4.11.2009   

MT

Il-Ġurnal Uffiċjali tal-Unjoni Ewropea

L 288/10

(1)

Is-settur awdjoviżiv jikkontribwixxi għall-ksib tal-għanijiet tal-Aġenda ta’ Lisbona, jiġifieri biex jissaħħu l-kompetittività, il-ħiliet, it-tkabbir u l-impjiegi f’ekonomija bbażata fuq l-għarfien. Huwa għandu rwol ewlieni fil-kuntest tal-inizjattiva i2010 — il-politika li tiġbor fiha l-politiki Ewropej dwar is-soċjetà tal-informazzjoni u tal-midja — fil-qafas tal-Aġenda ta’ Lisbona.

(2)

Il-Parlament Ewropew dejjem enfasizza l-fatt li s-settur awdjoviżiv jagħti kontribuzzjoni importanti lill-ekonomija kreattiva u ta’ għarfien Ewropea u li għandu rwol ċentrali fil-promozzjoni tad-diversità kulturali u fil-pluraliżmu, kif ukoll iservi bħala pjattaforma importanti għal-libertà tal-espressjoni.

(3)

Is-setturi kulturali u kreattivi jagħtu kontribut sostanzjali lill-ekonomija kulturali Ewropea u fl-2004 l-industriji kreattivi impjegaw mill-inqas 5,8 miljun persuna, ekwivalenti għal 3.1 % mill-popolazzjoni totali impjegata tal-UE25.

(4)

L-appoġġ Komunitarju lis-settur awdjoviżiv jieħu kont tal-Artikolu 151 tat-Trattat, li jiddikjara li l-Komunità u l-Istati Membri għandhom irawmu l-koperazzjoni mal-pajjiżi terzi u mal-organizzazzjonijiet internazzjonali kompetenti fil-qasam tal-kultura, u li l-Komunità għandha tieħu kont tal-aspetti kulturali fl-azzjoni tagħha, partikolarment sabiex tirrispetta u tippromwovi d-diversità tal-kulturi tagħha.

(5)

Fir-Riżoluzzjoni tiegħu tas-16 ta’ Novembru 2007 dwar Aġenda Ewropea għall-Kultura (4), il-Kunsill ikkunsidra li l-kultura kienet element vitali tar-relazzjonijiet internazzjonali u enfasizza l-ħtieġa li jiżdied l-irwol tagħha fir-relazzjonijiet esterni tal-UE u fil-politika tal-iżvilupp. Il-Parlament Ewropew, fir-riżoluzzjoni tiegħu tal-10 ta’ April 2008 dwar Aġenda Ewropea għall-Kultura f’dinja globalizzata, enfasizza wkoll, fir-rigward tal-Konvenzjoni tal-Unesco dwar il-Protezzjoni u l-Promozzjoni tad-Diversità tal-Espressjonijiet Kulturali, l-importanza tal-integrazzjoni tad-dimensjoni kulturali fil-politiki u l-programmi kollha, inklużi politiki esterni u żvilupp.

(6)

Fil-21 ta’ Novembru 2008 il-Kunsill u r-Rappreżentanti tal-Gvernijiet tal-Istati Membri, imlaqqgħin fil-Kunsill, adottaw konklużjonijiet dwar il-promozzjoni tad-diversità kulturali u tad-djalogu interkulturali fir-relazzjonijiet esterni tal-Unjoni u l-Istati Membri tagħha (5).

(7)

Il-Komunikazzjoni tal-Kummissjoni tat-8 ta’ Ġunju dwar l-‘Ewropa fid-dinja’ tenfasizza r-rabta qawwija bejn il-politiki interni u esterni tal-UE, u tisħaq li l-Ewropa għandha l-potenzjal li tagħti sehemha fl-opportunitajiet il-ġodda maħluqin mis-swieq emerġenti u mill-globalizzazzjoni, minħabba li għandha soċjetà miftuħa li tista’ tassorbi n-nies, l-ideat u t-teknoloġiji l-ġodda.

(8)

L-Unjoni Ewropea kellha sehem ewlieni fil-proċess li wassal għall-adozzjoni tal-Konvenzjoni tal-Unesco dwar il-Protezzjoni u l-Promozzjoni tad-Diversità tal-Espressjonijiet Kulturali li daħlet fis-seħħ fit-18 ta’ Marzu 2007, wara r-ratifika mill-Kommunità Ewropea u minn 13-il Stat Membru fit-18 ta’ Diċembru 2006. L-għan tal-Konvenzjoni hu li tissaħħaħ il-koperazzjoni u s-solidarjetà internazzjonali sabiex tiffavorixxi l-espressjonijiet kulturali tal-pajjiżi kollha. Skont l-Artikolu 12(e) tal-Konvenzjoni, il-partijiet tal-Konvenzjoni ‘għandhom iħeġġu l-konklużjoni tal-ftehimiet dwar il-koproduzzjoni u l-kodistribuzzjoni’.

(9)

Numru ta’ attivitajiet tal-Istati Membri għandhom l-għan li jżidu l-koperazzjoni bejn l-industriji awdjoviżivi tal-pajjiżi Ewropej u dawk ta’ pajjiżi terzi, bħal ma huma l-fondi internazzjonali għall-koproduzzjoni u t-trattati dwar il-koproduzzjoni. L-appoġġ Komunitarju ser ikun kumplimentari għal tali azzjonijiet.

(10)

Il-Karta tad-Drittijiet Fundamentali tal-Unjoni Ewropea, fl-Artikolu 11 tirrikonoxxi l-libertà tal-espressjoni u l-pluraliżmu tal-midja.

(11)

Ir-rapport ta’ evalwazzjoni tal-programm MEDIA Plus identifika l-importanza tas-swieq internazzjonali sabiex jingħelbu l-problemi tal-industrija awdjoviżiva Ewropea.

(12)

Ix-xenarju awdjoviżiv internazzjonali nbidel b’mod sinifikanti matul dawn l-aħħar żewġ deċenni u attwalment qed jiffaċċja sfidi ġodda, speċjalment taħt l-impatt tal-iżviluppi teknoloġiċi bħalma huma l-projezzjoni diġitali taċ-ċinema, il-filmati fuq talba (“video-on-demand”) (VOD) jew it-televiżjoni diġitali b’ħafna stazzjonijiet. Dan ġab miegħu tkabbir finanzjarju b’saħħtu kif ukoll investimenti li jippromettu u konsegwentement, domanda b’saħħitha u li qiegħda dejjem tikber għal aktar kontenut awdjoviżiv, li joffri għadd kbir ta’ opportunitajiet għall-kumpanniji. Għaldaqstant, hemm interess qawwi u li qiegħed dejjem jiżdied fi proġetti li qed jiżviluppaw li jirrigwardaw l-applikazzjonijiet diġitali varji. Barra minn hekk, hemm rabta qawwija bejn il-koperazzjoni internazzjonali fuq il-proġetti u l-abbiltà tal-Unjoni li fid-dinja tippromwovi l-mudell regolatorju tagħha dwar il-kwistjonijiet awdjoviżivi u l-konverġenza bejn il-komunikazzjonijiet awdjoviżivi u dawk elettroniċi.

(13)

Minħabba l-importanza li qiegħda dejjem tiżdied tad-dimensjoni internazzjonali tal-politika awdjoviżiva, fit-13 ta’ Diċembru 2007 il-Parlament Ewropew adotta, fil-baġit tal-2008, azzjoni ta’ tħejjija msejħa “MEDIA International”, li tiffoka fuq l-iżvilupp tar-relazzjonijiet tal-Unjoni mas-swieq awdjoviżivi ta’ pajjiżi terzi, u li tipprovdi l-opportunità għall-istrutturar u t-tisħiħ tar-relazzjonijiet u tan-netwerks bejn il-professjonisti Ewropej u dawk ta’ pajjiżi terzi fis-settur awdjoviżiv għall-benefiċċju reċiproku tal-industrija Ewropea u tal-pajjiżi terzi involuti. Is-sejħa sussegwenti għall-proposti qajmet interess kbir kemm mill-professjonisti Ewropej kif ukoll minn dawk ta’ pajjiżi terzi. Intgħażlu tmintax-il proġett għall-appoġġ. B’hekk, l-ewwel sena tal-azzjoni ta’ tħejjija MEDIA International ikkonfermat l-interessi u l-bżonnijiet tas-settur fil-qasam internazzjonali kif ukoll in-neċessità għal azzjoni Komunitarja.

(14)

Il-Parlament Ewropew ġedded l-azzjoni ta’ tħejjija MEDIA International b’baġit miżjud għas-sena 2009.

(15)

Fid-19 ta’ Mejju 2008, f’laqgħa informali f’Cannes, il-Ministri responsabbli għall-kwistjonijiet awdjoviżivi minn numru ta’ Stati Membri laqgħu l-inizjattiva tal-Parlament Ewropew dwar l-azzjoni ta’ tħejjija MEDIA International u ħeġġew lill-Kummissjoni ‘sabiex tfittex li tiżviluppa din l-inizjattiva u teżamina kemm huwa mixtieq u kemm huwa possibbli li titressaq proposta għall-programm ta’ appoġġ sabiex ikun hemm il-promozzjoni tal-koperazzjoni bejn il-professjonisti tal-industrija awdjoviżiva Ewropea u l-professjonisti tal-industrija f’pajjiżi terzi għall-benefiċċju reċiproku tal-parteċipanti kollha’.

(16)

Konsultazzjoni pubblika miftuħa uriet li hemm appoġġ b’saħħtu għall-koperazzjoni msaħħa bejn il-professjonisti Ewropej u dawk ta’ pajjiżi terzi fis-settur awdjoviżiv, partikolarment fl-oqsma tat-taħriġ, il-faċilitazzjoni tal-koproduzzjonijiet, fit-tqassim u ċ-ċirkolazzjoni tax-xogħlijiet awdjoviżivi (inklużi pjattaformi ġodda, bħalma huma l-VOD, u l-IPTV), kif ukoll fl-għarfien dwar il-films.

(17)

L-aċċess għas-swieq awdjoviżivi fil-pajjiżi terzi għandu jiġi ffaċilitat bid-disseminazzjoni tal-għarfien dwar is-suq fost il-professjonisti li joperaw f’dawk is-swieq u bil-ħolqien ta’ netwerks bejniethom. Għal dawk l-għanijiet, għandhom ikunu appoġġati proġetti li jipprovdu t-taħriġ fi ħdan il-qafas ta’ programm.

(18)

Is-settur tad-distribuzzjoni jiddetermina d-diversità tax-xogħlijiet awdjoviżivi offruti u l-għażla tal-konsumatur. Id-distributuri Ewropej huma kumpanniji żgħar, u minħabba l-istruttura u l-frammentazzjoni tas-suq għall-kuntrarju tal-kompetituri kbar tagħhom li huma integrati b’mod vertikali, huma mhumiex attrezzati tajjeb sabiex jiksbu aċċess għas-swieq internazzjonali. Barra minn hekk, tfaċċaw parteċipanti u pjattaformi ta’ distribuzzjoni ġodda li jħeġġu jew jeħtieġu aktar kontenut awdjoviżiv. Għalhekk huwa adatt li jittieħdu miżuri sabiex jitjiebu d-distribuzzjoni, iċ-ċirkolazzjoni u l-wiri tax-xogħlijiet Ewropej f’pajjiżi terzi u dawk ta’ pajjiżi terzi fl-Ewropa.

(19)

Għaldaqstant hemm il-ħtieġa li jiġi stabbilit programm Komunitarju għas-settur awdjoviżiv, li jipprovdi appoġġ finanzjarju għal proġetti fl-oqsma tal-iskambju tal-informazzjoni u tat-taħriġ, il-kompetittività, it-tqassim, iċ-ċirkulazzjoni u l-wiri tal-kontenut awdjoviżiv.

(20)

Sabiex jiġi żgurat il-vantaġġ reċiproku massimu u tiġi ssimplifikata l-amministrazzjoni, proġetti taħt il-programm għandhom jiġu proposti u implimentati b’mod konġunt minn professjonisti tal-Unjoni u minn pajjiżi terzi u għandhom jippromwovu effett ta’ netwerk internazzjonali. Sabiex tiġi ssimplifikata l-amministrazzjoni, il-proġetti għandhom ikunu kkoordinati minn professjonist stabbilit f’pajjiż li jkun qed jieħu sehem fil-programm.

(21)

Għandhom jiġu mfassla u implimentati miżuri xierqa sabiex jiġu evitati l-irregolaritajiet u l-frodi u biex jiġu rkuprati l-fondi li jkunu ġew mitlufa jew trasferiti jew użati ħażin.

(22)

Huwa adatt li tul il-programm kollu jiġi stabbilit qafas finanzjarju li jikkostitwixxi r-referenza ewlenija għall-awtorità baġitarja, fis-sens tal-punt 37 tal-Ftehim Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (6).

(23)

Il-miżuri meħtieġa għall-implimentazzjoni ta’ din id-Deċiżjoni għandhom jiġu adottati skont id-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat implimentattivi konferiti lill-Kummissjoni (7).

(24)

L-arranġamenti għall-monitoraġġ u l-evalwazzjoni tal-programm għandhom jinkludu rapporti annwali dettaljati kif ukoll għanijiet u indikaturi speċifiċi, li jistgħu jitkejlu u jistgħu jintlaħqu kif ukoll li jkunu rilevanti u marbuta biż-żmien.

(25)

Ġaladarba l-għanijiet ta’ din id-Deċiżjoni ma jistgħux jinkisbu b’mod suffiċjenti mill-Istati Membri minħabba n-natura transnazzjonali u internazzjonali tal-azzjonijiet proposti, u jistgħu għalhekk minħabba l-iskala u l-effett ta’ dawk l-azzjonijiet, jinkisbu aħjar f’livell Komunitarju, il-Komunità tista’ tadotta miżuri f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat. F’konformità mal-prinċipju ta’ proporzjonalità, kif stabbilit f’dak l-Artikolu, din id-Deċiżjoni ma tmurx lil hinn minn dak li huwa meħtieġ sabiex jinkisbu dawk l-għanijiet,

1.

“professjonist Ewropew” tfisser professjonist li:

2.

“professjonist minn pajjiż terz” tfisser professjonist li m’huwiex professjonist Ewropew;

3.

“pajjiż terz” tfisser pajjiż ieħor minbarra dawk imsemmijin fil-paragrafu 1, subparagrafu (a) punt (i), jew dawk li jissodisfaw ir-rekwiżiti mniżżlin fil-paragrafu 1, subparagrafu (a) punti (ii) jew (iii);

4.

“Xogħol awdjoviżiv” tfisser sett ta’ stampi li jiċċaqalqu bil-ħoss jew mingħajru. Eżempji ta’ xogħlijiet awdjoviżivi jinkludu films, dokumentarji u films ta’ animazzjoni;

5.

“Xogħlijiet Ewropej” tfisser xogħlijiet awdjoviżivi li joriġinaw mill-pajjiżi msemmijin fil-paragrafu 1, subparagrafu (a) punti (i), (ii) jew (iii).

(a)

jitjieb il-fehim tal-professjonisti, partikolarment, tal-kondizzjonijiet operattivi, tal-oqfsa legali, (inkluż fil-qasam tad-drittijiet ta’ proprjetà intellettwali), tas-sistemi finanzjarji u tal-possibilitajiet ta’ koperazzjoni tas-swieq awdjoviżivi rispettivi tagħhom;

(b)

tiġi ggarantita u ffaċilitata l-koperazzjoni awdjoviżiva bejn il-professjonisti billi jitjieb il-livell tal-għarfien tagħhom tas-swieq awdjoviżivi;

(c)

jiġi ffaċilitat in-netwerking u jinħolqu relazzjonijiet ta’ ħidma fit-tul, partikolarment permezz ta’ boroż ta’ studju; jew

(d)

jiġi appoġġat it-taħriġ professjonali inizjali u kontinwu.

(a)

jiġi iffaċilitat it-tiftix għal sħab minn pajjiżi terzi għal xogħlijiet Ewropej. Il-programm għandu jappoġġa l-organizzazzjoni tas-swieq tal-koproduzzjoni kif ukoll l-avvenimenti ta’ tfittxija tal-isħab (il-preżentazzjoni fil-qosor ta’ ideat għal films), li jimmiraw li jingħaqdu flimkien l-imsieħba possibbli (pereżempju awturi tal-iskritti, diretturi, atturi, produtturi u distributuri);

(b)

jiġi inkoraġġit il-bejgħ u l-promozzjoni internazzjonali ta’ xogħlijiet Ewropej fis-swieq ta’ pajjiżi terzi u ta’ xogħlijiet awdjoviżivi minn pajjiżi terzi fl-Ewropa. Il-programm għandu jinkoraġġixxi l-konklużjoni ta’ ftehimiet bejn gruppi ta’ detenturi tad-drittijiet/aġenti tal-bejgħ/distributuri sabiex ikunu żgurati d-distribuzzjoni (pereżempju fiċ-ċinema, fuq it-televiżjoni, fuq l-IPTV, fuq il-Web TV u fuq pjattaformi ta’ VOD) u l-promozzjoni.

(a)

iħeġġu lill-operaturi taċ-ċinema f’pajjiżi Ewropej u f’pajjiżi terzi sabiex iżidu reċiprokament il-kondizzjonijiet tal-ipprogrammar u tal-wiri (it-tul, l-espożizzjoni u l-għadd ta’ wirjiet) tal-ewwel wiri esklussiv ta’ xogħlijiet awdjoviżivi. Il-programm għandu jappoġġa proġetti ppreżentati min-netwerks taċ-ċinema bi skrins fl-Ewropa u f’pajjiżi terzi li jipprogrammaw numru sinifikanti ta’ xogħlijiet awdjoviżivi fit-territorju/i tas-sieħeb/sħab tagħhom;

(b)

jiżdied il-forniment tal-kontenut awdjoviżiv u jitjiebu l-kundizzjonijiet tax-xandir u tat-tqassim għax-xogħlijiet awdjoviżivi minn pajjiżi terzi fuq l-istazzjonijiet tat-tqassim Ewropej (il-pjattaformi tat-TV, tal-IPTV, tal-Web TV u tal-VOD) u għal xogħlijiet Ewropej fuq l-istazzjonijiet tat-tqassim internazzjonali. Il-programm għandu jappoġġa sħubijiet bejn ix-xandara (jew il-pjattaformi tal-VOD) u d-detenturi tad-drittijiet li jimmiraw għal xandir ta’ pakkett ta’ xogħlijiet jew għat-tqassim ta’ katalogu ta’ xogħlijiet fuq pjattaformi tal-VOD;

(c)

jiffaċilitaw l-organizzazzjoni tal-avvenimenti u tal-inizjattivi għall-għarfiern dwar il-films, speċjalment dawk immirati għal udjenza żagħżugħa, maħsuba għall-promozzjoni internazzjonali tad-diversità tax-xogħlijiet awdjoviżivi u għaż-żieda tad-domanda pubblika għal kontenut awdjoviżiv kulturalment differenti.

(a)

pjan annwali ta’ ħidma, inklużi l-prijoritajiet;

(b)

analiżi statistika annwali interna tar-riżorsi tal-programm, inkluż it-tqassim bejn il-miżuri f’oqsma differenti;

(c)

il-linji gwida ġenerali għall-implimentazzjoni tal-programm;

(d)

il-kontenut tas-sejħiet għall-proposti, id-definizzjoni tal-kriterji u l-proċeduri għall-għażla tal-proġetti;

(e)

għażla tal-proposti għall-allokazzjoni ta’ fondi Komunitarji li jeċċedu:

(a)

jikkontribwixxi għad-dibattitu u għall-informazzjoni dwar l-Unjoni bħala żona ta’ paċi, prosperità u sigurtà;

(b)

jippromwovi l-prinċipju fundamentali tal-libertà tal-espressjoni;

(c)

jqajjem kuxjenza dwar l-importanza tad-diversità kulturali, tal-valuri komuni, tad-djalogu interkulturali u l-multilingwiżmu fid-dinja;

(d)

isaħħaħ il-bażi ta’ għarfien tal-ekonomija Ewropea u jikkontribwixxi għat-tisħiħ tal-kompetittività globali tal-Unjoni; u

(e)

jgħin fil-ġlieda kontra kull xorta ta’ diskriminazzjoni bbażata fuq is-sess, ir-razza jew l-oriġini etnika, ir-reliġjon jew it-twemmin, diżabbilitajiet, l-età jew l-orjentazzjoni sesswali.

(a)

komunikazzjoni dwar il-kontinwazzjoni possibbli tal-programm sal-31 ta’ Jannar 2012;

(b)

rapport ta’ evalwazzjoni ex post sal-31 ta’ Diċembru 2015.