DEĊIŻJONI TAL-KUMMISSJONI

tal-14 ta’ Diċembru 2009

li temenda d-Deċiżjoni 2004/407/KE dwar l-awtorizzazzjoni tal-importazzjonijiet tal-ġelatina fotografika fir-Repubblika Ċeka

(notifikata bid-dokument numru C(2009) 9899)

(It-testi biċ-Ċek, bl-Olandiż, bl-Ingliż, bil-Franċiż u bil-Ġermaniż biss huma awtentiċi)

(2009/960/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jippreskrivi regoli tas-saħħa li jirrigwardaw prodotti sekondarji tal-annimali mhux maħsuba għall-konsum uman (1) u b’mod partikolari l-Artikolu 4(4) u Artikolu 32(1) tiegħu,

Billi:

(1)	Ir-Regolament (KE) Nru 1774/2002 jipprojbixxi l-importazzjoni u t-tranżitu tal-prodotti sekondarji u pproċessati tal-annimali fl-Unjoni sakemm ma jkunux ġew awtorizzati skont dak ir-Regolament.

(2)

Id-Deċiżjoni tal-Kummissjoni 2004/407/KE tas-26 ta’ April 2004 dwar regoli tranżitorji rigward is-saħħa u ċ-ċertifikazzjoni skont ir-Regolament (KE) Nru 1774/2002 tal-Parlament Ewropew u tal-Kunsill l-dwar importazzjoni minn ċerti pajjiżi terzi ta’ ġelatina fotografika (2) tipprevedi, li l-Belġju, il-Lussemburgu, l-Olanda u r-Renju Unit għandhom jawtorizzaw l-importazzjoni ta’ ċerta ġelatina maħsuba b’mod esklużiv għall-industrija fotografika (ġelatina fotografika), b’konformità ma’ dik id-Deċiżjoni.

(3)

Id-Deċiżjoni 2004/407/KE tipprevedi li tiġi awtorizzata biss l-importazzjoni tal-ġelatina fotografika mill-pajjiżi terzi elenkati fl-Anness ta’ dik id-Deċiżjoni, jiġifieri l-Ġappun u l-Istati Uniti tal-Amerika. Skont din id-Deċiżjoni, il-kunsinni importati għandhom jiġu trasportati sal-impjant destinatarju f’kundizzjonijiet stretti ta’ passaġġ, sabiex jiġu evitati riskji potenzjali għas-saħħla pubblika u dik tal-annimali.

(4)

Ir-Repubblika Ċeka ressqet talba għall-awtorizzazzjoni tal-importazzjoni tal-ġelatina fotografika minn dawk il-pajjiżi terzi lejn stabbiliment fit-territorju tagħha. Ir-Repubblika Ċeka kkonfermat li l-kundizzjonijiet stretti ta’ passaġġ skont id-Deċiżjoni 2004/407/KE se jiġi applikati sabiex jiġu evitati r-riskji potenzjali għas-saħħa.

(5)

Skont dan, u bi stennija għar-reviżjoni tar-rekwiżiti tekniċi għall-importazzjoni tal-prodotti sekondarji mill-annimali skont ir-Regolament dwar il-prodotti sekondarji mill-Annimali, (KE) Nru 1069/2009 tal-Parlament Ewropew u tal-Kunsill (3), ir-Repubblika Ċeka tista’ titħalla tawtorizza l-importazzjoni tal-ġelatina fotografika suġġetta għall-konformità mal-kundizzjonijiet stipulati fid-Deċiżjoni 2004/407/KE. Madankollu, minħabba raġunijiet ġeografiċi, dawn l-importazzjonijiet jafu jgħaddu mill-Ġermanja.

(6)	Id-Deċiżjoni 2004/407/KE għandha għalhekk tiġi emendata skont dan.

(7)	Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

Id-Deċiżjoni 2004/407/KE hija emendata kif ġej:

L-Artikolu 1 għandu jiġi sostitwit b’dan li ġej:

“Artikolu 1

Deroga li tikkonċerna l-importazzjoni tal-ġelatina fotografika

B’deroga mill-Artikolu 29(1) tar-Regolament (KE) Nru 1774/2002, il-Belġju, ir-Repubblika Ċeka, il-Lussemburgu, l-Olanda u r-Renju Unit għandhom jawtorizzaw l-importazzjoni ta’ ġelatina prodotta minn materjali li fihom il-kolonna vertebrali bovina kklassifikata bħala materjal tal-Kategorija 1 skont dak ir-Regolament, maħsuba esklużivament għall-industrija fotografika (ġelatina fotografika), b’konformità ma’ din id-Deċiżjoni.”

2.	L-Artikolu 9 għandu jiġi sostitwit b’dan li ġej: “Artikolu 9 Destinatarji Din id-Deċiżjoni hija indirizzata lir-Renju tal-Belġju, ir-Repubblika Ċeka, il-Gran Dukat tal-Lussemburgu, ir-Renju tal-Olanda u r-Renju Unit tal-Gran Brittanja u l-Irlanda ta’ Fuq.”

3.	L-Annessi I u III huma emendati skont l-Anness ta’ din id-Deċiżjoni.

Artikolu 2

Din id-Deċiżjoni għandha tapplika mill-1 ta’ Jannar 2010.

Artikolu 3

Din id-Deċiżjoni hija indirizzata lir-Renju tal-Belġju, ir-Repubblika Ċeka, il-Gran Dukat tal-Lussemburgu, ir-Renju tal-Olanda u r-Renju Unit tal-Gran Brittanja u l-Irlanda ta’ Fuq.

Magħmul fi Brussell, l-14 ta’ Diċembru 2009.

Għall-Kummissjoni

Androulla VASSILIOU

Membru tal-Kummissjoni

(1) ĠU L 273, 10.10.2002, p. 1.

(2) ĠU L 151, 30.4.2004, p. 11.

(3) ĠU L 300, 14.11.2009, p. 1.

ANNESS

L-Annessi I u III qed jiġu emendati kif ġej:

L-Anness I jinbidel b’dan li ġej:

“ANNESS I

Il-Pajjiżi terzi u l-impjanti tal-oriġini, l-Istati membri destinatarji, l-istazzjonijiet ta’ spezzjoni fil-fruntiera tal-ewwel dħul fl-unjoni u l-fabbriki fotografiċi approvati

Il-Pajjiż terz tal-oriġini

L-impjanti tal-oriġini

Stat Membru destinatarju

Stazzjon ta’ spezzjoni fil-fruntiera tal-ewwel dħul fl-Unjoni

Fabbriki fotografiċi approvati

Il-Ġappun

Nitta Gelatin Inc.

2-22 Futamata

Yao-City, Osaka

581 – 0024 Il-Ġappun

Jellie Co. ltd.

7-1, Wakabayashi 2-Chome,

Wakabayashi-ku,

Sendai-city, Miyagi,

982 Il-Ġappun

NIPPI Inc. Gelatin Division

1 Yumizawa-Cho

Fujinomiya City Shizuoka

418 – 0073 Il-Ġappun

L-Olanda

Rotterdam

FUJIFILM Europe B.V.,

Oudenstaart 1

5047 TK Tilburg,

L-Olanda

Nitta Gelatin Inc.

2-22 Futamata

Yao-City, Osaka

581 – 0024, Il-Ġappun

Ir-Renju Unit

Liverpool Felixstowe

Kodak Ltd Headstone Drive, Harrow, MIDDX

HA4 4TY,

Ir-Renju Unit

Ir-Repubblika Ċeka

Hamburg

FOMA BOHEMIA spol. s r.o.

Jana Krušinky 1604

501 04 Hradec Králove,

Ir-Repubblika Ċeka

L-Istati Uniti tal-Amerika

Eastman Gelatine Corporation,

227 Washington Street,

Peabody, MA, 01960 L-Istati Uniti tal-Amerika

Gelita North America,

2445 Port Neal Industrial Road Sergeant Bluff, Iowa, 51054 L-Istati Uniti tal-Amerika

Il-Lussemburgu

Antwerp

Zaventem

Il-Lussemburgu

DuPont Teijin

Luxembourg SA

PO Box 1681

L-1016

Il-Lussemburgu

Ir-Renju Unit

Liverpool

Felixstowe

Kodak Ltd

Headstone Drive,

Harrow, MIDDX HA4 4TY,

Ir-Renju Unit

Eastman Gelatine Corporation, 227 Washington Street,

Peabody, MA, 01960 L-Istati Uniti tal-Amerika

Ir-Repubblika Ċeka

Hamburg

FOMA BOHEMIA spol. s r.o.

Jana Krušinky 1604

501 04 Hradec Králove,

Ir-Repubblika Ċeka’”

(2)

L-Anness III għandu jinbidel b’dan li ġej:

“ANNESS III

MUDELLI TAĊ-ĊERTIFIKATI TAS-SAĦĦA GĦALL-IMPORTAZZJONI MINN PAJJIŻI TERZI TA’ ĠELATINA TEKNIKA GĦALL-UŻU MILL-INDUSTRIJA FOTOGRAFIKA

Noti

(a)

Ċertifikati veterinarji għall-importazzjoni ta’ ġelatina teknika għall-użu mill-industrija fotografika għandhom jiġu prodotti mill-pajjiż li jesporta, ibbażati fuq il-mudell li jidher f’dan l-Anness III. Għandu jkun fihom l-attestazzjonijiet li huma meħtieġa għal kull pajjiż terz u, skont il-każ, dawk il-garanziji supplementari li huma meħtieġa għall-pajjiżi terzi li jesportaw jew parti minnhom.

(b)	L-oriġinali ta’ kull ċertifikat għandu jikkonsisti minn paġna waħda, iż-żewġ naħat, jew fejn tinħtieġ aktar kitba, għandu jkun f’tali forma li l-paġni kollha li hemm bżonn ikunu parti magħquda b’mod integrat u li ma jistax jinqasam.

(c)

Għandu jitfassal f’mill-inqas wieħed mill-ilsna uffiċjali tal-Istat Membru tal-UE li fih għandha titwettaq l-ispezzjoni fl-istazzjon ta’ spezzjoni fuq il-fruntiera tal-UE u tal-Istat Membru tal-UE destinatarju. Madankollu, dawn l-Istati Membri jistgħu jippermettu ilsna oħra, jekk meħtieġ, akkumpanjati minn traduzzjoni uffiċjali.

(d)	Jekk għal raġunijiet ta’ identifikazzjoni tal-oġġetti tal-kunsinna, jinhemżu paġni supplimentari maċ-ċertifikat, dawn il-paġni għandhom jitqiesu wkoll parti miċ-ċertifikat oriġinali permezz tal-applikazzjoni tal-firma u t-timbru tal-veterinarju uffiċjali li qed jiċċertifika, fuq kull paġna.

(e)

Meta ċ-ċertifikat, inkluzi t-tabelli supplimentari msemmija f’d), jinkludi aktar minn paġna waħda, kull paġna għandha tingħata numru -(numru tal-paġna) minn (numru totali ta’ paġni)– fil-qiegħ u għandha jkollha n-numru tal-kodiċi taċ-ċertifikat, li jkun ġie magħżul mill-awtorità kompetenti, fil-parti ta’ fuq tagħha.

(f)	L-oriġinali taċ-ċertifikat irid jimtela u jiġi ffirmat mill-veterinarju uffiċjali. B’dan il-mod, l-awtoritajiet kompetenti tal-pajjiż li jkun qed jesporta għandhom jiżguraw li jiġu segwiti l-prinċipji taċ-ċertifikazzjoni ekwivalenti għal dawk stipulati fid-Direttiva tal-Kunsill 96/93/KE.

(g)	Il-kulur tal-firma għandu jkun differenti minn dak tat-test stampat. L-istess regola tapplika għal timbri oħra għajr dawk ibbuzzati fil-karta jew marka tal-ilma.

(h)	Iċ-ċertifikat oriġinali għandu jakkumpanja l-kunsinna fl-istazzjon ta’ spezzjoni tal-UE fuq il-fruntiera sakemm tasal sal-fabbrika fotografika destinatarja.

Test ta 'immaġni

Test ta 'immaġni

Parti II: Ċertifikazzjoni

PAJJIŻ

Ġelatina teknika mhux maħsuba għall-konsum mill-bniedem biex tintuża mill-industrija fotografika

II. TAGĦRIF DWAR IS-SAĦĦA

II.a. Numru ta’ referenza taċ-ċertifikat

II.b.

II.1. Attestazzjoni tas-saħħa

Jien, l-uffiċjal li hawn taħt qed niffirma, niddikjara li qrajt u fhimt ir-Regolament (KE) Nru 1774/2002 (1) u niċċertifika li l-ġelatina fotografika deskritta hawn fuq:

II.1.1. tikkonsisti esklużivament minn ġelatina fotografika għall-użi fotografiċi u mhix maħsuba għal xi skop ieħor;

II.1.2. ġiet ippreparata u maħżuna f’impjant approvat, ivvalidat u sorveljat mill-awtorità kompetenti skont l-Artikolu 18 tar-Regolament (KE) Nru 1774/2002, li ma jipproduċix ġelatina għall-ikel, l-għalf jew użi tekniċi oħra maħsuba għad-dispaċċ lejn l-Unjoni;

II.1.3. ġiet ippreparata mill-prodotti sekondarji tal-annimali li jaqgħu taħt il-Kategorija 3 u/jew mill-kolonna vertebrali bovina kklassifikata bħala materjal tal-Kategorija 1;

II.1.4. tġeżwret, ġiet ippakkjata, inħażnet u ġiet trasportata f’kundizzjonijiet iġjeniċi sodisfaċenti;

II.1.5. ġiet prodotta bi proċess li jiżgura li l-materja prima tkun:

(a) ipproċessata bil-Methodu 1 (2) tal-Kapitolu III tal-Anness V tar-Regolament (KE) Nru 1774/2002 jew

(b) suġġetta għal:

(i) trattament bl-aċidu għal tal-inqas jumejn, ħasil bl-ilma u trattament b’soluzzjoni alkalina għal tal-inqas 20 jum; il-pH għandu jiġi aġġustat u l-materjal imsaffi permezz ta’ filtrazzjoni u sterilizzazzjoni f’temperatura ta’ 138-140 °C għal 4 sekondi; jew

(ii) trattament bl-alkali għal tal-anqas jumejn, ħasil bl-ilma u trattament b’soluzzjoni tal-aċidu għal 10-12-il siegħa; il-pH għandu jiġi aġġustat u l-materjal imsaffi permezz ta’ filtrazzjoni u sterilizzazzjoni f’temperatura ta’ 138-140 °C għal 4 sekondi

II.1.6. tgeżwret u ġiet ippakkjata f’materjal tat-tgeżwir u pakketti li jkollhom il-kliem ĠELATINA FOTOGRAFIKA GĦALL-INDUSTRIJA FOTOGRAFIKA BISS’.

Noti

Parti I:

Kaxxa ta’ referenza I.5: Id-destinazzjoni maħsuba għall-ġelatina fotografika tista’ tkun biss ir-Repubblika Ċeka, il-Lussemburgu, l-Olanda jew ir-Renju Unit.

Kaxxa ta’ referenza I.9: Pajjiż destinatarju: applikabbli biss għar-Repubblika Ċeka, il-Lussemburgu, l-Olanda jew ir-Renju Unit.

Kaxxa ta’ referenza I.15: Numru tar-reġistrazzjoni (vagun ferrovjarju jew kontejner u trakkijiet), numru tat-titjira (mezz tal-ajru) jew isem (bastiment); għandu jingħata tagħrif separat fil-każ tal-ħatt u t-tagħbija mill-ġdid.

Kaxxa ta’ referenza I.23: Identifikazzjoni tal-kontejner/numru tas-siġill: fejn applikabbli biss.

Parti II:

(1) ĠU L 273, 10.10.2002, p. 1.

(2) Il-Metodu 1 hu kif ġej:

‘Riduzzjoni

1. Jekk id-daqs tal-partikola tal-prodotti sekondarji tal-annimali li jkunu se jiġu pproċessati jkun ta’ iktar minn 50 millimetru, id-daqs tal-prodotti sekondarji tal-annimali għandu jitnaqqas bl-użu tat-tagħmir adattat, b’tali mod li d-daqs tal-partikola wara r-riduzzjoni ma jkunx ta’ iktar minn 50 millimetru. L-effettività tat-tagħmir trid tiġi spezzjonata kuljum u l-kundizzjoni tagħha dokumentata. Jekk spezzjonijiet jiżvelaw l-eżistenza ta’ partikoli li huma akbar minn 50 millimetru, il-proċess irid jitwaqqaf u jridu jsiru tiswijiet qabel ma jerġa’ jinbeda l-proċess.

Ħin, temperatura u pressjoni

2. Wara r-riduzzjoni, il-prodotti sekondarji tal-annimali għandhom jissaħħnu sa temperatura fil-qalba ta’ iktar minn 133 °C għal tal-anqas 20 minuta mingħajr waqfien bi pressjoni (assoluta) ta’ tal-anqas 3 bar prodotta minn fwar issaturat; it-trattament tat-tisħin jista’ jiġi applikat bħala l-uniku proċess jew bħala proċess ta’ qabel jew ta’ wara l-fażi ta’ sterilizzazzjoni.

3. L-ipproċessar jista’ jsir jew b’sistemi ta’ gruppi jew b’sistemi kontinwi.’

Il-firma u t-timbru għandhom ikunu b’kulur differenti minn dak tal-kliem stampat.

Nota għall-persuna responsabbli mit-tagħbija fl-UE: dan iċ-ċertifikat huwa maħsub għal skopijiet veterinarji biss u għandu jakkumpanja l-kunsinna sa ma tasal sal-fabbrika fotografika destinatarja mill-post ta’ spezzjoni fuq il-fruntiera.

Veterinarju uffiċjali jew spettur uffiċjali

Isem (b’ittri kbar):

Kwalifika u titlu:

Data:

Firma:

Timbru”