|
4.8.2009
|
MT
|
Il-Ġurnal Uffiċjali tal-Unjoni Ewropea
|
L 202/16
|
DIRETTIVA 2009/80/KE TAL-PARLAMENT EWROPEW U TAL-KUNSILL
tat-13 ta’ Lulju 2009
dwar l-identifikazzjoni ta’ kontrolli, tell-tales u indikaturi għal vetturi bil-mutur b’żewġ jew bi tliet roti
(Verżjoni kodifikata)
(Test b’relevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea,u b’mod partikolari l-Artikolu 95 tiegħu,
Wara li kkunsidraw il-proposta mill-Kummissjoni,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Filwaqt li jaġixxu skont il-proċedura stabbilita fl-Artikolu 251 tat-Trattat (2).
Billi:
|
(1)
|
Id-Direttiva tal-Kunsill 93/29/KE tal-14 ta’ Ġunju 1993 dwar l-identifikazzjoni ta’ kontrolli, tell-tales u indikaturi għal karozzi b’żewġ jew bi tliet roti (3) ġiet emendata b’mod sostanzjali (4). Għal iktar ċarezza u razzjonalità, id-Direttiva msemmija għandha tiġi kodifikata.
|
|
(2)
|
Id-Direttiva 93/29/KE hija waħda mid-Direttivi separati dwar is-sistema tal-approvazzjoni tat-tip KE prevista mid-Direttiva tal-Kunsill 92/61/KEE tat-30 ta’ Ġunju 1992 dwar l-approvazzjoni tat-tip ta’ vetturi bil-mutur b’żewġ roti jew bi tlieta, kif sostitwita permezz tad-Direttiva tal-Parlament Ewropew u tal-Kunsill 2002/24/KE tal-Parlament Ewropew u tal-Kunsill tat-18 ta’ Marzu 2002 li għandha x’taqsam mal-approvazzjoni tat-tip ta’ vetturi bil-mutur b’żewġ roti jew bi tlieta (5) u tistabbilixxi preskrizzjonijiet tekniċi dwar id-disinn u l-kostruzzjoni ta’ vetturi bil-mutur b’żewġ roti fir-rigward tal-identifikazzjoni ta’ kontrolli, tell-tales u indikaturi. Dawn il-preskrizzjonijiet tekniċi jikkonċernaw l-approssimazzjoni tal-liġijiet tal-Istati Membri sabiex jippermettu li l-applikazzjoni tal-proċedura tal-approvazzjoni tat-tip KE prevista mid-Direttiva 2002/24/KE, fir-rigward ta’ kull tip ta’ vettura. Għalhekk, id-dispożizzjonijiet stabbiliti mid-Direttiva 2002/24/KE dwar sistemi tal-vetturi, komponenti u l-elementi tekniċi separati japplikaw għal din id-Direttiva.
|
|
(3)
|
Sabiex jiġi ffaċilitat l-aċċess għas-swieq ta’ pajjiżi non-Komunitarji għandha teżisti ekwivalenza bejn ir-rekwiżiti ta’ din id-Direttiva u dawk tar-Regolament Nru 60 tal-Kummissjoni Ekonomika tan-Nazzjonijiet Uniti għall-Ewropa (6) (UNECE).
|
|
(4)
|
Din id-Direttiva għandha tkun bla ħsara għall-obbligi tal-Istati Membri rigward il-limiti ta’ żmien għat-traspożizzjoni fil-liġi nazzjonali u l-applikazzjoni tad-Direttivi stabbiliti fl-Anness III, Parti B,
|
ADOTTAW DIN ID-DIRETTIVA:
Artikolu 1
Din id-Direttiva tapplika għall-identifikazzjoni ta’ kontrolli, tell-tales u indikaturi għat-tipi kollha ta’ vetturi kif imsemmija fl-Artikolu 1 tad-Direttiva 2002/24/KE.
Artikolu 2
Il-proċedura għall-għoti tal-approvazzjoni tat-tip KE ta’ komponent fir-rigward tal-identifikazzjoni ta’ kontrolli, tell-tales u indikaturi għal tip ta’ vettura bil-mutur b’żewġ jew bi tliet roti u l-kundizzjonijiet li jirregolaw il-moviment liberu ta’ dawn il-vetturi għandhom ikunu kif stabbiliti fil-Kapitoli II u III tad-Direttiva 2002/24/KE.
Artikolu 3
1. Skond id-dispożizzjonijiet tal-Artikolu 11 tad-Direttiva 2002/24/KE, l-ekwivalenza bejn ir-rekwiżiti stabbiliti f’din id-Direttiva u dawk stabbiliti fir-Regolament UNECE Nru 60 hi b’din rikonoxxuta.
2. L-awtoritajiet tal-Istati Membri li jagħtu l-approvazzjoni tat-tip KE ta’ komponent għandhom jaċċettaw approvazzjonijiet skont ir-rekwiżiti tar-Regolament UNECE imsemmi fil-paragrafu 1 kif ukoll il-marki tal-approvazzjoni tat-tip ta’ komponent bħala alternattiva għall-approvazzjonijiet korrispondenti mogħtija skont ir-rekwiżiti ta’ din id-Direttiva.
Artikolu 4
Din id-Direttiva tista’ tiġi emendata skont il-proċedura msemmija fl-Artikolu 18(2) tad-Direttiva 2002/24/KE sabiex:
|
(a)
|
tieħu kont ta’ xi emendi għar-Regolament UNECE imsemmi fl-Artikolu 3;
|
|
(b)
|
l-Annessi I u II jiġu addattati għall-progress tekniku.
|
Artikolu 5
1. L-Istati Membri m’għandhomx, għal raġunijiet relatati mal-identifikazzjoni ta’ kontrolli, tell-tales u indikaturi:
|
—
|
jirrifjutaw li jagtħu approvazzjoni tat-tip KE għal tip ta’ vettura bil-mutur b’żewġ jew bi tliet roti, jew
|
|
—
|
jipprojbixxu r-reġistrazzjoni, il-bejgħ jew id-dħul fis-servizz ta’ vetturi bil-mutur b’żewġ jew bi tliet roti,
|
jekk l-identifikazzjoni ta’ kontrolli, tell-tales u indikaturi tikkonforma mar-rekwiżiti ta’ din id-Direttiva.
2. L-Istati Membri għandhom jirrifjutaw li jagħtu approvazzjoni tat-tip KE għal kwalunkwe tip ġdid ta’ vettura bil-mutur b’żewġ jew bi tliet roti għal raġunijiet relatati mal-identifikazzjoni ta’ kontrolli, tell-tales u indikaturi jekk ir-rekwiżiti ta’ din id-Direttiva ma jiġux sodisfatti.
3. L-Istati Membri għandhom jikkommunikaw lill-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fil-kamp kopert b’din id-Direttiva.
Artikolu 6
Id-Direttiva 93/29/KEE, kif emendata mid-Direttiva elenkata fl-Anness III, Parti A hija mħassra, bla ħsara għall-obbligi tal-Istati Membri rigward il-limiti ta’ żmien għat-traspożizzjoni fil-liġi nazzjonali u l-applikazzjoni tad-Direttivi fl-Anness III, Parti B.
Ir-referenzi għad-Direttiva mħassra għandhom jinftiehmu bħala referenzi għal din id-Direttiva u għandhom jinqraw skont it-tabella ta’ korrelazzjoni fl-Anness IV.
Artikolu 7
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Għandha tapplika mill-1 ta’ Jannar 2010.
Artikolu 8
Din id-Direttiva hija indirizzata lill-Istati Membri.
Magħmula fi Brussell, it-13 ta’ Lulju 2009.
Għall-Parlament Ewropew
Il-President
H.-G. PÖTTERING
Għall-Kunsill
Il-President
E. ERLANDSSON
(1) ĠU C 325, 30.12.2006, p. 28.
(2) L-Opinjoni tal-Parlament Ewropew tad-19 ta’ Ġunju 2007 (ĠU C 146E, 12.6.2008, p. 72) u d-Deċiżjoni tal-Kunsill tas-7 ta’ Lulju 2009.
(3) ĠU L 188, 29.7.1993, p. 1.
(4) Ara l-Anness III, Parti A.
(5) ĠU L 124, 9.5.2002, p. 1.
(6) E/ECE/TRANS/505 – Add. 59.
ANNESS I
REKWIŻITI LI JIKKONĊERNAW L-APPROVAZZJONI TAT-TIP TA’ KOMPONENT TA’ VETTURI BIL-MUTUR B’ŻEWĠ JEW TLIET ROTI FIR-RIGWARD TAL-IDENTIFIKAZZJONI TAL-KONTROLLI, IT-TELL-TALES U L-INDIKATURI TAGĦHOM
1. DEFINIZZJONIJIET
Għall-finijiet ta’ din id-Direttiva japplikaw dawn id-definizzjonijiet li ġejjin:
|
1.1.
|
“kontroll” ifisser kull parti tal-vettura jew komponent direttament attivata mis-sewwieq li tikkawża bidla fl-istat jew fl-operazzjoni tal-vettura jew ta’ waħda mill-partijiet tagħha;
|
|
1.2.
|
“tell-tale” tfisser sinjal li jindika l-bidu ta’ operazzjoni ta’ apparat, operazzjoni jew stat suspettuż jew difettuż jew in-nuqqas ta’ operazzjoni;
|
|
1.3.
|
“indikatur” ifisser apparat li jagħti informazzjoni dwar il-funzjonament jew l-istat tajjeb ta’ sistema jew parti ta’ sistema bħall-livell ta’ fluwidu;
|
|
1.4.
|
“simbolu” ifisser kontorn li jgħin fl-identifikazzjoni ta’ kontroll, tell-tale jew indikatur.
|
2. IR-REKWIŻITI
2.1. L-Identifikazzjoni
Il-kontrolli, it-tell-tales u l-indikaturi msemmija fil-punt 2.1.5 għandhom jiġu identifikati skont ir-rekwiżiti li gejjin meta jitwaħħlu ma’ vettura.
|
2.1.1.
|
Is-simboli jridu jidhru b’mod ċar fuq l-isfond.
|
|
2.1.2.
|
Is-simboli għandhom jitqiegħdu fuq il-kontroll jew fuq it-tell-tale ta’ kontroll li għandhom jiġu identifikati jew viċin ħafna ta’ dawn. Meta dan m’huwiex possibbli s-simbolu u l-kontroll, jew it-tell-tale, għandhom jingħaqdu b’linja kontinwa li għandha tkun qasira kemm jista’ jkun.
|
|
2.1.3.
|
Fanali ta’ dawl ewlieni għandhom jiġu rrappreżentati b’raġġi paralleli orizzontali u fanali ta’ dawl baxx b’raġġi ta’ dawl paralleli angolati ‘l isfel.
|
|
2.1.4.
|
Meta użati għal tell-tales ottiċi, il-kuluri li ġejjin elenkati hawn isfel ikollhom it-tifsiriet indikati:
— aħmar: perikolu,
— ambra: twissija,
— aħdar: sigurtà.
Il-blu jiġi rriservat esklussivament għat-tell-tales tal-fanali tad-dawl ewlieni:
|
|
2.1.5.
|
L-Ismijiet u l-identifikazzjoni ta’ simboli:
|
Il-Figura 1
Kontroll tal-fanal – Fanal ta’ dawl ewlieni
Il-kulur tell-tale: blu
|
|
|
Il-Figura 2
Il-kontroll tal-fanal – Fanal ta’ dawl baxx
Il-Kulur tell-tale: aħdar
|
|
|
Il-Figura 3
Indikatur ta’ Direzzjoni
Nota: jekk ikun hemm tell-tales separati għall-indikaturi tad-direzzjoni tax-xellug u tal-lemin, iż-żewġ vleġeġ jistgħu jintużaw ukoll separatament.
Il-kulur tell-tale: aħdar
|
|
|
Il-Figura 4
Apparat ta’ twissija ta’ perikolu
Żewġ possibiltajiet:
|
—
|
l-identifikazzjoni tas-sinjal imqiegħed ħdejn il-perikolu
Il-Kulur tell-tale: aħmar
Jew
|
|
—
|
l-operazzjoni simultanea tal-indikaturi ta’ direzzjoni (Iż-żewġ vleġeġ fil-Figura 3)
|
|
|
|
Il-Figura 5
Iċ-choke manwali
Kulur tell-tale: ambra
|
|
|
Il-Figura 6
Apparat li jinstama’ (il-ħorn)
|
|
|
Il-Figura 7
Il-livell tal-karburant
Kulur tell-tale: ambra
|
|
|
Il-Figura 8
Temperatura tal-likwidu li jkessaħ il-magna
Kulur tell-tale: aħmar
|
|
|
Il-Figura 9
Il-Karika tal-batterija
Kulur tell-tale: aħmar
|
|
|
Il-Figura 10
Iż-żejt tal-magna
Kulur tell-tale: aħmar
|
|
|
Il-Figura 11
Il-fanal ta’ quddiem għaċ-ċpar (3)
Kulur tell-tale: aħdar
|
|
|
Il-Figura 12
Fanal ta’ wara taċ-ċpar (3)
Kulur tell-tale: ambra
|
|
|
Il-Figura 13
Engine ignition jew cut-off control fil-pożizzjoni “mhux qed jintuża”
|
|
|
Il-Figura 14
Engine ignition jew cut-off control fil-pożizzjoni “qed jintuża”
|
|
|
Il-Figura 15
Swiċċ tad-dawl
Kulur “tell-tale”: aħdar
|
|
|
Il-Figura 16
Fanali ta’ pożizzjoni (tal-ġenb)
Nota: jekk il-kontroll ma jkunx separat, jista’ jiġi identifikat mis-simbolu muri fil-figura 15.
Kulur tell-tale: aħdar
|
|
|
Il-Figura 17
Indikatur “gear box fin-newtral”
Kulur tell-tale: aħdar
|
|
|
Il-Figura 18
Starter elettriku
|
|
|
(1)
|
Il-partijiet inkwadrati jistgħu jkunu solidi.
|
|
(2)
|
Il-parti l-iskura ta’ dan is-simbolu tista’ tiġi sostitwita bis-silwett tagħha; imbagħad il-parti l-bajda f’din l-istampa għandha tkun kompletament ta’ kulur skur.
|
|
(3)
|
Jekk huwa użat kontroll wieħed għall-fanali ta’ quddiem u ta’ wara għaċ-ċpar is-simbolu użat għandu jkun dak għal “fanal ta’ quddiem għaċ-ċpar”.
|
|
|
L-Appendiċi
L-istruttura tal-bażi tal-mudell għas-simboli msemmija fil-punt 2.1.5
Il-Figura 1
Il-bażi tal-mudell
Il-bażi tal-mudell jikkonsisti f’
|
(1)
|
bażi ta’ 50 mm kwadri, u din id-dimensjoni tkun ekwivalenti għad-dimensjoni nominali “a” fl-oriġinal;
|
|
(2)
|
ċirku bażi ta’ 56 mm fid-djametru li jkollu bejn wieħed u ieħor l-istess żona bħall-kwadru bażi (1);
|
|
(3)
|
ċirku ieħor ta’ 50 mm djametru jitpenġa fil-kwadru bażi (1);
|
|
(4)
|
kwadru ieħor li l-ponot tiegħu jistrieħu fuq iċ-ċirku ta’ bażi (2) u li l-ġnub tiegħu huma paralleli għal dawk tal-kwadru bażi (1);
|
|
(5) u (6)
|
żewġ rettangoli li jkollhom l-istess arja bħall-kwadru bażi (1) li l-ġnub tagħhom huma f’angoli ta’ disgħin grad ma’ xulxin u kull wieħed minnhom mahsub sabiex jaqsam il-ġnub opposti tal-kwadru bażi f’punti simmetriċi;
|
|
(7)
|
kwadru ieħor li l-ġnub tiegħu jgħaddu mill-punti tal-intersezzjoni tal-kwadru bażi (1) u ċ-ċirku bażi (2) u li huma inklinati b’angolu ta’ 45°, b’hekk jagħtu l-akbar dimensjonijiet orizzonatali u vertikali tal-bażi tal-mudell;
|
|
(8)
|
ottagonu irregolari iffurmat bil-linji inklinati b’angolu ta’ 30° mal-ġnub tal-kwadru (7).
|
Il-bażi tal-mudell jitqiegħed fuq grid li n-naħa t’isfel tiegħu hi ta’ 12,5-il mm u li tmiss mal-kwadru bazi (1).
ANNESS II
L-Appendiċi 1
Dokument tal-informazzjoni fejn għandha x’taqsam l-identifikazzjoni tal-kontrolli, tell-tales u indikaturi għal tip ta’ vettura bil-mutur b’żewg roti jew bi tlieta
(li għandha tigi annessa mal-applikazzjoni għall-approvazzjoni tat-tip KE ta’ komponent jekk din hi sottomessa separatament mill-applikazzjoni għall-approvazzjoni ta’ tip KE ta’ vettura)
In-Numru tal-ordni (mogħti mill-applikant):
L-applikazzjoni għall-approvazzjoni tat-tip KE ta’ komponent fejn għandha x’taqsam l-identifikazzjoni ta’ kontrolli, tell-tales u indikaturi għal tip ta’ vettura bil-mutur b’żewg roti jew bi tlieta għandu jkollha l-informazzjoni stabbilita mill-punti li gejjin fl-Anness II tad-Direttiva 2002/24/KE, Parti 1, Taqsima A tal-Anness II tad-Direttiva 2002/24/KE:
L-Appendiċi 2
|
Isem ta’ l-amministrazzjoni
|
Ċertifikat ta’ approvazzjoni tat-tip KE ta’ komponent fir-rigward ta’ l-identifikazzjoni ta’ kontrolli, tell-tales indikaturi għal tip ta’ vettura bil-mutur b’ żewġ roti jew bi tliet roti
MUDELL
Nru. ta’ Rapport … skont id-data … ta’ servizz tekniku …
Nru ta’ approvazzjoni tat-tip KE ta’ komponent : … Ntu ta’ estenjoni …
|
1.
|
id-ditta tal-vettura: …
|
|
2.
|
It-Tip ta’ vettura u kull verżjoni u varjanti: …
|
|
3.
|
L-isem u l-indirizz tal-fabbrikant: …
|
|
4.
|
L-isem u l-indirizz tar-rappreżentant tal-fabbrikant (jekk ikun hemm): …
…
|
|
5.
|
Id-data ta’ meta l-vettura kienet sottomessa għat-test: …
|
|
6.
|
Approvazzjoni tat-tip KE ta’ komponent mogħtija/micħuda (1)
|
(1) Ħassar kif approprjat.
ANNESS III
PARTI A
Direttiva mħassra flimkien mal-emendi tagħha
(imsemmi fl-Artikolu 6)
PARTI B
Lista tal-limiti ta’ żmien għat-traspożizzjoni fil-liġi nazzjonali u l-applikazzjoni
(imsemmi fl-Artikolu 6)
|
Direttiva
|
Limitu ta’ żmien għat-traspożizzjoni
|
Data ta’ applikazzjoni
|
|
93/29/KEE
|
fl-14 ta’ Diċembru 1994.
|
14 ta’ Ġunju 1995 (*)
|
|
2000/74/KE
|
fil-31 ta’ Diċembru 2001.
|
1 ta’ Jannar 2002 (**)
|
(*) Konformement mat-tielet subparagrafu tal-Artikolu 5(1) tad-Direttiva 93/29/KEE:
“Mid-data msemmija fl-ewwel subparagrafu l-Istati Membri ma jistgħux, għal raġunijiet konnessi mal-identifikazzjoni ta’ kontrolli, tell-tales u indikaturi, jipprojbixxu d-dħul inizjali fis-servizz ta’ vetturi li jikkonformaw ma’ din id-Direttiva.”
Id-data hi l-14 ta’ Diċembru 1994; ara l-ewwel subparagrafu tal-Artikolu 5(1) tad-Direttiva 93/29/KEE.
(**) Konfermement mal-Artikolu 2 tad-Direttiva 2000/74/KE:
“1. B’effett mill-1 ta’ Jannar 2002, l-Istati Membri ma jistgħux, għal raġunijiet ta’ identifikazzjoni ta’ kontrolli, tell-tales u indikaturi:
|
—
|
jirrifjutaw li jagħtu approvazzjoni tat-tip KE għal vetturi bil-mutur b’żewġ roti jew bi tlieta, jew
|
|
—
|
jipprojbixxu r-reġistrazzjoni, il-bejgħ jew id-dħul fis-servizz ta’ vetturi bil-muture b’żewġ roti jew bi tlieta;
|
jekk l-identifikazzjoni ta’ kontrolli, tell-tales u indikaturi tħares ir-rekwiżiti tad-Direttiva 93/29/KEE, kif emendata minn din id-Direttiva.
2. B’effett mill-1 ta’ Lulju 2002, l-Istati Membri għandhom jirrifjutaw li jagħtu l-approvazzjoni tat-tip KE għal kull tip ġdid ta’ vettura bil-mutur b’żewġ roti jew bi tlieta, għal raġunijiet relatati mal-identifikazzjoni ta’ kontrolli, tell-tales u indikaturi jekk ir-rekwiżiti tad-Direttiva 93/29/KEE, kif emendata minn din id-Direttiva, ma jkunux issodisfati.”
ANNESS IV
TABELLA TA’ KORRELAZZJONI
|
Direttiva 93/29 KEE
|
Direttiva 2000/74/KE
|
Din id-Direttiva
|
|
Artikoli 1 u 2
|
|
Artikoli 1 u 2
|
|
Artikolu 3, l-ewwel paragrafu
|
|
Artikolu 3(1)
|
|
Artikolu 3, it-tieni paragrafu
|
|
Artikolu 3(2)
|
|
Artikolu 4, formulazzjoni introduttorja
|
|
Artikolu 4, formulazzjoni introduttorja
|
|
Artikolu 4, l-ewwel inċiż
|
|
Artikolu 4 punt (a)
|
|
Artikolu 4, it-tieni inċiż
|
|
Artikolu 4 punt (b)
|
|
Artikolu 5(1)
|
|
—
|
|
|
Artikolu 2(1)
|
Artikolu 5(1)
|
|
|
Artikolu 2(2)
|
Artikolu 5(2)
|
|
Artikolu 5(2)
|
|
Artikolu 5(3)
|
|
—
|
|
Artikoli 6 u 7
|
|
Artikolu 6
|
|
Artikolu 8
|
|
Anness I u II
|
|
Anness I u II
|
|
—
|
|
Anness III
|
|
—
|
|
Anness IV
|