ANNESS I

REKWIŻITI LI GĦANDHOM JIĠU SODISFATTI MINN VETTURI U SUB-ASSEMBLAĠĠI ELETTRIĊI/ELETTRONIĊI MWAĦĦLA FUQ IL-VETTURA

1.   KAMP TA' APPLIKAZZJONI

1.1.   Din id-Direttiva tapplika għall-kompatibiltà elettro-manjetika ta' vetturi koperti bl-Artikolu 1. Tapplika wkoll għall-unitajiet tekniċi separati, elettriċi u elettroniċi, intiżi biex ikunu immuntati fuq il-vetturi.

2.   DEFINIZZJONIJIET

2.1.   Għall-iskopijiet ta’ din id-Direttiva:

2.1.1.    “Kompatibbiltà elettromanjetika” tfisser l-abilità ta’ vettura jew ta’ komponent/i jew unità/jiet teknika/ċi separata/i li taħdem b’mod sodisfaċenti fl-ambjent elettromanjetiku mingħajr ma tintroduċi interruzzjonijiet elettromanjetiċi intollerabbli għal kwalunkwe ħaġa f’dak l-ambjent.

2.1.2.    “Interruzzjoni elettromanjetika” tfisser kull fenomenu elettromanjetiku li jista’ jiddegrada l-prestazzjoni ta’ vettura jew ta’ komponent/i jew ta’ unità/jiet teknika/ċi separata/i. Interruzzjoni elettromanjetika tista’ tkun ħoss elettromanjetiku, sinjal mhux mixtieq jew bidla fil-mezz tal-propulsjoni nnifsu.

2.1.3.    “Immunità elettromanjetika” tfisser l-abilità ta’ vettura jew komponent/i jew unità/jiet teknika/ċi separata/i li taħdem mingħajr degradazzjoni fil-prestazzjoni, fil-preżenza ta' l-interruzzjonijiet elettromanjetiċi speċifikati.

2.1.4.    “Ambjent elettromanjetiku” tfisser it-totalità tal-fenomeni elettromanjetiċi li jeżistu f’post partikolari.

2.1.5.    “Limitu ta’ referenza” tfisser il-livell nominali li għalih hija ċertifikata l-approvazzjoni tat-tip u l-valuri tal-limitu tal-konformità tal-produzzjoni

2.1.6.    “Antenna ta’ referenza” għall-iskala ta’ frekwenza ta’ bejn 20 sa 80 MHz: tfisser dipoli bilanċjat imqassar li huwa dipoli reżonanti ta' nofs kurva f'80 MHz, u għall-iskala ta' frekwenza 'l fuq minn 80 MHz: tfisser dipoli reżonanti ta’ nofs kurva bilanċjata, issettjat għall-frekwenza ta’ kejl.

2.1.7.    “Emissjoni ta’ frekwenza wiesgħa” tfisser emissjoni li għandha l-wisa’ tal-frekwenza akbar minn dik ta’ l-apparat jew tar-riċevitur partikolari tal-kejl.

2.1.8.    “Emissjoni ta’ frekwenza dejqa” tfisser emissjoni li għandha l-wisa’ tal-frekwenza inqas minn dik ta’ l-apparat jew riċevitur partikolari tal-kejl.

2.1.9.    “Sistema elettrika/elettronika” tfisser mezz(i) jew sett(ijiet) ta' mezzi(i) elettriċi u/jew elettroniċi flimkien ma’ xi konnessjonijiet elettriċi assoċjati li jiffurmaw parti minn vettura imma li mhumiex intiżi li tingħatalhom l-approvazzjoni tat-tip separatament mill-vettura.

2.1.10.    “Sub-assemblaġġ elettriku/elettroniku” (ISE) tfisser mezz jew sett(ijiet) ta' mezzi elettriċi u/jew elettroniċi intiżi li jkunu parti minn vettura, flimkien ma’ xi konnessjonijiet elettriċi u sistemi ta’ fili assoċjati, li għandu funzjoni speċjalizzata waħda jew aktar minn waħda. ISE jista’ jkun approvat fuq talba ta' manifattur jew bħala “komponent” jew bħala “unità teknika separata (UTS)” (ara Artikolu 4(1)(c) tad-Direttiva 2003/37/KE).

Tip ta' vettura fir-rigward tal-kompatibbiltà elettromanjetika tfisser vetturi li mhumiex essenzjalment differenti f’aspetti bħal ma huma:

2.1.11.1.   id-daqs u l-għamla ġenerali tal-kompartiment tal-magna;

2.1.11.2.   l-arranġament ġenerali tal-komponenti elettriċi u/jew elettroniċi u l-arranġament ġenerali tas-sistema tal-fili;

2.1.11.3.   il-materjal primarju li minnu hu magħmul il-karozzerija jew il-qafas (jekk applikabbli) tal-vettura (per eżempju, qafas tal-karozzerija ta’ l-azzar, ta’ l-aluminju jew tal-“ fibreglass ”). Il-preżenza ta’ pannelli ta’ materjal differenti ma jaffettwax it-tip ta’ vettura sakemm il-materjal primarju tal-karozzerija ma jinbidilx. B’dankollu, varjazzjonijiet bħal dawn għandhom ikunu notifikati.

“Tip ta’ ISE” fir-rigward tal-kompatibbiltà elettromanjetika tfisser ISE li mhumiex essenzjalment differenti f’aspetti bħal ma huma:

2.1.12.1.   il-funzjoni magħmula mill-ISE;

2.1.12.2.   l-arranġament ġenerali tal-komponenti elettriċi u/jew elettroniċi, jekk applikabbli.

3.   APPLIKAZZJONI GĦALL-APPROVAZZJONI TAT-TIP TAL-KE

3.1.   Approvazzjoni tat-tip ta’ vettura

3.1.1.   L-applikazzjoni għall-approvazzjoni ta’ tip ta’ vettura, f’dak li għandu x’jaqsam mal-kompatibbiltà elettromanjetika tagħha skond Artikolu 4(1) tad-Direttiva 2003/37/KE għandha tingħata mill-manifattur tal-vettura.

3.1.2.   Mudell għad-dokument ta’ informazzjoni huwa mogħti f’Annes II.

3.1.3.   Il-manifattur tal-vettura għandu jikteb skeda fejn jiddiskrivi proġettazzjoni tat-tagħqid tas-sistemi elettriċi/elettroniċi tal-vettura rilevanti jew l-ISE, l-istili tal-karozzerija (1), il-varjazzjonijiet fil-materjal tal-karozzerija, l-arranġamenti ġenerali tas-sistema tal-fili, il-varjazzjonijiet tal-magna, il-verżjonijiet tas-sewqan jekk hux ta’ steering fuq in-naħa tal-lemin/ix-xellug u verżjonijiet tal-bażi tar-roti. Is-sistemi elettriċi/elettroniċi rilevanti tal-vettura jew l-ISE huma dawk li jistgħu jarmu radjazzjoni ta’ frekwenza wiesgħa jew dejqa u/jew dawk involuti fil-kontroll dirett tas-sewwieq (Ara punt 6.4.2.3) tal-vettura.

3.1.4.   Minn din l-iskeda, bi qbil reċiproku bejn il-manifattur u l-awtorità kompetenti għandha tiġi magħżula vettura rappreżentattiva sabiex tkun verifikata. Din il-vettura għandha tirrapreżenta t-tip ta’ vettura (ara l-Appendiċi 1 ta' Anness II). L-għażla tal-vettura għandha tkun bażata fuq is-sistemi elettriċi/elettroniċi offruti mill-manifattur. Vettura oħra tista’ tkun magħżula minn din l-iskeda sabiex tkun ittestjata, jekk ikun ikkunsidarat, bi qbil reċiproku bejn il-manifattur u l-awtorità kompetenti, li sistemi elettriċi/elettroniċi differenti huma nklużi li x’aktarx għandhom effett sinjifikanti fuq il-kompatibbiltà elettromanjetika tal-vettura meta mqabbla ma' l-ewwel vettura rappreżentattiva.

3.1.5.   L-għażla tal-vettura/i b’konformità mal-punt 3.1.4 hija limitata għat-tagħqid tal-vettura/sistema elettrika/elettronika maħsub għall-produzzjoni attwali.

3.1.6.   Il-manifattur jista’ jżid ma' l-applikazzjoni rapport mit-testijiet li jkunu saru. L-informazzjoni provduta bħal din tista’ tintuża mill-awtorità ta’ l-approvazzjoni sabiex jinkiteb iċ-ċertifikat ta' l-approvazzjoni tat-tip KE.

3.1.7.   Jekk is-servizz tekniku responsabbli għat-testijiet ta’ l-approvazzjoni tat-tip jagħmel it-testijiet hu stess, allura għandha tkun provduta vettura rappreżentattiva tat-tip li għandu ikun approvat, skond il-punt 3.1.4.

3.2.   Approvazzjoni ta’ tip ta’ ISE

3.2.1.   L-applikazzjoni għall-approvazzjoni ta’ tip ta’ ISE, f’dak li għandu x’jaqsam mal-kompatibbiltà elettromanjetika tiegħu skond Artikolu 4(1) tad-Direttiva 2003/37/KE għandha tkun preżentata mill-manifattur tal-vettura jew mill-manifattur ta' l-ISE.

3.2.2.   Mudell għad-dokument ta’ informazzjoni huwa stabbilit fl-Anness III.

3.2.3.   Il-manifattur jista’ jżid ma' l-applikazzjoni rapport mit-testijiet li jkunu saru. L-informazzjoni provduta bħal din tista’ tintuża mill-awtorità ta’ l-approvazzjoni sabiex jinkiteb iċ-ċertifikat ta' l-approvazzjoni tat-tip.

3.2.4.   Jekk is-servizz tekniku responsabbli mit-testijiet ta’ l-approvazzjoni tat-tip jagħmel it-testijiet hu stess, allura għandu jkun ipprovdut kampjun rappreżentattiv tas-sistema ISE li għandha tkun approvata, jekk ikun hemm bżonn, wara diskussjoni mal-manifattur dwar, per eżempju, il-varjazzjonijiet possibbli tat-tqassim, in-numru ta’ komponenti, u n-numru ta' “ sensors ”. Jekk is-servizz tekniku jikkunsidra li jkun hemm il-bżonn, dan jista’ jagħżel kampjun ieħor.

3.2.5.   Il-kampjun/i għandu/hom jkun/u mmarkat/i, b’mod ċar u li ma jitħassarx, bl-isem jew il-marka tan-negozju tal-manifattur u bid-deskrizzjoni tat-tip.

3.2.6.   Meta jkun japplika, għandha tkun identifikata kull restrizzjoni ta’ l-użu. Restrizzjonijiet bħal dawn għandhom jiġu nklużi fid-dokumenti ta' informazzjoni f’Annessi III u/jew iċ-ċertifikat ta' approvazzjoni kif preżentat fl-Anness V.

4.   APPROVAZZJONI TAT-TIP

4.1.   Rotot għall-approvazzjoni tat-tip

4.1.1.   Approvazzjoni tat-tip ta’ vettura

Ir-rotot alternattivi li ġejjin għall-approvazzjoni tat-tip ta’ vettura jistgħu jintużaw bid-diskrezzjoni tal-manifattur tal-vettura.

4.1.1.1.   Approvazzjoni ta’ l-installazzjoni ta’ vettura

Installazzjoni ta’ vettura tista’ tikseb l-approvazzjoni tat-tip direttament billi wieħed isegwi d-dispożizzjonijiet stabbiliti fil-punt 6. Jekk il-manifattur tal-vettura jagħżel din ir-rotta, m'hemmx bżonn li jsir test tas-sistemi elettriċi/elettroniċi jew l-ISE.

4.1.1.2.   Approvazzjoni tat-tip ta’ vettura bit-test ta’ l-ISE individwali

Manifattur ta’ vettura jista’ jikseb l-approvazzjoni għall-vettura billi juri lill-awtorità ta' l-approvazzjoni li s-sistemi elettriċi/elettroniċi (ara l-punt 3.1.3) jew l-ISE rilevanti kollha ġew approvati individwalment skond din id-Direttiva u ġew stallati skond il-kundizzjonijiet mehmuża magħha.

4.1.1.3.   Manifattur, jekk ikun jixtieq, jista' jikseb l-approvazzjoni skond din id-Direttiva jekk il-vettura m'għandha l-ebda tagħmir tat-tip li m'għandux bżonn it-testijiet ta' l-immunità jew ta' l-emissjoni. Il-vettura m'għandhiex ikollha sistemi kif speċifikat fil-punt 3.1.3 (immunità) u tagħmir ta' bidu ta’ tħaddim bi spark-ignition. Approvazzjonijiet bħal dawn m’għandhomx bżonn ta’ test.

4.1.2.   Approvazzjoni tat-tip għal-ISE

L-approvazzjoni tat-tip tista’ tingħata għal ISE li għandha tkun imwaħħla jew ma' kwalunkwe tip ta' vettura, jew ma' tip jew tipi speċifiċi ta' vettura mitluba mill-manifattur. L-ISE involuti fil-kontroll dirett ta’ vetturi normalment jirċievu l-approvazzjoni tat-tip b’assoċjazzjoni ma’ manifattur ta' vettura.

4.2.   L-għoti ta' approvazzjoni tat-tip

4.2.1.   Vettura

4.2.1.1.   Jekk il-vettura rappreżentattiva tissodisfa r-rekwiżiti ta’ din id-Direttiva, għandha tingħata l-approvazzjoni tat-tip tal-KE skond Artikolu 4 tad-Direttiva 2003/37/KE.

4.2.1.2.   Mudell taċ-ċertifikat ta’ l-approvazzjoni tat-tip tal-KE huwa mogħti f’Anness IV.

4.2.2.   ISE

4.2.2.1.   Jekk is-sistema/i ta’ ISE rappreżentattiva tissodisfa r-rekwiżiti ta’ din id-Direttiva, għandha tingħata l-approvazzjoni tat-tip tal-KE skond Artikolu 4 tad-Direttiva 2003/37/KE.

4.2.2.2.   Mudell taċ-ċertifikat ta’ l-approvazzjoni tat-tip tal-KE huwa mogħti f’Anness V.

4.2.3.   Sabiex jinkitbu ċ-ċertifikati li hemm referenza għalihom fil-punti 4.2.1.2 jew 4.2.2.2, l-awtorità kompetenti ta' l-Istat Membru li toħroġ l-approvazzjoni tista’ tuża’ rapport preparat minn laboratorju approvat jew rikonoxxut jew skond id-dispożizzjonijiet ta’ din id-Direttiva.

4.3.   Emendi għall-approvazzjonijiet

4.3.1.   Fil-każ ta’ emendi ta’ l-approvazzjonijiet mogħtija skond din id-Direttiva, għandhom japplikaw id-dispożizzjonijiet ta’ Artikolu 5(2) u (3) tad-Direttiva 2003/37/KE.

4.3.2.   Emenda ta’ l-approvazzjoni tat-tip ta’ vettura b’żieda jew sostizzuzzjoni ta’ ISE.

4.3.2.1.   Meta manifattur ta’ vettura jkun kiseb l-approvazzjoni għall-installazzjoni ta’ vettura u jkun jixtieq li jwaħħal sistema elettrika/elettronika jew ISE addizzjonali jew ta’ sostituzzjoni li tkun diġa rċeviet l-approvazzjoni skond din id-Direttiva, u li jkun ser jiġi stallat skond il-kundizzjonijietikollha mehmuża magħha, l-approvazzjoni tal-vettura tista’ tkun emendata mingħajr testijiet oħrajn. Għall-iskopijiet tal-konformità tal-produzzjoni, s-sistemi elettriċi/elettroniċi jew l-ISE addizzjonali jew ta' sostituzzjoni għandu jkun kunsidrat bħala parti mill-vettura

4.3.2.2.   Meta l-parti(jiet) addizzjonali jew ta' sostituzzjoni ma tkunx (ma jkunux) irċevew l-approvazzjoni skond din id-Direttiva, u jekk ikun kunsidrat li hemm bżonn ta’ test, il-vettura kollha għandha tkun kunsidrata li tkun konformi jekk jista’ jintwera li l-parti(jiet) ġdida jew riveduta tkun konformi mar-rekwiżiti tal-punt 6, jew, jekk fit-test komparattiv, jista’ jintwera li l-parti l-ġdida m’għandhiex tendenza li taffettwa b'mod żvantaġġuż il-konformità tat-tip ta' vettura.

4.3.2.3.   Iż-żieda, min-naħa tal-manifattur, ma’ vettura approvata, domestiku jew kummerċjali standard, barra t-tagħmir ta' komunikazzjoni li jista' jiċċaqlaq (2) li jikkonforma mad-Direttiva 2004/108/KE, u li hu stallat skond ir-rakkomandazzjoni tal-manifattur tat-tagħmir u tal-vettura, jew is-sostituzzjoni jew it-tneħħija tiegħu, m'għandhiex tinvalida l-approvazzjoni tal-vettura. Dan m’għandux jipprekludi lill-manifattur tal-vettura milli jwaħħal it-tagħmir ta’ komunikazzjoni b’linji gwida ta’ stallazzjoni adattati żviluppati mill-manifattur u/jew il-manifattur(i) ta’ dan it-tagħmir ta' komunikazzjoni. Il-manifattur tal-vettura għandu jipprovdi evidenza (jekk dan ikun mitlub mill-awtorità tat-test) li l-eżekuzzjoni tal-vettura mhix affettwata b'mod żvantaġġuż bi transmittenti bħal dawn. Dan jista' jkun prospett li l-livelli ta' qawwa u ta' l-installazzjoni jkunu tali li l-livelli ta' immunità ta' din id-Direttiva joffru protezzjoni biżżejjed meta jkun hemm biss trasmissjoni, jiġifieri li jeskludi trasmissjoni b'konnessjoni mat-testijiet speċifikati fil-punt 6. Din id-Direttiva ma tawtorizzax l-użu ta' tranżmittent ta' komunikazzjoni meta japplikaw ir-rekwiżitil-oħra għal tagħmir bħal dan jew għall-użu tiegħu. Manifattur ta’ vettura jista’ jirrifjuta li jistalla fil-vettura tiegħu tagħmir domestiku jew kummerċjali standard li huwa mħares mid-Direttiva 2004/104/KE.

5.   IMMARKAR

5.1.   Kull ISE li jkun konformi ma’ tip approvat skond din id-Direttiva għandu jġorr il-marka ta’ l-approvazzjoni tat-tip tal-KE ta' komponent.

5.2.   Din il-marka għandha tikkonsisti f’rettangolu li jdawwar l-ittra “e” segwit bin-numri distintivi ta' l-Istati Membri li jkunu ħarġu l-approvazzjoni tat-tip KE:

1 għall-Ġermanja; 2 għall-Franza; 3 għall-Italja; 4 għall-Olanda; 5 għall-Isvezja; 6 għall-Belġju; 7 għall-Ungerija’ 8 għar-Repubblika Ċeka; 9 għall-Spanja; 11 għar-Renju Unit; 12 għall-Awstrija; 13 għall-Lussemburgu; 17 għall-Finlandja; 18 għad-Danimarka; 19 għar-Rumanija; 20 għall-Polonja; 21 għall-Portugall; 23 għall-Greċja; 24 għall-Irlanda; 26 għas-Slovenja; 27 għas-Slovakkja; 29 għall-Estonja; 32 għal-Latvja; 34 għall-Bulgarija 36 għal-Litwanja; 49 għal Ċipru; 50 għal Malta.

Għandha wkoll tinkludi qrib tar-rettangolu in-numru sekwenzjali ta’ erba’ numri (b' numri żero fil-bidu, kif applikabbli) — minn hawn ‘il quddiem imsejjah “in-numru bażi ta’ l-approvazzjoni” — kif jidher fis-Sezzjoni 4 tan-numru li jidher fl-approvazzjoni tat-tip fuq iċ-ċertifikat ta’ l-approvazzjoni tat-tip tal-KE għal kull tip ta’ mezz konċernat (ara Anness V), preċedut b’żewġ numri li jindikaw in-numru tas-sekwenza assenjat lill-emenda teknika ewlenija l-aktar reċenti għad-Direttiva 75/322/KEE kif sostitwita b'din id-Direttiva fid-data li tkun inħarġet l-approvazzjoni tat-tip ta' komponent KE.

5.3.   Il-marka ta’ l-approvazzjoni tat-tip tal-KE għandha tkun imwaħħa mal-parti prinċipali ta' l-ISE (eż. l-unità ta' kontroll elettroniku) b'tali mod li tkun tista' tinqara b'mod ċar u li ma jitħassarx.

5.4.   Eżempju tal-marka ta’ l-approvazzjoni tat-tip tal-KE tidher f’Appendiċi 7.

5.5.   M' hemm bżonn ta’ l-ebda marka għal sistemi elettriċi/elettroniċi inklużi fit-tipi ta' vetturi approvati b'din id-Direttiva.

5.6.   Il-marki fuq l-ISE b’konformità mal-punt 5.3 jistgħu ma jkunux viżibbli meta l-ISE jkun stallat fuq il-vettura.

6.   SPEĊIFIKAZZJONIJIET

6.1.   Speċifikazzjoni ġenerali

6.1.1.   Vettura (u s-sistema/i elettriċi/elettroniċi jew ISE tagħha) għandha tkun disinjata, mibnija u mgħammra b’tali mod li tippermetti li l-vettura, f'kundizzjonijet normali ta’ l-użu, tkun konformi mar-rekwiżiti ta’ din id-Direttiva.

6.2.   Speċifikazzjonijiet li jikkonċernaw ir-radjazzjoni elettromanjetika ta' frekwenza wiesgħa minn vetturi mgħammra bi spark-ignition.

6.2.1.   Metodu ta’ kejl

Ir-radjazzjoni elettromanjetika ġġenerata mill-vettura rappreżentattiva tat-tip tagħha għandha tkun imkejla bl-użu tal-metodu deskritt f’Anness VI f’wieħed mid-distanzi definiti ta’ l-antenna. L-għażla għandha ssir mill-manifattur tal-vettura.

6.2.2.   Limiti ta’ referenza ta’ firxa ta’ frekwenza wiesgħa ta’ vettura

6.2.2.1.   Jekk il-kejl isir bl-użu tal-metodu deskrtitt f’Anness VI bl-użu ta’ spazju mill-vettura sa’ l-antenna ta’ 10,0 ± 2 m, il-limiti ta’ referenza ta’ radjazzzjoni għandhom ikunu 34 dB mikrovolti/m (50 mikrovolti/m) fil-firxa ta’ frekwenza bejn 30 sa 75 MHz u 34 sa 45 dB mikrovolti/m (50 to 180 mikrovolti/m) fil-firxa ta’ frekwenza bejn 75 sa 400 MHz, meta dan il-limitu jiżdied b'mod logaritmiku (lineari) ma' frekwenzi 'l fuq minn 75 MHz kif jidhru f’Appendiċi 1 ta' dan l-Anness. Fil-firxa ta’ frekwenza bejn 400 sa 1 000 MHz il-limitu jibqa’ kostanti għal 45 dB mikrovolti/m (180 mikrovolti/m).

6.2.2.2.   Jekk il-kejl isir bl-użu tal-metodu deskritt f’Anness VI bl-użu ta’ spazju mill-vettura sa’ l-antenna ta’ 3,0 ± 0,05 m, il-limiti ta’ referenza ta’ radjazzzjoni għandhom ikunu 44 dB mikrovolti/m (160 mikrovolti/m) fil-firxa ta’ frekwenza bejn 30 sa 75 MHz u 44 sa 55 dB mikrovolti/m (160 to 562 mikrovolti/m) fil-firxa ta’ frekwenza bejn 75 sa 400 MHz, meta dan il-limitu jiżdied b'mod logaritmiku (lineari) ma' frekwenzi 'l fuq minn 75 MHz kif jidhru f’Appendiċi 2 ta' dan l-Anness. Fil-firxa ta’ frekwenza bejn 400 sa 1 000 MHz il-limitu jibqa’ kostanti għal 55 dB mikrovolti/m (562 mikrovolti/m).

6.2.2.3.   Fuq il-vettura rappreżentattiva tat-tip tagħha, il-valuri mkejla, espressi f'dB mikrovolti/m, (mikrovolti/m), għandhom ikunu ta’ l-anqas 2,0 dB (20 %) taħt il-limiti ta’ referenza.

6.3.   Speċifikazzjonijiet li jikkonċernaw ir-radjazzjoni elettromanjetika ta’ firxa ta’ frekwenza dejqa minn vettura.

6.3.1.   Metodu ta’ kejl

Ir-radjazzjoni elettromanjetika ġenerata mill-vettura rappreżentattiva tat-tip tagħha għandha tkun imkejla bl-użu tal-metodu deskritt f’Anness VII f’wieħed mid-distanzi definiti ta’ l-antenna. L-għażla għandha ssir mill-manifattur tal-vettura.

6.3.2.   Limiti ta’ referenza ta’ firxa ta’ frekwenza dejqa ta’ vettura

6.3.2.1.   Jekk il-kejl isir bl-użu tal-metodu deskrtitt f’Anness VII bl-użu ta’ spazju mill-vettura sa’ l-antenna ta’ 10,0 ± 0,2 m, il-limiti ta’ referenza ta’ radjazzzjoni għandhom ikunu 24 dB mikrovolti/m (16 mikrovolti/m) fil-firxa ta’ frekwenza bejn 30 sa 75 MHz u 24 sa 35 dB mikrovolti/m (6 sa 56 mikrovolti/m) fil-firxa ta’ frekwenza bejn 75 sa 400 MHz, meta dan il-limitu jiżdied b'mod logaritmiku (lineari) ma' frekwenzi 'l fuq minn 75 MHz kif jidhru f’Appendiċi 3 ta' dan l-Anness. Fil-firxa ta’ frekwenza bejn 400 sa 1 000 MHz il-limitu jibqa’ kostanti għal 35 dB mikrovolti/m (56 mikrovolti/m).

6.3.2.2.   Jekk il-kejl isir bl-użu tal-metodu deskrtitt f’Anness VII bl-użu ta’ spazju mill-vettura sa’ l-antenna ta’ 3,0 ± 0,05 m, il-limiti ta’ referenza ta’ radjazzzjoni għandhom ikunu 34 dB mikrovolti/m (50 mikrovolti/m) fil-firxa ta’ frekwenza bejn 30 sa 75 MHz u 34 sa 45 dB mikrovolti/m (50 to 180 mikrovolti/m) fil-firxa ta’ frekwenza bejn 75 sa 400 MHz, meta dan il-limitu jiżdied b'mod logaritmiku (lineari) ma' frekwenzi 'l fuq minn 75 MHz kif jidhru f’Appendiċi 4 ta' dan l-Anness. Fil-firxa ta’ frekwenza bejn 400 sa 1 000 MHz il-limitu jibqa’ kostanti għal 45 dB mikrovolti/m (180 mikrovolti/m).

6.3.2.3.   Fuq il-vettura rappreżentattiva tat-tip tagħha, il-valuri mkejla, espressi f'dB mikrovolti/m, (mikrovolti/m), għandhom ikunu ta’ l-anqas 2,0 dB (20 %) taħt il-limitu ta’ referenza.

6.3.2.4.   Minkejja l-limiti definiti fil-punt 6.3.2.1, 6.3.2.2 u 6.3.2.3 ta’ dan l-Anness, jekk, matul il-pass inizzjali deskritt fil-punt 1.3 Ata' l-Anness VII, is-saħħa tas-sinjal imkejla fl-antenna tar-radju tax-xandir tal-vettura tkun inqas minn 20 dB mikrovolti/m (10 mikrovolti/m) ‘l fuq mill-iskala ta’ frekwenza ta’ 88 sa 108 MHz, allura l-vettura għandha tkun kkunsidarata li tkun konformi mal-limiti għall-emissjonijiet ta’ firxa ta’ frekwenza dejqa u m’għandux ikun hemm il-bżonn ta' aktar testijiet.

6.4.   Speċifikazzjonijiet li jikkonċernaw l-immunità ta’ vettura għal radjazzjoni elettromanjetika.

6.4.1.   Metodu ta' l-ittesjar

L-immunità għal radjazzjoni elettromanjetika tal-vettura rappreżentattiva tat-tip tagħha għandha tkun ittestjata bil-metodu deskritt f’Anness VIII.

6.4.2.   Limiti ta’ referenza ta’ l-immunità ta’ vettura.

6.4.2.1.   Jekk it-testijiet jsiru bl-użu tal-metodu deskritt f’Anness VIII, il-livell ta' referenza tas-saħħa tal-kamp għandu jkun 24 volts/m rms fuq aktar minn 90 % tal-firxa ta’ frekwenza ta’ 20 sa 1 000 MHz u 20 volts/m rms fuq it-totalità tal-firxa ta’ frekwenza 20 sa 1 000 MHz.

6.4.2.2.   Il-vettura rappreżentattiva tat-tip tagħha għandha tkun ikkunsidrata li tkun konformi mar-rekwiżitita’ l-immunità, jekk, matul it-testijiet mwettqa skond Anness VIII, b’referenza għall-qawwa ta’ kamp, espressa f’volti/m, ta’ 25 % l'fuq mil-livell ta' referenza, m'għandux ikun hemm bidla mhux normali fil-veloċità tar-roti misjuqa tal-vettura, l-ebda degradazzjoni ta’ l-eżekuzzjoni li tista’ tikkawża konfużjoni għal min ikun qed juża t-triq, u l-ebda degradazzjoni fil-kontroll dirett tas-sewwieq li tista’ tkun osservata mis-sewwieq jew minn min ikun qed juża t-triq.

6.4.2.3.   Il-kontroll dirett tas-sewwieq tal-vettura huwa eżerċitat permezz ta’, per eżempju, il-kontroll ta' l-isteering, tal-brejkijiet jew tal-veloċità tal-magna.

6.5.   Speċifikazzjoni li tikkonċerna l-interferenza elettromanjetika ta’ firxa ta’ frekwenza wiesgħa ġġenerata minn ISE.

6.5.1.   Metodu ta’ kejl

Ir-radjazzjoni elettromanjetika ġġenerata mill-ISE rappreżentattiv tat-tip tiegħu għandha tkun mkejla bil-metodu deskritt f’Anness X.

6.5.2.   Limiti ta’ referenza ta’ firxa ta’ frekwenza wiesgħa ta’ ISE

6.5.2.1.   Jekk il-kejl isir bl-użu tal-metodu deskritt f’Anness IX, il-limiti ta’ referenza tar-radjazzjoni għandhom ikunu minn 64 sa 54 dB mikrovolti/m (1 600 sa 500 mikrovolti/m) fil-firxa ta’ frekwenza minn 30 sa 75 MHz, meta dan il-limitu jonqos b’mod logaritmiku (lineari) ma’ frekwenzi ‘l fuq minn 30 MHz, u minn 54 sa 65 dB mikrovolti/m (500 sa 1 800 mikrovolti/m) fil-firxa minn 75 sa 400 MHz, meta dan il-limitu jiżdied b’mod logaritmiku (lineari) ma’ frekwenzi ‘l fuq minn 75 MHz kif jidher f’Appendiċi 5 ta' dan l-Anness. Fil-firxa ta’ frekwenza bejn 400 sa 1 000 MHz il-limitu jibqa’ kostanti għal 65 dB mikrovolti/m (1 800 mikrovolti/m).

6.5.2.2.   Fuq l-ISE rappreżentattiv tat-tip tiegħu, l-valuri mkejla, espressi f'dB mikrovolti/m, (mikrovolti/m), għandhom ikunu ta’ l-anqas 2,0 dB (20 %) taħt il-limit ta’ referenza.

6.6.   Speċifikazzjoni li tikkonċerna l-interfereneza elttromanjetika ta’ firxa ta’ frekwenza dejqa ġenerata minn ISE.

6.6.1.   Metodu ta’ kejl

Ir-radjazzjoni elettromanjetika ġenerata mill-ISE rappreżentattiv tat-tip tiegħu għandha tkun imkejla bil-metodu deskritt f’Anness X.

6.6.2.   Limiti ta’ referenza ta’ firxa ta’ frekwenza dejqa ta’ ISE

6.6.2.1.   Jekk il-kejl isir bl-użu tal-metodu deskritt f’Anness X, il-limiti ta’ referenza ta’ radjazzjoni għandhom ikunu minn 54 sa 44 dB mikrovolti/m (500 sa 160 mikrovolti/m) fil-firxa ta’ frekwenza minn 30 sa 75 MHz, meta dan il-limitu jonqos b’mod logaritmiku (lineari) ma’ frekwenzi ‘l fuq minn 30 MHz, u minn 44 sa 55 dB mikrovolti/m (160 sa 560 mikrovolti/m) fil-firxa minn 75 sa 400 MHz, meta dan il-limitu jiżdied b’mod logaritmiku (lineari) ma’ frekwenzi ‘l fuq minn 75 MHz kif jidher f’Appendiċi 6 ta' dan l-Anness. Fil-firxa ta’ frekwenza bejn 400 sa 1 000 MHz il-limitu jibqa’ kostanti għal 55 dB mikrovolti/m (560 mikrovolti/m).

6.6.2.2.   Fuq l-ISE rappreżentattiv tat-tip tiegħu, l-valur mkejjel, espress f'dB mikrovolti/m, (mikrovolti/m), għandhom ikunu ta’ l-anqas 2,0 dB (20 %) taħt il-limit ta’ referenza.

6.7.   Speċifikazzjonijiet li jikkonċernaw l-immunità ta’ ISE għal radjazzjoni elettromanjetika.

6.7.1.   Metodu/i ta' l-ittesjar

L-immunità għal radjazzjoni elettromanjetika ta’ l-ISE rappreżentattiv tat-tip tiegħu għandha tkun ittestjata bil-metodu deskritt f’Anness XI.

6.7.2.   Limiti ta’ referenza ta’ l-immunità ta’ l-ISE.

6.7.2.1.   Jekk it-testijiet jsiru bl-użu tal-metodi deskritti f’Anness XI, il-livelli ta’ referenza tat-test ta’ l-immunità għandhom ikunu 48 volt/m għall-metodu ta’ test stripline ta’ 150 mm, 12 volt/m għall-metodu ta’ test stripline ta’ 800 mm, 60 volt/m għall-metodu ta’ test ‘TEM(transverse electromagnetic mode) cell’, 48 mA għall-metodu ta’ test ta’ l-injezzjoni ta’ kurrent qawwi (BCI) u 24 volt/m għall-metodu ta’ test ta’ kamp ħieles.

6.7.2.2.   Fuq l-ISE rappreżentattiv tat-tip tiegħu f’saħħa jew kurrent ta’ kamp espress kif xieraq f’unitajiet lineari 25 % ‘l fuq mil-limitu ta' referenza, l-ISE m'għandux juri nuqqas ta' tħaddim tajjeb li kieku jikkawża xi degradazzjoni ta' l-eżekuzzjoni li tkun tista' tikkawża konfużjoni għal min ikun qed juża t-triq jew xi degradazzjoni fil-kontroll dirett tas-sewwieq tal-vettura li tkun mgħammra bis-sistema, li tista’ tkun osservata mis-sewwieq jew minn min ikun qed juża t-triq.

7.   KONFORMITÀ TAL-PRODUZZJONI

7.1.   Il-konformità tal-produzzjoni fir-rigward tal-kompatibbiltà elettromanjetika tal-vettura jew ta' komponent jew unità teknika separata għandha tkun vverifikata fuq il-bażi ta' l-informazzjoni li tkun tinsab fiċ-ċertifikat ta' l-approvazzjoni tat-tip KE mogħti f’Anness IV u/jew f'Anness V kif xieraq.

7.2.   Jekk il-konformità ta’ vettura, komponent jew UTS meħud mis-serje li jkun ittestjat, il-produzzjoni għandha tkun meqjusa li tkun konformi mar-rekwiżiti ta’ din id-Direttiva fir-rigward ta’ l-emissjonijiet radjati ta’ firxa ta' frekwenza wiesgħa u l-emissjonijiet radjati ta' firxa ta' frekwenza dejqa, jekk il-livelli mkejla ma' jeċċedux b'aktar minn 2dB, (25 %) il-limiti ta’ referenza stabbiliti fil-punti 6.2.2.1, 6.2.2.2, 6.3.2.1 u 6.3.2.2 (kif xieraq).

7.3.   Jekk qed tkun verifikata l-konformità ta’ vettura, komponent jew UTS meħud mis-serje, il-produzzjoni għandha titqies li hi konformi mar-rekwiżiti ta’ din id-Direttiva f' relazzjoni ma' l-immunità għar-radjazzjoni elettromanjetika, jekk il-vettura, komponent jew UTS ma juri l-ebda degradazzjoni relatata mal-kontroll dirett tal-vettura li tista' tkun osservata mis-sewwieq jew minn xi ħadd li jkun qed juża t-triq meta l-vettura, l-komponent jew UTS huwa fl-istat definit f’Anness VIII, il-punt 4 u b'referenza għal qawwa ta' kamp, espress f'volti/m, sa 80 % tal-limiti ta' referenza stabbiliti fil-punt 6.4.2.1 ta’ dan l-Anness.

8.   EĊĊEZZJONIJIET

8.1.   Meta vettura jew sistema elettrika/elettronika jew ISE ma tinkludix oxxillatur elettroniku bi frekwenza tat-tħaddim akbar minn 9 kHz, għandha tkun ikkunsidarata li tkun konformi mal-punt 6.3.2 jew 6.6.2 ta’ dan l-Anness u ma’ l-Annessi VII u X.

8.2.   Il-vetturi li m’għandhomx sistemi elettriċi/elettroniċi jew ISE involuti fil-kontroll dirett tal-vettura m’għandhomx bżonn jiġu ittestjati għall-immunità u għandhom jiġu kkunsidrati li jkunu konformi mal-punt 6.4 ta’ dan l-Anness u ma’ l-Anness VIII.

8.3.   L-ISE li l-funzjonijiet tagħhom mhumiex involuti mal-kontroll dirett tal-vettura m’għandhomx bżonn jiġu ittestjati għall-immunità u għandhom jiġu kkunsidrati li jkunu konformi mal-punt 6.7 ta’ dan l-Anness u ma’ l-Anness XI.

8.4.   Il-ħruġ ta’ ċarġ elettrostatiku

Għall-vetturi mgħammra b’tyres, il-karozzerija/chassis tal-vettura jista’ jkun kunsidrat bħala struttura elettrikament iżolata. Forzi elettrostatiċi sinjifikanti f’relazzjoni ma' l-ambjent estern tal-vettura jidhru biss fil-mument meta l-okkupant jidħol jew joħroġ mill-vettura. Peress li f'dawn il-mumenti l-vettura tkun wieqfa, m'hemm bżonn ta' l-ebda approvazzjoni tat-tip għal ħruġ ta' ċarġijiet elettrostatiċi.

8.5.   Kurrenti qosra trasmessi

Peress li waqt is-sewqan normali, ma jsiru l-ebda konnessjonijiet elettriċi esterni ma’ vetturi, ma jiġu ġġenerati l-ebda kurrenti qosra f’relazzjoni ma' l-ambjent estern. Ir-responsabbiltà biex jkun assigurat li t-tagħmir jista’ jittollera l-kurrenti qosra trasmessi ġo vettura, e.g. minħabba qlib fit-tagħbija u l-interazzjoni bejn sistemi, taqa’ fuq il-manifattur. M’hemm bżonn ta’ l-ebda approvazzjoni tat-tip għal kurrenti qosra trasmessi.

(1)  Jekk applikabbli.

(2)  Per eżempju: telefon tar-radju u radju tal-medda taċ-ċittadini.

ANNESS II

Id-Dokument ta' l-Informazzjoni Nru … permezz ta' l-Anness I tad-Direttiva 2003/37/KE dwar l-approvazzjoni tat-tip KE ta' trattur għall-agrikoltura jew għall-forestrija dwar il-kompatibbiltà elettromanjetika

0.   Ġenerali

0.1.   Għamla(iet) (trade-mark irreġistrata mill-manifattur):

0.2.   Tip (speċifika xi varjanti u verżjonijiet):

Mezzi ta’ l-identifikazzjoni tat-tip, jekk immarkali fuq it-trattur:

0.3.1.   Pjanċa tal-manifattur (lokazzjoni u metodu tat-twaħħil):

0.4.   Kategorija tal-vettura:

0.5.   L-isem u l-indirizz tal-manifattur:

0.8.   L-isem(ismijiet) u l-indirizz(i) ta’ l-impjant(i) ta’ l-immuntar:

1.   Karatteristiċi ġenerali tal-kostruzzjoni tal-vettura

Ritratti(i) u/jew disinji ta’ vettura rappreżentattiva:

1.2.   Il-pożizzjoni u l-arranġament tal-magna

3.   Magna

3.1.2.   Tip u deskrizzjoni kummerċjali tal-magna ewlenija bħala mudell (kif immarkat fuq il-magna jew mezzi oħra ta’ l-identifikazzjoni):

3.1.4.   L-isem u l-indirizz tal-manifattur:

Prinċipju ta’ tħaddim:

3.2.1.6.   Numru u arranġement taċ-ċilindri:

3.2.1.9.   Torque massimu: … min–1

Forniment tal-karburanti

3.2.3.1.   Pompa tal-forniment

Pressjoni (2) jew disinn tal-karatteristiċi … kPa

Sistema ta’ l-injezzjoni

3.2.4.2.1.   Deskrizzjoni tas-sistema:

3.2.5.   Funzjonijiet ta’ kontroll elettroniku

Deskrizzjoni tas-sistema:

Sistema elettrika

3.11.1.   Voltaġġ nominali …, earth pożittiv/negattiv (1)

Ġeneratur

3.11.2.1.   Tip:

3.11.2.2.    Rated power: VA

4.   Trasmissjoni

Tip (mekkaniku, idrawliku, elettriku, eċċ.)

4.2.1.   Deskrizzjoni qasira tal-komponenti elettriċi/elettroniċi (jekk ikun hemm):

6.   Sospensjoni (meta applikabbli)

6.2.2.   Deskrizzjoni qasira tal-komponenti elettriċi/elettroniċi (jekk ikun hemm):

7.   Steering

7.2.2.1.   Deskrizzjoni qasira tal-komponenti elettriċi/elettroniċi (jekk ikun hemm):

7.2.6.   Firxa u metodu ta’ aġġustament, jekk ikun hemm, tal-kontroll ta’ l-isteering:

8.   Brejkijiet

8.5.   Għal tratturi b’sistemi ta’ brejkijiet anti-lock, deskrizzjoni tas-sistema tat-tħaddim (inklużi l-partijiet elettroniċi), disinn tal-blokk elettriku, disinn taċ-ċirkwit idrawliku jew pnewmatiku:

9.   Firxa ta’ vista, ħġieġ, windscreen wipers u mirja li jura wara

Ħġieġ:

9.2.3.4.   Deskrizzjoni qasira tal-komponenti elettriċi/elettroniċi (jekk ikun hemm) tal-mekkaniżmu li jħaddem it-tieqa tal-ġenb:

9.3.   Windscreen wipers:

Deskrizzjoni teknika:

Mirja li juru wara (pożizzjoni ta’ kull waħda):

9.4.6.   Deskrizzjoni qasira tal-komponenti elettriċi/elettroniċi (jekk ikun hemm) tas-sistema ta’ l-aġġustar:

Defrosting u demisting:

9.5.1.   Deskrizzjoni teknika:

10.   Stutturi ta’ protezzjoni kontra t-tgerbib, protezzjoni kontra t-temp, sedili, pjattaformi tat-tagħbija

Sedili u footrests

10.3.1.4.   Pożizzjoni u karatterstiċi prinċipali:

10.3.1.5.   Sistema ta’ l-aġġustament:

10.3.1.6.    Displacement u sistemi ta’ l-għeluq:

Sopressjoni ta’ l-interferenza tar-radju

10.5.1.   Deskrizzjoni u disinji/ritratti tal-forma u l-materjali kostitwenti tal-parti tal-korp li tifforma l-kompartiment tal-magna u l-partijiet fil-qrib tal-kompartiment tal passiġġieri:

10.5.2.   Disinji jew ritratti tal-pożizzjoni tal-komponenti tal-metall li jinsabu fil-kompartiment tal-magna (p.e. apparat tas-sħana, rota spare, filtru ta’ l-arja, mekkaniżmu ta l-isteering, eċċ.):

10.5.3.   Tabella u disinn tat-tagħmir li jikkontrolla l-interferenza tar-radju:

10.5.4.   Partikolaritajiet u valur nominali tar-resistenzi tal-kurrent dirett, u fil-każ ta’ cables ta’ ignition reżistenti, tar-reżistenza nominali tagħhom kull metru:

11.   Dawl u mekkaniżmi tas-sinjali bid-dawl

11.3.   Deskrizzjoni qasira tal-komponenti elettriċi/elettroniċi apparti milli għall-lampi (jekk ikun hemm):

12.   Mixxellanju

12.8.   Deskrizzjoni ta’ l-on-board electronics għat-tħaddim u l-kontroll tal-vettura mgħobbija jew irmonkata:

(1)  Ħassar fejn ma japplikax.

(2)  Iddikjara l-valuri minimi.

ANNESS III

Id-Dokument ta' l-Informazzjoni Nru … dwar l-approvazzjoni tat-tip KE ta' sub-assembly elettrika/elettronika f'dak li jirrigwardja l-kompattibiltà elettro-manjetika (Direttiva 2009/64/KE)

0.   ĠENERALI

0.1.   Għamla (l-isem kummerċjali tal-manifattur):

0.2.   Tip u deskrizzjoni(jiet) kummerċjali ġenerali:

0.5.   L-isem u l-indirizz tal-manifattur:

0.7.   Fil-każ ta’ komponenti jew unitajiet tekniċi separati, il-lok u l-metodu tat-twaħħil tal-marka ta’ l-approvazzjoni tat-tip tal-KE:

0.8.   L-indirizz(i) ta’ l-impjant(i) ta’ fejn isir l-assemblaġġ:

1.   DAN L-ISE GĦANDU JKUN APPROVAT BĦALA KOMPONENT/UTS (1)

2.   KWALUNKWE RESTRIZZJONI GĦALL-UŻU U R-REKWIŻITI TAT-TWAĦĦIL:

(1)  Aqta' fejn mhux applikabbli.

ANNESS IV

MUDELL

(format massimu) A4 (210 × 297 mm))

IĊ-ĊERTIFIKAT TA' L-APPROVAZZJONI TAT-TIP KE

“VETTURA”

Komunikazzjoni li tikkonċerna-:

ta’ tip ta’ vettura fir-rigward tad-Direttiva 2009/64/KE.

Numru ta’ l-approvazzjoni tat-tip:

Raġuni għall-estensjoni:

SEZZJONI I

0.1.   Għamla (l-isem kummerċjali tal-manifattur):

0.2.   Tip u deskrizzjoni(jiet) kummerċjali ġenerali:

Mezz ta’ identifikazzjoni ta’ l-għamla, jekk immarkat fuq il-vettura/komponent/unità teknika separata (1)  (2):

0.3.1.   Lok ta' dak l-immarkar:

0.4.   Il-Vettura:

0.5.   L-isem u l-indirizz tal-manifattur:

0.8.   L-indirizz(i) ta’ l-impjant(i) ta’ fejn isir l-assemblaġġ:

SEZZJONI II

1.   Informazzjoni addizzjonali (fejn applikabbli): Ara l-Appendiċi

2.   Servizz tekniku responsabbli mit-twettieq tat-testijiet:

3.   Data tar-rapport tat-test:

4.   Numru tar-rapport tat-test:

5.   Rimarki (jekk ikun hemm): Ara l-Appendiċi

6.   Post:

7.   Data:

8.   Firma:

9.   L-indiċi għall-pakkett ta’ l-informazzjoni ippreżentat lill-awtorità ta’ l-approvazzjoni, li jista’ jinkiseb fuq talba, huwa mehmuż.

(1)  Aqta’ fejn mhux applikabbli.

(2)  Jekk il-mezz ta’ l-identifikazzjoni tat-tip ikun fih karattri li mhumiex rilevanti għad-deskrizzjoni tal-vettura, il-komponent jew l-unità teknika separata koperta b'dan iċ-ċertifikat ta’ l-approvazzjoni tat-tip, dawn il-karattri għandhom jiġu rappreżentati fid-dokumentazzjoni bis-simbolu: “?” (e.ż. ABĊ??123??)

ANNESS V

MUDELL

(format massimu A4 (210 × 297 mm))

ĊERTIFIKAT TA' L-APPROVAZZJONI TAT-TIP KE

“ISE”

Komunikazzjoni li tikkonċerna-:

ta’ tip ta’ komponent/unità teknika separata (1) fir-rigward tad-Direttiva 2009/64/KE.

Numru ta’ l-approvazzjoni tat-tip KE:

Raġuni għall-estensjoni:

SEZZJONI I

0.1.   Għamla (l-isem kummerċjali tal-manifattur):

0.2.   Tip u deskrizzjoni(jiet) kummerċjali ġenerali:

Mezz ta’ identifikazzjoni ta’ l-għamla, jekk immarkat fuq il-vettura/komponent/unità teknika separata (1)  (2):

0.3.1.   Lok ta' dak l-immarkar:

0.4.   Il-Vettura:

0.5.   L-isem u l-indirizz tal-manifattur:

0.7.   Fil-każ ta’ komponenti jew unitajiet tekniċi separati, il-lok u l-metodu tat-twaħħil tal-marka ta’ l-approvazzjoni tat-tip tal-KE:

0.8.   L-indirizz(i) ta’ l-impjant(i) ta’ fejn isir l-assemblaġġ:

SEZZJONI II

1.   Informazzjoni addizzjonali (fejn applikabbli): Ara l-Appendiċi

2.   Servizz tekniku responsabbli mit-twettieq tat-testijiet:

3.   Data tar-rapport tat-test:

4.   Numru tar-rapport tat-test:

5.   Rimarki (jekk ikun hemm): Ara l-Appendiċi

6.   Post:

7.   Data:

8.   Firma:

9.   L-indiċi għall-pakkett ta’ l-informazzjoni ippreżentat lill-awtorità ta’ l-approvazzjoni, li jista’ jinkiseb fuq talba, huwa mehmuż.

(1)  Aqta’ fejn mhux applikabbli.

(2)  Jekk il-mezz ta’ l-identifikazzjoni tat-tip ikun fih karattri li mhumiex rilevanti għad-deskrizzjoni tal-vettura, il-komponent jew l-unità teknika separata koperta b'dan iċ-ċertifikat ta’ l-approvazzjoni tat-tip, dawn il-karattri għandhom jiġu rappreżentati fid-dokumentazzjoni bis-simbolu: “?” (eż. ABC??123??)

ANNESS VI

METODU TA’ KIF JITKEJLU L-EMISSJONIJIET ELETTROMANJETIĊI TA’ FIRXA TA’ FREKWENZA WIESGĦA IRRADJATI MINN VETTURI

1.   ĠENERALI

1.1.   Il-metodu ta’ test deskritt f’dan l-Anness għandu jkun applikat biss għal vetturi.

1.2.   Apparat tal-kejl

It-tagħmir ta’ kejl għandu jkun konformi mar-rekwiżiti tal-pubblikazzjoni Nru 16-1 (93) tal-Kumitat Speċjali Internazzjonali dwar l-Interferenza tar-Radju (CISPR).

Għall-kejl ta' emissjonijiet elettromanjetiċi ta' firxa ta' frekwenza wiesgħa ta' dan l-Anness, għandu jintuża detector kważi-apiċi, jew jekk jintuża detector apiċi għandu jintuża fattur ta’ korrezzjoni adattat skond ir-rata ta’ vibrazzjoni ta' l-ispark.

1.3.   Metodu tat-test

Dan it-test huwa intiż biex ikejjel l-emissjonijiet elettro-manjetiċi tal-firxa wiesa' ġenerati minn sistemi spark-ignition u muturi elettriċi (muturi ta' traction elettrika, magni għas-sistema tas-sħana u de-icing, pompi tal-karburanti, pompi ta' l-ilma, eċċ.) immuntati b'mod permanenti fuq il-vettura.

Huma permissibbli żewġ distanzi alternattivi ta’ referenza ta’ l-antenna: 10 jew 3 m mill-vettura. F’kull każ ir-rekwiżiti tal-punt 3 għandhom jiġu mħarsa.

2.   L-ESPRESSJONI TAR-RIŻULTATI

Ir-riżultati tal-kejl għandhom jiġu espressi f’dB mikrovolt/m (mikrovolt/m) għal wisa’ ta’ firxa ta’ frekwenza ta’ 120 kHz. Jekk il-wisa’ tal-firxa ta' frekwenza B attwali (espressa f'kHz) ta' l-apparat ta' kejl tkun differenti minn 120 kHz, il-qari meħud f’mikrovolti/m għandu jkun konvertit f’wisa’ tal-firxa ta’ frekwenza ta’ 120 kHz bil-multiplikazzjoni b’fattur ta’ 120/B.

3.   IL-POST TAL-KEJL

3.1.   Is-sit tat-test għandu jkun livell, żona libera ħielsa minn superfiċji li jirriflettu l-elettromanjetiċi, f’ċirku ta’ raġġ minimu ta’ 30 m imkejjel minn punt fin-nofs bejn il-vettura u l-antenna (ara l-Figura 1 fl-Appendiċi 1).

3.2.   Is-sett tal-kejl, il-barrakka tat-test, jew il-vettura li fiha jkun hemm is-sett tal-kejl jista' jkun ġos-sit tat-test però biss fir-reġjun permissibbli li jidher fil-Figura 1 f’Appendiċi 1.

Antenni oħrajn ta’ kejl huma permissibli fiż-żona tat-test, f’distanza minima ta’ 10 m kemm mill-antenna riċevitur u l-vettura li tkun ittestjata, sakemm ikun jitsa’ jintwera li r-riżultati tat-test mhux ser jiġu affettwati.

3.3.   Jistgħu jintużaw faċilitajiet magħluqa tat-test jekk tista’ tintwera korrelazzjoni bejn il-faċilitajiet magħluqa tat-test u s-sit ta' barra. Il-faċilitajiet magħluqa tat-test m’għandhomx bżonn jissodisfaw ir-rekwiżiti dimensjonali tal-Figura 1 f’Appendiċi 1, minbarra d-distanza mill-antenna sal-vettura u l-għoli ta’ l-antenna. L-anqas għandhom bżonn li jkollhom l-emissjonijiet fil-post verifikati qabel u wara t-test kif inhu indikat fil-punt 3.4.

3.4.   L-ambjent

Biex ikun assigurat li m’hemm l-ebda ħoss jew sinjal estranju ta’ importanza biżżejjed li jaffettwa materjalment il-kejl, għandu jittieħed kejl qabel u wara t-test prinċipali. Jekk il-vettura tkun preżenti meta jittieħed il-kejl tal-post, ikun neċessarju li wieħed jassigura li xi emissjonijiet mill-vettura ma jaffettwawx b’mod sinjifikanti l-kejl tal-post, per eżempju billi l-vettura titneħħa miż-żona tat-test, billi titneħħa ċ-ċavetta ta' l-istartjar jew billi l-batterija tkun skonnettjata. Fiż-żewġ kejlijiet, il-ħoss jew is-sinjal estranju għandu jkun ta’ l-anqas 10dB taħt il-limiti ta’ interferenza mogħtija fil-punt 6.2.2.1 jew 6.2.2.2 (kif xieraq) ta’l-Anness I, apparti milli għat-trasmissjonijiet intiżi ta' frekwenza dejqa ta’ l-ambjent.

4.   L-ISTAT TAL-VETTURA MATUL IT-TESTIJIET

4.1.   Il-magna

Il-magna għandha tkun qed taħdem fit-temperatura normali tat-tħaddim u t-trasmissjoni għandha tkun fin-newtral. Jekk għal raġunijiet prattiċi dan ma jistax jinkiseb, għandhom isiru arranġamenti alternattivi li fuqhom ikun hemm qbil reċiproku bejn il-manifattur u l-awtoritàajiet tat-test.

Wieħed għandu jieħu ħsieb li jassigura li l-mekkaniżmu li jissettja l-veloċità ma jinfluwenzax ir-radjazzjonijiet elettromanjetiċi. Matul kull qjies, il-magna għandha tkun qed taħdem kif ġej:

4.2.   It-test m’għandux issir meta fuq il-vettura tkun nieżla x-xita jew xi preċipitazzjoni oħra, jew fl-10 minuti ta' wara li tkun waqfet preċipitazzjoni bħal din.

5.   IT-TIP, IL-POŻIZZJONI U L-ORJENTAZZJONI TA' L-ANTENNA

5.1.   It-tip ta’ l-antenna

Tista’ tintuża kwalunkwe antenna sakemm din tkun tista' tkun normalizzata għall-antenna ta' referenza. Il-metodu deskritt fil-publikazzjoni tal-CISPR Nru 12, Edizzjoni 3, Appendiċi A, jista’ jintuża biex l-antenna tkun kalibrata.

5.2.   L-għoli u d-distanza tal-kejl

5.2.1.   Għoli

5.2.1.1.   It-test ta’ 10 m

Il-fażi ċentrali ta' l-antenna għandha tkun 3,00 ± 0,05 m ’il fuq mill-pjan li fuqu tkun qed isserraħ il-vettura.

5.2.1.2.   It-test ta’ 3 m

Il-fażi ċentrali ta' l-antenna għandha tkun 1,80 ± 0,05 m ’il fuq mill-pjan li fuqu tkun qed isserraħ il-vettura.

5.2.1.3.   L-ebda parti ta' xi elementi ta' riċeviment ta' l-antenna m'għandha tkun eqreb minn 0,25 tal-pjan li fuqu tkun qed isserraħ il-vettura.

5.2.2.   Distanza tal-kejl

5.2.2.1.   It-test ta’ 10 m

Id-distanza orizzontali mix-xifer jew xi punt ieħor fix-xifer ta’ l-antenna, definit matul il-proċedura ta’ normalizzazzjoni deskritta fil-punt 5.1, sas-superfiċje ta' barra tal-karozzerija tal-vettura għandha tkun 10,0 ± 0,2 m.

5.2.2.2.   It-test ta’ 3 m

Id-distanza orizzontali mix-xifer jew xi punt ieħor fix-xifer ta’ l-antenna, definit matul il-proċedura ta’ normalizzazzjoni deskritta fil-punt 5.1, sas-superfiċje ta' barra tal-karozzerija tal-vettura għandha tkun 3,00 ± 0,05 m.

5.2.2.3.   Jekk it-test issir ġo faċilità magħluqa għall-iskopijiet biex tintwera l-frekwenza elettromanjetika tar-radju, l-elementi ta’ riċeviment ta’ l-antenna m’għandhomx ikunu aktar qrib minn 1,0 m ta’ xi materjal li jassorbixxi r-radju u mhux eqreb minn 1,5 m tal-ħajt tal-faċilità magħluqa. Ma għandu jkun hemm l-ebda materjal assorbenti bejn l-antenna ta’ riċeviment u l-vettura li tkun ittestjata.

5.3.   Il-post ta’ l-antenna relattiv mal-vettura

L-antenna għandha titqiegħed suċċessivament fuq in-naħa tax-xellug u n-naħa tal-lemin tal-vettura, bl-antenna paralleli mal-pjan ta’ simetrjia lonġitudinali tal-vettura u bi dritt tal-punt tan-nofs tal-magna (ara l-Figura 1 f’Appendiċi 1) u b'linja mal-punt tan-nofs tal-vettura definit bħala l-punt fuq l-assi prinċipali tal-vettura fin-nofs bejn iċ-ċentri tal-fusien ta' quddiem u ta' wara tal-vettura.

5.4.   Il-pożizzjoni ta’ l-antenna

F’kull punt ta’ kejl, għandu jittieħed qari kemm bl-antenna f'polarizzazzjoni orizzontali u kemm f'polarizzazzjoni vertikali (ara l-Figura 2 fl-Appendiċi 1).

5.5.   Il-qari

L-ogħla wieħed mill-erba' qari meħuda skond il-punti 5.3 u 5.4 f'kull frekwenza spot għandu jittieħed bħala l-qari karatteristiku fil-frekwenza li fiha jsir il-kejl.

6.   FREKWENZI

6.1.   Kejl

Il-kejl għandu jittieħed mill-iskala ta’ frekwenza minn 30 sa 1 000 MHz. Biex ikun kkonfermat li l-vettura tissodisfa r-rekwiżiti ta’ dan l-Anness, l-Awtorità tal-Test għandha tivverifika sa 13-il frekwenza fil-iskala, per eżempju: 45, 65, 90, 120, 150, 190, 230, 280, 380, 450, 600, 750, 900 MHz. Fil-każ li matul it-test dan il-limitu jinqabeż, għandhom isiru investigazzjonijiet biex jkun assigurat li dan huwa kkawżat minħabba l-vettura u mhux minħabba radjazzjoni fl-isfond.

6.1.1.   Il-limiti japplikaw matul l-iskala ta’ frekwenza minn 30 sa 1 000 MHz.

6.1.2.   Il-kejl jista’ jsir kemm b’detectors kważi-apiċi jew b’detectors apiċi. Il -limiti mogħtija fil-punti 6.2 u 6.5 ta' l-Anness I, huma għal kważi-apiċi. Jekk jintuża l-apiċi, żid 38dB għal wisa’ ta’ firxa ta’ frekwenza ta’ 1 MHz jew naqqas 22 dB għal wisa’ ta’ firxa ta’ frekwenza ta’ 1 kHz.

6.2.   Tolleranzi

It-tolleranzi japplikaw għall-frekwenzi kwotati u huma maħsuba biex jipprevjenu interferenza minn trasmissjonijiet imħaddma fuq jew viċin tal-frekwenzi spot nominali matul il-ħin tal-kejl.

ANNESS VII

METODU TAL-KEJL TA’ L-EMISSJONIJIET ELETTROMANJETIĊI TA’ FIRXA TA’ FREKWENZA DEJQA IRRADJATI MINN VETTURI

1.   ĠENERALI

1.1.   Il-metodu ta’ test deskritt f’dan l-Anness għandu jkun applikat biss għal vetturi.

1.2.   Apparat ta’ kejl

It-tagħmir tal-kejl għandu jkun konformi mar-rekwiżiti tal-pubblikazzjoni Nru 16-1 (93) tal-Kumitat Speċjali Internazzjonali dwar l-Interferenza tar-Radju (CISPR, International Special Committee on Radio Inteference).

Detector medju jew detector apiċi għandu jintuża għall-kejl ta’ emissjonijiet elettomanjetiċi ta' firxa ta' frekwenza dejqa irradjati f’dan l-Anness.

1.3.   Metodu tat-test

1.3.1.   Din it-test hu intiż biex jikejjlu l-emissjonijiet elettromanjetiċi ta' firxa ta' frekwenza dejqa li jistgħu joħorġu minn sistema bbażata fuq mikroproċessur jew minn għajn oħra ta’ firxa ta’ frekwenza dejqa.

1.3.2.   Bħala l-ewwel pass, il-livelli ta’ l-emissjonijiet fil-firxa ta’ frekwenza FM (minn 88 sa 108 MHz) għandhom jitkejlu fl-antenna tar-radju tax-xandir tal-vettura bit-tagħmir kif speċifikat fil-punt 1.2. Jekk il-livell speċifikat fil-punt 6.3.2.4 ta’ l-Anness I ma jkunux misbuq, allura l-vettura hija kkunsidrata li tkun konformi mar-rekwiżiti ta' l-Anness I fir-rigward ta’ dik il-firxa ta' frekwenza u test sħiħ ma jkunx meħtieġ li jitwettaq.

1.3.3.   Fil-proċedura ta' test sħiħa huma permissibbli żewġ distanzi alternattivi ta' l-antenna: 10 jew 3 m mill-vettura. F’kwalunkwe każ ir-rekwiżiti tal-punt 3 ta' dan l-Anness għandhom jiġu mħarsa.

2.   L-ESPRESSJONI TAR-RIŻULTATI

Ir-riżultati tal-kejl għandhom jiġu espressi f’dB mikrovolti/m (mikrovolti/m).

3.   IL-POST TAL-KEJL

3.1.   Is-sit tat-test għandu jkun livell, żona libera ħielsa minn superfiċji li jirriflettu elettromanjetiċi, f’ċirku ta’ raġġ minimu ta’ 30 m imkejjel minn punt fin-nofs bejn il-vettura u l-antenna (ara l-Figura 1 ’fl-Appendiċi 1 ta’ l-Anness VI).

3.2.   Is-sett tal-kejl, il-barrakka tat-test, jew il-vettura li fiha jkun hemm is-sett tal-kejl jistgħu jkunu ġos-sit tat-test pero biss fir-reġjun permissibli li jidher fil-Figura 1 f’Appendiċi 1 ta' l-Anness VI.

Antenni oħrajn ta’ kejl huma permissibbli fiż-żona tat-test, f’distanza minima ta’ 10 m kemm mill-antenna riċevitur u l-vettura/UTS li tkun ittestjata, sakemm ikun jista’ jintwera li r-riżultati tat-test mhux ser jiġu affettwati.

3.3.   Jistgħu jintużaw faċilitajiet magħluqa tat-test jekk tista’ tintwera korrelazzjoni bejn il-faċilitajiet magħluqa tat-test u s-sit ta' barra. Il-faċilitajiet magħluqa tat-test m’għandhomx bżonn jissodisfaw ir-rekwiżiti dimensjonali tal-Figura1 f’Appendiċi 1 ta’ l-Anness VI apparti milli d-distanza mill-antenna sal-vettura u l-għoli ta’ l-antenna. L-anqas għandhom bżonn li jkollhom l-emissjonijiet fil-post verifikati qabel u wara t-test kif inhu indikat fil-punt 3.4 ta’ dan l-Anness.

3.4.   L-ambjent

Biex jkun assigurat li m’hemm l-ebda ħoss jew sinjal estranju ta’ daqs biżżejjed li jaffettwa materjalment il-kejl, għandu jittieħed kejl tal-post qabel u wara t-test prinċipali. Ikun hemm bżonn li jkun assigurat li xi emissjonijiet mill-vettura ma jaffettwawx b’mod sinjifikanti l-kejl tal-post, per eżempju, billi l-vettura titneħħa miż-żona tat-test, billi titneħħa ċ-ċavetta ta' l-istartjar, jew billi l-batterija/i tkun skonnettjata. Fiż-żewġ kejlijiet, il-ħoss jew is-sinjal estranju għandu jkun ta’ l-anqas 10dB taħt il-limiti ta’ l-interferenza mogħtija fil-punt 6.3.2.1 jew 6.3.2.2 (kif xieraq) ta’ l-Anness I, apparti milli għat-trasmissjonijiet intiżi ta' frekwenza dejqa tal-post.

4.   L-ISTAT TAL-VETTURA MATUL IT-TESTIJIET

4.1.   Is-sistemi elettroniċi tal-vettura għandhom kollha jkunu fl-arranġament normali tat-tħaddim bil-vettura wieqfa.

4.2.   L-“ ignition ” għandha tkun mixgħula. Il-magna m’għandhiex tkun qed taħdem.

4.3.   Il-kejl m’għandux jittieħed meta fuq il-vettura tkun nieżla x-xità jew xi preċipitazzjoni oħra, jew fl-10 minuti ta' wara li tkun waqfet preċipitazzjoni bħal din.

5.   IT-TIP, IL-POŻIZZJONI U L-ORJENTAZZJONI TA' L-ANTENNA

5.1.   It-tip ta’ antenna

Tista’ tintuża kwalunkwe antenna sakemm din tkun tista' tkun normalizzata għall-antenna ta' referenza. Il-metodu deskritt fil-publikazzjoni tal-CISPR Nru 12, Edizzjoni 3, Appendiċi A, jista’ jintuża biex l-antenna tkun kalibrata.

5.2.   L-għoli u d-distanza tal-kejl

5.2.1.   Għoli

5.2.1.1.   It-test ta’ 10 m

Il-fażi ċentrali ta' l-antenna għandha tkun 3,00 ± 0,05 m ’il fuq mill-pjan li fuqu tkun qed isserraħ il-vettura.

5.2.1.2.   It-test ta’ 3 m

Il-fażi ċentrali ta' l-antenna għandha tkun 1,80 ± 0,05 m ’il fuq mill-pjan li fuqu tkun qed isserraħ il-vettura.

5.2.1.3.   L-ebda parti ta' xi elementi ta' riċeviment ta' l-antenna m'għandha tkun eqreb minn 0,25 tal-pjan li fuqu tkun qed isserraħ il-vettura.

5.2.2.   Distanza tal-kejl

5.2.2.1.   It-test ta’ 10 m

Id-distanza orizzontali mix-xifer jew xi punt ieħor fix-xifer ta’ l-antenna, definit matul il-proċedura ta’ normalizzazzjoni deskritta fil-punt 5.1, sas-superfiċje ta' barra tal-karozzerija tal-vettura għandha tkun 10,0 ± 0,2 m.

5.2.2.2.   It-test ta’ 3 m

Id-distanza orizzontali mix-xifer jew xi punt ieħor fix-xifer ta’ l-antenna, definit matul il-proċedura ta’ normalizzazzjoni deskritta fil-punt 5.1, sas-superfiċje ta' barra tal-karozzerija tal-vettura għandha tkun 3,00 ± 0,05 m.

5.2.2.3.   Jekk it-test issir ġo faċilità magħluqa għall-iskopijiet biex tintwera l-frekwenza elettromanjetika tar-radju, l-elementi ta’ riċeviment ta’ l-antenna m’għandhomx ikunu aktar qrib minn 1,0 m ta’ xi materjal li jassorbixxi r-radju u mhux eqreb minn 1,5 m tal-ħajt tal-faċilità magħluqa. Ma għandu jkun hemm l-ebda materjal assorbenti bejn l-antenna ta’ riċeviment u l-vettura li tkun ittestjata.

5.3.   Il-post ta’ l-antenna relattiv mal-vettura

L-antenna għandha titqiegħed suċċessivament fuq in-naħa tax-xellug u n-naħa tal-lemin tal-vettura, bl-antenna paralleli mal-pjan ta’ simetrjia lonġitudinali tal-vettura u bi dritt tal-punt tan-nofs tal-magna (ara l-Figura 2 f’Appendiċi 1 ta’l-Anness VI).

5.4.   Il-pożizzjoni ta’ l-antenna

F’kull punt ta’ kejl, għandu jittieħed qari kemm bl-antenna f'polarizzazzjoni orizzontali u kemm f'polarizzazzjoni vertikali (ara l-Figura 2 f’Appendiċi 1 ta' l-Anness VI).

5.5.   Il-qari

L-ogħla wieħed mill-erba' qari meħuda skond il-punt 5.3 u 5.4 f'kull frekwenza spot għandu jittieħed bħala l-qari karatteristiku fil-frekwenza li fiha jsir il-kejl.

6.   FREKWENZI

6.1.   Kejl

Il-kejl kollu għandu jittieħed mill-iskala ta’ frekwenza ta’ bejn 30 sa 1 000 MHz. Din l-iskala għandha tinqasam fi 13-il firxa. F’kull firxa tista’ tkun ittestjata frekwenza spot waħda biex jintwera li l-limiti meħtieġa huma sodisfatti. Biex ikun kkonfermat li l-vettura tissodisfa r-rekwiżiti ta’ dan l-Anness, l-awtorità tat-test għandha tivverifika f’punt wieħed bħal dan f’kull waħda mit-13-il firxa ta' frekwenza:

minn 30 sa 50, minn 50 sa 75, minn 75 sa 100, minn 100 sa 130, minn 130 sa 165, minn 165 sa 200, minn 200 sa 250, minn 250 sa 320, minn 320 sa 400, minn 400 sa 520, minn 520 sa 660, minn 660 sa 820, minn 820 sa 1 000 MHz.

Fil-każ li matul it-test dan il-limitu jinqabeż, għandhom isiru investigazzjonijiet biex jkun assigurat li dan huwa kkawżat minħabba l-vettura u mhux minħabba radjazzjoni fl-isfond.

ANNESS VIII

METODU TA' L-ITTESTJAR TA’ L-IMMUNITÀ TAL-VETTURI GĦAR-RADJAZZJONI ELETTROMANJETIKA

1.   ĠENERALI

1.1.   Il-metodu ta’ test deskritt f’dan l-Anness għandu jkun applikat biss għal vetturi.

1.2.   Metodu tat-test

Dan it-test huwa intiż biex juri l-immunità għad-degradazzjoni fil-kontroll dirett tal-vettura. Il-vettura għandha tkun mingħajr oqsma elettromanjetiċi kif deskritt f’dan l-Anness. Matul it-testijiet, l-vettura għandha tkun immonitorjata.

2.   L-ESPRESSJONI TAR-RIŻULTATI

Għat-test deskritt f’dan l-Anness il-qawwa tal-kamp għandha tkun espressa f’volti/m.

3.   IL-POST TAL-KEJL

Il-faċilità tat-test għandha tkun tista’ tiġġenera l-qawwiet tal-kamp fuq l-iskali ta' frekwenza definiti f'dan l-Anness. Il-faċilità tat-test għandha tkun konformi mar-rekwiżiti legali (nazzjonali) li għandhom x'jaqsmu ma' l-emissjoni ta' sinjali elettromanjetiċi.

Wieħed għandu jieħu ħsieb sabiex it-tagħmir ta’ kontroll u ta’ monitoraġġ ma jkunx affettwat b’oqsma irradjatai b'tali mod li t-testijiet ma jibqgħux validi.

4.   L-ISTAT TAL-VETTURA MATUL IT-TESTIJIET

Il-vettura għandha tkun f'kundizzjoni mhux mgħobbija apparti għat-tagħmir neċessajru tat-test.

4.1.1.   Il-magna għandha ddawwar ir-roti tas-sewqan b'mod normali b'veloċità kostanti li tikkorrispondi ma' tlett kwarti tal-veloċità massima tal-vettura jekk ma jkun hemm l-ebda raġuni teknika għall-manifattur li jippreferi xi veloċità oħra. Il-magna tal-vettura għandha tkun mgħobbija b'torque xieraq. Jekk ikun hemm bżonn, il-fusien tat-trasmissjoni jistgħu jiġu disingaġġati (per eżempju, fil-każ ta' vetturi b'aktar minn żewġ fusien) basta li ma jħaddmux xi komponent li jagħmel interferenza.

4.1.2.   Il-headlamps għandhom ikunu fuq raġġ dipped.

4.1.3.   L-indikatur tad-direzzjoni tax-xellug jew tal-lemin għandu jkun qed jaħdem.

4.1.4.   Is-sistemi l-oħra kollha li jaffettwaw il-kontroll tal-vettura min-naħa tas-sewwieq għandhom ikunu jaħdmu bħal waqt it-tħaddim normali tal-vettura.

4.1.5.   Il-vettura m’għandhiex tkun konnessa b’mod elettriku maż-żona tat-test u m’għandha ssir l-ebda konnessjoni mal-vettura minn xi tagħmir, apparti minn dak mitlub bil-punt 4.1.1 jew 4.2. Il-kuntatt tat-tyre ma' l-art ta' taż-żona tat-test m'għandux ikun ikkunsidrat bħala konnessjoni elettrika.

4.2.   Jekk ikun hemm sistemi elettriċi/elettroniċi tal-vettura li jiffurmaw parti integrali mill-kontroll dirett tal-vettura, li ma jaħdmux fil-kundizzjonijiet deskrtitti fil-punt 4.1, ikun permissibbli għall-manifattur li jipprovdi rapport jew evidenza addizzjonali lill-awtorità tat-test, li s-sistemi elettriċi/elettroniċi tal-vettura jissodisfaw ir-rekwiżiti ta' din id-Direttiva. Evidenza bħal din għandha tinżamm fid-dokumentazzjoni ta’ l-approvazzjoni tat-tip.

4.3.   Waqt li l-vettura tkun qed tkun immonitorjata għandu jintuża biss tagħmir li ma jġibx perturbazzjoni. Il-parti ta’ barra u l-kompartiment tal-passiġġier tal-vettura għandha tkun immonitorjati sabiex ikun stabbilit jekk ir-rekwiżiti ta’ dan l-Anness humiex imħarsa (eż. bl-użu ta’ video camera(s)).

4.4.   Normalment, il-vettura għandha tħares lejn antenna fissa. B’dankollu, meta l-unitajiet ta’ kontroll elettroniċi u x-xedd tas-sistema ta' fili assoċjati huma l-biċċa l-kbira fuq in-naħa ta' wara tal-vettura, it-test normalment għandha ssir bil-vettura tħares lil hinn mill-antenna. Fil-każ ta’ vetturi twal (i.e. apparti milli l-karrozzi u l-vannijiet żgħar), li għandhom unitajiet ta' kontroll elettroniċi u x-xedd tas-sistema tal-fili assoċjati l-biċċa l-kbira lejn in-nofs tal-vettura, jista' jkun stabbit punt ta' referenza (ara l-punt 5.4) ibbażat fuq is-superfiċje tan-naħa tal-lemin jew is-superfiċje tan-naħa tax-xellug tal-vettura. Dan il-punt ta’ referenza għandu jkun il-punt fin-nofs tat-tul tal-vettura jew il-punt matul in-naħa tal-vettura magħżula mill-manifattur flimkien ma' l-awtorità kompetenti wara li tkun ikkunsidrata d-distribuzzjoni tas-sistemi elettroniċi u t-tqassim ta’ xi xedd tas-sistema tal-fili.

Testijiet bħal dawn jistgħu jsiru biss jekk il-kostruzzjoni fiżika tal-kompartiment tippermetti dan. Il-post ta’ l-antenna għandu jkun innutat fir-rapport tat-test.

5.   TIP, POSIZZJONI U ORJENTAZZJONI TAL-MEZZ LI JIĠĠENERA KAMP

5.1.   It-tip ta' mezz li jiġġenera kamp

5.1.1.   It-tip ta' mezz li jiġġenera kamp għandu jkun magħżul b'tali mod li l-qawwa tal-kamp mixtieq tinkiseb fil-punt ta' referenza (ara l-punt 5.4) fil-frekwenzi adattati.

5.1.2.   Il-mezz li jiġġenera kamp jista’ jkun antenna/i jew sistema ta' linja ta' trasmissjoni (TLS, Transmission Line System).

5.1.3.   Il-kostruzzjoni u l-orjentazzjoni ta’ kull mezz li jiġġenera kamp strument għandha tkun tali li l-kamp iġġenerat ikun polarizzat: minn 20 sa 1 000 MHz orizzontalment jew vertikalment.

5.2.   L-għoli u d-distanza tal-kejl

5.2.1.   Għoli

5.2.1.1.   Il-fażi ċentrali ta’ kwalunkwe antenna ma għandhiex tkun inqas minn 1,5 m ’l fuq mill-pjan li fuqu tkun qed isserraħ il-vettura jew mhux inqas minn 2,0 m 'il fuq mill-pjan li fuqu tkun qed isserraħ il-vettura jekk is-saqaf tal-vettura jeċċedi t-3 m fl-għoli.

5.2.1.2.   L-ebda parti ta' xi elementi ta’ radjazzjoni ta' l-antenna m'għandha tkun eqreb minn 0,25 m tal-pjan li fuqu tkun isserraħ il-vettura.

5.2.2.   Distanza tal-kejl

5.2.2.1.   Il-kundizzjonijiet ta’ waqt it-tħaddim jistgħu jiġu mqarrba bl-aħjar mod, billi wieħed ipoġġi l- mezz li jiġġenera kamp l-aktar 'il bogħod kemm jista ikun prattiku mill-vettura. Din id-distanza għandha tipikament tkun fl-iskala ta’ bejn 1 sa 5 m.

5.2.2.2.   Jekk it-test issir ġo faċilità magħluqa, l-elementi ta’ radjazzjoni tal-mezz li jiġġenera kamp m’għandhomx ikunu aktar qrib minn 1,0 m ta’ xi materjal li jassorbixxi r-radju u mhux eqreb minn 1,5 m tal-ħajt tal-faċilità magħluqa. M’għandu jkun hemm l-ebda materjal assorbenti bejn l-antenna tat-trasmissjoni u l-vettura li tkun ittestjata.

5.3.   Il-post ta’ l-antenna relattiv mal-vettura

5.3.1.   L-elementi ta’ radjazzjoni tal-mezz li jiġġenera kamp m’għandhomx ikunu aktar qrib minn 0,5 m tas-superfiċje tan-naħa ta' barra tal-karozzerija tal-vettura.

5.3.2.   Il-mezz li jiġġenera kamp għandu jitqiegħed fuq il-linja taċ-ċentru tal-vettura (pjan ta' simetrija lonġitudinali).

5.3.3.   L-ebda parti ta’ TLS, bl-eċċezzjoni tal-pjan li fuqu tkun isserraħ il-vettura, m’għandu jkun eqreb minn 0,5 m ta’ kwalunkwe parti mill-vettura.

5.3.4.   Kull mezz li jiġġenera kamp li jitpoġġa fuq il-vettura għandu jestendi b’mod ċentrali fuq ta’ l-anqas 75 % tat-tul tal-vettura.

5.4.   Il-punt ta’ referenza

Għall-iskopijiet ta’ dan l-Anness il-punt ta’ referenza huwa l-punt li fih għandha tkun stabbilita s-saħħa tal-kamp u għandha tkun definita kif ġej:

5.4.1.1.   ta’ l-anqas 2 m orizzontalment miċ-ċentru tal-fażi ta' l-antenna jew ta' l-anqas 1 m vertikalment mill-elementi ta' radjazzjoni ta' TLS,

5.4.1.2.   fuq il-linja taċ-ċentru tal-vettura (pjan ta’ simetrija lonġitudinali),

5.4.1.3.   f’għoli ta’1,0 ± 0,05 m ‘l fuq mill-pjan li fuqu sserraħ il-vettura jew 2,0 ± 0,05 m jekk l-għoli minimu tas-saqaf tal-vettura fl-iskala tal-mudell jeċċedi it-3,0 m,

5.4.1.4.   għad-dawl ta' quddiem, jew:

liema minnhom jirriżulta bħala l-punt ta' referenza l-eqreb lejn l-antenna.

5.4.1.5.   għad-dawl ta' wara, jew:

liema minnhom jirriżulta bħala l-punt ta' referenza l-eqreb lejn l-antenna.

5.5.   Jekk jkun deċiż li jkun hemm radjazzjoni fuq in-naħa ta’ wara tal-vettura, il-punt ta’ referenza għandu jkun stabbilit kif hemm fil-punt 5.4. Imbagħad, il-vettura għandha tkun installata tħares lil hinn mill-antenna u mqiegħda bħalli kieku kienet imdawra orizzontalment 180o madwar il-punt taċ-ċentru tagħha, jiġifieri, b'tali mod li d-distanza mill-antenna sal-parti l-eqreb tan-naħa ta' barra tal-vettura tibqa' l-istess. Dan huwa llustrat f’Appendiċi 3.

6.   REKWIŻITI TAT-TEST

6.1.   Il-medda ta’ frekwenza, il-ħinijiet tal-pawsa, il-polarizzazzjoni

Il-vettura għandha tkun esposta għal radjazzjoni elettromanjetika fl-iskala ta’ frekwenza minn 20 sa 1 000 MHz.

6.1.1.   Biex ikun kkonfermat li l-vettura tissodisfa r-rekwiżiti ta’ dan l-Anness, il-vettura għandha tkun ittestjata sa 14-il frekwenza spot fl-iskala, e.ż.:

27, 45, 65, 90, 120, 150, 190, 230, 280, 380, 450, 600, 750 u 900 MHz.

Il-ħin ta' reazzjoni tat-tagħmir li jkun verifikat għandu jkun ikkunsidrat u l-ħin ta' pawsa għandu jkun biżżejjed biex jippermetti lit-tagħmir li jkun verifikat biex jirreaġixxi f'kundizzjonijiet normali. F’kwalunkwe każ, dan m’għandux ikun inqas minn żewġ sekondi.

6.1.2.   F'kull frekwenza għandu jintuża arranġament wieħed ta' polarizzazzjoni — Ara l-punt 5.1.3.

6.1.3.   Il-parametri l-oħra tat-test għandhom ikunu kif huwa definit f'dan l-Anness.

6.1.4.   Jekk vettura ma tgħaddix mit-test definit fil-punt 6.1.1, din għandha tkun kkunsidrata li falliet taħt il-kundizzjonijiet rilevanti tat-test u mhux bħala riżultat tal-ġenerazzjoni ta’ kampijiet mhux ikkontrollati.

7.   IL-ĠENERAZZJONI TAL-QAWWA MEĦTIEĠA TAL-KAMP

7.1.   Metodoloġija tat-test

7.1.1.   Il-“metodu ta' sostituzzjoni” għandu jintuża biex ikunu stabbiliti l-kundizzjonijiet tal-kamp tat-test.

7.1.2.   Il-fażi tal-kalibrazzjoni

F’kull frekwenza tat-test, għandha tkun alimentata forza fil-mezz li jiġġenera kamp biex jipproduċi l-qawwa meħtieġa tal-kamp fil-punt ta’ referenza (kif definit fil-punt 5) fiż-żona tat-test fl-assenza tal-vettura, meta l-livell ta’ forza ‘l quddiem, jew parametru ieħor relatat direttament mal-forza ‘l quddiem meħtieġa biex ikun definit il-kamp, ikun imkejjel u r-riżultati jkunu rrekordjati. Il-frekwenzi tat-test għandhom ikunu fl-iskala minn 20 sa 1 000 MHz. Il-kalibrar għandu jsir, wieħed jibda f’20, f’passi mhux akbar minn tnejn fil-mija tal-frekwenza preċedenti mlesti f’ 1 000 MHz. Dawn ir-riżultati għandhom jintużaw għat-testijiet ta' l-approvazzjoni ta-tip kemm-il darba jidhru bidliet fil-faċilitajiet jew fit-tagħmir li jitolbu li din il-proċedura tkun repetuta.

7.1.3.   Il-fażi tat-test

Il-vettura għandha mbagħad tkun ntrodotta fil-faċilità tat-test u mqiegħda skond ir-rekwiżiti tal-punt 5. Il-forza ‘l quddiem meħtieġa definità fil-punt 7.1.2 f’kull frekwenza kif definita fil-punt 6.1.1 għandha tkun applikata fuq il-mezz li jiġġenera kamp.

7.1.4.   Skond liema parametru jkun ġie magħżul fil-punt 7.1.2 biex jkun definit il-kamp, l-istess parametru għandu jintuża biex jistabbilixxi l-qawwa tal-kamp matul it-test.

7.1.5.   Il-mezz li jiġġenera kamp u t-tqassim tiegħu wżat matul it-test għandu jkun ta’ l-istess speċifikazzjonijiet kif inhu wżat waqt l-operazzjonijiet li saru fil-punt 7.1.2.

7.1.6.   Mezz tal-kejl tal-qawwa tal-kamp

Mezz kumpatt adatt biex ikejjel il-qawwa tal-kamp għandu jintuża biex jistabbilixxi l-qawwa tal-kamp matul il-fażi tal-kalibrar tal-metodu ta’ sostituzzjoni.

7.1.7.   Matul il-fażi tal-kalibrar tal-metodu ta’ sostituzzjoni, iċ-ċentru tal-fażi tal-mezz li jkejjel il-qawwa tal-kamp għandu jitqiegħed fil-punt ta' referenza.

7.1.8.   Jekk tintuża antenna kalibrata ta’ riċeviment bħala l-mezz li jkejjel il-qawwa tal-kamp, il-qari għandu jinkiseb fi tliet direzzjonijiet reċiprokament ortogonali u l-valur isotropiku ekwivalenti għandu jittieħed bħala l-qawwa tal-kamp.

7.1.9.   Biex jiġu kkunsidrati l-ġeometriji differenti tal-vettura, jista’ jkun hemm bżonn li jitwaqqfu numru ta’ pożizzjonijiet ta’ antenni jew ta’ punti ta’ referenza għal faċilità partikolari tat-test.

7.2.   Il-kontorn tal-qawwa tal-kamp

7.2.1.   Matul il-fażi ta’ kalibrar tal-metodu ta’ sostituzzjoni (qabel ma l-vettura tkun ntrodotta fiż-żona tat-test), il-qawwa tal-kamp f'ta' l-anqas 80 % tal-passi tal-kalibrar, ma għandhiex tkun inqas minn 50 % tal-qawwa nominali tal-kamp, fil-postijiet li ġejjin:

7.3.   Ir-reżonanza tal-kompartiment

Minkejja l-kundizzjoni espressa f’punt 7.2.1, m'għandhomx isiru testijiet fi frekwenzi ta’ reżonanza tal-kompartiment

7.4.   Il-karatteristiċi tas-sinjal tat-test li għandu jkun ġġenerat

7.4.1.   Id-devjazzjoni massima tal-linja

Id-devjazzjoni massima tal-linja tas-sinjal tat-test għandha tkun ugwali għad-devjazzjoni massima tal-linja ta' kurva sinusojdali mhux intonata li l-valur rms f'volti/m tagħha huwa definit fil-punt 6.4.2 ta’ l-Anness I (ara l-Appendiċi 3 ta’ dan l-Anness).

7.4.2.   Il-forma tal-kurva tas-sinjal tat-test

Is-sinjal tat-test għandu jkun kurva sinusojdali ta' frekwenza tar-radju, meta l-wisa' tkun intonata f’kurva sinusojdali ta’ 1 kHz f’fond ta' modulazzjoni m ta' 0,8 ± 0,04.

7.4.3.   Il-fond ta’ modulazzjoni

Il-fond ta’ modulazzjoni m huwa definit bħala:

ANNESS IX

METODU TAL-KEJL TA’ L-EMISSJONIJIET ELETTROMANJETIĊI TA’ FIRXA TA’ FREKWENZA WIESGĦA IRRADJATI MINN SUB-ASSEMBLAĠĠI ELETTRIĊI/ELETTRONIĊI

1.   ĠENERALI

1.1.   Il-metodu deskritt f’dan l-Anness jista’ jkun applikat għal ISE li jistgħu sussegwentement jiġu mwaħħla ma' vetturi li jkunu konformi ma’ l-Anness VI.

1.2.   Apparat tal-kejl

It-tagħmir ta’ kejl għandu jkun konformi mar-rekwiżiti tal-pubblikazzjoni Nru 16-1 (93) tal-Kumitat Speċjali Internazzjonali dwar l-Interferenza tar-Radju (CISPR).

Għall-kejl ta' l-emissjonijiet elettromanjetiċi ta' firxa ta' frekwenza wiesa ta' dan l-Anness, għandu jintuża detector kważi-apiċi, jew jekk jintuża detector apiċi għandu jintuża fattur ta’ korrezzjoni adattat skond ir-rata ta’ vibrazzjoni ta’ l-interferenza.

1.3.   Metodu tat-test

Dan it-test huwa intiż biex tkejjel emissjonijiet elettromanjetiċi ta' firxa ta' frekwenza wiesgħa minn ISE.

2.   L-ESPRESSJONI TAR-RIŻULTATI

Ir-riżultati tal-kejl għandhom jiġu espressi f’dB mikrovolt/m (mikrovolti/m) għal wisa’ ta’ firxa ta’ frekwenza ta’ 120 kHZ. Jekk il-wisa’ tal-firxa ta' frekwenza B attwali (espressa f'kHz) ta' l-apparat ta' kejl tkun differenti minn 120 kHz, il-qari meħud f’mikrovolti/m għandu jkun konvertit f’wisa’ tal-firxa ta’ frekwenza ta’ 120 kHz bil-multiplikazzjoni b’fattur ta’ 120/B.

3.   IL-POST TAL-KEJL

3.1.   Is-sit tal-kejl għandu jkun konformi mar-rekwiżiti tal-pubblikazzjoni Nru 16-1 (93) tas-CISPR (Ara Appendiċi 1).

3.2.   Is-sett, il-barrakka jew il-vettura tal-kejl, fejn ikun hemm is-sett tal-kejl għandu jkun il-barra mil-limitu li jidher f’Appendiċi 1.

3.3.   Jistgħu jintużaw faċilitajiet magħluqa tat-test jekk tista’ tintwera korrelazzjoni bejn il-faċilitajiet magħluqa tat-test u s-sit ta' barra kif approvat. Il-faċilitajiet magħluqa tat-test m’għandhomx bżonn jissodisfaw ir-rekwiżiti dimensjonali ta' l-Appendiċi 1 apparti mid-distanza mill-antenna sal-ISE li jkun qed jkun vverifikat u l-għoli ta' l-antenna (ara l-Figuri 1 u 2 fl-Appendiċi 2).

3.4.   L-ambjent

Biex jkun assigurat li m’hemm l-ebda ħoss jew sinjal estranju ta’ importanza biżżejjed li jaffettwa materjalment il-kejl, għandu jittieħed kejl qabel u wara t-test prinċipali. Fiż-żewġ kejlijiet, il-ħoss jew is-sinjal estranju għandu jkun ta’ l-anqas 10dB taħt il-limiti ta’ l-interferenza mogħtija fil-punt 6.5.2.1 ta’ l-Anness I, apparti milli għat-trasmissjonijiet internazzjonali ta' frekwenza dejqa tal-post..

4.   L-ISTAT TA' L-ISE MATUL IT-TESTIJIET

4.1.   L-ISE li jkun verifikat għandu jkun fil-mod normali tat-tħaddim.

4.2.   Il-kejl m’għandux jittieħed meta fuq l-ISE li jkun verifikat tkun nieżla x-xita jew xi preċipitazzjoni oħra, jew fl-10 minuti ta' wara li tkun waqfet preċipitazzjoni bħal din.

4.3.   Arranġamenti tat-test

4.3.1.   L-ISE li jkun verifikat u x-xedd tas-sistema tal-fili tiegħu għandhom jitqiegħdu 50 ± 5 mm ‘l fuq minn mejda ta’ l-injam mhux konduttiva jew ekwivalenti. B’dankollu, jekk xi parti mill-ISE li jkun verifikat li huwa intiż li jkun marbut elettrikament mal-karozzerija tal-metall tal-vettura, dik il-parti għandha titqiegħed fuq pjan terren u għandha tkun marbuta elettrikament mal-pjan terren. Il-pjan terren għandu jkun folja metallika bi ħxuna minima ta’ 0,5 mm. Id-daqs minimu tal-pjan terren jiddependi mid-daqs ta' l-ISE li jkun verifikat imma għandu jaħseb għad-distribuzzjoni tax-xedd tas-sistema tal-fili u l-komponenti ta' l-ISE. Il-pjan terren għandu jkun ikkonnettjat mal-konduttur protettiv tas-sistema ta' l-earth. Il-pjan terren għandu jkun f’għoli ta’ 1,0 ± 0,1 m ’l fuq mill-paviment tal-faċilità tat-test u għandu jkun parallel miegħu.

4.3.2.   L-ISE li jkun verifikat għandu jkun irranġat u kkonnettjat skond ir-rekwiżiti tiegħu. Ix-xedd tal-provvista ta’ l-enerġija għandu jitqiegħed matul, u fi 100 mm tat-tarf tal-pjan terren/mejda l-eqreb ta' l-antenna.

4.3.3.   L-ISE li jkun verifikat għandu jkun ikkonnettjat mas-sistema ta' ma' l-art skond l-ispeċifikazzjoni ta' l-installazzjoni tal-manifattur, meta xi konnessjonijiet addizzjonijiet ta' ma' l-art mhumiex permissibbli.

4.3.4.   Id-distanza minima bejn l-ISE li jkun verifikat u l-istrutturi konduttivi l-oħrajn kollha, bħall-ħitan tal-partijiet protetti (bl-eċċezzjoni tal-pjan terren/il-mejda taħt l-oġġett tat-test) għandha tkun 1,0 m.

4.4.   L-enerġija għandha tkun applikata lill-ISE li jkun verifikat via network artifiċjali (NA) ta’ 5 μH/50 Ω li għandu jintrabat elettrikament mal-pjan terren. Il-vultaġġ tal-provvista elettrika għandu jinżamm sa ±10 % tal-vultaġġ tat-tħaddim tas-sistema nominali tiegħu. Xi vultaġġ immewweġ għandu jkun inqas minn 1,5 % tal-vultaġġ tat-tħaddim tas-sistema nominali fil-port ta' l-osservazzjoni ta’ l-NA.

4.5.   Jekk l-ISE li jkun verifikat jikkonsisti f’aktar minn unità waħda, il-fili tal-konnessjoni ta’ bejniethom għandhom idejalment ikunu x-xedd tas-sistema tal-fili kif maħsuba għall-użu fil-vettura. Jekk dawn mhumiex disponibbli, it-tul bejn l-unità ta’ kontroll elettroniku u l-NA għandu jkun ta’ 1 500 ± 75 mm.

Il-fili kollha fin-newl għandhom ikunu mitmuma bl-aktar mod realistiku kemm jista' jkun u preferibbilment b'kargi u actuators reali.

Jekk ikun hemm bżonn ta’ tagħmir estranju għat-tħaddim korrett ta’ l-ISE li jkun verifikat, għandu jkun hemm kumpens għall-kontribuzzjoni li jagħmel dan fl-emissjonijiet imkejla.

5.   IT-TIP, IL-POŻIZZJONI U L-ORJENTAZZJONI TA' L-ANTENNA

5.1.   It-tip ta’ antenna

Tista’ tintuża kwalunkwe antenna lineari polarizzata sakemm din tista' tkun normalizzata għall-antenna ta' referenza

5.2.   L-għoli u d-distanza tal-kejl

5.2.1.   Għoli

Iċ-ċentru tal-fażi ta' l-antenna għandu jkun 150 ± 10 mm ‘il fuq mill-pjan terren.

5.2.2.   Distanza tal-kejl

Id-distanza orizzontali miċ-ċentru tal-fażi jew xifer ta' l-antenna kif xieraq, għat-tarf tal-pjan terren għandu jkun 1,00 ± 0,05 m. L-ebda parti mill-antenna m’għandha tkun eqreb minn 0,5 tal-pjan terren.

L-antenna għandha titqiegħed parallela mal-pjan li hu perpendikolari mal-pjan terren u koinċidenti mat-tarf tal-pjan terren li matulu jkun għaddej il-porzjon prinċipali tax-xedd.

5.2.3.   Jekk it-test issir ġo faċilità magħluqa għall-iskopijiet biex tintwera l-frekwenza elettromanjetika tar-radju, l-elementi ta’ riċeviment ta’ l-antenna m’għandhomx ikunu aktar qrib minn 0,5 m ta’ xi materjal li jassorbixxi r-radju u mhux eqreb minn 1,5 m tal-ħajt tal-faċilità magħluqa. Ma għandu jkun hemm l-ebda materjal assorbenti bejn l-antenna ta’ riċeviment u l-ISE li jkun verifikat.

5.3.   L-orjentazzjoni u l-polarizzazzjoni ta’ l-antenna

Fil-punt tal-kejl, qari għandu jittieħed bl-antenna kemm f'polarizzazzjoni vertikali u kemm f'polarizzazzjoni orizzontali.

5.4.   Il-qari

L-ogħla wieħed miż-żewġ qari meħuda (skond il-punt 5.3) f'kull frekwenza spot għandu jittieħed bħala l-qari karatteristiku fil-frekwenza li fiha jsir il-kejl.

6.   FREKWENZI

6.1.   Kejl

Il-kejl kollu għandu jittieħed mill-iskala ta’ frekwenza ta’ bejn 30 sa 1 000 MHz. ISE huwa kkunsidrat li x’aktarx issodisfa l-limiti mitluba fuq l-iskala kollha ta' frekwenzi jekk dan jissodisfahom fit-13-il frekwenza li ġejjin fl-iskala: 45, 65, 90, 120, 150, 190, 230, 280, 380, 450, 600, 750 u 900 MHz.

Fil-każ li matul it-test dan il-limitu jkun misbuq, għandhom isiru investigazzjonijiet biex jkun assigurat li dan huwa kkawżat minħabba l-ISE u mhux minħabba radjazzjoni fl-isfond.

6.1.1.   Il-limiti japplikaw matul l-iskala ta’ frekwenza minn 30 sa 1 000 MHz.

6.1.2.   Il-kejl jista’ jsir kemm b’detectors kważi-apiċi jew detectors apiċi. Il-limiti mogħtija fil-punti 6.2 u 6. 5 f'Anness I huma għal kważi-apiċi. Jekk jintuża l-apiċi, żid 38 dB għal wisa’ ta’ firxa ta’ frekwenza ta’ 1 MHz jew naqqas 22 dB għal wisa’ ta’ firxa ta’ frekwenza ta’ 1 kHz.

6.2.   Tolleranzi

It-tolleranzi japplikaw għall-frekwenzi kwotati u huma maħsuba biex jipprevjenu interferenza minn trasmissjonijiet imħaddma fuq jew viċin tal-frekwenzi spot nominali matul il-ħin tal-kejl.

ANNESS X

METODU TAL-KEJL U L-EMISSJONIJIET ELETTROMANJETIĊI TA’ FIRXA TA’ FREKWENZA DEJQA IRRADJATI MINN SUB-ASSEMBLAĠĠI ELETTRIĊI/ELETTRONIĊI

1.   ĠENERALI

1.1.   Il-metodu tat-test deskritt f’dan l-Anness jista’ jkun applikat għal ISE.

1.2.   Apparat ta’ kejl

It-tagħmir tal-kejl għandu jkun konformi mar-rekwiżiti tal-pubblikazzjoni Nru 16-1 (93) tal-Kumitat Speċjali Internazzjonali dwar l-Interferenza tar-Radju (CISPR).

F’dan l-Anness għandu jintuża detector medju jew detector apiċi għall-kejl ta’ l-emissjonijiet elettomanjetiċi ta' firxa ta' frekwenza dejqa irradjata.

1.3.   Metodu tat-test

1.3.1.   Din it-test hu intiż biex ikejjel radjazzjoni elettromanjetika ta' firxa ta' frekwenza dejqa li tista’ toħroġ minn sistema bbażata fuq mikroproċessur.

1.3.2.   Bħala l-ewwel pass qasir (minn 2 sa 3 minuti), l-għażla tal-polarizzazzjoni ta’ l-antenna, huwa permissibbli li jsiru estensjonijiet ta' l-iskala ta' frekwenza identifikata fil-punt 6.1 bl-użu ta' analizzatur ta' spettru biex jindika l-eżistenza u/jew il-post ta’ l-emissjonijiet apiċi. Dan jista’ jassisti fl-għażla tal-frekwenzi li għandhom ikunu ittestjati (Ara l-punt 6).

2.   L-ESPRESSJONI TAR-RIŻULTATI

Ir-riżultati tal-kejl għandhom jiġu espressi f’dB mikrovolti/m (mikrovolti/m).

3.   IL-POST TAL-KEJL

3.1.   Is-sit tal-kejl għandu jkun konformi mar-rekwiżiti tal-pubblikazzjoni Nru 16-1 (93) tas-CISPR (Ara Appendiċi 1 ta’l-Anness IX).

3.2.   Is-sett, il-barrakka jew il-vettura tal-kejl, fejn ikun hemm is-sett tal-kejl għandu jkun il-barra mil-limitu li jidher f’Appendiċi 1 ta'l-Anness IX.

3.3.   Jistgħu jintużaw faċilitajiet magħluqa tat-test jekk tista’ tintwera korrelazzjoni bejn il-faċilitajiet magħluqa tat-test u s-sit ta' barra. Il-faċilitajiet magħluqa tat-test m’għandhomx bżonn jissodisfaw ir-rekwiżiti dimensjonali fl-Appendiċi 1 ta' l-Anness IX apparti milli mid-distanza mill-antenna sal-ISE li jkun verifikat u l-għoli ta' l-antenna (ara l-Figuri 1 u 2 fl-Appendiċi 2 ta’l-Anness IX).

3.4.   L-ambjent

Biex jkun assigurat li m’hemm l-ebda ħoss jew sinjal estranju ta’ importanza biżżejjed li jaffettwa materjalment il-kejl, għandu jittieħed kejl qabel u wara t-test prinċipali. Fiż-żewġ kejlijiet, il-ħoss jew is-sinjal estranju għandu jkun ta’ l-anqas 10dB taħt il-limiti ta’ interferenza mogħtija fil-punt 6.6.2.1 ta’ l-Anness I, apparti milli għat-trasmissjonijiet intiżi ta' frekwenza dejqa tal-post.

4.   L-ISTAT TA' L-ISE MATUL IT-TESTIJIET

4.1.   L-ISE li jkun verifikat għandu jkun fl-aġġustament normali tat-tħaddim.

4.2.   Il-kejl m’għandux jittieħed meta fuq l-ISE li jkun verifikat tkun nieżla x-xita jew xi preċipitazzjoni oħra, jew fl-10 minuti ta' wara li tkun waqfet preċipitazzjoni bħal din.

4.3.   Arranġamenti tat-test

4.3.1.   L-ISE li jkun verifikat u t-tagħmir tas-sistema tal-fili tiegħu għandhom jitqiegħdu 50 ± 5 mm ‘l fuq minn mejda ta’ l-injam li mhix konduttiva jew ekwivalenti. B’dankollu, jekk xi parti mill-ISE li jkun qed jkun vverifikat hija maħsuba li tkun marbuta elettrikament mal-karozzerija tal-metall tal-vettura, dik il-parti għandha titqiegħed fuq pjan terren u għandha tkun marbuta elettrikament mal-pjan terren.

Il-pjan terren għandu jkun folja metallika bi ħxuna minima ta’ 0,5 mm. Id-daqs minimu tal-pjan terren jiddependi mid-daqs ta' l-ISE li jkun verifikat imma għandu jaħseb għad-distribuzzjoni tat-tagħmir tas-sistema tal-fili u l-komponenti ta' l-ISE. Il-pjan terren għandu jkun ikkonnettjat mal-konduttur protettiv tas-sistema ta' l-earthing. Il-pjan terren għandu jkun f’għoli ta’ 1,0 ± 0,1 m ’l fuq mill-paviment tal-faċilità tat-test u għandu jkun parallel miegħu.

4.3.2.   L-ISE li jkun verifikat għandu jkun irranġat u kkonnettjat skond ir-rekwiżiti tiegħu. It-tagħmir tal-provvista ta’ l-enerġija għandu jitqiegħed matul, u fi 100 mm tat-tarf tal-pjan terren/mejda l-eqreb ta' l-antenna.

4.3.3.   L-ISE li jkun verifikat għandu jkun ikkonnettjat mas-sistema ta' ma' l-art skond l-ispeċifikazzjoni ta' l-installazzjoni tal-manifattur, meta xi konnessjonijiet addizzjonali ta' ma' l-art mhumiex permissibbli.

4.3.4.   Id-distanza minima bejn l-ISE li jkun verifikat u l-istrutturi konduttivi kollha l-oħra, bħall-ħitan tal-partijiet protetti (bl-eċċezzjoni tal-pjan terren/il-mejda taħt l-oġġett tat-test) għandha tkun 1,0 m.

4.4.   L-enerġija għandha tkun applikata lill-ISE li jkun verifikat via network artifiċjali (NA) ta’ reżistenza 5 μH/50 Ω li għandu jintrabat elettrikament mal-pjan terren. Il-vultaġġ tal-provvista elettrika għandu jinżamm sa ±10 % tal-vultaġġ tat-tħaddim tas-sistema nominali tiegħu. Xi vultaġġ immewweġ għandu jkun inqas minn 1,5 % tal-vultaġġ tat-tħaddim tas-sistema nominali fil-port ta' l-osservazzjoni tal-NA.

4.5.   Jekk l-ISE li jkun verifikat jikkonsisti f’aktar minn unità waħda, il-fili tal-konnessjoni ta’ bejniethom għandhom idejalment ikunu t-tagħmir tas-sistema tal-fili kif maħsuba għall-użu fil-vettura. Jekk dawn mhumiex disponibbli, it-tul bejn l-unità tal-kontroll elettroniku u l-NA għandu jkun ta’ 1 500 ± 75 mm. Il-fili kollha fin-newl għandhom ikunu mitmuma bl-aktar mod realistiku kemm jista' jkun u preferibbilment b'kargi u actuators reali. Jekk ikun hemm bżonn ta’ tagħmir estranju għat-tħaddim korrett ta’ l-ISE li jkun verifikat, għandu jkun hemm kumpens għall-kontribuzzjoni li jagħmel dan fl-emissjonijiet imkejla.

5.   IT-TIP, IL-POŻIZZJONI U L-ORJENTAZZJONI TA' L-ANTENNA

5.1.   It-tip ta’ antenna

Tista’ tintuża kwalunkwe antenna lineari polarizzata sakemm din tista' tkun normalizzata għall-antenna ta' referenza

5.2.   L-għoli u d-distanza tal-kejl

5.2.1.   Għoli

Iċ-ċentru tal-fażi ta' l-antenna għandu jkun 150 ± 10 mm ‘il fuq mill-pjan terren.

5.2.2.   Distanza tal-kejl

Id-distanza orizzontali miċ-ċentru tal-fażi jew xifer ta' l-antenna kif xieraq, għat-tarf tal-pjan terren għandu jkun 1,00 ± 0,05 m. L-ebda parti mill-antenna m’għandha tkun eqreb minn 0,5 tal-pjan terren.

L-antenna għandha titqiegħed parallella mal-pjan li hu perpendikolari mal-pjan terren u koinċidenti mat-tarf tal-pjan terren li matulu jkun għaddej il-porzjon prinċipali tax-xedd.

5.2.3.   Jekk it-test issir ġo faċilità magħluqa għall-iskopijiet biex tintwera l-frekwenza elettromanjetika tar-radju, l-elementi ta’ riċeviment ta’ l-antenna m’għandhomx ikunu aktar qrib minn 0,5 m ta’ xi materjal li jassorbixxi r-radju u mhux eqreb minn 1,5 m tal-ħajt tal-faċilità magħluqa. Ma għandu jkun hemm l-ebda materjal assorbenti bejn l-antenna ta’ riċeviment u l-ESA li tkun ittestjata.

5.3.   L-orjentazzjoni u l-polarizzazzjoni ta’ l-antenna

Fil-punt tal-kejl, għandhom jittieħdu qari bl-antenna kemm f'polarizzazzjoni vertikali u kemm f'polarizzazzjoni orizzontali.

5.4.   Il-qari

L-ogħla wieħed miż-żewġ qari meħuda (skond il-punt 5,3) f'kull frekwenza spot għandu jittieħed bħala l-qari karatteristiku fil-frekwenza li fiha jsir il-kejl.

6.   FREKWENZI

6.1.   Kejl

Il-kejl kollu għandu jittieħed mill-iskala ta’ frekwenza ta’ bejn 30 sa 1 000 MHz. Din l-iskala għandha tinqasam fi 13-il firxa. F’kull firxa tista’ tkun ittestjata frekwenza spot waħda biex jintwera li l-limiti meħtieġa huma sodisfatti. Biex ikun ikkonfermat li l-ISE li tkun verifikat tissodisfa r-rekwiżiti ta’ dan l-Anness, l-awtorità tat-test għandha tivverifika f’punt wieħed bħal dan f’kull waħda mit-13-il firxa ta' frekwenza:

minn 30 sa 50, minn 50 sa 75, minn 75 sa 100, minn 100 sa 130, minn 130 sa 165, minn 165 sa 200, minn 200 sa 250, minn 250 sa 320, minn 320 sa 400, minn 400 sa 520, minn 520 sa 660, minn 660 sa 820, minn 820 sa 1 000 MHz.

Fil-każ li matul it-test dan il-limitu jkun misbuq, għandhom isiru investigazzjonijiet biex ikun assigurat li dan huwa kkawżat minħabba l-ISE li jkun verifikat u mhux minħabba radjazzjoni fl-isfond.

6.2.   Jekk matul l-ewwel pass li jista’ jsir kif deskritt fil-punt 1.3, l-emissjonijiet ta’ firxa ta’ frekwenza dejqa irradjati għal xi waħda mill-oqsma identifikati fil-punt 6.1 huma ta’ l-anqas 10 dB taħt il-limitu ta’ referenza, allura l-ISE għandu jkun kkunsidrat li jkun konformi mar-rekwiżiti ta' dan l-Anness fir-rigward ta’ dik il-firxa ta' frekwenza.

ANNESS XI

METODU(I) GĦALL-ITTESTJAR TA' L-IMMUNITÀ TAS-SUB-ASSEMBLAĠĠI ELETTRIĊI/ELETTRONIĊI GĦAR-RADJAZZJONI ELETTROMANJETIKA

1.   ĠENERALI

1.1.   Il-metodu(i) tat-test deskritt f’dan l-Anness jista’ jkun applikat għal ISE.

1.2.   Metodi tat-test

1.2.1.   L-ISE jistgħu jkunu konformi mar-rekwiżiti ta’ kwalunkwe assoċjazzjoni tal-metodi tat-test li ġejjin bid-diskrezzjoni tal-manifattur, jekk dan jirriżulta li l-iskala kollha ta' frekwenzi speċifikata fil-punt 5.1 tkun koperta.

1.2.2.   Minħabba r-radjazzjoni ta’ kampijiet elettromanjetiċi matul dawn it-testijiet, it-testijiet kollha għandhom isiru ġo żona protetta (iċ-ċellula TEM hija żona protetta).

2.   L-ESPRESSJONI TAR-RIŻULTATI

Għat-testijiet deskritti f’dan l-Anness il-qawwa tal-kamp għandha tkun espressa f’volti/m u l-kurrent injettat għandu jkun espress f’milliamp.

3.   IL-POST TAL-KEJL

3.1.   Il-faċilità tat-test għandha tkun tista’ tiġġenera s-sinjali tat-test meħtieġa fuq l-iskali ta' frekwenza definiti f'dan l-Anness. Il-faċilità tat-test għandha tkun konformi mar-rekwiżiti legali (nazzjonali) li għandhom x'jaqsmu ma' l-emissjoni ta' sinjali elettromanjetiċi.

3.2.   It-tagħmir tal-kejl għandu jkun il-barra mill-kompartiment.

4.   L-ISTAT TA' L-ISE MATUL IT-TESTIJIET

4.1.   L-ISE li jkun verifikat għandu jkun fl-aġġustament normali tat-tħaddim. Għandu jkun rranġat kif definit f’dan l-Anness sakemm il-metodi tat-test ndividwali ma jindikawx mod ieħor.

4.2.   L-enerġija għandha tkun applikata lill-ISE li jkun verifikat via network artifiċjali (NA) ta’ (5 μ H/50 Ω) li għandu jintrabat elettrikament ma' l-art. Il-vultaġġ tal-provvista elettrika għandu jinżamm sa ±10 % tal-vultaġġ tat-tħaddim tas-sistema nominali tiegħu. Xi vultaġġ immewweġ għandu jkun inqas minn 1,5 % tal-vultaġġ tat-tħaddim tas-sistema nominali fil-port ta' l-osservazzjoni ta’ l-NA.

4.3.   Matul il-fażi ta’ kalibrar, xi tagħmir estranju meħtieġ biex jitħaddem l-ISE li jkun verifikat għandu jkun f’postu. Matul il-kalibrar, l-ebda tagħmir estranju m’għandu jkun aktar qrib minn 1 m mill-punt ta’ referenza.

4.4.   Biex jkun assigurat li riżultati tal-kejl li jistgħu jiġu riprodotti jinkisbu meta t-testijiet u l-kejl ikunu repetuti, t-tagħmir li jiġġenera s-sinjal tat-test u t-tqassim tiegħu għandhom ikunu ta' l-istess speċifikazzjoni bħal dawk użati waqt il-fażi tal-kalibrar adattata (punti 7.2, 7.3.2.3, 8.4, 9.2 u 10.2).

4.5.   Jekk l-ISE li jkun verifikat jikkonsisti f’aktar minn unità waħda, il-fili tal-konnessjoni ta’ bejniethom għandhom idejalment ikunu t-tagħmir tas-sistema tal-fili kif maħsuba għall-użu fil-vettura. Jekk dawn mhumiex disponibbli, it-tul bejn l-unità tal-kontroll elettroniku u l-NA għandu jkun ta’ 1 500 ± 75 mm. Il-fili kollha fin-newl għandhom ikunu mitmuma bl-aktar mod realistiku kemm jista' jkun u preferibbilment b'kargi u actuators reali.

5.   L-ISKALA TA’ FREKWENZA, IL-ĦINIJIET TAL-PAWSA

5.1.   Il-kejl għandu jsiru mill-iskala ta’ frekwenza ta’ bejn 20 sa 1 000 MHz.

5.2.   Biex ikun kkonfermat li l-ISE jissodisfa/w r-rekwiżiti ta’ dan l-Anness, it-testijiet għandhom isiru sa 14-il frekwenza spot fl-iskala, e.ż.:

27, 45, 65, 90, 120, 150, 190, 230, 280, 380, 450, 600, 750 u 900 MHz

Il-ħin ta' reazzjoni tat-tagħmir li jkun verifikat għandu jkun ikkunsidrat u l-ħin ta' pawsa għandu jkun biżżejjed biex jippermetti lit-tagħmir li jkun verifikat biex jirreaġixxi f'kondizzjonijiet normali. F’kwalunkwe każ, dan m’għandux ikun inqas minn żewġ sekondi.

6.   IL-KARATTERISTIĊI TAS-SINJAL TAT-TEST LI GĦANDU JKUN IĠĠENERAT

6.1.   Id-devjazzjoni massima tal-linja

Id-devjazzjoni massima tal-linja tas-sinjal tat-test għandha tkun ugwali għad-devjazzjoni massima tal-linja ta' kurva sinusojdali mhux intonata li l-valur rms tagħha huwa definit fil-punt 6.4.2 ta’ l-Anness I (ara Appendiċi 3 ta’ l-Anness VIII).

6.2.   Il-forma tal-kurva tas-sinjal tat-test

Is-sinjal tat-test għandu jkun kurva sinusojdali ta' frekwenza tar-radju, fejn il-wisa' tkun intonata f’kurva sinusojdali ta’ 1 kHz f’fond ta' modulazzjoni m ta' 0,8 ± 0,04.

6.3.   Il-fond ta’ modulazzjoni

Il-fond ta’ modulazzjoni m huwa definit bħala:

7.   L-ITTESTJAR TA’ STRIPLINE

7.1.   Metodu tat-test

Dan it-test jikkonsisti f’li wieħed jissuġġetta x-xedd tas-sistema tal-fili li jikkonnettjaw il-komponenti ġewwa ISE għal forzi ta' kamp speċifikati.

7.2.   Il-kejl tal-forza tal-kamp ġo l-istripline

F’kull frekwenza tat-test mixtieqa, il-livell ta’ l-enerġija għandu jkun alimentat ġo l-istripline biex jipproduċi l-forza tal-kamp mixtieqa fil-post tat-test fin-nuqqas ta’ l-ISE li jkun jkun verifikat, dan il-livell ta’ l-enerġija ‘l quddiem, jew parametru ieħor relatat direttament ma' l-enerġija 'l quddiem meħtieġa biex ikun definit il-kamp, għandu jitkejjel u r-riżultati għandhom jiġu rrikordjati. Dawn ir-riżultati għandhom jintużaw għat-testijiet ta' l-approvazzjoni tat-tip kemm-il darba jidhru bidliet fil-faċilitajiet jew fit-tagħmir li jitolbu li din il-proċedura tkun repetuta. Matul dan il-proċess, il-pożizzjoni tar-ras tas-sonda tal-kamp għandha tkun taħt il-konduttur attiv, iċċentrat f'direzzjonijiet lonġitudinali, vertikali u trasversali. Il-kisi ta’ l-elettroniċi tas-sonda għandu jkun kemm jista' jkun il-bogħod mill-assi lonġitudinali ta' l-istripline.

7.3.   Installazzjoni ta’ l-ISE li jkun verifikat

7.3.1.   L-ittestjar ta’ stripline ta' 150 mm

Il-metodu tat-test iħalli l-ġenerazzjoni ta’ kampijiet omoġeni bejn il-konduttur attiv (l-impedenza ta' 50Ω ta' l-istripline), u pjan terren (is-superfiċji konduttiva tal-mejda ta' l-immuntar), bejn liema parti tax-xedd tas-sistema tal-fili ikun jista’ jiddaħħal. Il-kontrullur(i) elettroniku ta’ l-ISE li jkun verifikat għandu jkun installat fuq il-pjan terren imma barra l-istripline b’waħda mix-xfarijiet tiegħu paralleli mal-konduttur attiv ta' l-istripline. Dan għandu jkun 200 ± 10 mm minn linja fuq il-pjan terren direttament taħt ix-xifer tal-konduttur attiv.

Id-distanza bejn kwalunkwe xifer tal-konduttur attiv u l-mezz periferali użat għall-kejl għandha tkun ta' l-anqas 200 mm.

Is-sezzjoni tax-xedd tas-sistema tal-fili ta' l-ISE li jkun verifikat għandha titqiegħed f’attitudni orizzontali bejn il-konduttur attiv u l-pjan terren (ara l-Figuri 1 u 2 fl-Appendiċi 1).

7.3.1.1.   It-tul minimu tax-xedd tas-sistema tal-fili, li għandu jinkludi x-xedd ta’ l-enerġija ma' l-unità ta' kontroll elettroniku u għandu jitqiegħed taħt l-istripline, għandu jkun ta' 1,5 m sakemm ix-xedd tas-sistema tal-fili tal-vettura hija inqas minn 1,5. F'dan il-każ, it-tul tax-xedd tas-sistema tal-fili għandu jkun dak ta’ l-itwal xedd użat fl-installazzjoni tal-vettura. Xi fergħat tal-linja li jidhru f'dan it-tul għandhom jgħaddu perpendikolarment ma’ l-assi lonġitudinali tal-linja.

7.3.1.2.   Alternattivament, it-tul estiż kompletament tax-xedd tas-sistema tal-fili, li jinkludi t-tul ta’ l-aktar fergħat twal għandu jkun 1,5 m.

7.3.2.   L-ittestjar ta’ stripline ta' 800 mm

7.3.2.1.   Metodu tat-test

L-istripline tikkonsisti f’żewġ pjanċi tal-metall paralleli sseparati b’800 mm. It-tagħmir li jkun verifikat għandu jitqiegħed b’mod ċentrali bejn il-pjanċi ġo kamp elettromanjetiku (ara l-Figuri 3 u 4 fl-Appendiċi 1).

Dan il-metodu jista’ jivverifika kompletament sistemi elettroniċi li jinkludu sensors u actuators kif ukoll il-controller u n-newl tas-sistema tal-fili. Huwa adattat għal apparat li l-akbar dimensjoni tiegħu hija inqas minn terz tas-separazzjoni tal-pjanċa.

7.3.2.2.   Il-pożizzjoni ta' l-istripline

L-istripline għandha titqiegħed ġo kamra protetta (biex ma jkunx hemm emissjonijiet esterni) u mqiegħda 2 m 'l bogħod mill-ħitan u xi għeluq metalliku biex ma jkunx hemm riflessjonijiet elettromanjetiċi. Jista’ jintuża materjal assorbent RF biex dawn ir-riflessjonijijet jiġu mnaqqsa. L-istripline għandha titpoġġa fuq appoġġ li mhux konduttur ta’ l-anqas 0,4 m 'l fuq mill-paviment.

7.3.2.3.   Il-kalibrar ta' l-istripline

Sonda li tkejjel il-kamp għandha titqiegħed fit-terz ċentrali tad-dimensjonijiet lonġitudinali, vertikali u trasversali ta’ l-ispazju bejn il-pjanċi paralleli fin-nuqqas tas-sistema li tkun ittestjata. It-tagħmir ta’ kejl assoċjat għandu jitqiegħed il-barra mill-kamra protetta.

F’kull frekwenza tat-test mixtieqa, għandha tkun alimentata enerġija fl-istripline sabiex tkun prodotta l-forza tal-kamp meħtieġa fl-antenna. Dan il-livell ta’ l-enerġija 'l quddiem, jew parametru ieħor relatat direttament ma' l-enerġija 'l quddiem meħtieġa biex ikun definit il-kamp, għandha tintuża għat-test ta’ l-approvazzjoni tat-tip sakemm ma jkunx hemm bidliet fil-faċilitajiet jew fit-tagħmir li jitolbu li din il-proċedura tkun repetuta.

7.3.2.4.   Installazzjoni ta’ l-ISE li jkun verifikat

L-unità ta’ kontroll prinċipali għandha titqiegħed fit-terz ċentrali tad-dimensjonijiet lonġitudinali, vertikali u trasversali ta' l-ispazju bejn il-pjanċi paralleli. Din għandha sserraħ fuq pedestal magħmul minn materjal mhux konduttiv.

7.3.2.5.   Newl prinċipali tas-sistema tal-fili u l-fili tas-sensor/actuator

In-newl tas-sistema tal-fili prinċipali u xi fili tas-sensor/actuator għandhom jitilgħu vertikalment mill-unità tal-kontroll għall-pjanċa ta’ ma l-art ta’ fuqnett (dan jgħin biex ikun hemm igganċjar massimu mal-kamp elettromanjetiku). Imbagħad għandhom isegwu n-naħa ta’ taħt tal-pjanċa sa waħda mit-trufijiet liberi billi jdur 'il fuq u jsegwu n-naħa ta' fuq tal-pjanċa ta' ma l-art l-aktar 'il bogħod sa fejn jalimentaw il-konnessjonijiet ma' l-istripline. Imbaghad, il-fili għandhom jimxu lejn it-tagħmir assoċjat li għandhu jkun qiegħed f’post mhux influwenzat mill-kamp elettromanjetiku, e.ż. fuq il-paviment tal-kamra protetta 1 m l’ bogħod b’mod lonġitudinali mill-istripline.

8.   L-ITTESTJAR TA’ L-IMMUNITÀ TA’ ISE TA’ KAMP LIBERU

8.1.   Metodu tat-test

Dan it-test jippermetti li jkunu ittestjati s-sistemi elettriċi/elettroniċi tal-vettura billi jesponu ISE għal radjazzjoni elettromanjetika ġġenerata minn antenna.

8.2.   Deskrizzjoni tal-bank tat-test

It-test għandu jsir ġo kompartiment semi-anechoic fuq il-wiċċ ta' bank.

8.2.1.   Pjan terren

8.2.1.1.   Għat-test ta’ l-immunità ta’ kamp liberu, l-ISE li jkun verifikat u t-tagħmir tas-sistema tal-fili tiegħu għandhom jitqiegħdu 50 ± 5 mm ‘l fuq minn mejda ta’ l-injam li mhix konduttiva jew ekwivalenti. Madankollu, jekk xi parti mill-ISE li tkun verifikat hija maħsuba li tkun marbuta elettrikament mal-karozzerija tal-metall tal-vettura, dik il-parti għandha titqiegħed fuq pjan terren u għandha tkun marbuta elettrikament mal-pjan terren. Il-pjan terren għandu jkun folja metallika bi ħxuna minima ta’ 0,5 mm. Id-daqs minimu tal-pjan terren jiddependi mid-daqs ta' l-ISE li jkun verifikat imma għandu jaħseb għad-distribuzzjoni tat-tagħmir tas-sistema tal-fili u l-komponenti ta' l-ISE. Il-pjan terren għandu jkun ikkonnettjat mal-konduttur protettiv tas-sistema ta' l-earthing. Il-pjan terren għandu jkun f’għoli ta’ 1,0 ± 0,1 m ’l fuq mill-paviment tal-faċilità tat-test u għandu jkun parallel miegħu.

8.2.1.2.   L-ISE li jkun verifikat għandu jkun rranġat u kkonnettjat skond il-bżonnijiet tiegħu. Ix-xedd tal-provvista ta’ l-enerġija għandu jitqiegħed matul, u f'100 mm tat-tarf tal-pjan terren/mejda l-eqreb ta' l-antenna.

8.2.1.3.   L-ISE li jkun verifikat għandu jkun ikkonnettjat mas-sistema ta' ma' l-art skond l-ispeċifikazzjoni ta' l-installazzjoni tal-manifattur, l-ebda konnessjonijiet ta' ma' l-art addizzjonali m'huma permissibbli.

8.2.1.4.   Id-distanza minima bejn l-ISE li jkun verifikat u l-istrutturi konduttivi l-oħra kollha, bħall-ħitan tal-partijiet protetti (bl-eċċezzjoni tal-pjan terren/il-mejda taħt l-oġġett tat-test) għandha tkun 1,0 m.

8.2.1.5.   Id-dimensjonijiet ta’ kwalunkwe pjan terren għandhom ikollhom żona ta’ 2,25 metri kwadri jew akbar bl-iżgħar naħa mhux inqas minn 750 mm. Il-pjan terren għandu jkun marbut mal-kompartiment bi strixxi ta' l-irbit b'tali mod li r-reżistenza ta' l-irbit DC ma teċċedix il-2,5 milliohms.

8.2.2.   Installazzjoni ta’ l-ISE li jkun verifikat

Għal tagħmir kbir immunat fuq pedestal metalliku tat-test, il-pedestal tat-test għandu jkun parti mill-pjan terren għall-iskopijiet tat-test u għandu għalhekk ikun marbut. L-uċuħ tal-kampjun tat-test għandhom ikunu f’minimu ta’ 200 mm mit-tarf tal-pjan terren. Il-forniment u l-fili kollha għandhom ikunu ta’ minimu ta’ 100 mm mit-tarf tal-pjan terren u d-distanza bejn il-pjan terren u l-art għandha tkun (mill-punt l-aktar baxxa tax-xedd) 50 ± 5 ‘l fuq mill-pjan terren. L-enerġija għandha tkun applikata lill-ISE li jkun verifikat via network artifiċjali (NA) ta’ (5 μ H/50 Ω).

8.3.   Tip, posizzjoni u orjentazzjoni tal-mezz li jiġġenera kamp

8.3.1.   It-tip ta' mezz li jiġġenera kamp

8.3.1.1.   It-tip ta’ mezz(i) li jiġġenera kamp għandu jkun magħżul b'tali mod li l-qawwa tal-kamp mixtieqa tinkiseb fil-punt ta' referenza (ara l-punt 8.3.4) fil-frekwenzi adattati.

8.3.1.2.   Il-mezz(i) li jiġġenera kamp jista’ jkun antenna/i jew antenna ta’ pjanċa.

8.3.1.3.   Il-kostruzzjoni u l-orjentazzjoni ta’ kull mezz li jiġġenera kamp għandha tkun tali li l-kamp iġġenerat ikun polarizzat: minn 20 sa 1 000 MHz orizzontalment jew vertikalment.

8.3.2.   L-għoli u d-distanza tal-kejl

8.3.2.1.   Għoli

Il-fażi ċentrali ta' l-antenna għandha tkun 150 ± 10 mm ’il fuq mill-pjan terren li fuqu jkun qed iserraħ l-ISE li jkun verifikat. L-ebda parti ta' xi elementi ta’ radjazzjoni ta' l-antenna m'għandha tkun eqreb minn 250 mm tal-paviment tal-faċilità.

8.3.2.2.   Distanza tal-kejl

8.3.2.2.1.   Il-kundizzjonijiet ta’ waqt it-tħaddim jistgħu jiġu mqarrba bl-aħjar mod, billi wieħed ipoġġi l- mezz li jiġġenera kamp l-aktar 'il bogħod kemm ikun prattikabbli mill-ISE. Din id-distanza għandha tipikament tkun fl-iskala ta’ bejn 1 sa 5 m.

8.3.2.2.2.   Jekk it-test issir ġo faċilità magħluqa, l-elementi ta’ radjazzjoni tal-mezz li jiġġenera kamp m’għandhomx ikunu aktar qrib minn 0,5 m ta’ xi materjal li jassorbixxi r-radju u mhux eqreb minn 1,5 m tal-ħajt tal-faċilità. M’għandu jkun hemm l-ebda materjal assorbenti imqiegħed bejn l-antenna tat-trasmissjoni u l-ISE li jkun verifikat.

8.3.3.   Il-pożizzjoni ta’ l-antenna relattiva ma' l-ISE li jkun verifikat

8.3.3.1.   L-elementi ta’ radjazzjoni tal-mezz li jiġġenera kamp m’għandhomx ikunu aktar qrib minn 0,5 m tat-tarf tal-pjan terren.

8.3.3.2.   Iċ-ċentru tal-fażi tal-mezz li jiġġenera kamp għandu jkun fuq pjan li:

Il-mezz li jiġġenera kamp għandu jitqiegħed parallel ma’ dan il-pjan (ara l-Figuri 1 u 2 fl-Appendiċi 4).

8.3.3.3.   Kull mezz li jiġġenera kamp li jitpoġġa fuq il-ipjan terren jew l-ISE li jkun verifikat għandu jestendi sa fuq l-ISE li jkun verifikat.

8.3.4.   Il-punt ta’ referenza

Għall-iskop ta’ dan l-Anness il-punt ta’ referenza huwa l-punt li fih għandha tkun stabbilita s-saħħa tal-kamp u għandu jkun definit kif ġej:

8.3.4.1.   ta’ l-anqas 1 m orizzontalment miċ-ċentru tal-fażi ta' l-antenna jew ta' l-anqas 1 m vertikalment mill-elementi ta' radjazzjoni ta' dixx-antenna;

8.3.4.2.   fuq pjan li:

8.3.4.3.   150 ± 10 mm ‘l fuq mill-pjan terren.

8.4.   Il-ġenerazzjoni tal-qawwa meħtieġa tal-kamp: metodoloġija tat-test

8.4.1.   il-“metodu ta' sostituzzjoni” għandu jintuża biex ikunu stabbiliti l-kundizzjonijiet tal-kamp tat-test.

8.4.2.   Metodu ta’ sostituzzjoni

F’kull frekwenza mixtieqa tat-test, għandha tkun alimentata livell ta’ forza fil-mezz li jiġġenera kamp biex jipproduċi l-qawwa meħtieġa tal-kamp fil-punt ta’ referenza (kif definit fil-punt 8.3.4) fl-żona tat-test fl-assenza ta’ l-ISE li jkun verifikat, meta dan il-livell ta’ forza ‘l quddiem, jew parametru ieħor relatat direttament mal-forza ‘l quddiem meħtieġa biex ikun definit il-kamp, jkun mkejjel u r-riżultati jiġu rrikordjati. Dawn ir-riżultati għandhom jintużaw għat-testijiet ta' l-approvazzjoni tat-tip sa kemm ma jidhrux bidliet fil-faċilitajiet jew fit-tagħmir li jitolbu li din il-proċedura tkun repetuta.

8.4.3.   Waqt il-kalibrar, xi tagħmir estranju għandu jkun f’minimu ta’ 1 m mill-punt ta' referenza.

8.4.4.   Il-mezz li jkejjel il-qawwa tal-kamp

Mezz kumpatt adattat biex ikejjel il-qawwa tal-kamp għandu jintuża biex jistabbilixxi l-qawwa tal-kamp matul il-fażi tal-kalibrar tal-metodu ta’ sostituzzjoni.

8.4.5.   Iċ-ċentru tal-fażi tal-mezz li jiġġenera kamp għandu jitqiegħed fil-punt ta’ referenza.

8.4.6.   L-ISE li jkun verifikat li jista’ jinkludi pjan terren addizzjonali għandu mbagħad jkun ntrodott fil-faċilità tat-test u mqiegħed skond ir-rekwiżiti tal-punt 8.3. Jekk jintuża t-tieni pjan terren, dan għandu jkun f’5 mm mill-bank tal-pjan terren u marbut elettrikament miegħu. L-enerġija ‘l quddiem meħtieġa, definita fil-punt 8.4.2 f’kull frekwenza kif definit fil-punt 5 għandha mbagħad tkun applikata fuq il-mezz li jiġġenera kamp.

8.4.7.   Skond liema parametru jkun ġie magħżul fil-punt 8.4.2 biex jkun definit il-kamp, l-istess parametru għandu jintuża biex jistabbilixxi l-qawwa tal-kamp matul it-test.

8.5.   Il-kontorn tal-qawwa tal-kamp

8.5.1.   Matul il-fażi ta’ kalibrar tal-metodu ta’sostituzzjoni (qabel ma l-ISE li jkun verifikat ikun ntrodott fil-post tat-test), il-qawwa tal-kamp ma għandhiex tkun inqas minn 50 % tal-qawwa nominali tal-kamp 0,5 ± 0,05 m fuq kull naħa tal-punt ta’ referenza fuq linja parallela mat-tarf tal-pjan terren l-aktar qrib ta’ l-antenna u li jgħaddi mill-punt ta’ referenza.

9.   L-ITTESTJAR TAĊ-ĊELLULA TEM

9.1.   Metodu tat-test

Iċ-ċellula TEM (transverse electromagnetic mode) tiġġenera kampijiet omoġeni bejn il-konduttur (septum) u l-housing (pjan terren) interni. Huwa użat biex jiġu ittestjati l-ISE (ara l-Figura 1 fl-Appendiċi 3).

9.2.   Il-kejl tal-qawwa tal-kamp ġo ċellula TEM

9.2.1.   Il-kamp elettriku ġo ċellula TEM għandu jiġu stabbilit bl-ekwazzjoni li ġejja:

|E| = (√(P × Z))/d

9.2.2.   Alternattivament sensor tal-qawwa tal-kamp adattat għandu jitqiegħed fl-ogħla nofs taċ-ċellula TEM. F’din il-parti taċ-ċellula TEM, l-unità(jiet) tal-kontroll elettroniku/ċi għandha biss influenza żgħira fuq il-kamp tat-test. L-output ta’ dan is-sensor għandu jistabbilixxi l-qawwa tal-kamp.

9.3.   Dimensjonijiet taċ-ċellula TEM

Sabiex jinżamm kamp omoġen fiċ-ċellula TEM u biex jinkisbu riżultati ta’ kejl li jistgħu jiġu repetuti, l-għan tat-test m’għandux ikun akbar minn terz ta’ l-għoli intern taċ-ċellula.

Id-dimensjonijiet irrakkomandati taċ-ċellula TEM huma mogħtija fl-Appendiċi 3 il-Figuri 2 u 3.

9.4.   Fili ta’ l-enerġija, sinjali u kontrolli

Iċ-ċellula TEM għandha tkun imqabbda ma’ pannell ta’ socket b'assi komuni u kkonnettjata l-aktar qrib possibbli ma’ plakka li jkollha numru adattat ta' pinnijiet. Il-fornimenti u l-fili ta’ sinjal mill-connector tal-plakka fil-ħajt taċ-ċellula għandhom ikunu kkonnettjati direttament ma' l-oġġett tat-test.

Il-komponenti esterni bħas-sensors, il-forniment ta’ l-enerġija u l-elementi ta’ kontroll jistgħu jiġu kkonnettjati:

Għall-konnessjoni taċ-ċellula TEM ma' l-apparat periferali jew mal-vettura għandhom jintużaw fili protetti jekk il-vettura jew l-apparat periferali mhumiex fl-istess kamra protetta jew f'kamra ħdejha.

10.   L-ITTESTJAR TA’ L-INJEZZJONI TA’ KURRENT KBIR

10.1.   Metodu tat-test

Dan hu metodu ta’ kif isiru t-testijiet ta' l-immunità billi wieħed jinjetta kurrenti direttament fix-xedd tas-sistema tal-fili bl-użu ta’ sonda ta' l-injezzjoni. Is-sonda ta' l-injezzjoni tikkonsisti f’morsa ta’ gganċjar li minnha jgħaddu l-fili ta’ l-ISE li jkun verifikat. It-testijiet ta' l-immunità jistgħu jsiru billi wieħed ivarja l-frekwenza tas-sinjali njettati.

L-ISE li jkun verifikat jista’ jkun installat fuq pjan terren bħal fil-punt 8.2.1 jew fuq vettura skond l-ispeċifikazzjoni tad-disinn tal-vettura.

10.2.   Il-kalibrazzjoni tas-sonda ta' l-injezzjoni ta' kurrent kbir sabiex jinbdew it-testijiet

Is-sonda tal-njezzjoni għandha tkun immuntata fuq jig ta’ kalibrar. Waqt li wieħed ikun qed jgħaddi matul l-iskala ta' frekwenzi tat-test, l-enerġija meħtieġa biex jinkiseb il-kurrent speċifikat f’Anness I, il-punt 6.7.2.1 għandha tkun immonitorjata. Dan il-metodu jikkalibra l-enerġija ‘l quddiem tas-sistema ta' l-injezzjoni ta’ kurrent kbir versus il-kurrent qabel jinbdew it-testijiet u hija din l-enerġija ‘l quddiem li għandha tkun applikata fuq is-sonda ta' l-injezzjoni meta din tkun ikkonnettjata ma' l-ISE li jkun verifikat via l-fili użati waqt il-kalibrazzjoni. Wieħed għandu jinnota l-fatt li l-enerġija mmonitorjata applikata fuq is-sonda ta' l-injezzjoni hija l-enerġija 'l quddiem.

10.3.   Installazzjoni ta’ l-ISE li jkun verifikat

Għal ISE immuntat fuq pjan terren kif hemm fil-punt 8.2.1, il-fili kollha fix-xedd tas-sistema tal-fili għandhom jiġu mitmuma bl-aktar mod realistiku kemm jista’ jkun u preferibbilment b’kargi u actuators reali. Kemm għal vetturi immuntati u għal ISE immuntat fuq pjan terren, is-sonda ta' l-injezzjoni tal-kurrent għandha tkun immuntata min-naħa tagħha fuq il-fili kollha fix-xedd tas-sistema tal-fili ma' kull connector u 150 ± 10 mm minn kull connector ta’ l-unitajiet ta’ kontroll elettroniku ta’ l-ISE li jkun verifikat (ECU), mill-moduli ta' l-istrument jew is-sensors attivi kif jidhru fl-Appendiċi 2.

10.4.   Fili ta’ l-enerġija, sinjali u kontrolli

Għal ISE li jkun verifikat immuntat fuq pjan terren bħal fil-punt 8.2.1, xedd ta’ sistema tal-fili għandu jkun ikkonnettjat ma' network artifiċjali (NA) u ma' l-unità prinċipali ta' kontroll elettroniku (ECU). Dan ix-xedd għandu jkun parallel mat-tarf tal-pjan terren u minimu ta’ 200 mm mit-tarf tiegħu. Dan ix-xedd għandu jkollu fih il-fil li jalimenta l-enerġija li hu wżat biex jikkonettja l-batterija tal-vettura ma’ dan l-ECU u l-fil ta’ prospet ta’ l-enerġija jekk użat fuq il-vettura.

Id-distanza bejn l-ECU u l-AN għandha tkun 1,0 ± 0,1 jew għandha tkun ta’ l-istess tul tax-xedd bejn l-ECU u l-batterija użata fuq il-vettura, jekk dan ikun magħruf, liema wieħed minnhom ikun l-iqsar. Jekk ix-xedd tal-vettura huwa wżat, f’dan il-każ kull fergħa tal-linja li jidhru f’dan it-tul għandhom jgħaddu matul il-pjan terren imma b’mod perpendikolari lil hinn mix-xifer tal-pjan terren. Inkella, il-fili ta' l-ISE li jkun verifikat li jkunu f'dan it-tul jinqasmu fil-NA.

ANNESS XII

PARTI A

Direttiva mħassra flimkien ma’ lista ta' l-emendi suċċessivi tagħha

(imsemmi fl-Artikolu 6)

PARTI B

Lista ta' termini ta’ żmien għat-traspożizzjoni fil-liġi nazzjonali u l-applikazzjoni

(imsemmi fl-Artikolu 6)

(1)  Skond Artikolu 2 tad-Direttiva 2000/2/KE

ANNESS XIII

TABELLA TA’ KORRELAZZJONI