DEĊIŻJONI TAL-KUNSILL

tad-19 ta’ Ottubru 2009

dwar il-konklużjoni tal-Ftehim bejn il-Komunità Ewropea u l-Konfederazzjoni Svizzera li jemenda l-Anness 11 tal-Ftehim bejn il-Komunità Ewropea u l-Konfederazzjoni Svizzera dwar il-kummerċ ta’ prodotti agrikoli

(2009/805/KE)

IL-KUNSILL TAL-UNJONI EWROPEA,

Wara li kkunsidra t-Trattat li jistabblixxi l-Komunità Ewropea, u b’mod partikolari l-Artikoli 37, 133 u 152(4)(b), flimkien mal-ewwel subparagrafu tal-Artikolu 300(3) tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew,

Billi:

(1)	Il-Kummissjoni kienet innegozjat, f’isem il-Komunità, Ftehim bejn il-Komunità Ewropea u l-Konfederazzjoni Svizzera li jemenda l-Anness 11 tal-Ftehim bejn il-Komunità Ewropea u l-Konfederazzjoni Svizzera dwar il-kummerċ ta’ prodotti agrikoli.

(2)	Il-Ftehim, flimkien mal-Att Finali tiegħu, ġie ffirmat, f’isem il-Komunità, fit-23 ta’ Diċembru 2008 soġġett għall-konklużjoni tiegħu, skont id-Deċiżjoni tal-Kunsill 2008/979/KE (1).

(3)	Il-Ftehim għandu jiġi approvat,

IDDEĊIEDA KIF ĠEJ:

Artikolu 1

Il-Ftehim bejn il-Komunità Ewropea u l-Konfederazzjoni Svizzera li jemenda l-Anness 11 tal-Ftehim bejn il-Komunità Ewropea u l-Konfederazzjoni Svizzera dwar il-kummerċ ta’ prodotti agrikoli (2), flimkien mad-Dikjarazzjoni mehmuża mal-Att Finali tiegħu, huwa b’dan approvat f’isem il-Komunità.

Artikolu 2

Il-President tal-Kunsill għandu, f’isem il-Komunità, jagħti n-notifika prevista fl-Artikolu 2 tal-Ftehim (3).

Artikolu 3

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.

Magħmul fil-Lussemburgu, id-19 ta’ Ottubru 2009.

Għall-Kunsill

Il-President

E. ERLANDSSON

(1) ĠU L 352, 31.12.2008, p. 23.

(2) ĠU L 352, 31.12.2008, p. 24.

(3) Id-data tad-dħul fis-seħħ tal-Ftehim ser tiġi ppubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.