mhux aktar minn 0,9 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,9 % skond il-piż |
Barli |
1,50 |
1102 90 10 9900 |
Oħrajn, dqiq tal-barli, oħrajn |
Barli |
1,02 |
1102 90 30 9100 |
Oħrajn, dqiq tal-ħafur, b'kontenut ta' rmied, b'referenza għall-materja niexfa, ta' mhux aktar minn 2,3 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 1,8 % skond il-piż, b'kontenut ta' umdità ta' mhux aktar minn 11 % u li l-peroxidase tiegħu huwa kważi għal kollox diżattivat |
Ħafur |
1,80 |
1103 |
Granza, smid u pritkuni taċ-ċereali: |
|
|
1103 13 10 9100 |
Granza u smid tal-qamħirrum, b'kontenut ta' xaħam ta' mhux aktar minn 0,9 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,6 % skond il-piż |
Qamħirrum |
1,80 |
1103 13 10 9300 |
Granza u smid tal-qamħirrum, b'kontenut ta' xaħam ta' aktar minn 0,9 % imma mhux aktar minn 1,3 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,8 % skond il-piż |
Qamħirrum |
1,40 |
1103 13 10 9500 |
Granza u smid tal-qamħirrum, b'kontenut ta' xaħam ta' aktar minn 1,3 % imma mhux aktar minn 1,5 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 1 % skond il-piż |
Qamħirrum |
1,20 |
1103 13 90 9100 |
Granza u smid tal-qamħirrum, b'kontenut ta' xaħam ta' aktar minn 1,5 % imma mhux aktar minn 1,7 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 1 % skond il-piż |
Qamħirrum |
1,20 |
1103 19 10 9000 |
Granza u smid tas-segala |
Segala |
1,00 |
1103 19 30 9100 |
Granza u smid tal-barli, b'kontenut ta' rmied, b'referenza għall-materja niexfa, ta' mhux aktar minn 1 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,9 % skond il-piż |
Barli |
1,55 |
1103 19 40 9100 |
Granza u smid tal-ħafur b’kontenut ta’ rmied, b'referenza għall-materja niexfa, ta' mhux aktar minn 2,3 % skond il-piż u b'kontenut fl-imballaġġ ta' mhux aktar minn 0,1 %, b'kontenut ta' umdità ta' mhux aktar minn 11 % u li l-peroxidase tiegħu huwa kważi għal kollox diżattivat |
Ħafur |
1,80 |
1103 20 20 9000 |
Pritkuni tal-barli |
Barli |
1,02 |
1103 20 60 9000 |
Pritkuni tal-qamħ |
Qamħ |
1,02 |
1104 |
Il-granell taċ-ċereali maħdum mod ieħor (per eżempju mfesdaq, imrebbel, imfarrak, irfinat, imqatta' jew mitħun), minbarra ross ta' l-intestatura Nru 1006 ; raħs taċ-ċereali, sħaħ, irrumblati, imfarrkin jew mitħunin: |
|
|
1104 12 90 9100 |
Granelli tal-ħafur imfarrka, b'kontenut ta' rmied, b'referenza għall-materja niexfa, ta' mhux aktar minn 2,3 % skond il-piż u b'kontenut fl-imballaġġ ta' mhux aktar minn 0,1 %, b'kontenut ta' umdità ta' mhux aktar minn 12 % u li l-peroxidase tiegħu huwa kważi għal kollox diżattivat |
Ħafur |
2,00 |
1104 12 90 9300 |
Granelli tal-ħafur imfarrka, b'kontenut ta' rmied, b'referenza għall-materja niexfa ta' mhux aktar minn 2,3 % skond il-piż u b'kontenut fl-imballaġġ ta' aktar minn 0,1 % imma mhux aktar minn 1,5 % b'kontenut ta' umdità ta' mhux aktar minn 12 % u li l-peroxidase tiegħu huwa kważi għal kollox diżattivat |
Ħafur |
1,60 |
1104 19 10 9000 |
Granelli tal-qamħ irrumblati jew imfarrka |
Qamħ |
1,02 |
1104 19 50 9110 |
Granelli tal-qamħirrum imfarrka, b'kontenut ta' xaħam, b'referenza għall-materja niexfa ta' mhux aktar minn 0,9 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,7 % skond il-piż |
Qamħirrum |
1,60 |
1104 19 50 9130 |
Granelli tal-qamħirrum imfarrka, b'kontenut ta' xaħam, b'referenza għall-materja niexfa ta' aktar minn 0,9 % imma mhux aktar minn 1,3 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,8 % skond il-piż |
Qamħirrum |
1,30 |
1104 19 69 9100 |
Granelli tal-barli b'kontenut ta' rmied, b'referenza għall-materja niexfa, ta' mhux aktar minn 1 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,9 % skond il-piż |
Barli |
1,50 |
1104 22 20 9100 |
Granelli tal-ħafur imfesdqa jew imqaxxra, b'kontenut ta' rmied, b'referenza għall-materja niexfa, ta' mhux aktar minn 2,3 % skond il-piż, b'kontenut fl-imballaġġ ta' mhux aktar minn 0,5 %, b'kontenut ta' umdità ta' mhux aktar minn 11 % u li l-peroxidase tiegħu huwa kważi għal kollox diżattivat |
Ħafur |
1,60 |
1104 22 30 9100 |
Granelli tal-ħafur, imfesdqa u mqatta' jew mitħunin (Grütze jew grutten), b'kontenut ta' rmied, b'referenza għall-materja niexfa, ta' mhux aktar minn 2,3 % skond il-piż u b'kontenut fl-imballaġġ ta' mhux aktar minn 0,1 %, b'kontenut ta' umdità ta' mhux aktar minn 11 % u li l-peroxidase tiegħu huwa kważi għal kollox diżattivat |
Ħafur |
1,70 |
1104 23 10 9100 |
Granelli tal-qamħirrum (imfesdqa jew imqaxxra) kemm jekk imqatta' jew mitħunin u kemm jekk le, b'kontenut ta' xaħam, b'referenza għall-materja niexfa, ta' mhux aktar minn 0,9 % skond il-piż, b'kontenut ta' fibra mhux maħduma, b'referenza għall-materja niexfa, ta' mhux aktar minn 0,6 % skond il-piż (Grütze jew grutten) |
Qamħirrum |
1,50 |
1104 23 10 9300 |
Granelli tal-qamħirrum (imfesdqa jew imqaxxra), kemm jekk imqatta' jew mitħunin u kemm jekk le, b'kontenut ta' xaħam, b'referenza għall-materja niexfa, ta' aktar minn 0,9 % imma mhux aktar minn 1,3 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,8 % skond il-piż (Grütze jew grutten) |
Qamħirrum |
1,15 |
1104 29 01 9100 |
Granelli tal-barli imqaxxra (imfesdqa jew imqaxxra) b'kontenut ta' rmied, b'referenza għall-materja niexfa, ta' mhux aktar minn 1 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,9 % skond il-piż |
Barli |
1,50 |
1104 29 03 9100 |
Granelli tal-barli imqaxxra u mqatta' jew mitħunin (‘Grütze’ jew ‘grutten’) b'kontenut ta' rmied, b'referenza għall-materja niexfa, ta' mhux aktar minn 1 % skond il-piż u b'kontenut ta' fibra mhux maħduma, b'referenza għall-materja niexfa, ta' mhux aktar minn 0,9 % skond il-piż |
Barli |
1,50 |
1104 29 05 9100 |
Granelli tal-barli irfinati b'kontenut ta' rmied, b'referenza għall-materja niexfa, ta' mhux aktar minn 1 % skond il-piż (mingħajr terra) - l-ewwel kategorija |
Barli |
2,00 |
1104 29 05 9300 |
Granelli tal-barli irfinati b'kontenut ta' rmied, b'referenza għall-materja niexfa, ta' mhux aktar minn 1 % skond il-piż (mingħajr terra) – it-tieni kategorija |
Barli |
1,60 |
1104 29 11 9000 |
Granelli tal-qamħ (imfesdqa jew imqaxxra), mhux imqatta' jew mitħunin |
Qamħ |
1,02 |
1104 29 51 9000 |
Granelli tal-qamħ (imfesdqa jew imqaxxra), mitħunin biss |
Qamħ |
1,00 |
1104 29 55 9000 |
Granelli tas-segala, imfesdqa (imqaxxra) mitħunin biss r |
Segala |
1,00 |
1104 30 10 9000 |
Raħs tal-qamħ, sħaħ, irrumblati, imfarrkin jew mitħuna |
Qamħ |
0,25 |
1104 30 90 9000 |
Raħs taċ-ċereali oħrajn, sħaħ, irrumblati, imfarrkin jew mitħuna |
Qamħirrum |
0,25 |
1107 |
Xgħir, kemm jekk mixwi u kemm jekk le: |
|
|
1107 10 11000 |
Mhux mixwi, tal-qamħ, fil-forma ta' dqiq |
Qamħ |
1,78 |
1107 10 91000 |
Mhux mixwi, oħrajn, fil-forma ta' dqiq |
Barli |
1,78 |
1108 |
Lamtu; inulina: |
|
|
1108 11 00 9200 |
Lamtu tal-qamħ, b'kontenut ta' materja niexfa ta' mhux anqas minn 87 % u b'purità fil-materja niexfa ta' mhux inqas minn 97 % |
Qamħ |
2,00 |
1108 11 00 9300 |
Lamtu tal-qamħ, b'kontenut ta' materja niexfa ta' mhux anqas minn 84 % iżda inqas minn 87 % u b'purità fil-materja niexfa ta' mhux inqas minn 97 % |
Qamħ |
2,00 |
1108 12 00 9200 |
Lamtu tal-qamħirrum, b'kontenut ta' materja niexfa ta' mhux anqas minn 87 % u b'purità fil-materja niexfa ta' mhux inqas minn 97 % |
Qamħirrum |
1,60 |
1108 12 00 9300 |
Lamtu tal-qamħirrum, b'kontenut ta' materja niexfa ta' mhux anqas minn 84 % iżda inqas minn 87 % u b'purità fil-materja niexfa ta' mhux inqas minn 97 % |
Qamħirrum |
1,60 |
1108 13 00 9200 |
Lamtu tal-patata, b'kontenut ta' materja niexfa ta' mhux anqas minn 80 % u b'purità fil-materja niexfa ta' mhux inqas minn 97 % |
Qamħirrum |
1,60 |
1108 13 00 9300 |
Lamtu tal-patata, b'kontenut ta' materja niexfa ta' mhux anqas minn 77 % iżda inqas minn 80 % u b'purità fil-materja niexfa ta' mhux inqas minn 97 % |
Qamħirrum |
1,60 |
1108 19 10 9200 |
Lamtu tar-ross, b'kontenut ta' materja niexfa ta' mhux anqas minn 87 % u b'purità fil-materja niexfa ta' mhux inqas minn 97 % |
Ross |
1,52 |
1108 19 10 9300 |
Lamtu tar-ross, b'kontenut ta' materja niexfa ta' mhux anqas minn 84 % iżda inqas minn 87 % u b'purità fil-materja niexfa ta' mhux inqas minn 97 % |
Ross |
1,52 |
1702 |
Zokkor ieħor, inklużi l-lattożju, il-maltożju, il-glukożju u l-fruttożju, f'forma solida u kimikament puri; ġuleppi taz-zokkor mingħajr ż-żieda ta' xi essenza jew sustanza li tagħti lewn; għasel artifiċjali, kemm jekk imħallat ma' l-għasel naturali, zokkor u għasel iswed karamellizat: |
|
|
1702 30 50 9000 |
Glukożju u ġulepp tal-glukożju, mingħajr fruttożju jew li fih fl-istat xott inqas minn 20 % fruttożju, għajr isoglukożju, fil-forma ta' trab abjad kristallin, kemm jekk ikun agglomerat u kemm jekk le |
Qamħirrum |
2,09 |
1702 30 90 9000 |
Glukożju u ġulepp tal-glukożju, mingħajr fruttożju jew li fih fl-istat xott inqas minn 20 % fruttożju, għajr isoglukożju jew oħrajn skond il-piż |
Qamħirrum |
1,60 |
1702 40 90 9000 |
Glukożju u ġulepp tal-glukożju, li fih fl-istat xott ta' mill-inqas minn 20 % iżda mhux aktar minn 50 % fruttożju jew oħrajn skond il-piż ħlief zokkor maqlub (invert) |
Qamħirrum |
1,60 |
1702 90 50 9100 |
Maltodestrina, f'forma ta’ solidu abjad, kemm jekk agglomerat u kemm jekk le |
Qamħirrum |
2,09 |
1702 90 50 9900 |
Maltodestrina u ġulepp tal-maltodestrina, oħrajn |
Qamħirrum |
1,60 |
1702 90 75 9000 |
Zokkor u għasel iswed, karamellizat fil-forma ta' trab, kemm jekk agglomerat u kemm jekk le |
Qamħirrum |
2,19 |
1702 90 79 9000 |
Zokkor u għasel iswed, karamellizat, oħrajn |
Qamħirrum |
1,52 |
2106 90 55 9000 |
Preparazzjonijiet ta' l-ikel mhux speċifikati jew inklużi mkien ieħor, ġuleppi taz-zokkor bl-essenza jew bil-kulur tal-glukożju jew tal-maltodestrina |
Qamħirrum |
1,60 |
ANNESS II
Regolament imħassar flimkien mal-emendi suċċessivi tiegħu
Regolament tal-Kummissjoni (KE) Nru 1518/95 |
|
Regolament tal-Kummissjoni (KE) Nru 2993/95 |
ANNESS III
Tabella ta’ korrelazzjoni
Regolament (KE) Nru 1518/95 |
Dan ir-Regolament |
– |
Artikolu 1, kliem tal-bidu |
Artikolu 1(1), kliem tal-bidu |
Artikolu 1, punt (a) |
Artikolu 1(1), punt (a) |
Artikolu 1, punt (a)(i) |
Artikolu 1(1), punt (b) |
Artikolu 1, punt (a)(ii) |
Artikolu 1(2) |
Artikolu 1, punt (b) |
Artikolu 2 |
Artikolu 2 |
Artikolu 3 |
Artikolu 3 |
Artikolu 4 |
Artikolu 4 |
Artikolu 5 |
Artikolu 5 |
Artikolu 6 |
Artikolu 6 |
Artikolu 7 |
– |
Artikolu 8 |
– |
– |
Artikolu 7 |
Artikolu 9 |
Artikolu 8 |
Anness |
Anness I |
– |
Anness II |
– |
Anness III |