IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li ġie kkunsidrat ir-Regolament tal-Kunsill (KEE) Nru 2658/87, tat-23 ta' Lulju 1987, dwar in-nomenklatura tat-tariffa u l-istatistika u dwar Tariffa Doganali Komuni (1), u b'mod partikolari l-Artikolu 9(1) (a) tiegħu,

Billi:

(1)

Għall-klassifikazzjoni ta' xi prodotti li jaqgħu fi ħdan l-intestatura 1905 tan-Nomenklatura Maqgħuda mehmuża mar-Regolament (KEE) Nru 2658/87, għandha ssir distinzjoni bejn, fuq naħa, il-prodotti bis-sottointestatura 1905 90 20 u, fuq in-naħa l-oħra, preparazzjonijiet li ġew ikklassifikati taħt is-sottointestatura 1905 90 90 .

(2)	Skont in-Noti ta' Spjegazzjoni dwar is-Sistema Armonizzata għall-intestatura 1905 , il-punt (B), din l-intestatura tkopri numru ta' prodotti magħmulin mid-dqiq jew pejsts tal-lamtu, moħmija f'forma tonda jew f'folji.

(3)	L-ebda definizzjoni ma ngħatat għal “prodotti simili” inklużi taħt is-sottointestatura 1905 90 20 .

(4)	Kien hemm xi problemi fir-rigward il-klassifikazzjoni tal-prodotti magħrufin bħala “folji tal-għaġina” peress illi l-ebda kriterju ma ġie definit biex issir distinzjoni bejn il-prodotti li jaqgħu taħt is-sottointestaturi 1905 90 20 u 1905 90 90

(5)	Għalhekk huwa xieraq li tiżdied nota addizzjonali f'Kapitolu 19 li tistabbilixxi li s-sottointestatura 1905 90 20 tkopri biss prodotti nixfin u li jitfarku malajr.

(6)	Ir-Regolament (KEE) Nru 2658/87 għandu għalhekk jiġi emendat skont dan.

(7)	Il-miżuri pprovduti f'dan ir-Regolament huma konformi mal-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

Fil-Kapitolu 19 tan-Nomenklatura Maqgħuda mehumuża mar-Regolament (KEE) Nru 2568/87 għandha tiżdied in-nota addizzjonali li ġejja:

“3.	3 is-Sottointestatura 1905 90 20 tkopri biss prodotti nixfin u li jitfarku malajr”

Artikolu 2

Dan ir-Regolament għandu jidħol fis-seħħ wara għoxrin jum mil-publikazzjoni tiegħu fil-Ġurnal Uffiċjali tal-Unjoni Ewropea.