18.11.2009 |
MT |
Il-Ġurnal Uffiċjali tal-Unjoni Ewropea |
L 303/70 |
AZZJONI KONĠUNTA TAL-KUNSILL 2009/841/PESK
tas-17 ta’ Novembru 2009
li temenda u testendi l-Azzjoni Konġunta 2008/112/PESK dwar il-missjoni tal-Unjoni Ewropea b’appoġġ għar-riforma tas-settur tas-sigurtà fir-Repubblika tal-Ginea Bissaw (EU SSR GINEA BISSAW)
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 14 tiegħu,
Billi:
(1) |
Fit-12 ta’ Frar 2008, il-Kunsill adotta l-Azzjoni Konġunta 2008/112/PESK dwar il-Missjoni tal-Unjoni Ewropea b’appoġġ għar-riforma tas-settur tas-sigurtà fir-Repubblika tal-Ginea Bissaw (EU SSR GINEA BISSAW) (1). Dik l-Azzjoni Konġunta kellha tapplika sal-31 ta’ Mejju 2009. |
(2) |
Fit-18 ta’ Mejju 2009, il-Kunsill adotta l-Azzjoni Konġunta 2009/405/PESK (2) li temenda l-Azzjoni Konġunta 2008/112/PESK. Dik l-Azzjoni Konġunta għandha tapplika sat-30 ta’ Novembru 2009. |
(3) |
Permezz ta’ ittra datata d-9 ta’ Ottubru 2009, il-Ginea Bissaw stiednet lill-Unjoni Ewropea biex testendi l-Missjoni għal sitt xhur sal-31 ta’ Mejju 2010. |
(4) |
L-Azzjoni Konġunta 2008/112/PESK għandha tiġi emendata kif meħtieġ, |
ADOTTA DIN L-AZZJONI KONĠUNTA:
Artikolu 1
L-Azzjoni Konġunta 2008/112/PESK hija b’dan emendata kif ġej:
(1) |
l-Artikolu 1(1) għandu jiġi sostitwit b’dan li ġej: “1. L-Unjoni Ewropea (UE) b’dan tistabbilixxi Missjoni tal-UE b’appoġġ għar-riforma tas-settur tas-sigurtà fir-Repubblika tal-Ginea Bissaw (minn hawn ‘il quddiem imsejħa ‘EU SSR GUINEA BISSAU’ jew il-‘Missjoni’), li tinkludi fażi ta’ tħejjija li tibda fis-26 ta’ Frar 2008 u b’fażi ta’ implimentazzjoni li tibda mhux aktar tard mill-1 ta’ Mejju 2008. It-tul ta’ żmien tal-Missjoni ser ikun ta’ mhux aktar minn 24 xahar mid-dikjarazzjoni tal-kapaċità operattiva inizjali.”; |
(2) |
L-Artikolu 9(1) għandu jiġi sostitwit b’dan li ġej: “1. L-ammont ta’ referenza finanzjarja biex jkopri n-nefqa relatata mal-Missjoni għall-perijodu mis-26 ta’ Frar 2008 sat-30 ta’ Novembru 2009 għandu jkun ta’ EUR 5 650 000. L-ammont ta’ referenza finanzjarja biex tkopri n-nefqa relatata mal-Missjoni għall-perijodu mill-1 ta’ Diċembru 2009 sal-31 ta’ Mejju 2010 għandu jkun ta’ EUR 1 530 000.”; |
(3) |
fl-Artikolu 17, it-tieni subparagrafu għandu jiġi sostitwit b’dan li ġej: “Għandha tapplika sal-31 ta’ Mejju 2010.” |
Artikolu 2
Din l-Azzjoni Konġunta għandha tidħol fis-seħħ fil-jum tal-adozzjoni tagħha.
Artikolu 3
Din l-Azzjoni Konġunta għandha tiġi ppubblikata fil-Ġurnal Uffiċjali tal-Unjoni Ewropea.
Magħmul fi Brussell, is-17 ta’ Novembru 2009.
Għall-Kunsill
Il-President
C. BILDT
(1) ĠU L 40, 14.2.2008, p. 11.
(2) ĠU L 128, 27.5.2009, p. 60.