li temenda d-Direttiva tal-Kunsill 91/414/KEE biex tinkludi l-bensulfuron, is-sodium 5-nitroguaiacolate, is-sodium o-nitrophenolate, is-sodium p-nitrophenolate u t-tebufenpyrad bħala sustanzi attivi

Wara li kkunsidrat id-Direttiva tal-Kunsill 91/414/KEE tal-15 ta' Lulju 1991 dwar it-tqegħid fis-suq ta' prodotti tal-protezzjoni tal-pjanti (1), u b'mod partikolari l-Artikolu 6(1) tagħha,

L-Anness I mad-Direttiva 91/414/KEE qed jiġi emendat kif stabbilit fl-Anness ma’ din id-Direttiva.

L-Istati Membri ser jadottaw u jippubblikaw sa mhux aktar tard mit-30 ta' April 2010 il-liġijiet, ir-regolamenti u d-dispożizzjonijiet amministrattivi meħtieġa biex iħarsu din id-Direttiva. Għandhom jgħaddu minnufih lill-Kummissjoni t-test ta’ dawn id-dispożizzjonijiet u tabella tal-korrelazzjoni bejn dawn id-dispożizzjonijiet u din id-Direttiva.

Meta l-Istati Membri jadottaw dawn id-dispożizzjonijiet, għandu jkun fihom referenza għal din id-Direttiva jew għandhom ikunu akkumpanjati b'referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif trid issir din ir-referenza.

1. Skont id-Direttiva 91/414/KEE, l-Istati Membri għandhom, fejn ikun meħtieġ, jemendaw jew jieħdu lura l-awtorizzazzjonijiet eżistenti għall-prodotti tal-protezzjoni tal-pjanti li fihom il-bensulfuron, is-sodium 5-nitroguaiacolate, is-sodium o-nitrophenolate, is-sodium p-nitrophenolate u t-tebufenpyrad bħala sustanzi attivi sat-30 ta’ April 2010.

Sa dik id-data għandhom b’mod partikolari jivverifikaw li jiġu sodisfatti l-kundizzjonijiet fl-Anness I mad-Direttiva relatati mal-bensulfuron, is-sodium 5-nitroguaiacolate, is-sodium o-nitrophenolate, is-sodium p-nitrophenolate u t-tebufenpyrad, minbarra dawk identifikati fit-taqsima tal-parti B li tikkonċerna dik is-sustanza attiva, u li min ikollu l-awtorizzazzjoni jkollu aċċess għal dossier li jissodisfa r-rekwiżiti fl-Anness II ma’ dik id-Direttiva skont il-kundizzjonijiet tal-Artikolu 13 ta’ dik id-Direttiva.

2. B’deroga mill-paragrafu 1, għal kull prodott tal-protezzjoni tal-pjanti awtorizzat li fih il-bensulfuron, is-sodium 5-nitroguaiacolate, is-sodium o-nitrophenolate, is-sodium p-nitrophenolate u t-tebufenpyrad jew bħala l-unika sustanza attiva jew bħala waħda minn diversi sustanzi attivi li kollha kienu tniżżlu fl-Anness I mad-Direttiva 91/414/KEE sa mhux iżjed tard mill-31 ta’ Ottubru 2009, l-Istati Membri għandhom jevalwaw mill-ġdid il-prodott skont il-prinċipji uniformi provduti fl-Anness VI mad-Direttiva 91/414/KEE, fuq il-bażi ta’ dossier li jissodisfa r-rekwiżiti tal-Anness III ma’ dik id-Direttiva u wara li jikkunsidraw il-parti B tat-taqsima fl-Anness I ta’ dik id-Direttiva li tikkonċerna il-bensulfuron, is-sodium 5-nitroguaiacolate, is-sodium o-nitrophenolate, is-sodium p-nitrophenolate u t-tebufenpyrad rispettivament. Fuq il-bażi ta’ dik l-evalwazzjoni, għandhom jiddeterminaw jekk il-prodott jissodisfax il-kundizzjonijiet stabbiliti fl-Artikolu 4(1)(b), (c), (d) u (e) tad-Direttiva 91/414/KEE.

(4) Ir-Rapport Xjentifiku EFSA (2008) 178, Konklużjoni dwar ir-reviżjoni inter pares tal-valutazzjoni dwar ir-riskju marbut mal-pestiċidi tas-sustanza attiva bensulfuron (iffinalizzat fis-26 ta’ Settembru 2008).

Ir-Rapport Xjentifiku EFSA (2008) 191, Konklużjoni dwar ir-reviżjoni inter pares tal-valutazzjoni dwar ir-riskju marbut mal-pestiċidi tas-sustanza attiva sodium (5-nitroguaiacolate, o-nitrophenolate, p-nitrophenolate) (iffinalizzat fit-30 ta’ Settembru 2008).

Ir-Rapport Xjentifiku EFSA (2008) 192, Konklużjoni dwar ir-reviżjoni inter pares tal-valutazzjoni dwar ir-riskju marbut mal-pestiċidi tas-sustanza attiva tebufenpyrad (iffinalizzat fit-23 ta’ Ottubru 2008).

ANNESS

L-entrata li ġejja għandha tiġi inkluża fl-aħħar parti tat-tabella fl-Anness I tad-Direttiva 91/414/KEE:

Nru

Isem Komuni, Numri tal-Identifikazzjoni

L-isem IUPAC

Purezza (1)

Dħul fis-seħħ

Skadenza tal-inklużjoni

Dispożizzjonijiet speċifiċi

“276

Bensulfuron

CAS Nru 83055-99-6

CIPAC Nru 502.201

α-[(4,6-dimethoxypyrimidin-2-ylcarbamoyl)sulfamoyl]-o-toluic acid (bensulfuron)

methyl α-[(4,6-dimethoxypyrimidin-2-ylcarbamoyl)sulfamoyl]-o-toluate (bensulfuron-methyl)

≥ 975 g/kg

1 ta’ Novembru 2009

31 ta’ Ottubru 2019

PARTI A

Biss għal użi bħala erbiċida

PARTI B

Għall-implimentazzjoni tal-prinċipji uniformi tal-Anness VI, għandhom jitqiesu l-konklużjonijiet tar-rapport ta' reviżjoni dwar il-bensulfuron, u b'mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa tal-Annimali fit-8 ta’ Diċembru 2008.

F’din il-valutazzjoni ġenerali l-Istati Membri għandhom joqogħdu partikolarment attenti għal li ġej:

—	il-ħarsien ta' organiżmi akkwatiċi; b’rabta ma’ dawn ir-riskji identifikati, miżuri għat-tnaqqis tar-riskji, fosthom żoni ta’ paraventu, għandhom jiġu applikati fejn xieraq.

—	il-protezzjoni tal-ilma ta' taħt l-art, meta s-sustanza attiva tiġi applikata f'reġjuni b'kundizzjonjiet vulnerabbli tal-ħamrija u/jew klimatiċi.

L-Istati Membri kkonċernati għandhom jiżguraw li n-notifikant jippreżenta lill-Kummissjoni:

—	aktar studji ta’ speċifikazzjoni;

—	informazzjoni biex jindirizza iktar ir-rotta u r-rata tad-degredazzjoni tal-bensulfuron-methyl f’kundizzjonijiet ta’ ħamrija aerobika mifqugħa bl-ilma;

—	informazzjoni biex tiġi indirizzata r-relevanza tal-metaboliti għall-valutazzjoni tar-riskju għall-konsumatur.

Għandhom jiżguraw li n-notifikanti jipprovdu l-Kummissjoni bi studji bħal dawn sal-31 ta’ Ottubru 2011.

277

Sodium 5-nitroguaiacolate

CAS Nru 67233-85-6

CIPAC Nru mhux allokat

Sodium 2-methoxy-5-nitrophenolate

≥ 980 g/kg

1 ta’ Novembru 2009

31 ta’ Ottubru 2019

PARTI A

L-użu bħala regolatur tat-tkabbir tal-pjanti biss jista’ jiġi awtorizzat.

PARTI B

Għall-implimentazzjoni tal-prinċipji uniformi tal-Anness VI, għandhom jitqiesu l-konklużjonijiet tar-rapport ta' reviżjoni dwar is-sodium 5-nitroguaiacolate, is-sodium o-nitrophenolate u s-sodium p-nitrophenolate, u b'mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa tal-Annimali fit-2 ta' Diċembru 2008.

F’din il-valutazzjoni globali, l-Istati Membri jridu jagħtu attenzjoni partikolari:

—	lill-ispeċifikazzjoni tal-materjal tekniku kif manifatturat kummerċjalment għandu jkun appoġġjat b’dejta analitika xierqa. Il-materjal tat-test użat fid-dossiers tat-tossiċità għandu jiġi mqabbel u vverifikat ma’ din l-ispeċifikazzjoni tal-materjal tekniku;

—	lill-ħarsien tas-sigurezza tal-operaturi u l-ħaddiema. Kundizzjonijiet tal-użu awtorizzati għandhom jistabbilixxu l-applikazzjoni ta’ tagħmir protettiv personali xieraq u miżuri għat-tnaqqis tar-riskju sabiex titnaqqas l-espożizzjoni;

—	għall-protezzjoni tal-ilma ta' taħt l-art, meta s-sustanza attiva tiġi applikata f'reġjuni b'kundizzjonjiet vulnerabbli tal-ħamrija u/jew klimatiċi; Il-kundizzjonijiet tal-awtorizzazzjoni għandhom jinkludu miżuri għat-taffija tar-riskju, fejn xieraq.

L-Istati Membri kkonċernati għandhom jitolbu l-preżentazzjoni ta’ studji ulterjuri sabiex jikkonfermaw il-valutazzjoni tar-riskju għall-ilma ta’ taħt l-art. Għandhom jiżguraw li n-notifikanti jipprovdu l-Kummissjoni bi studji bħal dawn sal-31 ta’ Ottubru 2011.

278

Sodium o-nitrophenolate

CAS Nru 824-39-5

CIPAC Nru mhux allokat

Sodium 2-nitrophenolate sodium o-nitrophenolate

≥ 980 g/kg

L-impuritajiet li ġejjin huma ta’ tħassib tossikoloġiku::

Fenol

Kontenut massimu: 0,1 g/kg

2,4 dinitrophenol

kontenut massimu: 0,14 g/kg

2.6 dinitrophenol

kontenut massimu: 0,32 g/kg

1 ta’ Novembru 2009

31 ta’ Ottubru 2019

PARTI A

L-użu bħala regolatur tat-tkabbir tal-pjanti biss jista’ jiġi awtorizzat.

PARTI B

F’din il-valutazzjoni globali, l-Istati Membri jridu jagħtu attenzjoni partikolari:

—	lill-ispeċifikazzjoni tal-materjal tekniku kif manifatturat kummerċjalment għandu jkun appoġġjat b’dejta analitika xierqa. Il-materjal tat-test użat fid-dossiers tat-tossiċità għandu jiġi mqabbel u vverifikat ma’ din l-ispeċifikazzjoni tal-materjal tekniku;

—	lill-ħarsien tas-sigurezza tal-operaturi u l-ħaddiema. Kundizzjonijiet tal-użu awtorizzati għandhom jistabbilixxu l-applikazzjoni ta’ tagħmir protettiv personali xieraq u miżuri għat-tnaqqis tar-riskju sabiex titnaqqas l-espożizzjoni;

—	għall-protezzjoni tal-ilma ta' taħt l-art, meta s-sustanza attiva tiġi applikata f'reġjuni b'kundizzjonjiet vulnerabbli tal-ħamrija u/jew klimatiċi. Il-kundizzjonijiet tal-awtorizzazzjoni għandhom jinkludu miżuri għat-taffija tar-riskju, fejn xieraq.

L-Istati Membri kkonċernati għandhom jitolbu l-preżentazzjoni ta’ studji ulterjuri sabiex jindirizzaw ir-riskju għall-ilma ta’ taħt l-art. Għandhom jiżguraw li n-notifikanti jipprovdu l-Kummissjoni bi studji bħal dawn sal-31 ta’ Ottubru 2011.

279

Sodium o-nitrophenolate

CAS Nru 824-78-2

CIPAC Nru mhux allokat

Sodium 4-nitrophenolate Sodium o-nitrophenolate

≥ 998 g/kg

L-impuritajiet li ġejjin huma ta’ tħassib tossikoloġiku:

Fenol

kontenut massimu: 0,1 g/kg

2,4 dinitrophenol

kontenut massimu: 0,07 g/kg

2.6 dinitrophenol

kontenut massimu: 0,09 g/kg

1 ta’ Novembru 2009

31 ta’ Ottubru 2019

PARTI A

L-użu bħala regolatur tat-tkabbir tal-pjanti biss jista’ jiġi awtorizzat.

PARTI B

Għall-implimentazzjoni tal-prinċipji uniformi tal-Anness VI, għandhom jitqiesu l-konklużjonijiet tar-rapport ta' reviżjoni dwar H-is-sodium 5-nitroguaiacolate, is-sodium o-nitrophenolate u s-sodium p-nitrophenolate, u b'mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa tal-Annimali fit-2 ta' Diċembru 2008.

F’din il-valutazzjoni globali, l-Istati Membri jridu jagħtu attenzjoni partikolari:

—	lill-ispeċifikazzjoni tal-materjal tekniku kif manifatturat kummerċjalment għandu jkun appoġġjat b’dejta analitika xierqa. Il-materjal tat-test użat fid-dossiers tat-tossiċità għandu jiġi mqabbel u vverifikat ma’ din l-ispeċifikazzjoni tal-materjal tekniku;

—	lill-ħarsien tas-sigurezza tal-operaturi u l-ħaddiema. Kundizzjonijiet tal-użu awtorizzati għandhom jistabbilixxu l-applikazzjoni ta’ tagħmir protettiv personali xieraq u miżuri għat-tnaqqis tar-riskju sabiex titnaqqas l-espożizzjoni;

—	għall-protezzjoni tal-ilma ta' taħt l-art, meta s-sustanza attiva tiġi applikata f'reġjuni b'kundizzjonjiet vulnerabbli tal-ħamrija u/jew klimatiċi. Il-kundizzjonijiet tal-awtorizzazzjoni għandhom jinkludu miżuri għat-taffija tar-riskju, fejn xieraq.

280

Tebufenpyrad

CAS Nru 119168-77-3

CIPAC Nru 725

N-(4-tert-butylbenzyl)-4-chloro-3-ethyl-1-methylpyrazole-5-carboxamide

≥ 980 g/kg

1 ta’ Novembru 2009

31 ta’ Ottubru 2019

PARTI A

L-użi bħala insettiċidi u akariċidi biss jistgħu jiġu awtorizzati.

PARTI B

Waqt il-valutazzjoni tal-applikazzjonijiet għall-awtorizzazzjoni tal-prodotti għall-ħarsien tal-pjanti li fihom it-tebufenpyrad għal użu għajr dak tal-basktijiet li jinħallu fl-ilma, l-Istati Membri għandhom joqogħdu partikolarment attenti għall-kriterji fl-Artikolu 4(1) (b), u għandhom jiżguraw li tiġi pprovduta kull dejta u tagħrif meħtieġa qabel ma tingħata awtorizzazzjoni bħal din.

Għall-implimentazzjoni tal-prinċipji uniformi tal-Anness VI, għandhom jitqiesu l-konklużjonijiet tar-rapport ta' reviżjoni dwar it-tebufenpyrad, u b'mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa tal-Annimali tat-2 ta’ Diċembru 2008.

F’din il-valutazzjoni globali, l-Istati Membri jridu jagħtu attenzjoni partikolari:

—	lis-sigurezza tal-operaturi u l-ħaddiema u jiżguraw li l-kundizzjonijiet tal-użu jippreskrivu l-applikazzjoni ta’ tagħmir ta' protezzjoni personali xieraq;

—	lill-protezzjoni ta’ organiżmi akkwatiċi u għandhom jiżguraw li l-kundizzjonijiet ta’ awtorizzazzjoni jinkludu, fejn xieraq, miżuri ta' taffija tar-riskju bħalma huma ż-żoni ta’ paraventu;

—	il-protezzjoni tal-għasafar insettivori u jridu jiżguraw li l-kundizzjonijiet ta' awtorizzazzjoni jinkludu, fejn xieraq, miżuri ta' taffija tar-riskju.

L-Istati Membri kkonċernati għandhom jiżguraw li n-notifikant jippreżenta lill-Kummissjoni:

—	iktar informazzjoni li tikkonferma li l-ebda impuritajiet m’huma preżenti;

—	informazzjoni biex jindirizzaw aħjar ir-riskju għall-għasafar insettivori.

Għandhom jiżguraw li n-notifikanti jipprovdu l-Kummissjoni bi studji bħal dawn sal-31 ta’ Ottubru 2011.”

(1) Iżjed dettalji fuq l-identità u l-ispeċifikazzjoni tas-sustanza attiva huma provduti fir-rapport tar-reviżjoni.